رواية مغامرات ابناء العاصي الفصل الرابع 4 بقلم كنزي حمزة

رواية مغامرات ابناء العاصي الفصل الرابع 4 بقلم كنزي حمزة

رواية مغامرات ابناء العاصي البارت الرابع

رواية مغامرات ابناء العاصي الجزء الرابع

رواية مغامرات ابناء العاصي الحلقة الرابعة

جلست بجانب الصغيره في فراشها توبخها ببعض الكلمات لتهتف الصغيره
طمطم: لاءه يا مامي انا مس قولت لعاصي حاجه انا كنت فاكله بوده في المخسن معاهم ولوحت انده عليه
غزل: يا سلام اومال هو عرف منين وايه اللي خلاه يطلع يضربها لو مش انتي اللي قولتيله
طمطم ببراءه: يوووووه يا مامي افهمي بقي، انا دخلت انده علي بوده عسان نلوح نجيب حاجه حلوه بالعثله جنيه اللي جدو ادهالي، فهو سألني جدك اداكي الفلوس دي ليه، فأنا قولت له هو وعدي بث هو ده اللي حثل
وقف حمزه امام باب الغرفه وهتف: خلاص يا حبيبة بابي ماتزعليش، مفيش حاجه حصلت
جرت الصغيره عليه وحملها بين يديه: بث مامي سعلانه مني وليا مخاثماني وكمان عاثي سعلان
حمزه: معلش يا حبيبتي كل حاجه هتتصلح تاني وبعدين مين قال ان مامي زعلانه منك هي مامي بردو تقدر تزعل من طمطم حبيبتها
نظرت اليه بتعجب مما قاله وكأنه برأسين هل يريد اغاظتها
ام هو لا يدري ما فعله،
صاحت الصغيره وهي داخل احضانه: طب انا عايسه انام جانبك النهالده بقي
حمزه بحب: ياسلام وانا اطول انام واميرتي في حضني، بس السرير بتاعك ده صغير عليا، ايه رأيك لو ننام انا وانتي ومامي في اوضتي النهارده
هتفت غزل بغيظ: لاء مش ليكم دعوه بمامي واتفضلوا ارتاحوا انتوا في اوضتك براحتكم انا هنام هنا
نظر لها وهو رافع حاجبه الايمن بأندهاش: خلاص براحتك انتي حره، يلا بينا يا طمطم، خرج من الغرفه وتركها وهي مستشاطه من الغيظ
/////////////////ه
اقبل عليهم الصباح وهي غافيه بين احضانه علي صدره العاري لتفتح عيناها لتقابل عيناه التي تتفحصها بجراءه ويعبث في خصل شعرها المتمرده مثلها
عاصي: صباح الفل ياقلبي
غمزه وهي تعطيه ظهرها: اوعي كده مالكش دعوه بيا
عاصي وهو يعبث في منحنيتها: ههههههههه انتي لسه زعلانه ولا عايزه عقاب تاني
اندهشت هي مما تفوه به وسريعا ما التفتت له: انت مش هتبطل قلة ادب
جذبها اليه وهو يضحك بشده: هههههههه انتي اللي طلبتي اهو تعالي يا قلبي
_بس بقي يا عاصي اسكت، البنات زمانهم صحيوا
عاصي وهو يحتضنها: عمرك ما هتكبري ابدا، هاتفضلي طول عمرك حبيبتي المتمرده ام خدود حمره
وكزته علي صدره وهي تتملص منه: طب اوعي بقي عشان احضرلك الفطار قبل ماتنزل الشركه
جذبها علي صدره مره ثانيه والصقها به وهمس في اذنها: مش رايح الشركه وعايز احلي، ينفع ولا لسه زعلانه
غمزه: هاه يعني انت مش نازل
عاصي: اه مش خارج النهارده، في حاجه ولا ايه، مالك وشك قلب كده
_هاه مفيش حاجه ااااصل دارين ودانا رجعوا امبارح من السفر وكانت عازمانا انا وغزل والبنات عندها النهارده بس خلاص بقي طالما انت مش خارج مش هنروح
_ليه روحو يا حبيبتي براحتكم، انا قاعد النهارده عشان اقعد مع عدي وعاصي، بقالي كتير ماقعتدش معاهم، محتاج افهم هما بيفكروا في ايه
غمزه بفرح: ربنا يخليك لينا ياحبيبي بس تلاقي غزل مش هترضي عشان حمزه مش هايروح الشركه
_مين قال كده، حمزه اصلا عامل اجتماع للمحاسبين النهارده، انا بس اللي قاعد، هاه ينفع احلي بقي ولا في أسئله تاني
_هههههههههه يا لهوي عليك، لاء سيبني اقوم بقي
_تقومي فين تعالي بس يا شيخه احنا لسه ماخلصناش كلامنا
//////////////////////////////ه
استيقظ من نومته واعتدل من جانب طفلته وذهب الي المرحاض ليتوضأ وخرج منه وجذب سجادة الصلاه وصلي فرضه ثم اتجه الي غرفته مره ثانيه حتي يلبس ملابسه ويذهب الي عمله ولكنه توقف حين رأها تقف امام المرأه تسرح شعرها، اتجه اليها واحتضنها من الخلف وبدأ يقبلها في عنقها لتهمس هي
غزل: اوعي كده سيبني، روح كمل نوم جنب بنتك
حمزه: هههههههه انتي غيرانه ولا ايه، طب مانا قولتلك تعالي نامي جنبنا وانتي اللي قولتي لاءه
_يا سلام ياخويا، يعني تزعلني وعايزني اجي انام جانبك من غير ماتصالحني
حمزه بمكر: انا زعلتك امتي ده، ماحصلش وعلي العموم يا ستي اصالحك احنا ورانا حاجه
احتضنها جيداً وهمس في اذنها: حقك عليا يا روحي انا اصلا مقدرش ازعلك، ثم وضع شفاه علي شفاها وطبع قبله طويله علي ثغرها
لتهمس هي: حمزه هتسيب عاصي زعلان كده
تنهد هو بحزن ونظر الي عسليتها وهمس: يا حبيبتي ابنك مابقاش صغير، الطريقه اللي بيعامل بنات عمه بيها دي غلط، لازم يتشد شويه عشان يكبر بقي ويتحمل مسؤولية نفسه
غزل: بس هو مش بيعامل حد كده غير ليا هي اللي على طول حاطتها في دماغه ودايما يتخانق معاها
حمزه: طب ده تسميه ايه بقي، ثم غمز لها بعينه وهتف: الواد بيعشقها من صغره يا ام عاصي بس هو اللي لسه مش عارف يخطي الخطوه الصح
_ابنك ده لا بيحب ولا بينيل، ده غشيم وهيفضل طول عمره كده
_ههههههه طب هنشوف كلامي اللي صح ولا كلامك، المهم دلوقتي انا عايز افطر عشان اروح الشركه
_حاضر طب مش هاتنزل تفطر مع عاصي وبابي تحت
_لاء عاصي مش رايح الشركه، تلاقيه مش هينزل دلوقتي
_طب هي دارين كانت عزمتنا عندها النهارده، نروح ولا ايه
_ماشي روحوا وخلي عاصي يوصلكم، ما تروحوش لوحدكم
_حاضر يا حبيبي هاقوم بقي احضرلك الفطار
_طب ماتيجي نحضره سوي ههههههه
////////////////////////ه
استيقظت من نومها واعتدلت جالسه وهي تبكي عندما تذكرت ما حدث امس، انفتح باب غرفتهم ووجدته امامها يستمع الي شهقاتها وينظر لها بهدوء
عاصي: ليا قومي اغسلي وشك وتعالي، انا عايز اتكلم معاكي
_حاضر يا بابي، خرجت من جانبه متجهه الي المرحاض
نظر الي توؤمها المبتسمه له وهي تصيح
تيا: صباح الخير يا بوب، انت مش خارج النهارده ولا ايه
_صباح الفل يا شقيه، لاء يا ستي مش خارج وايه بوب دي، انا كمان هاتدلعيني ولا ايه
قفذت من علي الفراش واتجهت مسرعه اليه وهي تبتسم
_طبعا ادلعك وابوسك كمان، دانت احلي بوب في الدنيا بحالها ههههههههههه
عاصي وهو يضمها الي احضانه: ماشي يا شقيه انتي، روحي بقي اغسلي وشك وحضري الفطار مع امك عشان عايز أتكلم انا واختك شويه
_عيوني بس امي لو سمعتك وانت بتقول امك دي هاتقتلك
_هههههههههه هاتيجي تقولي علي فكره اسمها مامتك مش امك ههههههههه
دخلت ليا عليهم وهي مازلت بوجه متبرم حزين
ليهتف عاصي: طب يلا بقي يا شقيه عشان عايز اتكلم مع اختك شويه
نظرت اليها بحزن وأومئت برأسها له واتجهت للخارج لتجلس ليا بجانبه علي الفراش وهي محنية الرأس
عاصي: ارفعي راسك وبصيلي هنا، انتي عارفه انك غلطانه صح ولا لاءه
ليا: ايوه يا بابي عارفه بس هو كمان غلطان
_انا عارف انه غلطان وهاحاسبه علي غلطه ده
_هاه لاء لا يا بابي، اصلا انا اللي استفزيته وخليته عمل كده لما شتمته
رفع الاخر حاجبه مستفهما وهو ينظر لها في دهشه: وبتحاميله ليه بقي لما انتي عارفه انه غلطان
احنت رأسها للأسفل ولم تتحدث
عاصي: طيب علي العموم انا مش عايز اللي حصل ده يتكرر تاني ولسانك ده مش عايزه يطول علي حد منهم تاني وكلامهم يتسمع سواء عدي او عاصي او حتي زين، انتي فاهمه
_حاضر يا بابي
_مالكيش دعوه بطمطم خالص واوعي تضربيها تاني
_حاضر يا بابي
_والكلمه اللي يقولهالك عاصي بالذات تتنفذ، مفهوم
نظرت اليه في دهشه ولكنها لم تتحدث ليصيح هو: مفهوم يا ليا
انفزعت من صوته وهمست: حاضر يا بابي
_طب يلا عشان نفطر سوي دلوقتي وانا زي ما قعدت معاكي هاقعد معاه واعلمه الادب
اخذها من يدها واتجهوا للخارج ليتناولوا طعام الافطار
///////////////////////////////د
جالس علي فراشه في صمت لم تغفل عينه طول الليل فقط يري امامه صورة عنيدته وهي تتحداه، لم يشعر بهذا الذي يقف امامه ما يقرب العشر دقائق يلوح له بيديه الي ان زجه في كتفه
عدي: ايه يا بني التوهان اللي انت فيه ده، ماتفوق بقي
عاصي: ايه يا اخي خضتني في ايه
_انا اللي في ايه، انت اللي مش حاسس بنفسك، بقالي ساعه بكلم فيك وانت ولا هنا
_سيبني في حالي مش عايز اتكلم مع حد
_لاء فوق كده واظبط، الكلام ده قولته امبارح وسيبتك وفضلنا قاعدين ساكتين عند الكلاب لكن دلوقتي عمك نازل يقعد معاك، هاتقوله هو كمان سيبني في حالي؟
قفز من علي فراشه واتجه للخارج وهو يصيح بصوت عالي: يووووه فككوا مني بقي، انا لاعايز اتكلم ولا اقعد مع حد، واذا به يجذب الباب من مقبضه ليراه امامه بكل هيبته
عاصي الكبير: لاء يا عين ابوك، فكك انت بقي من الشويتين دول عشان مش هايكلوا معايا وهاتقعد تتكلم زي الرجاله ولا اعتبرك عيل واعاملك معاملة العيال الصغيره
_انا مش عيل يا عمي وماغلطش عشان تنصبولي محكمه
_ومين قال اني ناصبلك محكمه ياض انت، هو انا لما احب اقعد واتكلم معاكم يبقي بنصبلكم محكمه ولا بكبركم وباعاملكم زي الرجاله
احني رأسه امامه وهو يعض علي شفاه السفلي ولم يتكلم الا انه ربط علي كتفه وهتف
_طيب ادخل اتشطف يلا وانا هانزل استناك في الوكاله تحت عقبال ما تفطر وتنزلي، ثم تركه وذهب للاسفل لينظر هو الي عدي بغضب
عدي: ايه ماتبصليش كده، انا لسه كنت هاقولك انه قاعد بره لكن انت مادتنيش فرصه
_ماشي يا عدي انا نازله، هي موته ولا اكتر
اتجه الي المرحاض توضيء وخرج صلي فرضه واتجه الي خارج شقة جده ولكن اوقفه صوت جدته: عاصي افطر الاول وبعدين انزل
عاصي: مش عايز حاجه انا نازل، ولكنه ارتطم بها وهي تدخل مندفعه مثل عادتها هي واختها
لم تتحدث وغضت عينها للاسفل لتوريهم من عينه المرعبه وهو ينظر لها بغضب
هتفت تيا: صباح الخير يا عاصي
التفت اليها وهتف: خير بقي ولا شر اهو صباح، وتركهم ونزل سريعا للأسفل واتجهوا هما الي الداخل ليصبحوا علي جدتهم وعدي
///////////////////////////////////////
وفي الاسفل داخل الوكاله جلس عاصي خلف المكتب براحه في انتظاره الي ان دلف اليه
عاصي: الله اومال ابويا فين وجدي كمان فين
عاصي الكبير: ابوك راح الشركه وجدك في المخزن، في تاجر بيحمل نقلة رز منه
عاصي: طب هاروح اقف معاه، مش معقول هانسيبه لوحده
عاصي الكبير: اقعد ياض وبطل ملاوعه في الكلام، انا مخلص كل حاجه وعدي دلوقتي هاينزل ها نتكلم بقي زي الرجاله ولا ايه
وقف امامه وهو يفرك خلف رأسه بيده: هي اللي عصبتني يا عمي، انا والله ما كنتش ناوي امد ايدي عليها بس هي اللي لسانها طويل وكل ما تشوفني تقولي يا صايع يا بلطجي يا حيوان
عاصي الكبيربهدوء: طب انت ايه اللي يخليك تديها الانطباع ده يا حمار، مش هتبطل غشوميه بقي لانت بقيت صغير ولا هي بقت صغيره
نظر له ولمعت عيناه وتفهم ما ينتويه عمه ليكمل الاخر: لو فضلت المعامله بينكم كده هاتفضل تعاملك زي اخوها ولااانت فعلا عايزها اخت ليك بس ولا ايه
عاصي وقد جلس امام عمه بهدوء: مانت عارف يا عمي انا عايز ايه وناوي علي ايه، بس بنتك بقي هي اللي مش بتطيقني وعلى طول تتخانق معايا
عاصي الكبير: بس اللي شوفته امبارح لما قولتلي انك ضربتها ولهفتها وخوفها عليك ما يقولش كده
عاصي: يا عمي
عاصي الكبير: ماليش دعوه بمعاملتكم لبعض لاني واثق انك هاتغيرها، لكن انا عايز اقولك علي حاجه، ضربك لها وانك تمد ايدك عليها مش هايثبت قدامها غير انك مش راجل، زمان انا عملتها مره واحده مع غمزه ولومت نفسي ساعتها كتير بس كان معايا حق، لكن انت بسبب ومن غير سبب بتمد ايدك، عايزها تفهم انك كبرت ومابقتش راجل ازاي وانت لسه بتعاملها زي ماكنتوا عيال، اظن ماينفعش مش كده ولا ايه
عاصي: حاضر يا عمي اوعدك من هنا ورايح ايدي مش هتتمد علي واحده منهم تاني
عاصي الكبير: ياض دانت البكري بتاعنا وانت اللي هاتمسك كل حاجه من بعدنا، عدي هايبقي دكتور ومالهوش في الهندسه وانا عايز اعلمك كل حاجه الصغيره قبل الكبيره، اومال هاجوزك بنتي ازاي هههههههه
عاصي: بجد يا عمي، ربنا يخليك ليا يا رب
عاصي الكبير: ويخليك يا حبيبي بس عايزك بقي تبقي قد المسؤولية دي، ومن بكره هاتنزل الشركه معايا
عاصي: بس الكليه هاتبدأ بعد شهر وانا لسه معرفش اي حاجه
عاصي الكبير: كلية ايه ياض، انت هتبقي تحت ايدي وانا اللي هادربك علي كل حاجه، المهم دلوقتي انت هاتبقي مسؤول قدامي عن ليا من غير ماتعرف اي حاجه عن اتفاقنا لحد ما تخلص الثانويه، مفهوم يا عاصى ؟
عاصي: حاضر يا عمي ماتخافش، محدش هايعرف اي حاجه عن اتفاقنا ده
عاصي الكبير: طب يلا دلوقتي بقي اطلع حضر نفسك عشان توصلهم عند عمك احمد في زايد وسيبهم وتعالي
عاصي بفرحه: حاضر يا عمي، ربنا يخليك ليا يا حبيبي يا رب

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)