رواية النصيب الفصل التاسع والعشرون 29 بقلم رحاب القاضي

رواية النصيب الفصل التاسع والعشرون 29 بقلم رحاب القاضي

رواية النصيب البارت التاسع والعشرون

رواية النصيب الجزء التاسع والعشرون

رواية النصيب الحلقة التاسعة والعشرون

قلبي المسكينُ محكومٌ عليه، لا بالأشغالِ الشاقّة، ولكنْ بالأماني الشاقّة!
-الرافعيّ.
_بعد ما ملك قالت لشهد ان أسر تحت عايزها، مسكت شهد موبيلها وشالت رقم أسر من البلوك ورنت عليه وهو رد علي طول وقال….
أسر
انزلي عايزك..
شهد بقلق
مش نازله قول عايز ايه هنا وخلصني..
أسر بخبث
مش انتي عايزه تطلقي انا هطلقك يا شهد تعالي بس هنقعد في عربيتي شويه نتكلم ونتفق هنعمل ايه وبعدين كل حاجه هتنتهي زي ما انتي عايزه..
شهد بقلق
مم ماشي دقيقه و نازله..
_قفلت معاه وحطت موبيلها علي الشااحن ونزلت لقيت ابوها قااعد جوه المحل وبيشرب في الشيشه بتاعته وأسر في عربيته، وأول ما شافها صابر قالها..
صابر
خدي هنا يا بت انتي الاول..
قربت منه شهد وقالت
نعم؟
صابر بنبره غاضبه وصوت واطي
ورحمة ابويا وامي يا شهد لو اطلقتي تاني لاسففك تراب الارض، اسمعي كلام جوزك وراضيه عشان انتي لحد النهارده ما شوفتيش الوش التاني بتاعي وانتي ما تعرفيش انا ممكن اعمل فيكي وفي امك واخواتك ايه..
_اتملت عيونها دموع وبصتله بحزن وكسره حقيقيه ورااحت ركبت العربيه جنب أسر وقالتله بجمود..
شهد
خير عايز تتكلم في ايه؟
_طلع أسر موبيله ووراها صورتها وهي قاعده مع ادهم في المطعم وقال ببرود..
أسر
ايه ده يا محترمه؟
شهد بصتله بخوف حاولت تداريه وردت عليه وقالت
اياً كان ايه بس هي حاجه ما تخصكش..
أسر بغضب
هنشووف يا شهد..
_وقفل الموبيل وحطه قداامه علي تابلوه العربيه وبسرعه كبيره اتحرك بالعربيه من قداام بيتهم ومشي، وهي بصتله بخوف وقالتله..
شهد
انت بتعمل ايه نزلني يا أسر انت واخدني فين؟
_ما ردش عليها أسر وهي حاولت تفتح الباب بس كان قافل الباب عليها وسايق العربيه من غير ما يديها اي اهتمام..
شهد بعصبيه
انت ايه اللي بتعمله ده، احترم رغبتي يا شيخ بقي انا ما بقيتش طيقااك ولا عايزه اكون معاك..
_اول ما خلصت كلامها كان موقف هو العربيه ونزل بايده علي وشها بكل قوته لدرجة ان راسها في شبااك العربيه، وحطت ايدها علي وشها وبصتله بصدمه ودموع وهو مسكها من شعرها وقال بحده..
أسر
اقسم بالله اللي عدي كله كوم واللي جااي كوم تاني يا شهد، واوعي تفكري انك هتبعدي عني تاني حتي لحظه واحده وابوكي انا قولتله اني هاخدك وهديكي علقه معتبره عشان تتلمي عارفه قالي ايه، قالي اعمل فيها ما بدالك بس ما ترجعهاش ليا تاني، فمن النهارده مالكيش مكان غير معايا انا بالطريقه اللي تيجي علي مزاجي غصب عنك، ومش عايز اسمع صوتك لحد ما نوصل البيت فاهمه..
_ما ردتش عليها وغصب عنها فضلت تعيط وهو ساب شعرها ورجع سااق العربيه ورااح لبيت الفيومي وهنااك اول ما وصل بصلها بغضب وقال..
أسر
انزلي يلااا..
بصتله بعيون حمرا من كتر البكاء وقالت
لو هي جوه ما تخلنيش اقعد معاها في بيت واحد..
أسر بحده
انا اللي اقرر انتي هتقعدي فين وانتي تقولي حاضر وبس برضاكي عشان ما يبقاش غصب عن اهلك، اتنيلي انزلي يلا….
ـ قال كلامه ونزل فتحلها باب العربيه وهي نزلت من العربيه ومسك ايدها وكانو داخلين البيت بس وقف الحارس بتاع البيت وقال.
الحارس
بعد اذنك يا باشا كنت عايز حضرتك في كلمتين مهمين.
بصلها أسر بجمود وقال
اطلعي فوووق وانا شويه وجااااي..
سمعت كلامه ودخلت البيت وهو قال للحارس
في ايه؟
الحارس
معلش بس حضرتك انا والشباب كنا قلقانين يعني بعد ما فؤااد بيه مشي من هنا ومن الشركه احنا وضعنا ايه وهنقبض ازاي وهتشتغل ازاي وهناخد تعليمات من مين؟
أسر
الشغل هيبقي معايا انا وقبضكم ماشي زي ما هو، وبعدين ما انا كنت بحتاجكم في حاجات تانيه غير شغل فؤاد وانتو كنتو بتسدو معايا يعني بينا شغل قبل كده ايه اللي مخوفكم..
الحارس
العفو يا باشا احنا بس بنطمن وتحت امرك في اي حاجه طبعاً..
_وفي الوقت ده جوه البيت طلعت شهد فوق وكانت رايحه اوضتها بس فجأه طلعت في وشها نتالي من الاوضه اللي جنب اوضتها، وبصتلها من فوق لتحت بغيظ وقالت..
نتالي
انتي تاني انا بجد. مش فاهمه انتي كرامتك دي لقياها فين، ما قدامك اختار حياتي انا مقابل حياتك انتي..
_جات شهد تسيبها وتمشي بس وقفت نتالي قدامها وشاورت علي خدها اللي كان لونه احمر من ضـ *رب اسر ليها وقالت بشماته..
نتالي
هو مد ايده عليكي، تعرفي انه عمره ما عملها معايا بس عشان هو بيحبني وانا غاليه اوي بالنسباله انما انتي رخيـ صه اووي عنده وانتي اللي عامله في نفسك كده، وحاجه تانيه الاوضه دي قريب اووي هتبقي اوضتي لما انا واسر نتجوز، انا كنت قااعده فيها معاه بس هو من شويه قالي اقعد في اوضه تانيه، هو أسر طول عمره طيب وما بيحبش يجرح حد ومش عايزك تعرفي اللي كان بيحصل بينا وانتي مس موجوده..
شهد بحده
اوعي يا بت انتي من قدااامي بدل ما اجيبك من شعرك انا عفريت الدنيا بتتنطط قدامي دلوقتي..
نتالي
ياريت تعمليها عشان أسر يرميكي بره وارتاح منك..
شهد بخبث
لا لا هو مش هيعمل كده في مراااته هاا مراااته ياللي ما حدش عارفلك مله انتي ولا حتي ايه اللي مقعدك في بيتي مع جوزي من غير اي حاجه تربطكم ببعض، وعلي فكره أسر جابني هنا غصب عني عشااان مش قادر علي بعدي عنه وقريب اووي انتي اللي هتترمي بره البيت ده وهتشوفي يا صفراا، اوعي كده من وشي..
_قالت شهد كلامها وزقتها جااامد من قداامها ودخلت وقفلت الباب في وشها، ونتالي بصتلها بصدمه لانها من اول ما شافتها وهي واخده عنها فكره انها بريئه وهاديه وما توقعتش منها الشراسه دي…
_واول ما دخلت شهد اوضتها راحت وقفت قداام المرايا وبصت لوشها اللي كان احمر جدا وفي أسر ورم عليه بسبب عنـ ف أسر معاها، وفضلت تعيط بحزن وقعدت علي الكنبه اللي قدام. التلفزيون، ودخل هو بعد شويه وبصلها بحده وقال..
أسر
ايه اللي انتي قولتيه لنتالي ده، انا قولتلك اني هرميها في الشارع واسيبها؟!
_بصتله بطرف عينها بسخريه وما ردتش عليه، فأتنهد هو بضيق وراح قعد جنبيها وقال بجمود.
أسر
كنتي بتعملي ايه مع دكتور زفت ده لوحدكم؟..
ما ردتش عليه برضو وهو قال بحده
انا بكلمك ردي عليا..
شهد ببرود
ما عنديش حاجه اقولها واللي عايز تعمله اعمله…
أسر بعصبيه
بلاش ام الطريقه دي معايا، زعلانه اوي اني مديت ايدي عليكي وانتي مستنيه مني ايه بعد ما اشوفك قااعده مع الزفت ده؟
بصتله بدموع وقالت
يا سلام علي اساس ان نتالي اللي قااعده معاك هنا لوحدكم دي بنت اختك؟!…
أسر
افهمي يا غبيه نتالي مالهاااش غيري ما ينفعش اسيبها وهي مالهاااش حد ولا تعرف اصلا تعيش لوحدها دي بقالها سنين كانت محبوسه يعني حياتنا دي بالنسبالها حاجه جديده وغريبه هي مش فاهمه فيها حاجه..
شهد بحده
خلاص خليك معاها وسيبني انا في حالي..
أسر
ما اقدرش اسيبك.
شهد
ولو هي قالتلك انها مش عايزاااني هنا او خيارتك بيني وبينها وقتها هتعمل ايه؟
أسر
لو ما قبلتش وجودك معايا براحتها تمشي وهفضل اسااعدها لحد ما تتعود علي العيشه لوحدها..
شهد
طيب تمام اوووي كده انا اهو بقولك انا مش عايزه اكمل ونتالي في حياتك سيبني بقي براااحتي.
أسر
مستحيل عشان هي لو سابتني عادي انما انتي انا ما اقدرش اعيش من غيرك، انتي مراتي وحبيبتي وانا حبيت نفسي وحياتي بيكي انتي مش هينفع اسيبك..
شهد بدموع
قصدك انت امتلكتني حابب تكسرني وتزلني، انت واحد مريض وانا كرهتك وبقيت مش طيقاااك ووجودي معاك هنا غصب عني وهيفضل غصب عني وحتي لو سيبتها وخليتها تمشي انا مش عايزااااك.
أسر بنبره غاضبه
هعتبر نفسي ما سمعتش حاجه، وقومي غيري هدومك ونااامي..
شهد بحده
مالكش دعوه بيا انا هباات هنا..
قرب منها أسر وقال بخبث
هنا فين هو انا ما وحشتكيش ولا ايه ما تبقيش رخمه..
قامت بسرعه من جنبيه وبعدت عنه وقالت بنبره غاضبه
والله العظيم لو قربت مني لاموت نفسي، انا مش طيقاااك ومش بقول كده عشان استفزك انا حقيقي ما بقتش حتي طايقه ابص في وشك…
غمض عيونه واتنهد بغضب وقال
طيب اللي قولته يتنفذ يا شهد وما تخافيش مش هقرب غصب عنك بس نامي جوه..
شهد بحده
انا هنام هنا قولتلك..
أسر بعصبيه
هو اي عِند معايا وخلاص، وانتي عارفه ان نومك هنا بيعصبني من زمان..
شهد
انا هنام هنا برضو..
اسر بغيظ
مااشي انا هتصرف.
_وطلع موبيله وكلم الحارس وقاله
ايوه يا ابني هات حد معاك وتعالو فووق في كنبه هنا مديقااني خدوها نزلوها ارموها في اي خرابه..
بصتله شهد بغيظ وهو قرب منها وقال بخبث
ما البعيده لو بتحس ما كانتش تبعد عن حضني النهارده..
شهد ببرود
ما فيش احلي من نومة الارض وانا في بيت ابويا كنت متعوده عليها، عندك المخده احضنها ولا اقولك الصفرا بتاعتك في الاوضه جنبنا روحلها ومش هزعل ما بقتش تفرق معايا..
_قبل ما يرد عليها خبطت صباح الشغاله علي الباب وقالت بهدوء..
صباح
يا أسر بيه احمد وعلاء وجايين ياخدو الكنبه اللي عند حضرتك..
أسر
ادخلي جوه يا شهد..
شهد بغيظ
قولهم يسيبوها..
أسر بخبث
هتسمعي كلامي ولا؟..
شهد
انا ما بيتلويش دراعي اعمل اللي انت عايزه عادي
أسر
براحتك والكنبه هتنزل تحت دلوقتي، ادخلي جوه يلا..
_دخلت شهد وهي مدايقه وفعلة الحرااس اخدو الكنبه ونزلو، واول ما طلعو رجعت هي وفرشت لحااف علي الارض مكان الكنبه ونامت وقالت ببرود..
شهد
اقفل النور لو سمحت..
أسر بغيظ
دمااغك جزمه اقسم بالله، بس لو علي العِند فأنا استاذ فيه برضو..
_وقلع جاكيت بدلته والجزمه بتاعته وقفل النور ونام جنبيها بسرعه وخدها في حضنه، وهي اتصدمت من اللي عمله وقالتله بتوتر وخجل..
شهد
انت بتعمل ايه قووم يا أسر..
أسر
ما اتخلقتش لسه اللي تمشي كلامها علي أسر الفيومي..
وقرب منها وباسها علي خدها الاحمر وقال بهدوء
انا اسف ما كنتش اتمني اني اعمل كده في يوم من الاياام، بس وقت ما بغير عليكي ما بحسش في نفسي..
اتملت عيونها دموع وحزن وهو قال
ما خلاص قولت انا أسف بقي، المهم انتي ايه اللي خلاكي تقابليه يا شهد وبصراحه؟
_خافت شهد تقوله ان رحمه اللي رتبت للقاء بتاعها مع ادهم يزعل منها وما يخليهاش تكلمها تاني. فردت عليه وقالت بتوتر..
شهد
هو طلب يشوفني ﻋشان حاجه مهمه واول ما شوفته قالي انه احمم يعني عايز يتجوزني بتد ما اطلق منك وكده..
أسر بنبره غاضبه
اممم طيب اقفلي الموضوع ونامي.
شهد
ابعد عني عشان اعرف انااام..
أسر قربها ليه اكتر وقال بتملك
مستحيل ابعد عنك اتعودي علي قربي منك يا شهد عشان انا عمري ما هبعد عنك….
_حاولت شهد تبعده عنه بس ما قدرتش واستسلمت في الاخر ونامت جنبيه علي الارض…
ــــــــــ #بقلم_الكاتبه_رحاب_القاضي ــــــــ
_وتاني يوم الصبح في بيت محمد كان قااعد بيفطر هو وولاده ونعمه قااعده مدايقه فبصلها محمد بحزن وقال..
محمد
افطري يا نعمه..
نعمه
وهو مين ليه نفس بس ياااكل يا محمد..
ساب محمد الاكل فقالت هي بسرعه
والله مش قصدي والله يا محمد كمل اكلك يا اخويا وانا هعملك الشاي بسرعه..
_وقامت بسرعه ودخلت المطبخ عشاان تعمل الشاي وفضلت تعيط بصوت واطي، فدخل عندها محمد وقال..
محمد
يعني هو انا مش عارفك يا نعمه، بتعيطي ليه دلوقتي يعني هو انا غلطااان اني قولتلك
نعمه
ما كانتش حاجه هتستخبي اصلا يا محمد، تعرف اللي مزعلني ان انا السبب في اللي بيحصل ده كله..
محمد
وانتي مالك انتي، انا وانتي كنا بره الموضوع ده من البدايه
نعمه
بس انا اللي قولت من الاول ان اخوك يتجوز اختي، كان لساااني يتشل اختي كانت هتقعد لحد ما يجيلها نصيبها وامك كانت جوزت اخوك اللي علي مزاجها بدل خربان البيوت ده..
محمد
نسمه كان ليها نصيب مع سعيد بيكي من غيرك كان هيحصل احنا يدوب بنيجي اسباب انما النصيب هو اللي بيغلب في الاخر، وبعدين خلاص اهو كل واحد فيهم هيروح لحاله
نعمه
بس نسمه لسه متعشمه انه يرجعلها، ومستنيااه يروح يصالحها تقوم تتفاجئ انه طلقها غيابي وطفش ما حدش يعرف هو فين؟
محمد
يوووه بقي يا نعمه والله انا فيا اللي مكفيني من ناحيه هم اخويا اللي ساب كل اللي حيلته هنا ومشي بالهدمه اللي عليه، ومن ناحيه تانيه امي اللي مرميه في السجن حتي لو كانت غلطانه دي امي ورميتها كده بتقطع قلبي عليها وما فيش في ايدي حاجه اعملها ده كله بقي غير كلام الناااس ولسانهم اللي مش هنخلص منه…
نعمه
هو يعني لوحدك اللي في الهم ده ما احنا في الهوا سوا..
محمد
يبقي خلاص نهونا تلي بعضنا يا نعمه وعلي اهلك واختك بلاش المناحه دي عادي ما حصلش حاجه الطلاق موجود في الدنيا كلها ونسمه ربنا هيعوضها باللي احسن منه ان شاء الله، وسعيد ربنا يهديه علي حاله واتمني يرجع في يوم وهو قد المسؤليه وراااجل بجد يا ما يرجعش عشااان لا يتعب نفسه ولا يتعبنا معاه..
ــــــــــ #بقلم_الكاتبه_رحاب_القاضي ــــــــ
_وفي بيت الفيومي صحيت شهد علي صوت حركه حواليها، بصت جنبيها لمصدر الصوت لقيت أسر بيقفل في اللابتوب بتاعه ولما شافها صحيت ابتسم وقال..
أسر
ضهري اتكسر من نومة الارض بسببك وانتي سبتيني وجيتي نمتي لوحدك علي السرير يا سوسة، طيب صحيني انااام جنبك..
شهد بضيق
قولتلك مش عايزه انام جنبك، المهم انت رايح فين؟
أسر
الشركه اصل بقيت بشتغل وهتحمل المسؤليه مكان ابويا الله يرحمه..
شهد
حاجه ما تخصنيش، انا عايزه موبيلي والحاجات بتاعتي اللي في بيت اهلي عشان المذااكره والامتحانات قربت..
أسر بجديه
بصي انا مش مهم عندي تكملي تعليمك، ولو علي موبيلك انا برضو مش عايزك تمسكي موبيلك عندك التلفون الارضي بتاع البيت عشان لو حبيتي تكلميني..
شهد بحده
ايه اللي انت بتقوله ده، لو سمحت يا أسر هاتلي موبيلي انا عايزه اكلم رحمه وهاله ضروري..
أسر
واهم حاجه بقي ان لا رحمه ولا هاله ولا فؤاد ليهم دعوه بينا تاني يطلعو بره حياتنا..
شهد
اختك وجوزها براحتك انت حر فيهم بس كله الا رحمه انت عارف هي بالنسبالي ايه وانا مستحيل اقطع علاقتي بيها..
أسر بحده
دي بنت خرابة بيوت بدل ما كانت تعقلك وتخليكي ترجعي لجوزك كانت بتسخنك عشان تطلقي مني وقفلتها معايا اكتر لما كانت معاكي وانتي بتقابلي دكتور زفت ادهم ده، وعلي فكره انا لحد ما انسي اللي عملتيه وانك طلعتي في معاد مع راجل غريب وانتي مراتي وعلي اسمي عقاباً ليكي انك مش هتشوفي الشارع تاني سنه بقي سنتين هي ونصيبها
شهد بدموع
ايه اللي انت بتقوله ده حرام عليك بتعاقبني علي حاجه ما كانتش بقصدي وما خونتكش ولا جرحت كرمتك بنص كلمه معاه، برغم انك عايش انت وعشيقتك القديمه في بيت واحد وكنت بتبقي معاها هنا في اوضتي علي سريرنا يا جوزي ياللي بتتكلم علي الغلط والصح
أسر استغرب كلامها وقال
نتالي من لما جات هنا وهي بتبااات في اوضتها اللي جنبنا دي ولما حاولت تدخل الاوضه دي انا منعتها لان دي اوضتك وده مكاااني ويشهد عليا ربنا اني لا قربتلها ولا حصلت بينا حاجه لحد دلوقتي..
شهد بدموع
وبعد دلوقتي؟
أسر بجمود
اتكلمنا امبارح في الموضوع ده ومش عايز كل شويه نكد..
شهد بعصبيه
انا مش هقبل انك. تتجوز عليا..
أسر بحده
وانا مش هقبل انك تبعدي عني يا شهد، وكلامي هيتنفذ هاله وفؤاد والزفته صحبتك ممنوع تقابليهم، طلوع بره البيت ممنوع وتعقلي عشان جو النكد ده بيستفزني، خليت صباح تجهزلك الفطار وعملتلك موز باللبن مع الفطار..
نزلت دموعها بحزن وقالت
اصلا مش جعااانه هنااام تاني…
قرب منها أسر وقال
انا بعمل كده عشان بحبك عشان مش عايزك تبعدي عني يا شهد….
بصتله بغضب وقالت
وطول ما حبيبتك بينا انا هبعد عنك..
_اتنهد بضيق وسابها وخرج بره الاوضه، واول ما نزل تحت لقي رحمه داخله عندهم بعد ما فتحتلها الشغاله..
أسر
نسيت اقول للحراس ما يدخلوش الاشكال دي عندنا..
رحمه
اللهم طولك يا روح، فين شهد؟
أسر
انتي مالكيش دعوه بشهد تاني، وتاخدي بعضك وتمشي من هنا وما اشوفش وشك عندنا تاني..
رحمه
يا راااجل قول كلام غير ده، طيب اهلها وسابوها عادي انما انت فااكر بقي ان انا كمان ممكن اسيبهالك تستقوي عليها تبقي بتحلم
أسر بغيظ
انتي مااالك كان حد. فينا اتدخل في حياتك، حاشره نفسك وسطينا ليه؟
رحمه
لا ما تقلبش الترابيزه انا ما بتدخلش في علاقتكم انت اللي بتدخل في علاقتي بصاحبتي ودي حاجه مش من حقك، وبعدين انت عايزها مالهاش حد ومقطوعه من شجره ليه، خايف ليه انها تكلمني او تتعامل مع حد هاا؟..
قبل ما يرد عليها أسر قالت هي بحده
انا اقولك ليه عشان تسيطر عليها عشان تغلط وتعمل اللي علي مزاجك وهي غصب عنها يا حرام تسكت وتتحمل المهم انها تفضل تحت رحمتك مش كده مش ده اللي انت عايز تعمله فيها، علي فكره انت ما بتحبهااش انت عايز تمتلكها وبس لمجرد. انك ارتحت معاها..
أسر بجمود
مش محتاج ابررلك حاجه ولا ارد علي كلامك اللي مالوش لازمه ده، وامشي يا رحمه بالذووق عشان انا مش هخليكي تقابلي مرااتي..
زعقت فيه رحمه وقالت بحده
جرا ايه ياللاااااا ما تتظبط كده وتتكلم كويس، هو انا جايه اشحت منك انا جايه لصاحبتي اللي مالهاش غيري، نهااار اسود لتكون عملت حاجه في البت
اسر
انتي هتلبسيني مصيبه وبعدين هو انا اقدر ازعل مراتي حبيبتي مني..
رحمه
بلاش انا عشان انا اكتر واحده عارفه اللي فيها، شهد فين هنا ولا وديتها في مكان تاني؟
أسر بغيظ
انتي الوحيده اللي ما بعرفش اخد موقف معاها ومش خوف منك تجنباً لجنان اهلك، شهد فووق بس تخليكي جدعه بقي وتعقليها وتقوليلها اني بحبها ومش هسيبها وو..
قاطعت رحمه كلامه وقالت
ششش لامؤخذه انا مش طبله ويوم ما هبقي طبله في العلاقه دي هبقي مع صاحبتي مش معاك انت، بعد اذنك..
_قالت كلامها وسابته وطلعت فوق عند شهد وهو بصلها بغيظ وقال..
أسر
ربنا يااخدك يااارحمه وريحني منك..
ــــــــــ #بقلم_الكاتبه_رحاب_القاضي ــــــــ
_في بيت الحج فتحي ابو نسمه كانت قااعده نسمه علي السرير بتبص لايدها اللي فيها شبه كسر وبتألمها. جداً، وكمان جسمها كله اللي مش قادره تتحرك منه وبتتحرك ببطئ وقالت بدموع وهي بتحاول تقوم من علي السرير..
نسمه
ادعي عليك بأيه يا سعيد بس، ازاي اصلا هان عليك. تعمل فيا كده..
ـ اول ما قامت اخدت موبيلها اللي كان علي الشااحن وقعدت تاني علي سريرها وكلمت سعيد وفضلت ترن عليه كتير وهو مش بيرد، فقفلت الموبيل ودموعها نزلت بحزن ودخلت عندها في الوقت ده مامتها وهي ماسكه صنية الاكل وقالت..
ناديه
انتي قومتي ليه من علي سريرك هتزعليني منك يا نسمه الدكتور قال الحركه ممنوعه الا للضروره ويكون حد جنبك
نسمه بحزن
ما قومتش
ناديه حطت الاكل قدام نسمه علي السرير وقالت
يا سلام يعني المووبيل طار من مكاانه وجالك لحد. عندك، بلاش اهمال في صحتك يا نسمه البني ادم مالوش غير صحته يخااف عليها..
نسمه بدموع
هو سعيد كان معاكم في المستشفي اول ما اغمي عليا ولا سابني
ناديه
ايه بس اللي فكرك بيه الزفت ده، علي العموم لا ما كانش محمد ونعمه اختك هما اللي ودوكي المستشفي
نسمه ببكاء
حتي لما عرف الحقيقه ما هانش عليه يجي ويطمن عليا ويطيب خاطري بكلمتين
ناديه
ولا تزعلي نفسك كلب ورااح، حقك عليا انا اللي صممت اجوزك لعيل ما يعرفش يعني ايه رجوله وخليته هو وامه يلعبو بيكي وبسمعتك وحياتك
نسمه بدموع
ده نصيب يا ماما لو كانش ليا نصيب معاه والله ما كنتش وافقت انا بيه وو..
_سكتت اول ما موبيلها رن برقم سعيد. وبالرنه المخصصه ليه علي موبيلها فقالت بلهفه..
نسمه
ده سعيد اهو بيكلمني
ناديه
اسمعي كلامي واقفلي في وشه، ما يستهلكيش وهيوجعك تاني
نسمه
عشان خاطري يا ماما سبيني اكلمه ده لسه جوزي وانا وهو نفهم بعض..
_سابتها ناديه وطلعت من اوضتها وهي متعصبه جدا، وردت نسمه علي الفون وقالت بتوتر..
نسمه
الو..
سعيد
نعم؟..
نسمه بدموع
انا مش عارفه اقول ايه، بس انا مش زعلانه منك يا سعيد، ولو زعلت منك فهو علي قد. عشمي فيك ومحبتي ليك..
اتنهد سعيد بحزن وقال
هو انتي محمد ما كلمكيش في حاجه؟
نسمه بقلق
لا هيكلمني في ايه محمد؟
سكت سعيد شويه وقال بنبره كلها حزن
انا بعت نصيبي في بيت ابويا وهو اشترااه وبعت المحل بتاعي والفلوس دي كلها مع محمد هيديهم ليكي انتي..
نسمه بعدم فهم
ليه عملت كده وانا اخد الفلوس دي كلها ليه، وانت فين دلوقتي؟
سعيد بصوت مبحوح
علي فكره انا ما استهلش اهتمامك ده انا ما استهلش غير اني ابقي لوحدي، انا بعدت عنكم كلكم وطلقتك علي فكره ورقة طلاقك النهارده او بكره هتوصلك بس انا طلقتك غيابي..
نزلت دموع نسمه وقالت
يعني ايه طلقتني، ليه طيب ما انا قولتلهم كلهم اني مش زعلانه منك يا سعيد
سعيد بحزن
بس انا زعلان من نفسي يا نسمه ما عرفتش احميكي لا مني ولا من امي ولا من اي حد، العيب فيا انا وانتي تستاهلي حد احسن مني، سلام يا نسمه..
_قال كلامه وقفل الفون في وشها وهي فضلت مصدومه ومش مصدقه انه خلاص طلقها وحكايتهم انتهت، فرمت الموبيل علي السرير جنبيها بعنـ ف وقالت ببكاء…
نسمه
انت جباان واناني يا سعيد..
دخلت عندها ناديه وقالت بقلق
في ايه يا نسمه مالك، قالك ايه ابن العقربه ده؟
نسمه ببكاء
طلقني يا ماما طلقني وانا سامحته كان هيموتني وسامحته وفي الاخر سابني وطلقني طيب انا ذنبي ايه في اللي حصل ليه علقني بيه وفي الاخر سابني كده؟
حضنتها ناديه وقالت بحزن
في داهيه هو واللي جابته اهدي انتي عشان صحتك يا قلب امك هتروحي مني بسببهم حسبي الله ونعم الوكيل فيهم لا يرتاحو ولا يتهنو دنيا ولا اخره يارب انت علي الظالم..
_تفتكرو بقي ايه اللي هيحصل لنسمه بعد ما سعيد طلقها وسابهم كلهم ومشي؟
ــــــــــ #بقلم_الكاتبه_رحاب_القاضي ــــــــ
_وفي بيت أسر كانت قااعده رحمه مع شهد اللي قالتلها كل اللي حصل من اول ما أسر كلها واخدها من بيت اهلها غصب عنها لحد دلوقتي..
رحمه بصدمه
يا نهار اسود يعني هو مد ايده عليكي..
شهد بسخريه
وايه اللي يمنعو يعمل كده ما واخد الاذن من ابويا، لو كان ابويا مغليني شويه ما كانش قدر يعمل كده، ما كانش زماني هنا اصلا لو لقيت حد يغليني..
رحمه
انتي غلي نفسك مع أسر ومع ابوكي ومع الدنيا كلها..
شهد
ما انا مش راصيه اخليه يصالحني، بس هو حقه يزعل انا لسه مرااته ومقابلتي لادهم كانت غلط..
رحمه
كنتي قوليلو ان انا اللي غلطت وخليتك تقابليه لازم تعملي فيها جدعه اهو جه علي دماغك
شهد بحزن
خوفت يبعدك عني وانا ماليش غيرك وعارفه انك ما كنتيش تقصدي حاجه وحشه وانك عايزاني ابقي مبسوطه
رحمه
طيب بس بقي والله هتخليني اعيط جاته كسر ايده الحيوان، انا اسفه يا شهد..
شهد
يعني هي اول مره يا رحمه ما تكبريش الموضوع انا من يوم يومي بتضـ رب من اللي يسوا وما يسوااش
رحمه كتمت ضحكتها وقالت
والله معاكي حق فاكره واحنا صغيرين البت غاده اللي كانت بتغير منك عشان احلي منها وكانت كل ما تشوفك تديكي قفا معتبر انقح من اللي قبله..
ضحكو هما اللي الاتنين وشهد وقالت
ههههههههه ايوه والله دي كانت ايدها اتقل من ايد ابويا، كنت طفله هفأ اووي وانا صغيره
رحمه
وحيااتك حتي لما كبرتي وبقيتي شحطه لسه زي ما انتي هفأ برضو..
_في الوقت ده الباب خبط وفكرتعا شهد صباح الشغاله وقالتلها بهدوء..
شهد
ايوه ادخل..
دخلت نتالي وبصت لشهد بغيظ وقالت
وطي صوتك انتي وهي انا نايمه وصحيت علي صوتكم ده…
شهد
عايزه ايه انتي واطلعي بره ما تدخليش اوضتي..
نتالي بحده
انا مش هقولك تاني وطي صوتك انتي واللي جنبك دي..
رحمه
هتعملي ايه يعني يا.. هي اسمه ايه يا شهد نتانه ااه افتكرت اسمك نتانه والله لايق عليكي اسم. علي مسمي..
بصتلها نتالي بلامبالاه وقالت لشهد بحده
لو ما سمعتيش الكلام انا هكلم أسر يجي يتصرف معاكي اوكي..
رحمه قالت لشهد بصوت واطي
قومي يا بت قوليلها ان ده بيت جوزك يعني بيتك انتي كمان وتعملي فيه اللي انتي عايزااه ولو مش عاجبها تغور مكان ما جات..
قامت شهد بسرعه وقفت قداام نتالي وقالت بحده
ده بيت جوزي يعني بيتي انا وانتي ضيفه هنا ولو مش عاجبك نظامي في بيتي ارجعي مكان ما جيتي
نتالي بغيظ
ده بيت أسر
شهد
وأسر يبقي جوزي يعني انا وهو واحد، انتي بقي مين بالنسباله، وبلاش تألفي كلام ما حصلش عشان انا متأكده ان جوزي ما قربش منك ولا انك قعدتي هنا في اوضتي دقيقه واحده..
نتالي بغضب
اوكي يا شهد والله لاخليه يطردك. من هنا طردت الكلاب وهتشوفي..
ـ قالت كلامها وسابتها ومشيت ورحمه قالت لشهد بابتسامه واسعه..
رحمه
لا لا انا مبهوره بيكي كنتي زمان تسكتي لما حد بيدايقك لا دلوقتي الله واكبر عليكي، طنرت فيكي تربيتي.
شهد
ده ولسه يا انا يا هي في البيت ده، المهم قوليلي انتي كنتي عايزاااني في حاجه مهمه هي ايه؟
رحمه ابتسمت بسعاده وقالت
كوكو اكرومتي جاي يخطبني النهارده من بابا..
شهد
انتي بتهزري صح
رحمه
لا والله بتكلم جد ده انا صلا كنت عايزاكي تيجي عندي اليوم كله النهارده وتشاركيني اللحظه..
شهد
احنا فيها انا هجهز واروح معاكي.
رحمه
طيب استني انا جيبتلك موبيلك وانا جايه امك اديتهولي، خدي كلمي أسر وقوليلو بدل ما اتسببلك في مشكله كمان
شهد
لا لو عرف ان الموبيل معايا هياخده مني
رحمه
طيب كلميه من عندي..
شهد
لا برضو انا هروح معاكي من غير ما اقولو ولو مش عاجبه يطلقني ده لو يقدر..
رحمه ابتسمت وقالت
بس بعيد عن انه غلطان بس حركة انه يتمسك بيكي دي حلوه مش كده؟
شهد بهدوء
هنشووف هو متمسك بيا فعلا ولا لا، المهم استني هدخل اغير هدومي وجايه معاكي..
ـ وفعلا بعد شويه نزلت شهد مع رحمه بس قبل ما تطلع وقف الحارس قدامها وقال بجمود..
الحارس
ممنوع يا هانم..
شهد
هو ايه اللي ممنوع؟
الحارس
أسر باشا مانع خروجك من البيت في غياابه
ضحكت رحمه وقالت
هههههه جو روايات اوووي اللي بيعملو جوزك ده، علي العموم ادخلي انتي عشان ما تحصلش مشااكل وخلي موبيلك معاكي وانا هكلمك اول بأول واقولك كل حاجه..
شهد بغيظ.
مااشي وانا هرجع اتحبس بقي جوه لحد ما البيه يرجع…
رحمه
والله انا خايفه عليكي من البت اللي جوه دي
شهد
لا ما تخفيش قدها وقدود، انبسطي انتي بس ويارب ابوكي يحب اكرم ويوافق بيه..
رحمه
ان شاء الله يلا باااي باااي..
_مشيت رحمه واخدت تاكسي وموبيلها رن برقم شريف فأتنهدت بضيق وردت عليه وقالت..
رحمه
نعم…
شريف
بقالي ساعه ملطوع مستنيكي انتي فين.
رحمه
لا انا مش فاضيه خالص اجيلك يعني واجيلك ليه اصلا، ما تقول اللي عايزه علي الفون وخلصني..
شريف بحزن
والله بعد ما بقالي ساعه مستنينكي تقوليلي كده، انت حد قالك انك قليلة ذووق يا رحمه
رحمه بضيق
يا شريف انا ما ينفعش اقابلك واقعد معاك اصلا لوحدنا والجو ده لو كانت معاك. شيري ماشي كنت هاجي بس لوحدنا لا..
شريف
تمام انا هقول اللي عايزه بالطريقه اللي تنفع معاكي سلام
قال كلامه وقفل وقالت هي لنفسها
كنت هتقول ايه يعني بلا نيله.
السواق بتاع التاكسي
هشرب سجاره معلش..
رحمه
هو انا مش قبل ما اركب قولتلك سجاير نوو بترغي كتير ليه ولا عايز تتهزأ.
السواق
خلااص مش عايز انا غلطان اني وقفتلك وليه حيزبونه…
ــــــــــ #بقلم_الكاتبه_رحاب_القاضي ــــــــ
_وعند شهد كانت قاعده في اوضتها وهب مدايقه وبتقلب في موبيلها وخبطت صباح علي الباب وقالت..
صباح
صاحيه يا مدام شهد..
شهد
ايوه صاحيه اتفضلي يا صباح..
دخلت صباح وهي ماسكه صنية الاكل وقالت
والله البيت ما رجعش نور غير لما انتي رجعتي فيه يا ست البنات.
شهد ابتسمت وقالت
شكرا يا صباااح، بس انتي ليه جايبه اكل انا مش جعانه
صباح حطت الاكب علي الترابيزه وقالت
بس ده أسر بيه هو اللي طلب مني اجيبلك عشان ما فطرتيش وصاحبتك عندك
شهد اتنهدت بضيق وقالت
قال بيهمه يعني معلش بس خدي الاكل وقوليلو لقيتها نايمه
صباح
بس انتي من لما جيتي امبارح ما اكلتيش حاجه
شهد
معلش والله انا مش قادره اكل ولو جوعت هنزل اكل انا وانتي في المطبخ
ابتسمت صباح وقالت
ربنا يجبر بخاطرك يا بنتي وربنا يريح بالك ويبعد عنك وعن جوزك بنات الحراام يااارب..
_واخدت صباح صنية الاكل ونزلت المطبخ تاني، وكلمت أسر وقالتله..
صباح
ايوه يا اسر بيه انا طلعتلها الاكل وهي قالت مش جعانه
اتنهد أسر بضيق وقال
طيب يا صباح خلي بالك منها وحاولي ما تخليهاش تتكلم مع نتالي خالص..
صباح
يا بيه هي ما بتتكلمش ولا بتعمل حاجه ده ياريت كل البنات يبقو زيها وفي طيبتها وهدوؤها وما تزعلش مني البنت التانيه دي هي اللي بتدايقها وكمان انا والله شوفتها بعيني امبارح وهي واقفه تتنصت عليك انت ومدام شهد في اوضتكم..
أسر بجمود
طيب يا صباح خليكي جنب شهد لحد ما ارجع ما تخفااش عن عينك..
صباح
من عينيا يا بيه..
_قفل معاها أسر وفضل يفكر في كلام صباح عن تصرفاات نتالي، وفي الوقت ده دخل فؤاد عنده وقال بحده…
فؤاد
انت عملت ايه في شهد؟
أسر
اقعد يا فؤاد بلاش الطريقه دي
فؤاد
عملت ايه في البنت يا أسر
أسر
دي مراتي وانا حر في اللي اعمله فيها، انت دخلك ايه انت ومراتك في علاقتي بيها
فؤاد
انا عمري ما ارضي بالظلم لحد وانت ظلمت شهد كتير ولسه عايز تظلمها وتتجوز عليها..
أسر
وانت مالك برضو، انت بقالك. اد. ايه متجوز اختي هل جيت في يوم اتدخلت بينكم في حاجه، ليه بقي حاشر نفسك بيني وبين مراتي
فؤاد
طيب ما تخليك صريح معايا انت متجوز شهد ليه مش عشان تضحك عليا واللعبه خلصت سيبها في حالها بقي..
أسر
يمكن كنت الاول كده بس بعد. ما بقيت مراتي لا الوضع اختلف شهد. بقيت كل حاجه في حياتي..
فؤاد
ونتالي؟
أسر بضيق
مش عايز ابقي ندل معاها وهي مالهااش غيري، ثم ان تخليك بعيد. عن شهد يا فؤاد ده لو مش عايز تخسرني
فؤاد بسخريه
ومين قالك اني ما خسرتكش بعد. كل عمايلك دي انت اللي رابطني بيك اختك لانها متمسكه بيك غير كده انا ماليش اي علاقه بيك، ورحمة ابوك. ان ما خليت اختك تروح تطمن علي شهد واتأكد انها بخير لاوديك في ستين داهيه، ما ينفعش شهد تستنجد بيا منك وانا اتخلي عنها..
أسر ببرود
اعلي ما في خيلك اركبه ولاخر مره بقولك ما تدخلش بيني وبين مراتي..
_ما ردش عليه فؤاااد وسابه ومشي، ودخل بعد. منه اكرم وقال..
اكرم
خير يا أسر قولت انك عايزني..
أسر
انا مبسوط منك اووي، طلعت شاطر وبرغم انك لسه جديد في الشغل ده بس انك تخلص شغل الحسابات وتخلينا علي علم بكل جديد وقديم واللي المفروض نعمله الفتره الجايه عشتن نحافظعلي راس مال الشركه لا ابهرتني..
اكرم
علي فكره الاستاذ احمد اللي هناك هو اللي ساعدني برضو، وبعدين انا من زمان وانا نفسي في فرصه زي اللي انت اديتهالي دي، فأكيد لازم استغلها صح..
أسر
وانا مش هتخلي عنك خالص هتفضل نعايا وايدك في ايدي لحد ما نظبط كل الشغل هنا اتفقنا..
اكرم ابتسم بسعاده وقال
اتفقنا يا أسر..
أسر
وحاجه كمان عايزك اول ما تروح تتقدم لرحمه قول لابوها انك عندك شقه تمليك وشوف المكان اللي عايز فيه شقتك وقوله عليك وفي اقل من شهر هتكون شقتك جاهزه..
اكرم
لا لا يا أسر انا هجيب شقه ان شاء من مرتبي انما مش هقدر اخد منك حاجه..
أسر
افهم يا بني ادم ده يعتبر حقك انت هتبقي دراعي اليمين هنا وانا مش واثق في حد غيرك هنا برضو، ولازم اللي يبقي في المكانه دي هنا يبقي مستوااه كويس جدا، وهقلل مرتبك شويه لحد ما تخلص تمن الشقه، مع العلم ان مرتبك هيزيد كل ما مكانتك هتزيد هنا في الشركه..
ابتسم اكرم وقال
انت جدع اووي يا أسر، يعني من حسن حظي اني عرفتك..
اسر
وانت اللي عملته مع مراتي مش قليل، انت كمان كنت جدع معانا بزياااده
اكرم
الفضل يرجع لرحمه انا اتخليت عن شهد بسبب اني كنت خايف، رحمه هي اللي جات تدور عليها وسجاعتها وخوفها علي صحبتها وهي بنت وسنها صغير خلاني انا كمان افوق لنفسي..
أسر
تعرف برغم اني سوري يعني ما بطيقش رحمه دي ولا حتي بطيق سيرتها بس هي جدعه وغاليه عندي برضو لانها صاحبه جدعه ودي ميزه مش متوفره في ناااس كتير..
أكرم
معاك حق هروح انا اكمل شغلي واسيبك انت كمان في مشاغلك..
_قال اكرم كلامه وسابه ومشي وكمل أسر شغله بأهتمام كبير، واول ما خلص شغله ورجع البيت كانت نتالي قااعده في الجنينه مدايقه..
قرب منها وقال
مالك يا نتالي قاعده ليه كده؟
نتالي بدموع
اختك جوه قاعده مع م.. مراتك..
أسر
هما دايقوكي في حاجه؟
نتالي بدموع
لا انت اللي مزعلني من لما جيت يا أسر وانت حياتك كلها عباره عن شهد ده حتي اهلك بيحبوها جدا طيب وانا..
أسر بضيق
مالكيش دعوه بأهلي قولتلك انا معاكي
نتالي
لا مش معايا انت مش مهتم غير بمراتك وبس..
أسر
عشان زعلانه مني وبحاول اصالحها..
نتالي
طيب وانا هتتجوزني امتي عشان تبقالي فيك نفس الحقوق اللي هي ليها..
.
ادايق أسر من كلامها عن الجواز وقال
في اقرب وقت هنتجوز يا نتالي، هروح انا اسلم علي هاله جوه قبل ما تمشي..
_ودخل فعلا البيت لقي هاله قاااعده مع شهد وبيضحكو واول ما شافته شهد رجعت قلبت وشها تاني..
.
أسر
هو انا مش هخلص منك انتي وجوزك النهارده
هاله بضيق
انا ماشيه اصلا كنت جايه لشهد مش جيالك انت، ما تنيسش يا شوشو اللي اتفقنا عليه..
شهد بصت لأثر بتوتر وقالت
حح حاضر ان شاء الله وخلي بالك من نفسك
هاله
حاضر يا حبيبي يلا بااي..
مشيت هاله وأسر قال لشهد بسخريه
ده انا حتي اختي مش طيقااني..
ـ جات تمشي شهد بس هو قام فجأه ووقف قدامها وقال بجمود..
أسر
كانت بتتفق معاكي علي ايه هاله؟
شهد بتوتر
حاجه خاصه..
.
أسر
حاجة ايه دي انا عايز اعرفها..
شهد بتوتر
دي كانت عايزاني عشان الجمعيه وعايزاني اروح معاها وكده..
أسر
ما بتعرفيش تكدبي يا شهد، انطقي كانت عايزاكي في ايه و…
قاطعته شهد وقالت بحده
حاجة بنات ما تخصكش خالص ممكن تحترم خصوصيتي بقي شويه…
أسر
تمام خلاص مش عايز اعرف، ممكن بقي تفردي خلقتك دي عليا شويه
شهد
مش بالعافيه..
أسر
ما اهو بقولك عشان مش عايزها بالعافيه، وبعدين طول اليوم ما اكلتيش ليه؟.
شهد
ماليش نفس…
أسر
هخلي صباح تجيبلنا العشا فوق، ولا هتبقي جدعه وتجهزيلي انتي زي زمان..
شهد بسخريه
ليه هو انت لسه أسر بتاع زمان..
أسر
ايوه لسه زي ما انا جوزك وحبيبك..
شهد
بيتهيألك في حاجات كتير حصلت خلت الكلام ده اتغير، انت فعلا لسه جوزي بس مش حبيبي..
_قالت كلامها بكل برود وسابته وطلعت اوضتها وهو اتنهد بضيق وطلع وراها بس هي كانت بتاخد شاور في الحمام، فغير هدومه هو ونزل يتعشي نع نتالي اللي كانت مدايقه من اهماله ليها وتجاهله لكلامها، وقالتله بنفاذ صبر..
نتالي
هو انت في حاجه مديقاك مني، يا أسر انا بكلمك.
رد عليها وهو مركز في موبيله
في ايه يا شه… يا نتالي اقصد…
نتالي بدموع
لا ما فيش حاجه انا شبعت بعد اذنك..
_سابته نتالي وطلعت اوضتها وهو فضل واقف متدايق وبيفكر في. حل لتصرفات شهد. معاه وازاي يرضيها من غير ما يخسر نتالي..
ــــــــــ #بقلم_الكاتبه_رحاب_القاضي ــــــــ
_وفي الوقت ده في بيت رحمه كانت لابسه فستان ازرق طويل وفضفاض كعادتها وحجابها بلون وحطت مكياااج خفيف وكانت قااعده. قداام. المرايا ومسكت موبيلها واتصورت وبعتت الصوره لشهد وقالتلها..
رحمه
لبست زي ما قولتيلي اهو مع اني حاسه اني اوفر شويه..
دخلت في الوقت ده عفاف وقالت
بتكلمي مين يا رحمه؟
رحمه
بكلم شهد ها يا ماما ايه رئيك شكلي حلو..
عفاف
قمر يا حبيبتي بس مالوش لازمه ابوكي قال مدام الراجل جاي لوحده يبقي ما تطلعيش انتي من اوضتك..
رحمه
نعمم يا عمر، لا انا عايزه اطلع اسلم ده انا جايبه شربات مخصوص عشان اطلع بيه
عفاف
رحمه بالعقل كده ابوكي مش هيوافق بيه؟
رحمه بقلق
ليه بتقولي كده يا ماما والله اكرم شااب كويس اوووي ومحترم..
عفاف
بس مالوش اهل وابوكي لما يعرف الموضوع ده ربنا يستر وما يطردوش من البيت..
رحمه بدموع
وهو ذنبه ايه في حاجه زي دي، وبعدبن يفيد بايه اهله موجودين ولا لا، ما المهم. الشخص.
عفاف
واهله يا رحمه الجواز عيله بتنااسب عيله، انتي واخوكي اللي متغرب وسايبنا ده لازم تتجوزو جوازاات كويسه عشان عماتك وخلاتك وكل العيله يشوفو انكم مرتاحين..
رحمه
يا سلام هما فين العيله دول، وبعدين انا هعيش معاه هو مش مع خلاتي وعماتي، وبعدين مش هنقولهم. انه يتيم..
عفاف
ياريته يتيم وبس لكن ده مالووووش اهل يا رحمه ما نعرفلوش اصل ولا فصل..
رحمه بخوف
لا لا اكيد بابا دماغ اكبر من كده ومش بيفكر زيك، اسكتي انتي بب يا ماما وبابا لما هيشوفو هيحبه وهيوافق بيه..
_في الوقت ده الباب خبط وراحت رحمه وقفت ورا باب اوضتها وشافت باباها وهو بيفتح الباب لاكرم اللي كان لابس بدله بدون جرافته وشكله فيها حلو جداً وماسك في ايده ورد وشوكلاته ابتسمت هي بتلقائيه اول ما دخل بيتهم، وحط الحاجات علي الترابيزه وقعد مع باباها في الصاله اللي قاله..
سامي
اهلا وسهلا يا ابني نورتنا، اعملي شاي يا ام كريم..
عفاف طلعت من عند رحمه وقالت
حاضر يا اخويا، منورنا يا ابني واهلا وسهلا بيك..
قاام اكرم وسلم عليها وقال
اهلا بحضرتك يا طنط..
وسابتهم عفاف وسامي قال بهدوء
مش كنت تجيب الحج او الحجه معاك عشان نتشرف بيهم برضو..
أكرم بتوتر
اا احمم هو بصراحه انا اهلي يعتبر متوفيين..
سامي بجمود
لا معلش فهمني يعني ايه يعتبر متوفيين دي؟
أكرم بجديه
انا هتكلم مع حضرتك بصراحه علي ظروفي قبل ما نتكلم في اي حاجه تانيه، انا ما اعرفش اهلي فين؟
اتنهد سامي بضيق وقال
امممم يا اهلا وسهلا كمل سامعك يا قولتلي اسمك ايه؟
اكرم بهدوء
اكرم.. اسمي اكرم يا عمي الحكومه طلعتلي اسم في البطاقه الشخصيه وانا خريج جامعه في ست هي وجوزها زمان كبروني مع ابنهم وابنهم توفي في الجيش والراجل والست دول الله يرحمهم برضو، لو كانو عايشين كان زمانهم معايا هنا دلوقتي اكيد..
سامي بجمود
خلصت ولا لسه هتقول حاجه تانيه؟
أكرم بحزن
عارف ان ظروفي صعبه ومش اي حد يتقبلها، بس انا بحاول اهو ابني عيله لنفسي وبشتغل في شركة الفيومي اكيد حضرتك تسمع عنها برضو، وعندي شقه ان شاء الله وتحت امر حضرتك في اللي تطلبه لو حصل نصيب..
سامي بجمود
انا قبل كده شوفتك تحت بيتي واقف مع بنتي، انت ماشي معاها من امتي بقي؟
أكرم بجديه
حضرتك فاهم غلط انا حاولت اتعرف عليها وهي كانت بترفض لحد ما جهزت اموري ودخلت البيت من بابه، ولولا ان رحمه بنت كويسه ومؤدبه وتشرفني انها تبقي زوجه ليا انا ما كنتش هاجي اكيد واتقدملها..
سامي
بص يا ابني انت زي ما دخلت معايا صريح انا كمان هجيلك صريح، انت شاب كويس لسانك حلو وبتعرف تتكلم والجواب بييان من عنوانه شكلك مؤدب برضو وبتعرف ربنا علامة الصلاه منوره وشك اهو..
أكرم ابتسم بهدوء وقال
شكرا جدا لحضرتك كلامك ده شرف ليا..
سامي
دي الحقيقه انا ما جبتش حاجه من عندي، بس اا انا مش هقدر اجوز بنتي لواحد لا اعرفله ولا اصل ولا فصل ولا ليه نسب..
اتملت عيون أكرم دموع وقال
انا بحب رحمه ومستعد اعمل اي حاجه عشاانها والله..
سامي بنبره شبه غاضبه
وانا نا اقدرش اديهالك عشان بتحبها، بنتي مش ناقصه ايد ولا رجل عشاان اجوزها لواحد ما اعرفش هو ابن حلال ولا حرام ولا فيما بعد مين هيطلع ابوه ومين هتطلع امه وقتها هبقي اتدبست في نسب ما يعلم بيه الا ربنا..
وقاام سامي وقف وقال
انا بتأسفلك الغلط من بنتي اللي ما وضحتليش الصوره كامله، شرفت ونورت يا ابني
_قام اكرم وقبل ما يمشي كلعت رحمه من اوضتها وقالت بدموع لسامي..
رحمه
بس انا موافقه يا بابا وراضيه بيه و بكل ظروفه دي..
بصلها أكرم بدموع وسامي قال بحده
ادخلي اوضتك يا بت انتي يلااا..
رحمه ببكاء
عشان خاطري يا بابا اسمعني..
زقها سامي بقوه لاوضتها وقال
قولت ادخلي جوه يبقي تسمعي الكلام…
_بصلها أكرم بحزن وسابهم ومشي، وراااح ورااه سامي وقفل الباب ورجع وهو متعصب جدا ومسك. رحمه من دراعها وقال بحده..
سامي
بقي بتحرجيني قداام الراجل يا بت انتي وتكسري كلمتي..
رحمه ببكاء وخوف
يا بابا انت لو كنت رافضه عشان هو مش كويس او فيه عيب ما كنتش هتكلم..
سامي بحده
ما هو متنيل فيه اكبر عيب اهو، اكتر من انه مالوش اهل لا نعرفله اب ولا ام، وياريت تيجي علي كده بس لا ده ممكن بعدين يطلع ابوه مـ جرم رد سجـ ون او امه واحده مش تمام قتها هيبقي وضعنا احنا ايه، ليه نحط نفسنا في موقف وحش زي ده..
عفاف
ابوكي معاه حق يا رحمه وانتي لسه صغيره وحلوه وهيجيلك اللي احسن من ده مليون مره..
رحمه ببكاء
اقسم بالله لو ما اتجوزت اكرم لامـ وت نفسي بس..
سامي بحده
طيب غوري من وشي يا رحمه بدل ما اولع فيكي، ولو سيرة الواد ده اتفتحت تاني قدامي والله هكسر عضمك انا عمري ما عملتها ومديت ايدي عليكي بجد يا رحمه بس لما تبقي عايزه تخاري غلط وتبوظي حياتك لا هعملها وانتي وامك..
عفاف
الله يا سامي وانا مالي انا.
سامي
ما هي تربيتك دي جاتكم الهم..
_راحت رحمه واخدت الورد والشوكلاته ودخلت اوضتها وفضلت تعيط، وفي الوقت ده الباب بتاع بيتهم خبط وراح سامي فتح وكان شريف اللي بيخبط..
سامي
نعم؟
شريف بصله بتوتر من عضلاته وقوته وقال
ااا دد ده بيت الكابتن سامي كريم
سامي
ايوه انا الكابتن سامي خير؟
شريف
انا شريف المصري ابقي انو شيري صاحبت رحمه بنت حضرتك كنت عايز اتكلم مع حضرتك شويه..
سامي
اهلا وسهلا يا ابني اتفضل..
دخل شريف وكانت عفاف واقفه ولما شافته قالت
ايه ده مش انت اخر البت الاموره شيري صاحبة رحمه
شريف
ايوه انا يا طنط، واسف اني جيت من غير معاد، انا والله حاولت اكلم رحمه واقولها بس ما كانتش بترد عليا ولا علي اختي..
سامي
لا يا ابني البيت بيتك اتفضل اقعد وقولي بقي تشرب ايه؟
شريف
اي حاجه..
عفاف
هعملكم شاي..
سامي
لااا مش عايز شاااي اعملي عصير برتقاان..
وبص لشريف وقال
الشاي والقهوه والحاجات دي بتدمر الجسم هنشرب عصير صحي اكتر..
شريف
اللي تشوفه حضرتك اوكي هشرب عصير..
دخلت عفاف المطبخ وسامي قال
خير بقي يا ابني ان شاء الله عايز تتكلم معايا في ايه؟
شريف
بصراحه كده يا عمي انا معجب بأنسه رحمه وحاولت اقولها كده او اخد رأيها بس قولت ادخل البيت من بابه احسن وتبقي كل حاجه في النور سواء لينا نصيب او لا..
سامي لنفسه بصوت واطي
يا بت المحظوظه يا رحمه اتنين في يوم واحد..
شريف
قولت ايه يا عمي
سامي
انت عندك. كام سنه يا شريف؟
شريف
عندي 22 سنه انا متأخر شويه في التعليم بس هشتغل مع بابا وهكمل دراستي برضو انا فتضلي تلات سنبن واخلص..
سامي
وباباك شغال ايه بقي؟
شريف
كان سفير سابق، سفير مصر في وركيا ووالدتي مش مصريه هي جنسيتها تركيه بس عايشه معانا في مصر وعندها شركة سياحه صغيره هنا في مصر..
ابتسم سامي برضا وقال
اللهم بارك ربنا يخليهملك، انت طيب بتدرس ايه وبتشتغل ايه برضو مع باباك؟
شريف
انا بدرس في معهد علوم اداريه ده خااص يعني، وبابا عنده شركة استيراد وتصدير وانا شغال يعتبر معاه فيها وهمسك الشركه بعد. منه طبعا لان انا عندي اخويا اسعد بس ده دكتور نفساني وعنده العياده الخاصه بتاعته مالوش في الشغل بتاعنا ده، واختي شيري اكيد رحمه معرفاكم عليها..
سامي
لينا الشرف اننا نعرفكم، بس انا مش هرد عليك دلوقتي طبعا الاول اخد رأي بنتي وبعدين تجيب اهلك ونتعرف كلنا علي بعض واللي فيه الخير يقدمه ربنا..
شريف
طيب ممكن رقم. حضرتك عشان اكلمك واعرف ردك ايه؟
سامي
اوي اوي طبعا حتي لو يعني ما حصلش نصيب انا مبسوط اني عرفتك..
ابتسم شريف وقال
انا كمان يا عمي والله..
_واخد شريف رقم سامي ومشي وهو مبسوط من مقابلة سامي ليه، وراح سامي لاوضة رحمه وخبط علي الباب وهي قالت بحده من جوه..
رحمه
امشي من هنا يا عم بابا انا مش عايزه اتكلم معاااك في حاجه..
فتح سامي الباب ودخل وقالها
بطلي عبط وامسحي دموعك دي عشان اعرف اتكلم معاكي..
رحمه
ما انت السبب فيها دموعك دي..
دخلت عفاف وقالت
انا سمعت كل حاحه يا سامي وافق ده لقطه
سامي
استني هنا يا وليه انتي انا بقولك ادخلي المطبخ اعملي حاجه نشربها للضيوف وبتدخلي تختفي لا بتعملي حاجه ولا بشوف وشك
عفاف
ما ما بكونش فاضيه بكون واقفت اسمع كلامكم..
سامي
كان يوم اسود يوم ماوامي قالتلي اتجوزك يا عفاف، المهم انتي عارفه مين كان بره يا رحمه.
رحمه
لا سمعت صوت حد معاك برن بس ما اعرفش مين..
سامي
شريف المصري اخو صاحبتك..
رحمه بقلق
وماله ده ايه اللي جابه عندنا..
عفاف
جه اتقدملك ومستني ردنا وهيجيب اهله ونقرا فاتحه..
رحمه بصدمه
لا طبعا انا مش موافقه يابابا..
بص سامي لعفاف وقال
اهو اتفضلي مش موافقه بعريس ما فيهوش غلطه عشان واحد مالوش اصل ولا فصل.
عفاف
سيبها دلوقتي يا سامي وبكره ابقي اتكلم معاها وهي هتفكر كويس ومش هتضيع فرصه كويسه زي دي من ايدها…
سامي
الواد اخو صحبتك ده عاجبني وشايفه مناسب ليكي، علي الاقل قبل اي حاجه جه واتقدم رسمي مش كان ماشي معاكي الاول، وتعقلي يا بت انتي بدل ما والله احاسبك علي القديم والجديد بطريقتي، علي ااخر الاسبوع هكلم اخوكي يجي والواد ده هيجيب اهله ولو لتفقنا هتتجوزيه ورجلك فووق رقبتك..
_قال سامي كلامه وطلع وسابها وراحت ةرااه عفاف وهي قضلت تعيط ومسكت موبيلها وكلمت اكرم بس كان قافل موبيله…
_تفتكرو بقي نصيب رحمه هيكون مع مين ومين المناااسب ليها؟
ــــــــــ #بقلم_الكاتبه_رحاب_القاضي ــــــــ
_وفي بيت أسر دخل اوضته عشان يناام بس اتفاجئ بشهد اللي قااعده بتعيط، فقرب منها بسرعه وقعد جنبيها وقال..
أسر
في ايه مالك؟
شهد بحزن
ما فيش حاجه بس رحمه ابوها ما وافقش بأكرم وهي زعلانه اووي
أسر
والله الواد اكرم ده ربنا بيحبه، انا اصلا قولتله بلاش يتقدم..
بصتله شهد بغيظ فأبتسم هو وقال
بصي انا ممكن اتقبل واحب اي حد في الدنيا الا رحمه دي ما بطيقهااش.
شهد بغيظ
وهي كمان مش بتطيقك اصلا
أسر
استني بس هو انتي عرفتي منين ان اكرم اترفض، كلمتي اللي ما تتسمي دي ازاي؟
شهد بتوتر
هاا مم ما كلمتهاش..
أسر
يا سلام اومال عرفتي منين حسيتي بيها مثلاً..
شهد بخوف
بص هي جابتلي موبيلي والله النهارده وانا قااعده لوحدي طول اليوم فبلاش تاخده مني..
أسر بجمود
هاتي الموبيل يا شهد انا لسه ما نسيتش اللي عملتيه…
شهد بدموع
هو انا عملت ايه، ما تيجي نقارن غلطك بغلطي ونشوف مين فينا اللي ليه حق عند التاني بجد..
أسر
تمام يلا شوفي انا عملتلك انتي واهلك ايه وجيتلك وانقذتك من ابوكي وعمك وابن عمك وجيبتلك حقك منهم وخليت اهلك كلهم يرفعو راسهم بعد بنتهم ما سابتهم وطفشت، خليتك تكملي تعليمك كل اللي نفسك فيه بقي ملكك وفوق كل ده حبيتك وبقولك هكمل حياتي كلها معاكي والهانم مش راضيه، كنتي الاول بتقولي عليا اناني بس انتي اللي انانيه وعايزه كل حاجه علي مزاجك..
شهد بدموع
خد كل حاجه بتهالي وعملتها لاهلي وطلقني ومش عايزه منك حاجه..
أسر بحده
اقسم بالله لو جيبتي سيرة الطلاق تاني هتشوفي وش تاني خالص يا شهد، وانا مش هطلق فأنسي الموضوع ده خالص..
نزلت دموعها بحزن وقالت
وانا مش عايزه اكمل معاك وانت متجوز عليا او قي واحده تاني في حياتك
أسر
ما يخصكيش طلعي نتالي من دماغك وانا هخليها تقعد في مكان تاني، حياتك معايا هي مس هتكون فيها كأنها مش موجوده..
شهد
انت بتكدب عليا ولا علي نفسك ازاي هقدر اعمل كده..
أسر
خلاص يا شهد اولعي وده اللي عندي، وهاتي موبلك لما تبقي تحترميني في غيابي قبل وجودي هبقي اخليكي ترجعي تمسكي موبيل وتخرجي بره وكل حاجه لما تتربي الاول..
_طلعت موبيلها من تحت المخده ورمته قدامع علي السرير وجات تقوم بس قعدت مكانها ومسكت راسها بألم وحست الدنيا بتلف بيها، في وقت ما أسر كان ماسك موبيلها وبيقفله وحطه جنبيها وبصلها وقال بجمود من غير ما ياخد باله من تعبها..
أسر
رايحه فين؟
ردت عليه بحزن وقالت
هروح انااام..
قرب منها وقال
هتنامي هنا جنبي وبعدين انتي وحشاااني اوووي..
بعدت عنه بسرعه وقالت بتوتر
انا تعباانه وعايزه انام، واحنا دلوقتي مش متفقين اصلا وو..
أسر بحده
لا متفقين ودي حياتك. معايا يا شهد وبرضاكي او غصب عنك هتعشيها ودلوقتي انا عايز مراتي معايا..
شهد بدموع
وانا بقولك والله تعباانه..
ـ تجاهل كلامها لانها افتكرها بتتهرب منه وقال بهدوء وهو بيرجع بيقرب منها اكتر..
أسر
لا سلامتك يا حبيبتي من التعب، انتي كده زي الفل اووي..
_بصتله بحزن بحزن وألم وبرغم تعبها واستسلمت ليه كعادتها خوف منه ومن غضبه عليها..
ــــــــــ #بقلم_الكاتبه_رحاب_القاضي ــــــــ
_وتاني يوم الصبح كان نازل أكرم من بيته عشان يروح شغله واتفاجئ برحمه واقفه قدامه وقالتله بحزن..
رحمه
يعني ما شوفتكش اتمسكت بيا ولا حاربت عشان واستسلمت بسهوله
أكرم بحزن
معلش..
رحمه
هو ايه اللي معلش انا هقف جنبك لحد ما بابا يوافق
أكرم
بس ابوكي معاه حق انا اللي كدبت الواقع وصدقت جو الاحلام اللي بتبقي حقيقه، ونسيت الحقيقه نفسها اللي مش هقدر اهرب منها ولا اغيرها..
رحمه
لا ممكن. تتغير لما نتجوز ونعمل عيله مع بعض انا مش هسيبك…
أكرم بجمود
لا مش هينفع انتي تستاهلي واحد احسن مني. انا بعد كلام ابوكي ما اقدرش اروحله تاني خلاص كده ما فيش نصيب..
رحمه بدموع
ده انا جيتلك لحد عندك..
أكرم بنبره غاضبه
ما انتي شايفه بنفسك رد. ابوكي في ايدي ايه اعمله وما عملتوش، انتي بنت ناس واهلك عايزين واحد يكون من عيله وليه اهل ونااس وانا ماليش حد ومش مناسب ليكي خلاص بقي ارحميني وامشي انا فيا اللي مكفيني وربنا يرزقك بالاحسن مني، وانا حلو كده جيت الدنيا دي وانا لوحدي وهفضل فيها لوحدي..
ردت عليه بحزن وقالت
لا ما بهمنيش بقي انت هتفضل لوحدك ولا مع حد، معلش ازعجتك بس هي خلصت كده فعلا وانا غلطاانه اني عملتلك قيمه وافتكرت انك بتحبني بجد وجيتلك..
وجات تمشي بس رجعت تاني ووقفت قدامه وقالت
وعلي فكره انا مش واقفه عليك، انا متقدملي عريس احسن منك مليوووون مره وعند فيك بقي انا هوافق بيه وانت خليك لوحدك زي ما انت عايز…
_قالت كلامها وسابته ووقفت تاكسي ومشيت وهو قعد قدام البيت اللي ساكن فيه وحط وشه بين ايديه ودموعه نزلت بحزن…
ــــــــــ #بقلم_الكاتبه_رحاب_القاضي ــــــــ
_وعند شهد كانت نايمه بهدوء وأسر كان جاهز ورايح شغله وقبل ما يمشي قرب منها وباااس راسها بهدوء وقال بنبره صادقه..
أسر
ربنا يخليكي ليا يا حبيبتي، كل حاجه بتبقي حلوه طول ما انتي معايا..
_وبعد عنها بهدوء وقفل النور بتاع الاوضه وطلع وقفل الباب بهدوء ونزل تحت عشان يفطر قبل ما يروووح شغله وصبااح قالتله..
صباااح
الفطار جاهز يا أسر بيه.، والشغاله الجديده وصلت تحب حضرتك تشوفها الاول قبل ما تبدأ شغل..
أسر بهدوء
لا شهد هي اللي تشوفها وتقرر هتنفع ولا ولا، وبعد كده اي حاجه تخص البيت تقوليها لشهد تمام يا صبااح؟..
صبااح ابتسمت وقالت
تمام يا بيه وربنا يباركلك فيها يارب ويعوض عليكم بالخلف الصالح..
_ابتسم. أسر بهدوء لدعوات صباح، وفي الوقت ده كانت واقفه نتالي عند السلم ورااه وسامعه كلامه هو وصباااح ونظراتها ليهم كلها حقد وغيره من اهتمامه بشهد، وراحت وقفت جنبيه وباسته في خده وقالت..
نتالي
صباح الخير يا حبيبي..
رد عليها أسر بهدوء
صباح النور صاحيه بدري ليه؟
نتالي
عايزه اخرج واجيب حاجاات ليا وكده..
أسر
خلاص هخلي السواق يروح معاكي واعملي اللي عايزااه وهاتي اللي نفسك فيه
صبااح
تؤمرني بحاااجه تانيه يا أسر بيه..
أسر
ايوه اعملي افطار ووديه لشهد فووق وقوليلها اها لو ما اكلتش هزعل منها اووي تمام..
صباح
يارب تسمع الكلام وتاكل دي من لما جات وهي ما فيش لقمه دخلت بطنها..
أسر
قوليلها زي ما قولتلك وهي هتسمع الكلام..
سمعت صباح كلامه ومشيت ونتالي قالتله بسرعه
بقولك ايه احنا هنتجوز النهارده..
ابتسم أسر وقال
اشمعنا يعني النهارده؟..
نتالي
وايه الفرق بين النهارده وبعدين، وبعدين انا عايزه ابقي مراتك وتهتم بيا كده زي ما بتهتم بشهد، وكمان شوفلي اي مكان تاني اقعد فيه عشان شهد مدايقه من وجودي وانا مقدره مشاعرها مش عايزه الموضوع يبقي مؤذي ليها..
أسر بهدوء
تمام هظبط اموري ونشوف الموضوع ده النهارده..
_في الوقت ده في اوضة شهد دخلت عندها صباااح عشان تصحيها واول ما دخلت صبااح لقيتها قااعدن علي السرير وماسكه بطنها بألم ووشها لونه اصفر وباين عليها التعب جداً..
صباح
انتي صاحيه شايفه من قلة الاكل وشك بقي قد اللقمه، تعالي افطري أسر بيه موصيني اخليكي تاكلي والا هيزعل اووي..
شهد
هو أسر مشي ولا لسه؟
صباح
لا لسه قااعد بيفطر مع البت الخفيفه اللي تحت دي، والله ضفرك يا بنتي برقبتها..
شهد
مالناااش دعوه بحد، انا هزل بس اقوله اروح لصاحبتي ضروري عشان اخد مني الموبيل ومش هعرف اكلمه..
_ونزلت فعلا تحت بسرعه وهي برضو لسه حاسه بألم في بطنها وراسها واول ما نزلت وشافتها نتالي، عملت نفسها بتأكل أسر وقالتله..
نتالي
سيبني انا اكلك النهارده..
أسر
ده ايه الدلع ده كله..
نتالي بخبث
مش حبيبي والنهارده هتبقي جوزي ما ادلعش ليه بقي..
_نزلت دموع شهد بحزن وسابتهم وجات تطلع تاني فووق بس الالم زاد عليها وحست بدوخه اكبر ووقعت فااقده الوعي، وفي اللحظه دي بص أسى وراااه واول ما شافها واقعه علي الارض قااام بسرعه جري عليها بلهفه وخووف و.؟؟…
_تفتكرو بقي هيحصل ايه؟

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية النصيب)