رواية مغامرات ابناء العاصي الفصل الحادي والثلاثون 31 بقلم كنزي حمزة

رواية مغامرات ابناء العاصي الفصل الحادي والثلاثون 31 بقلم كنزي حمزة

رواية مغامرات ابناء العاصي البارت الحادي والثلاثون

رواية مغامرات ابناء العاصي الجزء الحادي والثلاثون

رواية مغامرات ابناء العاصي الحلقة الحادية والثلاثون

امسك يدها بكل حب واتجه بها اليهم ورأه والده فغمز له بعينه وهتف
احمد: شايفك نازل مبسوط، الظاهر ان تيا تأثيرها بقي قوي اوي عليك يا حضرة الظابط
زين وهو يحتضنها بجراءه: تيا طول عمرها بتعرف تأثر عليا يا بابا مش من دلوقتي بس
الجد: وانت ايه بقي اللي كان مزعلك كده
زين: ابدا ببساطه كده التليفون اللي جالي ده كان استدعاء ولازم اسافر بكره بدري
انتبهت غمزه لكلامه وامسكت بيده وهتفت: استدعاء فين وليه و انت مش لسه اجازتك فيها تلات ايام
زين: عادي يا حبيبتي اطمني مفيش حاجه مانا ساعات كتير بيجيلي استدعاء في اى وقت
غمزه: راجع شغلك عادي يعني ولا في حاجه تانيه
زين: والله عادي مفيش حاجه شغل بس، هو عدي فين اومال
غزل بحزن: طلع اوضته يرتاح شويه
دانا بغيظ: احنا ركبنا الBanana boat مع انكل عاصي وانتوا لاءه
ليا: يا بنتي حتي لو كانوا هنا، بردو ماكنتش هترضي تركب معانا
زين: هههههههه يلا يا عيله منك ليها، احنا بتوع بنانا بردو، تعالي يا حبيبتي معايا
تيا: لالالاء انا مش هنزل البحر
زين: ليه ان شاء الله في كلور ده كمان، تعالي بس ماتخافيش متاضحكيش العيال دول علينا، ثم حملها امامهم واتجه بها الي البحر
همست غمزه الي اختها: هما اتأخروا كده ليه
غزل: انا عارفه يمكن بيتفقوا هيقولوا ايه لأحمد عشان يخطبوهاله
غمزه: لاء كده كتير، انا مش هاصبر اكتر من كده، بصي انا هاروح ابص عليهم من غير ماحد ياخد باله وانتي خليكي معاهم هنا
ووقفت لتذهب إليهم لتصيح والدتها
روقيه: الله رايحه فين يا غمزه
غمزه: رايحه اشوف عاصي وحمزه اصلهم تقريبا بيكلموا عاصي الصغير في التليفون
روقيه: ماشي يا حبيبتي وابقي قولي لعدي يجي هو كمان عشان يتغدوا بقي
غمزه: حاضر يا مامي
/////////////////////////////ا
دلفت من الباب وجدته جالس حزين علي الفراش وهم الاثنان جالسون امامه
غمزه: وانا اللي قولت هاطلع اقولك مبروك، الاقيك قاعدلي بالمنظر ده
طرق الاخر بيده علي قدمه بغضب ليصيح في وجه اخيه الاخر
عاصي: شوفت مش قولتلك، اهو هو ده اللي كنت خايف منه، عالله بس مايكونوش قالوا لصاحبتهم حاجه
غمزه وهي تضم ذراعيها الي صدرها: وهو ايه بقي اللي انت كنت خايف منه، هو ده مش اخونا ومن حقنا نطمن عليه زيك ولا ايه
عاصي بغضب: لاء اطمني ياختي اهو قاعد ادامك بيعيط زي الولايا اهو
غمزه بغيظ منه: بطل طريقتك في الكلام دي وملاكش دعوه بيه، انا بقولك اهو
عاصي: كده طيب يا غمزه اهو عندك اولعوا انتوا الاتنين، ثم تركهم وخرج من الغرفه بأكملها
هتفت هي في حمزه: هو في ايه ماله ده متعصب ليه
حمزه: يعني انتي مش عارفاه، كالعاده رافض وبيقول انه مايقبلش ده علي بنته ازاي يقبله علي بنت صاحبه
جلست بجانب اخيها وبهدوء: بس هو في دي معاه حق يا عدي، انت لسه بتدرس وقدامك ٧ سنين علي بال ما تخلص
عدي: اانا ماقولتلوش يجوزهالي من دلوقتي، انا اصلا كنت متفق انا وهو ان يوم ما افكر اخطب يبقي علي الاقل بعد سنتين وبعدين انا مش عاطل، انتوا عارفين كويس اني انا اللي شايل مع ابويا شغل الوكاله كله، دا غير مشروع الكلاب بتاعي
ليصيح فيه حمزه: انت اهبل يلا، مشروع كلاب ايه اللي انت عامله، بيدخلك كام مشروع الكلاب ده يا عدي باشا عشان تروح تقعد قدام ابوها وتقوله انا عايز اتجوز بنتك وماتخافش يا عمي هاعيشها كويس من مشروع الكلاب
غمزه: خلاص بقي يا حمزه، كفايه بقي كلامكم اللي زي السم ده
حمزه بأنفعال: اه كلامنا احنا اللي زي السم، ماهو اللي يقول الحقيقه قدامك انتي واختك يبقي كلامه زي السم، اقولك انا هاسيبكم انا كمان وانزل احسن، وخرج هو الاخر منفعلا منهم
التفتت هي إليه بلا مبلاه وهمست له: بقولك ايه، سيبك منهم خالص الاتنين دول، مش انت بتقول انك كنت متفق مع زين علي انك تقعد انت وهو مع باباه وتفهموا انك ادامك سنتين علي الاقل
عدي: اه بس بعد اللي ابوه قالهولي ده هاقعد اقوله ايه، ماهو عاصي قال مش هينفع نقوله سيب العريس الجاهز واستني اللي لسه بيتعلم
غمزه: لاء هينفع بس الاول لازم انا اكون متأكده ان دانا هترفض العريس ده
عدي: اوعي تقوليلها حاجه عني يا غمزه، انا مش عايز الفت نظرها دلوقتي حتي لو اتكلمت مع باباها وبعدين هو ماقالش لحد
غمزه: ماتخافش يا حبيبي، يلا بينا احنا دلوقتي ننزلهم عشان محدش ياخد باله وقبل ماتنام باليل هاكون مريحه قلبك ده
عدي: ربنا يخليكي ليا يا حبيبتي
///////////////////////////////////ا
كان جالسا خلف مكتب عمه يمسك هاتفه ويتصفح صورها التي تملئ ذاكرته بالكامل، كل صوره من تلك الصور تملك ذكري له معها منذ طفولتهم في كل وقت في كل مكان، كانوا دائما معا لا يتركها تبتعد عنه، في البيت والمدرسه وعندما يخرجون للتنزه، حتي باص المدرسه كانت تلح عليه ان يصورها فيه
نعم احبك بجنون
اعشق هواكي اينما اكون
متي تصفحين يا معذبتي
عن العاشق المجنون
عاصي: سامحيني بقي يا ليا، معقول تكوني ما فتحتيش الهديه لحد دلوقتي، بحبك يا بنت عمي، بحبك يا بنت قلبي
اخرجته من دوامة عشقه تلك االتي دلفت امامه وهي تصيح: لاء دانت حالتك صعبه خالص، يا عيني يابني ال وانا اللي كنت بخاف منه، استاذ عاصي ياعاصي بيه
عاصي: هاه في ايه داليا، عايزه ايه
داليا بسخريه: كده من غير انسه، عيب يا بني انا اد والدتك
عاصي: هههههههههه مش للدرجه دي يعني، صحيح امي صغيره بس بردو اكبر منك، وبعدين انا مش قولتلك هانشيل الالقاب بينا وبين بعض وقدام الناس يا ستي ابقي احترميني
داليا: ماشي كلامك، اتفضل امضي بقي عشان الكشف ده ينزل خزنة الشركه عشان قبض الموظفين بكره
عاصي: طب ممكن تسيبيهولي اراجعه وبكشف الشهر اللي فات بس عشان مايحصلش لخبطه واتنفخ انا من ابويا وعمي لما يعرفوا
داليا: اوك ماشي اتفضل، مش هتقولي مالك بقي
عاصي: بصي يا داليا يا بنتي، انا ببساطه كده متنيل بستين نيله علي دماغي وبحب، اه والله زي مابقولك كده بحب بنت عمي عاصي وبس، كل ما نقرب لبعض تحصل حاجه وتخاف مني ونرجع نخاصم بعض وتبعد عني تاني
داليا: ههههههههه انت تحب، مش شايف انك انت لسه صغير اوي علي الحب والكلام الفاضي ده
عاصي: الحب والكلام الفاضي ده، ليه هو انت عمرك ماحبيت يا اخ انت ولا ايه
داليا بعد ان جلست امامه: ليه يعني، مش شايف الدبله اللي في ايدي ولا ايه، انا مكتوب كتابي حضرتك بعد خطوبه ٣ سنين وقبلها حب اربع سنين في الجامعه
عاصي: يالهوي كل ده، طب وليه ماتجوزتوش لحد دلوقتي يا بنتي
داليا: ابدا كنا بنجهز نفسنا وبنبني مستقبلنا الاول، اصل احنا الاتنين عائلتنا علي قد حالهم يقدروا يعلمونا احنا واخوتنا بس والباقي بيبقي علينا احنا بقي
عاصي: والله يا باخته بيكي، كويس اوي انك متافهمه في حياتك كده وماقولتيش مثلا انه هو الرجل وهو اللي لازم يشتغل ويكبر البيت
داليا: علي فكره انا مش بطله، مابعملش حاجه خارقه يعني بالعكس، كل البنات اللي زيي بيعملوا كده، قولي بقي انت ايه اللي معقد عيشتك كده
عاصي: الملافظ سعد يا داليا، مش معني اني قولتلك شيلي الالقاب تبسيطها اوي كده
داليا: انا اسفه، انا طب بص عن اذن حضرتك
عاصي: ههههههههه خدي يا مجنونه انا بهزر معاكي، يا ستي اللي معقد عيشتي عمي وابويا، مش راضين يخلوني اخطبها الا لما ابقي راجل في نظرهم ويعتمدوا عليا
داليا: معاهم حق طبعا
عاصي: معاهم حق، طب اتفضلي علي مكتبك قبل ما اخصملك الشهر اللي ناويه تقبضيه بكره ده، يلا يا انسه علي شغلك احنا فاضين للرغي ده
جحظت عيناها من تقلبه المفاجئ وخرجت من امامه وهي مندهشه
///////////////////////////////ا
اقبل الليل عليهم وجمعت غمزه الثلاث فتايات
مع دارين وغزل و روقيه في غرفتها وهذا ماكان لا يرضي زوجها فهو يعلم تفكيرها جيدا ويعلم انها لن ترتاح لحزن اخيها الصغير
فأضطر ان ينتظرها لفض هذه الجلسه
اما عندهم كان الحديث يدور بينهم كالاتي
غمزه: تصدقوا بقي يومين المصيف دول ولا ليهم اي لازمه، يا ريتنا ما كنا جينا.
دارين: اخص عليكي يا غمزه ليه بتقولي كده
غمزه: يعني انتي مش شايفه من اول يوم واحنا في مشاكل وادي عاصي سافر وزين كمان هيسافر بكره وعدي اللي حابس نفسه في اوضته
انتبهت لها دانا وهتفت: طب وهو عدي حابس نفسه في اوضته ليه هو كمان
غمزه: مش عارفه يا دانا يمكن زعلان عشان هيبقي لوحده، هو طبعه هادي وطيب ومالوش صحاب غيرهم
تيا: والله يا مامي عندك حق، عدي فعلا اطيب واحد فيهم
هتفت روقيه وهي تتنهد براحه: ابني ده ربنا يهديله نفسه، واخد طبع ابوه كله، ربنا يرزقه ببنت الحلال اللي تكون مطيعه له وتقدر تسعده
نغزت تيا عضاضها بهدوء وهمست: ازيك يا بنت الحلال
دانا: اسكتي الله يخرب بيتك هاتفضحينا
ليا: انتوا بتقولوا ايه
لتصيح غزل: يا رب يا مامي ويهدي البنات الحلوين دول
ويرزق دانا بالعريس اللي يستاهلها
دارين: عريس ايه دلوقتي يا غزل، مش لما تخلص الثانويه وبعدين الكليه
غمزه: طب قولي تخلص ثانوي وبعد كده ممكن لما تدخل الكليه تفكر، انتي ايه رأيك يا دانا، لوجالك عريس دلوقتي هاتوافقي ولا هاترفضي
دانا: لاء طبعا يا انطي انا مش بفكر في الموضوع ده خالص دلوقتي علي الاقل قدامي سنتين تلاته
غزل بفرحه: براڤو عليكي يا روحي، دي احسن حاجه قولتيها
تيا: يا سلام يا ست غزل، ليه يعني مانا انكتب كتابي اهو وانا لسه في ثانويه عامه محدش قالي كده ليه
غمزه: يا حبيبتي انتي وضعك مختلف، انتي لو كان باباكي رفض السنه دي كمان، يمكن كان زين بعد الشر جراله حاجه
دارين: اه والله ده كان زي المجنون عشانك يا تيا، ده بيحبك خالص
ليا: طب يلا بقي نقوم ننام
دانا: اه يلا بينا يا مامي
////////////////////////////ا
كان جالس معه في غرفته لحين ان ينتهوا النساء من اجتماعهم الخاص والافراج عن فتاته الحبيبه وقد علم ما حدث بعد ان تركه وحيدًا وذهب غاضب
زين: والله يابني ماكان قصدي اسيبك لوحدك، انت مانبهتنيش ليه بس
عدي بزعل: وهو انت كنت ادتني فرصه، دانت قومت وزقتني كأني فيا مرض وخايف تتعدي مني
زين: هههههههههه طب وانت ماقولتلوش ليه الكلام اللي انت قولتهولي
عدي: ماقدرتش يازين، لساني زي ما يكون اتعقد وعاصي اخويا كمان بدل ما يقف جانبي، قالي انه معاه حق واللي مايردهوش لبناته مايردهوش لبنات الناس
زين: طب بص مالاكش دعوه بكلام اخواتك خالص وقوم تعالي انزل معايا
عدي: هانروح فين
زين: هنقعد مع ابويا ونتكلم معاه
عدي: انهي اب فيهم
زين: ولااا، انت هتستغبي ولا ايه
عدي: يا زين مش هيوافق، هاتقوله ايه، ارفض الظابط اللي جاي لبنتك واقبل حتة الطالب الثانوي اللي لسه داخل كلية الطب
زين بغضب: اولا الواد اللي انت بتقول عليه ده، طلبه مرفوض من قبل مايتقدم ده واد………. وبتاع بنات وانا مش ممكن اقبل لأختي واحد زيه ابدا، ثانيا خليك قاعد تعيط زي البنات كده، تصدق اصلا انا غلطان اني افكر فيك انت كمان لاختي، يلا سلام انا هاروح انام عشان عندي سفر بكره، هاوجع دماغي عشانك ليه
والتفت ليخرج من الغرفه لحقه الاخر وتمسك بيده
عدي: لالا استني انا جاي معاك
/////////////////////////////////ا
كانوا يلعبون الطاوله ويضحكون علي خسارته واذا به يصيح
عاصي: هههههههه خسرت يا سيادة العميد، يابني انت اصلا مالكش فيها
احمد بغضب: بقولك ايه انت هاتستهبل، مانت عمال من الصبح تقرص في الزهر وتغش وجاي تقولي خسرت
حمزه: خلاص يا احمد ماتزعلش اوي كده، ماكنوش ٣ ادوار خسرتهم
احمد: انت بتستفزني انت كمان، مانت عارف ان اخوك بيغش في اللعب صح ولا لاء
حمزه وقد فقد السيطره علي نفسه: هههههههههههه بصراحه اه هو طول عمره بيغش في الطاوله هههههههه
عاصي: ههههههههه طب بقولك ايه، اقعد ماتزعلش انا هاتغلبلك الدور ده
احمد : دمك خفيف اوي يا اخويا، طب ايه رأيك انا هاقعد وانت هاتتغلب غصب عنك
ليضحكوا جميعا علي كلامه واذا به يقف امام الطاوله ويغلق صندوقها
عاصي: خير يا رب، قفلتها ليه يا بني احنا لسه بنلعب
زين: سيبكم بقي من اللعب ده عشان انا عايزكم في حاجه مهمه
احمد: بالنسبه ليا مفيش اهم من اني اعوض خسارتي دلوقتي، وهم ليفتح اللعبه مره ثانيه
وضع زين يده عليها بجديه وهتف: لاء، اما تكون حاجه مرتبطه بمستقبل بنتك يبقي في
نظر احمد اليه بدهشه: ومالها بنتي ان شاء الله
والتفت عاصي للاخر بغضب
ليهتف زين: بابا عدي كان كلمني في حاجه بخصوص دانا وكان عايز يكلمك في الموضوع ده
احمد وقد نظر الي عدي: حاجة ايه دي، عدي غريبه مانت كنت قاعد معايا وماتكلمتش يعني
احني رأسه للأسفل وصمت ولكن اخيه قرر ان لا يضعفه اكثر من ذلك
حمزه: بصراحه كده يا احمد، هو اتكسف يفتح اي موضوع معاك لما انت قولتله ان بنتك جايلها عريس
احمد: الله انا مش قولتلك ماتقولش لحد يا عدي
عدي: انا اسف بس بصراحه كان لازم اقول عشان عشان ….. وصمت مره اخري
احمد: عشان ايه يابني ما تتكلم
وضع الاخر يده اسفل وجنته وتحدث بكل هدوء
عاصي: عشان حس انها هاتضيع منه يا احمد
احمد: لاء معلش مش فاهم، يعني ايه هاتضيع منه دي
عدي وقد تجريء عندما رأي انهم يساندوه: بصراحه يا عمي، انا بحب دانا وقولت الكلام ده لزين واتفقنا اني مش هاتكلم معاها في حاجه ولا هاتقدم لها حتي الا لما تدخل الكليه واكون انا عديت اول ٣ سنين في كليتي، بس حضرتك فاجئتني بموضوع العريس ده
احمد: كنت حاسس والله ان غيرتك دي مش غيرة اخ لأخته، هو مش انا بردو سألتك ياعدي قولتلي انها زي اختك
عاصي: خلاص بقي يا احمد انت عرفت نواياه، المهم دلوقتي انت رأيك ايه في اللي قاله ده
احمد: طب بزمتك انت واهو انت عندك بنات، لو ليا جالها عريسين في نفس الوقت واحد جاهز وبيشتغل والتاني لسه طالب، هتقبل مين ياعاصي
عاصي وقد نظر الي اخيه: من غير ماحط نفسي مكانك، انا قولتله انك هاترفض
ليصيح زين: يرفض ليه، اذا كان عدي جدع وراجل ويعتمد عليه طول عمره، مش بتاع مشاكل وهادي واي حد بيقصده في اي حاجه بيسد فيها وكان واضح معانا وقال انه مش هيقدر يرتبط بدانا غير بعد ٣ سنين، لكن التاني بقي اللي حضرتك عايز تقبله ظابط طيار ماقولناش حاجه، ابوه لواء وعيلته معروفه تمام، هيقدر يعيشيها فنس مستوهاا اوك ، بس عيوبه ايه بقي، سكري وكل يوم مع واحده شكل وسمعته في المشاكل سبقاه في كل حته يدخلها وقولتلك روح النادي واسأل عليه، يبقي مفيش وجه مقارنه اصلا بينه وبين الطالب اللي حضرتك عايز ترفضه
ابتسم عاصي له وتفهم حبهم لبعض
وفاجئهم أحمد بالرد: اوك يا عدي انا موافق علي طلبك ده بس بشرط
عدي: انا تحت امرك، كل اللي انت عايزه انا هاعمله
احمد: دانا السنه دي هتبقي فعلا اختك لحد ماتخلص الثانويه العامه وتجيب مجموع كويس تدخل بيه الكليه اللي هي عايزاها وبعد سنه كمان هتتم خطوبتكم لو وافقت، اما بقي لو رفضت
عدي: اوعدك يا عمي هتفضل بردو اختي الصغيره

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)