رواية ام بالإجبار الفصل العشرون 20 بقلم فيروزه

رواية ام بالإجبار الفصل العشرون 20 بقلم فيروزه

رواية ام بالإجبار البارت العشرون

رواية ام بالإجبار الجزء العشرون

رواية ام بالإجبار الحلقة العشرون

وقبل ما يبعد من قدامي حضنته وهمست ليه وانا حاسه اني ديبه من الكسوف …خليني ملكك …
ادم من الصدمه فاضل ساكتت وكل اللي عمله أنه حضني اكتر
اتكلمت بهمس وانا بضحك علي شكله وهو مصدوم..بحبك …
قولتله وطلعت من حضنه وطلعت اجري وكان بيحاول يمسك ايدي بس انا قولت يا فكييك كنت بجري وكإني طايره من كسوفي ومنه ومن نفسي..
ادم اتكلم بصوت عالي قبل ما ادخل البيت ….بحببببببك وهتكوني ملكي في اقرب وقت حضني هيبقي بيتك وأمانك ومهما بعدنا ومهما بعدتي حضني هيفضل موجود انا موجود علشانك❤️ ….
لفيت ليه بسرعه وقولتله بضحك ….مهري انك تجيبلي الطبل والزمار وتغنيلي سبع ليالي كاملين وبعدها هكون من حقك وملكك ..
خلصت كلامي ودخلت البيت وقفلت الباب وقعدت وراه وانا بضحك من الفرحه…
ادم اول ما سمعتها بتقولي خليني ملكك قلبي كان هيقف من الفرحه كنت حاسس اني عايز ادخلها بين ضلوعي حضنتها جامد وكإني بتأكد انها حقيقه واني مش بحلم…ولما كملت كلامها بي بحبك حسيت اني ملكت الارض بكل ما عليها حسيت بالكامل في قلبي كنت لسه هرد عليه جريت مني وقالتلي مهره طبل و زمار وتغنيلي سبع ليالي وبعدها هتكون حقي ودخلت قبل ما ارد عليها …جريت علي الباب وقعدت وراه وانا مبسوط…
ادم اتكلم بضحك …السبع ليالي هيكونوا فرح وهنا علي الناس و علي قلبي انا …يااااه انا عايزك دلوقتي في حضني افتحيلي الباب يا مجننه قلبي قبل عقلي افتحيلي الباب يا ست البنات كل اللي عايزه نظره تشفي قلبي من سنين جفاف …
اتكلمت بضحك من وراء الباب …لاااا ويلا روح علشان ترجعلي تاني في اسرع وقت يا حبيبي وحبيب قلبي…
ادم اتكلم بحنان وحب …انا حاسس اني دخلت الجنه كلمه حبيبي مش مجرد كلمه لا دي رنه جميله علي قلبي كلمه له مفعول السحر انتي حبيبتي وبنتي ودنيتي بحبك يا قلب ادم وروحه انتي حبيبه قلبي وروحي ..
سندت علي الباب وحطيت ايدي عليه واتكلمت بهمس…. بحبك خليكي جنبي ومعايا علشان قلبي معدش حمل فراق وهجر قلبي معدش عايز حاجه من الدنيا غير قربك حبيني
علشاني انتي ضعفي وقوتي انا حضنك وقت ضعفك حضني دايما هيكون مفتوحلك حضني موجود بس علشانك انتي وبس انتي الجنه والنا ر حبك اكبر انجازاتي واول وأخر أهدافي ….
كنت بسمعه بقلبي حطيت ايدي علي الباب ودموعي نزلت وحطيت ايدي علي قلبي ومسكته بايدي ..واتكلمت بهمس..
خليني جنبك ولو في يوم قولتلك ابعد عني قربني منك اكتر انا مليش غير حضنك …حضنك حياه ودفي ومكان لقلبي ..
حبني اكتر واكتر حبني وكإني اول الناس وآخرهم عندك…
ادم اتكلم بهدوء….ياااااه احبك اكتر وهو في اكتر من كده انا عديت الحب بمراحل انا بقيت مهوس بيكي انتي بقيتي النفس اللي انا عايش علشانه انا متيم بحبك …مغروس في ارض هواكي ..غريق في عيونك …ياااه ده انا ابيع عمري علشان بس نظره حب اشوفها في عيونك …خليكي علشاني
وانتي الوحيده في قلبي ولا في قبل ولا في بعدك انتي سيده قلبي ..
حطيت ايدي علي قلبي ودموعي نزلت مش عارف سعاده ولا خوف خايف اكون بحلم وأفوق علي واقع مر أمر من الصبار
انا عايزها بين ضلوعي محفورهه في قلبي وبتجري في وريدي انا بدمنها …
اول ما ادم ساكت حسيت بخوف عايزه يفضل يتكلم وانا اسمع حبه ونبضه وجنون كلامه…حبه بحور وانا غرقت فيها بكل هدوء وتهور ..حب ادم سفينه النجاه للمسكين …
فتحت الباب وبصيت عليه لاقيته دموعه بتنزل بصمت قربت منه ومسحت دموعه وحضنته لقلبي ودموعنا اختلالات فضل أروحنا …
اول ما حسيت بايديها علي وشي لمسته نار بتحرق في روحي لمسته وكأنها محرمه كأنه النعيم وسط الجحيم لما حضنتني حسيت بالبرد الشديد هي نسمه صيف محمله بريح قويه مديت ايدي وحضنته حسيت بدف وكإني هربت ليوم دف في وسط برد ورعد ومطر شديد هي كل حاجه وعكسها…
اتكلمت بحب …ادم …
ادم فتحت عيني واتكلمت بهمس…نعم يا حبيبتي…
اتكلمت بكسوف …هستنك لحد اخر دقه في قلبي….
ادم ضميتها اكتر واتكلمت بحب ….مش هتاخر علي قلبي …
في ثانيه بعدت عن حضني ودخلت وقفلت الباب وانا لسه وقف …
ادم مشيت وانا في أسعد لحظات حياتي والإبتسامة مش عايزه تفارقني …
سما اول ما دخلت لاقيت عمي وقف بيضحك …
عمي اتكلم بضحك….جوليت …
اتكلمت بضحك… نعم…
عمي بضحك…هو روميو هيرجع أمته …
اتكلمت بضحك…مش عارفه انا في انتظاره …
وطلعت بسرعه علي اوضتي وانا بغني … روح رص كنبك يا وال ه روح رص كنبك روح واحلق دقنك يا وال ه وسوي شنباك روح رص كنبك يا وال ه دي الليه ليلتك يا وال ه دي الليله ليلتك ما خلاص صرفت ياوال ه كل اللي حايتلك روح رص كنبك ياوال ه واتهنا وافرح الحب صوله يا وال ه الحب صوله علشان تحبك يا وال ه وتجيلك نونو واعمل حسابك ياوال ه اوعك في بيتك يا وال ه تعزم صحابك خليك صعيدي يا وال ه خليك صعيدي وانا قولتهالك يا وال ه وشيلت ايدي..ليله ليله ليله فيها يحلو الكلام ليله ليله ليله فيها يحلو الكلام واحنا سهرنا فيها والعزول مش هيعرف ينام ده العريس الليله جهز نفسه علي التمام و العروسه الليله من فرحتها مش هتعرف تنام واللي ما جاش الليله ما عليه الكلام…
مع كل كلمه كنت بغنيه كنت بضحك بصوت عالي ياااه علي السعاده والحب ..اخيرنا لقيت روميو وبقيت جوليت ..
دخلت اوضتي ونمت علي السرير وانا حاسه بالفراشات بتطير حوليه في كل مكان وكإني شايفه النجوم ….هو روميو وانا جوليت هو قيس وانا ليلي هو عنتر وانا عبله هو شهريار وانا شهرزاد كلهم قصص حب ومن دلوقتي ادم وسما ياااه انا كاني بحلم ….
غمضت عيني وأبحرت بخيالي للنجوم وأصبحت شمس وسط كواكب …ومره واحده حسيت بايد دافئه بتحرك بحريه علي خدي فتحت عيني لاقيت ادم قاعد قدمي علي السرير وحطط أيده علي خدي …
اتكلمت بهمس …هو انا نمت قد ايه …
ادم اتكلم بضحك….نص ساعه …
اتعدلت من علي السرير واتكلمت بضحك …ده ايه الشغل اللي بيخلص في وقتها ده …
ادم اتكلم وهو بيقرب مني وشالني علي كتفه …لا يا روحي ده انا خدت اجاره…
اتكلمت بضحك…نزلني طيب انا بعرف امشي …
ادم اتكلم بضحك وهو بينزل السلم ….من النهارده انا عينك ورجلك وقلبي ووو
اتكلمت بكسوف …بس بقي ..
ادم اتكلم بخبث …اخص كنت فاكرك مادبه كان قصدي ايدك
…
اتكلمت بكسوف وانا بضر به علي ضهره ….نزلني الحقني يا عمي …
عمي بضحك…مليش دعوه مش كنتي بتغني من دقيقه انا مالي …
اتكلمت بحزن مزيف ….عميييي الحقني من الو حش ده…
عمي بضحك….واحد ومراته
وقام حضن مرات عمي وهي كنت بتضحك زيه
ادم اتكلم بضحك وهو بيحطني جنبه في العربيه من النهارده
مفيش غير الحقني يا آدم
اتكلمت بضحك وانا بقرب منه وبحضنه …من النهارده مفيش غير ادم…
وصلنا البيت وادم شالني لحد جوه وحطيني علي السرير وبعدها …(ادم يا جماعه طلعني بره الاوضه ايوه 😂😂 هنا هاسكت فيروزه عن الكلام الغير مباح 🫣 عيب يا بنات يلا كل واحده تغمض عينها)
.
.
.
.
ادم اتكلم بضحك….هو لازم فسيخ يا روحي …
اتكلمت بضحك….بتوحم احسن يطلع للنونو فسيخه في وشه
انزل هات بقي …
ادم بضحك …الناس الطبيعيه بتوحم علي فاكهه حاجات حلوه إنما انتي علي حاجات استغفر الله العظيم…
اتكلمت بضحك….علشاني …
ادم اتكلم بضحك…لو علشانك اجبلك المحل كله …
اتكلمت بضحك…بحبك ..
ادم اتكلم بضحك….بمو ت فيكي …
.
.
منك لله يا آدم …
ادم اتكلم بضحك…ليه بس يا قلبي …
اتكلمت بدموع هااات ايدك يا آدم كده …واول ما مسكت ايده عضيتها
ادم اتكلم بضحك…ااااه طيب وانا مالي
اااااااااااه أولد بس وانا طلع عينك يا آدم كله منك انت السبببب…
.
.
.
عمي اتكلم بفرحه …الف مبروك يابني …
ادم اتكلم بفرحه …الله يبارك فيك يا بابا…
مرات عمي اتكلمت بفرحه ….هتسميه ايه …
ادم اتكلم بفرحه …سند …
.
.
.
.
سند انت يا زفت …
نعم يا ماما …
اتكلمت بهدوء …بابا فين …
سند قرب مني وحضني واتكلم بهمس…بابا بيكلم واحده في التليفون وانا سمعته بوداني…
اتكلمت بغضب …نهار ابوك اللوان انت واللي مخلفك …
وطلعت اجري علي ادم ومسكته من ودانه …
ادم اتكلم بضحك…والله برايء يا بيه انا مظلم انا غلطان …
اتكلمت بحزن ودموعي نزلت…يبقي كلام سند بجد انت بتكلم واحده عليه …
ادم اتكلم بحب وهو بيحضني …والله ابدا ده بيوقع بينا علشان مرديتش اخليه بيروح عند نغمه بنت يونس قالي والله لاخلي ماما تطلع عينك …
اتكلمت بشك …سند عمره ما يكدب هو فيه طفل بيكدب وبعدين هو ايه عرفه بالكلام ده …
ادم اتكلم بضحك…يعني انا اللي كداب وبعدين ابنك يودينا البحر ويغرقنا هناك والله انا مظلوم …
اتكلمت بهدوء….ابعد عني …
ادم اتكلم بحنان …حتي لو زعلانه من ادم جوزك لسه في ادم صاحبك وحبيبك احكيلي اللي مزعلك وبعدين مهما يحصل انا موجود وحضني ملكك…
اتكلمت بضحك….بكاش من يومك …
ادم اتكلم بضحك….بحبك انا موجود علشانك وملكك …
اتكلمت بضحك….وانا لا يا بكاش..
.
.
.
ايه اللي انت بتعمله ده يا سند …
سند بعد عن نغمه واتكلم بخوف …ولا حاجه يا بابا دي نغمه بس كانت عينه بتوجعه وكنت بنفخلها فيها …
ونغمه دخلت تجري من البلكونه.وهي حاطه أيدها علي وشها من الكسوف…..
ادم اتكلم بخبث …عينه بردو وبعدين اللي عايز يبوس حد ياغبي يبوسه عيني عينك افرد كان عمك يونس اللي دخل
بدلي …
سند اتكلم بهمس….بابا …
ادم اتكلم بضحك….جاك بو بتحبها …
سند اتكلم بهمس….ايوه …
ادم اتكلم بضحك…يا يونس تعالى عايزك …
سند اتكلم بخوف ….بابا …
ادم اتكلم بضحك….طلم بتحبها هخليها ملكك اهو حتي تبوسه براحتك بدل في السر …
سند قرب من ادم وحضنه واتكلم بفرحه ….ربنا يخليك ليه يا بابا …
.
.
.
مالك بتعيطي ليه بس هو بنت وبتجوزيها …
اتكلمت بدموع ….بس يا آدم انت قلبك جامد انا مش مصدقه أن سند بيتجوز حبيب أمه …
ادم اتكلم بضحك….بقولك ايه يا قلبي ما تجيبي بوسه …
اتكلمت بضحك وانا بمسح دموعي….هو انت فيك نفس تكح اسكت …
ادم اتكلم بضحك وقرب مني وشالني …طيب انا هوريكي ..
اتكلمت بضحك….نزلني يا مجنون النهارده فرح ابننا …
ادم اتكلم بضحك…ابننا راجل وهو عارف هيعمل ايه تعاليلي انتي يا بطتي …
اتكلمت بضحك…روح بطتك…
ادم اتكلم بضحك وهو بيقفل الباب وبينزلني علي السرير …
بحبك …
اتكلمت بحب ….وانا كمان …
ادم اتكلم بحب …وانتي كمان ايه ..
اتكلمت بكسوف …بعشقك …
دق قلب عاشق فلا مفر من الحب إلا إليه ❤️..
(وهنا نسيبهم بقي لوحدهم شويه عيبب)
.
.
.
بس يا نغمه عيب واطي صوتك شويه هو علشان ابني مش عايز يزعلك…
ادم اتكلم بضحك…اسكتي انتي احنا جاين نتفرج بس اتفرجي وانتي ساكته …
اتكلمت بحزن…. يعني عايزني اتفرج عليه وهي بتزعق للواد..
ادم اتكلم بضحك… واحنا مالنا …
قربت من ادم ومسكته من ودانه واتكلمت بغضب ..ولما احنا مالنا احنا هنا بنعمل ايه يلا نروح …
سند قرب مني وحضني واتكلم بهمس….سيبك منه يا ماما هي بس هرموناته بتقلب ولما بتقلب بتبقي السحره الشريره
يلا نهرب …
نغمه اتكلمت بصوت عالي …يرضيكي كده يا ماما …
اتكلمت بضحك….اه يرضيني يا بنت يونس الز فت هو فين ..
يونس داخل وهو بيضحك …بقي انا ز فت بردو وانا قولت انك توأمي …
ادم اتكلم بغيره …هو انت مهما تكبر يا ز فت مش هتتغير …
هدي بنتك وانتي قومي …
مسكني من ايدي وسحبني وراه …
اتكلمت بضحك…هو انت لسه بتغير عليه…
ادم وقف وقرب مني وحضني ….انتي حب حياتي انتي كل ما املك وطبعا بغير عليكي حتي من نفسك وهفضل اغير عليكي حتي لو عضم في قفا انتي كل ما بتكبري بتحلي في عيني اكتر انتي صبر سنين ودموع ليالي …بحبك..
حضنته جامد …بحبك …
.
..
.
.
.
اديني العكز يا آدم …
ادم اتكلم بضحك….عكز ليه يا قلبي وانا موجود انا عكزك …
اتكلمت بضحك…هو انت لسه فيك نفس تتكلم …
ادم اتكلم بضحك…انا صحيح سبعيني بس ولا شب في العشرين …
اتكلمت بضحك…طيب هات ايدك يا شب …
قرب مني وحضني وادني بوكيه ورد كان مخبيه وراه واتكلم بهمس….بحبك وهيفضل حضني هو مكانك وأمانك وبيتك …
اتكلمت بحب …هيفضل حضنك هو مكاني وبيتي وراحتي وسلامي بحبك …
ادم اتكلم بحب …بحبك دي أعظم كلمه وأعظم معني بحبك يا تميمه حياتي وسما ليالي قلبي ملينه بالنجوم غرامك ..
دق قلب عاشق فلا مفر من الحب إلا إليه ❤️…
وبكده تكون حكايتي خلصت حكايه حب وشغف وصبر
وتوته توته وعمر الحدوته ما بتخلص ولا هتخلص لان الحب دائما الي ما لا نهايه إلي أن يفنى الوجود..
الحب ده مش مجرد همس الحب انا وانت وبس …
الحب أننا نكبر ونعجز سوا ..
الحب انا وانت وهوانا…
بحبك كلمه ليه لحن لطيف….
الحب ترنيمه نجاه وسط ضباب ….
الروايه هدفه الصبر والأمل…
دايما نهايه الصبر جبر حتي في الحب الحلال …
وحلال القلب النهايه …
اتمني تكون الروايه كانت لطيفه والنهايه تكون مميزه …

لقراءة باقي حلقات الرواية اضغط على : (رواية ام بالإجبار)