رواية مغامرات ابناء العاصي الفصل الثالث والعشرون 23 بقلم كنزي حمزة

رواية مغامرات ابناء العاصي الفصل الثالث والعشرون 23 بقلم كنزي حمزة

رواية مغامرات ابناء العاصي البارت الثالث والعشرون

رواية مغامرات ابناء العاصي الجزء الثالث والعشرون

رواية مغامرات ابناء العاصي الحلقة الثالثة والعشرون

مامي يامامي تعالي اقولك حاكه: صاحت بها الصغيره وهي ممسكه بفستان والدتها
غزل: مالك يا طمطم في ايه
دارين: مالك يا حبيبتي خايفه كده ليه
طمطم: يا مامي عايسه اقولك حاكه سل
غمزه: ههههههه انتي عندك سر، ده السر يجي لحد عندك انتي ويبقي فضيحه ههههههه
لتصيح الجده: استنوا يا بنات اما نشوف البنت مالها
طمطم ببكاء: لاء انا عايسه قول لمامي بس
غمزه: الله طب خدي بنتك ياغزل شوفيها مالها
حملت غزل الصغيره واتجهت بها الي غرفتها وجلست بها علي الفراش: ادينا بقينا لوحدنا، قوليلي بقي بتعيطي ليه وسر ايه ده اللي عايزه تقوليه
طمطم: عاثي ضلب ليا بالقلم علي وثها تاني
غزل بصدمه: ايه ليه يا طمطم، انتي شوفتيه وهو بيضربها
طمطم: لاء بث هي جات من البحل وتيا شافتها هي ودانا وقالت لهم مس يقولوا لحد وفضلت تعيط كتيل وانا جيت اقولك
غزل بتفكير: براڤو عليكي يا حبيبتي انك ماقولتيش قدامهم حاجه، تعالي اغسلي وشك ونروح نشوفها
///////////////////////////////ا
ذهبت اليها وجدتها نائمه علي الفراش واضعه رأسها علي قدم اختها ودانا تجلس امامها
غزل:زليا مالك يا حبيبتي، ايه اللي حصل تاني بس
تيا: انتي عرفتي ياغزل، شوفتي الحيوان ابنك عمل ايه
ليا: اسكتي يا تيا هو ماعملش حاجه
دانا: لاء يا انطي عمل، انتي شكلك عرفتي من طمطم اصلا ولازم بقي حد يوقفه عند حده، مش كل شويه يمد ايده عليها
غزل: طب ممكن تسيبونا لوحدنا عشان اقدر افهم ايه اللي حصل وياريت ماتقولوش لحد حاجه وانا هاتصرف
تيا: ماشي ياخالتو اما نشوف بقي هاتعملي ايه
وترجلوا خارج الغرفه اخذين تلك الصغيره معهم
جلست غزل مكان تيا واخذت ليا بين زراعيها
غزل: قوليلي بقي يا حبيبة خالتو الحيوان ده عمل كده ليه
ليا ببكاء: عشان قالي بحبك، انتي بتاعتي وانا قولتله انا مش بتاعت حد ويوم ما هاحب واتخطب يبقي لراجل يتحمل المسئوليه مش لعيل مش قادر يتحمل مسئولية نفسه وبيهرب من اي حد يطلب منه اي حاجه، راح ضربني وقالي اخرسي ويوم ماتفكري تتخطبي لحد غيري هاكون قاتلك وهددني اني لو روحت مع اي حد في اي حته من غير ماقوله هيضربني تاني
غزل:طب وانتي ليه قولتيله كده يا ليا، انتي مش بتحبيه زي ما هو بيحبك
ليا وهي تغمر وجهها بين زراعي خالتها: بحبه بحبه اوي يا غزل بس هو مش عايز يتغير، عايز يفضل طول عمره كده، كل حاجه تجيله علي الجاهز زي ما بابي بيقول عليه
غزل: كان ممكن تغيريه بطريقه تانيه غير انك توقفي قصاده، كان ممكن تخليه يحبك اكتر واكتر ويعمل كل حاجه علشانك بدل ما يضربك
ليا وهي تبتعد عنها: يعني انتي مش عارفه ابنك يا غزل، مش عارفه انه كل حاجه بيتجيله بالساهل بياخدها ولما بيزهق منها يرميها ولا انتي ناسيه طريقة ابنك يعني
غزل: لاء ياحبيبتي مش ناسيه، بس انتي مش اي حاجه، انتي حبيبته وهتبقي مراته واي حاجه هاتقوليله عليها مش هيرفضها، بالحب يا ليا مش بالعند، ما تبقيش عنيده زي مامتك، ماتعمليش زي ماهي كانت بتعمل مع بابكي زمان
ليا: لاء بعد اللي عمله النهارده، انا ماليش دعوه بيه وعمري ماهكلمه حتي لو اتغير، عمري ما هوافق علي خطوبتي له اصلا، انا بقيت اكرهه
غزل: بجد، طب عيني في عينك كده، طب بصي انا عايزاكي تخاصميه وماتقعديش معاه واعملي كل اللي انتي عايزاه هاتلاقيه هو اللي هيتجنن عشان يصالحك، ماشي ياقلب غزل؟
ليا: ماشي ياغزل
////////////////////ا
كان خارج من غرفته وجهه يظهر عليه الارهاق وما كان ينقصه ان يراها امامه مع ابنة اخيه الان ولكن لماذا تظهر علامات الغضب علي وجههم، لماذا هما الاثنتان حزينتان بهذا الشكل
عدي مستفهما: الله مالكم انتوا الاتنين، شكلكم عامل كده ليه، في حد دايئكم ولا ايه
تيا: مفيش مفيش يا عدي
دانا: عن اذنكم انا هاروح الشاليه بتاعنا وانتي يا تيا لما ليا تصحي ابقي هاتيها وتعالوا باتوا معايا
عدي: استني يا دانا، هاتمشي ليه، لو انتي لسه زعلانه انا بتأسفلك تاني، ويا ستي لو متضايقه من وجودي اوي كده، انا ممكن انزل مصر دلوقتي حالا وانتي تبقي مبسوطه
دانا: لاء يا عدي انا مش زعلانه منك خلاص، محصلش حاجه بس عايزه ارتاح شويه، عن اذنكم، وتركتهم وذهبت
عدي: الله هي مالها ياتيا وانتي كمان مالك في ايه
تنهدت بقلة حيله وهي تتحرك من امامه: مفيش يا عدي مفيش
عدي: مفيش ايه، خدي يا بت هنا كلميني زي مابكلمك
////////////////////////////ا
صعد الي غرفته ووجهه يكسوه الغضب ولم يتحدث مع احد وقبل ان يغلق باب غرفته وجد من تدلف له وهي تزجه للداخل بشده
عاصي: الله عايزه ايه يا ماما، انا مش ناقص وعلي اخري دلوقتي
غزل وقد تملك منها الغضب: عايزه اردلك حاجه اديتها لبنت عمك يابيه يا محترم، واذا بها تصفعه علي وجهه بشده
ليتفاجئ هو من فعلتها هذه ويضع يده علي وجنته
عاصي: انتي بتضربيني يا ماما
غزل: اه لما اردلك انا القلم ده، احسن ماعمك هو اللي يرده ليك، او الاقي زين ماسك فيك هو عدي، انت ايه يابني غبي ولاصايع ومش لاقي حد يلمك
جلس علي فراشه واحني راسه للاسفل ولم يتحدث واذا بها تلقي عليه اوامرها
غزل: يكون في علمك كل الكلام اللي قولتهولي ده، مفيش حاجه منه هتتنفذ، مالاكش دعوه ببنت اختي ياعاصي، مش انا اللي كنت بقولك نفسي تكونوا لبعض، انا نفسي دلوقتي بقولك عمري ماهرضي ان ليا تكون ليك، انت واحد همجي وعربجي وبنت العاصي وغمزه عمرها ماهتكون الا للي يعرف قيمتها ويعاملها زي الاميرات
عاصي: هي اللي اضطرتني اعمل كده يا ماما هي اللي استفذتني
غزل: نفس الحجه بتاعت كل مره، واهي خلاص كرهتك افرح بقي، هي اللي قالت انها مش عايزاك، بعد ما كانت بتحاول تقرب منك، لكن حضرتك بقي خليتها قطعت كل امل في انك تتغير وتشيل مسئوليه
عاصي بصوت مرتفع: مسئوليه، مسئوليه ايه، هو انتوا كلكم مفيش عندكم غير الكلمه دي، ايه هو مفيش غيري يشيل المسئوليه، ما عدي اهو ادمكم زي ومن سني ولا انتوا مش وخدين بالكم غير مني انا وبس
غزل: اخرس ماتجيبش سيرة عدي علي لسانك، انت عارف كويس اوي ان عدي هو اللي شايل الوكاله مع جدك، وابوك وعمك بيتابعوه من بعيد، لكن حضرتك بقي مابتخدش بالك من حد ولا من حاجه غير نفسك وبس، لاخر مره هاقولهالك يا عاصي ملاكش دعوه بليا، انت فاهم؟؟
عاصي: وانا هاقولهالك تاني يا ماما، انا عمري ما هبعد عن ليا، ليا دي بتاعتي انا وبس واللي عنده حاجه يعملها، انا كنت طالع الم حاجتي تاني وارجع مصر لكن بعد اللي انتي قولتيه ده، انا مش هامشي من هنا غير وهي راجعه معايا، زي ما جيتوا معايا وتتعدل معايا، يأما هي دي هتبقي طريقتي معاها
غزل:كده يا عاصي، طب وديني وما اعبد لانا قايله لباباك وهو بقي يتصرف معاك
/////////////********ا
استيقظت من غفوتها وجدت نفسها نائمه بين احضانها تملس علي شعرها الناعم وتربط علي وجنتيها براحه يدها
ليا: مامي، انتي بتعملي ايه هنا، ليه مش نايمه في اوضتك
غمزه: نوم ايه، لسه بدري علي النوم، انا جيت اطمن عليكي ياحبيبتي، مالك يا ليا في حد زعلك تاني ولا ايه
اعتدلت جالسه بجانبها ونظرت لها بخوف
ليا: لاء مفيش حد زعلني ولا حاجه، ليه حضرتك بتقولي كده
غمزه: اومال الدموع اللي مغرقه وشك وانتي نايمه دي ايه، بتعيطي ليه يا حبيبتي بس
ليا: مفيش يا مامي حاجه، هو انا بس تقريبا كنت بحلم حلم وحش شويه
غمزه: كده، طب قومي اغسلي وشك واتوضي وصلي وربنا هايريح بالك ان شاء الله
ليا: حاضر يا مامي، بس هما تيا ودانا فين
غمزه: عند دانا في الشاليه بتاعهم وقالوا لما تصحي، زين هايجي ياخدك لهم
ليا: طب اتصلي بيه انا عايزه اروحلهم
غمزه: طب قوليلي الاول انتي في حاجه حصلت ببنك وبين عاصي تاني، هو زعلك في حاجه
ليا: هاه لاء يا مامي مفيش حاجه حصلت، ليه بس بتقولي كده
غمزه: اصلك مش بتبقي زعلانه كده ومتضايقه الا اذا كان هو اللي زعلك
ليا: والله يا مامي عاصي ده الواحد مش عارف يزعل منه ولا عليه، اقولك ماتتصليش بزين انا هاقوم اصلي واروح للبنات
غمزه: طيب يا حبيبتي، ربنا يهديلك الحال يا بنتي
////////////////////////////////////ا
صلت فرضها وخرجت من غرفتها وهي خائفه ان يتعرض لها ذلك العنيد القاسي مره اخري، وعندما مرت امام غرفته تسحبت علي اطراف اصابعها حتي لا يستمع الي خطواتها ولكن حدث ما لا يحمد عقباه عندما انفتح الباب بقوه وجذبها الي داخل غرفته، كادت ان تصرخ من فعلته هذه وسريعا ما تملصت من بين يديه وهي تصيح فيه
ليا: اه اوعى سيب ايدي، انت عايز مني ايه تاني
عاصي: اخرسي و وطي صوتك، بتتسحبي كده ورايحه علي فين
ليا: وانت مالك، انت ملاكش دعوه بيا
عاصي وقد امسك زراعيها بغضب: انا الوحيد اللي مالي يا ليا، قولتلك بطلي تتحديني عشان انا مش هاسيبك ابدا
تذكرت ليا ما قالته لها خالتها وقد بدأت فيما تنتوي فعله معه ونظرت بفيروزتها داخل ليله الموحش الغاضب: هاتسيبني، هاتسيبني لما تلاقيني قدامك بسهوله، ده طبعك دايما عشان انت بتزهق بسرعه
عاصي وقد بدأ قلبه يرق لمعذبته: عمري ما هاسيبك، انتي حبيبتى انا، في حد بردو بيسيب روحه، حتي لو انتي مش عايزاني بردو مش هاسيبك
ليا: اه سيب ايدي بتوجعني، ايوه مش عايزاك وهفضل اقولهالك على طول لحد ما تروح الشركه وتشتغل زي ما بابي وعمو حمزه قالولك
عاصي وهو يشدد علي يدها: مالكيش دعوه اشتغل ولا ماشتغلش، دي حاجه ماتخصكيش
ليا وهي تبتعد عنه وتفرق يدها: يبقي انا كمان ماخصكش في حاجه وطول مانت علي عندك ده، اوعي تفكر اني هاكون في يوم ليك ابدا
كادت ان تخرج من امامه الا انه امسكها من زيل شعرها الطويل وجذبها اليه مره اخري
عاصي: الظاهر انك فاكراني بهزر ومش اد كلامي، تحبي اوريكي دلوقتي انتي ملكي انا ازاي
جذبها بين احضانه ورفعها بين يديه واتجهه بها نحو الفراش والقاها عليه والقي بجسده عليها وبدأ يقبلها في وجهها بعنف وهي تلفت بوجهها يمين ويسار وبسرعه شديده وتبكي بشده تصرخ في وجهه
ليا: بتعمل ايه يا حيوان انت، سيبني احسن هاصرخ وانده عليهم كلهم
اشتعلت رغبته فيها وهي تتحرك هكذا وكان كالمغيب امامها
عاصي: بحبك يا ليا، حرام عليكي، اللي انتي بتعمليه ده بيجنني زياده
ليا ببكاء شديد: انا بكرهك بكرهك يا عاصي، سيبني انا عمري ماهكون ليك ابدا
عاصي: انتي عمرك ما هاتكوني غير ليا انا، انا وبس يا حبيبتي
ليا وهي تتشبث بملابسها جيدا: ابعد عني بقي والله هاصرخ
عاصي وهو يصرخ في وجهها: اصرخي، اندهي عليهم، خليهم يجوا يشوفكي وانتي في حضني كده، عشان يتأكدوا انك بتاعتي انا بس
تهاوت قواها وبدأت تفقد السيطره وتضعف وهي تبكي بشده: طب عشان خاطري يا عاصي، ابوس ايدك انت كده هاتفضحني، هاسمع كلامك ومش هاعمل حاجه غير اللي تقولي عليها، والنبي سيبني ياعاصي، لو بتحبني بجد سيبني
ابتعد عنها وهو ينظر اليها بغضب: قومي روحي اوضتك وماتخرجيش منها، فاهمه؟
جرت من امامه وهي تعدل من ملابسها وخرجت من الغرفه مغلقه الباب خلفها بعنف
بدأ يوبخ نفسه علي مافعله معها
عاصي وهو يضع وجهه بين راحة يده: ازاي تعمل كده في بنت عمك يا حيوان انت ط، ايه خلاص، مش قادر تسيطر علي نفسك، اهي بقت تكرهك من تصرفاتك دي معاها، ابقي افرح بقي اما تقول لابوها لما يجي
////////////////////////////ا
جرت علي غرفتها وأوصدت بابها جيدا بالمفتاح وبدأت تبكي وتصرخ بشده من الحزن والرعب في نفس الوقت
وبعد مرور ما يقرب من ساعه كانت تجلس بجانبه علي الارجوحه المعدنيه وهو يمسك هاتفه يتحدث مع والدها وهو يضحك
زين: عادي يا بوب هاتلاقيها راميه التليفون في اي حته
عاصي: يعني هي مفيش فايده فيها، طب انتوا قاعدين فين وهي فين دلوقتي
زين: طب اهدي بس، اقولك انا هاروح اديلها التليفون وانت تكلمها براحتك، ماشي
عاصي: طيب اقفل سلام
امسكت الهاتف منه وهي تتحدث مع والدها
تيا: كده يا بوب، يعني هي غمزتك بس اللي عايز تطمن عليها بردو
عاصي: هههههههه ايه يا شقيه، مانا مطمن عليكي طول مانتي مع زين
تيا: امممممم قولتلي بقي، طب وليا وبوده مطمن عليهم هما كمان
عاصي: طبعا يا قلب ابوكي طول مانتوا مع زين وجدكم، انا مطمن عليكم، وحشتيني يا بنت ال…… ووحشتني شقاوتك ههههههههههه
تيا: ههههههه لو سمحت ماتشتمش بابي عشان ده حبيبي
وعندما وصلوا حيث تجلس هي
وقف امامها وهو يلطم خديه يحرك فمه يمين ويسار ويشير لها بأصبعه علي الهاتف
زين: تليفونك فين ده علي اخره
غمزه وهي تفتح ثغرها مندهشه: هاه تليفوني، يالهوي ده في المطبخ باين
زين: طب ربنا معاكي بقي، اديها يا تيا التليفون
امسكت الهاتف منه وهي ترتبك في الكلام
غمزه: ااالو ايوه ياحبيبي عامل ايه
لم تستمع الي كلمات بل الي انفجار بركان قوي، قنبله انصاح دويها الي اذناها كاد الهاتف ان يسقط من يدها وهي تسمعه
عاصي: عامل زفت علي دماغك ودماغ اللي يحبك، ياشيخه حرام عليكي، اعمل فيكي ايه، اكتر من ٤٠ مره وانا بتنيل اتصل بيكي، ايه دانتي لو نايمه وسط اهل الكهف كان زمانك صحيتي
غمزه: يالهوي ٤٠ مره، والله التليفون في المطبخ ومش سمعته
عاصي بهدوء: سايبه التليفون في المطبخ ليه ياغمزه هيأشر هو بدالك البصل
انفلتت منها ضحكتها التي تسكره وهمست: خلاص بقي يا حبيبي مانت عارف اني برميه في اي حته وانساه
واخيرا ما رق قلبه لها وهتف بهدوء: وحشتيني ومش قادر اتنيل اقعد لوحدي من غيرك
ضحكت مره ثانيه ضحكتها الرنانه: غلبتني بكلامك زي كل مره وانت كمان يا حبيبي وحشتني اوي
غمز زين بعينه الي زوجته وهو يشير اليها: شايفه اهي كلت عقله بضحكتها وصوته هدي، انا بقي عايزك على طول تاكلي عقلي كده ههههههههه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)