رواية عشق سام الفصل الثاني 2 بقلم سولييه نصار

رواية عشق سام الفصل الثاني 2 بقلم سولييه نصار

رواية عشق سام البارت الثاني

رواية عشق سام الجزء الثاني

رواية عشق سام الحلقة الثانية

فضل يبصلي لثواني كده وكأني مجنو.نة….بعدين ضحك وهو بيقول:
-انتي بتقولي ايه ؟!!
هزيت كتفي وانا بكرر ؛
-بقولك أنا بحبك وعايزة اتجوزك …ايه الغريب في ده …
ضحك تاني وحك رأسه وقال :
-مبحبش حقيقي الهزار ده يا آنسة بسمة ….ياريت تقولي ايه مشكـ.لتك وتمشي …أنا مش فاضي والله …
قربت منه فبعد قربت اكتر وانا بقول :
-ليه مش قادر تفهم …انت هي مشكلتي …أنا مش قادرة ابطل افكر فيك يا أحمد….أنا مش قادرة اشوف غيرك …بقولك بحبك …بحبك…
-اطلعي برا ….يالا برا …
-أنت ليه مش عايز تديني فرصة …
-يا بنتي فرصة ايه الله يخربيتك ..انتي لسه صغيرة وانا بعدين متجوز وبمو.ت في مراتي ومكتفي بيها …ومش عايز حد غيرها !!!
-بس مراتك مبتخلفش …عقيمة …لكن انا اقدر اخلف واجبلك الابن اللي نفسك فيه …اتجوزني وانا اجبلك الابن اللي انت عايزه …
قدرت اعرف المعلومة دي من السكرتيرة بتاعته لي العيادة
-لا انتي شكلك بنت هـ.بلة وأمك عارفة …اطلعي برا عيادتي يالا ….
وبعدين مسكني وهو بيطردني برا اوضة الكشف …..
وبعدين قال للسكرتيرة بتاعته اني مدخلش العيادة تاني
….
كنت ماشية في الشارع وانا حاسة اني متضايقة …ازاي ير.فضني بالشكل ده ..أنا افتكرت اني لما اعرض عليه اني اتجوزه كده هيوافق علطول لكن هو رفضني من غير تردد …أنا مش قادرة اصدق …ومش قادرة اتقبل رفضه…كنت زي المجنو.نة …كنت مهو.وسة بيه …لو مكنتش اتجوزته كنت همو.ت فعليا عشان كده قررت أعمل اللي في دماغي ….أنا مستحيل استسلم …
…
مرت الايام وانا بخطط عشان أحصل عليه …كنت ببعتله رسايل حب على الواتس وكان بيعملي بلوك …كنت ببعتله صوري …كلام غزل …حتى اني اترجيته يتجوزني …واخر ما زهق غير الخط بتاعه …يأسي منه كان كبير بس كان عندي آمل بسيط …هو أكيد مال ليا …لو مكانش بيحبني فعلا كان قال لمامتي علي كل اللي بعمله …لكن هو اختار ميتكلمش …يبقي أكيد بيحبني …أكيد فيه أمل !…
….
عشان كده في يوم قررت اخد آخر خطوة خطيرة …كنت عارفة ان الدنيا هتتقلب عليا بس مكانش هاممني….
……
-أنتي….انتي بتعملي ايه هنا !!!
قالها احمد بصدمة وهو بيشوفني قدامه …ابتسمت ليه وقولت :
-جاية اشوفك …
-انتي عبيطة صح …امشي …يالا غوري من هنا …
قالها ولسه هيقفل في وشي مدت ايدي على الباب ومنعته …
-حبيبي مين ؟!
قالتها وسام وهي بتطلع….استنيت اشوف الست اللي اخدت قلب حبيبي …هي كانت جميلة في الصور ….بس في الحقيقة كانت اجمل بكتير ….شعرها بني وطويل وعينيها بني غامق…عندها غمازات…ووشها دائري…كانت احلى حتى مني أنا …اتغاظت وانا ببص عليها وقولت ؛
-انا.اسمي بسمة وجاية عايزة استاذنك اني اتجوز جوزك …أنا بحبه وعايزة اتجوزه!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق سام)