رواية ست الحسن الفصل الخامس 5 بقلم زهرة الربيع

رواية ست الحسن الفصل الخامس 5 بقلم زهرة الربيع

رواية ست الحسن البارت الخامس

رواية ست الحسن الجزء الخامس

رواية ست الحسن الحلقة الخامسة

قطعت فرامل عربيته…لاني قطعت وعد على نفسي لو مابقتيش طليقته هتبقي ارملته
حسنه اتسعت عنيها بزهول شديد وصدمه ومسكته من هدومه وقالت …..انت…انت بتقول ايه…لا..لا كداب…كداااب
ودفعته وجريت وهيه بتصرخ وبتقزل…. مجاااااااااااهد
بس قبل ما تطلع مسكها بقوه وقال ….مفيش فايده من اللي بتعمليه ده مش هتلحقيه هيموووت خلااص
حسنه بصتلو بصدمه و دموع وما قدرتش تقف على رجليها اكثر وفقدت توازنها واغمى عليها فجأه
عرفان ابتسم وقال…كنت متأكد مش هتتعبيني
وشالها و طلع بيها من باب المطبخ الوراني وراح بيها على عربيته
قعدها في العربيه وركب جمبها ولسه هيطلع اتصدم بشده لما لقى مجاهد واقف قدام العربيه وبيبصله بنظرات ترعب انتفض حرفيا وهو مش مصدق اللي بيحصل وازاي مجاهد لسه هنا
مجاهد شاور له بايده بمعنى ينزل من العربيه
عرفان نزل بتوتر وخوف وارتبك اكتر لما شاف ابوه كمان كان بيبصله بزهول ومش مصدق وقال….. يعني اللي فكرنا فيه صوح انت فعلا بتبعدنا من البيت علشان تخطف بت عمك
عرفان نزل راسو في الارض وسكت
و مجاهد راح ناحيه حسنه وبص لعمه وقال ….انا هاخد مرتي ونروح نقعد في شقتي القديمه..انا مش هقولك مشي ولدك من الدار….وعلشان نفضل سوا زي الاول مش هينفع….انا مبقيتش امن على مرتي يا عمي
و لسه هيشلها عرفان قال بسرعه….خليها…خدها بالعربيه دي…. ما تطلعوش بعربيتك
ابوه بصلو بدهشه ومجاهد ابتسم بسخريه وفهمو بسرعه وقال..عطلتها…كنت عايز تموت ولد عمك يا عرفان
بقلم..زهرة الربيع
عرفان قال بغضب….احنا مبقناش اولاد عم و
بس قطع كلامه لما ابوه ضربه قلم قوي وقعه على الارض وقال بزهول….للدجه دي انا ما عرفتش اربيك
مجاهد بص له بحزن وقال…المشكله مش في ربايتك يا عمي المشكله في طينته نفسها
عرفان حط ايده على خده ونزل راسو بدموع
وابوه بصلو بحسره والتفت لمجاهد بحزن وقال…..متمشيش يا مجاهد يا ولدي ما خلينا نحل الموضوع بينا وهو هيوعدك مهيكررهاش
مجاهد ابتسم وقال….معلش يا عم سيبني على راحتك والايام كفيله بكل شيء….انا هروح بعربيتك يا عمي و لما يرجعوا امي ومرت عمي من مشوارهم قلهم اننا هنعيش في الشقه بتاعتي اللي اشتريتها والاختيار ليهم لو حابين ياجو معانا او يقعدو هنا الاتنين بيوتهم
واخد حسنه على عربية عمه وطلع بيها على شقتهم
عمه بص لطيفهم بحزن والافت لعرفان وقال بحسره…ياخساره يا ولدي اخر حاجه اتوقعتها تسويلك نفسك قتل ولد عمك اللي مربيك في ضلوا
بعد ساعه حسنه فتحت عينها لقت نفسها في بيت غريب بقت تبص للمكان بتحاول تفتكر اللي حصل ونزلت دموعها لما افتكرت اللي عرفان قاله… قالت بوجع…. مجاهد حبيبي
ولسه هتقف مجاهد طلع من الحمام وبص لها وقال بلهفه….انتي فوقتي يا قلبي كويسه دلوك
حسنه اتسعت عنيها بصدمه لما شافته قدامها وابتسمت وسط دموعها وجريت عليه حضنته بكل قوتها وهيه مش مصدقه انه قدامها
بقت تحضنه وتمشي ادها على ظهري وتحاول تتاكد من وجودك وقالت بدموع… انت زين انت معاي يا قلبي انا ممصدقاش يا حبيبي كنت هموت فيها …وبقت تبكي بكل قوتها
مجاهد بقى يحضنها بقوه واتاكد من رعبها ده ان عرفان قلها انه قطع فرامل العربيه
شالها وحطها على السرير بالراحه وقال.. اهدي يا حبيبتي انا قدامك اها بخير وأهد جبل…. هو الحيوان ده قال لك ايه
حسنه قالت بدموع….قالي ان ما فيش حاجه حاصله في المخزن وانو بعتك عشان قطع فرامل عربيتك وبعد كده قلبي اتقلع وما حسيتش بالدنيا ..هو ايه اللي حصل
مجاهد اتنهد بحزن وقال…. اللي حصل اني ما كانش لازم اسيبك هناك حقك على قلبي… انا فعلا كنت هطلع في العربيه وقبل ما امشي قلت اتصلت على واحد من اللي شغالين في المخزن واشوف الموضوع واتأكد منو عشان اتصل بالمطافي …بس اتفاجات لما اكد لي ان ما فيش حاجه هناك وقالي اللي قالك كده بيضحك عليك
وقتها طلع عمي وكان هيركب عربيته وقفتو وقلت له ان ما فيش حاجه في المخزن واستغرب زيي قعدنا نفكر مين اللي ممكن يكون لها مصلحه يعمل كده…واول واحد خطر في بالي عرفان ببص ما لقيتش عربيته اخدت عمي ولفينا حوالين. الدار واللي اتوقعتوا لقيته كان فعلا راكنها ورا البيت علشان يخطفك انا قلبي وقع في رجلي ولسه هرجع ادخل البيت لقيته طلع وهو شايلك ومغمى عليكي …وعرفت منو انه قاطع الفرامل
…انا جبتك هنا لاننا مش هنقعد معاهم تاني وامك و امي هجيبهم يقعدوا معانا لو هما حابين
حسنه قالت بدموع…طب وعمي ومرت عمي نسيبهم
مجاهد قال بحزن….. على عيني والله يا قلبي…بس مش هينفع اسيبك مع الكلب ده هناك مش هامن اطلع شغل ولا اعمل اي حاجه …هنقعد هنا ووالدتك ووالدتي هيبقو معاكي وهجيب لكم حرس على البيت …وعمي ومرتو هنبقى نزورهم من وقت للتاني
حسنه ابتسمت واحتضنت خدوده باديها وقالت بدموع…. المهم ان انت زين ما حصلتلكش حاجه ده عندي بالدنيا كلها …انا مكنتش اعرف اني بحبك قوي كده غير لما عرفت اني ممكن اخسرك ا تمنيت وقتها لو كنت مكانك يا مجاهد المهم تبقى بخير
مجاهد قربها لحضنه وقال….. ما تقوليش كده يا عمري بعيد الشر عن عيونك ….خلاص يا حسنه احنا مع بعض والف حمد لله انك وياي ..الحمد لله انو رد تعبي في عشقك يا بت عمي
حسنه اتخبت في حضنه اكتر وقالت بابتسامه ….ربنا كريم قوي اكرمني بيك …انا صوح عمري ما اتخيلت ان ممكن في يوم تكوني حبيبي وجوزي… بس ملقيتش الحب غير معاك هو ده الاحساس اللي فعلا يتسمى حب
مجاهد ابتسم وقال بحب …بس انا من وقت ما عرفت الحب وكان انتي يا حسنه ويا اعيشه وياكي يا بلاش بعشقك يا حسنه ولا عرفت احب غيرك يا ست الحسن ❤️🌹
كنتم مع 🌹ست الحسن🌹 بقلم زهرة الربيع…زهرتكم تحيكم ودمتم في امان الله مع من تحبون🌹🥰🥰

لقراءة باقي حلقات الرواية اضغط على : (رواية ست الحسن)