رواية بالصدفه بحب الفصل الثامن 8 بقلم نوران أحمد

رواية بالصدفه بحب الفصل الثامن 8 بقلم نوران أحمد

رواية بالصدفه بحب البارت الثامن

رواية بالصدفه بحب الجزء الثامن

رواية بالصدفه بحب الحلقة الثامنة

سالم بصدمه : م م ماتت ازاي لا لا لا اكيد بتضحك عليا مش عايزني ااذيها قول الحقيقه وانا مش هعمل حاجه
رامي بحزن : بعد ما اتحدت العالم عشانك وبعدت عن أهلها بسبب رفضهم ليك وخلاص اتفقتو علي يوم الفرح كنا بنتكلم انا وهي في كافيه
فلاش باك
رنا وهي بتضحك : شوفتني وانا داخله القفص برجليا بعد ما كنت بقول لااااا لااااا ولا اي حد عاجبني
رامي : لا واي سبتي كل الشباب الحلوه وملقيتيش غير سالم ده شبه دراكولا وعصبي ولا يطاق ازاي ده احنا نبص في وشك وابتسامتك الدايما نفرح ونحس الدنيا بخير اول ما ابص في وشه بكره الدنيا ازاي مستحملاه قدامك فرصه فكري اهربي منه يا بنتي وانفدي بجلدك
رنا بابتسامه رقيقه : غلطان يا رامي سالم قلبه نضيف اوي وطيب اوي وحنين اوي ميغركش شكله وعصبيته ده مع الناس اللي بره أما أنا لا وده اللي محببني فيه
اتحولت ملامح رامي من الابتسامه لصدمه لما شاف د 🩸م نازل من مناخيرها واغمي عليها لحقها بسرعه وراح المستشفى
كنت واقف متوتر وخايف لحد ما طلع الدكتور
الدكتور : ازاي ساكتين عليها كل ده لحد ما حالتها اتدهورت كدا ازاي قدرت تستحمل التعب من غير ادويه الفتره اللي فاتت دي اي مبتحسوش خالص كدا
رامي : لا انا انا مش فاهم اي الحكايه ممكن تفهمني هي مالها
الدكتور بحزن : للاسف هي عندها اللوكيميا أو سرطان الدم وحالتها متأخره جدا
رامي : لا لا لا مستحيل ازاي هي طبيعيه مفيهاش حاجه ازاي ظهر ده
الدكتور : أعراضها كتير وممكن متكونش واخد بالك زي
الحمى.
التعب الدائم والوهن.
العدوى المتكررة.
فـَقـْد الشهية أو انخفاض الوزن.
انتفاخ الغدد اللمفاوية.
تضخم الكبد أو الطحال.
سهولة النزف أو ظهور الكدمات.
ضيق النفس خلال النشاط البدني أو عند صعود الدرجات.
ظهور نقاط وبقع صغيرة حمراء اللون على الجلد.
فرط التعرّق وخاصةً في ساعات الليل.
أوجاع أو حساسية في العظام.
رامي بحزن : اي الحل لو سمحت اكيد في حل
الدكتور : انا بقولك مقدما البقاء لله عن اذنك
دخلت عليها لقيت دموعها بتنزل ولسه بتضحك
رنا : زعلان ليه ده انا كدا هرتاح يا رامي متزعلش انا راضيه ومبسوطه بس طلب واحد بس اوعي تعرف سالم باي حاجه خالص انا انا هتحمل كل حاجه لوحدي هو مش هيقدر يتحمل يشوفني تعبانه وممكن يحصله حاجه بعدي ومش هيفتح قلبه لحد ولا هيشوف حياته انا حياتي خلاص انتهت ساعدني انقذ حياته
رامي بضيق : انتي بتهزري انتي اكتر واحده دلوقتي محتاجه اللي يقف جنبك ازاي بتفكري فيه وبس فوقي
رنا : انا سمعت كلام الدكتور يا رامي وخلاص مبقاش ليا كتير ساعدني أفهمه اني وحشه وخاينه عشان يبعد عني وهو مرتاح ويشوف غيري مش هرتاح وهو متعذب في الدنيا بسببي
باك
رامي بحزن : ده اللي حصل ومن بعدها بقت تعمل اكتر من حاجه عشان تفهمك انها وحشه وتبعدك عنها وانت فعلا اقتنعت انها خاينه وصدقت اني ممكن اخونك يا صاحبي اخر كلماتها مهما يعمل يا رامي خليك جنبه سيباه امانه في رقبتك
وقع سالم علي الارض وفضل يعيط ويصوت بصوت عالي
مشي رامي طبطب عليه وفك شهد وشالها ومشي
شهد بدموع : مش المفروض تفضل جنبه حالته صعبه اوي مكنتش متوقعه الهضبه دي تقع بسهوله كدة احم صح انت كنت خايف عليا اوي كدا ليه
رامي : انتي شايفه ان ده وقته
شهد : طب شايلني ليه نزلني يا جدع مش هتخطف يعني وعلي فكره كان ممكن اتصرف لوحدي مكنش المفروض تيجي
رامي : مش ضامنك ممكن تتخطفي فعلا خليكي فاكره دايما عمري ما هسيبك تواجهي اي حاجه لوحدك
اتكسفت شهد واول ما وصلو
جريت رندا عليها وحضنتها
رندا بدموع : كنت خايفه عليكي اوي ومكلتش اي حاجه من حزني عليكي يلا نروح ناكل
رامي : مالك يا ابني عملت فيك اي اول مره اشوفك متضايق
كارم : كلت نص البوفيه وبتقولك مكلتش حاجه لا واي عايزه تاكل تاني انا اتخرب بيتي يا جدع وياريت بيبان علي أهلها
ضحكت شهد : كنت عارفه والله دي اللي بينطبق عليها مثل عض قلبي ولا وتعض رغيفي قرب منها شاب بلهفه
سيف بفرحه : اخيرا لقيتك كنت خايف عليكي اوي مصدقتش لما عرفت انك هنا
شهد بابتسامه : والله ليك وحشه يا سيف صدفه حلوه اني اشوفك
سيف : لا دي مش صدفه دورت عليكي كتير لحد ما عرفت اوصلك
كارم : اهدي يا صاحبي الدخان اللي طالع منك عماني وبتتريق علي غيرتي علي رندا ده انت واقع بتغير
رامي بغضب : لا عادي ما انا بغير عليك بردو مش حوار
كارم : ما انا عارف اني زي القمر ويتغار عليا فعلا ولا رايح فين خد هنا متمشيش وراهم ورانا شغل ولا كأني بتكلم …. نعم واقفه كدة ليه وبتبصيلي ممشيتيش مع صاحبتك ليه
رندا بطفوله : اصل سيف جه يعني مش هناكل هيفضلو يتكلمو كتير ممكن تاكلني
كارم بضيق : صبرني يا رب ماشي مع لغد مفيش كلمه حلوه حتي كله اكل اكل اكل بتعرفي تعملي اكل علي كده
رندا بفرحه : مفيش بنت بتحب الأكل مبتعرفش تعمله ده انا هبهرك
كارم : مش متفائل بس قدامي
في كافيه سيف وشهد بيضحكو ورامي بيشيط في النص
سيف بفرحه مسك ايدها اتوترت شهد
رامي بابتسامه غضب سحب ايده : ايدك يا حبيبي كلمني انا
سيف بضيق : وتطلع مين انت ان شاء الله مين ده يا شهد
بصلها رامي بغضب خافت شهد
شهد بتوتر : احم هو هو صديق يعني زيك كدا
ابتسم رامي وحط ايده علي ايدها وضغط جامد وقرب منها وهمس بغضب : لو متحركتيش من مكانك وطلعتي اوضتك دلوقتي حالا هزعلك واتحملي جناني واللي هعمله دلوقتي حالا من غير ولا كلمه فوق
وقفت شهد بخوف وبصتلهم بقلق ومشيت
سيف : شهد استني لسه في كلام كتير عايز اقوله
رامي : لا يا حبيبي الكلام لحد هنا وخلص خلاص ومشوفكش مقرب منها ولو ثانيه هكسر رجلك اللي قربت واحمد ربنا اني مكسرتش ايدك اللي لمستها ثانيه واحده قدامي وهتغابي عليك
مشي سيف بسرعه وهو بيقول : ده اكيد مجنون ده في اي رندا عايزك
كارم : لا يا حبيبي ميحطش عليك ف تيجي عندي انا لو هو مجنون ف انا اجن منه ابعد عن وشي احسنلك وابعد عنها يا وحش يلا بدل ما اروق عليك رجالتي في كل حته
رندا : حرام عليك عملك اي ده عشان تزعقله كدا علي فكره سيف طيب وحلو اوي
كارم بغضب : نعم يا روح امك ماله حلو اه طب يلا يلا علي اوضتك بدل ما اكسرلك وشك
رندا : لا مخلصتش اكل انت عنيف اوي كدا ليه حد قالك انك قليل الادب قبل كدا ا ا اي اي شكلك بقا ي يخوف ليه خلاص خلاص هطلع
ومن بعيد شخص بخبث : اجل يا سيدي اراقبها جيدا اذا التنفيذ اليوم

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية بالصدفه بحب)