رواية موضوع عائلي 3 (بيت الهنا) الفصل العشرون 20 بقلم رحاب القاضي
رواية موضوع عائلي 3 (بيت الهنا) الفصل العشرون 20 بقلم رحاب القاضي
رواية موضوع عائلي 3 (بيت الهنا) البارت العشرون
رواية موضوع عائلي 3 (بيت الهنا) الجزء العشرون
رواية موضوع عائلي 3 (بيت الهنا) الحلقة العشرون
سوف تنساني، وتنسى أنني يوما وهبتك نبض وجداني، وتعشق موجة أخرى، وتهجر دفء شطآني، وتجلس مثلما كنا لتسمع بعض ألحاني، ولا تعنيك أحزاني..
♡•♡•♡•♡•♡•♡•♡
_اتوتر زين من ثبات وهدوء يونس اول ما طلب منه يحكيله هو يعرف يارا منين، وبالفعل قاله زين كل حاجه من اول ما اتعرف علي يارا لحد الان…
يونس بجمود
يعني انت عرفت بنتي من علي النت؟..
رد عليه زين بقلق وقال
ايوه بس انا اللي دخلت كلمتها واتعرفت عليها، وهي اصلا ما كانتش قايله اسمها كامل ولا كانت حاطه صورها وعرفت بالصدفه انها بنت حضرتك…
_في الوقت ده موبيل زين رن وكانت يارا وبص يونس للفون بتلقائيه بس اول ما شااف صورة يارا مسك الفون بسرعه من قداام زين اللي اتوتر جدا….
يونس بسخريه
هُيامي.. وبتقول انها ما كانتش منزله صورها معني كده انها كانت بتبعتلك انت لوحدك صورها..
زين بتوتر
لو يارا ماكانتش كويسه انا ماكنتش هاجي النهارده عشان اتقدملها..
يونس بحده
تتقدم لمين دي لسه عيله صغيره..
زين
فاضلها اربع شهور وهتكمل 17 سنه، وسنه كمان وهتبقي 18 سنه يارا مش صغيره، ودماغها كبيره مش تافهه واكيد مش انا اللي هكلم حضرتك عن يارا واخلاقها دي تربيتك، وتربيتها واخلاقها دول مخليني وانا بحارب الدنيا نفسها عشان اعيش ابقي متمسك بيها لاخر لحظه..
يونس بجمود
يعني انت عايز ايه دلوقتي؟..
زين بثبات وهدوء
اخطب يارا لاني محتاجها جنبي ومعايا اووي الفتره دي، ولو خفيت ان شاء الله وعمليتي نجحت انا مش هسيبها..
يونس
ولو انا رفضتك دلوقتي هتعمل ايه، هتفضل تتواصل معاها من ورايا يا ابن عزالدين مش كده؟..
زين بضيق
لا مش هتواصل معاها تاني من وراك، بس هفضل اتواصل معاك انت لحد ما توافق..
ابتسم يونس بهدوء وقال
انت مصمم بقي..
زين
ويارا تستاهل اكتر من كده..
يونس
يمكن دي الحاجه الوحيده الصح اللي قولتها من لما جيت، ان يارا تستاهل اكتر من كده، انا هستنااك. تيجي وتتكلم معايا تاني انت وابوك وامك لما تبقي تعمل العمليه وتخف..
زين
مش فاهم يعني ودلوقتي؟؟..
يونس بجديه
تسيبها… وبأي طريقه تخليها ما تحاولش تكلمك تاني..
زين
وانا ليه اعمل كده؟..
يونس
عشان لو لقدر الله حصلتلك حااجه بنتي ماتفضلش عمرها كله حزينه عليك..
زين بنبره حزينه
ومقابل كده هخليها تكرهني، طيب هي كده مش هتزعل لما من غير ذنب ازعلها مني..
يونس
تزعل علي ندل احسن ما تفضل طول عمرها تبكي علي حبيب ميت..
اتملت عيون زين دموع وقال
انا ما اقدرش اعمل فيها كده؟..
يونس
وانا كمان ما اقدرش ابعدها عندك ولو حصلتلك حاجه بنتي تحملني الذنب العمر كله، انت لو بتحبها بجد. زي ما بتقولي مش هتبقي اناني هتفكر في راحتها وسعادتها..
اتنهد زين بحزن وقال
طيب مش دلوقتي انا هقلل كلام معاها جدا بس مش هبعد. خالص دلوقتي عشان هي في فترة امتحانات وانا مش عايز اعطلها بأي حاجه من الحاجات دي..
يونس
تمام انت افضل زي ما انت لحد ما يارا تخلص امتحانات وانا هتصرف مع بنتي..
زين بقلق
ازاي يعني هتتصرف معاها؟..
يونس
بنتي وانا حر معاها يا زين، وياريت تفضل علي اتفاقك معايا عشان ان شاء الله لما ربنا يعفي عنك وتيجي تخطبها اتأكد انك رااجل قد كلمتك واظن كده انا عدااني العيب..
قام زين وقال
ان شاء الله يا يونس بيه، بعد اذن حضرتك..
_مشي زين وهو مدايق جدا من كلام يونس ليه، ويونس كان مدايق اكتر منه وقال لنفسه بعصبيه..
يونس
مااشي يا شهد انتي وولادك، انا هعرف ازاي اخليكم تستغفلوني كويس.
ــــــــــ #بقلم_الكاتبه_رحاب_القاضي ــــــــ
_وفي الوقت ده في الصعيد وقف عبدالله بعربيته قدام الارض اللي فيها رجالة خلف ونزل من العربيه وقال..
عبدالله
يلا انت وهو من هنا واللي هشووفه واقف في الارض دي تاني هاخده من قفاااه للمركز..
رد عليه واحد من رجالة خلف وقال
احنا واقفين اهنا بأمر خلف بيه وما نقدرش نتحرك من اهنا غير بأمره هو…
حمدي
الارض دي مِلك الست أسرار هانم وبتوكيل عام منها لعبدالله بيه بقيت تخص عيلة القاضي ولو بلغنا دلوقتي انك واقفين في مكان ما يخصكمش بسلاحكم هتروحو في ستين داهيه..
عبدالله
سمعت قالك ايه، زي الشاطر بقي تاخد الكلاب اللي معاك دول وتروح لكبيركم وتقولهم ليه…
_بصو رجالة خلف لبعض ومشيو من الارض، وعبدالله وقف في نص الارض وقال لحمدي بجديه..
عبدالله
يبدأ الشغل في الارض دي من النهارده يا حمدي، واللي تحتاجه يتاخد من فلوسي انا ومكسبها يبقي لوحده وابقي فكرني عايزين نفتح حسااب في البنك بأسم أسرار وكل موسم المكسب اللي هيطلع من الارض دي هيبقي في حساب اسرار لوحدها.
حمدي
اوامرك يا عبدالله بيه، بس خلف مش هيسكت ده هو اللي كان بيكسبه من الارض دي بالذااات كتير ومعتمد علي محصولها في شغله كله..
عبدالله
والارض دي بتاعت اخته مش بتاعته ومن حق بنتها..
حمدي
مدام. عمر بيه الله يرحمه توفي، يبقي خلف ليه ورث في الارض دي برضو بس مش كتير..
عبدالله
ده شغلك بقي يا حمدي انا مش عايز خلف يحط رجله في الارض دي تاني، تمشي بقي قانوني مش قانوني كلامي يتنفذ..
حمدي
تحت امرك يا عبدالله بيه، هنرجع المصنع ولا هتروح البيت حضرتك؟..
عبدالله
لا هروح البيت وانت خليك هنا مع الرجاله واي حاجه تحصل بلغني بيها…
_وبعد شويه في بيت القاضي كانت قاعده أسرار مع رضوي بنت كمال وعز قااعد قدامها وجنبيه روان اللي قالتله..
روان
ها هتقولو..
عز
هو جوزي انا ولا جوزك انتي ما تقوليلو…
روان
ما هو سعات ما بيبقااش في المود ولو قولتلو والكلام ما جاااش علي مزاااجه هيقول لا وهو لو قال لا مش هيرجع يوافق خالص، وانا ذاكرت كويس وفاضل يومين بالظبط علي امتحاناتي وعايزه اسافر بقي..
عز
بصي لو لقتيه مدايق فرفشيه كده وخلي المود يبقي حلو وقوليلو علي اللي عيزااه وهو هيوافق وحلي عن دماغي بقي…
روان
ما اعرفش يا زيزو وبعدين انا بخاااف اتكلم معاه اصلا عشان لو كلمه ما جاتش علي مزاجه بيبرقلي كده وممكن يقوم يمد ايده عليا ودي حاجه ما استبعدهااش عنه، فانت كلمه وقولو عشان يوافق هيتكسف ويخاف منك وهيوافق..
عز بسخريه
يتكسف ويخااف مني انا، اقسم بالله هو مش ابن اختي بس انا اللي بخاف وبتكسف منه..
روان بضيق
يعني مش هتقف جنبي انت كمان يا زيزو..
عز
ايوه واتعودي انك انتي اللي تقنعي جوزك باللي عايزااه، وما تدخليش حد بينكم لا انا ولا امه ولا اخوه، وعبدالله مش من النوع اللي بيحب كده علي فكره هيعند اكتر..
جات علياء في الوقت ده وقالت
انت هتمشي امتي يا عز؟..
عز
انتي بتطرديني يا عليااء هو انا قااعد فوق راسك؟..
ضحكت روان هي واسرار وعلياء قالتله بحده
هو مش انت ابنك تعبان وعايزك جنبيه اليومين دول قاعد في وشي انا ليه، ما تروح لابنك واقف جنب فيروز لو لمره واحده في حياتك..
عز بضيق
علي فكره انا واقف جنب ابني مش محتاجك تقوليلي، ويا ستي زعلانه اووي علي قعدتي هنا عادي همشي بس اللي ما تكلمنيش وهي بتعيط وتقولي تعالي الحقني يا عز..
علياااء
انتي زعلت يا عز بهزر معاك..
عز بغيظ
لا يا اختي انا ماااشي بس يصحي كمال وماشين انا وهو..
علياء
وكمال هيمشي ليه؟..
عز
قال عنده. شغل وماااشي، وان شاء الله لما يرجع نبقي نعرف رأي العروسه..
اتوترت اسرار وروان سألتهم وقالت
عروسة مين ورأيها في ايه؟..
عز
ما هو كمال اتقدم لاسرار عشان يتجوزها..
روان بضيق
نعمم هو كمال هيتجوز اسرار ليه يعني اتجنن ده ولا ايه؟..
علياء بنبره حاده
ومالها اسرار يا روان بنت متعلمه وحلوه ومننا وعلينا وبنت عمه وهو اللي اختارها ما حدش قاله عليها..
قامت أسرار وقالت وعيونها ملياانه دموع
انا هطلع اقعد فوق بعد اذنكم..
_طلعت أسرار فوق وراحت وراها رضوي بنت كمال، وعلياء بصت لروان بعصبيه وقالت..
علياء
اول واخر مره يا روان تتكلمي مع اسرار كده او تزعليها فاهمه…
روان
وانا قولت حاجه انا بقول رأيي واحد زي كمال رجل اعمال وشاب صغير وكان عايش بره مصر هيتجوز واحده زي اسرار ليه، سوري يعني دي حتي ما بتعرفش تلبس كويس وكل ما حد. يتكلم معاها تبص في الارض وما بتعرفش تتكلم مع حد. اصلا..
جه عز يتكلم بس علياااء قالتله بحده
استني انت اسكت، اسرار اللي مش عجباااكي دي يا ست هانم روان لو ابوكي زمان ما جالوش الشغل في القاهره وخدكم ومشي كان زمانك اقل منها، وطريقتها اللي مش عجباااكي دي بتبين اخلاقها وتربيتها وانا لحد. دلوقتي ساكته ومش عايزه اتكلم معاكي علي تصرفاتك ولا لبسك وطريقة كلامك مع الشغالين وناس البلد هنا وكأنهم عبيد عندك..
ردت عليها روان بصوت عالي وقالت
هو انتي ازاي تتكلمي معايا كده، وانا هنا اتعامل بالطريقه اللي تعجبني وبراحتي واللي مش عاجبه يخبط دماغه في اي حيطه..
عز بحده
احترمي نفسك. يا روان ازاي تكلمي عمتك كده..
روان بعصبيه
ما تشوفها هي الاول كلمتني ازاي ولا هتعمل نفسها حما عليا..
في الوقت ده كان وصل عبدالله وسمع كلامها وقال بحده
امي تعمل اللي هي عايزاااه يا روان في بيتها..
روان بحده
بس ما تغلطش فيا ولا تقولي اعمل ايه ولا ما اعملش ايه..
علياء
وانا كنت قولتلك ايه يا بنت اخويا غير انك. تحترمي الناس اللي بتتعاملي معاها هنا، انا الشغالين اشتكولي منك واخرتها كمان تحرجي اسرار وتتريقي عليها..
عبدالله بغضب
اطلعي فووق يا روان وما تنزليش من اوضتك تاني..
روان بغيظ
ايه هو انت كمان هتحبسني هنا..
عبدالله بحده
ايوه لحد ما تتعلمي الادب وتعرفي ازاي تتعاملي مع النااس اللي هتعيشي معاهم هنا ابقي تعالي واقعدي معاهم..
بصت روان لعز بدموع وقالت
انت راضي عن الكلام ده يا عمو..
عبدالله زعق فيها وقال
هكرر كلامي كتير معاكي ولا ايه؟..
نزلت دموع روان وجات تمشي بس هو قالها بحده
استني.. اعتذري لامي الاول واخر مره صوتك يعلي عليها لاي سبب..
علياء بضيق
خلاص يا عبدالله انا وبنت اخويا ما بينااش الكلام ده وحصل خير خلاص..
عبدالله بحده
لو سمحتي يا امي انا بعرف ازاي اتعامل معاها، اعتذري يا روان..
بصتله روان بحزن وقالت لعمتها
انا اسفه يا عمتو..
_قالت كلامها وسابتهم وطلعت اوضتها فووق وهي بتعيط.، وقعدت علي الكنبه اللي في الاوضه ومسكت موبيلها وكلمت ليلي اللي ما رضيتش ترد عليها، ودخل عبدالله عندها فمسحت دموعها وبصت للناحيه التانيه بغضب وعصبيه..
قعد عبدالله جنبيها وقال بهدوء
انتي لما بتعملي حاجه هنا مع اي حد من اهل البلد بتتحسب عليا انا، هيقولو مرات الكبير…
روان بغيظ
وانت مش اهانتني تحت وكسرت عيني قدامهم ما فيش داعي تبرر حاجه بقي..
عبدالله بضيق
هو انتي ليه كده، برغم انك غلطانه بتقلبي الترابيزه عليا انا..
روان بحده
وانا غلطت معاك في ايه، انت اللي خليتني اندم اني اتجوزتك اصلا..
عبدالله بجمود
لا والله ده انا اللي ندمت، كنت فاكر انك هتتغيري بعد. الجواز وهتسمعي كلامي وهتحاولي تفهميني بس طلعت غلط، حتي حبي ليكي غلط..
روان بدموع
طيب ومدام. كده ما تطلقني وكل واحد فينا يروح لحاله..
عبدالله بسخريه
هو انا لسه اتجوزت عشان اطلق..
روان بهروب من كلامه
انا امتحاناتي بعد يومين وعايزه اسافر..
عبدالله
هتسافري مع كمال وخالي عز، وانا هبقي اجي ورااكي وهتقعدي في شقتنا مش في بيت اهلك..
روان
اقعد لوحدي هناااك ليه؟..
عبدالله
في واحده من البنات اللي شغالين هنا هتساافر معاكي عشان تعمل شغل البيت والهانم ما تتعطلش عن المذاكره وانا هاجي وراااكي..
روان
انا عايزه اقعد مع اخواتي وبابا وماما..
عبدالله
والله ما عنديش مشكله بس ابوكي هو اللي قالي انك لو هتروحي تمتحني ما تروحيش عندهم..
روام بدموع
بابا قال كده.؟!..
عبدالله بخبث
تخيلي بقي ان ابوكي مش قااادر يساامحك علي الغلطه اللي عملتيها، وانا بعدي وبدوس علي نفسي عشان اقدر اكمل معاكي، يعني المفروض تحمدي ربنا اني الوحيد اللي لسه بااقي عليكي بعد القرف اللي عملتيه..
_قال كلامه وسابها ودخل الحمام عشان يغير هدومه وطلع بعد شويه لقاها لسه قااعده مكانها وقالها بهدوء.
عبدالله
تعالي اتعشي معانا وبعدين اطلعي جهزي شنطتك؟..
روان بدموع
ماليش نفس..
عبدالله قعد قدامها علي السرير وقال
خلاص اجيب العشا هنا مدام. مش هتنزلي معايا..
روان بحزن
انت مش قولت ما انزلش تحت انت عايز تجنني يعني؟..
عبدالله
قولت كده فعلا بس ما هانش عليا زعلك..
وقام وقعد جنبيها وقال
ولما هبقي اجيلك القاهره هاخدك ونروح لاهلك وهخليكي تصالحيهم..
روان بدموع
ما حدش فيهم راضي يكلمني حتي روفان وروز وحشوني جدا ومش عارفه اكلمهم وريناد بتكلمني وهي مش طيقاني..
حضنها عبدالله بهدوء وقال
اعذريهم يا روان هما زعلانين علي قد عشمهم فيكي، ولما تصالحيهم وتروحيلهم كل ده هينتهي..
اتوترت روان من حضنه وبعدت عنه بسرعه وقالت
اا انا مش جعانه علي فكره، انت انزل اتعشي وانا هجهز شنطتي..
عبدالله قرب منها اكتر وقال
وانا كمان مش جعان اصلا، وهتجهزي الشنطة من دلوقتي ليه، انتي لسه قدامك شويه وهتوحشيني علي فكره..
وكان لسه هيقرب منها اكتر بس قامت من جنبيها بسرعه وقالت
لا لسه كتير يعني لسه هاخد شاور وهشوف هاخد ايه معايا وهي مش شنطه واحده هاخد اتنين تلاته انت عارف ان حاجتي كتير، وعايزه معايا فلوس علي فكره عشان انت مش هتكون موجود. عشان اخد منك هناااك..
_مسك المحفظه بتاعته من قداامه علي الترابيزه وطلع منها فيزا جديده وقال بهدوء…
عبدالله
دي الفيزا بتاعتك هحطلك فيها فلوس كل فتره عشان مصاريفك والحاجات اللي تحتاجيها..
ابتسمت روان وواخدت منه الفيزا وقالت
بجد وفيها كام بقي..
عبدالله
ابقي شوفي بنفسك، ما فيش مقابل بقي؟..
روان بخبث
انزل اجيبلك تتعشي هنا؟..
عبدالله بغيظ
لا كتر خيرك انا هنزل اتعشي لوحدي… باسورد الفيزا 1234
_قال كلامه وسابها ونزل وهي كانت مبسوطه انها هتسافر القاهىه ومعاها فلوس كمان…
ــــــــــ #بقلم_الكاتبه_رحاب_القاضي ــــــــ
_في بيت يونس الصاوي، كانت شهد قااعده في الصاله بتراجع في الشغل بتاعها علي اللابتوب وسمعت صوت يارا بتصوت، فقامت راحتلها بسرعه لقيتها قاعده علي المكتب الصغير بتاعها ووشها احمر وشويه وهتعيط، ويوسف واقف قدامها وبيضحك..
شهد بقلق
في ايه مالك يا حبيبتي بتصوتي كده ليه؟….
يارا بغيظ
ابنك قالي تعالي اسرحلك شعرك وقطعلي منه شويه..
يوسف
دول سبع شعرااات بالعدد وبعدين ما انتي عندك كتير اهو..
شهد
وانت تشد شعر اختك ليه وايه اللي يجيبك عندها اصلا وهي بتذاااكر.
يارا بغيظ
قوليلو الرخم ده..
يوسف
انا غلطان اني جيت اطمن عليها..
يارا
مش عايزااااك تطمن عليا..
شهد
روح اوضتك يا يوسف وذاااكر انت كمان مش عندك امتحانات ولا ناوي تسقط. السنه دي كمان..
ضحكت يارا بشماته وهو قال بثقه
لا يا ماما اطمني انا ان شاء الله ناوي اسقط. السنه دي كمان…
قبل ما ترد عليه شهد دخل يونس وقال بحده
ده عشان يبقي اخر يوم في عمرك يا حيوان..
يوسف بتوتر
يا بابا بهزر ان شاء الله السنه دي هنجح واتخرج وهتفرحو بيا كمان..
يونس
قلبي مش مرتاحلك، المهم اخوك فين لحد دلوقتي؟..
يوسف
وانا ايه اللي هيعرفني هو فين، هو انا كنت مرااته؟
يونس ضربه علي كتفه بقوه وقال
رد علي قد السؤال من غير ما تستظرف..
شهد
يزن قال انه هيتعشي بره النهارده يا يونس..
يوسف
انا رايح اكمل مذاكره وماليش نفس اتعشي ما حدش يندهلي..
مشي يوسف ويونس بص لشهد بضيق وقال ليارا
هاتي موبيلك يا يارا؟..
يارا بقلق
ليه يا بابا؟..
يونس بجمود
هاتي موبيلك بقولك….
اديته يارا موبيلها وهو قفله وقال
لما تخلصي امتحانات ابقي خديه..
يارا بحزن
بس انا بكلم صحابي من عليه وو..
يونس بحده
وانتي هتذاكري ولا هتكلمي صحابك، واللابتوب كمان هيتاخد ولما تبقي تخلصي امتحانات خديهم، ولو في حاجه مهمه هتكلمي صحابك عليها ابقي كلميهم من عند امك..
اتملت عيون يارا دموع وسكتت وقال هو لشهد بحده
وانتي يا هانم تعالي ورايا عايزك..
شهد بقلق
حااضر..
طلع. يونس وشهد طبطبت علي يارا بحنان وقالتلها
ما تزعليش انا هتكلم معاه وهجيبلك منه الموبيل، ركزي بس في مذاكرتك ومتخليش حاجه تعطلك..
_مسحت بارا دموعها وابتسمت بهدوء، وشهد رااحت ورا يونس اللي كان قااعد مدايق واول ما دخلت قالتله…
شهد
ليه اخدت موبيل يارا، بتزعلها ليه وهي في ايااام امتحانات؟..
يونس بغضب
مش معاكي غير انك تحسسيني انك انتي اللي بتربي لوحدك وكبرتيهم لوحدك وانا اب فاشل وزوج فاشل، وانتي اصلا ما تعرفيش حاجه عن ولادك وبتساعديهم يكدبو علي ابوهم..
شهد
ايه الكلام ده انا ولادي اعرف عنهم كل حاجه وعمري ما خليتهم يخبو عنك حاجه او يكدبو عليك وديما بوصيهم عليك وعلي رضااك حتي لو انت غلطاان..
يونس بحده
بطلي بقي الشويتين دول، وقوليلي هو انتي كنتي تعرفي ان بنتك مصاحبه ابن عزالدين؟..
شهد بهدوء
ايوه كنت اعرف..
مسكها يونس من دراعها جامد وقال بحده
انتي بتستهبلي يا وليه مخليا البت تصاحب وتكلم شباب وبتقوليها في وشي بكل برود كده..
شهد بقلق
طيب اسمعني الاول وافتكر اني قبل كده قولتلك ان يارا كبرت وبقيت تحب حد..
يونس بحده
وانا قولتلك ايه وقتها خلي بالك من بنتك وما تخليهاااش تغلط..
شهد سحبت ايدها منه وقالت بهدوء
وانا عملت كده وخليتها تبعد عنه بدل المره كتير وكانت ترجع من ورايا وبتكلمه..
يونس
كنتي كسرتي دماغها او كنتي قولتيلي..
شهد
كنت هعمل كده لو حد تاني غير زين، الولد مريض ولو كنت خليتها تبعد عنه وحصلتله حاجه يارا هتفضل تلوم علينا طول عمرها
يونس بعصبيه
فنخليها تتعلق بيه اكتر والواد يموت وبتك تتنكس بعديه..
شهد
لا ان شاء الله عمليته هتنجح وو.. هو انت عرفت منين هو اتقدملها؟..
يونس
ايوه جه النهارده وبصراجه حسيت الواد غير ابوه بس هو لازم يبعدها عنه لحد ما عمليته تنجح..
شهد بعدم فهم
ازاي يعني؟..
يونس بجديه
يعني تسبيني اتصرف انا في الموضوع ده، وما تدخليش فيه خالص ولو عرفت انك خلتيها تكلمه من ورايا هيبقي يومك اسود..
شهد بغيظ
ماااشي انا هتكلم معاها في الموضوع وو..
يونس بحده
ولا اي حاجه تقوليها يا شهد.، انا هعرف اتصرف في الموضوع ده ما تدخليش انتي بس، وقوليلي بقي زيد عمل توكيل عام لابنك ليه وما تعمليش نفسك مش عارفه حاجه..
شهد
بالعكس انا هقولك الحقيقه واني عارفه الموضوع ده من بدايته وكنت هقولك..
يونس بحده
ايوه الحجه الفارغه بتاعك كل مره كنت هقولك ، كنتي هتقوليلي امتي يا شهد وليه الراجل ده يعمل كده ويدخل حياتنا بالشكل ده،هو مش محترم لا سنه ولا سنك ولا انك متجوزه ومعاكي رجاله وبيعمل كده عشان يخليكي تقربي منه برضااكي…
شهد بجمود
زيد عنده سرطان في الدم وحالته صعبه جدا ومسافر عند دكتور يعرفه هيتعالج هناك وسابلي كل حاجه تخصه حتي بنته امانه لانه مالوش حد.، وايوه حاولت اكلمك واقولك الموضوع ده وانت صدتني ورفضت تسمعني كالعاده..
يونس بضيق
واشمعنا انتي يعني؟..
بصتله بحده فقال هو بسرعه
مش قصدي يعني كان جه قالي انا كمان ما كنتش هقول حاجه وكنت هقف جنبيه برضو..
شهد بسخريه
بتاع ايه يجي يكلمك وانت ما فيش مره شوفته فيها الا ودايقته بطريقتك المستفزه دي، ده انت حتي كنت عايز بنتك تقطع علاقتها ببنته..
يونس
خلاص كان موضوع تاني ودلوقتي الحكايه اختلفت ويا ستي انا ما عنديش مشكله خلاص وانا كمان هساعدك في اي حاجه عايزاها في الموضوع ده..
بصتله شهد بهدوء وقالت
انت بجد يعني هتساعده؟…
يونس بخبث
انتي تعرفي عن جوزك انه ندل ولا ايه؟..
شهد بخبث اكبر
بالعكس ما شوفتش اجدع منك في حياتي والكل بيشهدلك بكده، بس كنت اندل واحد معايا انا يا جوزي يا ابو ولادي..
ضحك يونس بهدوء وقال
مقبوله منك واحنا فيها اللي حصل زمان مش هيتكرر..
قال كلامه وهو بيقرب منها فبعدت عنه هي بسرعه وقالت
هو مش هيتكرر عشان انا عمري ما هبقي معاك زي زمان..
يونس
وانا موافق يمكن لو كانت دي طريقتك من زمان انا ما كنتش عرفت غيرك كنت هخااف منك..
شهد بغيظ
انت خبيث اوووي وبتعرف تخليني اطلع نفسي غلطانه واساامحك بس مش هيحصل..
قرب منها شويه وقال
لا هيحصل لاني بحبك وانتي بتعشقيني..
شهد بصتله بحزن وقالت
انت عمرك ما حبتني بلاش نكدب علي بعض، ولو كان حد فينا حب التاني فهي انا وبس اللي حبيتك…
يونس بجديه
علي فكره انا كل اللي عرفتهم دول علاقتي بيهم كانت من بعيد يعني، وبعترف اهو اني كان عندي نقص وكنت بحاول احس نفسي مهم واتحب من اي واحده، بس كنت من جوايا بكون مدايق عشانك، كلمي يوسف واسأليه انا بقالي سنين ما عملتش كده لاني ندمت وخوفت تعرفي واخسرك ويونس من غيرك ولا حاجه انا عايش احلامي وبحققها عشان انتي معايا..
شهد بضيق
لو سمحت يا يونس مالوش لازمه الكلام ده، انا كده كده هطلق بس اطمن علي ولادي وانا اللي هسيبلك كل حااجه وهمشي..
يونس بحده
احلمي براحتك بس الواقع يا مدام انا لا هطلقك ولا انتي هتسبيني والنهارده هنرجع لطبيعتنا زي الاول اتنين متجوزين عادي انا صبرت عليكي كتير تهدي بس للصبر حدود، وكبرنا علي حركات العيال دي..
شهد بقلق
ولو قولتلك مش موافقه هتعمل ايه؟..
يونس بجمود
تحبي تجربي هعمل ايه؟..
بصتله بخوف وسكتت وهو قال بحده
ما تردي…
اتنفضت بخوف وقالت
مش عايزااك يا يونس مش طيقاااك واللي عندك اعمله..
يونس بنبره واثقه
لا مش انا اللي هعمل انتي اللي هتعملي، انا سيبهالك ومااشي اتصرفي بقي مع عيالك، ولو ما عرفتيش انا قااعد في شقتنا القديمه ابقي تعالي صالحيني عشان ارجع للبيت اللي انتي بتقولي انه لسه مفتوح بفضلك..
_قال كلامه وسابها ومشي وهي بصتله بغيظ ودموع، وكالعاده هو سابها تخلص فترة غضبها وزعلها وهي جنبيه وفي الاخر هيجبرها تسامحه وتكمل معاه زي ما هو عايز..
ــــــــــ #بقلم_الكاتبه_رحاب_القاضي ــــــــ
_في الوقت ده في بيت الاستاذ حسن كانت قااعده ليلي جنب حسن في اوضتهم علي الكنبه اللي قدام البلكونه وقالتله بدموع..
ليلي
انا روان وحشتني اووي يا حسن، ما كفايه بقي ونصالحها..
حسن بحزن
لا يا ليلي سبيها شويه، انا ما فيش حد في ولادي تعبني قدها..
ليلي
ما تبقاش قاسي اووي كده يا حسن..
ابتسم بسخريه وقال
لو عرفتي ايه اللي حاسس بيه وانا مخاصمها ومش بكلمها ما كنتيش هتقولي كده، بس انا خايف عليها من نفسها لا ده انا مرعوب وعلي قد ما وحشاني علي قد ما بدوس علي قلبي واقول معلش ده لمصلحتها عشان تخااف تغلط بعد كده..
ليلي ابتسمت وقالت
من كام يوم كانت منزله علي الوتس صوره ليها مع عبدالله وهو بيعلمها تعمله الفطار، شكلها مبسوطه معاه..
حسن
عبدالله راجل بجد وجدع وبيحبها علي ايه ما اعرفش بس هيسعدها ان شاء الله وهيعرف يلمها برضو..
ليلي
علي العموم هي لو جات انا هصالحها هقسي عليها في الفون انما في الحقيقه لا انا مش هقدر،وكلم طارق هو كمان يقابلها كويس..
حسن
حاضر يا حبيبتي…
وجات رساله علي موبيله فشافها من بره وقال
دول زمايلي في الشغل باعتين رسايل يطمنو..
ليلي
دول اندااال الا ما فيهم حد جه يطمن عليك..
حسن
انا اللي طلبت منهم ما يجوش يا ليلي، مش عايز اكلف حد ولا اتعب حد كفايه سؤالهم في التليفون..
باب اوضتهم خبط في الوقت ده وقالت ليلي
ادخل ياللي بتخبط..
دخلت هنا وقالت
في واحده بره اسمها مدام اسراء عايزه حضرتك يا بابا..
اتوتر حسن وليلي قالت
اسراء مين دي يا حسن؟..
حسن
دي ااا دي بنت مدير الشركه قولتلك عليها قبل كده..
ليلي بغيظ
اممم اللي عينها منك وانت صديتها؟..
حسن قال لهنا بهدوء
روحي يا بنتي قدميلها حاجه تشربها وانا هغير هدومي واطلع اشوفها عايزه ايه..
طلعت هنا وليلي قالتله بحده
وهتغير هدومك ليه يا سي حسن، ما انت كل اللي بيجي عندنا البيت بتقابله بلبس البيت عادي..
حسن
مش هغير حاجه يا ليلي طالع كده، العيال فين؟..
ليلي
ريناد راحت للدكتور ومعاها رضوي وروفان وروز اتخمدو..
حسن بتوتر
ايه الالفاااظ دي قولي نامو..
ليلي بحده
انا اقول اللي عايزااه واتنيل اطلع للضيفه بتاعتك وخلصني..
حسن بقلق
ما هطلع اهو حاضر انتي مش هتيجي تسلمي عليها معايا؟..
ليلي بحزن
لا مش طالعه..
حسن بهدوء
انا مش عايز ازعلك عايزه انتي تطلعي تقوليلها حسن تعبان ونايم او مش موجود اللي يريحك اعمليه مع انها هتبقي قلة ذووق بس المهم ليلي ما تزعلش من حسن..
ابتسمت ليلي وقالت
لا انت هتغير هدومك وتطلع بكل شياكه كده تقابلها وانا هسبقك وارحب بيها واعمل الواجب عشان خاطرك انت..
باس حسن ايدها وقال
ربنا يخليكي ليا يا ام العيال وتحطي في بالك انها لو كانت ملكة جمال قدامي مش هتلفت نظري ولا هشوف غيرك ولا في جمالك يا حبيبتي..
ابتسمت ليلي بخجل وسعاده وقالت
طيب ما انا عارفه استني بس هطلع للست اللي بره دي عيب نسيبها لوحدها كل ده..
_قالت كلامها وسابته وطلعت لقيت بنت شكلها حلو جداً ولبسها راقي وقاعده حاطه رجل علي رجل ولما شافت ليلي بصتلها من فوق لتحت وقالت ليلي بابتسامه بسيطه..
ليلي
اهلا وسهلا يا مدام انصاف نورتينا..
قامت اسراء وسلمت عليها بطرف ايدها وقالت بضيق
اسمي اسرااء مش انصااف، حضرتك طنط مامت استاذ حسن مش كده؟..
_كانت طالعه هنا في الوقت ده من المطبخ بصنيو القهوه واول ما سمعت اللي قالته اسراء برقت بصدمه وخوف من رد فعل ليلي اللي صدمتها لما قالت…
ليلي
لا يا حبيبتي انا مرااته ابقي روحي لدكتور نظر ، بس عادي انا بالنسباله مراته ومامته وحبيبته وكل حاجه..
_ابتسمت اسراء بغيظ وهنا كتمت ضحكتها وطلعت حطتلها القهوه قدامها وقالت..
هنا
اتفضلي القهوه..
وبصت لـ ليلي وقالت
حاجه تاني يا ماما..
ليلي
لا شكراً يا حبيبتي ادخلي كملي مذااكره..
هنا
حاضر بعد اذنكم..
بصت اسراء لهنا وقالت
دي مين بقي في ولاد الاستاذ حسن هو قبل كده حكالي علي الولاد اكتر من مره اعرف ريناد ورضوي وطارق وروان وروفان وروز..
ليلي اتنهدت بضيق وقالت
لا دي مش بنت الاستاذ حسن دي بنت اخوه وزي بنتنا برضو وعايشه معانا هنا، ومعلش بقي الولاد مش فاضين..
طلع حسن في الوقت ده من اوضته وقال بابتسامه واسعه
اهلا وسهلا يا بنتي نورتي البيت..
قامت اسراء وابتسمتله بحب وقالت
ده. نور حضرتك يا استاذ حسن، وبعدين بلاش بنتي دي اللي بتقولهالي هتكبر نفسك علي الفاضي..
قعد حسن جنب ليلي وقال
ما حدش بيهرب من عمره يا بنتي وانتي في سن ريناد وروضوي بناتي وانا بعتبرك زيهم، قوليلي بقي اتعرفتي علي ليلي ولا لسه؟..
ليلي بابتسامه صفراء
اتعرفنا يا حبيبي وكانت فاكراني مامتك..
حسن
لا مالكيش حق يا اسراء دي اللي يشوفها يقول انها اصغر مني..
اسراء بخبث
اممم ياريت الناس كلها تبقي في ذوقك يا استاذ حسن، انا ما قدرتش ما اجيش اطمن عليك لما عرفت انك تعبان، وكان نفسي بجد كنت ابقي جنبك وقت العمليه..
ليلي بغيظ
تتعوض يا حبيبتي وان شاء الله نبقي نقولك..
حسن بتوتر
اشربي القهوه يا بنتي الوش هيروح..
اسرااء ابتسمت بهدوء وقالت
حاضر، انت هترجع الشغل امتي بجد وحشتني اووي ااا كلنا يعني في الشركه..
اتنهدت ليلي بضيق وحسن قال بجديه
والشركه كمان وحشتني اخف بس شويه وهرجع لشغلي ان شاء الله..
وقام وقف وقال
البيت بيتك طبعا وليلي قاعده معاكي اهو بس انا تعبت شويه وهدخل ارتااح، بعد اذنك يا بنتي..
_قال كلامه وما استنااش يسمع ردها ودخل اوضته، وهي قامت مشيت من غير حتي ما تسلم علي ليلي اللي دخلت عند حسن وقالت بحده ودموع..
ليلي
حلوه اووي علي فكره وصغيره كمان وبتحكيلها علي ولادنا وبتتكلم معاها، وايه اللي شافته منك يخليها بقي تقولك قدامي وحشتني ده انا اتكسف اكلمك كده قدام حد يا حسن..
طلعت هنا من اوضتها وروفان كمان اللي قالت بخوف
في ايه هي بتزعقلك ليه يا بابا؟..
حسن بحده
اتفضلي ردي علي بنتك بتزعقي ليه يا ليلي؟..
ليلي بعصبيه
هو انا بزعق من نفسي ما تشوف عمايلك..
رد عليها بنفس عصبيتها وقال
ومالها عمايلي هي قالت كلمه عشان تغيظك بيها انا عملت ايه طردتهالك بالذوووق قدامك برضو..
ليلي
قدامي عملت كده انما وانت معاها في الشركه بتقعد معاها وبتتكلم وتحكيلها علي ولادنا ما هي لولاا ما شايفه منك قبول لولا ما قالت كده قدامي..
حسن بعصبيه
ايه اللي انتي بتقوليه ده يا ليلي حتي لو هي في دماغها حاجه، انا مش هبص لوحده في سن بناتي ومش هبص لوحده غيرك مجنون انا عشان اعمل كده..
ليلي بحده
لا انا اللي مجنونه وبتخااانق علي الفاضي، واقولك حاجه كمان انا سيبهالك ومااشيه رايحه لاختي..
حسن بحده
ما فيش طلوع بره البيت يا ليلي واقفلي الموضوع ده خلاص ما حصلش حاجه..
ليلي بغيظ
يا برود اعصابك انا دمي يتحرق وانت تقولي ما حصلش حاجه، مااشي انا مش همشي اوعي بقي من وشي وشوفلك مكان تاني بات فيه النهارده ولساانك ما يخاطبش لساااني لاخر العمر يا حسن وخليها تنفعك..
_وخلته طلع بره الاوضه ودخلت وقفلت علي نفسها وفضلت تعيط، وهو اتنهد. بضيق وروفان وقفت جنبيه وقالت…
روفان
بابا هي بتزعقلك كده ليه الست دي؟..
حسن بحده
اتلمي يا بت انتي كمان وادخلي اوضتك بدل ما اطلعهم عليكي..
روفان وهي داخله اوضتها
هو انت مش قادر عليها هتتشطر عليا؟
حسن بحده
اخرسي وما اسمعش صوتك يا بنت الجزمه..
ليلي بصوت عالي من اوضتها
اغلط براحتك اغلط ما هو ده اخرك..
حسن بغيظ
علي نفسي اقصد بالجزمه نفسي يا ليلي..
وبص لهنا وقال
وانتي كمان سايبه مذاكرتك ليه ادخلي ذاااكري يلاا..
هنا ابتسمت وقالت
حاضر بس ما تزعلش منها هي غيرانه عليك..
حسن ابتسم بأتساع وقال
طيب ما انا عارف وسيبك من الشويتين دول انا مبسوط باللي بتعمله ده، ولو ما كانتش عملت كده كنت هزعل..
ضحكت هنا بهدوء وقالت
ربنا يخليكم لبعض يا بابا، هدخل انا اكمل مذااكره بعد اذنك..
ــــــــــ #بقلم_الكاتبه_رحاب_القاضي ــــــــ
_وتاني يوم الصبح كانت شهد قااعده بتفطر وهي مدايقه من غيااب يونس وقلقاانه من اسئلة ولادها عليه، ونزل يوسف من فوق في الوقت ده وقال..
يوسف
صباااح الفل يا ست الكل، هو بابا فين؟..
شهد
صبااح النور يا حبيبي..
يوسف
بابا فين؟..
شهد
في بيت جدك حاامد..
يوسف
في حاجه ولا ايه مش متعود يروح هناك لوحده من غيرنا..
شهد
اتخانقنا انا وهو ومشي وشكلها كده خلاص..
يوسف بحزن
بجد؟..
شهد بقلق
انت هتزعل لو ده حصل؟..
يوسف بحزن
هكدب عليكي لو قولتلك مش هزعل يعنب انا عايزكم ديما مع بعض، بس بزعل برضو لما اشوفه بيجي عليكي وانتي بتضحي عشان خاطرنا وهو ما يستاهلش..
شهد بدموع
لا لا هو يستاهل هو اب كويس وبيحبكم وساعدني انا كمان يعني كل حاجه كنت بطلبها منه كان بينفذهالي بس الموضوع بتاع الخيانه ده صعب عليا اووي اتقبله..
مسك يوسف ايدها وقال
راحتك مش هتزعلنا يا ماما انتي مش عايزه تكملي لا انا ولا اخواتي لينا حق نجبرك علي حااجه..
نزلت في الوقت ده يارا وقالت
مامي هو فين بابا قالي انه هيوصلني في طريقه النهارده للامتحان؟..
جه يزن في الوقت ده وقال
ماما هو بابا فين انا كنت عايز منه حاجه مهمه..
اتملت عيون شهد دموع ويوسف رد عليهم وقال
ابوكم اتخانق مع ماما وساب البيت..
يزن ويارا في صوت واحد
ايييه؟؟؟…
يزن بضيق
ليه يعني يسيب البيت هو حصل ايه يا ماما؟..
يارا بدموع
وهو فين دلوقتي وهيجي امتي، هيجي امتي يا ماما؟..
شهد بدموع
مش. عارفه عندكم واسألوه في بيت جدكم حامد..
يزن
وانتي تزعليه ليه يا ماما لدرجة انه يسيب البيت…
يارا بدموع
عشان خاطري يا ماما صالحيه يعني مش اول مره تتخانقو عشان يسيبنا ويمشي..
يزن
ايوه يا ماما صالحيه بابا ما يستاهلش اننا نخليه يزعل..
يوسف بضيق
والله المفروض اننا ما ندخلش نفسنا في الموضوع ده..
يزن بحده
لا انت اسكت يا يوسف انت مش فااهم حاجه، ماما خلتني اروح مع الراجل اللي اسمه زيد ده ويعملي توكيل عام لاملاكه من ورا بابا واكيد بابا ادايق بسبب الموضوع ده وانا قولتلك يا ماما بابا هيزعل قولتيلي مش مهم، بس معلش انا مهم بالنسبالي زعل ابويا ودلوقتي حالا هروح الغي الموضوع بتاع الراجل ده..
شهد
لا لا الموضوع مش بسبب كده يا يزن..
يزن بعصبيه
لا بسبب كده هو بيغير عليكي من الراجل ده انتي اصلا تقابليه ولا تكلميه ليه؟..
يوسف بحده
ما تحترم نفسك يا يزن وتتكلم كويس معاها..
يزن بعصبيه
لا هو انا عشاان محترم ومش زيك بغير علي امي ومش عايزها في العمر اللي فيه هي وبابا ده يخربو الدنيا..
شهد. بحده
اخرس انت وهو، واعمل اللي انت عايزه يا يزن..
يزن بغضب
مااشي وانا بقي رايح اقعد مع بابا ومش هرجع هنا غير وهو معايا..
قال كلامه ومشي ويارا قالت بحزن لشهد
المفروض يا ماما ما تعمليش حاجه تدايق بابا منك..
شهد بعصبيه
بس بقي ارحموني اللي عايزين تعملوه اعملوه انا تعبت..
_قالت كلامها وسابتهم وطلعت اوضتها وهي بتعيط، ويارا كمان فضلت تعيط فيوسف قعد جنبيها وقال..
يوسف
بتعيطي ليه انتي كمان. دلوقتي؟..
يارا ببكاء
عايزه بابا وماما يتصالحو..
يوسف
اومال اشمعنا انا اللي عايزهم يطلقو..
يارا
عشان انت ما عندكش دم، وتعالي وصلني هتأخر علي الامتحان..
يوسف
حاضر.. قوليلي صح بتكلمي عائشه بنت عمك؟..
ردت عليه وهي بتمسح دموعها وقالت
ايوه بكلمها وقابلتها قبل الامتحانات..
يوسف
ايه بقي موضوع خطوبتها ده؟..
يارا
دكتور اتخطبت لدكتور مشهور وهتسافر معاه امريكا ومبسوطه بيه اووي..
يوسف
مبسوطه بجد ولا وافقت عشان تغظني انا مثلا؟..
يارا
لا لا كانت هتبقي باينه انما هي كانت مبسوطه بجد وكمان قالت انه كويس ومتدين زي عمو محمد كده وده الشخص اللي كانت بتتمناه..
يوسف
ربنا يسعدها ويحنن عليا قلب اللي في بالي يارب..
يارا
انا عايزه اشوفها
يوسف
هي مين؟..
يارا غمزتله وقالت
اللي في بالك مرات اخويا المستقبليه..
يوسف
هيييح مراتي.. تخيلي كده رضوي وهي مراتي ومعايا علي طول وحلال كده كل كلمه اقولها ولمسه وو… انتي لسه هنا؟..
ضحكت يارا وقالت
ههههههههه ايوه لسه هنا وبلاش تكمل عشان هيبقي حراام..
يوسف
طيب قوومي خليني اوصلك لانه كده حرام اللي بيحصل فيا..
يارا بحزن
هتخلي ماما تصالح بابا مش كده؟..
يوسف بحزن
اللي فيه الخير يقدمه ربنا يلا بينا
ــــــــــ #بقلم_الكاتبه_رحاب_القاضي ــــــــ
_وقدام. المدرسه اللي بتمتحن فيها هنا وقف طارق بعربيته وبصلها في المرايا وهي قاعده. في الكنبه ورا وقالها..
طارق
ما تنزلي..
هنا
حاضر.. اسفه عشان. مديت ايدي عليك بس انت اللي عصبتني..
طارق بخبث
لا انا بعرف اخد حقي كويس علي فكره..
هنا بحده
يعني هتضربني مثلا؟..
طارق
لا لا انا. ابويا قالي ما تمدش ايدك علي واحده ست..
هنا
اومال هتعمل ايه. يعني؟..
طارق بابتسامه خبيثه
هفجأك يا هنا ايه ما بتحبيش المفاجآت كمان؟..
هنا بقلق
لا بحبها.. هتجيب حد يضربني صح؟..
ابتسم بهدوء وقال
انتي هتنزلي ولا اخدك معايا وامشي..
هنا
لا نازله اهو وعلي فكره انا مش أسفه خلاص..
طارق
عادي مش فارقه كده كده مردوده..
هنا بحده
وانا ما بخاافش من حد براحتك اللي تقدر عليه اعمله..
_ونزلت من العربيه ودخلت المدرسه، وهو رااح الجامعه بتاعته وكان داخل الكليه بتاعته بس وقفته روان اللي طلعت قدامه فجأه وقالت..
روان
جايه تعبااانه من السفر علي فكره قولت لازم اجيلك واعتذرلك..
طارق بجمود
لو ما عندكيش حاجه مهمه روحي..
روان بحزن
انا اسفه يا طارق انا كنت فاهمه غلط ووالله مش هتتكرر تاني ده عبدالله سامحني انت مش هتسامحني..
طارق بغضب
ده. مش مكان نتكلم ده اذا كان في كلام بينا اصلا، وعبدالله جوزك يوم ما هتزوديها معاه هيرميكي فمش هيزعل من تصرفاتك قد. اخوكي اللي سمعتك لاخر عمرك مربوطه بسمعته ومش هيقدر يهرب من حاجه زي دي ولا يتخلي عنك، انا وابوكي بنعاملك. انتي واخواتك احسن معامله بنجيبلك اللي نفسك فيه بس في حاجات ممنوعه ليكي وليا ولاخواتك لا من اخلاقنا ولا من تربيتنا اننا نعملها، بس انتي عملتيها واللي كنت متوقعه حصل اتجوزتي عبدالله وفكرتي بقي ان مالكيش حد يمنعك عن القرف ده ابوكي كان تعباان في المستشفي وكلنا بنموت من القلق عليه وراان فين في الوقت ده سهرانه فمكان زي الزفت مع اشكال زباله، جايه تعتذري علي ايه احنا ما حدش فينا طايق يشوفك اصلا..
روان بدموع.
كانت غلطه والله مش هتتكرر تاني..
طارق بحده
لا هو غصب عنك مش هتكرريها تاني عشان لو اتكررت مش عبدالله اللي هيحاسبك عليها ده انا ادفنك عايشه يا روااان ولا انك تغلطي غلطه زي دي تاني، وامشي روحي امتحانك بكره مش النهارده..
_قال كلامه وسابها ودخل الكليه اللي هو دكتور فيها، وهي مشيت وهي بتعيط..
ــــــــــ #بقلم_الكاتبه_رحاب_القاضي ــــــــ
_وبعد شويه في شغل رضوي كانت واقفه مع يزن وزعقت فيه وقالت بحده..
رضوي
يعني هو ايه اللي ما اخدتش بالك اومال ازاي حضرتك بقي بيقولو عليك مهندس..
يزن بنفاذ صبر
عادي يعني يا بشمهندسه كلنا بنغلط وبعدين هما كام سنتي انا ممكن اغير شويه في التصميم فوق ومش هتحصل حاجه..
رضوي
وعشااان كام سنتي هنغير التصميم كله، لو حضرتك المشروع ده كبير عليك سيبه ولو متردد في حاجه ومش عارفها اسألني عليها وانا اقولك، وبتكلم بيني وبينك اهو مش قداام المهندسين كلهم عشان سمعتك برضو انك مدير الشركه..
يزن بغيظ.
لا كتر خيرك بصرااحه انك لسه فاكره اني مدير الشركه اللي انتي شغاله فيها..
رضوي بجديه.
شغاله فيها ومسؤله عن المشروع ده قدام باباك وقدام سمعتي في الشغل، ما حدش هيجيب الغلط عندك انا المسؤله ولو عندك مشكله في تعليماتي دي يبقي خليني امشي احسن وشيل المسؤليه لوحدك انما نسرح ونقول ما اخدناااش بالنا عشان المسؤليه مش هتكون عليك فانا اسفه مش هقبل كده في شغلي..
يزن بضيق
اوكي انا غلطت وده شغل برضو ووارد اي حد يغلط ولا عايزه تفهميني انك ما بتغلطيش خالص..
رضوي بنبره واثقه
لو كنت بغلط في اي حاجه ما كانش زماني معروفه في مجالي بأني احسن مهندسه، وعندك الـ cv بتاعي تقدر تشوفه مره تانيه وتعرف غلطت ولا لا، التصميم يكون بعد بكره جاهز يا بشمهندس عشان نبدأ نشتغل علي طول بكره اجازه للكل لاننا كنا شغالين الفتره اللي عدت بطريقه مكثفه، وبعتذر لو طريقتي دايقتك بس انا كل اللي همني الشغل..
يزن بجمود
وده شئ يسعدني يا رضوي وهعتبر كلامك نصيحه مش هجوم برضو..
رضوي
اكيد طبعا نصيحه هشوف التانين دول بيعملو ايه بعد اذنك..
مشيت رضوي وهو قال بغيظ
بووومه والله بيحب فيكي ايه اخويا ده، بس هي تخليص ذنووب والله حلال فيه…
_وفضلو شغالين مع بعد لحد ما فجأه وقف حاامد بعربيته عندهم ونزل من العربيه وهو ماسك في ايده بوكيه ورد شكله حلو، واول ما شاافه يزن قرب منه وقال بضيق..
يزن
خير جاي تقول ايه تاني يا ابن عمي؟..
حامد بخبث
بالعكس انا مش جاااي عشااانك انا جاي للبشمهندسه رضوي، دايقتها بسبب اخوك وعرفت اصلا انها مالهاش علاقه بيه..
يزن بحده
وانت مالك انت يا حامد بحاااجه زي دي؟..
حامد
انا ماليش دعوه بيوسف انا جاي اعتذر لرضوي وبس…
وسابه وراااح وقف قداام رضوي وقال بهدوء
بعد اذن حضرتك يا بشمهندسه رضوي ممكن نتكلم شويه علي جنب..
بصتله رضوي بحده وقالت
نعم؟..
حامد قدملها الورد وقال
دي حاجه بسيطه بعتذر بيها عن الكلام السخيف اللي قولته، هو صح علي فكره وانا كان قصدي انصحك بس الطريقه كانت غلط..
رد عليه اسلام اللي كان واقف جنب رضوي وقال بحده
علي فكره كلنا هنا عارفين ومتأكدين ان كلامك ما كانش سخيف وبس لا ده كان كدب وافتري، واحنا برضو كلنا هنا عارفين كويس اخلاق يوسف واخلاق البشمهندسه رضوي..
حامد بحده
وانت مالك حد وجهلك كلام ده موضوع عائلي اصلا وو..
رضوي بحده
وانا مش من عيلتك عشان تنصحني ولا تيجي وتجيبلي ورد وتدخلي بينك انت وابن عمك.، يوسف زميل محترم لينا وياريت تتفضل من هنا وما تجيش مكان شغل زي ده وتعمل علينا نمره والا هبلغ يونس بيه يا ابن اخوه..
اخد منه ميلاد الورد وقال
لامؤخذه يا كابتن بس انا عندي حساسيه من الورد وانت شكلها الوقفه عجبتك ومطول..
_واخد منه ميلاد الورد وحطه في سلة المهملات، ويزن وقف جنب رضوي وقال بخبث..
يزن
زي ما سمعت كده ده مكان شغل يا حامد لو انت فاضي وعندك. مشكله مع يوسف هو في الجامعه بتاعته بيمتحن تقدر تروحله وتحل المشكله دي معاه..
ـ قال كلامه والكل اتجاهل وجوده وفضلو يتكلمو في الشغل وهو اتعصب جدا من طريقة رضوي العنيفه معاه عكس ما توقع واخد عربيته ومشي..
ــــــــــ #بقلم_الكاتبه_رحاب_القاضي ــــــــ
_ وبالليل في الكافي بتاع طارق كان قااعد هناك لوحده ودخل عنده حسن ومعاه عز وهما ماسكين صنديق كبيره..
طارق
ايه ده في ايه؟..
عز
ابوك يقولك.. انا رايح لزين عايزين حاجه..
حسن
لا يا حبيبي شكراً سلملي عليه بس..
عز
يوصل حاضر…
مشي عز وحسن قال لطارق بجديه
تعالي افتح الصناديق دي وشوف فيها ايه؟..
_سمع طارق كلامه وفتح الصناديق واتفاجئ بالادوات اللي خاصه بالرسم كلها موجوده جوه الصناديق، وبص لحسن وابتسم وقال..
طارق
ايه يا بابا ده، انا ما تقوعتش ابداً ان. حضرتك هتعمل كده..
حسن بجديه
يمكن حرمتك من الرسم زماان وما خليتكش تدخل الكليه اللي انت عايزها بس دلوقتي هساعدك تحقق حلمك..
طارق
هو انا بشكرك جدا انك اهتميت باللي انا عايزه وده عندي كفايه اووي، بس الحلم راحت عليه خلاص موضوع اني اعمل الكافي ده مرسم مش هيأكل عيش وانا عليا ديون وعايز حاجه مضمونه..
حسن
مش مشكله شووف انت عايز تعمل المكان ده ايه وانا هساعدك واكيد الديكور هنا محتاج لوحات وحاجات كده حلوه اعملها بنفسك ولما تعجب النااس هيسألو علي الفنان اللي رسمها وانت هتظهر وقتها موهبتك للنااس..
طارق ابتسم بدموع وقال
بجد. شكراً اووي يا بابا فكرة دعمك ليا لوحدها كبيره اووي عندي..
حسن
وان ما دعمتكش انت بقي هدعم مين، هستني اشوف مين احسن واحد في الدنيا غيرك انت..
طارق بخبث
طيب انا هستغل بقي اللحظه اللطيفه دي وهطلب منك طلب..
حسن
لا مش هتتجوزها دلوقتي يا طارق..
طارق
انت دخلت اهو في الموضوع علي طول. ما اتجوزهاش ليه، رفضك ده ليه سببين عندي الاول انك شايفني عريس مش مناسب ومش هعرف احافظ عليها او السبب التاني بقي انك شايفها هي اقل مننا و..
حسن بجديه
من غير ما تكمل انا مستحيل افكر كده بالعكس ده انت لما هتتجوز هنا انا هبقي سعيد جدا بالجوازه دي، بس مش دلوقتي البت لسه صغيره..
طارق
لا مش صغيره هي كملت السن القانوني ومالهاش غيرنا انا عايز ابقي جنبها..
حسن
انت عايز هي لا..
طارق بقلق
هي قالتلك كده؟..
حسن.
لا ما قالتش بس بالعقل هي دلوقتي بتفكر في مستقبلها هتعيش ازاي هتعمل ايه اهلها اللي ما يعرفوش عنها حاجه لو جم ودورو عليها، البنت في دوامه حرفياً احنا بقي نطمنها نحسسها انها واحده مننا..
طارق
طيب ما انا بقولك اهو اتجوزها وتبقي مرات ابنك وما حدش يبقي ليه حاجه عندنا..
حسن
عارف هي هتوافق بس مش عشاانك انت، عشان هتخاف ترفض اننا نتغير عليها او ندايق من وجودها لو رفضت، انت هتقبل بيها وهي موافقه عليك بسبب خوفها..
طارق بضيق
ما يمكن توافق بيا عشان بتحبني زي ما انا بحبها مثلا
حسن
مش وقته يا طارق ابوها ما كملش سنه متوفي، وحياتها اتغيرت وسنها صغير انها تتجوز علي الاقل استني لحد ما تخلص جامعه..
طارق بغيظ
ده انت لو عايزني انحرف مش هتطلب مني استني الوقت ده كله..
حسن ضحك وقال
لا مش هتنحرف ده انا انفخك فيها، تعالي بقي قولي ناوي تعمل ايه في المكان ده خلينا نتناقش سوا..
طارق
ماشي… علي فكره شوفت روان في الجامعه اتأسفتلي بس ما رضيتش اكلمها..
حسن
هنصالحها يا طارق معلش، اهي الدنيا بتعلمها…
طارق
والله هي بس تقدر النعمه اللي فيها ومش هتغلط، يعني كفايه عبدالله راجل محترم ومرتاح مادياً وفوق كل ده واقف جنبينا قبل كده كتير وما بيقصرش في حاجه ما يستاهلش منها انها تضحك عليه او تستغفله..
حسن
والله انا مش مطمني عليها اصلا غير انها مع عبدالله…
_وفضل قاااعد حسن مع طااارق بيتكلمو سوا
ــــــــــ #بقلم_الكاتبه_رحاب_القاضي ــــــــ
_وفي بيت حامد الصاوي كان قااعد يونس بيتعشي ويزن معاه وقاله يونس بجديه..
يونس
لقيتلك عروسه كويسه علي فكره..
يزن وهو بياكل
لا شكرا يا بابا، عايز رز تاني..
يونس
هو ايه اللي شكرا ولا تكون لسه مستنيها تحن عليك…
سااب يزن الاكل وقال بضيق
لا انا مش مستنيها يا بابا وموضوع سدره اتقفل للابد، بس انا مش صغير ولما الاقي البنت المناااسبه ليا هتجوز..
يونس
ما تشوف طيب البنت اللي بقولك عليها، دي بنت وزير ساابق وصغيره عندها يجي 25 سنه وحلوه ومتعلمه بره مصر كمان.
يزن
لو سمحت يا بابا سيبني انا اختار..
يونس بخبث
تبقي في واحده في حياتك، هي مين؟..
يزن بتوتر
هو في ومش في.. يعني الموضوع بعيد اووي.
ابتسم اول ما افتكر ريناد وقال
ما كنتش فاكر اني هتأثر بواحده بسرعه كده وانا لسه طالع من علاقة سدره، بس هي شغلتني شويه يعني..
يونس
هي مين بقي؟..
يزن بهدوء
بلاش اتكلم عنها دلوقتي يعني واجيب سيرة بنات الناس، بس اوعدك وقت ما احس اني عايز الموضوع بجد اول واحد هاجي اتكلم معاه هو انت..
يونس ابتسم وقال
جدع يا يزن اتفقنا، المهم كمل اكلك واعملي شاي وارجع البيت..
يزن
لا انا هباات هنا معاك وجايب هدوم ليا..
يونس
لا ما تسيبش امك واخواتك لوحدهم، وانا هرجع بس امك تحن عليا بقي..
يزن
طيب انت مدام مش معاك مشكله مع اونكل زيد ليه سيبت البيت؟..
يونس
مشكله بيني وبين امك، انت لو عايز تساعدني تعمل زي ما قولتلك ترجع البيت وتقول ليارا زي ما قولتلك وهي هتيجي تصالحني والموضوع هيخلص..
يزن
بس كده احنا هنضغط علي ماما..
.
يونس
هو انا يعني هظلمها انا لما لقيتها بتخرب فاللي بيني وبينها سيبتها تهدي اهو، بس مش هرجع غير لو جات هي وطلبت مني..
يزن
خلاص تمام هعمل زي ما قولتلي، وهقول ليوسف كمان..
يونس
لا لا ما تدخلش الواد ده في الموضوع ده ابن امه وهيروح يقولها كل حاجه…
يزن
والله معاك حق يا بابا..
ــــــــــ #بقلم_الكاتبه_رحاب_القاضي ــــــــ
_وفي الاتيليه بتاع فيروز كانت قااعده علي مكتبها هناك وقدامها رمزي جارها اللي عنده 50 سنه وشكله وسيم جداً وبيتكلم هو وفيروز وبيضحكو ودخل عز الدين وبصلها بضيق وقال..
عز
فيروز تعالي عايزك..
فيروز
دقيقه واحده يا رمزي وجايه..
قامت وقفت قداام عز وقالت
نعم في ايه؟..
عز بضيق
مين ده؟..
فيروز
ده رم… وانت مال اهلك زين فووق لو عايز تطلعله..
عز بغيظ
لا مالي ونص يا ام ابني مين الراجل المكعبر ده؟..
ابتسمت فيروز بسخريه وقالت
ده استاذ رمزي جاري وكان مسافر وجه يسلم عليا..
عز بغيظ
بتاع ايه يسلم عليكي ايه المسخره دي..
فيروز بأبتسامه صفرااء
غور من وشي يا عز بدل ما ورحمة ابويا افتحلك في القديم والجديد واخلي اللي ما يشتري يتفرج عليك..
عز
وعلي ايه انا طالع اصلا بس كنت عايز اتكلم معاكي في موضوع مهم بخصوص زين والعمليه فتعالي معايا..
فيروز
ماشي اطلع انت وانا هاجي وراااك…
_طلع فعلا عز عند زين اللي كان قااعد مدايق وقاله علي اللي حصل بينه وبين يونس..
عز
وانت زعلان ليه؟..
زين
لا ما هي حاجه تزعل يا بابا، ايه السؤال ده؟..
عز
ما تعملش زي ما هو قالك اوعي تزعلها منك وانا ليا كلام معاه الهمجي ده..
زين
لا لا انا هعرف اتصرف معاه يا بابا معلش، يمكن هو معاه حق وانا اصلا حاولت اعمل كده وما عرفتش حاولت ابعد عنها كتير بسبب الحاله اللي انا فيها بس ما قدرتش، وهو خايف علي بنته وده حقه..
دخلت فيروز في الوقت ده وقالت
خير يا عز موضوع ايه اللي عايز تكلمني فيه؟..
عز
ولا حاجه كنت بقولك كده عشان تطلعي وتسيبي فرقع لوز اللي تحت ده..
زين
هو يقصد مين يا ماما؟..
فيروز بغيظ
يقصد رمزي يا زين..
زين
ما هو معاه حق انا مش بطيق الراااجل ده انا كمان..
عز
حلو الكلام ده يبقي اخر مره تكلمي الرااجل ده..
فيروز بحده
وانت مااالك اتكلم معاه ولا مع غيره، ما تخليك في حالك يا راجل يا عره يا ابو عنين زايغه يا ندل..
عز بغيظ
شايف امك انا مش هرد عليها الشلق دي عشان محترمك انت يا حبيبي..
فيروز
انا ست محترمه والعيبه ما بتطلعش مني بس مع الاشكال اللي زيك لازم ابقي كده..
زين بضيق
بزمتكم ده وقته يعني بدل ما تشوفولي حل قاعدين تتخانقو..
فيروز
خلاص يا حبيبي انا مش هرد عليه اصلا تاني، واطمن انا هكلم شهد ويونس وهحللك الموضوع ده..
عز
لا ده. هيبقي كلام رجاله مالكيش دعوه انتي..
فيروز
وانت من امتي بتحل ان شاء الله؟..
عز
من. لما عرفت ان عندي ولد ومحتاجلي يا مدام فيروز..
فيروز
ماشي هنسيبك تتصرف انا نشوف بقي هتعمل ايه..
عز
اطلبلنا عشا خلينا نتعشي مع بعض..
فيروز
انا نازله عندي شغل..
غمز عز لزين اللي قال بسرعه
لا معلش يا ماما خلينا نتعشي كلنا سوا النهارده، عشااان خاطري..
فيوز
خلاص ما تطلبش حاجه انا عامله اكل جوه هجهزلكم..
دخلت فيروز المطبخ وزين قال
دقيقه يا بابا هجيب الموبيل بتاعي من جوه وجاي..
عز
براحتك يا حبيب بابا..
_دخل زين اوضته وقاام عز بسرعه ودخل المطبخ عند. فيروز وحضنها وهي واقفه جامد وقال بخبث..
عز
ايه الحلاوه دي يا وليه..
فيروز وشها قلب احمر وقالت وهي بتحاول تبعده عنها
انت اتجننت ابعد عني يا عز زين هنا..
عز
دخل اوضته هو وانا بتلكك اصلا عشان اقرب كده..
فيروز بحده
ابعد عني طيب وبطل حركاتك دي..
قرب عز منها اكتر وقال
لا مش هبعد وو..
قطع زين كلامه وهو واقف عند باب المطبخ وقال
احمم انا سايبك في الصاله جيت هنا ليه؟..
بعد عز بسرعه عن فيروز وقال بهدوء
جيت اشرب عايز مايه يا فيروز..
فيروز بتوتر وأحرااج
عندك في التلاجه المااايه..
عز
روح يا زين اقعد وانا هشرب وجاااي..
زين بضيق
لا هنروح نقعد مع بعض يا بابا..
بصتله فيروز بغيظ وقالت بصوت واطي
اتلمم ده انت ابنك طولك علي اللي بتنيله ده..
عز بخبث
طيب نرجع لبعض وقتها مش هنتكسف منه..
زين بضيق
كل ده. بتشرب يا بابا…
عز بغيظ
في ايه يا حبيبي انا ابوووك ما تقفلهاااش كده..
زين بهدوء
طيب اتفضل يا بابا نقعد بره لحد ما ماما تخلص الاكل..
عز بضيق
طيب يا ابن فيروز انت ورااث جدك يالاا كان مطلع عيني، فاكره يا فيرو..
فيروز
لا مش فاكره حاجه..
عز
احسن برضو..
_طلع عز ومعاه زين وهي افتكرت ذكرياتهم مع بعض وخناقاته مع باباها، وابتسمت برضو بدموع وقالت بسخريه..
فيروز
لولا انك. اناني كان زمان ده حالنا من زمان يا عز من غير ما نبقي شايلين من بعض..
ــــــــــ #بقلم_الكاتبه_رحاب_القاضي ــــــــ
_وتاني يوم الصبح دخلت ليلي اوضتها هي وحسن اللي كان واقف بيلبس هدومه قداام المرايا وقالتله بغيظ
ليلي
متشيك كده ورايح فين؟..
حسن
لقيت طارق واخد هنا يوصلها السنتر وهيرجع يذااكر لروفان وروز ورضوي وريناد راحو الجيم اللي تبع الشغل بتاعها ده، فالجو هادي خالص والدنيا حلوه فانا كمان هاخد مراتي حبيبتي ونفطر بره..
ليلي بحزن
لا كتر خيرك مش عايزه حاجه..
حسن
يا ليلي هو انتي لسه بتشكي في حبي ليكي يا ليلي؟..
ليلي بدموع
لا بس هي ليه تجيلك لحد البيت وتقولك وحشتني والكلام ده..
حسن
هي تقول اللي هي عايزااه المهم انا عايز مين، ومين مراتي وحبيبتي وكل حياتي؟..
ليلي
يعني بزمتك يا شيخ انت مش بتقعد بينك وبين نفسك. كده وتقول يااه اد ايه اسراء دي جميله وحلوه وليلي راحت عليها خلاص..
حسن بجديه
والله عمري ما هقول كده ولا هفكر في واحده غيرك مجرد تفكير، بس حلو والله الغيره دي فرحتيني واتأكدت اني لسه مهم..
ليلي
هو انت لسه عارف يعني انك لسه مهم يا حسن، ده انا من قبل ما انجوزك وانا ما بعديش لنفسي قد ما كنت بدعيلك..
حسن
ااه عارفها الدعوه دي بتاعت اللهي يلهفه قطر لو اتجوز واحده غيري..
ضحكت ليلي وقالت
ههههههه الله يرحمها امي كانت فضحاني قدامك..
حسن
نكبر دماغنا طيب وهاتي البت تيا ويلا بينا نروح نفطر بره احنا التلاته..
ليلي
لا انت روح غير لتيا لحد ما انا اغير هدومي واجيلك..
حسن
ماااشي يا حبيبتي بسرعه بس..
ــــــــــ #بقلم_الكاتبه_رحاب_القاضي ــــــــ
_وفي الوقت ده كانت ريناد ورضوي وصلو الجيم اللي في النااادي وفي نفس الوقت كان يوسف هو ويزن هناااك..
يوسف
قطعت نفسي منك اله مش عايز فورمه ولا عايز عضلات انا راضي بنفسي كده..
يزن
كل ده عشان عملت عشره ضغط ما تنشف يالااا..
يوسف
مالكش دعوه سيبني في حالي انت واحد صحتك شديده انا غلبااان..
يزن بسخريه
وعملي فيها شبح وكل يوم مقضي الليله مع واحده شكل فين ده مش شايفين؟..
يوسف
وانت هتشبه الضغط للنسوان، طيب هات واحده كده تدربني هتلاقيني كسرتلك الجيم ده…
يزن
هي مش دي رضوي واختها؟..
_يوسف بص قدامه وشااف رضوي داخله ومعاها ريناد وكانو لابسين ملابس رياضيه، ابتسم يوسف وهو بيبص لرضوي وقال..
يوسف
ده انا ربنا بيحبني كانت وحشااني اووي، زي القمر بنت الايه…
يزن هو بيبص لريناد
معاك حق..
يوسف بصله بحده وقال
في ايه ما تتلم مرااات اخوك دي..
يزن
مش علي البومه بتاعتك انا علي الكيوت القمر اللي جنبيها..
يوسف بخبث
ااااه هو انت وقعت في توأمها ايه الصدفه دي..
يزن
طيب ايه ما تخلينا نروح نسلم عليهم..
يوسف
لو عايز تتهزأ روح..
يزن
تؤ ريناد مؤدبه وكلها ذوووق بس المشكله في البومه بتاعتك..
يوسف
بومه بس بحبها، ايه ده هما رايحين فين؟..
يزن
هيتدربو اكيد؟..
يوسف
هنا قدام الرجاله دي كلها؟..
يزن بضيق
مش عارف بس ريناد شكلها مكسوفه اصلا..
_وفي الوقت ده عند ريناااد ورضوي كانت ريناد مدايقه جدا وقالتلها..
ريناد.
بقولك. ايه انا مش هقف واتنطط كده قداام الرجاله..
رضوي
ما حدش هيركز معاكي علي فكره، وبعدين هو مش سيف كان مشترك في جيم راقي وكنتي بتتصوري فيه..
ريناد بغيظ
برضو بتجيبي سيرته وتعكنني عليا، وبعدين ما كانش بيخليني اتحرك انا اخري كنت اقعد اتفرج عليه وبس..
رضوي
طيب كبري دماغك وبعدين جسمك بايظ اصلا ومحتاجه تخسي شويه، كابتن احمد هنا تابعي معاه هيظبطلك الدنيا..
ريناد
مستحيل انا هستناااكي بره وانتي خلصي وتعالي ده لو بابا او طارق شافوكي هتتنفخي..
رضوي
زيزو جه معايا قبل كده وما قالش حاااجه..
ريناد
امم لا ما هو زيزو فري انما الباقي لا وبراحتك..
_وسابتها ريناد وطلعت ويزن اخد حاجته وطلع وراها بسرعه ويوسف مسك ايده وقاله بقلق..
يوسف
استني قولي اعمل ايه؟..
يزن
وانا مااالي انا وبعدين انا بخاف منها بسبب لساانها الطويل، سيبني بقي اشوف رزقي انا كمان..
_طلع يزن ويوسف رااح قعد قريب من رضوي والكابتن اللي بتدرب معاه من غير ما تاخد بالها، واتحولت ملامحه للغضب اول ما سمع المدرب بيقولها.
احمد
بس انتي جسمك حلو ومظبوط جداً اصلا مش محتاجه تدريبات جامده..
رضوي
عادي انا باااجي هنا تسليه..
احمد
احنا ممكن نمشي علي نظاام كويس برضو عشان صحتك مثلاً..
رضوي
اوكي تمام وو..
_سكتت اول ما لقيت يوسف وقف جنبيها ومسك ايدها جامد وقال بنبره غاضبه..
يوسف
تعالي عايزك..
رضوي بضيق
هو اي ده سيب ايدي..
احمد
في حاجه يا يوسف بيه ولا ايه؟..
يوسف بحده
خليك في حالك لو مش عايز تطرد من هنا طردت الكلاب..
_وسحب رضوي من ايدها بقوه واخدها ووقفو في مكااان ما فيهوش حد.، وقال بغضب..
يوسف
انتي ايه اللي بتعمليه ده؟..
رضوي بعصبيه
عملت ايه وانت مالك انت اصلا؟..
يوسف بحده
لا مالي ونص مبسوطه اووي وهو بيقولك جسمك حلو، بيعجبك الكلام ده؟..
حاولت كبت دموعها وقالت بقلق
انت مش عارف نفسك بتقول ايه ومالكش دعوه بيا…
_جات تمشي بس هو شدها من دراعها وقربها ليه جداً وقال بكل غضب وعصبيه..
يوسف
حلو عرفت الطريقه اللي تنفع معاكي..
وبصلها بنظره مش كويسه وقال
جربي ليله واحده معايا واقولهالك بطريقه احلي من كده..
_كان ردها عليه انها ضربته بالقلم وو؟؟..
_تفتكرو هيحصل ايه بينهم؟؟؟..
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية موضوع عائلي 3 (بيت الهنا))