رواية انت مرادي الفصل الثاني والثلاثون 32 بقلم يارا ابراهيم

رواية انت مرادي الفصل الثاني والثلاثون 32 بقلم يارا ابراهيم

رواية انت مرادي البارت الثاني والثلاثون

رواية انت مرادي الجزء الثاني والثلاثون

رواية انت مرادي الحلقة الثانية والثلاثون

كانوا واقفين قدام بابا العمليات بقلق علي يارا وكان واقف مراد بيأنب نفسه علي اللي حصل ونرجع…..
flash back.
بعد ما قالت يارا كلامها لهنا حست فجأة بدوخه ووقعه وراسها بدأت تنزف خرج مراد علي الصوت العالي علشان يشوف حبيبته مرميه علي الارض والدم تحتها شالها بسرعه وراحوا المستشفى ومن وقتها وهي في العمليات…
Back.
خرجت الدكتورة فجري الكل عليها وسألها مراد……..
مراد:/مراتي كويسة.
الدكتورة:/مدام يارا الحمدلله كويسة الوقعة مش أثرت علي البيبي بس هي هتفضل هنا تحت الملاحظة علشان ولادتها قربت وفي اي وقت هنلاقيها بتولد.
مراد:/طيب ينفع ندخلها دلوقتي.
الدكتورة:/يُفضل شخص واحد بس دلوقتي لحد ما حالتها تستقر.
مشيت الدكتورة ودخل مراد لي يارا، علشان يشوفها نايمة علي السرير بوش شاحب اتنهد وقعد جنبها،دخل باقي العيلة وقعدوا حوليها بدأت يارا تفوق فضلوا يتكلموا معاها علشان يخرجوها من المود فقالت هنا….
هنا:/ماتخافيش الولاده مش صعبه ولا حاجه أساليني أنا مجربه.
صدمه علي وش الكل، بصولها وهما بيبرقوا حتي مراد وبعدين قال بسخرية……
مراد:/اه فعلا سهل جدا لدرجه فرجتي علينا لندن بحالها.
هنا بإبتسامه:/كدابين مش تصدقيهم.
فقالت يارا بضحك:/ليه عملتي اي.
فقال مراد:/قوللها عملتي اي وفضحتينا وسط الأجانب ازاي.
هنا بتوتر:/ههههه يعني شويه تعب بس.
نجلاء:/ايوا ايوا شويه تعب صح يا عمر شوف مراتك بتقول اي.
يارا بفضول:/قولولي اي اللي حصل.
فقالت ياسمين بضحك:/هنا كانت مسخره بجد اسمعي ياستي انا هقولك.
Flash back.
في لندن وبالتحديد في فيلا عمر كانوا نايمين بعد ما هنا اقنعت عمر يقعدوا في لندن علشان تكون بجنب يارا، صحيت هنا من نومها حاسه بوجع فصحت عمر وهي بتقول……
هنا:/عمر…. عمرررر.
عمر:/امممم.
هنا:/اممممم اي قوم أنا بولد.
عمر:/نامي يا حبيبتي قالت بتولدي كل مره تقولي كده نروح المستشفى يطلع وجع عادي.
هنا:/لا المره دي ولادة بجد قوم منك لله اهههه.
عمر:/اي ده شكلها ولاده بجد طب طب اعمل اي.
هنا بعصبيه:/لا لا مش طالبه غباء دلوقتي وديني المستشفى هموت اهههه.
عمر قام بسرعه ورن علي نجلاء اللى ردت بعد مده فقال…….
عمر:/الو يا طنط.
نجلاء:/في اي يا عمر بترن في الوقت ده ليه.
عمر:/هنا بتولد.
نجلاء:/عمر أحنا روحنا المستشفى 6 مرات الشهر ده وكل مره بيطلع ماشي حاجه.
فجأة عمر لقي هنا بترمي الفاظه عليه وهي بتقول بصعوبه…..
هنا:/اخلص بمووووت.
عمر:/يا طنط شكلها ولاده بجد والله دي اتحولت.
نجلاء:/لبسها الاسدال وأنا هصحي عمك ومراد علشان ييجي علشان فهد وياسمين بعيد مش هيلحقوا يجوا.
عمر:/حاضر حاضر.
راح عمر يلبس هنا وهي عماله تضرب فيه فقال عمر…..
عمر:/اله هو انا عملتلك اي ليه الضرب ده.
هنا بصويت:/أنت السبب أنت السببببب.
عمر:/هو انا كنت ضربتك علي ايدك كله بمزاجك.
هنا بصويت اعلي:/طلقنييييي… طلقني مش طايقه اشوفك منك لله.
عمر:/اولدي بس وبعدين نتفاهم.
شالها عمر ونزل بيها كان وصل مراد ومعاه نجلاء وخالد فقال مراد بشماته….
مراد:/عامله اي هنا عساكي طيبه يارب.
هنا:/حوشوه عني عفاريت الدنيا بتتنطت في وشيييي.
نجلاء:/ابعد عنها يا مراد مش وقته.
ركبوا وساق مراد وقعد عمر جنب هنا ونجلاء وخالد في العربيه اللي وراهم، كانت قاعده هنا بتموت من الوجع بقالت بصويت………..
هنا:/انجزواااا همووووت ياللي منكم لله.. منك لله يا عمر مش مسامحاك اههههه لا لا مش قادره هات ايدك.
عمر بخوف:/ايدي ليه.
هنا بصويت:/انجزززز.
عمر بخوف:/حاضر اهدي.. خدي.
عضت هنا ايد عمر جامد فقال بوجع…..
عمر:/اه يا عضاضه…. انجز ياعم هتاكلني.
مراد بضحك لاول مره من زمان:/هههههههه عشت وشوفتك كده يا هنا ياهههه بجد.
عضت هنا ايد عمر اجمد فقال عمر بزعيق……..
عمر:/اخرس بتحط عليا أناا.
مره بضحك:/هههههههه احسن 😂.
بعد شويه وصلوا المستشفى ونزل مراد ونزلوا وساعدوا هنا تطلع وحطوها علي الترولي ودخلت العمليات فقالت هنا……….
هنا:/ولدوني طبيعي مش عايزه افتح بطني.
نجلاء:/اهدي والدكتور اللي هيحدد.
ايجي الدكتور وقالته هنا أنا عايزة اولد طبيعي فقال…
الدكتور:/حسنا ولكن يجب عليكي الإنتظار حتي نفعل ما تريدين.
سابهم الدكتور وطلع وفضلت هنا تتوجع، وصلت بقيت العيله فهد وياسمين وغيث وعامر وفضلوا كلهم مع هنا اللي عماله تصوت دخلت الممرضه علي يمضوا عليها قبل الولاده، وقفت الممرضه وهي بتظبت هدومها وبتبص لعمر بإعجاب واضح اتعصبت هنا ورات برجليها وضربها، وقعت الممرضه في الارض قومتها نجلاء وياسمين اللي عمالين يضحكوا وقالت هنا بالمصري من بين وجعها…..
هنا:/بقي أنا عايزه تخطفي جوزي يا صفرة يا مصديه يلا الكلب مايرضاش يبصلك.
الممرضه مش فهمت وطلعت والكل عمال يضحك وبعدين بصت لعمر وقالت…..
هنا:/وانت عاجباك يا حبيبي اخطبهالك.
عمر:/اله أنا عملت اي بس.
هنا:/هتعمل اي اكتر من اللي عملته اههههه نادوا دكتور البهايم ده يتصرفت هموت يا ناس ياهوا الحقوني.
فضل الكل يضحك مش قادرين، ايجي الدكتور وقال…
الدكتور:/هل تتألمين أم ماذا.
هنا:/لا لا خالص أنا بجرب احبالي الصوتيه بس… شيلوا العجل ده من وشي اهههههه ولدوني اي حاجه بس انجزواا.
خرج الدكتور بسرعه وهو خايف والكل عمال يضحك فقال مراد وهو لسه بيضحك……
مراد:/ههههه صحيح والله ربنا منتقم جبار ههههه 😂.
هنا:/مراااااد.
مراد بضحك:/نعم هههههههه 😂.
هنا:/هوريك اصبر بس.
مراد:/ياختي شوفي نفسك الاول انتي قادره تتحركي.
هنا بصويت للمره المليون:/براااااا طلعوا المستفز ده برا.
مراد بضحك:/هههههههه بتقولي حاجه 😂.
هنا:/براااااا.
خرج مراد علشان امه قالته يشوف دكتور تاني وهنا قالت بضيق…….
هنا:/لا لا شوفوا حل يا تولدوني يا تسقطوني انما ماتسوبونيش كداااااااا.
خالد بضحك حاول يكتمه:/اهدي يابنتي هتولدي بإذن الله على خير.
هنا:/خيررر مين والناس نايمين انجزوااا.
فضلت هنا علي الحال ده هي تصوت وهما يضحكوا لحد ما جه الدكتور وولدت هنا إبنها حمزة علي خير.
back.
ولاول مره من شهور تضحك يارا بالطريقة دي كان مراد باصص ليها وهو سرحان في ضحكتها كلهم لحظوا نظراته وقرروا يطلعوا ويديوهم فرصه يصلحوا اللي حصل وقف مراد وراح قعد قدام يارا وهو بيمسك ايديها وبيقول……….
مراد:/أحنا زعلنا بما فيه الكفاية وإحنا الاتنين غلطنا ودلوقتي في بيبي في الطريق ولازم نصفي كل حاجه حصلت علشان مافيش حاجه تدخل بينا تاني.
بدأ مراد يفهم يارا أنه ماتجوزش نهي اصلا بس كان عايز يشوف هي ليه بتعمل كده وناوية علي اي وفي نفس الوقت كان عايز يندم ريماس ويينتقم منها علي اللي عملته………..
سكتت يارا وحضنت مراد وهي بتقول وأنا كمان غلطانه وبدأت تفهمه ليه كذبت عليه وانها كانت عايزة تحمي ابنها، بادلها مراد الحضن وهو بيقول………
مراد:/وحشني حضنك اوي ووحشني كلامك الحلو اوي.
يارا بعياط:/وانت كمان والله.
مراد:/اله بتعيطي ليه دلوقتي.
يارا:/الفرحه…….. بحبك… بحبك أوي يا مراد.
مراد:/وأنا بعشقك يا قلب وعمر مراد.
فجأة اتفتح الباب ودخلوا الكل وهما بيسقفوا جامد وهنا بتقول………
هنا:/العصافير الحلوين أحنا دخلنا اتلموا.
مراد برق لهنا اللي قالت…..
هنا:/هه لو عايزين نفضي المستشفى بحالها ماعنديش مانع.
يارا بضحك:/هههههه لا لا كده حلو.
هنا:/بتضحكي وجوزك بيبرقلي.
مراد وهو بيبرق تاني
هنا:/أنا مش عارفه مين اللي بيعصبك بس طب ده حتي هنكون نسايب.
مراد بعدم فهم:/نسايب…؟!… معلش فهمي علي كده قولتي اي.
هنا وهي كاتمه الضحكه:/نسايب سلامة السمع يا جوز اختي 😂.
قال حمزة اللي واقف جنب أمه….
حمزة:/هتثمي المزة اي يا حمايا.
مراد:/هتثمي؟ لا بجد ما شاء الله وحمايا لا بجد ما شاء الله… أبنك مستقبله باهر يا عمر.
عمر بضحك:/أومال عيب عليك مش ابن هنا.
مراد:/هههههههه مش عارف والله أنا مستغرب ليه ماهي جيبنات.
هنا:/تقصد اي بكلامك ده ها.
مراد:/اللي علي راسه بطحه بقي.
هنا:/وحيات امك.
مراد بعصبية:/قولتي اي عيدي كلامك تاني.
هنا استخبت ورا عمر اللي قال…..
عمر:/أعمل فيكي اي قوليلي بتعملي المصيبه وتجري تستخبي.
مراد:/عمررر لمي مراتك أحسن اوريها وشي التاني.
هنا من ورا عمر:/ليه كلب عنده سبع وشوش.
مراد برق وعينه احمرت وقام فقالت هنا وهي الدموع في عنيها……..
هنا:/أنا بسأل والله مش بشتم…. يا عمر.
عمر:/عمر اي اسكتي خالص ده هياكلنا.
كان لسه هيزعق بس صرخت يارا بوجع……….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية انت مرادي)