رواية مغامرات ابناء العاصي الفصل الثاني عشر 12 بقلم كنزي حمزة

رواية مغامرات ابناء العاصي الفصل الثاني عشر 12 بقلم كنزي حمزة

رواية مغامرات ابناء العاصي البارت الثاني عشر

رواية مغامرات ابناء العاصي الجزء الثاني عشر

رواية مغامرات ابناء العاصي الحلقة الثانية عشر

جلست روقيه علي الاريكه ترحب بأسراء صديقة غمزه هي وابنتها والتي اتصلت بها غمزه اول ما وصلوا حتي تأتي وتحضر معهم خطبة ابنتها فهم مازلوا اصدقاء لا يخفون عن بعض شيء ويودون بعض في كل المناسبات
روقيه: وحشتينا يا اسراء، بقالك كتير ماجتيش
اسراء: معلش يا ماما روقيه، غصب عني والله بس اعمل ايه حازم شغله مش بيخلص ومي مجانني هي ومازن اخوها، مخليني بمشي في البيت اكلم نفسي والله
غمزه: ههههههههه انتي اللي طول عمرك شعنونه، دي مي دي الرقه والجمال كله
مي: حبيبتي يا انطي غمزه ربنا يخليكي
روقيه وكانت تنظر اليها بحب: كبرتي يا مي ما شاء الله عليكي، طول عمرك جميله وارثه الحلاوه من مامتك، بقيتي في سنه كام دلوقتي؟
مي: ميرسي يا نانا، انا رايحه تانيه ثانوي
روقيه: يعني فرق سنتين، طب حلو والله مش وحش
اسراء: هو ايه ده اللي حلو مش وحش يا ماما روقيه
روقيه: هاه لاء مفيش حاجه، اصلي كنت فكراها اصغر من تيا وليا بسنتين بس افتكرت انهم لسه داخلين تالته ثانوي.
غمزه وقد تفهمت ما يدور في رأس والدتها: اطلعي يا مي اقعدي مع البنات يا حبيبتي، هما بيلبسوا فوق مع خالتهم غزل
مي: ماشي كلامك يا أنطي، عن اذنكم انا هاطلعلهم
غمزه: ما شاء الله يا اسراء، مي جميله اوي في الحجاب
اسراء: نعمل ايه يا ستي في المجنون شهاب ابن عمها من ساعة ما اخدت الاعداديه وهو كل ما يشوفها من غيره يزعق لها
روقيه بزعل: ايه ده هي اتخطبت يا اسراء
اسراء: لاء مش مخطوبه، ده ابن عمها وهو الكبير في سنه تانيه في كلية الحقوق وانا بحبه بصراحه ومش بحب ازعله، ده حتي صاحب عدي وعاصي
روقيه: اه قولتيلي
غمزه: ههههههه بتفكري في ايه يا روكا
روقيه: بس يا بت بلا روكا بلا زفت، يلا خدي صاحبتك وروحوا كملي اللي كنتي بتعمليه
غمزه: ههههههههه كده، ماشي تعالي يا بنتي ندخل جوه
اسراء: بت يا غمزه، مامتك مالها قلبت فجأه كده ليه
غمزه بمكر: انا عارفه ياختي
اسراء: هههههههه ياختي ماشافكيش عاصي جوزك وانتي بتقوليها
/////////////////ه//////////////////////////
صعدت مي اليهم وكالعاده وجدت الباب مفتوح فوقفت داخل الرسيشبن وصاحت: يا اهل الدار يالي هنا، انا جيت انتوا فين يا بنات
خرجت طمطم الصغيره لها وهي تهتف : دي مي بنت اسلاء، تعالي احنا هنا
حملتها بين يديها وهي تقبلها: اسلاء لو سمعتك هاتعلقك انتي مش هاتعدلي اللدغه الجميله دي بقي، وحشتيني يا قلبوظه
صرخت الفتايات عندما رأوها واحتضنتها تيا: عاااااااااااا مي وحشتيني يا بنت الايه
ليا: اخص عليكي، كده من ساعة مااخدنا الاجازه مش شوفناكي (فهم اصدقاء في نفس المدرسه)
غزل: بس انتي وهي، براحه عليها شويه، تعالي يا بنوته يا جميله انتي، سلمي عليا ازيك يا مي وازي مامتك
مي: الحمد لله يا انطي كويسين هي مع انطي غمزه تحت شايفه بنات اختك ال يعني هما اللي كانوا بيسألوا عليا اوي
تيا: يا بنتي مانتي عارفه احنا عندنا حظر تجول على طول وانتي يا ختي من بعد الامتحانات محدش شاف وشك
مي: ما انتو عارفين اني بعد الامتحانات سافرت البلد (القريه التي تقيم فيها العائله) وقعدنا حاولي شهر كده هناك
ليا: ماشي بس في حاجه اسمها شات او تكلمينا في الموبايل
مي: ما خلاص ياختي انتي وهى، انا جيت اهو المهم دلوقتي مبروك يا عروسه
تيا: ههههههه الله يبارك فيكي عقبالك انتي كمان
مي: اه يا رب
ليا: هههههههه واقعه واقعه يعني
غزل: طب اسيبكم انا بقي تتكلموا براحتكم وانزل اسلم علي صاحبتي انا كمان، اوعي تنسي يا ليا اللي قولتلك عليه
ليا: لاء مش هنسي ماتخافيش
/////////////////////////////////////
وصل بسيارته امام وكالة ابيه ترجل منها ودلف اليه، وجده يجلس خلف مكتبه وصغيره يجلس علي المقعد امام
المكتب يراجع له بعض الطلبات المطلوبه من تجار التجزئه
حمزه: سلامو عليكم
فضالي: وعليكم السلام، حمدلله علي السلامه امال اخوك ماجاش ليه
حمزه: انا سيبته كان بيخلص شوية شغل وجاي ورايا، هو الواد عاصي فين
عدي: عاصي نايم في اوضة السطح انا طلعتله
من شوية وغزل قالتلي انه فوق ومارديش يفتحلها لما طلعتله
فضالي: ايه اللي حصل يا حمزه
حمزه: عيل غبي، فاكر ان عمه رافض خطوبته من بنته، مش عايز يفهم انه عايزه يبقي راجل يقدر يعتمد عليه يشتغل ويبدأ يعمل حاجه لنفسه ويعرف بعد كده يفتح بيت ويطمن علي بنته معاه
عدي: براحه بس يا حمزه مانت عارف ابنك وعنده
حمزه: يااخي انا زهقت منهم هما الاتنين اذا كان من عند الكبير ولا الصغير
فضالي: معلش اطلع بس دلوقتي غير هدومك علي بال اخوك ما يجي
حمزه: ماشي انا طالع اشوفه احسن ما ينزلش ويكسفنا زي عوايده
تركهم ليصعد الي الاعلي وقابله عبد الرحمن الصغير امام الوكاله وحمله بين يديه
حمزه: بتعمل ايه لحد دلوقتي في الشارع ياض
بوده: حمزه تعالي، طلع لي العجله بتاعتي، كل ما اقول لعدي يزعق لي ويقولي اطلع فوق بقي
تذكر حمزه عندما كان زين صغير ويطلب منه هذا الطلب وضحك مليء فمه
حمزه: ههههههههههه هي الايام بتعيد نفسها تاني ولا ايه، اقولك تعالي معايا واطلع صحي عاصي واقوله ينزل يكلمني وانا هابقي اعملك اللي انت عايزه
بوده: حاضر بس هتطلع لي العجله
حمزه: ماشي يا سيدي هاطلعهالك
وصعدوا الي الاعلي، وقف امام شقة والده ولم يدخل عندما رأي زوجته امامه في الداخل وسمع صوت صديقتها
اشار لها فخرجت له وصعدت خلفه الي شقتهم ودلفوا اليها وصعد الصغير الي السطح ليفعل ما طلبه منه عمه
غزل: حمدلله علي السلامه يا حبيبي مالك زعلان كده ليه
حمزه: من تصرفات ابنك اللي مش عارف هو بيعاندنا ولا بيعاند نفسه
غزل: طب ماتعمله اللي هو عاوزه، ما انتوا عارفين هو بيحب البنت قد ايه ومتعلق بيها
حمزه: ياستي محدش ممانع بس ابوها بردو عايز يطمن عليها، خايف من طبع ابنك الزفت ليكون زي عوايده لما بيشبط في حاجه مابيهداش الا لما ياخدها ولما يزهق بيرميها ازاي ودي بنت العاصي يا غزل مش حاجه وخلاص
غزل: لاء عاصي ابني ما يعملش كده، ده بيعشق ليا يا حمزه، والنبي ماتزعله
حمزه: هو ده راجل بزمتك حد يأتمنه علي بنته، عمه يقوله هتقدر تجيب لها شبكه وڤيلا وتعملها زي زين ما هيعمل لتيا، يقوم يقوله ابويا هايجيبلي هو انتوا فقرا، في الأخر يسيب الشغل ويمشي، والله انا لو ابوها ما هوافق عليه الحيوان ده
غزل ببكاء: ياعيني يابني كلكم عليه
تركها وذهب الي غرفته وهو منفعل من بكائها ايضا
حمزه: يوووه هلاقيها منك ولا من ابنك، انتوا باينكم ناوين علي موتي، وصفع الباب من خلفه
////////////////////////////////////////
وقف الصغير امام باب الغرفه وظل يدق بيده عليه.
بوده: افتح بقي ياعاصي كل ده نوم
افزعه صوته من الداخل حين صرخ فيه: انزل يلا من هنا، ايه اللي مطلعك
بوده: الله حمزه جيه من الشغل تحت وعايزك، وهو اللي قالي اطلع اندهلك
عاصي: روح قوله اني نايم ومش هانزل
بوده: طيب هاقوله واقوله انك زعقتلي، يا رب يطلع يحدفك من هنا بقي
عاصي: غور ياض من هنا
///////////////////////////////////////
دلف علي والده الوكاله بعد ان ركن سيارته في مكانها المعتاد وجلس امام اخيه الصغير ووجهه مبتسم له
عاصي: سلامو عليكم، ازيك ياابا
فضالي: شوف ياخويا الواد ولا كأنه مزعلني منه ولاسابلي البيت ومشي ولاحاجه
عاصي: خلاص بقي يا عبد الرحمن مانت كمان طردتني، واحد غيري مكانش دخلها تاني، بس انا اللي قلبي طيب ومقدرش استغني عنك
فضالي: ههههههههه غني عليا ياخويا غني، ماشي علي العموم مبروك ياابو العروسه، كبرت ياعاصي وبناتك بقوا عرايس
عاصي: بقوا عرايس اه لكن انا كبرت، لاء مش كده ولا ايه ياض يا عدي، بزمتك انا كبرت
عدي: هههههههههه فشر انت شيخ الشباب ياعاصي
عاصي: ههههههههه شيخ الشباب مين ياض ده انا اصبي منك، دا البنات بيعاكسوني في الشركه لحد دلوقتي
عدي: اقفش، حلوين اوي الكلمتين دول يا حج، اطلع انا بقي اقولهم لغمزه واطلع عليه اللي عمله فينا كلنا امبارح
فضالي: تصدق صح يا واد ياعدي، خلينا نفرح فيه شويه لماغمزه تطلع عليه الجنونه بتاعتها
عاصي: ههههههههه عيب عليك انا مسيطر بردو، يلا اما اطلع اشوف البنات قبل المجنون التاني ده مايجي، الواد ماصدق قولتله موافق هههههههه
فضالي: اطلع يا حبيبي ربنا يهنيهم ويسعدهم كلهم
عاصي: امين يا رب وافرح فيك ياعدي انت كمان
عدي: هههههههه بعينك انا قاعد علي قلبك ومربع كمان
فضالي: طب وعاصي هتفضلوا معاندين بعض كده انت وهو
تنهد تنهيده قصيره ثم التفت ليخرج من الوكاله
عاصي: لاء ده بقي سيبه لما يتعدل لوحده، واتجه صاعدا للاعلي
/////////////////////////////
اتجه الي شقته مباشرة حين استمع لصوت فتاياته بالاعلي وهم يضحكون ويغنون، دلف اليهم لما رأوه وقفوا الثلاثه في صمت واحنت فتياته رأسهم للأسفل في صمت، لتقطع مي هذا الصمت
مي: ازاي حضرتك يا انكل وحشتنا
عاصي: اهلا اهلا ياحبيبة انكل، ايه القمر اللي استخبي في الحجاب ده، كبرتي يا مي
مي: ربنا يخليك يا رب ومش تحرمني من كلامك الحلو ده
عاصي : حبيبتي انتي يا ام كلام بينقط سكر، ابوكي لسه ماجاش ولا ايه، مع اني مكلمه من الصبح الواد ده
مي: هو لسه مش جيه من المستشفي بس قالي انا ومامي نيجي، طب اسبقكم انا بقي علي تحت يا بنات عن اذنك يا انكل
عاصي: اتفضلي يا حبيبتي وسلمي علي مامي علي بال ما انزل واسلم عليها بنفسي
مي: حاضر، وامسكت بيد طمطم واتجهت للأسفل
جلس علي الاريكه ولم يحيد النظر عنهم واذا به يفتح لهم ذراعيه ليلقول بجسدهم بين احضانه ويشبعهم من حنانه الذي غمرهم به منذ نعومة اظافرهم، بدأت عبراتهم تسترسل
علي وجنتيهم وهو يقبل رأس كل منهم
عاصي: بس مش عايز عياط النهارده، عايز اشوف فرحتكم في عيونكم وبس
تيا: احنا اسفين يابابي والله مش كان قصدنا نزعلك ابدا
ليا: وحياتي عندك يابابي ماتزعل مننا احنا بناتك حبايبك،
بدأ يكفكف دموعهم بيديه ويقبلهم في وجنتهم
عاصي: اه بناتي حبايبي بس، دانتوا نور عيني، عارفين قبل امكم ما تحمل فيكم اصحابي كانوا بيقولوا عليا مجنون لما كنت بتمني من ربنا انه يرزقني ببنت ولما نورتوا حياتي وربنا رزقني بيكم، الدنيا مكانتش سيعاني من الفرحه، كنت حاسس اني اخدت احلي مكافأة في الدنيا، كبرتوا قدام عيني وانا بدعي ربنا في صلاتي يطول في عمري بس لحد ما افرح بيكم واسلمكم لأيد اللي يستهالكن بجد ويحافظ عليكم
تيا: ربنا يخليك لينا يا حبيبي ويطول لينا في عمرك احنا من غيرك ولا نسوي حاجه
عاصي: انتي بالذات، انا مطمن عليكي جدا لاني هاجوزك لأكتر واحد يستاهلك، زين ده انا، لو انتي بتحبي بابي يبقي اكيد بتحبي زين
احنت رأسها بخجل واحمرت وجنتيها وهمست: عمري ما هاحب حد زيك يا بابي
عاصي: هههههههه بكره نشوف ياقلب ابوكي، يلا بقي انزلي لمامي تحت عشان انا عايز اتكلم مع ليا شويه
تيا: حاضر يا بابي، تركتهم ونزلت للأسفل
ليا: خير يا بابي انت لسه زعلان مني
عاصي: لاء يا حبيبة بابي عمري مااعرف ازعل منكم، انا بس بخاف عليكم اوي اكتر من اي حاجه في الدنيا دي، فهماني يا ليا؟
ليا: ايوه طبعا يابابي فهماك بس ماتخافش يا حبيبي بنتك بمية راجل
عاصي: هههههههه عارف ان شخصيتك مش ضعيفه واقوي من تيا، بس كنت عايز اخد رأيك في حاجه كده
ليا: حاجة ايه دي يا بابي
عاصي: يعني كنت عايز اعرف رأيك ايه في عاصي ابن عمك
ليا: هاه ماله عاصي، والله يا بابي من ساعة ماجه من الشركه وهو نايم فوق السطح في اوضته وماعملش حاجه
عاصي بهدوء: اهدي مالك خوفتي كده، انا بسألك عن رأيك
في شخصيته مش هاعمله حاجه
ليا: في ايه بس يابابي، مانت عارف شخصيته اكتر مني، انا اللي هقولك يعني
عاصي: اه انتي اللي هاتقولي عشان هو عايز يخطبك وانا رافض بصراحه
ليا: ايه، والله يا بابي انا مش ليا دعوه بالكلام ده ولا اعرف عنه حاجه والله
عاصي: ههههههههه عارف يا حبيبتي، ماتخافيش بس اديني قولتلك اهو يبقي لازم تخلي بالك من تصرفاتك معاه من هنا ورايح
ليا: طب هو يعني حضرتك يعني ممكن تقولي انت رافض ليه
عاصي: بصي هو انا مش رافض، انا بس مش حاسس انه بقي جدير بيكي، عايزه يبقي راجل زي زين اقدر اعتمد عليه في اي وقت زيه، هو لسه صغير وعارف انه بيحبك واتجنن وغار الصبح لما عرف بخطوبة تيا وزين
ليا: بص يا بابي هو بصراحه جدع وبيخاف علينا بس انا شايفاه اخويا زيه زي زين وعبد الرحمن وكمان انا لسه هادخل ثالثه ثانوي وهو كمان لسه اول سنه في الكليه، يعني لوفكرت اتخطب يبقي على الاقل بعد مادخل الكليه وانا مش هاقبل بواحد اقل منك انت وزين
عاصي: براڤو عليكي يا حبيبة بابي وانا اوعدك اني لو هو ماغيرش من نفسه وبقي راجل يعتمد عليه، عمري ما هوافق عليه ومش هاجوزك غير اللي يستهلك
ليا: اتفقنا يا بوب وانا معاك في اي حاجه
_الحمد لله دائما وابدا

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)