رواية مغامرات ابناء العاصي الفصل العاشر 10 بقلم كنزي حمزة

رواية مغامرات ابناء العاصي الفصل العاشر 10 بقلم كنزي حمزة

رواية مغامرات ابناء العاصي البارت العاشر

رواية مغامرات ابناء العاصي الجزء العاشر

رواية مغامرات ابناء العاصي الحلقة العاشرة

رفعت فيروزتها لتقابل رصاصيته لتبدأ بينهم اول شرارة عشق متبادله وهمست له وهي تضع يدها علي صدره
تيا: زين لو بتحبني بجد بلاش، انا بخاف من المايه وانت عارف
زين: بحبك ياحته من قلب زين، انا روحي فيكي انتي
تيا: وانا كمان بحبك اوي بس لو عملت كده هاخاصمك
تركها من بين يديه وهتف
زين: لاء وانا مقدرش علي خصامك يا قلبي بس عايز اعرف حاجه واحده، بتحبيني عشان انا زين اخوكي ولا حبيبك وخطيبك
احنت رأسها في خجل ولم ترد عليه
وضع اصابعه اسفل زقنها ورفع وجهها ليقابل وجهه مره ثانيه وهمس
زين: ردي عليا
تيا: بحبك اخويا وحبيبي وخطيبي وهتبقي جوزي وكل حاجه ليا في الدنيا
حملها بين يديه بفرحه وظل يدور بها وهي متشبثه في عنقه جيدا ثم القي بنفسه في الماء وهي محتضناه جيداً وتصرخ بأنفعال ولم تتركه بل تشبثت به اكثر وهو يضحك بشده وفرحه كبيره
💕💕💕💕💕💕 💕💕💕💕💕
كل هذا كان تحت نظرات غمزه التي كانت سعيده جدا جدا من اجلهم وشاركتها المشاهده ليا التي كانت تقف مندهشه مما تراه ثم اتي عاصي بعد ان اتم لبسه وقبل ان يرحل رآهم
عاصي بأندهاش: هو في ايه
غمزه: مفيش حاجه، اصل زين خطب تيا من بابها امبارح وهو وافق ولسه قايلها دلوقتي
ليا بفرحه لهم: بجد يا مامي والله كنت عارفه
تركهم عاصي وخرج من الڤيلا بأكملها وهو منفعل جدا وهتفت غمزه لهم
غمزه: اظن كفايه كده اوي ويا ريت تطلعوا بقي
بوده بمرح: استني يا زين ماتطلعش انا عايز اعوم معاك انا كمان
تيا بصوت خفيض: طلعني يا زين، انا زعلانه منك
زين: وانا بحبك يا قلب زين ومش هاسمحلك تزعلي مني او تخافي من اي حاجه وانتي في حضني
رفعها بين يديه واجلسها علي حرف حوض السباحه وبدأ يعوم بعيدا عنها
وقف بوده بجانبها والقي بنفسه في الحوض وقفت هي وركضت سريعا الي الداخل وهي في قمة الخجل من والدتها واختها التي سريعا ما تحركت خلفها
*****************************
صعدت الي غرفتها وكادت ان تغلق الباب الا ان يد ليا اوقفتها ودلفت خلفها وهي تمزح معها
ليا: مبروك يا توتو والله كنت عارفه
تيا: كنتي عارفه ايه بس اذا كنت انا ماكنتش اعرف حاجه
ليا: هههههههههه عشان عبيطه، مالك وشك احمر كده ليه
تيا: اسكتي يا ليا، انا حاسه ان قلبي هيوقف من الفرحه
ليا: ياسيدي يا سيدي اوعدنا يا رب
لكزتها في كتفها وهي تتجه الي المرحاض الخاص بغرفتهم
تيا: يا رب يا ختي، وسعي بقي خليني اخد شاور واغير هدومي دي، وتركتها وذهبت
//////////////////////////////////
وصل الي مقر شركتهم ووجهه مقفهر من الغضب، لم يتجه الي مكتبه ولا حتي ذهب الي والده وصعد الي مكتب عمه مباشرة، لم ينتظر ان تعطيه سكرتيرة مكتبه خبر ولا حتي استمع لها، لم يدق الباب بل قبض بيده علي مقبضه وفتحه بكل عنف وجدهم يجلسون هم الاثنان معا
غضب عاصي من تصرفه هذا وبدأ يوبخه
عاصي: انت شرفت في ايه علي الصبح، ايه الطريقه اللي داخل علينا بيها دي
تكلمت السكرتيره: والله يا فندم حاولت اوقفه مقدرتش
حمزه: خلاص روحي انتي دلوقتي، وبعد ان ذهبت نظر اليه واكمل حديثه: مالك ياض شكلك عامل كده ليه
لم ينظر إليه ولكنه وجه حديثه الي عمه
عاصي الصغير: ممكن اعرف اشمعني هو وافقتله وانا لاء
حمزه: هو مين ده، انت بتكلم عن ايه
عاصي الصغير: ماترد يا عمي، ماتقول لأبويا انا بتكلم عن ايه
عاصي بغضب: وطي صوتك يا حيوان وانت بتتكلم معانا وماتنساش نفسك، اقعد وخليك راجل واتكلم براحه
جلس علي الاريكه الجلديه السوداء الموجوده بالركن الجانبي من الغرفه وبجانبها مقعدين من نفس اللون ومازل وجهه يكسوه الغضب
اتجه له والده وجلس بجانبه
حمزه: مالك بس يابني، طب فهمني في ايه
لم يرد عليه ولمعت الدموع في عينه وهذا ما أزعج اﻻخر جدا، تنهد بقلة حيله وقف من علي مقعده واتجه اليه وجلس امامه
عاصي: اللي انت بتعمله ده بيثبتلي اني عندي حق وانك لسه مابقتش راجل ومقدرش أئتمنك علي بنتي
صاح بغضب
عاصي الصغير: لاء انا راجل غصب عن اي حد، انا ارجل من زين اللي انت فرحان بيه ووافقتله علي جوازه من بنتك بس عايز اقولك علي حاجه زي ما وافقتله علي الخطوبه، هاتوافقلي علي خطوبتي من ليا
عاصي بهدوء: قولتلك اثبتلي انك راجل وقد المسؤوليه وانا اجوزهالك وتاني مره اوعي تتحداني، فاهم
عاصي الصغير: لاء مش فاهم، انت رافض ليه ما انا اتنيلت وبقيت باجي الشركه كل يوم اهو والكليه خلاص هتبدأ وانتظم فيها
جلس براحه اكثر، وضع ساق علي اخري واشعل سيجارته
عاصي: معاك فلوس تجيب لبنتي ڤيلا وتفرشها زي اللي زين هايجبها لتيا، بلاش معاك تجيبلها شبكه ولا هتستني لما بابا يجيبلك
عاصي الصغير: ايوه ابويا هايجبلي، هو انتوا فقرا
حمزه: ماينفعش يا عاصي يابني، زين اكبر منك بخمس سنين يعني خلص كليته واشتغل ومرتبه ما شاء الله يعيشه مرتاح طول عمره من غير ما ينتظر من ابوه حاجه، انما انت لسه قدامك خمس سنين كليه، غير كده لسه بتاخد مصروفك مني
عاصي الصغير: طب تلبس دبلتي بس وانا والله هاعمل كل اللي انتوا عايزنه بس اعرفها انها بتاعتي انا
عاصي بغضب: بتاعت مين ياض، عالله أسمعك بتقول الكلمه دي علي بنتي تاني، وماتفكرش انها هتبقي خطيبتك الا لما تثبتلي انك جدير ببنت العاصي فضالي واتفضل بقي علي شغلك يلا
عاصي الصغير: وانا مش قاعدلك فيها، والله مانا معتب شركتكم دي الا لما تكون لابسه دبلتي في صباعها
خرج مندفعا من المكتب ومن الشركه بأكملها وركب سيارته واتجه الي الجماليه
جلس حمزه بغضب منهم وصاح في اخيه: انا تعبت من عصبيتكم انتوا الاتنين وبعدين كده مش هاخلص، انت عنيد وهو وارث العند منك، عايزني اتفاهم معاكم ازاي انتوا الاتنين
عاصي: يعني عايزني اوافق علي اللي هو عايزه يا حمزه، عايزني اجوز بنتي لأبنك وهو لسه عنده ١٩ سنه، ماانت عارف ابنك لما بيعوز حاجه بيفضل شبطان ازاي وبعد مايزهق بيرميها ومش بيبصلها تاني، وانا مش هاسمح ولا له ولا لأي حد يفكر يأذي بناتي
حمزه : ولا انا هاسمح بكده يا عاصي، بس انت عارف ابن اخوك اكتر مني، عاصي نسخه منك انت، عمره ما جه بالعند بالعكس انت لما بتكلمه براحه بتعرف تخليه يعمل اللي انت عايزه
عاصي: كلمته بدل المره اتنين وكنت متفق معاه، معرفش ايه اللي قلبه مره واحده كده
حمزه: اكيد غار من زين لما عرف بخطوبته هو تيا
عاصي: الحيوان التاني ده وربنا لما اشوفه لوريه، قولتله يستني لما انا اكلم بنتي واقولها، اتنيل استعجل وراح قلها، قولتله يمشي ويبقي يجيب ابوه ويجي الجماليه، عملي نشره وقلب التاني عليا
حمزه: ههههههههه اكيد فرحان، سيبه يا أخي هو اللي اتعمل فيه شويه، ده من ساعة ما أتخرج وهو بيتحايل عليك، يلا انا هاروح مكتبي اشوف شغلي، سلام، وقف من علي مقعده وخرج من امامه واغلق الباب من خلفه
*******************************
امسك الاخر هاتفه واتصل عليه
انار الهاتف امامه بأسمه وهو يلبس ملابسه امسكه وفتح المكالمه وهو يبتسم
زين: والله بلبس وماشي اهوه
عاصي: ايه اللي خلاك تقول لعاصي علي الخطوبه
زين بأستغراب: انا ماتكلمتش معاه في حاجه
عاصي: انت هتستعبط يلااااااااا اومال هو عرف منين
زين: وربنا ما اعرف، انا سيبته في الأوضه ونزلت تحت اههه، اكيد شافنا لما كنا في …….صمت ولم يكمل
عاصي: شاف ايه بقي انشاء الله ومالك قطعت كلامك ليه
بدأ يفرك رأسه وهو يبتسم ويبرر موقفه
زين: مفيش حاجه يا بوب، داحنا كنا بنهزر انا وبوده وتيا وهو كان نازل وشافنا وتقريبا كده ماما هي اللي قالتله
عاصي: بتهزروا، ماشي يازين اما اشوفك، اسمعني خليهم يلبسوا وتاخدهم توديهم الجماليه وتمشي واخر النهار تجيلي انت وابوك علي هناك فاهم يابن ال…. عاصي
زين:ههههههههه علم وينفذ يا بوب انا تحت امرك
///////////’///////////////////
اوقف سيارته بفرمله قويه امام وكالة جده مما افزعه واوقفه من علي مقعده وخرج اليه
كان قد ترجل منها واغلق بابها خلفه بغضب واضح علي وجهه، خاف جده عليه ان يكون حدث معه مكروه وصاح فيه بعد ان ارتمي بين احضانه
فضالي: مالك يا عاصي، فيك ايه يا حبيبي
عاصي: مفيش يا جدي متضياق شويه بس
فضالي: مين اللي ضايقك يا حبيبي، انت اتخنقت مع حد؟
ابتعد عنه ولمعت الدموع في عينيه مره ثانيه ولم يرد عليه
فضالي: ايه اللي انت فيه ده، تعالي ندخل جوه، اقعد واتكلم براحتك وانا هاسمعك زي مانت عايز
عاصي بعد ان جلس امام جده: عمي رافضني يا جدي، رافض يخليني البس ليا دبلتي، زعقلي لما قولتله عايزها تعرف انها بتاعتي انا، قالي انا بنتي مش بتاعت حد وعالله اسمعك بتقول كده تاني مع ان زين مش بيقول غير كده علي تيا ووافق علي خطوبته منها
فضالي: طب ممكن تهدي شويه وتسمعني اولا، زين دلوقتي عند ه٢ سنه، خلص كليته وبقي ظابط وتيا من وهي لسه في اللفه وهو كان عنده خمس سنين وهو بيقول عليها كده ومن ساعة ما أتخرج وهو بيزن علي عمك وعمك مكانش موافق الا لما تاخد الثانويه، لكن انت بقي لسه صغير يا حبيبي، لسه قدامك الكليه وتتعين في الشركه وتقدر تثبتله ان مفيش حد يستحق بنته غيرك انت
عاصي: مش هاروح الشركه دي تاني وليا بتاعتي غصب عن اي حد
فضالي: يا عبيط انت عارف ان العند مش بيجيب نتيجه مع عمك، مانت نسخه صغيره منه وعارف، بقولك ايه ما تسايسه شويه، وريله انك راجل وقد المسؤوليه وليك عليا يا سيدي السنه دي تعدي وأخليه يوافق، قولت ايه؟
عاصي: انا لسه هاصبر سنه بحالها من غير ما اعرفها
فضالي: معلش انت عارف انها ثانويه عامه السنه دي، تخلصها بس وانت تكون اخدت وضعك في الشركه واتعلمت كل حاجه وانا بنفسي اللي هاجبره يوافق علي خطوبتكم
عاصي: هو ابنك ده حد بيقدر عليه، حد بيعرف يجبره علي حاجه، ده كلامه من دماغه
فضالي: انا ياواد باقدر عليه، ده ابني وانا عارف كويس اوي ادخله منين
عاصي: مش هاروح الشركه يا جدي اما نشوف اخرتها معاه ايه، الله اومال فين عدي مش شايفه يعني
تنهد فضالي بزعل ثم قال: طلع عند الكلاب بتاعته شايف الشباب الصا… ..اللي واقفين بره دول جاين يشتروا منه كلب وهو طلع يجيبه لهم، انا مش راضي عن اللي هو بيعمله ده يا عاصي وعايزه يسيبه بقي من حكاية الكلاب دي خالص
عاصي: ما تسيبه يا جدي اهو بيسلي نفسه.
فضالي: وهو يعني مالقاش غير العيال دي اللي يسلي نفسه معاهم
عاصي: اهي بيعه وجاتله مش هايصاحبهم يعني، اهو نزل اهو انا هاروح اقف معاه
//////////////////////////////////////–
وقفوا الشباب ينتظرونه حتي اتي اليهم وبيده كلب bedbol اسود شكله يدل علي مدي توحشه وانضم اليهم عاصي
شاب 1: اوبا اوبا يا ابو عدي يا جامد
عدي: الله يخليك متشكر اوي
شاب٢: ماتفك يا عم شويه كده والله لو ماكنتش مؤدب زياده عن اللزوم كده عليا النعمه كنت بقيت صاحبنا وش هههههههههه
عاصي بسخريه: ههههه لاء فكك انت بقي ومش عايزين ننول شرف الصحوبيه دي، انتوا ليكم كلب اشترتوه وتتكلوا علي الله
شاب١: مالك يا عم شادد حيلك علينا كده ليه، هو حد وجهلك كلام
شاب٢: ومين قالك ياض ان احنا نرضي نصاحبك
عدي: ما تصلوا علي النبي ياجدعان، خد يا عم ادي رخصة الكلب اهيه واوراق التطعيم بتاعته وانا كده وصلني حقه وكده نبقي خالصين
شاب١: ماشي يا عدي متشكرين يا عم وانشاء الله مش هتبقي اخر معامله بينا وهجبلك زباين كتير عشان انت زوق بس، سلام يا جدع
اخذوا الكلب ورحلوا من امامهم ولكنهم قبل ان يرحلوا نظروا الي عاصي بكره
عاصي: انت عرفت العيال دي منين
عدي: في ايه يا عاصي، مالك داخل فيا شمال كده ليه، دي عيال من الحته هنا، جاين يشتروا كلب ويمشوا، مش هاصحبهم يعني
عاصي: بس بس مالك هبيت فيا كده ليه، انا بسألك عشان خايف عليك علي فكره

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)