رواية رجل المافيا الفصل السادس 6 بقلم سلسبيل أحمد

رواية رجل المافيا الفصل السادس 6 بقلم سلسبيل أحمد

رواية رجل المافيا البارت السادس

رواية رجل المافيا الجزء السادس

رواية رجل المافيا الحلقة السادسة

= اه.. ده واضح انك فاكرني عبيطه؟؟ فاكرني هتدخل عليا كلمه بحبك الى قولتها!!!
“بصلي بعيون بريئة.. وكأنه فعلا بيتحول لشخص تاني”
خد نفس وبصلي وكأنه مهزوم قدامي: اه.. بحبك يا فريده..
بصتله بنفي: لاء مش حقيقي!!
– حقيقي.. انتي بس متعرفيش حاجه
= معرفش حاجه؟؟ معرفش ايه بالظبط عرفني! انت مين واية كل الى بتعمله ده عايش فالدنيا كأنها غابة ؟؟ و ليه حْطفتني!! و كنت عايز تـ.ـقتلني!! بعدين انقذتني من الراجل الي حْطفني بسببك !!! كله عك في عك
– مش لازم تفهمي كل حاجه
= مش انت كدا كدا عمرك ما هتخليني امشي !! خلاص يبقي عرفني! وفهمني!
– لا
= يعني ايه لا؟
– يعني انا مش عايز حد يعرفني ولا بثق في حد عشان احكيلة انا حر !
= انت فعلا مش طبيعي !!
قلب وشه عليا: انا لحد دلوقتي مقدر الى انتي فيه..
فا مش هعملك حاجه
ضحكت وبصتله: طب بص بقا واسمعني كويس طالما احنا مطولين سوا انت مريصْ يا مصطفي مستحيل تقدر تحب! وحتي لو حصل فا انا مش بحبك انا عمري ما هحب واحد زيك فاهم؟!! عمري! انا مش شبهك ولا عمري هقبل كل الى انت بتعمله ده! وانت متستاهلش اي غير حاجه القـ.ـتل
” رفع عيونه وبصلي بغضب كان قابض ايده وكأنه بيمنع نفسه انوه يفتتني ميت حتة… وكمان ماسك لسانه انوه يتكلم صْرب الكرسي بأيده ومشي من قدامي بمنتهي العصبية”
>>>>>>>>>>>>>>>>>>>>>>>>>>>>>>>>>>
بقلمي سلسبيل_أحمد
|| تاني يوم الصبح | في هنجر كبير بيكون موجود رجالة و سـ.ـلاح ||
– دياب باشا كل حاجه جهزت..
= تمام وعرفتوا مكانه فين؟
– عرفنا سيادتك.
= والبت معاه؟
– اه.
= و مستنين ايييه !!! يلا !
>>>>>>>>>>>>>>>>>>>>>>>>>>>>>>>>>>
|| في مديرية الأمن ||
– انا مش هيهدالي بال غير لما اللاقي ابن الجرْمه ده !!!
= اهدي يا سيف بيه.. الراجل ده بدأ يخاف وعشان كده عمل الحركه دي ! طول السنين الى بندور عليه فيها عمره ما بعت اي تهديد لأي ظابط!
– لكن فيه ظابط اتــ.ـقتل..! ودلوقتي باعتلي صورة لاختي فالمكان الى كانت فيه !
= احنا مش متأكدين لو له علاقة بالموضوع بس كل الشكوك ناحيتة حضرتك متقلقش القوة الى بتأمن بيت سعادتك مش هتتحرك من هناك
– قصره يا خالد… انا هبدأ اتعامل بطريقة تانيه خالص و عايز كذا حد معايا نشتغل على القصْية دي و لازم نلاقيه في اسرع وقت !
= حضرتك العيال الى اتمسكت محدش فيهم اتكلم!
زعق بعصبيه: لا يبقي هستجوبهم بنفسي بقا وانا هخليهم ينطفوا
>>>>>>>>>>>>>>>>>>>>>>>>>>>>>>>>>>
بقلمي Slsbell_Ahmed_سلسبيل_أحمد
” طلعت الاوضة صحيت زين ”
– زين قوم معايا قوم!
= فيه ايه يا فريده
– انا عاوزك تنزل معايا لحد تحت ومش عاوزك تتكلم خالص سامع؟؟
= حاضر يا فريده
” ختو من ايده ونزلت من ساعه ما صحيت وانا مراقبه الى بيحصل كلهم مشغولين معرفش في ايه!! بس أكيد خايفين من حد ومش فاضيين يركزوا معانا.. ولما نزلت امبارح بليل اقعد بره ركزت كويس في المداخل و المخارج بتاعت الفيلا و شوفت باب ورا.. هو ده الى هنخرج منه انا و زين! ”
“نزلت تحت اتفاجئت بـ محمد”
– صباح الخير.. خير محتاجين حاجه
= لا.. ده.. اها.. ايوه نزلت اشوف لو هنعمل فطار وكده
– احنا جبنا اكل في التلاجه جوه
ابتسمت: اه.. تمام
بص لزين ونزل لمستواه: ايه ياعم زين محدش سامع صوتك ليه؟
– هو انت مين؟!
= اعتبرني صاحبك يا معلم.. ولو عايز اي حاجه تعالي قولي ماشي
” ملس على دماغه وبعدين خرج وسابنا فضلت متبعاه بعيني و بعدين خرجت لكن لقيت بودي جارد ولو اتحركت ورا الفيلا هيشوفني مبقتش عارفه اعمل ايه!! ”
– فريده انا جعان!
= طب يا زين تعالي
” دخلنا المطبخ و قبل ما افتح التلاجه لقيت وراها باب! ده أكيد بيخرج على ضهر الفيلا!!!! بصيت حواليا بتوتر وحاولت ازقها! ”
– زين حاول تزق معايا!
” فضلنا نحرك فيها وسمعنا صوت بره”
– شششش اصبر متتحركش
” الصوت اختفي فا كملنا زق فيها لحد ما حركنا نصها من قدام الباب ولكن كانت حتة كافيه نعدي منها بس جيت افتحه لاقيتة مقفول بمفتاح !!! ”
” صْربت التلاجه بعصبية وانا على اخري !! لحد ما سمعت صوت مصطفي بيزعق بره خرجت اشوف فيه ايه لاقيتة بيزعق مع البودي جارد الى واقف قدام باب الفيلا علطول و بعدين خده معاه شديت زين بسرعه وخرجت وفضلت اجري في طريقي للباب الى ورا بما انه محدش شايفني..! ”
– فريده مش قادر براحه
= ششش اسكت تعالي
” شلته وكملت بيه لحد ما خرجت بره خالص.. وفضلت اجري !! ”
>>>>>>>>>>>>>>>>>>>>>>>>>>>>>>>>>>>
” في المخزن مصطفي لم الرجالة ”
– اي حد يقرب من البوابة يمو..ت فاهمين !!!! كل واحد يقف فالمكان الى قولتله عليه ميتحركش منه مهما حصل !!! خدوا الاسـ.ـلحه و اتحركوا يلا !!!
” بدؤا يخرجوا و مصطفي كان متعصب جدا ”
محمد: اهدي يا مصطفي!!
– بقولك جي على هنا !!! عرف مكانا وجي يا محمد الواد الى انا زارعه هناك قالي !!!
= طب متقلقش هنخلص عليهم
– محمد انا عايزك تاخد فريده و زين حالا و تخرجوا
= نعم؟؟ انا مستحيل اسيبك !!
بنرفزه: اعمل الى بقولك عليه !!!
= خلي اي جارد يبعدهم عن هنا !! انا مش همشي واسيبك !!
مصطفي مسكه: افهم! انا مش هطمن عليهم مع حد غيرك!!
محمد بصله بصمت فا مصطفي رفع حاجبه: مفيش وقت يا محمد!! يلا!!
>>>>>>>>>>>>>>>>>>>>>>>>>>>>>>>>
بقلمي Salspil_A_Mahmoud
|| في مديرية الأمن | غرفة الاستجواب ||
” كان قاعد سيف بمنتهي الهدوء المرعب وباصص للواد الى قاعد قدامه ”
– انا شغلي هنا.. مش استجواب عارف ده معناه ايه يا مرزوق ؟
” بصله بخوف وسكت فا سيف كمل ”
– معناه إنك ضايقتهم اوي.. مش عايز تتكلم ايه؟ مش انت المفروض الريس بتاع العيال الى مسكناهم! كلهم قالوا انهم شغالين عندك و ده معناه إن انت الى بتقابل الراس الكبيرة الى هو مين!
= معرفوش يا باشا!!! صدقني انا قولت اني معرفوش فالتحقيق مع الـ
قاطعه بزعيق مرعب: ولااااا !!! اسمع بقا !! انا غير الى دخلوا ليك دول خالص !!
الى انت مرضتش تنطق معاهم !!! فا جبوني انا ليك.. انت لو متكلمتش دلوقتي و ادتني كل المعلومات عن الى مشغلك انت مش هيجي في خيالك الى ممكن اعمله فيك!!!!.. هـ.ـقطعك حتت !!!
بعياط: ياباشا ابوس ايدك انا مقدرش اتكلم !!!
سيف بصله بعدم فهم: يعني ايه !!!
– هيـ.ـقتلني و هـ.ـيقتل عيلتي كلها !!! ونبي يا باشا لو عايز تحبسني احبسني اعمل فيا الى انت عايزه بس انا مش هقولك اي حاجه عنه
” سيف اتعرض لصدمه من الى شايفه!! و من الخوف الرهيب الى الواد فيه!!! ودي حاجه خلته متعصب اكتر ومش مطمن!! ”
>>>>>>>>>>>>>>>>>>>>>>>>>>>>>>>>>>
” نفسي اتقــ.ـطع من كتر الجري و زين تعب جدا كل الى حواليا كان فراغ وقفت على جمب لحد ما جت عربية نص نقل و كنت مرعوبة تطلع تبع مصطفي شاورت لها و كان راجل كبير ”
– انتوا اي الى جايبكم هنا يابنتي !!
” اتنفست بهدوء ”
= تايهين!
” ركبنا معاه وانا مش مصدقه ايدي وكل جسمي بيترعش مش مصدقه اني خلصت من كل ده!!! فضلت حاضنه زين و صْربات قلبي عالية ”
” فضل ماشي بينا لحد ما طلعنا على الطريق العمومي و اتفاجئت بـ لجنة ”
– ايه ده ؟؟ ايه اللجنة دي
= هيفتشوا الحمولة الى على العربية وخلاص
” وفعلا الظابط وقفه وبصلنا بشك.. فضلت افكر انزل واقولهم كل حاجه !! واطلب منهم يتصرفوا.. لأني معرفش هعمل ايه بعد كده!! ولكن مقدرتش!! معرفش ليه!! الظابط رجع للسواق البطاقة و الرخص و بدأ يتحرك وانا جوايا حاجه بتجبرني اسكت !!! مع اني عايزه اتكلم !!! عايزه افضحه !! ”
” لكن للأسف انا مقدرتش.. ”
>>>>>>>>>>>>>>>>>>>>>>>>>>>>>>>>>
صلي على محمد.
|| في الصحراوي في الفيلا الى فيها مصطفي ||
– مصطفي اللحق!!
= فيه ايه ؟؟
– انا مش لاقيهم !!
= انت بتقول ايه !!! يعني ايه ؟؟
– مش لاقيها في الفيلا كلها ولا هي ولا زين !
واحد من الرجالة جري عليهم: يا عتال !!! احنا شايفين العربيات جاية !!
بزعيق: كله يقف مكانه و عاوزكم تخلصوا عليهم مفهوم !!!!!!
” العربيات مجرد ما قربت الصْرب اشتغل عليهم من كل حاجه و كله كان بيها..جم حتي محمد و مصطفي لكن كل شوية بيتفاجئوا بعربيات داخله عليهم كأنهم مش بيخلصوا !!! ”
” محمد بدأ يزعق ويبص على مصطفي ”
– الدْخيره هتخلص مننا !!!
” مصطفي مكنش عارف يتصرف.. كان حاسس انها مش هتعدي على خير وان طالما دياب هارون عايز يعمل حاجه يبقي هيعملها !! ”
>>>>>>>>>>>>>>>>>>>>>>>>>>>>>>>>>>
” روحت على البيت بعد مشوار طول !! عمري ما تصورت اني هقدر ارجع الحارة تاني !! كنت ماشية تعبانه ومش قادره فا قعدت على اول كرسي في اول محل فالحارة لحد ما ناصر شافنا ”
– انا مش مصدق عنيا !!!!! فريده !! زين !!
جري على زين حضنه: انت كويس ؟؟ انتوا كويسين !
” مكنتش قادره اتكلم فا هزيت راسي وبعدين قومت عشان نروح البيت لكني كنت هقع ”
– بس بس براحه!! انتوا حصلكم ايه بالظبط ؟؟ كنتوا فين يا فريده !!
= انا مش قادره اتكلم في اي حاجه !!
– طب تعالي اروحك
= انا هروح لوحدي
– ماشي.. اسندها يا زين!!
بصلي قبل ما نمشي: انا هاجي اطمن عليكم!!
” روحنا البيت وقبل ما ادخل الشقة لقيت ساميه خارجه من بيتها ”
– يوه !! فريده !!! الف بركه انك رجعتي يختي قلبي كان واكلني عليكي والله و عماله اقول لـ
قاطعتها: بس اخرسي !!! يا واطيه !! بترمي اخويا لناصر !!! فعلا مش بيطمر فيكي !!
” دخلت وسبتها وقفلت الباب قعدت الكرسي و فضلت اعيط لقيت زين جاي بيحضني ”
– بس يا فريده متعيطش!!! وبعدين انا كويس اهو زعلانه ليه؟ ورجعنا بيتنا
= احنا لازم نمشي من هنا زين.. الناس الوحشه الى كنا عندهم اكيد هيجوا ورانا!!
– خلاص يا فريده ماشي.. بس بطلي عياط!
حضنته وانا ببتسم: انت راجل يا زين.. راجل
” قعدنا نرتاح شوية و زين نزل واشتري لنا اكل وبعدها فضلنا نحضر في حاجتنا لميت كل حاجتنا عشان نمشي من هنا! لأن أكيد مصطفي هيوصلي.. الباب خبط وكنت حاسه أنوه ناصر روحت افتح وكان ناصر فعلا لكني اتفاجئت بظابط معاه! ”
بصتلهم بتوتر: خير هو.. فيه ايه؟؟
ناصر: اصل.. انا عملت محصْرين.. انك مفقوده وبعد كدا ان زين مفقود..! ولازم نروح القسم عشان يقفلوا المحصْر و بالذات المحصْر التاني عشان الناس الى اتهـ.ـجمت علينا فا كده في شبه جـ.ـنائية…
“اتنهدت بهدوء.. وبصتلهم بقلق”
– انا مش هينفع اسيب زين
الظابط: حضرتك لازم المحصْر يتقفل حالا.
– ينفع اخده معايا
= اتفضلوا..
” قفلت الباب و نزلت انا و زين فعلا.. روحنا القسم و الظابط بدأ ياخد اقوالي ”
– زي ما قولت لحضرتك انا معرفش مين الى عملوا كده
بصلي بشك: استاذة فريده حضرتك مش متعاونه معانا!
= انا قولت لسيادتك كل الى اعرفه
– لا مش حقيقي متغيبه كل الفترة دي؟؟ ومتعرفيش اي معلومة تساعدنا ؟؟
= حضرتك ناصر قالي انكم فرغتوا الكاميرات! مفروض تكونوا وصلتوا ليهم
– بالفعل التحقيقات شغاله! لكن بتاخد وقت وانتي دلوقتي الى في ايدنا!
= انا قولت كل الى اعرفه!
– استاذة فريده لو سمحتي.. ياريت تكوني صريحه معايا مسمعتيش اي اسم ؟؟ اي كلمه!! اي حاجه!
” اتنهدت وبصتله وانا عماله افرك في ايدي بتوتر وهو باصصلي بتركيز مقلق..!”
>>>>>>>>>>>>>>>>>>>>>>>>>>>>>>>>

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية رجل المافيا)