رواية ملاك الأدهم الفصل العشرون 20 بقلم عادل عبدالله

رواية ملاك الأدهم الفصل العشرون 20 بقلم عادل عبدالله

رواية ملاك الأدهم البارت العشرون

رواية ملاك الأدهم الجزء العشرون

رواية ملاك الأدهم الحلقة العشرون

جودي : ارحمي نفسك يا يارا ، كده كتير عليكي !!!
يارا ” بدموع ” : متخافيش عليا يا جودي ، ليلة وهتعدي وبعد كام اسبوع هيتجوزا هما الاتنين ، وانا وجاسر كمان هنتجوز .
كانت جودي علي يقين بأن زيجة يارا من جاسر ستفشل لامحالة .
ولذلك ظلت تفكر في كيفية انهاء تلك الزبجة قبل بدئها خوفا من عواقبها التي لا تدركها يارا في ظل حالة العناد المسيطرة عليها .
مرت الايام واقترب ميعاد زفاف يارا علي جاسر بينما كان يمني جاسر نفسه بأنه سينال المال والجمال كانت يارا يكاد قلبها ان ينقلع من مكانه حزنا علي فراقها ادهم الابدي الذي لا تفصلها عنه الا أيام .
في شركة الفيومي
يجلس نادر في مكتب ال HR في الشركة علي ليختبر الفتيات المتقدمات لاعلان عن طلب سكرتيرة للشركة ويختبر الفتيات تباعا حتي تدخل اليه فتاة يبدو عليها الهدوء الشديد !!!
فيبدأ في طلب السيرة الذاتية لها فتفاجئه بقولها : عايزة اقابل مستر ادهم .
يندهش نادر ويسألها : عايزة تقابلي مستر ادهم مرة واحدة ؟
الفتاة : ايوه .
نادر : مستر نادر مش بيقابل حد ، انا المسئول عن اختباركم واختيار السكرتيرة المطلوبة .
الفتاة : لكن انا لازم اقابله .
نادر : لازم ؟!!! و انتي عايزة تقابلي مستر ادهم ليه ؟
الفتاة : موضوع شخصي .
نادر : شخصي !!!
الفتاة : ايوه فيه ايه ؟
نادر : انتي جاية هنا ليه يا انسة وعايزة ايه بالظبط ؟
الفتاة : انا جاية علشان اقابل مستر ادهم في موضوع شخصي ، ممكن حضرتك تبلغه ؟
نادر : طلبك غريب لكن هبلغه وامري لله .
في مكتب ادهم
يدخل نادر ويقول له : فيه بنت بره عايزة تقابلك يا ادهم بيه .
ادهم : قولتلك يا نادر ميت مرة انت بالذات متقوليش ادهم بيه ، انت صحبي يا نادر ، فاهم ؟؟
نادر : حاضر يا ادهم .
ادهم : بنت مين دي اللي عايزة تقابلني ؟
نادر : معرفش ، بنت دخلت انترفيو مع البنات اللي متقدمين للوظيفة ولقيتها بتقولي انها عايزاك في موضوع شخصي .
ادهم : طيب دخلها ، يمكن تكون جايبة واسطة من حد معرفة علشان تشتغل ، دخلها مفيش مشكلة .
خرج نادر ثم دخلت الفتاة مباشرة .
ادهم ” بسخرية ” : اتفضلي يا انسه ، حضرتك بقي عايزاني ليه ؟
الفتاة : عايزاك بخصوص يارا .
ادهم : يارا مين ؟
الفتاة : يارا اللي هي ملاك .
ادهم : ملاك !!!! وانتي تعرفي ملاك ؟؟
جودي : انا جودي اختها .
ادهم : اااه ، اهلا ، طيب اتفضلي المقابلة انتهت .
جودي : لأ ، المقابلة منتهتش ولازم تسمعني .
ادهم ” باندهاش ” : انتي ازاي تكلميني بالطريقة دي ؟!! يلا اتفضلي اخرجي .
جودي : بقولك مش هخرج من هنا الا لما تسمعني ، مش كفاية مش رضيت تسمع دفاعها عن نفسها ؟!! لازم تسمعني وتعرف الحقيقة .
ادهم ” بسخرية ” : حقيقة ايه يا اسمك ايه انتي ؟! انتي يا بت اختك بعتتك عندي علشان تضحكي عليا بكلمتين وعايزاني اقابلك واسمعك ؟!!
جودي : يارا ، قصدي ملاك متعرفش ان انا جايالك النهاردة ولا تعرف هكلمك في ايه .
ادهم : طيب انا مش فاضي للكلام الفارغ ده ، اخلصي واتكلمي وقولي اللي عندك علشان معنديش وقت .
جودي ” بتحدي ” : لازم يبقي عندك وقت وتسمعني ، انا جايالك علشان اقولك انك ظلمت اختي يارا وحتي مش سمعت دفاعها عن نفسها !!
ادهم : هتدافع عن نفسها تقول ايه ؟! عايزاني اديها فرصة تانية تخدعني ؟!! انا ادهم الفيومي اللي عمر ما حد قدر يعمل معايا كده اختك انتي خدعتني !!
جودي : يارا مش خدعتك ، يارا اختي فعلا ملاك زي ما انت سمتها !! يارا اختي حبتك من كل قلبها وكانت صدمة عمرها لما انت رفضت تسمعها !! يارا لما انت صدمتها بعربيتك كانت بتجري علشان تهرب من حفل خطوبتها علي جاسر اللي ماما كانت عايزة تجبرها تتجوزه !! ولما فاقت بعد العملية بأيام رجعتلها الذاكرة قبل ما تخرج من المستشفي لكن الذاكرة رجعتلها بعد ما اخدت انت قلبها وقلبها اتعلق بيك ولأول مرة في حياتها يارا اختي تحب حبتك انت .
ادهم : لكن اللي اعرفه انها كانت مخطوبة لجاسر قبل الحادثة وكانت بتحبه !!
جودي : اسمحلي يا مستر ادهم اللي قالك كده خدعك !! يارا عمرها ما حبت غيرك .
ادهم يتذكر كلمات شيرين له عن اعتراف يارا لها بحبها لخطيبها وعودتها له ” ويكتشف حيلة شيرين وخداعها له ” ، ثم يوجه كلامه لجودي : عايزة تقنعيني ان اختك حبتني بجد ؟!
جودي : ايوه ملاك حبتك يا ادهم بيه ، ملاك حبتك يا ادهومتي .
ادهم : ادهومتي !!!!
جودي : ايوه اختي يارا وهي نايمة مش بتقول الا اسمك وبتنادي عليك كده ” ادهومتي ” وهي نايمه وبتبتسم وبعدها بشوف دموعها نازلة علي خدودها وهي نايمة ومش عارفة اني صاحية جنبها وشايفاها وسمعاها .
يقف ادهم بذهول ويقتنع قلبه وتفكيره بكلامها !!
جودي : حسه انك بدأت تصدق او علي الاقل قلبك بدأ يصدق .
ادهم : وانتي جاية علشان تقوليلي الكلام ده ليه ؟ اكيد ملاك عايزانا نرجع لبعض .
جودي : وايه الثقة اللي بتتكلم بيها دي يا ادهم بيه ؟!! لا اطمن ملاك هتتجوز بعد اسبوع .
أدهم : نعم ؟؟؟؟؟ مين دي اللي هتتجوز ؟؟؟؟
جودي : يارا اختي االي هي ملاك حبيبتك هتتجوز .
ادهم : ده كده واضح اوي انها بتحبني فعلا !!!!!
جودي : يارا هتتجوز عند فيك وفي نفسها مش اكتر يا ادهم ، يارا عايزة تبطل تفكر فيك علشان كده عايزة تعمل اي حاجة تنساك بيها ، جوازها ده وكأنها بتنهي حياتها به .
ادهم : ومين اللي هيسمحلها تتجوز ؟؟ ملاك اختك لسه علي ذمتي لحد دلوقتي ، يعني مينفعش تتجوز !!
جودي : يعني انت….
ادهم ” مقاطعا ” : يعني انا هاجي معاكي دلوقتي حالا .
يلتقط ادهم مسد.سه ويضعه بين طيات ملابسه ويخرج من مكتبه مع جودي !!
يشاهده نادر ويسأله : فيه ايه يا ادهم ؟ رايح فين ؟
ادهم : انا مسافر القاهرة حالا ، جهز الرجالة وتعالي ورايا .
نادر : حاضر ، بس قولي فيه ايه ؟
ادهم : رابح اجيب مراتي .
نادر ” بتعجب ” : مراااتك !!!!!
ادهم : ايوه رايح اجيب ملاك .
نادر : ملااااك !!!
ادهم : اخلص يا نادر مفيش وقت .
خرج ادهم ومعه جودي وركبا سيارته بسرعة وانطلق بسبارته .
وبعد حوالي الساعتين كان ادهم يقف بسيارته امام فيلا عز الدين ومعه جودي وخلفه سيارة نادر وباقي رجال حراسته الخاصة .
دخل ادهم الي الفيلا ومعه جودي وفوجئ جاسر به يدخل الفيلا مسرعا !! وباقي رجال حراسته يقفون عند باب الفيلا .
جاسر : ايه ده ؟ انت دخلت هنا ازاي ؟؟
أدهم : من غير كلام كتير انا جاي اخد مراتي .
جاسر : مراتك ؟!!!! ثم يضحك بأستنكار !! مراتك مين ؟ انت شارب حاجة ؟؟ مش عيب عليك تكون سكران وتدخل بيوت الناس كده ؟؟
ادهم : ولااااا ، انا مش عايز هرتله كتير ، اطلعي يا جودي نادي ملاك قوليلها جوزك تحت عايزك .
جاسر : استني هنا با جودي .
ثم يوجه كلامه لادهم ويقول له انت هتستعبط ولا ايه ؟! اللي انت تقصدها دي دخلتي عليها الخميس الجاي .
ادهم : انت عايز تتجوز واحدة متجوزة ؟!!
جاسر : انت صدقت نفسك ولا ايه ؟!! انت كنت متجوز ملاك يا ادهم بيه ، ولا انت مش واخد بالك ؟؟ ملاك اللي ملهاش وجود من الاساس ، انما اللي فوق دي يارا اللي مفيش اي صلة بينك وبينها واللي بعد ايام هتبقي مراتي .
جودي ” باستنكار ” : الكلام ده صحيح يا ادهم ؟ عقد الجواز اللي بينكم بأسم ملاك مش يارا ؟؟؟؟
ادهم : اطلعي يا جودي بعد اذنك نادي ليارا مراتي .
تصعد جودي مهرولة الي غرفة يارا .
جاسر : انت لسه مش مستوعب ان ورقة الجواز اللي معاك يارا ملهاش اي صلة بيها وانها لشخصية وهمية ؟؟ ولا انت بتستعبط وفي دماغك حاجة تانية ؟؟
يخرج ادهم مسد.سه من بين طيات ملابسه وفي حركة مباغته يضعه صوب رأس جاسر ويقول له : كلمة واحدة تانية واخلص عليك .
جاسر : انت اتجننت ؟!!
تنزل يارا مع جودي وبمجرد رؤيتها لأدهم يضع مسد.سه تجاه رأس جاسر تصر.خ وتنزل مسرعة ….
يارا : ايه ده فيه ايه ؟! نزل المسد.س ده يا ادهم .
ادهم : يلا يا يارا من هنا علشان نروح بيتنا .
يارا ” بتعجب ” : بيتنا !!! انت بتقول ايه ؟
ادهم : ايوه بيتنا ، انتي ناسية انك مراتي ولا ايه ؟
يارا : لأ مش مراتك ، اللي كانت مراتك ملاك مش يارا يا ادهم ، ملاك اللي كان ملهاش وجود ورجعت ملهاش وجود بعد ما انت كسرتها وسبتها .
ادهم : مش وقت الكلام ده ، يلا بقولك علشان نروح بيتنا .
يارا : انت ناسي يا ادهم انك كنت متجوز ملاك مش يارا ؟!
ادهم : اللي اعرفه انك انتي مراتي وحبيبتي وحب عمري ، اسمك ملاك او اسمك يارا مش هتفرق .
يارا : بجد يا ادهم ؟ بجد لسه بتحبني ؟
ادهم : ولا عمري حبيت ولا احب غيرك ابدا ، يلا اخرجي اركبي العربية علشان نرجع بيتنا .
يارا : ولما سبتني وخطبت غيري ؟!!
ادهم : مش وقته ، بقولك يلا اخرجي اركبي العربية .
تخرج يارا وتركب سيارة ادهم ، ثم يخفض ادهم مسد.سه عن رأس جاسر ويقول له : اما انت بقي ليا معاك حساب تاني بعدين واياك تقرب من حياتي انا وملاك مرة تانية .
يخرج ادهم من الفيلا وقبل ان يركب سيارته يسمع جاسر يقول : مش هسيبك يا ادهم ، مش هسيبك وهتدفع تمن اللي انت عملته ده غالي اوي .
ينظر ادهم له بلامبالاة ثم يركب سيارته ويرحل وخلفه نادر وباقي الحراسة .
ينطلق ادهم بسيارته وبجواره ملاك و نظراتها له تمتلئ بالحب والدهشة !!!
ادهم : مالك ؟ بتبصيلي كده ليه ؟
ملاك : مش مصدقة اللي حصل وحاسة اني بحلم .
ادهم : لا يا حبيبتي دي حقيقة مش حلم .
ملاك : انا حلمت كتير اوي انك تعمل نفس اللي انت عملته ده وتيجي تقولي انتي حبيبتي ومقدرش ابعد عنك ، بس انت اتأخرت كتير اوي يا ادهم .
ادهم ” يضحك ” : متقوليش يا ادهم قولي يا ادهومتي .
ملاك ” تح.تضن ذراعه بقوة وتبتسم ” : وحشتني اوي يا ادهومتي .
ادهم : وانتي كمان يا قلب ادهم ، علفكرة عايز افكرك بحاجة مهمة اوي .
ملاك : ايه ؟
ادهم : اننا لحد دلوقتي لسه مش بدأنا شهر العسل !!!
يحمر وجهها خجلا وتخفض عينيها عنه ثم تتذكر فجأة …..
ملاك : احنا ناسيين حاجة اهم .
ادهم : مفيش اهم من شهر العسل يا حبيبتي .
ملاك : انا بتكلم جد يا ادهم ، انت ناسي ان عقد جوازنا باسم ملاك مش باسم يارا ، يعني احنا لحد دلوقتي مش متجوزين !!!
ادهم : احنا هنتجوز حالا .
ملاك : مجنو.ن بس بحبك .
ادهم ” يضحك ” : انتي لسه شوفتي حاجة من جنا.ني !!
ملاك : هنتجوز ازاي دلوقتي ؟
ادهم : بمجرد ما نوصل اسكندرية هنروح عند اي مأذون ونكتب الكتاب .
ملاك : ازاي ده ؟؟
ادهم : هتشوفي دلوقتي .
وصل ادهم الاسكندرية وبعد عقد قرانه علي ملاك اخذها وعاد الي قصر الفيومي !!!
بمجرد دخول ادهم القصر وفي يده ملاك وشاهدهما اهله اصابهم جميعا الذهول !! وصرخت شيرين : ايه اللي جاب البنيادمه دي هنا ؟؟
ادهم : انا وملاك رجعنا لبعض .
زادت دهشتهم جميعا فأكملت شيرين : أنت اكيد بتهزر يا ادهم !! انت ايه اللي بتقوله ده ؟!!
ادهم : انا بقول اللي حصل ، انا وملاك رجعنا لبعض .
شيرين : لأ انت كده اكيد اتجننت !! انت جاي تقول لخطيبتك انك رجعت لطليقتك ؟!! انت واعي للي انت بتقوله ؟؟!!
ادهم : ايوه واعي جدا للي بقوله وواعي كمان انك انتي اللي فرقتي بيني وبينها بمكرك وكدبك .
محمود الفيومي : انت اتجننت يا ادهم ؟! ازاي تكلم بنت عمك كده ؟؟!!
عامر الفيومي : حاسب يا محمود علي كلامك ، انت بتكلم ادهم كده ازاي ؟؟
الجد سليمان الفيومي : بس كلكوا ، انتوا هتتعاركوا قدامي ولا ايه ؟!! ثم يوجه كلامه لأدهم … انت صحيح رجعت لملاك يا ادهم ؟؟
ادهم : ايوه يا جدي ، رجعتلها بعد ما اتأكدت انها مظلومة وان شيرين بنت عمي هي اللي ….
سليمان الفيومي : خلاص يا ادهم انا فهمت كل حاجة ، طيب يا ادهم مبروك رجوعك لمراتك بس اعمل حسابك انكم مش هينفع تعيشوا هنا معانا ولازم يكون لكم بيت لوحدكم .
ادهم : انا فعلا قررت اني هعيش مع مراتي في بيت لوحدنا ، انا جيت دلوقتي علشان اعرفكم اني رجعت لملاك وان خطوبتي من شيرين انتهت .
هاجر : هتعيش بعيد عننا يا ادهم ؟؟
ادهم : علشان نكون كلنا مرتاحين يا ماما ، وبعدين متخافيش يا ست الحبايب هتلاقي كل يوم جاي بطمن عليكم .
ثم يضع ذراعه علي كتف ملاك ويقولها : يلا بقي يا ملوكه علشان نروح بيتنا .
ملاك : حاضر يا ادهم .
ادهم ” يضحك ” : ملوكه ، متقوليش ادهم بعد كده قوليلي يا ادهومتي .
ملاك ” تضحك ” : حاضر يا ادهومتي .
انتهت .

لقراءة باقي حلقات الرواية اضغط على : (رواية ملاك الأدهم)