رواية انت مرادي الفصل الحادي والثلاثون 31 بقلم يارا ابراهيم

رواية انت مرادي الفصل الحادي والثلاثون 31 بقلم يارا ابراهيم

رواية انت مرادي البارت الحادي والثلاثون

رواية انت مرادي الجزء الحادي والثلاثون

رواية انت مرادي الحلقة الحادية والثلاثون

قال مراد بعصبية:/ايههههه حاااامل.
بص مراد علي يارا اللي كانت لسه نايمة وقال في نفسه……
مراد لنفسه:/أهدي يا مراد وفكر بعقل علشان لو خسرتها المره دي هتكون خسرتها طول العمر.
قاطع سرحانه كلام الدكتوره وهي بتمد ايديها بالروشته……
الدكتوره:/دي شوية فيتامينات علشان تقويها.
هنا فاقت يارا وهي بتقول……
يارا:/مراد….!
مراد:/تمام شكرا يا دكتوره…. نعم.
يارا بإستغراب:/الدكتوره قالتلك إية.
مراد بجمود:/كلامنا في البيت مش هنا.
مراد قرب منها وشالها و طلع مراد قدام الكل فضلوا يسألوا فيه ويتكلموا وهو ماردش عليهم وقال…………
مراد:/القصر كبير وفيه أوض هتنورونا.
قال مراد كلامه ومشي ركب العربية وساق………
طول الطريق كان مراد ساكت تمام يارا أتأكدت انه عرف بس… ساكت ليه مش كلمها ليه هي مستغربه بس عارفه انه أكيد هياخد موقف منها……….
بعد شويه وصل مراد ونزل وراح فتح الباب وشال يارا وهو داخل قال للحرس….
مراد:/لما الضيوف توصل مش تدخلهم علطول استني شويه لحد ما اقولك.
الحرس:/حاضر يا باشا.
دخل مراد القصر وحط يارا علي الكنه وجاب كرسي وقعد قدامها وهو بيقول بجمود…….
مراد:/سامعك.
يارا بنفس الجمود:/عايز تسمع إيه بالظبط.
مراد بنفاذ صبر:/ياااارا أنتي عارفه لما بتعصب بعمل ايه خلصيني و قولي حامل إزاي.
يارا خافت من نبرة صوته بس اتشجعت وقالت
يارا:/فاكر لما الدكتوره قالت اني فقدت الجنين.
مراد بتذكر وشك:/اههه.
يارا بتوتر:/احم.. هو يعني.
مراد بعصبية:/يلااااا.
يارا:/خلاص هقول اله….. يعني هو كانت بتضحك عليك وانا اللي قلتلها تعمل كده.
مراد بدأت عيونه تحمر وعروقه برزت فقالت يارا بخوف مش قدرت تخبيه……….
يارا:/استهد بالله والله الدنيا مش مستاهلة.
مراد بجمود:/امشي من قدامي بسرعه.
يارا:/في ايه بس.
مراد بزعيق هز القصر لدرجه الحرس خافوا…
مراد:/اطلعيي فوق بسررررعة.
يارا فعلا عملت زي ما قال و طلعت فوق بسرعة وهي خايفة بس مش منه عليه، طلعت وانهارت من العياط هي عارفه انها غلطانه بس دي كانت الطريقة الوحيدة علشان تحمي طفلها من العقارب ريماس ونهي، بدأت يارا تسمع صوت تكسير جامد اترعش جسمها بشدة، اخدت الفون بتاعها ورنت علي عمر……….
******************
عند العيلة كان عمر سايق العربية وجنبه فهد واللى مشيوا بسرعه أو ما مراد مشي علشان يلحقوه قبل ما يعمل حاجه يندم عليها، استغربوا كلهم رن يارا بس قال عمر لفهد………
عمر:/فهد افتح انت علشان انا اخد بالي من الطريق وافتح مكبر الصوت علشان كلنا نسمع.
بالفعل فتح فهد وانصدموا لما يارا كانت قاعده تعيط جامد افتكروا انه مراد عملها حاجه بس يارا قالت……..
يارا:/عمر تعالي بسرعه علشان مراد هايج ومش شايف قدامه من العصبية وعمال يكسر في البيت وممكن يأذي نفسه.
رد عمر بسرعه:/ماتقلقيش يا يارا أحنا خلاص علي وصول.
*****************
في القصر عند يارا بعد ما قفلت مع عمر ، فضلت تعيط بس بعد شوية لاقت مافيش صوت تماما خافت يارا يكون مراد حصله حاجه وبدون تفكير منها نزلت بسرعه واتصدمت لما لاقت القصر متبهدل وكل حاجه متكسره، ماهتمتش وكملت نزول بس فجأة إزازه دخلت في رجليها وكانت هتقع علي الازاز بس فجأة لقت حد شايلها بسرعه، بتبص لقيته مراد شافت في عنيه خوفه ولهفته عليها بس دراهم فجأة وقال ببرود عكس النار اللي جواه………….
مراد:/اي اللي نزلك هو انا مش قلت خليكي فوق.
يارا:/لما الصوت سكت فجأة خفت يكون حصلك حاجه فنزلت بسرعه.
مراد:/لو كان يهمك أمري فعلاً ماكنتيش عملتي فيا كده وانتي عارفه انه من اول يوم جواز وانا مستني اليوم اللي تيجي تقوليلي انا حامل بس عارفه انا كنت بتمني ان الطفل يطلع شبهك مش شبهي بس انتي في الاخر كسرتيني.
ماردتش يارا بعد مراد عن مكان الإزاز ونزل يارا اللي اول ما رجليها لمست الارض صرخت بوجع استغرب مراد وقال بخوف…….
مراد:/في اي.
يارا بعياط:/الإزاز دخل في رجلي.
شال مراد يارا وحطها علي الكنبة وعقملها الجرح وبعدين قام علشان يمشي مسكت يارا إيده وهي بتقول بدموع……….
يارا:/مراد أنا آسفة.
مراد غمض عينه وسكت وبعدين لف وسحب ايده وقال بجمود……..
مراد:/ياريت تهتمي بأكلك والڤيتامينات اللي الدكتورة قالت عليها علشان انا ماعنديش استعداد اخسر ابني.
قال كده وبعدين مشي وفضلت يارا تعيط لحد ما نامت………
تحت عند العيلة كان الحرس مش راضيين يدخلوا حد غير لما مراد يأذن لهم بده فبدأ عمر وفهد يتعصبوا ولسه هيضربوا الحرس طلع مراد وقال………
مراد:/ادخلوا.
بصوا الكل لمراد بإستغراب وهما بيدوروا علي يارا بعنيهم سابهم مراد ودخل وهما دخلوا وراه واتصدموا لما لقوا كل حاجه متكسرة هنا قاطعة هنا السكوت وقالت بحدة………..
هنا بحدة:/فين يارا.
لف مراد وبصلها ببرود فقالت هنا…….
هنا بعصبية:/قسما بالله لو كنت لمست شعره منها لهعمل تصرف عمرك ما شفته.
مراد ببرود:/عمر خلي مراتك تسكت أحسنلها علشان هي مش قدي وعلشان مش ترجع تزعل مني يا صاحبي.
قال عمر بنفس برود مراد…….
عمر:/مراتي ماحدش يقدر يمسها ده أولا…. ثانيا بقي هي ماكفرتش لما كانت عايزة تحمي ابنها.
هنا مراد زعق بصوت عالي جدا خلي يارا تترعب منه…..
مراد:/أنا مايخصنيش هي كانت عايزة تعمل اي ولو كانت جت قالتلي كنت هعرف احميها هي وابني كويس أنا مراد الألفي واظن مافيش حد مايعرفش مين هو مراد الالفي ولحد هنا الكلام خلص وياريت علشان نفضل حبايب ماحدش يدخل بيني وبين مراتي…. واه طبعاً انتم علي عيني وراسي و القصر فيه اوض كتير اختاروا اللي يعجبكم.
قال مراد كلامه ومشي من القصر خالص طلعوا البنات يطمنوا علي يارا لقوها نايمة وأثار الدموع علي وشها روقوا البنات الأوضة ودخلت ليلي جهزت الحمام علشان يخلوها تاخد شاور يريح اعصابها………..
مر شهور علي الوضع ده مراد مش بيكلم يارا وكل واحد فيهم بينام في اوضه لوحده وكمان بيحرص انه مش يشوفها بس طبعا كان بيسأل عليها البنات ويحرص انها تاكل كويس وفي يوم نزلت يارا وبطنها كبيرة فقامت هنا تسندها وقالت……
هنا:/اي بس اللي نزلك وانتي تعبانة قلتلك اطلبي اي حاجه وهتجيلك لحد عندك بصت يارا لمراد اللي كان قاعد وسامع وهو ساكت فقالت يارا……..
يارا:/مراد ممكن اتكلم معاك لو سمحت.
كان مراد مشتاق يسمع صوتها ويتأمل ملامحها، رفع راسه وكان لسه هيرفض شاف نظرات الضعف في عنيها فقال بجمود…….
مراد:/تعالي نتكلم في اوضة المكتب.
فرحة يارا جدا وانه اخيرا هتقدر تتكلم معاه كانت يارا ماشيه بصعوبة لانه رجليها وارمة وهي مش قالت لحد فقالت هنا…….
هنا بإستغراب:/مالك يا يارا ماشية كده ليه.
لف مراد لي يارا بإستغراب وهو مستنيها تجاوب فقالت يارا بتوتر………..
يارا:/لا مافيش بس بطني كبرت وتقلت ومش عارفه امشي.
قرب مراد من يارا وبعدين راح شالها فرحت يارا جدا باللي عمله وانه لسه زي ماهو بيخاف عليها مش زي ما كان مبين ليها انه خلاص مابقاش يحبها، راحوا اوضه المكتب وحط مراد يارا علي الكنبة وبعدين وقف قدامها فقالت………….
يارا:/بجد شكرا انك وافقت تسمعني.
مراد بجمود:/أنا وافقت علشان مش احرجك قدامهم ولانه كنتي في يوم من الايام مراتي وام ابني.
يارا بعدم فهم:/كنت مراتك قصدك اي.
مراد:/قصدي اننا هنطلق يا يارا.
يارا بعدم إستيعاب:/نطلق بالسهولة دي كده.
مراد:/أنا ماقدرش اقعد معاكي ولا اآمن علي ابني معاكي بعد اللي حصل.
يارا بدموع وصدمة:/لا لا أنت مستحيل تكون مراد حبيبي اللي حبيته أنا مش شايفه غير واحد مقرف قدامي ياخسارة الحب اللي اديتهولك.
مراد لف وشه الناحية التانية فقامت يارا بصعوبة وكان لسه هيقرب منها بس زقته وقالت بحدة…….
يارا:/ماتقربش مني انت خلاص فقدت الحق انك تقرب مني او تكلمني حتي وبالنسبة للطلاق فأنا مش هستني لما أولد وهكلم المحامي دلوقتي.. ولو مفكر انك تقدر تاخد ابني مني ف ده لمؤاخذه في المشمش ومتنساش انا مين انا كنت ساكته وبقول لنفسي معلش معاه حق يزعل بس انت زودتها اوي وأنا ماتخلقش لسه اللي يكسرني أنت فاهم.
كان مراد باصص ليها وساكت ومصدوم من رد فعلها تحاملت يارا علي نفسها وطلعت من الأوضه شافتها هنا جريت تسندها فقالت يارا بجمود…..
يارا:/رني علي المحامي خليه يجهز أوراق الطلاق واعملي حسابك بعد ما اولد هنرجع لندن تاني.
هنا:/طلاق اي وهبل اي انتي بتقولي اي.
يارا:/انا قلت اللي عندي وده اخر كلام.
هنا:/بس يا يارا.
يارا:/مافيش بس نفذي.
قالت يارا كلامها وراحت علشان تطلع اوضتها بس فجأة وقعت ووووو.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية انت مرادي)