رواية عشق سام الفصل الثامن 8 بقلم سولييه نصار

رواية عشق سام الفصل الثامن 8 بقلم سولييه نصار

رواية عشق سام البارت الثامن

رواية عشق سام الجزء الثامن

رواية عشق سام الحلقة الثامنة

كنت قاعدة قدام الدكتورة النفسية بتاعتي وانا بعيط وبقول :
-كان نفسي يحبني زي ما بيحبها …كان نفسي أي حد يحبني …أنا حتى بابا محبنيش خالص…ابويا حتى مفكرش يسأل فيا خالص …. كان ليه عيلته وانا. ..أنا مش موجودة حتى لما لقيت حبي الحقيقي واللي هو احمد محبنيش ولا حتى كان بيبص في وشي …أول يوم شوفته قلبي دق جامد اووي …حسيت اني طايرة بس هو مبصليش حتى …هو كان بيحب مراته لدرجة انه مبصش في وشي كأني مش موجودة …كنت شايفة مراته في حياته …كانت مالية حياته ….صورها على مكتبه….علي تليفونه …..هي معاه حتى وهي مش موجودة….أنا كان نفسي اتحب بالطريقة دي…عشان كده حبيت احمد …حبيته اووي …
فضلت اعيط والدكتورة كانت صبورة معايا ..افتكر انها فضلت تتكلم معايا كتير وحسيت بعد كلامها اني ارتاحت شوية …
……
مرت الايام والشهور ووسام وأحمد تكفلوا بطفل صغير كان لسه عنده تلات شهور تقريبا …اهلوا اتو.فوا في حادثة ومكانش ليه حد غيرهم …حبيته وسام من المرة الاولى …كانت فرحانة بيه…أول مرة تشيله فضلت تعيط كتير …كانت حاسة انه حلم بيتحقق اشتاقت من زمان انها تشيل طفل …انها تحضنه ….كانت بتحب الاطفال لدرجة انها كانت بتساعد أي حد من القرايب لما يخلف…ومحدش ابدا فكر يمنع اطفالهم عنها وأخيرا بقا معها طفل …..أما أنا فكنت بكمل علاجي النفسي…صحيح حياتي متغيرتش كتير …بابا لسه بعيد ولو اتحسن شوية …بس اكتشفت ان فيه حد بيحبني …بيحبني اووي كمان بكل حالاتي وهي امي اللي وقفت معايا في كل خطوة …وعرفت اني محبوبة منها وده كفاية …وان عشقي لأحمد كان عشق سا.م اذاظني واذاه واذ.ي وسام
…….
-اخبار مروان ايه؟!
قالتها وسام بإبتسامة وهي بتشيل مروان من على حجر اختها بعد ما خلص رضاعة …..
-لا ده لذيذ خالص ..رضع ونام …خسا.رة يا واد يا مروان كنت عايزة اجوزك اسما بس بقيت اخوها في الرضاعة خلاص …
ضحكت وسام وهي بتبوس مروان اللي نايم وحطته على السرير فقامت مريم وقالت :
-انا همشي بقا …
-ايه ده…يا بنتي بحضر العشا….
-ما أنا اتغديت معاكم هي حكاية…استغلي الفرصة واقعدي مع جوزك المسكين شوية …وبعدين أنا يا حبيبتي هودي اسما لحماتي عشان اطلع أنا وكريم شوية …
-ماشي يا عم يا بختك …
قالتها وسام وهي بتضحك فسلمت عليها مريم ومشيت.
…..
كان أحمد قاعد وهو بيتفرج على التلفزيون قربت وسام منه وحضنته وهي بتقول:
-شكرا على كل حاجة …
باس راسها وقال:
-احنا عنينا ليكي يا ست البنات ♥️
ابتسمت وغمضت عينيها وهي بتحضنه جامد ….هي مش هتلاقي حد يحبها اكتر منه ♥️
تمت

لقراءة باقي حلقات الرواية اضغط على : (رواية عشق سام)