رواية ملاك الأدهم الفصل التاسع عشر 19 بقلم عادل عبدالله

رواية ملاك الأدهم الفصل التاسع عشر 19 بقلم عادل عبدالله

رواية ملاك الأدهم البارت التاسع عشر

رواية ملاك الأدهم الجزء التاسع عشر

رواية ملاك الأدهم الحلقة التاسعة عشر

يارا : ادهم خلاص كده بالنسبالي مادام ظلمني وكمان فكر انه يرتبط بواحدة غيري يبقي انتهي وعلشان مفكرش فيه تاني طلبت ان فرحي علي اخوكي يكون في اسرع وقت .
جودي : انا صحيح اختك الصغيرة لكن بقولك يا يارا قرارك ده هتندمي عليه طول عمرك وللأسف وقتها الندم مش هيفيدك !!
يارا : انا خلاص اخدت قراري ومش هندم عليه انا وجاسر هنتجوز بعد شهر .
في قصر الفيومي
في غرفة شيرين
تستيقظ شيرين علي صوت والدها يناديها ….
محمود : انتي لسه نايمة يا شيرين ؟! قومي عندي مفاجئة هتفرحك اوي .
شيرين ” بنعاس ” : مفاجئة ايه يا بابا ؟ انا عايزة انام دلوقتي .
محمود : لما تعرفي المفاجئة النوم هيطير من عينيكي .
شيرين ” بنعاس ” : مش دلوقتي يا بابا .
محمود : حتي لو عرفتي ان عمك كلمني دلوقتي وخطبك لأدهم ؟؟
اعتدلت شيرين وامسكت بيد والدها بفرحة شديدة : بتتكلم جد يا بابا ؟؟
محمود : ايوه بتكلم جد ، عمك لسه مكلمني حالا .
شيرين ” تحت.ضن والدها ” : انا بحبك اوي يا بابا ، ده احلي خبر سمعته في حياتي .
محمود ” يضحك ” : يا بنتي بالراحة ، عيب كده !! اللي يشوفك يقول عليكي ايه ؟!!!
شيرين : يقول اللي يقوله ، انا بحب ادهم وفرحانه اوي انه خطبني ، دي اهم حاجة عندي في الدنيا .
محمود : ربنا يفرحك يا بنتي كمان وكمان .
بعد دقائق كانت شيرين في غرفة اختها تمارا وتوقظها من النوم .
شيرين : انتي لسه نايمة يا تمارا ؟! قومي فيه مفاجئة حلوة اوي .
تمارا : مفاجئة ايه يا شوشو ع الصبح ؟
شيرين : ادهم ابن عمك خطبني من بابا النهاردة .
تفتح تمارا عيونها : بتتكلمي جد يا شوشو ؟ الف مبروك يا قلبي .
شيربن : الله يبارك فيكي يا مرمر يا روح قلبي ، لأ انتي اختي حبيبتي ، روح قلبي ادهم وبس .
تضحك تمارا : بقي كده يا شوشو ؟؟ من اولها كده نسيتي اختك حبيبتك ؟!!
شيرين : لا يا قلبي انا بهزر معاكي .
وفجأة تشرد تمارا ثم تقول : عايزة اقولك حاجة ممكن تزعلك لكن دي الحقيقة .
شيرين ” بقلق ” : ايه ؟؟
تمارا : انتي صحيح دلوقتي وصلتي لهدفك لكن ذنب ملاك في رقبتك .
شيرين : ذنب ملاك !!! ليه انا عملتلها ايه ؟؟
تمارا : انتي اللي فضلتي وراها لغاية ما فرقتي بينها وبين ادهم رغم انهم كان واضح عليهم اوي انهم بيحبوا بعض.
شيرين : يعني كنتي عايزاني اسيب ادهم لواحدة زي دي منعرفش عنها حاجة ؟!! حتي اسمها منعرفوش !!!
تمارا : انتي عملتي كده لمصلحتك وبس .
شيرين : وفيها ايه ؟ عملت كده علشان بحب ادهم .
تمارا : علي مين ؟ علي اختك ؟!! شوشو يا حبيبتي انا عارفة ومتأكدة ان الحب مش اول اهتماماتك !! الفلوس ثم الفلوس ثم الحب اخر حاجة .
شيرين : انتي عايزة ايه دلوقتي ؟؟
تمارا : عايزاكي تتغيري وتحافظي علي النعمة الي ربنا رزقك بيها وتستغفري من ذنب ملاك اللي في رقبتك ، علشان حياتك مع ادهم تكون حلوة زي ما بتتمني .
تنظر لها شيرين بغضب ثم تنصرف !!!
تدخل شيرين غرفتها ثم تمسك هاتفهها وتتصل بأدهم …
في الشركة
يجلس ادهم مع صديقه نادر يناقشان اعمال الشركة وفجأة يعلو صوت هاتفهه ، فيجد المتصل شيرين !!!
يتعجب ادهم … عايزة ايه شيرين دلوقتي ؟؟ دي عمرها ما بتصحي من نومها دلوقتي !!! ثم يرد عليها .
أدهم : الو ، خير يا شيرين فيه ايه ؟
شيرين : صباح الخير يا حبيبي .
ادهم ” بصدمة ” : حبيبك !!
شيرين : ايوه طبعا حبيبي ، مادام خطبتني من بابا تبقي حبيبي ونور عيني وهتبقي جوزي كمان .
ادهم : هو بابا كلم عم محمود ؟
شيرين : ايوه يا حبيبي .
ادهم : طيب تمام ، صباح النور يا شيرين ، صاحية بدري وبتتصلي ليه بدري كده ؟!!
شيربن : صاحية علي اجمل خبر في الدنيا انك خطبتني ، وبتصل علشان اقولك اني بحبك اوي اوي .
ادهم : بتتصلي علشان تقوليلي كده بس ؟!
شيرين : ايوه طبعا ، انا كل شوية هتصل بيك واقولك بحبك .
ادهم : لااا ، مش هينفع كل شوية علشان الشغل .
شيرين : طيب يا حبيبي مش هعطلك علي شغلك ولما تيجي هقولك كل الكلام اللي نفسي اقولهولك .
ادهم : ماشي يا شيرين لما اجي نبقي نتكلم .
شيرين : سلام يا حبيبي .
ادهم : سلام .
يغلق ادهم المكالمة وتبدو عليه علامات التعجب والدهشة !!
نادر : مين يا ادهم ؟
ادهم : دي شيرين بنت عمي .
نادر : انا افتكرتها ملاك اللي بتكلمك .
ادهم : ملاك ؟!!
نادر : ايوه ، انا قولت اكيد هي اللي ممكن تقولك الكلام ده ، انما شيربن هتقولك كده ليه ؟!
ادهم : علشان خطبتها .
نادر : ايه !! ايه المفاجئة دي ؟؟
ادهم : بابا يا عم نادر قعد يزن علي دماغي هو ونور اخويا علشان اخطبها قولت اريحهم واريح نفسي واخطبها .
نادر : لكن انت كنت بتحب ملاك اوي ، ازاي تغير رأيك كده فجأة وتخطب شيرين بنت عمك ؟؟!!
ادهم : ملاك خلاص زي ما قولتلك قبل كده صفحة واتقفلت من حياتي .
نادر : يعني مش ناوي ترجعلها تاني ؟
ادهم : لأ ، مستحيل .
نادر : انا بصراحة مندهش !! ممكن اعرف هي عملت ايه علشان تاخد منها الموقف ده و تغير رأيك فيها ١٨٠ درجة ؟؟
ادهم : كدبت عليا يا نادر وكانت بتخدعني .
نادر : بتخدعك !! كدبت عليك في ايه وخدعك في ايه ؟
ادهم : الهانم رجعتلها الذاكرة قبل ما تخرج من المستشفي و مثلت عليا انها لسه فاقدة الذاكرة !!! ووهمتني انها بتحبني وانا زي المغفل حبيتها ، ادهم الفيومي اللي عمره ما قلبه حب واحدة يوم ما يحب يحب واحدة غشاشة زي دي !!!
نادر : يمكن خبت عليك انها رجعتلها الذاكرة علشان بتحبك ؟
ادهم : انت كمان عايز تعيشني في الوهم ؟!! ولما هي حبتني زي ما انت بتقول رجعت لخطيبها ليه ؟
نادر : معرفش ، وانت لما واجهتها قالت ايه ؟ دافعت عن نفسها ازاي ؟
ادهم : انت كنت عايزني اديها فرصة علشان تكدب عليا تاني ؟!!
نادر : يعني مسمعتش منها ؟؟
ادهم : لا طبعا .
نادر : غلطان يا ادهم ، كنت لازم تسمعها .
ادهم : خلاص يا نادر مش عايز اتكلم في الموضوع ده تاني .
نادر : ماشي يا ادهم اللي تشوفه ، طيب قولي بقي حكاية شيرين بنت عمك دي كمان خطبتها امتي وهتتجوزها امتي ؟
ادهم : ده لسه ابويا كان بيكلمني البارح وكلم عمي الصبح ، يعني ممكن الخطوبة بعد اسبوع ولا اتنين انما الجواز ده لسه مش دلوقتي .
نادر : مبروك يا ادهم ، رغم اني عارف انك لسه بتحب ملاك لكن انت اللي عارف انت عايز ايه اكتر من اي حد .
ادهم : طيب ممكن بقي كفاية كلام في المواضيع دي ونخلينا في الشغل شوية ؟
نادر : زي ما تحب .
بعد ايام
في احد فنادق الاسكندرية الفاخرة ….
في ليلة كالف ليلة وليلة جميع عائلة الفيومي وكبار رجال الاعمال واكبر الفنانين والشخصيات المشهورة تبدو عليهم جميعا مظاهر الفرح ماعدا أدهم الذي تغلب ملامح الجدية والصرامة وجهه ولم يبدي الا بعض االابتسامات الخفيفة للحضور !!
بينما كانت شيرين في غاية السعادة وتملأ اصوات ضحكاتها ارجاء قاعة الاحتفال ثم بدأت تترا.قص مع صديقاتها في بهجة وسرور .
لاحظ الجد سليمان الفيوم عدم وجود السعادة علي وجه ادهم !! فنادي علي عامر الفيومي ليسأله ….
سليمان الفيومي : ابنك ماله يا عامر ؟.
عامر : قصدك ادهم يا ادهم ؟
سليمان الفيومي : ايوه .
عامر : ماله يا حاج ؟ ادهم عريس زي الورد اهو .
سليمان الفيومي : ادهم شكله متضايق ومش مبسوط يا عامر !!!
عامر : ما انت عامر ادهم يا حاج ، هو علطول واخد الحياة جد لدرجة انه مبيعرفش يضحك !!
سليمان الفيومي : كان بيضحك يا عامر ، كان بيضحك لما كانت ملاك موجودة .
عامر : الله يسهلها ، ايه اللي فكرك بيها دلوقتي يا حاج ؟!
سليمان الفيومي : انتو غصبتوا علي ادهم انه يتجوز بنت عمه ؟؟
عامر : لا يا حاج ، ما انت عارف ادهم مفيش حد يعرف بغصبه علي حاجة .
سليمان : انا مش مرتاح للجوازة دي يا عامر ، لكن مادام كلكم مبسوطين ربنا يوفقهم ويسعدهم .
في فيلا عز الدين
يارا منهارة بكاء ودموعها تنهمر وتنظر في الساعة وتقول لجودي …..
يارا : دلوقتي اكيد هما الاتنين دخلوا القاعة !!!
اكيد دلوقتي شيربن قاعدة جانبه في الكوشة !!!
زمانهم دلوقتي بيضحكوا ومبسوطين !!!
يا تري جابلها الشبكة دهب ولا الماظ !!
جودي : بالراحة علي نفسك يا يارا ، انتي كده هيحصلك حاجة .
يارا : يحصلي ايه اكتر من كده ؟!! هيجري ايه يعني ؟ هموت ؟ وفيها ايه !! وانا هعيش ليه ؟؟ خلاص اعيش او اموت مفيش فرق !!!
جودي : ارحمي نفسك يا يارا ، كده كتير عليكي !!!
يارا : متخافيش عليا يا جودي ، ليلة وهتعدي وبعد كام اسبوع هيتجوزا هما الاتنين ، وانا وجاسر كمان هنتجوز ، وووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملاك الأدهم)