رواية مغامرات ابناء العاصي الفصل الحادي عشر 11 بقلم كنزي حمزة

رواية مغامرات ابناء العاصي الفصل الحادي عشر 11 بقلم كنزي حمزة

رواية مغامرات ابناء العاصي البارت الحادي عشر

رواية مغامرات ابناء العاصي الجزء الحادي عشر

رواية مغامرات ابناء العاصي الحلقة الحادية عشر

ظلوا يتناقشون امام عينه وهو جالس داخل الوكاله ينظر إليهم بحب وقلق في نفس الوقت الي ان ولجوا له بمناقشتهم الحاده
عدي: بقولك ايه مش عشان انت اكبر مني بتلات شهور هاتعمل عليا كبير، ماتنساش ان انا عمك بردو
عاصي: يابني بقولك خايف عليك، انت ماتعرفش العيال دي زي ماانا اعرفهم، انت كل اللي تعرفوا عنهم انهم من الحته من هنا لكن انا بقي اعرفهم كويس وعشان كده بقولك مالكش دعوه بيهم يا عدي
عدي: اظن انا مش عيل صغير عشان حضرتك تبقي واصي عليا، انا بعرف افصل كويس بين الكويس والوحش، خلي بالك انت بس من تصرفاتك ومالكش دعوه بيا
واخيرا ما نطق والده
فضالي: كفايه بقي، انتوا ايه خلاص مابقاش ليكم كبير،
مابقتوش تحترموا حد، مين يا عاصي العيال دي، انت تعرفهم؟؟
عاصي: ايوه ياجدي اعرفهم، ده الواد حماده ابن عبده السروجي اللي بيته في اخر الشارع والواد التاني اسمه ماندو ابن سيد المكانيكي عيال ……. وماكملوش تعليمهم
فضالي: انعم واكرم ونعم المعارف والصحاب يا عدي باشا
عدي: معارف واصحاب ايه بس يا بابا، دول شباب جم اشتروا من عندي كلب وشكرا على كده، اكيد مش هصاحبهم يعني
فضالي: بص يا عدي انا ممكن اجبرك انك تسيبك بقي من حكاية الكلاب دي بس انا مش هاعمل كده لكن هاقولك حاجه واحده، انا مش راضي عن اللي انت بتعمله ده واللي عارف كويس اوي انه مش هايجيب غير المشاكل
عدي: مشاكل ليه بس يابابا، ماتسيبوني اعمل الحاجه الوحيده اللي بحبها، انا مابضرش حد يبقي انتوا كمان ماتجبرونيش بقي اني اسيبهم
قطعت الصغيره حديثهم عندما ولجت الي الوكاله
طمطم: عاثي جيه، عاثي جيه، ليحملها اخيها بين يديه ويقبلها بحب
عاصي: اهلا يا حبيبتي وحشتيني يا قرده
طمطم: فين بوده مس جيه معاك ليه
فضالي: اه صحيح هما ماجوش ليه ولا ناوين يقعدوا هناك كتير ولا ايه
كاد ان يرد عليه ولكنه صمت حين التفتوا جميعا بنظرهم الي سيارة زين التي توقفت في الخارج وبدأوا يترجلون منها
طمطم: ههيييييهههه بوده جيه، نزلني يا عاثي عايزه الوح العب معاه
افلتها عاصي من بين يديه واتجهت غمزه بالفتايات الي داخل البيت بينما ولج اليهم زين وهو يحمل طمطم و يمسك عبد الرحمن الصغير من يده ليتركه ويذهب الي جده
عبد الرحمن: ازيك يا جدو وحشتني
فضالي: هههههههه يا بكاش، وحشتك مره واحده، دا هي ليله واحده بيتها بره
بوده: بردو وحشتني
فضالي: وانت كمان يا حبيبي وحشتني اوي، ربنا مايحرمني من دخلتكم عليا
زين: ويخليك لينا ياحبيبي، عامل ايه يا جدي
فضالي: هههههههه اهلا بالعريس، ده احسن خبر سمعته النهارده علي فكره
زين: ربنا يخليك ليا يا رب، كده يا عاصي كنت عايز اقوله انا
عدي: طب ما تفهموني انا كمان ايه اللي بيحصل يا جدعان
عاصي بغيره: باركله خطب تيا من أخوك وهو وافق
عدي: بجد، الف مبروك، اخيرا
زين وهو ينظر لعاصى بأستغراب: مش كده وبس ده ابويا جاي النهارده وهنحدد ميعاد كتب الكتاب
فضالي: هههههههه الف مبروك، ايوه كده فرحوني
عاصي بغضب: انا طالع فوق
زين: كده من غير ما تباركلي
عاصي: ها لاء ازاي الف مبروك يا زين، ثم احتضنه وقبله من وجنتيه وذهب للاعلي
فضالي: وبعدين بقي فيكم، انا كل ما باشوف حد فيكم زعلان، بتعب
عدي: ليه بس يا حج، ماحنا كلنا كويسين اهو وعاصي ايه اللي هايزعله بس
زين: كلم عمه امبارح علي خطوبته من ليا ورفض
عدي: وهو ازاي فكر ان عاصي ممكن يوافق علي حاجه زي كده من غير مايكون خلص كليته او علي الاقل اشتغل
زين: ما هو ده اللي ابويا قاله له بس تقول ايه بقي في العند اللي فيه
فضالي: و هو هايجيبه من بره، ماهو وارث العند في كل حاجه منه
زين: طب انا ماشي بقي وانت ابقي حاول تقعد وتتكلم معاه يا عدي، سلام يا جدي اشوفك بالليل بقي
فضالي: مع السلامه يا حبيبي
عدي: مع السلامه
*****************ه****************
صعد الدرج بسرعه وغضب لم يدلف الي شقة جده ولا حتي الي شقة والده
بل صعد فوق سطح المنزل الي تلك الغرفه التي قرر في السنه الماضيه ان يبنيها حتي يستذكر دروسه فيها هو وعدي، دلف اليها واغلق بابها عليه بأحكام وجلب ذلك الصندوق الذي يخبئه تحت التخت الموضوع بالغرفه والذي يحمل فيه كل صوره معها، استسلمت دموعه للنزول عندما كان يتذكر مراحل نموها امام عينيه ظل يبكي بشده
ويهتف : حرام عليك يا عمي، عايز تحرمني منها ليه، ليه مش عايزني حتي اعرفها، لملم اشياءه سريعا وبدأ يمسح دموعه حين استمع لدق الباب
عاصي: مين اللي بره
غزل: افتح يا عاصي انا ماما يا حبيبي
عاصي: سيبيني يا ماما لوحدي، انا مش عايز اقعد مع حد
غزل: ولا حتي انا، افتح عشان خاطري ماتوجعش قلبي عليك
عاصي: انا كويس يا ماما ماتقلقيش عليا بس عايز انام شويه وانا هبقي انزل، مش هاعرف انام في الدوشه اللي تحت دي
غزل: طيب يا حبيبي انا هانزل ولو عوزت تاكل ولا حاجه ابقي اتصل عليا، وتركته ونزلت الدرج لتقابلها عليه
ليا: مش قولتلك مش هايفتحلك، ابنك ده بقي رخم اوي يا غزل
غزل وقد ضربتها علي كتفها: بطلي يا بت، ابني ده قمر، طب بقولك ايه ماتروحي تخبطي انتي عليه وتشوفيه ماله
ليا: يووووه هي صوره، بقولك امبارح دخلتله أكل ومارديش ياخده مني وطردني والنهارده الصبح حاولت اهزر معاه ودخلت صاحيته وبردو طردني وعايزاني اروحله تاني، لاء خليه زعلان احسن
غزل: كده يا لولو، يخونك الضرب اللي انضربه عشانك
ليا: بقولك ايه ماتسبتينش، انا عايزه انزل عشان اجهز انا وتيا قبل انكل احمد وانطي دارين مايجوا، اكيد دانا هاتيجي معهم، صح
غزل: ايوه صح، انزلي ياختي انزلي، عيني عليك يابني مش لاقي حد سائل فيك
ليا: ههههههه طب ماتزعليش، بصي احنا هاننزل نجهز كل حاجه ولو هو مانزلش قبل ما يجوا هابقي اطلع له وامري لله
////////////////////////////////////
وصل بسيارته الي ڤيلا والده و ترجل خارج السياره، رأهم جالسين في الحديقه امام حوض السباحه، ذهب اليهم وهو كله حماس وفرح، انحني بجزعه العلوي ليقبل رأسها وهتف
زين: ازيكم عاملين ايه وانتي ياقمر انتي عامله ايه، وحشتيني، وقبلها في وجنتها
دارين: ههههههههه ده ايه الرضا دا كله، كان فين الكلام الحلو ده امبارح
زين: ايه هو انا امبارح ماقولتلكيش انك وحشتيني؟ اخص عليا، دا أنا وحش جدا
احمد: انت بتعاكس مراتي وانا قاعد يا واد ولا ايه
زين: اه ياعم بعاكسها، عندك مانع ولا ايه
احمد: اه طبعا، دي ياحبيبي ملكيه خاصه، لو مديت بوزك ده تاني هاقطعهولك
دارين: هههههههه ولا تقدر تعمله حاجه، داه ابني حبيبي، ربنا يخليه ليا
زين: حبيبتي انتي يا رافعه معنوياتي
احمد: هههههههه روح اتشطر علي اللي مشحططك ورا بنته
زين: طب مش كفايه شحططه لحد كده، انتوا مش ناوين تقوموا تجهزوا بقي ولا ايه
دارين: لسه بدري يا حبيبي احنا لسه العصر واحنا هانروح علي الساعه ٧ كده
زين: لاء مع نفسكم بقي، انا هاطلع اخد شاور واروح علي هناك تاني
احمد: ما تعقل يا واد في ايه، هو مش عاصي قايلك تجيلي انت وابوك وعامل فيها النهارده حماك زي ماقولتلي، يبقي تستني لما نروح كلنا سوي
دارين: هو احنا هانروح كلنا ونسيب دانا لوحدها هنا
احمد: ونسيبها ليه، هي مش ناويه تحضر خطوبة اخوها ولا ايه؟
دارين: بصراحه اصلها من ساعة اللي حصل وهي زعلانه ومش عايزه تخرج من أوضتها
زين: يعني هي اللي غلطانه وزعلانه كمان
احمد: خلاص بقي يا زين، هي غلطت وانت كمان غلطت لما مديت ايدك عليها، اكيد هتزعل طبعا
دارين: هو انا لو قولتلك عشان خاطري يا زين تصالحها، مش هتسمع كلامي
زين: يا حبيبتي انتي تؤمري وانا انفذ، حاضر هاطلعلها اهو وبس لو غلست بقي ماتتخضوش لو لقيتوني حادفهالكم في البيسن ده
احمد: ههههههههه ولااااا براحه عليها، عايزين نفرح النهارده
زين وهو يتجه الي الداخل: ماتقلقش يا سيادة العميد، اللي مش هايفرح النهارده هاحبسه خميس وجمعه
////////////////////////////
صعد الي غرفتها ودق علي بابها ولكنها لم تسمعه، ففتح الباب ودخل اليها، كانت تجلس علي فراشها وامامها جهاز الحاسوب النقال تبعها وتضع سمعات الاذن فوق رأسها وتلعب عليه لعبة pupjy
دانا: يابني غطيني كده هاموت انا، احدف عليهم قنبله ولا اي حاجه
زين: قنبله وابنك، بتعملي ايه يا هابله، دانا داناااااااا، لم تلتفت إليه ولا حتي سمعته، فأضطر ان يرفع سماعة الأذن من علي رأسها ويغلق الجهاز
دانا: ايه ده، ليه كده يازين انا هاخسر كده
زين: ما تخسري يا بت وايه يعني ده game يعني مش حاجه مهمه وبعدين انا جاي اتكلم معاكي
دانا: نعم افندم حضرتك، في حاجه تاني جاي تزعقلي عليها ولا ناوي تضرب علي طول
زين: لاء هاضرب علي طول يا أم لسان طويل انتي، وبدأ يدغدها وهي تضحك بشده
دانا: هههههههه خلاص خلاص مش قادره
زين: قولي الاول انك اسفه وانك صالحتيني وانا اسيبك
دانا: هههههههه هاموت يا زين خلاص انا مصالحاك
زين: لسه ماقولتيش انك غلطانه
دانا وقد جرت من امامه: لاء انا مش غلطانه ومش هاتأسفلك علي فكره وريح نفسك مش هاروح معاكم الجماليه دي
زين بمكر: اتأسفي احسنلك وهاتيجي معانا الجماليه، دي خطوبة اخوكي يا هبله
تيا: مبروك يا خويا بس بردو لا هتأسف ولا هاروح
واذا به يحملها بين يديه ويخرج بها من باب الشرفه الزجاجي وهي تصرخ وهو يهتف لوالده
زين: ها يا سيادة العميد، بنتك مش راضيه، ارميها ولا ايه
دارين بخضه: بنتي، نزلها يا زين، اوعي تعمل كده
رواية / مغامرات ابناء العاصي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)