رواية فعلتها لأجل أبي الفصل الأربعون 40 بقلم هدير عبدالعليم

رواية فعلتها لأجل أبي الفصل الأربعون 40 بقلم هدير عبدالعليم

رواية فعلتها لأجل أبي البارت الأربعون

رواية فعلتها لأجل أبي الجزء الأربعون

رواية فعلتها لأجل أبي الحلقة الأربعون

آلاء بتوتر : دنيا دنيا ..
دنيا بتقوم بسرعة و بخوف : آلاء فيه أيه ؟!
آلاء: اسفه إنى دخلت افتكرت محدش موجود..
المريضة بابتسامة: لا أنا خلصت و ماشية..
دنيا بدون فهم : فيه أيه مالك ؟! حساكِ متوترة؟!
آلاء: مش كده بس أنتِ عرفتى مين إللى جاي يكشف هنا؟!
دنيا: يكشف أيه ؟! أنا خلصت.. يلا يا بنتي أنا هنزل أشتري لبس لزين زي ما قولتلك ..
السكرتيرة بتدخل وهي بتقول : استنى يا فندم مينفعش تدخل على الدكتورة كده.
دنيا بتقوم بسرعة مع فتحه الباب : فيه أيه ؟!
السكرتيرة: هو مصمم يقابلك..
دنيا بصدمة عمرها وتوتر : أنت جاي هنا ليه ؟! أتفضل أمشي..
السكرتيرة: والله اتكلمت معه كتير ده جوز الحالة إللى كلمتك عليها و إنهم جايين من سفر ..
دنيا بعصبية : أتفضل أطلع من هنا, لو دفع الكشف يأخده, الحالة دي مش هقدر اعالجها بعد إذنكم يلا يا آلاء..
آلاء بقسوة : ناس معندهاش دم.
شهاب : مكنتش أعرف إنك الدكتورة غير لما جيت مكنتش متخيل ان الدنيا قصيرة أوي كده, نفس الشخص إللى كسرت قلبه هو إللى هقف قدامه علشان يساعدني فى محنتي ..
دنيا بعصبية: مش هساعدك, أنا ماشية.
شهاب بدموع : بالله عليكِ يا آلاء قوليلها تساعدني، كله بيشكر فيها سمعت إنها عملت دكتوراة برة فى العقم و..
آلاء بابتسامة: ياها بتفكرني بنفسي من سنين لما طلبت منك تساعدنا أنت رافضت وقتها قلبي وجعني وجع مش قادرة أنسى أنا كنت عاملة إزاى وقتها وأنا بطلب منك تكون سند لينا..
شهاب: …
دنيا : أنت إزاى فاكر إني هقدر أساعدك..
شهاب : أعمل أيه يرضيكِ..
دنيا بحزن : مفيش حاجة ترضي إنسان كسرت بخاطره, إنسان اتوجع من إنسان حبه.
شهاب: قلبك كبير..
دنيا بقسوة : كبير لناس صادقة ناس تستاهل نعيش معهم و نساعدهم.. بعصبية يلا يا آلاء مش عايزين تضيع وقت.
شهاب : اعملي أى حاجه انا راضي بس ساعديني ..
دنيا: يلا يا آلاء.
آلاء: ماما بتتصل .
دنيا بصدمة : ماله زين؟!
آلاء: بسيطة ان شاء الله..
دنيا بسرعة نزلت و ركبنا العربية
^ فى المستشفى ^
دنيا : فيه أيه ؟! أيه إللى حصل .
الدكتور : لا دا كسر بسيط متقلقيش .. شهر و هيفك الجبس..
عمر :يارب ..
آلاء: طب الحمد لله, تلفونك بيرن .
دنيا:اه.
عمر جاي بسرعة: فيه أيه ماله زين ؟!
آلاء: بسيطة الحمد لله .
عمر بدهشة : دنيا مالها متعصبة كده ليه؟ وبتكلم مين فى التلفون ؟؟
آلاء بتتوتر : دى بتكلم صحبتها .
عمر بيقرب منها : دنيا فيه أيه صوتك عالى جدا ؟!
دنيا بتوتر : ها؟! لا صوتي عادي, بترجع تتكلم فى الفون.. بقولك مش هكشف عليها اديها الكشف ..
عمر واقف
دنيا : بقولك اقفلي العيادة, يفضل مكانه هو حر اقفلي العيادة و أمشي.
عمر بزعل : صوتك عالى وطي صوتك.
آلاء جاية بتحاول تلطف الدنيا : فيه أيه, يا أبو زين كلم بابا ..
عمر : حاضر, بس خليها توطي صوتها .
آلاء: حاضر معلش هي بس قلقت على زين و جات و كان فيه ناس فى العيادة.
عمر بهدوء: خلاص اطمنت على زين, حابه ترجع تساعد المرضى فى العيادة تروح.
آلاء بسرعة : لا لا هي مش هتروح.
عمر بيروح عند بابا ..
آلاء: دنيا روحي اكشفي عليها وخلاص ..
دنيا:مش هروح.
ماما جاية : دنيا بقولك آلاء قالتلي ان شهاب فى العيادة, مش عارفة نتصرف إزاى؟ خائفة عمر يحس بحاجة , وفى نفس الوقت لازم تساعدي..
دنيا بعصبية : مش هروح, موضوع و انتهي.
ماما :لازم تروحي, اعملي الخير علشان ربنا مش علشان حد …
دنيا بدموع: أنتِ مش فاهمه يعني أيه إنسان اتاذي من حد كان بيحبه أكتر من نفسه!!!
ماما : سامحي يا بنتي..
دنيا : والله لو مش هيدخل الجنة بسببي مش هسامح ومش هيدخلها .. أنتِ عارفة يعنى أيه إنسان حبتيه و كسرك و وجعك..يارب لا نتجمع ولا اشوفه و لا أعرف عنه حاجة هو إللى فى حياته ده عدل من ربنا بسبب إللى عمله فيا, والله يارب مش شماته بس مبسوطة بعدلك.
ماما :…
دنيا : معلش يا ماما هو موضوع و إنتهى , مش عايزة عمر يعرف و لا يحس بحاجة لان وقتها الدنيا هتتقلب.
آلاء: أنا مع دنيا فى كلامها , يعالج مراته بعيد عننا.
ماما :مش قادرة تسامحي؟؟
دنيا بدموع : أسامح لو كأن كسر ضلع فيا لكن ده كسر قلبي والقلب المكسور بياخد عمر مع عمرنا علشان يتصلح, بياخد مننا وقت و تعب و ممكن نتخطي و ممكن لا, و لو نسينا هيفضل الأثر موجود مش بيتنسى , أنا نسيت شهاب و حياتي معه و ربنا عوضني خير بس دلوقتى قلبي وجعني أوي أفتكرت كل حاجة معه و أنا بطلب منه يقف جنبي فى وقت ضعفي .
ماما: طول ما صاحب العوض موجود متزعليش ربنا بيعوض بالاحسن .
آلاء بهدوء: وَلَا يَظْلِمُ رَبُّكَ أَحَدًا.. مفيش مظلوم بيتنسى ولا فيه ظالم بيكمل حياته فى سلام طول ما ربنا موجود محدش هيتظلم كل واحد هياخد حقه ..
عمر بضحك: كل العياط ده علشان زين؟! و بياخد دنيا فى حضنة بسيطة يا حبيبتي.
دنيا بحب : الحمد لله إِنَّ رَبِّي لَطِيفٌ لِّمَا يَشَاءُ ۚ إِنَّهُ هُوَ الْعَلِيمُ الْحَكِيمُ.
عمر بحب : أي يا زيزو …
ماما: هتيجوا عندنا أنا عملت الآكل..
عمر : فعلاً حماتي بتحبني لأني جعان جدا..والله مش هزعلك يا ماما هنيجي معاكم..
آلاء: و إحنا كمان هنيجي معاكم
^ فى بيت بابا^
آلاء: بابا بتبص كده ليه؟!
بابا بحب : مكنتش متخيل إنى عملت دوري على أكمل وجهه و ربنا كرمني فيكم و بارك فيكم .
ماما بحب : ديما كنت بتقول {وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا}ديما كنت بتخاف تعمل الحرام بتقول هيقعد فى عيالى ..
بابا بحب : ما هو فعلاً كان هيقعد ربنا مش بينسى, كنت ديما بحاول أصلح نفسي علشانهم , كنت ديما بحاول أعمل أي حاجة علشان تكونوا مبسوطين …
آلاء بحب : و إحنا لولا وجودكم معانا مكنش هنوصل, أنتوا النور إللى نور حياتنا..هو الأنسان عايز أيه غير ناس تحبه وتفهمه و أنتوا كنتوا كده .
دنيا بحب وحضن لبابا: بابا أنا بحبك أوي, دا بابا إللى حارب الناس كلها علشاني حبني و وثق فيا كأن مؤمن بيا وسط ما كأن العالم قاسي, بدموع أنا بحبه حب الدنيا كله و حقيقي مهما أعمل عمري ما هرد جزء من الحاجات إللى عملها علشاني , وماما ست أصيله علمتنا الصبر قدمت كل التنازلات علشان نعيش فى أمان, ديما تقولي الجواز فيه تنازلات لو مش هتقدري تتنازلي حياتك هتكون جحيم ..
مالك بدموع : بابا و ماما هم إللى وثقوا فيا لما الناس كلها شافتني فاشل كملوا الرحلة معايا كملوها بحب و هم شايفني أشطر و أنجح واحد فى العالم , رحلتي كملت لأنهم كانوا معايا ..
معاذ : أنا لولا وجودهم كنت واحد صايع مشيت مع أصحابي إللى كنت بشوفهم كويسين, و حقيقي شكراً ليكم.
بابا بيمسح دموعه و يفتح دراعه و كلهم بيحضنوه وأنا بحبكم جداا ربنا يديم لمتنا و يبارك فيكم

لقراءة باقي حلقات الرواية اضغط على : (رواية فعلتها لأجل أبي)