رواية ازيز الماضي الفصل السابع 7 بقلم اسماعيل موسى

رواية ازيز الماضي الفصل السابع 7 بقلم اسماعيل موسى

رواية ازيز الماضي البارت السابع

رواية ازيز الماضي الجزء السابع

رواية ازيز الماضي الحلقة السابعة

عندما وصلت هند استقبلتها بطريقه جيده، لست جلاد ولا رغبه لى فى ارعابها الذى يربطنى بها علاقة عمل هات وخد وليس لدى نوايا أخرى.
تشربى ايه؟
بعد افتضاض الصمت سمعت شاى
جبت الشاى وقعدنا
__همست هند، هو ينفع اجيلك شقتك وسط النهار؟ مش خايف
_اه ينفع متقلقيش انا عايش لوحدى، وبعدين يابت متستهبليش، اسف لسانى طويل شويه
انت إلى زرعت الكاميرا فى شقة عماد؟
عماد اخوكى؟
اه
ايوه انا، دا يزعلك فى حاجه هما الأخوات بيعملو حاجه غلط مع بعض؟
احمر وجه هند، انت عارف ان عماد مش اخويا
اه عارف زى ما انا عارف انك لما اتصلتى بتليفون مراتى مكنتيش طالبه دكتور نسا وتوليد
اسمعى يا انسه هند، انا استاذ فى اللف والدوران لكن مش بحب اللف والدوران
عندك ميت سبب يخليكى متثقيش فيا، وعندى فلاشه ترغمك تثقى فيا
انتى مضطره وانا بترك ليكى الفكرة إلى تريح ضميرك
__سيجاره؟
لا مش بدخن
عماد كان عايز مراتى ليه؟
اسمع يا استاذ والله انا مظلومه فى موضوع مراتك ده
هو الى طلب منى اعمل كده
وانتى اى حد يقولك اعملى حاجه تعمليها؟
يا استاذ كبر دماغك، هو كان هيتواصل معاها عن طريقى او عن طريق غيرى
وعماد كان عايز مراتى ليه؟
سحبت هند سيجاره، ولعلى……
سحبت هند سحبه متمرسه من لفافة التبغ
المفروض تكلم صاحب الشأن فى ده يا استاذ انا معرفش
او اسأل مراتك إلى واضح انها مش هنا ولا انتى من الرجاله اياهم؟
تقصدى الرجاله الطيبين إلى مش بيقدر يحكمو على ستاتهم؟
__ابتسمت هند وهمست، اه
اه انا واحد من المغفلين الذين يعلون شأن الحب فوق اى شبهه
هتدينى الفلاشه؟
بالطبع هديكى الفلاشه انا مش شاب مراهق هتفرج على فيديوهاتك القذره
ليه معجبتك… ش
هند متحاوليش تبانى قذره لانك قذره
هتدينى الفلاشه؟ قالت هند مره اخرى وهى تقرب وجهها من وجهى
___ايوه
مروه حب قديم، وعماد كل شويه بيفتش فى دفاترة القديمه
لحد ما يقع على صيد واقع فى شبكه يستغلة
معنى كلامك ان مروه مكلمتهوش؟
ابتسمت هند، يا راجل؟ يعنى انت نسخت مفتاح واقتحمت شقه وزرعت كاميرا وانت متأكد ان مراتك بريئه؟
وضحى كلامك يا هند وقتى قليل ودماغى مش هتفضل مظبوطة كتير كده
لازم تعرف انى معرفش كل حاجه ومفيش حد يعرف كل حاجه لكن إلى اعرفه انه حاول يكلمها من تليفونه برقمه القديم ومراتك اكيد رفضت
بعدها استغل رقم تليفونى وممكن يكون ردت عليه
يعنى انتى مش متأكده؟
هو انت ليه مسألتش مراتك وخلصت نفسك من كل ده؟
__انتى فاكره انى محاولتش يا هند؟
انا عندى وجهة نظر استاذ سامح، طالما عماد استخدمنى للاتصال بمراتك يبقى أكيد مراتك متجاوبتش معاه والا اكيد يعنى مكنش هيكلمها وانت فى البيت فاهمنى؟
لو فيه تواصل كانو هيتفقو على موعد ومكان انت ملكش وجود فيه
ممكن اعرف حب قديم يعنى ايه؟
ايام الجامعه يا استاذ سامح هو فيه حاجه بتجيب المصايب غير الجامعه!
إلى اعرفه ان عماد تقدم لمراتك من زمان واترفض
مدت هند يدها نحوى وابتسمت ابتسامه سذجه
أخرجت من جيب بنطالى الفلاشه ووضعتها فى يدها
نهضت هند وبشك همست بسهوله كده؟
انت اكيد معاك نسخه تانيه؟
انا اديتك كلمتى انسه هند واخدت إلى انا عايزه ومش معايا نسخه تانيه
يعنى اقدر امشى؟
طبعا اتفضلى باب الشقه مفتوح
انت، انت انت ليه بتعمل كده؟ انت متأكد من الى بتقوله هتسبنى امشى كده؟
نهضت انا الآخر سلمت على هند وعلى وجهى ابتسامه
تقدرى تمشى انسه هند واوعدك مش هعترض طريقك تانى
بارتباك وشك غادرت هند الشقه وصكت الباب خلفها
واستدارت أكثر من مره على السلم تتأكد اننى لا اتعبها

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ازيز الماضي)