رواية مغامرات ابناء العاصي الفصل الخامس 5 بقلم كنزي حمزة

رواية مغامرات ابناء العاصي الفصل الخامس 5 بقلم كنزي حمزة

رواية مغامرات ابناء العاصي البارت الخامس

رواية مغامرات ابناء العاصي الجزء الخامس

رواية مغامرات ابناء العاصي الحلقة الخامسة

جلس داخل سيارته خلف عجلة القياده وبجانبه جلست غمزه وعلي قدمها طمطم وبالخلف جلست كل من غزل وتيا وعنديته ليا
وعم الصمت السياره طول الطريق ولكن طمطم نوت ان تحثهم علي مشاكثتها
طمطم: انتو مالكم ساكتين كده ليه
غمزه: وعايزنا نعمل ايه يا لمضه
طمطم: اي حاجه بقي يا غمسه، سغل الكاسيت يا عاثي
عاصي: بس يا طمطم مش ناقص صداع
غمزه بلهفه: مالك يا حبيبي انت تعبان
غزل: عاصي لو مصدع يا حبيبي انا معايا مسكن
كان يراقب تعابير وجهها من خلف نظارته الشمسيه ولكنها لم تهتم لهم وكانت تراقب الطريق
عاصي بغضب: في ايه يا جماعه انا مش تعبان ولا حاجه ماتكبروش الموضوع يعني
تيا: ايوا يا عم مين ادك انت مش اي حد بردو المزتين دول يخافوا عليه ههههههههههههه
قرر ان يتلاعب بأعصابها ويتجنبها
عاصي: ههههههههههه والله انتي اللي مزه يا بت يا تيا هتفضلي على طول فرفوشه كده
التفت اليه بغضب ذلك العنيد هل يمزح مع توؤمها ام يريد اغظاتها
طمطم: طب سغل الكاسيت بقي
عاصي: حاضر ياستي وادي الكاسيت اهو ها قولولي بقي هاجي اخدكم امتي
غمزه: يعني تعالي علي ٨ كده
واخيرا نوت ان تتحدث لتشعله من الغيظ
ليا: مامي احنا متفقين اننا هنبات مع دانا انا وتيا ماشي، ماتجيش بقي باليل تقولي يلا
استشاط غيظا منها ولكنه تحلي بالصبر فهو يعلم انها القت هذا الكلام علي مسامعه لتغيظه
غمزه: خلاص يا ليا انتوا مش قولتوا لبابي قبل ما ينزل وهو وافق ؟
تيا: ايوا يا مامي وقالنا باتو وبكره عاصي ولا عدي يبقي يجوا ياخدونا
غزل: خلاص تبقي بكره تيجي تاخدهم يا عاصي، مانت عارف عدي مش بيحب يروح هناك
عاصي: لاء الله معلش، مش فاضي انا نازل الشركه مع ابويا وعمي من بكره
غمزه: بجد يا حبيبي ده ايه القرار الحلو ده
عاصي: ههههههههه مالك فرحتي كده ليه، دا انتي فرحتي اكتر مني، اعمل إيه لجوزك ياستي هو اللي مصمم مش صابر حتي اما اخد اول سنه في الهندسه، عمال يقولي كلية ايه ياض دانا اللي هدربك بنفسي واعلمك كل حاجه
غزل: ربنا يخليه لينا، هو و باباك عايزينك تبقي تحت عنيهم عشان تعرف كل حاجه
تيا: يا خواتي عليك يا عاصي وانت نازل من العربيه زي بابي كده وشايل أوراقك والرسومات الهندسيه بتاعتك، هتبقي امور خالص
نظرت لها بغضب ولكنها اصرت الصمت فأن تفوهت الان سوف تلقي علي ماسمعهم ما يغضبهم منها اكثر
عاصي: هههههههههه امور، والله انتي اللي قمر وعسل وحتة سكره يا بت يا تيا يا حبيبتي انتي
طمطم: هاه كل ده تيا وطمطم لاءه، انا سعلانه منك
عاصي: ههههههههه لاء دانتي روحي، حد بردو يقدر يزعل حبيبه منه ههههههههههههه، يلا اتفضلو وصلنا
وبمجرد ان اوقف السياره داخل حديقة الفيلا ترجلت منها بغضب ولم تلتفت اليهم او تنتظرهم و ذهبت للداخل مسرعه
تيا: استني يا ليا لما ندخل مع بعض، وذهبت من خلفها
غزل: طب سلام يا حبيبي خلي بالك من نفسك وانت راجع، ماتسوقش بسرعه
عاصي: ماشي يا ماما حاضر، سلام يا طمطم
طمطم: سلام، والقت له قبله في الهواء
وقفت غمزه امامه تملس علي وجه بحنان: عارفه انك زعلان من اللي حصل بس هي كمان زعلانه بس العند مش هايعمل حاجه غير انه هايزود الزعل
تنهد تنهيده قصيره يخرج فيها غضبه: سبيها لما تجيب اخرها، انا ماغلطش عشان اروح اصالحها واقولها حقك عليا المفروض هي اللي تعتذر
غمزه بمكر: وهي مش هتعتذر وانت عارف دماغها كويس، ايه هاتفضلوا كده
عاصي: شكلك عمي مراسيكي علي الحوار كله
غمزه: عيب يا واد من غير مايرسيني انت عارف عمك مش سهل تطلع منه كلمه، بس انا اللي مربياك وعارفه كويس مين اللي قاعده هنا 💗 ومربعه كمان هههههههههه
عاصي: ايه ياجدعان هو انا مكشوف ليكي انتي وجوزك اوي كده
غمزه: ههههههههههه ياواد دانت ابننا احنا مش ابن غزل وحمزه، يلا سلام وماتتأخرش عن الساعه ٨
عاصي: ماشي يا مزتي سلام بس مش عايز حد يعرف حاجه،
اتجهت هي للداخل وركب هو السياره وقادها الي الخارج متجها الي الجماليه
///////////////////////ه
وفي الداخل القت بنفسها في احضان صديقتها
وهتفت: وحشتيني اوي يا دانا، كده بردو تقعدي المده دي كلها وتسيبينا
دانا: ليا يا حبيبتي وحشتيني اوي
هتفت تيا من خلفهم: لو كنا وحشناكي مش كنتي قاعدتي المده دي كلها وسيبتينا
دانا بعد ان احتضنتها هى الأخري : هههههههه والله وحشتوني بس اعمل ايه بقي بصراحه ماكنتش هاقدر مأقعدش مع اصحابي الشهر ده في السخنه، داحنا قضينا ايام تحفه هناك.
لتهتف دارين القادمه من الداخل: اهلا اهلا بحابيبي وحشتوني
غزل: وانتي كمان يا روحي وحشتينا اوي
غمزه: اه يا بكاشه كل ده، وحشتينا يا دارين
دارين: تعالوا نقعد في الجنينه علي البيسين
وبعد ان جلسوا هتفت: اعمل ايه بس في الهانم دي، مكانتش عايزه تيجي ولا انا كنت اقدر اسيبها لوحدها، انتوا عارفين احمد وتحكماته
غمزه: هو انتي كنتي عايزه تسبيها لوحدها وترجعي ولا ايه
دارين: بصراحه اه زهقت من القعده هناك وكلهم شباب وبنات من سن بعض وامهاتهم بقي مأقلكيش، حاجه كده ايه، اللي هما التناكه كلها
غزل: بس بردو مكانش ينفع انك تسيبها لوحدها هناك
دارين: وهو انا كنت اقدر، ده احمد كان بهدل الدنيا، ده جالنا اخر اسبوع قضاه معانا وفي اخر يوم قال كفايه عليكم كده، الهانم حاولت تعترض وتدلع عليه كالعاده بس هو تربس دماغه وصمم اننا نرجع
غمزه: اه يابختكم بصراحه احنا اللي عايزين نطلع يومين حتي البنات نفسيتهم وحشه اوي ومش بيبطلوا مشاكل مع عاصي وعدي
غزل: والله ليهم حق، احنا الصيف ده ماروحناش في اي حته والبنات ماخرجوش خالص
دانا: طب ايه رأيك يا انطي غمزه لو تقولي لأنكل عاصي و ونروح انشالله يومين سوي قبل الدراسه، عشان خاطري
غمزه: اه منك يا شقيه، انتي يا بنتي انتوا لسه راجعين
تيا: والنبي يا مامي انتي عارفه كويس انك لو طلبتي منه مش هيرفض ليكي طلب
غمزه: ياسلام مانتي عارفه انه مشغول في الشركه هو وعمك ومش هيرضي يخليكم تروحوا من غير رجاله خصوصا وان عاصي هاينزل معاهم الشركه من بكره
ليا: وهو يعني اذا مكانش سي عاصي يجي معانا، ماينفعش نروح، مايروح معانا عدي وزين كمان نازل اجازه اليومين دول نخليه يروح معانا
دانا: ماعتقدتش ان زين هيوافق، داحنا اتحايلنا عليه كتير اوي وهو كل اللي طالع عليه عندي شغل عندي شغل، دا بقاله شهر بحاله مانزلش اجازه
ليا بمكر: اهو راجع بكره ولا بعده والوحيده بقي اللي هتقدر تخليه يوافق هي تيا
تيا: ياسلام ياختي واشمعني انا ولا انتوا دايما كده تحطوني في وش المدفع انتوا الاتنين
غمزه: خلاص اما يجي بس بالسلامه انا هاكلمه ولو لقيته موافق هاكلم باباكم وغزل عليها حمزه بقي، فرحول البنات جدا بماقالته وقضوا يومهم بسعاده ومرح
/////////////////////////////////ه
صعد مع عدي بيت الجده توحه ليريه مشروعه الصغير وما حصده من تربية الكلاب
عاصي: تعالي يا سيدي وريني مزرعة الكلاب اللي انت عاملها دي
عدي: تعالي تعالي ده انا بقي عندي تقريباً كل الانواع
( الچرمن والجولدن و الهاسكي لحد اللولو كمان)
عاصي: ههههههههه ماشي ياعم وعلي كده بقي بتكسب حلو الحكايه دي
عدي: هي بتكسب طبعا، دا اقل كلب فيهم بيعدي الالف جنيه بس انت عارف اني واخدها هوايه مش حرفه يعني
امسك مقعد وقلبه امامه وجلس عليه، وضع يديه علي مقبضه وهو يحثه علي الجلوس امامه وهتف: طب وانت بقي ايه، اخبارك ايه
عدي: اخباري ايه يا عاصي، مانت عارف كل حاجه عني وعارف يومي ماشي ازاي، طول النهار في الوكاله مع ابوك وباليل هنا مع الكلاب، يأما نايم في البيت
عاصي: اه بس الكلام ده ماجدش الا من يوم ماتخنقت مع دانا بنت احمد وزين زعقلها عشانك ومن يومها هي بطلت تيجي هنا وانت قفلت حياتك علي نفسك
عدي: ماتجبليش سيرتها، دي بت مغروره ومتكبره
عاصي: ومالك وشك قلب كده ليه اول ماجات سيرتها
عدي: مش بطيقها يا عاصي، دي واحده كل اللي يهمها هاتخرج فين وتصاحب مين وتلبس ايه
عيله تافهه مالهاش اي هدف في الحياه غير انها تصرف فلوس ابوها في الكلام الفارغ
عاصي: ياه دا انت بتكرهها اوي البت دي.
عدي: اه بكرهها وياريت لو تبعد عننا
عاصي: طب ماتحاول تصلح علاقتك بيها، انا بصراحه ماقدرش اقطع علاقتي بأحمد ولا بأبني عشان ابعدها عنك
عدي: اااايه تبعدها عني دي وانا مالي ومالها، وبعدين انا ماقولتلكش ابعد عن صاحبك وعارف كويس زين بالنسبه ليك ايه، بس صدقني هي ولا تعنيني في اي شيء حتي لو جبتها تعيش معانا هنا
عاصي وهو يطبطب علي كتفه: ماهو باين انها مش تهمك في حاجه بدليل اننا من ساعة ماطلعنا ماتكلمناش غير عليها، بس عايز اقولك علي حاجه انت لسه قدامك سبع سنين في كليتك، حط رجلك علي اول درجه في سلم طموحك وهتلاقيني في ضهرك واول ما هاتبدأ تتخصص في حاجه معينه في دراستك هتلاقي احسن عياده في احسن حته في البلد مفتوحه بأسمك، ولو عايز تجدد عربيتك قبل ما الكليه تبدأ، هاغيرهالك ولو حبيت تخطب وانت بتدرس هاخطبلك انشالله تكون بنت وزير، المهم عندي اني ماشوفش في عينك حاجه تكسرك عايزك، قوي زي انا وحمزه ماشي يا حبيبي
عدي: ربنا يخليك ليا يا عاصي، انا عارف انك ديما سندي وماتخافش انا مش هاخذلك ابدا
عاصي: ويخليك يا حبيبي، ياض دانت ابني مش اخويا بس تعرف اهي كل كلابك دي مافيهمش واحد زي عنتر ههههههههههه
///////*************ه
وصل امام الفيلا في تمام الثامنه ورن هاتف والدته واخبرها انه بالخارج، ترجلوا اليه ومعهم احمد ودارين
احمد: ايه ياض مش عايز تدخل تسلم عليا
عاصي الصغير: هههههههه ازيك يا عمي واحشني، والله كنت فاكرك مش جوه
دارين: ولو مش جوه ماينفعش تدخل تسلم عليا انا
احمد: هههههههه ماهو عشان تربية حمزه وعاصي مهما تقنعيه انه زي زين والبيت ده بيته بردو مش هيقتنع
عاصي: ربنا يخليك يا رب يا عمي، انا عارف والله بس الوقت اتأخر وابويا وعمي قالولي ماتأخرش
احمد: ماشي يا عاصي يا صغير وانا مش هأخرك وابقي سلملي عليهم لغاية ما اجي الجماليه واقعد معاكم شويه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)