رواية زمزم قلبي الفصل الأربعون 40 بقلم بيان الجارحي

رواية زمزم قلبي الفصل الأربعون 40 بقلم بيان الجارحي

رواية زمزم قلبي البارت الأربعون

رواية زمزم قلبي الجزء الأربعون

رواية زمزم قلبي الحلقة الأربعون

إيهاب بابتسامة: عايز اكلمكم بموضوع يخص البنات
ورود: بنات مين!
إيهاب: انتِ واخواتك
إشراق: في ايه
إيهاب: فرح بشرى ورأفت الشهر الجاي،وقبل الفرح بأسبوع كتب الكتاب
بشرى بصدمة: ايه! مين بشرى،اقصد بدري
إيهاب بابتسامة: مش بدري يا بشرى،خلينا نفرح،كفاية الي مر قبل،ها موافقة
بشرى بتوتر: احم…م.ماشي،موافقة
احتضنتها إشراق بفرح وقالت: اخييرا
تامر بضحك وهو بحتضنها: مش مصدق،أخيرا هنخلص منك
راجح بضحك: توامي،كان نفسي اقولك متتجوزيش،بس خلاص هنرتاح من زنك
بشرى بغيظ: دا انتوا طلعتوا بتحبوني
إيهاب: طب اسمعوا كدا،ثم نظر لورود وقال: كبرتي يا ورود
ورود: انا!
إيهاب بضحك: ايوا،مالك الراوي طالب ايدك،كلمني اليوم،قولتي ايه؟
ورود بصدمة: مين مالك الراوي
إيهاب: بت مش عليا
أزهار بصدمة: محظوظة،مش دا دكتور بالجامعة،دا دكتور مادتك
ورود: ايوا هو عايز ايه من ايدي
بشرى بضحك: ابدا عايز يتصور معاها بس،بت اكيد عايز يتجوزك،بلاش غباء
ورود بتوتر: بس…بس انا..يعني هو،يوووه سيبوني أفكر
إيهاب بضحك: خلاص ليه متوترة كدا،فكري يا ستي،أزهار هانم
أزهار بصدمة: تقولش في حد متقدم ليا
إيهاب: طلعتي ذكية اهو
تامر: مين الي داعية عليه امه دا
أزهار: تامرر
تامر بسرعة: حبيبة أخوكِ
إيهاب: محمد
رؤوف: لا راجل،فاجأتني يا رجل
إيهاب: قلتي ايه يا أزهار
أزهار بتوتر: احم….ممكن أفكر؟
إيهاب: اكيد يا حبيبتي
تامر بغمز لراجح: ملناش رأي؟
محمد بغيظ: لا اتفضل قول رأيك،بس وافقت ولا لأ مش مهم
راجح بضحك: اهدى يا غالي،اتأكد انك اختيار صح
إشراق برفع حاجب: دا ايه القرارات والمواضيع الي بتحصل من ورايا دي
تامر: مش مسيطرة
إيهاب بغيظ: قوم من هنا،جاي تولعها بدل ما تهديها
نهلة بضحك: دا يوم حلو
ورود بتذكر: بابا،فرح شمس الخميس دا
إيهاب: كلمني سالم،هتروحن متقلقنش
راجح بتحذير: بت انتِ واياها،من دلوقتي علشان يوم الفرح محدش يرتكب جر…يمة،هتروحن الفرح،يبقا هدوم واسعة وطويلة وألوانها مش ملفته للنظر
بشرى: أوامر ثانية
ورود بضحك: حاضر يا غالي،سيبك بس من بشرى هييجي الي يكمل مهمتك ويقولها تعمل ايه ومتعملش ايه
جنان بغيظ: والحزين أحمد الي محدش اتكلم عنه اخبار جوازته ايه
أحمد بضحك: حبيبة قلبي والله،الوحيد الي بتفهمني
إيهاب بضحك: مليش فيك،موضوعك عند راجح
راجح بضحك: مستعجل على ايه يا ابني،زمزم كلمت شروق وهتفكر وتقول ليكم يوم مناسب تروحوا فيه
نهلة: كل الأفراح جات وزمزم تعبانة،ربنا يستر متفقعش
ضحك الجميع وقالت إشراق: راجح هيتولى أمرها
راجح: ربنا يستر بس
زنود: مرجان ورتيل فين؟
آينور: عند زمزم
بالأعلى عن زمزم
مرجان بضحك: يا ابنتي متعصبة ليه أفهم
زمزم بضحك: رتيل اهدي شوية
رتيل بغيظ: متقولوش اهدي،مش لاقية اسماء حلوة
زمزم: طب قبل كدا،عرفتي نوع الجنين ايه
رتيل: لا مش عايزة اعرف،عايزة اتفاجأ احسن
زمزم بتفكير: امممم،طب بصي خلينا نعمل جمعة لينا البنات كلنا،ونفكر،البنات ذوقهن حلو في الأسماء
مرجان: فعلا
زمزم: طب قوليلي يا مرجان بردو مش عايزة تعرفي نوع الجنين
مرجان بضحك: انسي،انا ورتيل اتفقنا منعرفش
زمزم بغيظ: رخمات
دق الباب،فكانت بشرى وأخواتها وجنان،جلسن وأخبرن زمزم بالقرارات التي حصلت والتي رفعت ضغط زمزم😂😂😂
زمزم بغيظ وصدمة: هو انتوا ما بتحبوا تعملوا الأفراح الا وأنا تعبانة،دا ايه الحظ الجميل دا
ضحكت جنان وقالت: بصي مفيش قدامك الا تكلمي الدكتورة،يعني اكيد بعد شهر هتكوني احسن،واكيد مش هتعملي حاجة وهتفضلي قاعدة بالفرح،اسألي الدكتورة وشوفي هتقولك ايه
زمزم بتفكير: البت دي بتقول كلام فل اوي
جنان بغرور متصنع: علشان تعرفي قيمتي بس
ضحكت الفتيات واكملن جلستهن مع بعضهن…
===============================
عند عائلة رتيل كان رماح عندهم والجميع يجلس بالحديقة
محمود: ساهر وتحسين وعلي،هتكونوا زي رأفت ووائل أيمتا
ساهر بصدمة: على فكرة انا مكاني هنا غلط،انا مكاني بين المرضى،استهدوا بالله جواز ايه وهم ايه
وائل بضحك: مكنتش اتوقع اقولها بس انا كنت زيك كدا،ودلوقتي تفكيري اتغير
تحسين: يا جدع انت وهو ايه السيرة دي
صلاح بضحك: رماح هيكون جدع ويعملها
رماح بصدمة: رماح مين يا عمي،استهدي بالله بس
أسمهان: مرجان هتجوزك متقلقش،هي عرفت انك نزلت مصر
رماح: لا متعرفش،هتعلقني لو عرفت وما قولتش ليها
ضحك الجميع وقال ساهر: طب بما انكم مصممين على جوازنا انا عايز اتجوز
محمود: ايوا جدع،مين بنت الحلال
ساهر: احم سلام صاحبة قمر
أسمهان بفرح: حبيبة قلبي،بنت محترمة وعالم وناس
سميح: بتخطط من ورانا،نمس
ساهر بضحك: ابدا،تعرف عني كدا
صباح: نشوف يوم ونروح نطلبها،والباقي اخباره ايه؟
علي: بما إنكم مصممين يعني،انا عايز اتجوز،ووحدة تعرفوها أوي
محمود: مين؟
صباح بابتسامة: بس انا عرفت
علي بضحك: الله عليكِ يا صبوحة،ذكية اوي
صلاح: بعيدا عن صبوحة الي كنت هعلقك عليها،قولوا مين
وائل بضحك: الحج بغير،قلنا مليون مرة دي ممتلكات خاصة يا استاذ انت وهو
ضحك الجميع وقال صلاح بضحك: تربية…قاطعته صباح قائلة: تربية مالها؟بعدين هتقول تربية ناقصة والله مش انا الي ربيت سبع الليل دا
وائل بضحك: سبع الليل الي هو انا؟
رماح بضحك: هو في غيرك يا استاذ
صلاح بسرعة: تربية سكر،مالها يعني،علييييي مين بنت الحلال دي
ضحك الشباب بشدة وقال علي: علا بنت أخت ماما صباح
أسمهان بفرح: دا ايه الاختيار السكر،بنت حلال والله
وائل لوالدته: بقا تتفقي انتِ وهو من ورانا
صباح: علاقتك ايه
وائل بضحك: مليش،خلي علي بيه ينفعك
سماح: لازم في كل قعدة وائل وصباح يتناقروا لازم
أسمهان بضحك: حصل يا بنتي
ضحك الجميع وأكملوا جلستهم مع بعضهم
=====================================
عند شمس
كانت تجلس في غرفتها وتدرس،دق الباب فسمحت بالدخول فكانت عمتها
وقفت شمس بتوتر وصدمة،فهذه أول مرة تستأذن عمتها قبل أن تدخل إليها…
سامية بهدوء: عايزة اتكلم معاكِ
شمس بتوتر: ط..طبعا،ا..اتف.اتفضلي
جلست سامية وبجانبها شمس على الاريكة وقالت: فعلا مكنش ليكِ أي ذنب بأي حاجة حصلت معايا زمان
نظرت لها شمس فأكملت سامية بحزن وهدوء: آسفة يا شمس
شمس بسرعة: آسفة على ايه،معملتيش اي حاجة يا عمتي
أمسكت سامية بيديها وقالت بحزن ودموع: مش عارفة بعد كل الي عملته معك ولسا بتقولي معلمتيش حاجة،آسفة يا شمس،متزعليش مني آسفة يا حبيبتي
نظرت لها شمس بتردد،وقبل أن ترد جاءت ابتسام وقالت: ماما بابا عايزك
وقفت سامية وقالت بندم شديد وحزن: آسفة يا شمس،ثم قبلت رأسها وخرجت
اقتربت ابتسام بسرعة من شمس واحتضنتها بسرعة وقالت: صدقيني ماما طيبة،وبتحبك اوي،صدقيني هي ندمت على كل حاجة عملتها معك
شمس ببكاء: مش بالسهولة دي……مش بالسهولة دي……انا مش واثقة فيها………….انا خايفة خايفة اوي
ربتت ابتسام على شعرها بحنان وحزن وقالت: اهدي يا حبيبتي،حقك والله،بس اهدي،ثم سمعت صوت يحيى فقالت: أمسحي دموعك يحيى جا،يلا
مسحت دموعها بسرعة،وابتعدت وأمسكت بكتابها وكأنها تدرس
فجاءت سناء وقالت: تعالن بابا عايزكن
نظرت شمس بتوتر لابتسام،وارتدت حجابها ثم خرجتا لغرفة المعيشة
ابتسام: بابا
سالم بابتسامة: اقعدن عايز اكلمكن في موضوع
جلست شمس بجانب سناء وهي تتحاشى النظر ليحيى وقال سالم: شمس يا بنتي،عمتك ندمانة على كل الي عملته قبل،وعايزة بس تسامحيها،عارف الي مريتي فيه وانك خايفة،بس صدقيني سامية طيبة ولا ايه يا يحيى
يحيى بابتسامة: حصل
سامية بحزن: شمس
شمس بسرعة: انا مسامحك،انا اصلا مش زعلانة منك والله
ابتسم الجميع بفرح واحتضنتها بفرح وقالت: حبيبتي يا شمس
سالم بهدوء : رانيا وسوزان؟
اقتربت سوزان بحزن من شمس وقالت: آسفة….قاطعتها شمس وهي تحتضنها هي ورانيا وقالت بمرح: بس يا عبيطة انتِ وهي مش زعلانة،ما تتأسفن،ارتفع ضغطي من كثر الاعتذارات،لو عايزات تصالحني كل وحدة تجيب لي شوكولاتة،وعمتي كيكة شوكولاتة تعمل
سامية بضحك: بدأنا مصلحة أهو
رانيا بضحك: بس كدا،هجيللك سوبر ماركت شوكولاتة
سالم بحنان: ربنا يسعدكوا اكتر واكتر
شمس بمرح: حبيبي يا سالم
يحيى بغيرة: احم
ابتسام بضحك: بت امشي من قدامه،هيعلقك وربنا
ضحك الجميع،وأخيرا تصافت القلوب مع بعضها،ولم يتبقى اي مكانٍ أو موطن للحقد والبغضاء والغيرة….
=====================================
لا تأخذ أحداً بذنب غيره،حتى لو كان أقرب الناس إليه،فلكلِ شخصٍ قلبٌ يختلف عن غيره ونيةً لا يعلمها إلا الله….
=====================================
في مكانٍ نذهب اليه أول مرة وبالتحديد في منزل بسيط
قمر بتوتر: إسماعيل مش انا اختك حبيبتك
إسماعيل: اختي مين معلش
قمر بغيظ: إسماعييييل
إسماعيل بضحك: خلاص يا غالية،قولي مالك
قمر: انا خايفة
إسماعيل باستغراب: من ايه يا حبيبتي
قمر بدموع: مش عايزة اتجوز،مش عايزة اروح واسيبك لوحدك انت ومراتك وولادكوا،خايفة اوي
إسماعيل بحنان: تعالي في حضن اخوكِ،احتضنته قمر بسرعة،وجاءت زوجة أخيها إلهام وقالت باستغراب وقلق: قمر مالك بتعيطي
قمر بدموع: إلهام،مش عايزة اتجوز،مش عايزة اروح واسيبكوا
جلست إلهام بجانبها ومسحت دموعها وقالت بحنان وتفهم: حبيبتي،عارفة انك خايفة من المسؤولية،ومن الحياة الجديدة،معاكي حق انا كنت في البداية كدا،لكن صدقيني مفيش داعي للخوف والتوتر دا،ثقي بربنا،وسلمي أمرك ليه،ثم أكملت بمرح: وعيشي الأيام الباقية ليكي وانتِ سنجل قبل ما تتجوزي،وصدقيني يا حبيبتي ربنا بعتلك واحد ابن ناس وهيتقي ربنا فيكِ
هدأت قمر،وبدأت تفكر بكلام زوحة أخيها ثم قالت بهدوء: مش هتنسوني لما تسافروا
إسماعيل بحنان: ننسى مين يا عبيطة،حد ينسى روحه يا قمر
: مش هننساكِ يا عمتو
نظرت قمر لمصدر الصوت فوجدت أولاد اخيها” عمر،عدي،عبير”
ركضوا الأطفال إليها،فاحتضنتهم بحنان وأكملت جلستها معهم بمرح وسعادة…
====================================
في منزل سلام
كانت تجلس مع خالتها وتقول بحزن: وحشوني يا خالتو،راحوا وسابوني لوحدي،لو اني رحت معاهم مكنتش هكون لوحدي
أجابت خالتها واسمها سلمى بدموع: هتروحي وتسيبيني لوحدي،ادعيلهم بالرحمة يا حبيبتي
دخل في هذه الأثناء ابن سلمى واخو سلام بالرضاعة واخته
وليد بقلق: سلام بتعيطي ليه
سلام بدموع: مفيش
ابتسم بهدوء،وجلس أمامها وقال بحنان: في ايه،اتفقنا منخبيش على بعض اي حاجة
ولاء بغيظ: اتفقتوا ايمتى ها،ومن دوني
ضحكت سلام وقال وليد بعد أن مسح دموعها: ها،ايه يا غالية الي حصل معاكِ
سلام: ماما وبابا وحشوني اوي
وليد بحنان: ادعيلهم بالرحمة يا حبيبتي،بت نسيت انا كنت جاي ليه
ضحكت سلام وسلمى وقال بتذكر: ردك على العريس الي هيتقدم أيه؟
سلام بتوتر: انا صليت استخارة،واحم يعني….وقت ما ييجوا هتعرفوا ردي
ولاء: على خير
“والد ووالدة سلام توفيا في حادث سير أثناء عودتهم لمصر،فقد كانا خارج مصر لعلاج والدة سلام”
=====================================
في منزل إحسان
الأم”خديجة”: إحسان،إحسان اصحي،إحسان
اقتربت الام من إحسان وبدأت توقظها،لكن إحسان ساكنة لا تتحرك…
خديجة بقلق: إحسان،حبيبتي،اصحي يا حبيبتي،بدأت تطبطب بخفة على وجهها حتى تستيقظ لكنها لم تستيقظ
خديجة بصراخ: شادييي،الحق اختك
دخل شادي بسرعة وقال: ماما،إحسان مالها،في ايه
خديجة ببكاء: مش بتتحرك،مفيش نفس،نفيش أي حاجة
أسرع شادي وحاول فحص أخته،فقال: نبض قلبها قليل،لازم ننقلها المشفى،هتصل بالاسعاف
بعد مرور الوقت
تم إسعاف إحسان ونقلها للمشفى
بعد مرور ساعة ونصف
خرجت الطبيبة بأسف وقالت: مش عارفة اقولكوا ايه،لكن هي مكنتش بتعاني من أي حاجة،لكن للأسف…….شدوا حيلكم ربنا يرحمها
صدمة ألجمت خديجة وشادي،دخلا إليها، فوجداها ساكنة أمامهم،لم تقوى على الوقوف أمسك بها ابنها فقالت بدموع: بنتي،بنتي ما…تت يا شادي،اختك راحت،اختك تركتني لوحدي،راحت قبل ما تحقق حلمها،راحت وتركتني لوحدي
حاول شادي كبت دموعه،لكن أبت دموعه،ونزلت وجعا وألما على أخته،لم يستطع أم يتفوه بأي كلمة،فقد خسر أغلى ما يملك في حياته….
=====================================
بعد مرور ساعة
عند عائلة المالكي
كان الجميع بغرفته،وكانت أزهار تجلس في غرفة المعيشة
جاءها اتصال من هاتف إحسان،ردت عليها وقالت: حبيبتي عاملة ايه
خديجة بدموع ووجع: انا والدة إحسان يا أزهار
أزهار بقلق: خالتو،مالك مال صوتك
خديجة بوجع: إحسان اتو…فت يا أزهار،إحسان راحت وتركتني
أزهار بصدمة ورعشة: ايييه،ان….انتوا فين
خديجة بحزن: احنا في البيت
أزهار بحزن: خالتو انا جاية دلوقتي،اصبري يا حبيبتي
أغلقت معها،وصعدت بسرعة لزمزم
دقت الباب بسرعة،أذنت زمزم بالدخول،دخلت أزهار وارتمت في احضانها
احتضنتها زمزم بقلق وقالت: حبيبتي مالك،حصل ايه
راجح بقلق: أزهار،مالك
أزهار ببكاء: إحسان ما…تت يا زمزم،إحسان راحت
زمزم بصدمة ووجع: ايييه،لا حول ولا قوة إلا بالله العلي العظيم،مين قالك
أزهار: كلمتني والدتها،انا لازم اكون جنبها
علم الجميع خبر وفاة إحسان،مشاعرٌ أسرت قلوبهم….حزن،وجع،ألم،صدمة…
=====================================
تم دف…ن إحسان،مع وجعٍ أسر قلب أخيها،وهو يضعها في القب….ر ويضع فوقها التراب…
انتهت مراسم الدف….ن،وصلاة الجنا…زة
عند النساء
احتضنت أزهار خديجة بحزن وقالت: اهدي يا حبيبتي،ادعيلها بالرحمة
خديجة بدموع: إحسان معدتش موجودة،راحت يا أزهار
سلام بحزن: إحسان موجودة،روحها معانا يا غالية،ادعيلها بالرحمة
ربتت إشراق وزنود على كتف خديجة….
أما بشرى وشروق….فقد حاولتا تهدئة ورود وشمس وقمر…
عند الرجال
ربت إيهاب بحزن على كتف شادي وقال: ربنا يرحمها يا ابني،شد حيلك علشان والدتك
شادي بحزن: إن شاء الله يا عمي
ربت إسماعيل على كتفه،وكان الشباب بجانب شادي ويحاولون تهدئته….
===========≈=========================
في منزل المالكي
احتضنت آينور زمزم التي انهارت من البكاء وقالت بوجع: راحت إحسان،راحت وبعدت عننا
آينور بحزن: اهدي يا حبيبتي،ادعيلها بالرحمة
جنان ببكاء: هي إحسان الي اعرفها ما…تت
احتضنتها زمزم ببكاء وقالت: ادعيلها يا جنان،ادعيلها بالرحمة
بدأت آينور في محاولة منها لتهدئة كل من زمزم وجنان،فهي تعلم أن بكاء زمزم لم يزداد إلا لشيئين،ألمها على إحسان،وتذكر والدها…..
نظرت آينور بحزن لدموع زمزم التي أبت أن تتوقف،وإلى ابنتها التي تعلم جيدا كم تعلقت بإحسان وأنها تذكرت والدها،وقالت في نفسها: اللهم أجرنا من مو…ت الغفلة،ربنا يرحمك يا إحسان،الم…وت مبيعرفش كبير أو صغير،ربنا يجعل الجنة مقامك،وينور قب…رك
=====================================
المو…ت لا يعرفك،لا يعرف إن كنت صغيرا أو كبيرا…
أحسن قبل أن تأتيك سكرة الم…وت…
فإن جاءت،لا ينفع مالٌ ولا بنونٌ ولا عملٌ إلا عملٌ صالح يشفع لكَ وينيرُ عليكَ ظلمة القب…ر
اللهم إني أسألك حسن الخاتمة برحمتك يا أرحم الراحمين
=====================================
في المساء
لا زال العزاء قائما،وعائلة المالكي بجانب والدة إحسان وأخاها..
في منزل المالكي
آينور بتعب: زمزم،انتِ من وقت ما سمعتِ خبر وفا…ة إحسان مأكلتيش حاجة،وكل شوية تقولي مش عايزة،صرنا بعد العشاء
زمزم بدموع: بس انا فعلا مش قادرة،مش عايزة،ثم انهارت باكية
نظرت لها آينور بحزن ودموع واحتضنتها ثم قالت: لو كانت إحسان موجودة مكنتش هتقبل تعملي في نفسك كدا
أغمضت زمزم عينيها لاستقبال ذكرياتها مع إحسان،تذكرت ضحكتها وبسمتها وهدوئها،تذكرت مرحها،واحلامها،وتذكرت أهم ذكرى….
Flash back:
بعد إخبار زمزم للفتيات بأنها حامل،وانتهاء الوقت وعودة الفتيات لبيوتهنَّ
جاء اتصالٌ لزمزم وكان من إحسان
زمزم بابتسامة ومرح: اختي جبيبتي عاملة ايه
إحسان بمرح: فل أوي،الحمدلله،بت معرفتش أكلمك لما جيت عندكم،اولا مبارك،هبقا خالتو وسواء بنت أو ولد هاخده طبعا دا ملكي،تمام
ضحكت زمزم وقالت: خلاص تمام
إحسان بابتسامة: ثانيا وأهم حاجة،أنا اعتبرتك اختي،وارتحت اوي وانا بكلمك،عايزة اقلك حاجة
زمزم بابتسامة: قولي يا غالية
إحسان بهدوء: زمان اتمنيت اقول الكلام دا للبنت الي هعتبرها اختي وكل حاجة،صحيح البنات اعتبرهم اخواتي،لكن مكنتش قادرة اقولهن الكلام الي هقوله ليكِ…..
البيبي الي هييجي على خير إن شاء الله،بتمنى منك تخليه حافظ لكتاب الله،انا عارفة انها شغلة اكيد هتعمليها،لكن ممكن تتكاسلي،فأنا دي وصيتي لو حصلي حاجة،ولو محصلش انا بقا هشرف على حفظه للقرآن،وماما اعتبريها مامتك،خلي بالك منها لو حصلي حاجة،والبنات وصيتي،خلي بالك منهم،وخدي بإيدهم للجنة،قربيهم من ربنا اكثر وأكثر،هن بحاولن،كملي مهمتي….
زمزم بقلق: إحسان،حبيبتي،ليه بتقولي كدا
إحسان بابتسامة: زمزم،كلنا جنا…زات مؤجلة،لو مكنتش جنا…زة اليوم،هكون جنا…زة بكرة،محدش يعرف إيمتا أجله ييجي،بحبك في الله يا زمزم،انتبهي لنفسك،وادعيلي يا زمزم
زمزم بابتسامة وحنان: تحبك الجنة وخالقها وعباد خالقها،متقلقيش هعمل كل الي قلتيه،وهتكوني معايا إن شاء الله لما اولد،انتبهي لنفسك،دعواتي معك طول الوقت
ثم أغلقت معها،وقالت بدعاء ورجاء: يارب احفظها،يارب طمن قلب إحسان يارب
back….
زمزم في نفسها بحزن ووجع: ربنا يرحمك يا إحسان،كنتِ حاسة،ربنا يرحمك يا صاحبة عمري،يارب ألهمني الصبر وألهم والدتها واخوها الصبر والسلوان،برحمتك يا أرحم الراحمين
استيقظت من ذكرياتها،على صوت جنان وهي تقول بحزن: زمزم بكلمك
زمزم بانتباه وحزن: معاكِ يا جناني،مالك
جنان بحزن: بابا وحشني،إحسان كانت تقولي كل ما تفتكريه كلميني ونتكلم عمه وندعيله بالرحمة،وتكلمني بردو عن والدها،بس هي دلوقتي راحت،انا وحشتني إحسان ووحشني بابا يا زمزم،ثم بدأت بالبكاء
احتضنتها زمزم بألم،وقالت: مش هقولك متعيطيش يا جناني،لكن ايه رأيك لو صلينا ودعينا ربنا،وقرأنا على روحهم قرآن
جنان بدموع: هنرتاح كدا؟
زمزم بتأكيد وهي تمسح دموعها: عياطنا،وزعلنا،ووجعنا،كل دا هيقل،هنرتاح لما نروح لربنا وندعيه،ونقوله قد ايه احنا زعلانين على فراقهم،طبعا هو عارف قد ايه فراقهم صعب،لكن لما ندعيه وندعيلهم بالرحمة،ربناهيطمنا،ويصبرنا،ومتعرفيش،مش يمكن بسبب دعواتنا ليهم،ربنا يطمنهم وينور قب…رهم؟ ويكونوا من جنة الفردوس
جنان باطمئنان وأمل: بجد؟،طب انا رايحة اتوضا،واجي اصلي هنا معاكِ
ثم خرجت من الغرفة،وذهبت لغرفتها لتتوضأ،وتحضر إسدال الصلاة الخاص بها وسجادة صلاتها
نظرت لها آينور بحزن وابتسامة: هساعدك علشان تقدري تقومي تتوضي وتصلي،هترتاحي وربنا هيطمن قلبك
أغمضت زمزم عينيها بأمل،وحزن،ورجاء وتدعو الله في قلبها…
=====================================
في العزاء
عند النساء
سلام بحزن لخديجة وهي تحتضنها: ماما،قومي معانا صلي وادعي ربنا،قومي يا حبيبتي
أزهار بحزن وهي تمسك بيدها: كلام سلام صح يا حبيبتي
أمسكت قمر وشمس وساعدتاها في القيام،حتى تصلي،وأخذتاها لغرفة ابنتها حسب طلبها…
زنود بحزن: ربنا يصبر قلبها
إشراق بحزن: يارب
نهلة: يا بنات،مينفعش تسيبن والدتها كدا،ولا حتى تعيطن كدا،افضلن جنب والدتها،وصلن وادعن ليها بالرحمة،يلا يا حبيباتي
دخلت باقي الفتيات لغرفة إحسان….
عند الرجال
إيهاب بحزن وهمس لراجح: راجح،اتصرف مع شادي،وحاول تِهَدِّي شوية
اقترب راجح من شادي وقال وهو يربت على كتفه: ايه يا صاحبي،انت عارف اختك محتاجة دعواتك دلوقتي،قوم صلي وادعي ربنا،انا عارف قد ايه انت قوي ومؤمن بالله،وصبور
وكأن هذا الذي ينتظره شادي،نهض بسرعة وذهب لغرفة بسيطة متواجدة بالقرب من المنزل،لتنفيذ كلام راجح
محمود: روحوا وراه يا شباب،خليكوا قريبين منه
توجه الشباب حيث شادي،ولم يدخلوا له،بل وقفوا خارجا. قرروا البقاء بالقرب من الغرفة،والصلاة والدعاء بالصبر والرحمة لجميع المسلمين والمسلمات والمؤمنين والمؤمنات الأحياء منهم والأموات….
=====================================
لن يمنعك أحد من الحزن أو البكاء،ولكن اجعل حزنكَ وبكائك وأنت بالقرب من الله،وأنت تدعو وترجو الله،….واصبر صبرا جميلا….
====================================
مرت أيام العزاء،وعائلة المالكي والأحمدي وعائلات أصدقاء إحسان لم يفارقوا خديجة،أو شادي
كانوا بجانبهما،ويحثانهما على الاستعانة بالصبر والصلاة،والدعاء لإحسان….
وفي مساء اليوم الأخير من العزاء،وبعد رحيل المعزيين
اقتربت أزهار من خديجة وقبلت يدها ثم رأسها وقالت بابتسامة وحنان: عارفك قوية،وصبورة،إحسان إن شاء الله تكون بمكان أحسن،ادعيلها بالرحمة،واحنا كلنا جنبك،وبناتك،متنسيش الكلام دا
خديجة بصبر وابتسامة حزينة وهي تحتضنها: ربنا يرضى عنك وعن البنات،وأرد وقفتكن معايا بالأفراح
فعلت سلام مثل أزهار وقالت: انتِ أمنا التانية،وإحسان اختنا وجزء مننا
فعلت الفتيات كأزهار،وحاولت كل واحدة أن تطمئن قلب خديجة
إشراق بابتسامة: انتِ اختنا يا خديجة،وجزء من حياتنا،لو احتجتي أي حاجة احنا موجودات يا حبيبتي
ابتسمت خديجة بصبر،وحمد لله،وودعتهن….
عند الرجال،وبعد رحيل المعزيين
راجح بابتسامة هادئة وهو يربت على كتف شادي: احنا اخوة يا شادي،متنساش،وجزء من حياتنا،عارفك قوي،وصبور،استعين بالله،وادعيلها
شادي بابتسامة وصبر: تسلم يا غالي،اردلكم وقفتكوا معايا انا ووالدتي بالأفراح،ونعم بالله العلي العظيم
ودعه الجميع،دخل لوالدته وجدها تنظر لصورة إحسان فاقترب منها واحتضنها وقال: وكلي امرك لربنا يا أمي
أغمضت عينيها بحزن وقالت: ونعم بالله العلي العظيم،قلبي وجعني عليها يا شادي،كانت مع صحابها،ورجعت مفيهاش حاجة
شادي بصبر: قضاء وقدر يا أمي،كل نفسٍ ذائقة الموت،وكل نفس بتروح بكون أجلها،وبتكون استكملت رزقها بالدنيا،اصبري يا أمي وادعيلها…
=====================================
في منزل المالكي
وصل الجميع للمنزل ودخلوا للداخل
راتهم جنان وآينور، فركضت جنان إلى أزهار،احتضنتها أزهار وهي ترى دموعها وقالت بحنان: جناني بتعيط ليه؟
جنان بحزن: علشان إحسان،وعلشان بابا واحشني،وزمزم مش مبطلة عياط
ركض راجح إلى الأعلى،بينما قالت آينور: اطلعوا ارتاحوا،وانزلوا علشان العشا،ومحدش يقول لا،لأنه مينفعش الي بتعملوه دا،مرجان ورتيل يلا اسمعن الكلام ايه ناسيات الحمل؟
ابتسم الجميع وصعد كل واحد لغرفته،بينما اقتربت إشراق واحتضنت آينور وقالت: شكرا اوي،شكرت لوقفتك مع زمزم
زنود بابتسامة: حقيقي انتِ أخت عظيمة
آينور بابتسامة: زمزم بنتي،ايه الكلام دا،يلا اطلعن وهكون جهزت انا وجنان العشا
جنان: ايوا يلا اسمعن كلام ماما
ضحكت إشراق وزنود وصعدن لغرفهن،بينما ذهبت آينور لتحضير العشاء
===================≈================
في غرفة راجح وزمزم
دخل راجح الغرفة،فوجد زمزم نائمة وتحتضن صورة والدها،ابتسم بحزن واقترب منها،وجلس أمامها وقال: زمزم قلبي،اصحي يلا،…..زمزم
فتحت عينيها بكسل وحزن ثم قالت بصدمة عندما رأت راجح: راجح،انتوا رجعتوا
ساعدها في اعتدال جلستها فاحتضنته بسرعة وقالت بدموع: انا مش كويسة،انا موجوعة
احتضنها بحنان وربت على رأسها قائلا: حبيبتي عارفها قوية،والوجع دا هيقل لما تلجأ لربنا وتدعي لصاحبة عمرها بالرحمة،انا عارفك قوية وصبورة
نظرت له بدموع وتعب وقالت: عارف،شعور انك تكون معتاد على حد،وتصحى فجأة ومتلاقيش قدامك الشخص دا صعبة اوي،فراقها صعب،وجعت قلبي
مسح دموعها بحنان وقال: دا اختبار من ربنا لصبرك،ادعيلها تكونن بالجنة سوا،عارف قد ايه صعب لكن دا قضاء وقدر ولا ايه؟!
زمزم بحزن: صح،اللهم لا اعتراض على حكمك،يارب الصبر
راجح بهدوء: عارف انه الأيام الي عدت مكنتيش بتاكلي كويس،مش هعاتبك علشان عارف الي فيكِ،لكن دلوقتي مفيش الكلام دا،هتاكلي وتاخدي الفيتامينات وعلاجك بانتظام،مفهوم
زمزم بصدمة: دا أمر؟
راجح: ايوا،عندك مانع
ضحكت زمزم بهدوء وقالت: معنديش يا باشا
==================================≈==
في غرفة تامر ومرجان
تامر: مرجان انتِ كويسة؟
مرجان بحزن: ايوا متقلقش
تامر بحزن وهو يحتضنها: ربنا يرحمها،أنا عارف انها كانت قريبة منك،بس دا أجلها
مرجان بدموع: قلبي وجعني عليها،ربنا يرحمها
تامر بهدوء: توكلي على ربنا
=====================================
في غرفة رؤوف ورتيل
رتيل بتعب وصداع: رؤوف
رؤوف بقلق: مالك يا رتيل،حاسة بإيه
رتيل: صداع مش قادرة
رؤوف وهو يربت على كتفها بهدوء: معلش يا قلبي دا تعب بسيط بسبب انك مكنتيش تاكلي كويس،ودلوقتي انسي الزعل والعياط،وادعيلها،هي لو كانت موجودة مكنتش هترضى بتعبكم دا
أغمضت رتيل عينيها بحزن،تفكر برفيقة قلبها،فراقها صعبٌ،لكن عليها أن تصبر….
=====================================

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية زمزم قلبي)