رواية هربت منهم إليك الفصل العاشر 10 بقلم سلسبيل أحمد

رواية هربت منهم إليك الفصل العاشر 10 بقلم سلسبيل أحمد

رواية هربت منهم إليك البارت العاشر

رواية هربت منهم إليك الجزء العاشر

رواية هربت منهم إليك الحلقة العاشرة

– بس واول لما عرفت انك مش كويسة جيت..ومكنتش عايز اقابل حد لكني قابلته عشان كنت عايزه يقولي الكلام الى انا اصلا متأكد منه!! هو انك مكنتيش معاه ولا عمر كان عندك مشاعر لي!!
” مسحت عيوني بتعب وانا مبقتش متحمله حاجه تاني و قومت من على السرير لاني حسيت ان ضغطي علي”
وقف قصادي: فريده ارجوكي افهميني!!! انا اتوجعت من رفضك ليا!!! وعدم تبريرك كأني مش فارق معاكي و كل تصرفاتك وحتي هروبك مني!! وعدم ثقتك فيا!! حاجات كتير اوي وجعتـ.ني عشان بحبك !!! لكن انتي
بصتله والدموع في عيني: انا ايه؟؟ انا مش بحبك ؟ وكل الى انا فيه ده عشان ايه..؟؟
قرب ومسح دموعي: متعيطيش
– كل الى انا فيه ده عشان بحبك يا ياسين
“بصلي بعدم تصديق وهو بيحاول يستوعب وبدون تردد قرب وحضني بقوة”
” حضنته جامد انا كمان و مكنتش قادره ابعد تاني ولا احارب نفسي!! بقالي سنه كل يوم بتمني لو مكنش حصلنا كل ده وبعدنا! ”
” مكنتش قادره اقف بتوازن فا قعدني على السرير ”
– ليه مقلتيش من بدري! وليه طلبتي اطلقك اصلا لو بتحبيني يا فريده
بصتله بدون تعابير: عشان بكرهك
– ارحميني بقا من هرموناتك دي!
= انت سبتني سنه بحالها!!
– فريده! انا قلبت عليكي الشرقيه و الجيزة! مجاش في بالي انك في إسكندرية انا محضر فخمسين قسم!!
= وبرضو ملقتنيش! انا الى جيتلك
– وعملت البدع عشان تفضلي وهربـ.تي تاني مني
= مكنتش قادره اثق فيك وكنت خايفه
بص لعيوني بتركيز: هي طريقتك فالاعتذار؟
لفيت وشي بعيد عنه: حاجه زي كده.. انا مكنتش اعرف نيتك انا سمعتك انت وعمي بودني! يومها كنت نازله اشوفك فين وسمعتك مكنتش عارفه ايه من الصدمه كنت حاسه اني مشلولة!! انت عارفني!! وانا مكنتش ناويه ابعد! ولا اتجوزتك مصلحه زي ما قولت! انا كنت بحبك يا ياسين!
– كنتي؟!
= ايوه
– ومكنتيش قد وعدك ليا و سبتيني
= لأني خوفت وانت فاهم ده
– كان ممكن تستني وتفهمي! ليه فرضتي الاسوء؟ واني وحش و هعْدر بيكي
= مكنتش قادره اجازف..!! حط نفسك مكاني!! انا سمعتكم بودني محدش قالي!
– فريده انتي مش بتثقي فيا ؟؟ ازاي عاوزاني اتقبل ده؟
= تقصد انك مش عاوز نرجع؟
” لقيته لف وشه وضحك ”
بصتله بعدم فهم: ده مش مضحك !! انت فعلا مش عاوز نرجع !!! امال جاي ليه
رفع ايده: شششش بس اهدي!! متقلبيش هرموناتك عليا تاني!!
– يعني ايه! بتضحك ليه
= على خيبتي يا فريده.. انا رديتك قبل ما انزل إسكندرية اصلا
بصتله بنص عين: انت ازاي تعمل كده من غير ما تاخد رائي؟؟
– لاء ده جـ.ـنان بقا ولا ايه انتي عايزه خناقه وخلاص؟
= وانت ما صدقت ترجعني!
– ايوه!
ضحكت غصب عني من طريقته: ياسين!
– عيونه.؟
= انا حقيقي بكرهك
– وانا حقيقي بحبك
بصتله بتعابير مؤثره: ازاي؟
– ازاي بحبك؟
“هزيت راسي بهدوء وانا باصه لعيونه وسرحانه معاه”
= عشان ببساطه فاهمك.. وعارفك فاهم انك كنتي حْايفه فا مش قادر اللومك بسبب الى عملوه طبيعي متكونيش واثقة في حد و عندك رهـ.ـبه مش بتقدري تسيطري عليها والأهم من كل ده اني فعلا بحبك يا فريده! والى بيحب حد بيقدر يتخطي اي حاجه بيعملها ويسامحه الفكره بس انوه..
بصتله بندم: ايه؟؟
– اتجرـ.حت جامد اوي المره دي كنت مستعد اصلح كل حاجه بعد لما اتعصبت في الشقة لكن كلامنا بعد ما لقيتك فالشركه حسسني انك عندك استعداد تعملي اي حاجه عشان اسيبك و اطلقك وانك مش عاوزاني.. فا مقدرتش وفي لحظه زعل وغضب طلقتك لكني انا عمري ما كنت عايز
قاطعته وحضنته جامد: انا آسفه يا ياسين
= متعيطيش لو سمحتي
– انا غلطت في حقك وجيت عليك وانت ملكش ذنب فكل ده
طبطب على ضهري: مش عاوزك تفكري في اي حاجه المهم اننا رجعنا يا فريده!
– صح! انت ازاي عرفت مكاني عند البحر؟
ابتسم بخبث: من كوباية الهوت شوكلت
= مش فاهمه! انا مكنش معايا هوت شوكلت!
– لاء مش وقتها قبلها بكتير انا جيت هنا عشان الشغل برضو قبلها بحوالي اسبوع جيت و سيبت عمر يخرج لوحده بعدها حسيت اني مخنوق وسمعت ان الى بيتكلم مع البحر بيرتاح..!
فا نزلت ومعرفش ليه وسط افكاري فجأة حسيت بوجودك وانا بتمشي وشوفت كوباية هوت شوكلت حد سايبها بصيت حواليا وانا عندي احساس انوه انتي لكن ملقتكيش ولما جيت تاني تحت بيت ليلي وكان قريب من البحر عرفت انوه ممكن يبقي انتي! وروحت في نفس المكان ادور عليكي ولقيتك
“بصتله بتعجب!!!”
– كانت بتاعتي فعلا يا ياسين!! روحت البحر يومها عشان برضو كنت مخنوقه! لكن شوفت عربيتك
وكنت خايفه فا سيبت الكوباية ومشيت! و رجعت البيت علطول
ابتسم: كنت عارف ان احساسي بيكي صح!
ضحكت وانا مش مصدقه: طب وكنت بتقول ايه للبحر!
– كنت بقوله عاوز اللقيكي.. وادينا اهو سوا من تاني
” قاطعنا خبط الباب فا ياسين قام يفتح ولقاه عمر ”
– انا جبتلك كل علاج البرد
ليلي دخلت وراه بصنيه اكل: لما تاكل الأول!
عمر: ورق عنب ؟؟ وانا فين!
ضحكت: اصبر انت دلوقتي
” ياسين خد منها الصنيه ”
– تعالي بقا لسه فيه شوية بره هفكر احطهم لك ولا لاء
عمر بنص عين: بتكرهيني ليه هاه؟
” ابتسمت عليهم وهما خارجين و بنقارو في بعض ”
– ركزي معايا هنا لازم تاكلي انا مش هينفع معايا الخسسان ده كله!
= مش بتحبني ف اسوء حالاتي بقا ولا ايه
– بصي كلي وهنتخانق بعدين
ضحكت واخدت الأكل من ايده..
>>>>>>>>>>>>>>>>>>>>>>>>>>>>>>>>>>
” صلي على محمد ”
– طب ايه بقا مش هتعترفيلي بحبك؟
= انت شارب ايه يا عمر!
– مشربتش لسه عندك قهوه؟
= عندي
– بتعمليها حلو ولا ياسين
= مش هتشرب زيها
– طيب ياريت واحده مظبوطه.
” راحت تعملها وهو كان ماسك طبق ورق العنب بياكله بتلذذ..”
– ليلي هو انتي و فريده اتقابلتو ازاي؟
= بسبب القهوه
ضحك: برضو! واضح انها بتجبلك الحظ
بصتله وهي بتحط السكر: مش دايما اخر مره حدفتك عليا
عمر بلع الاكل وبصلها بنص عين: اقصدي ايه بقا حضرتك؟ انا مش صدفه حلوه يعني؟
– والله لحد من كام يوم كنت هاكلك انت وصاحبك
ابتسم ابتسامه واسعه: ودلوقتي؟
= مفيش.. مش هديكم الامان برضو!
– طب بجد اتقابلتو ازاي احكي تفاصيل
شالت نظرها من على القهوه وهي على البوتجاز وبصتله: كنت بطلب قهوه وسمعتها وهي بتسأل عن شغل و استغربت حسيتها تايهه ومحتاجه مساعده قعدنا و الكلام جاب بعضه وعرفت انها خريجه بيزنس استغربت ازاي خريجه بيزنس وبتدور على شغل في كافيه! قالتلي انها مكملتش اخر سنه بسبب ظروفها.. المهم يعني من هنا لهنا عرضت الموضوع على كريم و قال هيجرب معاها شهر وقتها قولتلها تقعد معايا ومع اني مش بثق في حد بسهوله لكني ارتحت لها و هي رفضت جدا في الأول وقالتلي مش حابه اتقل عليكي بس خوفت اخليها تقعد لوحدها وهي متعرفش اي حاجه فالبلد هنا.. وبس يوم ورا التاني قربنا و حبيتها اوي.. زي اختي وحكت لي حكايتها وبس ادينا اهو
“شلت القهوه وصبيتها في الفنجان وحطيتها قدامه وهو باصصلي بفخر و اعجاب..”
– انتي بني ادمه جميلة.. وجدعه وعمري ما شوفت حد زيك من اول نظره والله وانا حاسس انك غيرهم.. اصلي عرفت بنات كتير عشان قمور زي مانتي شايفه يعني
ضحكت بسخريه: اه وشكلك توكسيك
اتكلم بجديه وهو بيشرب القهوه: لحد ما شوفتك.
– والله؟
” راقبت الريأكشن بتاعه بعد ما شرب بصلي بنفس الجديه ”
– ليلي
رديت بزهق: خير
= تتجوزيني؟
ضحكت جامد: هي القهوه حلوة اوي كده!
– جامده
= انا مش عايزه اتجوز شكرا
“قرب ناحيتي ومعرفش ازاي خلاني اركز معاه”
– انا بتكلم جد
= عمر! انت متعرفش اي حاجه عني
– انا عرفت الى محتاجه الورق عنب والقهوه تحفه
ابتسمت: ده مش هزار
= وانا بتكلم جد
– انا عايشة لوحدي! واهلي بره وطول عمري لوحدي اخر كام سنه بس دخل في حياتي ناس كريم و فريده و الشغل و الجيران هنا.. انا حياتي ملخبطه اوي يا عمر ومعقده انا نفسي معقده بسبب.. بسبب عدم اهتمام اهلي بيا!! فا صدقني مش هينفع.. مش هينفع تهتم فتره وتبعد انا مش هقدر أ..
قاطعني: انا عمري ما هبعد!! انا بقولك عايز اتجوزك و زي ما انتي.. احنا بس هنشيل كريم من حياتك عشان مش بقبله من ساعه ما شوفته
– بطل هزار
= يجدعان دي طريقتي الجد والله! انا بحبك! وانتي عارفه اني زنان ولزقه ومش هبعد هفضل وراكي وعمري ما هسيبك يا ليلي انا بحبك!!
– بس وطي صوتك
زعق اكتر: بحباااااااك !!!
” سمعنا صوت عمر انا وياسين فا خرجنا ”
ياسين: بتجعر كده ليه!!
عمر: باركلي هتجوز انا و ليلي
ياسين: يااههه!! الف الف مبروك يا راجل اخيرا
ليلي: اصبر موافقتش!!
عمر: الله يبارك فيك ياحبيب اخوك الفرح اخر الشهر متنساش
بصتلهم وانا عاقده حواجبي: يجماعه ايه العبث ده فرح ايه!!
قربت ناحيتها: على فكره
بصتلي بقلة حيلة: ايه؟
– لايقين على بعض اوي
= اه ده انتي فوقتي عليا بقا؟
ضحكت جامد: عاوزاكي جوه.. تعالي
– ليه فيه ايه
= تعالي !!
“دخلنا انا وهي وسمعنا صوت المزعج”
– واخده مراتي المستقبلية على فين!
ياسين ذغده: ريح بقا!
>>>>>>>>>>>>>>>>>>>>>>>>>>>>>>>>>>>
” سبحان الله و بحمده سبحان الله العظيم ”
– في حاجه ولا ايه دخلتينا هنا ليه
“بصتلها وانا عيوني بتلمع وحضنتها جامد”
بصتلي بعدم فهم: انتي كويسة يا فريده!
“هزيت راسي وانا مبتسمه بفرحه”
– ياسين قالي انوه ردني.. انا عاوزة اعتذلك عن طريقتي معاكي اخر فتره
= انتي بتهزري صح ؟
– تؤ خليني اكمل ممكن!
= لا ده كلام ملوش لازمه!.
– عشان خاطري! ريحيني
انا يا ليلي عمري في حياتي ما حد عمل معايا زي الى انتي عملتيه انا عايزه اقولك.. اني ممتنة اني قابلتك ولو كل الى حصلي وحش فا لاء كانت احلي حاجه فيه انتي واننا عرفنا بعض وفضلتي واقفه جمبي وانتي حتي متعرفنيش.. وكمان حبتيني و كنتي واثقه فيا مع اني مكنتش واثقه في اي حد!! فا انا لو ضايقك اسفه عشان اخر يومين كنت سخيفه معاكي حقيقي..
حضنتني بحب وعيونها مدمعه: انا بحبك اكتر من الأخوات انتي مش محتاجه تقولي كل ده يا فريده صدقيني انا حقيقي الى مبسوطه وبشكر الظروف الى عرفتني عليكي وعلى حد قلبة ابيض زيك وحنين!
– انا كمان بحبك اكتر أصلا.. وانتي احن حد في الدنيا.
>>>>>>>>>>>>>>>>>>>>>>>>>>>>>>>>>>>
” فاتت فترة صغيره اوي بعد اليوم ده كنت مع ليلي كل لحظه عشان بنجهز للفرح.. وكمان بجهزني تنا!
عشان استاذ ياسين قرر يعمل فرحنا سوا.. بما اننا لما اتجوزنا معملناش فرح.. مكنتش متخيله اني انا و ليلي هنتجوز في يوم واحد..! و خلاص الايام جريت بعد ما ظبطنا كل حاجه و عزمنا كل الى حابين يبقوا موجودين!! وحتي الى مش حابين وجودهم..! ”
|| في الفرح.. ||
ليلي: كان لازم يعني تصممي تعزمي اهلك؟
– حصل ايه بس ؟
= انتي مش شايفه متوتره ازاي
“ابتسمت وياسين كان ماسك ايدي ولكن مش مركز معانا”
بصتلها واتكلمت بجديه مزيفه: احم.. انا بس مقلقه يعملوا اي حاجه و يبوظوا فرحك انتي!!
= الاه الاه وانا مالي انا طب
ضحكت: متخافيش.. ياسين قالي ان كل حاجه اتغيرت!! وانهم بقوا عاقلين شوية..!
” عمر شدها فجأة وراحوا يرقصوا وانا ضحكت بعدين ياسين اللتفت ناحيتي ”
– ايه بقا؟
= ايه عايز ايه؟
– هعوز ايه بعد القمر ده يعني
” لقيت زينب جايه ناحيتي”
– فريده!! شكلك زي الجمر !!!
حضنتها: مفيش احلي منك يا زوزو!
” سلمت عليها و بعدها طه جه يسلم علينا وبعدها ماما الى كنت مستغربه الهدوء الى هي فيه معايا ”
– ربنا يسعدكم
= ويخليكي لينا يا حماتي.
– يكش تخافظ عليها يا ياسين
= في قلبي والله..!
” بصيت على عمر و ليلي وكان شكلهم حلو سوا! ”
– ليلي!
= ايه ياعمر
– اشيلك واللف بيكي؟
= ايه حركات 2013 دي! ونقوم واقعين سوا!
– تصدقي انا غلطان
= اه ارقص وانت ساكت
– بقولك ايه طيب.. ليلي.. ليلي يا ليلي
= اييييه! يخربيت زنك طلقني
ضحك جامد: بحبك طيب
ليلي وشها احمر: ماشي
– ايه ماشي دي ؟
= خلاص بقا يا عمر
” عمر سكت ومثل الزعل فا هي بصتله ونكشته ”
– يا زنان..؟ طب وانا كمان بحبك على فكره.
= ايه!
– بحبك يا عمر.
= هشيلك واللف بيكي
= بكرهك يا عمر
” فضل يضحك وحضنها جامد وهي ابتسمت بسعاده
وهي معاه.. ”
” روحنا نرقص انا و ياسين لما خلصنا فقرة السلامات ”
= ياسين بطل معاكسه وتسبيل هاه في ناس عيونهم هتفلقنا نصين..
ضحك: والله يا روحي ده طلبك.. معرفش جبتي الجراءه دي منين اننا نعزمهم كلهم ومعرفش هما ازاي وافقوا يجوا!
“ابتسمت وبصتله فا هو استغرب”
– بتبصيلي كده ليه.؟
= عشان ببساطه انا جبت الجراءه دي منك..
انا مش خايفه لأني معاك يا ياسو… حتي وسط وجودهم.. و كمان انا اتفقت مع عمي اننا هنروح البلد نعمل حفله صغيره كده هناك كمان عشان الناس تعرف ومنها نبقي رضينا كل الأطراف
– انتي بتهزري صح؟؟ انتي مكنتيش مضطره تعملي كده او تيجي على نفسك!
= صدقني انا كويسة طول ما انت جمبي .. وانا واثقه فيك! و عارفه انك مش هتسيب حد يضايقني ابدًا أنا هربت منك مرتين يا ياسين. وفالمرتين محستش بالأمان.. انا دلوقتي بهرب من الدنيا.. ومن الكل معاك انت.. عشان انت اماني فا مش مهم اي حاجه تانيه!
بصلي بعيون مليانه حب: قولتلك اني بحبك اوي؟
ابتسمت: ايوه قولت
– نقول تاني.. بحبك يا فريده
= وانا كمان بحبك يا ياسين.!♡
>>>>>>>>>>>>>>>>>>>>>>>>>>>>>>>>>>>
تمت بحمد الله

لقراءة باقي حلقات الرواية اضغط على : (رواية هربت منهم إليك)