رواية مغامرات ابناء العاصي الفصل التاسع 9 بقلم كنزي حمزة

رواية مغامرات ابناء العاصي الفصل التاسع 9 بقلم كنزي حمزة

رواية مغامرات ابناء العاصي البارت التاسع

رواية مغامرات ابناء العاصي الجزء التاسع

رواية مغامرات ابناء العاصي الحلقة التاسعة

جلسوا بجانب بعض علي الاريكه الموضوعه داخل غرفة المكتب امامه ما يقرب من النصف ساعه في صمت تام، فقط ينظر لهم بغضب الي ان قطع الصمت عاصي الصغير: ايه يا عمي، هو حضرتك عايزنا ننام هنا في المكتب ولا ايه
عاصي: لاء يا ظريف عايز اقولكم ان اللي انتوا عملتوه النهارده ده مش هايعدي بالساهل
زين: هو احنا بس عملنا ايه يابابا
عاصي: ايه يا زين باشا، انت مش واخد بالك انكم وقفتوا قدامي ولا ايه
زين: يا بابا احنا كان كل تفكيرنا اننا نحمي البنات من غضبك
عاصي: تحموا بناتي مني، انت عبيط يلا انت وهو ولا ايه، ومين اللي اداكم الحق انكم تمدوا ايديكم عليهم، تبقوا لهم إيه عشان تمدوا ايدكم عليهم، لا انت اخوها ولا انت ابوها
عاصي الصغير: بس يا عمي انت عارف كويس قوي انا بعتبر ليا ايه بالنسبه لي مش بس بنت عمي
عاصي بغضب: مش لما تبقي راجل وقد المسؤوليه تبقي تفكر تحب وتجوز
عاصي الصغير: هو انت شايفني مش قد المسؤوليه يا عمي، انا في نظرك مش راجل
عاصي: انت لسه صغير عندك ١٩ سنه، لسه قدامك خمس سنين بحالهم في كلية الهندسه، تقدر تقولي معاك ايه عشان تفتح بيت ولا هاتعتمد عليا انا وابوك نجوزكم ونصرف عليكم
عاصي الصغير: بس انت كلامك معايا كان غير كده، انت لسه امبارح بس قايلي انك هتجوزني بنتك ونزلت الشركة علي الاساس ده، انت مش قولتلي كده؟؟
عاصي: اه قولت بس ماكنتش عارف انك تاني يوم هتقف قدامي
عاصي الصغير: اه وقفت قدامك ولا كنت فاكرني هاسيبك تعمل فيها كده واقف اتفرج عليك، وقف بغضب وشلح له قميصه ليريه جسده المتورم من ضربه له
عاصي بأبتسامه: هتقدر تحميها يعني ياعاصي
عاصي الصغير: بروحي وانت عارف
عاصي: بكره تدخل الكليه وتشوف بنات كتير وتيجي بعد كده تقولي مش عايز بنتك
عاصي الصغير: لاء يا عمي انا عمري ما أعمل كده، طب اقولك لو جيت في مره عملت كده اضربني بالنار
عاصي: ماشي يا عاصي بس اثبتلي انك جدير ببنتي الاول
عاصي الصغير: هاثبت ليك يا عمي ومن بكره هاتلاقيني ناططلك في كل حته في الشركه
عاصي: اطلع نام يا عاصي والايام بينا
تركهم وصعد الي غرفته بينما ظل الاخر صامت بغضب لم يتدخل في اي شيء فقط ينظر له بتحدي
عاصي: ايه يا زين باشا ما اسكت الله لك حسا
زين: انا هاكتب كتابي علي تيا امتي
عاصي: تكتب كتابك عليها ليه، عشان تضربها وتتحكم فيها براحتك مش كده
زين: انا ضربتها عشان قالتلي انت ملاكش حكم عليا، قالتلي لا انت ابويا ولا انت اخويا عشان تحقق معايا
عاصي: معاها حق يا اخي، كان المفروض تيجي تقول لأبوها انها غلطت، مش كده ولا ايه
زين بغضب: بابا اظن انا مش عيل صغير عشان تلاعبني بالكلام انا مش عاصي لسه قدامي كليه ولسه هبدأ شغل في الشركه، انا زين يا بابا، كليتي وخلصتها وبقيت ظابط من سنه تقدر تقولي هاستني ايه تاني
عاصي: تستني لما انا اقرر يا زين، كلمتي انا اللي تمشي، مفيش جواز الا لما تيا تاخد الثانويه وتدخل كليه
زين: بابا انا بقولك هاكتب كتابي علي بنتك في الاجازه دي، ماقولتش هانتجوز، بس انا عايز فعلا يبقي لي كلمه عليها، عايزها تسمع كلامي
عاصي: عايزها تسمع كلامك ولا تخاف منك
زين بهدوء: لاء مش عايزها تخاف مني، عايزها تحبني وانا جوزها مش وانا اخوها
عاصي: ماشي يا زين بس اتأكد الاول انها موافقه وهاكتبلك عليها
زين: بجد يا بابا، ربنا يخليك ليا يا حبيبي، وقف امامه واحتضنه
عاصي: ويخليك ليا ودايما تبقي سند ليا يا زين، اطلع بقي نام و يومين كده ونحدد ميعاد كتب الكتاب
زين: ماشي، تصبح علي خير يا حبيبي
عاصي: وانت من اهله بس شوف حاجه بقي للعلامات اللي في وشك دي
زين: ما البركه فيك، بس علي فكره انت قسيت علي غمزه جامد اوي يا عاصي باشا، هي مكانتش تعرف حاجه عن الموضوع ده خالص
عاصي: عذر اقبح من ذنب يا زين، لازم تفوق وتكون عارفه كل حاجه عن بناتها
زين: طب عشان خاطري بلاش الخصام
عاصي: اخرج منها ياض انت، هتدخل بيني انا ومراتي كمان ولا ايه
زين: ههههههههه طبعا مش ابويا وامي
عاصي: تصدق عشان غلاستك دي انا اللي هاسيبك واطلع انام، خليك بقي قاعد لوحدك
//////////////////***********ه
كانت تختلس النظرات من اعلي الدرج حين وجدت عاصي الصغير يصعد وهو غاضب، خشت ان يكون اباها قد تشاجر معه مره ثانيه، جرت واختبأت خلف باب غرفتهم حين رأت والدها يصعد الدرج الي اعلي
ليا: ما تتهدي بقي يا بنتي بدل بابي ما يشوفك، هو انتي مش تعبانه
تيا: ششششش اسكتي يا بلوه ليسمعك، ده طالع الدور بتاعه بس زين مش طلع وانا خايفه ليكون اتخانق معاه زي عاصي
ليا: هو انتي عرفتي منين انه اتخانق مع عاصي
تيا: شوفته يا ختي وهو طالع من شويه وشكله مايسرش
ليا: هههههه والله الواد عاصي ده صعبان عليا، متبهدل معانا وربنا، انتي رايحه فين
تيا: يخرب بيت صوتك اسكتي، هاروح اطمن علي اخوكي واجي، اتخمدي ونامي بقي
ليا: روحي ياختي يارب تلاقيه في وشك
تركتها ونزلت علي الدرج بمنامه سمراء بخطوط بيضاء ذات اكمام طويله وبنطال بنفس اللون والخطوط تلم شعريتها علي شكل كعكه كبيره اعلي رأسها تنزل منها خصل علي جانبي وجهها
بحثت عنه بعينها واخيرا وجدته خارج الفيلا يجلس امام حوض السباحه، خرجت بجانب الباب الزجاجي وهمست من خلفه بصوت خفيض
تيا: زين يا زين
زين: الله مالك ياحبيبتي، ايه اللي نزلك تاني
تيا: خوفت احسن تكون اتخنقت انت وبابي تاني وكنت عايزه اطمن عليك
زين بأبتسامه: طب ومالك واقفه مستخبيه جنب الباب كده ليه وبتكلمي بصوت واطي كده ليه
تيا: وطي صوتك احسن يسمعنا وينزل ينفخنا تاني
زين: هههههههههه لاء تعالي اقعدي و ماتخافيش
تيا: لاء يا خويا طلاما انت كويس انا هاطلع بقي، انا مش ناقصه ضرب تاني
التفت للداخل وكادت ان تتركه وتصعد ولكنها شعرت بيده وهي تمسك يدها
زين: حقك عليا يا تيا والله ما كنت داري بنفسي يا حبيبتي، ثم رفع اصابعها لتلامس ثغره وقبلها قبله رقيقه
تيا: خلاص يا زين ماحصلش حاجه، انا فعلا غلطت وانت اخويا ومكانش لازم اقولك الكلام اللي انا قولته ده
زين: طب انا عايز اتكلم معاكي، ينفع ولا انتي عايزه تنامي
تيا: امممم طب بقولك ايه انا جعانه واحنا محدش فينا اتعشي، تيجي نعمل سندوتشات لينا كلنا ونتعشي ونطلع لهم هما كمان واتكلم يا سيدي براحتك
زين: الله يخرب بيتك، كل اللي حصل ده ولسه جعانه وجايلك نفس تاكلي
تيا: يووووووه هنصوم يعني ولا ايه، بقولك ايه اطلع غير هدومك وانزل بقي بسرعه يلا علي بال مافضي شنط الاكل اللي مامي حاطاها دي
زين: لاء ياختي تعالي وهانعملها سوي
تيا : ماشي يلا ورايا
زين: ههههههههه يلا يا قدري
دخلوا الي المطبخ وفتحوا الحقائب وبدأوا يرصون الطعام داخل البراد
تيا: دي غمزه دي والله استاذه، جايبه جميع انواع الجبن ولنشون وبيض وفراخ وبرجر
زين: كفايه رغي ورصي الاكل وانتي ساكته، مانا شايف الاكل قدامي اهو
تيا: يوه عليك يا زين شوفت بقي اهي ناسيه اهم حاجه، جايبه عيش ومش جايبه فينو انا مش بحب سندوتشات في عيش انا وهي عارفه كده
زين: تصدقي انك عيله وانا هاطلع واسيبك ومش عاوز اكل معاكي كمان.
تيا : طب تعالي خلاص ماتزعلش، طب بص انت ممكن تبعت حد من الامن اللي بره دول يجيب فينو ويجي
زين: انتي فاكره نفسك في الجماليه ولا ايه، انتي في ڤيلا في كمبوند في الشيخ زايد، بطلي هبل بقي
تيا : انا هابله، الله يسامحك هاقول ايه مانت اخويا الكبير بقي ومش هاقدر ارد عليك،
افلت من بين يديها قطع الجبن الرومي وامسكها من زراعيها وثبتها امامه وصرخ فيها: انا مش اخوكي ولا انتي اختي، انتي خطيبتي وحبيبتي فاهمه، اخرسي بقي واسمعيني
تيا: ااااانا مش فاهمه حاجه
زين: مش فاهمه ايه، هي دي حاجه جديده عليكي، اتصدمتي لما عرفتي اني مش اخوكي، مانتي عارفه انا مين
احنت رأسها للأسفل وصمتت و اجلسها علي مقعد الطاوله الموضعه بالمطبخ وجلس امامها، وضع يده اسفل ذقنها وبدء يرفع وجهها ليغرق في بحر عينيها الفيروزي
زين: انا بحبك يا تيا من وانتي بيبي صغيره، بحبك
تيا: طب مانا كمان بحبك طول عمري انا وليا ومامي
زين: بس حبي ليكي انتي غير حب ليا ومامي، انا عايز نتجوز يا تيا، عايزك تبقي مراتي مش اختي، ساكته ليه ردي عليا
تيا: اقول ايه
زين: قولي اي حاجه، قولي انتي بتحبيني ولا لاء، عايزه نتجوز ولا لاء، عضت بأسنانها علي شفاتيها السفلي
تيا: مانا قولتلك اني بحبك بس اوعي تضربني تاني
زين: لاء يا روحي، عمري ماهمد ايدي عليكي تاني، يعني موافقه اننا نتجوز
تيا: وابقي معاك على طول وتجيبلي انا وانت ڤيلا لوحدنا
زين: طبعا يا روحي ومش هتبعدي عن عيني لحظه واحده، لو عايزه قصر مش ڤيلا كمان هاجيبلك
تيا: طب بس بابي هايرضي يخلينا نتجوز وانا لسه مأخدتش حتي الثانويه العامه
زين: بصي احنا هنكتب الكتاب ونستني السنه دي ولما تنجحي بمجموع حلو ان شاء الله وتدخلي كليه كويسه هاضغط عليه واخليه يوافق
تيا: ماشي طب يلا كل بقي يا
زين: يا ايه، قوليها يا حبيبتي
تيا: طب بص كل انت بقي وانا هاطلع السندوتشات دي لبوده ومامي والعيال اللي فوق دول،
كادت ان تخرج من باب المطبخ وجدته واقف امامها بكل شموخ
عاصي: طب وبابي نستيه يا تيا، مالوش هو كمان سندوتش من دول
تيا: والله انا ماليش دعوه يا بابي، زين هو اللي
وقف بينهم قاصد حمايتها منه
زين: اه يا واطيه بعتيني حتي من غير قلم
عاصي: تاني هتقف بيني وبين بنتي
زين: اهدي يا بابا ده احنا كنا بنعمل سندوتشات تعالي كل معانا
عاصي: لاء يا خويا مش عايز، انا هاعمل فنجان قهوه، يلا يا بت اطلعي فوق وخدي الاكل ده معاكي
سريعا ما ركضت من امامه الي اعلي وهي ممسكه الصينيه بين يديها
زين: علي فكره موافقه
عاصي: مش قادر تصبر لما اسألها انا
جلس مكانه مره ثانيه وبدأ يأكل.
زين: خافت عليا لما شافت عاصي وهو طالع زعلان
عاصي: مش عارف هلاقي بن هنا بقي ولا ايه، وياتري بقي خافت عليك بصفتك اخوها ولا خطيبها
زين: اطمن ماما جايبه كل حاجه مش معقول هتنسي البن بتاعك بدليل انها جابتلك هدومك وغيرت اهو دا حتي الشبشب بتاعك مش نسيته
عاصي: ماردتش عليا، خافت عليك بصفتك ايه .
زين: اخوها بس قعدنا واتكلمنا والوضع اتغير لما عرفتها، يعني انا دلوقتي في حكم خطيبها رسمي
عاصي بعد ان صب فنجان القهوه: طب بما انك خطيبها بقي، بصفتي ابوها بقولك من هنا لحد كتب الكتاب تروح تبات في بيتكم، انا هاسيبك النهارده بس بايت هنا عشان الوقت اتأخر لكن من بكره تلم هدومك وعلي ابوك
زين: ههههههههه انت هاتعمل فيها حمايا من اولها ولا ايه
عاصي وهو يصعد الدرج: غصب عنك ياض واعمل حسابك ابوك لازم يجي يطلبها مني في الجماليه وبنفسه وانت تكون معاه، يا كده يا مفيش كتب كتاب يا ننوس عين ابوك
زين: ماشي يابوب، ليك حق ما انت ماسكني من ايدي اللي بتوجعني، تركه واتجه الي اعلي ودخل الاخر غرفته، وجدها واقفه امامه
زين: بتعملي ايه هنا دلوقتي يابت انتي
ليا: الله انت بتزعق ليه دلوقتي، تيا ادتني السندوتشات دي وقالتلي اديها للبيه ده وهو معرفش ايه اللي منكد عليه عيشته كده، مش راضي يتنيل ياكل
عاصي: الهي ينكد عليكي انتي واهلك، امشي يابت من هنا روحي نامي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)