رواية هربت منهم إليك الفصل السابع 7 بقلم سلسبيل أحمد

رواية هربت منهم إليك الفصل السابع 7 بقلم سلسبيل أحمد

رواية هربت منهم إليك البارت السابع

رواية هربت منهم إليك الجزء السابع

رواية هربت منهم إليك الحلقة السابعة

– اتكلمي قولي اي حاجه!
= عاوزني اقول ايه!
مكنش مصدق برودي: تقولي كنتي فين ؟؟ مشيتي ليه؟ ازاي فضلتي كل ده لوحدك ولا كنتي مع مين!! و..
شاور على البودي جارد: و مين دول ؟!
– كل دي حاجات مش مهمه دلوقتي انا مشيت.. لأني كنت عايزه امشي من البداية بس وثقت فيك انك هتساعدني اكون حره منهم و طلع عكس كده فا مشيت لوحدي!
بدأ يتنرفز: انا مش فاهم من كلامك حاجه !!! انتي بتقولي ايه بجد ؟؟ ايه الهـبل ده !! سيباني بقالك سنه و جاية فجأة مع ناس غريبة وبتقولي كلام غريب ايه الهبل ده !!! انتي سامعه كلامك؟
” بعدت خطوة لما بدأ يتعصب فا البودي جارد قربوا ناحيتي ”
ياسين بصلهم وزعق: ايه الزفت ده ؟؟؟ اطلعوا بره !!!
– ممكن تهدا !!!! ممكن !!
قرب مني فجأة وقبض ايده: انتي واعيه للي بيحصل هاه !!؟؟ واعيه ؟؟
زعقت بنرفزه: انا جايه اطلق !!!! فاهمني؟؟؟ مش عاوزاك !! مش عاوزة افضل هربانه من ولا حاجه!! انا خلاص قادره احمي نفسي ومش محتاجه ليك لسه مفهمتش ؟؟؟ انا مش عايزه مساعده حد ولا هسمح لأي بني ادم يتحكم فيا تاني فاهمني ؟
“ياسين بصلها بعدم تصديق وابتسم بسخريه”
طلع ازازه حاجه ساقعه من الى كان شاريهم و ابتسم للبودي جارد الى وراه وبعدين كسـ.رها فجأه نصين على الترابيزه وبدأ يفقد اعصابه ويتجه بيها ناحيتهم: فكروا كده تقربوا !!!!! اخرجوا من هنا حالا!!!!! سامعين حالا!!!!
” متحركوش من مكانهم وكانوا مستنين مني اي رد فعل لكني مقدرتش اقولهم يأذوه ولا عارفه اتصرف!!! ”
ياسين بنفاذ صبر: تمام
” قرب فجأة لواحد منهم و جر*حه بالازازه فأيده وانا فتحت عيوني بصدمه !!!!!!! ”
زعقت: انت اتجنـ.نـت !! بس !! بس !!! ارجعوا!!!
“شاورت بأيدي عشان امنعهم يقربوا منه مره تانيه وهو واقف قدامي مخليني مش عارفه اتحرك ناحيتهم”
– عادل خده على المستشفي حالا واتنوا الاتنين استنوا بره!!
نزل عادل مع الى ياسين عـ.ـوره لكن هما فضلوا واقفين و ياسين واقف عروقه بارزه وعنده استعداد يكمل عليهم بمنتهي السهوله بصتلهم بحده: انا قولت استنوا بره!
“خرجوا وهو لف ضهره وبصلي بتعجب”
– انتي فاكره اني بخاف ؟ وجيبالي بلطجـ.يه
بصتله بكل غضب: بلطـ.جه!!! على الأقل محدش فيهم كسـ.ر عليك ازازه !!
قرب خطوه ناحيتي وبقي قدامي مباشرة: ومحدش يقدر
رجعت لورا: انا مشيتهم! يعني مش عايزه مشاكل فاهم ده ؟؟ كل الى عاوزة اطلق وتسبوني في حالي
– انتي ازاي كده ؟؟ ازاي!
ضحكت بسخريه: انا !! انا زي مانا لكن مبقتش محتاجه لحد اثق فيه وبعدين يضحك عليا
= بتتكلمي عن ايه بالظبط !!
– عن كلامك مع عمي عليا !!! واتفاقك معاه! انك تسلمني ليهم مره تانيه!
بصلي بملامح منزعجه: ده الى خلاكي تهربي مني !! و انتي مين قالك كده اصلا متردي !!!!
= مش هتفرق انا مش عايزه اتكلم ولا عايزه اعرف حاجه كفايه لحد كده انا عايزه امشي
اتحركت ولكن وقفني لما مسك كتافي وبصلي: انا مش هسيبك!! مش بعد كل ده
بصيت لعيونه الى مكنتش قادره احارب قصادها!! وقربه ليا الى موترني ومخليني اضعف!!
“شلت ايده بهدوء وبعدت فا بصلي بعدم فهم”
– انا عايزه امشي
= تمشي فين؟؟ كنتي فين كل ده!
– مش هتفرق يا ياسين! مش مهم!
= لا مهم !!! انتي سبتيني سنه ؟؟ فاهمه يعني ايه! يعني فضلت سنه بدور عليكي وقلقان ومش فاهم عايشة ازاي وبتعملي ايه سنه بحالها مبطلتش يوم افكر فيكي و اللوم نفسي اقول يمكن زعلتك! وانتي جايه بكل برود تقولي مش مهم؟ انتي وعدتيني انك هتفضلي معايا مهما حصل!! فاكره!!
فلاش باك #
– بصيلي انا معاكي هاه.؟ متخافيش
= هتفضل معايا يا ياسين؟؟
– هفضل.. طول عمري..! انتي بقا هتفضلي معايا؟
= وانا هاروح فين يعني؟
– طيب.. اوعديني تفضلي معايا مهما حصل يا فريده
ابتسمت: بوعدك!
باك #
عيوني دمعت وبصتله: ده كان قبل ما تضحك عليا واعرف انك فالأخر زيهم
اتنرفز من كلامي: عملت ايه!!! وزيهم فإيه بظبط!!
بصتله بنفس نرفزته وقربت بقوة: تتفق معاه انك ترجعني عشان نعلن جوازنا وفالحقيقه انت اصلا هتقعدني هناك بالعافيه!!! وتحكم عليا بعد ما وافقت اتجوزك زي العبيطه !!! ولسه عاوز تعاملني كأني عبيطه ومعرفش اي حاجه!!! وانا خلاص فهمت!! فهمت كل الخطط الى عملتوها عليا !!! والبنت الى قالك عمي جلال تتجوزها و حاجات قمه فالـ !!!! قمة في القر* ف !!!!!
مسكت راسي وانا بحاول اهدي وبعدين بصتله وزقيته بغيظ وانا بزعق: انا حقيقي بكرهك !!!! انا حتي بكرهك اكتر منهم اضعاف !!! لحد الآن عاوز تضحك عليا انت ازاي كده !!!
رفع ايده الاتنين قصادي: اهدي!!
– مش ههدا !! ملكش دعوة انا كل الى عاوزة اني اطلق منك ومش عايزه اشوفك تاني ابدا !!
= انا مش هطلقك ولا هسيبك !!
زعقت في وشه: لا هطلقني !
مسكني وقربني ناحيته: مش هسيبك!!! سامعه؟؟ انا مش هسيبك تاني!! كل الى اتقالك ده غلط ومحصلش
حاولت ازقه: ابعد عني كفايه كدب مش عايزه اسعمك !!
– لا هتسمعيني انا عمري ما ضحكت عليكي يا فريده!!! انا كنت دايما عايز احميكي
= بقولك ابعد سبني
كان ماسكني بقوة: مش هقدر انا بحبك !!! انا من اول يوم وانا جمبك عشان بحبك ساعدتك فكل خطوه و كنت مستعد اعمل عشانك اي حاجه!! انا مقدرش حتي افكر آذيكي!! ولا اجبرك على حاجه مش عاوزة تعمليها صدقيني يا فريده من قبل كل ده ومن قبل ما تهربي وتسبيهم..!! انا كنت عارفك وعارف هتعملي ايه واكتر حد فاهمك زي ما قولتي عشان كده كنت عارف اني الوحيده الى هقدر اكون جمبك برضاكي وقولت لهم محدش يتدخل غيري ده كل الى حصل!! غير كده مفيش!!
” بصتله بدهشه وعدم تصديق وكذا شعور هاجمني ساب ايده واستني ردي وانا مكنتش قادره افكر ولا عارفه اعمل ايه… قربه مني بيضعفني وانا قررت مبقاش ضعيفه تاني وقبل ما اصدق اي حاجه بيقولها افتكرت اليوم الى سمعته بيتكلم فيه مع عمي.. وانوه وافق علي كلامه وهيخليني اتحبـ..س فالبلد.. بصتله واستغليت هدوءه و جريت ناحيه الباب وخرجت بسرعه وقفلته ورايا ”
– يلا بسرعه نمشي يلا!
” نزلنا انا والبودي جارد واتمنيت ميلحقناش !! ”
” ياسين كان خارج جري وراها ولكن داس على الازاز المكـ..سور فا قعد وهو بيتوـ جع وصْرب علي الترابيزه بأيده بقمه الغضب شال الازاز بالراحه من رجله و بعدين خرج بسرعه من البيت يشوفها راحت فين ولكن كانت فريده اختفت تمامًا ”
>>>>>>>>>>>>>>>>>>>>>>>>>>>>>>>>>>
|| في اسكندريه | تحت شركة coc ||
– كل ده تأخير يا هانم!!
= لا مش ممكن انت بتطلع لي منين؟
– والله انا قولت استناكي ارخم عليكي شوية لكن الوقت اتأخر واخلاقي متسمحليش اسيبك تروحي لوحدك فا هوصلك مضطر اوصلك يعني انما انا مكنتش حسابي خالص
= انت شكلك مجنـ. ون! غور من خلقتي انا فيا الى مكفيني انهارده
– اوه ماي جاد جالة طوارئ سين جيم
“عمر خد خطوتين لورا وهي مشيت لاحظ عربية ماشية جمبها و واحد منهم خرج دماغه و قال حاجه لكن هي مردتش عمر وطي على الأرض سحب حجر و حدفه على العربية فا كسر الازاز بتاعها من وراه”
ليلي بصت وراها: احيييييه! ايه الى عملته ده!
العربية وقفت فا عمر بصلها بأربتاك: بتعرفي تجري!!؟
ليلي قلبت وشها: ايه! انت اجـ.ننت
عمر مسكها ايدها وشدها: مش وقت تهزيق
“فضلوا يجروا عكس اتجاه العربية لحد ما طلعوا على الطريق بره وسط الزحمه وليلي كانت بتنهج نطرت ايده وهي واقفه بتتفس بصعوبه”
– تفتكري ضللناهم.؟
” بص جمبه لقي كذا كافيه ومحل عصاير صغير زحمه فا شدها ودخلوا ”
– يأهي اوعي بقا قرفتني
= اقعدي طيب
قعدت تاخد نفسها وبصت حواليها: ملقتش مكان انضف من ده
– احمم بس ياحببتي ترابيزتك ورا صاحب المكان هيطردونا
ليلي بتعجرف: انا مش فاهمه بتشدني معاك ليه؟؟ انت الى حدفت الطوبه مش انا !
= يعني كنت اسيبهم يعاكسوكي ولا ايه!!
– والله بقا انا مطلبتش مساعدتك
= طب اجبلك عصير برتقان عشان تهدي
عمر مستناش ردها: اتنين برتقان لو سمحت
ليلي بصتله بزهق: مبحبش البرتقال
– حبيه ده حتي دمه خفيف وعسول
= بالعكس ده دمه دم صراصير
عمر بتفكير: صراصير؟ الصراصير معندهاش دم اصلا!
ابتسمت ابتسامه صفرا: بالظبط كده.
>>>>>>>>>>>>>>>>>>>>>>>>>>>>>>>>>>
– ممكن خلاص بقا وصلتني لحد البيت اهو اتكل على الله
= قولتلك نركب عربيتي الثمينه رفضتي
– بتاع ايه ان شاءالله! وبعدين ثمينه.؟ انا عندي عربية احلي منها!
= فين؟
– عطلانه دلوقتي
= كان زمانك ماشيه لوحدك و هتتعاكسي تاني
– اممممم.. طيب كتر خيرك يلا باي
= استني بس! مش هتديني رقمك برضو؟
– لاء. باي
” طلعت البيت اخيرًا.. و حطيت حاجتي وقلعت الجاكيت وقبل اكمل لقيت الباب بيخبط وقفت ثانيتين بقول أكيد مطلعش ورايا! وقلقت ”
فتحت الباب بهدوء لقيتها فريده: فريده !!!! ادخلي كنتي فين كل ده ؟؟
” دخلت بتعب وقعدت على الكنبه ”
– انا مش قادره بجد!
= طب حصل ايه! قلقتيني عليكي ومكنتيش حتي بتردي!
– انا كنت عند ياسين
= ايه !
– روحتله عشان يطلقني..
= انتي بتتكلمي جد ولا بتهزري يا فريده!!!
– هحكيلك..
|| في القاهرة ||
” ياسين عقله كان هينفـ.جر من التفكير من ملاه دماغها بكل ده و برضو معرفش كانت فين ومع مين!! مين مقويها كده؟؟ وازاي بعد جتله بنفسها تروح منه تاني !! ”
” مسك موبايله و رن على عمر ”
– الو
= ايه ياحبيب قلبي اخوك مبدع هنا
– انا عايزك توصلني حالا بالقسم الى كنا عاملين فيه البلاعْ
= حصل ايه !
– جتلي يا عمر جتلي لحد عندي ومعرفتش افهم منها اي حاجه انا مش قادر
عمر كان صعبان عليه صوته: طب اهدي .. اهدي انا هنزلك هجيلك
– لا لا انا عايزك تفضل عندك و تابع الصفقه عشان احتمال افضل هنا هي اكيد مش بعيد عن هنا
= طيب هقفل وابعتلك على الواتس
” قفلت معاه وكنت عايز ادغدغ كل حاجه حواليا ”
>>>>>>>>>>>>>>>>>>>>>>>>>>>>>>>>>>>
|| بعد مرور اربع ايام ||
” الايام عدت وانا قولت اسيبه يهدا.. هو حاليا فهم اني مش عاوزاه اكيد وقريب هنطلق معرفش لو هقدر اروح لحد عنده تاني.. لكن الاكيد اني مازلت خايفه بسبب الى عمله.. لكن ليلي شجعتني وكانت جمبي و نزلت الشغل تاني و لاحظت قلق كريم عليا.. ولكني مهتمتش..! ”
* طق طق طق *
– اتفضل
= خلصتي شغل هموـ.ت واقولك بقا
– ايه؟
= عمر
– الاه! و وشك عمل قلوب كده ليه! ماله عمر
= هنقابله اهو خلاص زمانهم فالطريق! عشان الصفقه الى قولتلك عنها و هتشوفيه بقا عشان عماله تقولي انك مشغولة ومرضتيش تنزلي معايا وانا بقابله
– الاه! انتي مش قولتي صحاب بس!
ابتسمت: ما احنا صحاب بس الاه!
= ماشي ياستي بس هو شكله مش سهل!
– قصدك عشان فضل ينطلي كل شوية ويزن وكده
= اه لحد ما وافقتي ونزلتوا سوا
– عادي بتعرف عليه..!
= امممم.. طيب
– انتي كويسه؟
= اه انا تمام متقلقيش يا لولو
– هنزل اجيب قهوه اجبلك هوت شوكلت؟
= ماشي.
” بصيت على الورق الى كان قدامي ولسه مخلصش فا روحت مكتب كريم ”
– اتفضل
= فاضي؟
– اه تعالي فيه ايه
= مخلصتش الورق ده.. وعارفه اني مقصره بقالي حبه بس هي مشاكل زي ما قولتلك يعني فا ممكن محضرش الاجتماع واكمل شغلي
– لا لا احضري عادي وبعدين كملي
= تمام
– استني.. انا قولتلك قبل كده لو محتاجه مساعده عرفيني بس
= لا مفيش حاجه خلاص..
– انتي عارفه انك غاليه عندي يا فريده
بصتله بتوتر: ءء.. انا؟
= ايوه انا معجب بشخصيتك و شغلك من اول يوم مش واضح ولا ايه؟
“نهي كلامه وهو بيبتسم”
– شكرا ، بعد اذنك
>>>>>>>>>>>>>>>>>>>>>>>>>>>>>>>>>>
” ليلي كانت طالعه وقابلت عمر و ياسين وسلموا على بعض ”
– اتفضلوا اتفضلوا
“طلعوا سوا و اوردي كان في كذا حد في اوضة الاجتماعات ليلي قعدت وحطت القهوه و الهوت شوكلت وياسين قعد وبصلها بتركيز..”
– مستر كريم جاي حالا.
” خرجت من عند كريم وانا وشي احمر ومتوتره وبعدين لاقيته ورايا وبيقولي هندخل الاجتماع ”
“دخل وانا دخلت وراه”
كريم: ازيك يا عمر.. ازيك يا ياسين
“رفعت عيني قبل ما اقعد وبصتله بصدمه”
– فريده؟!
عمر بتعجب: مين؟!
كريم: انتوا تعرفوا بعض ولا ايه
“ياسين بصلي وانا فهمت كويس مخه فكر فإيه”
ليلي بصوت واطي: فريده هو ده ياسين!!!؟؟
” مكنتش عارفه ارد ولا اتحرك ولا عارفه اعمل ايه في الموقف ده! ”
اتكلمت وانا بتلجلج: انا ءءء انا هـ.. انا عايزه امشي
ياسين قرب ناحيتها: تمشي تروحي فين؟؟
كريم اتدخل وبص لفريده: فريده انتي تعرفيه؟!
ياسين مسك دراعي: مين ده ؟؟؟
كريم حاول يشيل ايده بعيد عنها: تؤتؤتؤ انت ازاي تمسكها كده!!
ياسين زقه بقوة وعمر وقف بينهم: ياسين بس اهدا !!!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هربت منهم إليك)