رواية يا دنيا تاعباني لامتى انا هعاني الفصل الثاني 2 بقلم حنين عادل

رواية يا دنيا تاعباني لامتى انا هعاني الفصل الثاني 2 بقلم حنين عادل

رواية يا دنيا تاعباني لامتى انا هعاني البارت الثاني

رواية يا دنيا تاعباني لامتى انا هعاني الجزء الثاني

رواية يا دنيا تاعباني لامتى انا هعاني الحلقة الثانية

خخخخخخخخخخخخ خخخخخخخخخخخ
كان نايم علي كتفها وبيشخر وفاتح بوقه ..
عمر: ما تسكتي البغل اللي جمبك ده
سما: والله لو تعرف تعالي سكته انا بضرب فيه بقالي ساعة واكتر مش بيحس
عمر بخوف: وانا مالي ماتصحيه انتي
سما: يبقي تسكت خالص انا مش طايقة نفسي بدل ما اولع في نفسي واولع فيكوا كلكوا
عمر باستغراب:
مالها المجنونة دي
سما: سامعاك علي فكرة
عمر: يامي خوفت
سما: سئيل
عمر: مش اكتر من اللي جمبك
سما : اهئ اهئ فعلاً كلامك صح
شخر مرتضي بصوت عالي..
زقته سما…
مرتضي: استني شوية يا مامي عملتي الجرين برجر
سما: اسمها طعمية يا بن الهبلة عااااا حد يبعدوا عني بقا
بصت سما في شنطتها لقت ازازة مية حاولت تجيبها بصعوبة ..
بصت له بشر وهي بتضحك وبعدين دلقتها فوقه
صحي وهو بيشهق وبيصوت :
بغرق بغرق …..
ضحكت سما وكل اللي في الأتوبيس علي شكله…
حست سما بميه سخنه تحتها..
سما : المفروض المية سقعانة ايه ده
شمتها وفتحت عينيها بصدمة:
مرتضي..
بص الجمب التاني…
سما: يع يع ايه الغلب ده ياربي نهار اسوح اسوح ايه نهار قرف اهئ اهئ ربنا يسامحك يا ماما ربنا يسامحك
_________________________
في نفس الأتوبيس
راجل وست حامل علي أخرها..
بص لها الراجل بعصبية:
حرام عليكي دا انتي علي تكه طالعه ام الرحلة دي ليه عشان تعكنني عليا
_والله كنت اسيبك تطلع لوحدك وحواليك كل البنات القمر دي اه هما مش احلي مني في حاجة بس انا عرفاك رمرام مايملاش عينك غير التراب
*يا سمية يا حبيبتي معقول حد يبقي معاه القمر ويبص علي النجوم اللامعه دي
_مش هاسيبلك فرصه تلعب بديلك يا سامح أبقي أرملة احسن لي
* يا ساتر يارب عليكي بتفولي عليا
_كلنا لها يا حبيبي كلنا لها
بعد وشه عنها بقرف وبص لبنت شعرها أصفر ولاعب لها حواجبه
_بص وملي عينك واتوحمي عليهم جاهز نغير السلاله
ضغطت علي ايده كان هاين يعيط
ماتقلقش اتوحمت من بدري يا خويا
_ولية فقر …
كان بيتألم من ايده وبعدين بص للبنت وهو مبتسم وغمز لها…
__________________________
سما : اعمل ايه ياربي ان قومت غيرت في الحمام هاعدي عليهم ازاي بريحتي دي منك لله يا مرتضي الزفت منك لله
مرتضي: ماتقلقيش ماتقلقيش هاتنشف
سما: انت تخرص خالص مااسمعش صوتك ايه الغلب ده ياربي
كان عمر مركز معاها ومع تعبيراتها..
بادي مسكت ايده:
في ايه يا عمر في حاجه سرحان في ايه
عمر بغمزة: ها لأ مافيش بس انتي حلوة كده ليه النهارده
بادي: علي اساس اني كنت وحشه
عمر: وحش طول عمرك يا جامد
خدت سما الهدوم وقامت من جمبه ودخلت علي الحمام بسرعه وهي بتدعي عليه
سما : اكيد كلهم شموا ريحتي منك لله يا مرتضي الكلب
__________________________
يوسف وهو بيبص حواليه باعجاب: شايف البنات اللي ترد الروح
طلع احمد صوره عبير :
كلهم ولا يجوا في ضفرك يا حبيبتي
بص يوسف علي الصورة:
يا الله سلام قولا من رب رحيم سلام قول من رب رحيم ايه ده
احمد بص له مبتسم:
جمر مش اكده
يوسف: يؤسفني أقولك اكشف عيون يا احمد
أحمد: يااااه فكرتني بذكريات جميلة كنت أنا وعبير بنرمح ورا الحمار في البلد في لحظه رومانسية جياشة
يوسف: وبتجروا ورا الحمار ليه
احمد: بنتسابق مين يوكله الربة هااااااا ساعتها اتكعبلت في الطوبة مسكتها من يدها بنعومة وحميتها بدل ما تقع في الترعه كيف الهنود بصت لي من ورا نضارتها كعب الكوباية اللي دخلت قلبي وعششت وقالت:
تسلم لي يا راجلي
يوسف وهو بيضحك:
وايه اللي حصل بعد كده
احمد: اتفاجئت من الموقف وسيبتها وقعت
قعدت أصرخ لحد ما خلعت خلجاتي ونطيت وراها وانقذتها وطلعت من الميه وكان الورد كان بيقع علينا والسما صافية وقوس قزح بينور
مسكت في صدري وبصت لي بكسوف خلع قلبي وطير البرج اللي في نفوخي بحبها جوي يا جو بموت فيها
يوسف: قصه حب ملتهبة فعلا
احمد: يجوا ايه دول في جمالها ودلالاها انت ماشوفتش حريم يا جو ماشفتش ههههههييييي
__________________________
الاتوبيس وصل مكان التخييم..
نزل مرتضي اتعنقل وقع وكل اللي نازلين وقعوا فوقه …
مرتضي: اييييييه منكم لله مستعجلين علي ايه يا كفره
قاموا يتوجعوا …
سما كانت بتضحك لأنها ما وقعتش زيهم واتوقعت ان ده هايحصل لأنه مش رابط حبل الكوتشي
نزلت سما بعد ما قامت وهما بيبصوا علي المكان
فجأة كلبش فيها ..
بصت له باستغراب:
في ايه
مرتضي: هو في هنا عقارب وتعابين
سما: اكيد مش احنا في صحرا
مرتضي بخوف: اييييه ليه كده طنط ما قالتش كده طنط قالت ان احنا هانطلع علي البحر
سما: هههه ضحكت عليه اه في هنا بحر بس بحر رمال متحركة وعقارب وتعابين وحيوانات متوحشة كمان
مرتضي: وايه اللي جاب الحيوانات دي هنا هاتعيش ازاي
سما: زي ما العقارب والتعابين عاشوا
مرتضي وهو هاين عليه يعيط: عندك حق عندك حق انا عاوز امشي من هنا انا عندي فوبيا من الأماكن الواسعه دي يا ماميييييي
__________________________
أحمد: منظر الصحرا ده رجعني لذكريات ملهلبه وياها مهجة قلبي وحب عمري
يوسف: ايه الذكريات الملهلبه دي
احمد: كانت قاعدة كيف نانسي بتمرش الغسيل بكل رقه وانا بختلس النظر من بعيد بملي عيني منها ومن حلاوتها وبدعي ربنا يقرب البعيد
صرخت فجأة اتفزعت وقعت من علي سور بيتها وبقيت قدامها في طشت الغسيل
كانت بتصرخ بصوت عالي وقفت تأملي في عينيها وقومت وانا خلجاتي بتشر ميه وسألتها:
في ايه يامرا
شاورت لي علي افعي واقفه وناصبة راسها ..
شديتها من ايدها بسرعه
يوسف: الأفعي
احمد: ليه كينج كونج أنا شديت عبير قلبي ورمحنا بكل ما اوتينا من قوة يااااه وحشتني بنت المركوب
يوسف بضحك:
ههههه وانا قولت هاتموت الأفعي ولا حاجة
أحمد: عايزها تقرصني يا يوسف
يوسف: ايه اللي تقرصك هيا ناموسه
________________________________
عمر: بحب الجو ده أوي الدنيا فاضية ومش حوالينا غير السما يااااه …
بادي: افرض طلع لنا حيوان متوحش
عمر: افديك بعمري يا عمري انت
بادي: قد كده بتحبني يا عمر
عمر حضنها : يااااااه أوي أوي
بصت سما عليه :
متحرش نهار اسود ..
سمعها مرتضي:
ماتقلقيش معاكي راجل
سما بصت جمبها:
هو فين ده ؟!
مرتضي: مرتضي السنهوري
سما: يا عم ابعد عني بقا غور …
________________________
سمية : ياااه علي الجمال جو رائع للإعتكاف ..
سامح وهو بيبص علي البنات:
رائع اوي رائع خالص هو رائع بعقل
مسكت ابده بعصبية:
مش عارفه انت هاتبقي اب كويس ازاي وانت عمال بتلعب بديلك اللي عاوز يتقطع ده عاوزاك تكون قدوة لبنتنا خوشناف
سامح: خو ايه !
سمية: خوشناف ما أنا قررت أسميها خوشناف اسم رائع يعني المرأة الارملة القعيدة شاحبة الوجه المتشحه بالسواد الحالك قد ايه الاسم ليه معني ورنان
سامح: منك لله ياشيخه بتفولي علي البنت قبل ماتيجي لنا الله لنا الله
________________________
_خلاويص
*لسه
_أجيب البوليس
*لسه
_أجي
*تعالي
كان سيد ابو سما وعزة بيلعبوا…
سيد: أنا هلاقي عزة حبيبتي أهو خلاص قربت
كانت عزه مستخبية ورا الكرسي وبتكتم ضحكتها…
سيد: عزه حبيبتي فين عاوزين عزة انتي فين يا قلبي
عزة: ابو السييد
سيد: عيون أبو السييد
شاف طرف عبايتها فطلع يجري عليها…
سيد بضحك: مسكتك يا خلبوصه
عزه كشرت: يوووه كل مرة تمسكني كده
سيد: ما قدرش اسيبك غايبة عن عيني كتير يا روحي
عزه: لسه بتحبني يا سيد اهيييييييييي
سيد: العب ….والملعب فاضي والحكم صفر ……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية يا دنيا تاعباني لامتى انا هعاني)