رواية عشقت مطلقة وأولادها 2 الفصل التاسع 9 بقلم مارلي إيهاب

رواية عشقت مطلقة وأولادها 2 الفصل التاسع 9 بقلم مارلي إيهاب

رواية عشقت مطلقة وأولادها 2 البارت التاسع

رواية عشقت مطلقة وأولادها 2 الجزء التاسع

رواية عشقت مطلقة وأولادها 2 الحلقة التاسعة

في شقة بدر كانت قاعدة ندي قدام بدر وهي بتعيط و بتقول بقهر
اخر حاجه اتوقعها منك انك تعايرني اني اتجوزتك يعني كل اللي كان بينا و التلات سنين اللي فضلنا نحب بعض فيهم كلهم كنت بتضحك عليا كنت بتسلي وقتك بيا يا بدر اخر حاجه كنت اتوقعها منك انت بالذات
بدر بضيق
بقولك ايه يا ندي من غير كلام كتير اللي في بطنك ده لازم ينزل باي
ندي بصدمة
انت رايدني اموت ابننا حرام عليك يا بدر
بدر بغضب
انتي مجنونه ولا شكلك كدة انتي ناسية ان محدش يعرف بجوازنا وبعدين هما ورقتين عرفي لو منزلتيش اللي في بطنك ده كل واحد يروح. لحاله
ندي بدموع
انت بتهددني تعالي اتقدملي يا بدر واتجوزني
بدر بغضب
ولو نفترض اني جيت اتقدمتلك. اول ما اتقدملك. كدة اهلك هيوافقوا نتجوز علي طول مش فيه فترة خطوبة الاول اسمعي الكلام يا ندي و نروح للدكتور ننزل الحمل ده علشان متغباش عليكي
ندي بدموع
ماشي يا بدر
بدر بغضب
انا ماشي هشوف دكتور و هكلمك متتصليش انتي
وسابها وخرج من الشقة ورجع علي السرايا وهو داخل شافته مهرة وقالت بضيق
كنت فين يا حزين بايت بره البيت ليه وجاي وش الصبح
بدر بضيق
بقولك ايه يا يمايا همليني دلوقتي
مهرة بهدوء
مالك يا بدر شكلك مش طبيعي
بدر بضيق
مفيش تعبان شوية بالاذن
وسابه وطلع اوضته
مهرة بضيق
اقسم بالله انا عايشة مع شوية مجانين
في شقة سعاد كانت اريام قاعدة علي الاب توب وبتدرب عليه دخلت والدتها فجاة وقالت باستغراب
ايه ده جبتيه منين
اريام بتوتر
ده يا ماما هو
سعاد بحده
ما تنطقي جبتي البتاع ده منين
اريام بتوتر
بصراحة ده بتاع واحد زميلي في الكلية يا ماما وانا محتاجة علشان بدرس عليه كذا برنامج ويعني استلفته منه كام يوم وبعدين هرجعه تاني ليه
سعاد بضيق
وايه اللي يخليكي تاخدي حاجه غاليه زي دي افترضي حصله حاجه منظرك. هيبقي عامل ازاي قدامه
اريام بتوتر
مش هيحصل حاجه يا ماما متقلقنيش انا محتاجة حاجه ادرب عليها
سعاد بضيق
انا الكلية دي داخلة عليا بخسارة اختك فين
اريام بهدوء
معرفش تقريبا قاعدة بره
سعاد بضيق
من امبارح وانتم مش بتكلموا بعض في ايه يا اريام متخانقين ليه
اريام بهدوء
مش متخانقين ولا حاجه هي بس زعلانه علشان الجدول بتاعنا اتغير ومش هنيجي مع بعض زي الاول
سعاد باستغراب
اتغير ليه
اريام بتوتر
كدة كدة لما اقدم علي الوظيفة دي ممكن منرجعش مع بعض بره بس هو الجدول غي، ه مواعيده و زوده المحاضرات
سعاد بهدوء
طيب يا اريام هسيبك تكملي اللي بتعمليه
سعاد خرجت واريام اتنفست بقلق
في فيلا ايمن دخل غرفة ابنه
ايمن بغضب
قوم يلا
امير قام بخضة وقال
في ايه يا بابا
ايمن بغضب
انت كل يوم هتيجي وش الفجر يعني فاشل وقولت ماشي بسيبك تروح وتيجي زي ما انت رايد وقولت معلش جايبلي مشاكل مع طوب الارض وقولت مش مهم لكن عايز تأذي ولاد راجح اهو ده بقي اللي مش هسمح بيه فاهم ولا لاء
امير بغضب
هو ادهم قالك مش كدة
ايمن بغضب
ايوة قالي علشان خايف عليك و علينا يا بيه انت عارف راجح ده ممكن يعمل ايه ممكن يخلينا نشحت في الشوارع و نخسر كل اللي ورانا و اللي قدمنا لو عرفت ان انت فكرت تأذي ابنه مش هيسمي علينا فاهم تبعد عن ابنه خالص و متفكرش فيه نهائي واقسم بالله يا امير لو عملت غير اللي بقولك عليه لاسفرك بره تعيش لوحدك فاهم ولا لاء
امير بغضب
فاهم يا بابا
خرج ايمن وخلفه زوجته فريدة
فريدة بضيق
ما براحة شوية يا ايمن علي الولد انت بقيت عنيف جدا معاه
ايمن بغضب
ملكيش دعوة كفاية دلعك اللي بوظفه
وسابها وخرج من البيت
بعد كام ساعة في الكلية
خلصت اريام وراحت الكافية وكان رماح لسه مخلصش
اريام فضلت مستنية ساعة لغاية ما راح ليها
رماح بهدوء
بعتذر عن التاخير ها عدتي علي اللي قولتلك عليه امبارح
اريام بهدوء
ايوة
رماح
حاجة وقفت معاكي
اريام بهدوء
وقف معايا بعض الحاجات بس الحمدلبه يعني فضلت اجرب لغاية ما عملتها صح
رماح ابتسم
كويس خلينا نكمل
وبدا يشرح ليها في الكافتريا كان وقف عبدالله مع حسام و عبدلله بيبص لرماح بغضب
حسام بهدوء
اهدي وفكر بعقلك يمكن في سوء فهم
عبدالله بغضب
سوء فهم هي كانت حاطه عينيها علي الغني مش انا انا فهمت هي ليه رفضتني دلوقتي علشان عايزه رماح
حسام بهدوء
يا ابني متبقاش غشيم واسأله انت مش خسران حاجه يمكن بيشرح ليها حاجه تخص المنهج
عبدالله بغضب
منهج ايه انت كمان واحد تجارة انجليزي و التانية عربي ايه اللي يجمعهم دول انا كل اللي غيظني انه عارف اني معجب بيها وقبل انه يكلمها وكان بيديني محاضرة في الاخلاق المرة اللي فاتت معاك اتقدم ولو مش معاك استني وهي لو من نصيبك هتاخدها
حسام بهدوء
انا عارف رماح كويس استحاله يغدر انا متاكد ان هو بيشرح حاجه علي الاب افهم منه علشان متخسروش
عبدالله بغضب
انا بقي عايز اخسره
وقرب بغضب وقال
الله الله ايه الحلاوة دي مش كنتي مش بتتعرفي يا انسة
رماح بهدوء
انت فاهم غلط يا عبدالله
عبدالله قاطعه بغضب
انت بالذات تسكت خالص انا مش مصدق انك تطلع غدار بالشكل ده
رماح بغضب
حاسب علي كلامك يا ابو عمو متخلنيش اتجنن عليك
حسام بتوتر
اهدوا يا جماعة مش كدة استني بس اسمعه يا عبدالله
عبدالله بغضب وبص لاريام بحتقار
انا مش عايز اسمع حد انا غلطان اصلا اني فكرت اتكلم مع واحدة زيك قولي انك كنتي حاطة عينك علي الجيب المليان مكنتش تعبت نفسي
اريام بدموع
اخرس انا مسمحلكش تتكلم معايا بالطريقة دي
حسام بتوتر
بس بقي الطلاب بيبوصوا علينا
اريام بسرعه اخدت شنطتها ومشيت
رماح بغضب
غور من خلقتي احسن انا هعمل في وشك البخت
عبدالله بغضب وهو ماشي
ماشي وسايبهلك انت و الهانم علشان تاخدوا راحتكم
كان هيضربه ولكن حسام وقف قدامه وقال
معلش يا رماح هو مش في واعية دلوقتي اقعد بس وقولي انت كنت بتعمل ايه مع اريام
رماح حكيله كل حاجه
حسام بتوتر
معلش بقي يا رماح عبدالله متهور شوية متاخدش علي خاطرك منه
رماح بغضب
بعد ما فضحنا قصاد الطلبة وحرجها الطلاب يقولوا عليها ايه دلوقتي
حسام بتوتر
انا عارف انه غلطان و حاولت اهديه قبل ما يروحلكم بس مع الاسف مسمعنيش انتم صحاب ودي اول غلطة
رماح بغضب
وانا ميهمنيش صُحبته بعد النهاردة يا حسام سلام
رماح اخد الاب توب ومشي اما حسام دور علي عبدالله
حسام بضيق
مش بقولك حمار و متسرع
عبدالله بغضب
لحق يضحك عليك بكلمتين
حسام بضيق
هو مضحكش عليا و لا حاجة انت كان المفروض تسمعه قبل الفضايح اللي عملتها دي انا هقولك علي اللي فيها
عبدالله بغضب
مش عايز اسمع حاجه
حسام بضيق
انت مجنون يا ابني ولا ايه انت مش عايز تسمع علشان عارف انك هتطلع غلطان اسمعني الاول وبلاش غشوميه
عبدالله بغضب
اتكلم يا سيدي وخلصني
حسام حكيله علي اللي قاله رماح
عبدالله بغضب
وانت ساذج للدرجة دي علشان تصدقه يا عبدالله
حسام بغضب
يا ابني متخليش الشيطان يعميك احنا اصلا لما شوفناهم كنا فعلا بيعلمها يا عبدالله متبقاش غبي انت مش بعينك كنت شايف عمال يكلم ويشرح ليها حاجه علي الاب توب انت اللي غلطان انا قولتلك استني و افهم الاول بس ازاي لازم تبلطج و تعمل شوشره
عبدالله بغضب
اسكت بقي وسبني في حالي
حسام بضيق
عايز اقولك باللي انت عملته ده انت ضيعتها من ايديك يا اخويا وخصوصا بعد اللي قولتلها و كلامك الجارح
عبدالله سكت بغضب
روحت اريام البيت وكانت بتعيط وهي طالعة علي السلم قابلت يحيي اللي قال بقلق
في ايه يا اريام مالك بتعيطي كدة ليه
اريام بدموع
مفيش حاجه انا كويسة
يحيي بقلق
لا انتي مش حد عملك حاجه اختك فيها حاجه
اريام بضيق
يا يحيي مفيش حاجه انا بس مضايقة شوية بعد اذنك
وسابته وطلعت شقتها وقتها يحيي كان بيبص ليها بحزن وبعدين خرج بره العمارة
في السرايا راجح في المكتب دخلت همس وقالت
بابا حضرتك فاضي اتكلم معاك
راجح ابتسم
ولو مش فاضي افضالك خير
همس بتوتر
عثمان جالي الشركة من كام يوم وطلب اننا نرجع لبعض
راجح بحده.
وانتي وافقتي
همس بتوتر
لا طبعا يا بابا انا استحاله اتهاون في اي حاجه تخص كرامتي
راجح بهدوء
كويس وبعدين يا همس
همس بتوتر
بقاله كام يوم كل شوية يبعت رسايل و
راجح بهدوء
و ايه اتكلمي خايفة كدة ليه
همس بتوتر
بيهددني
راجح بصدمة
بيهددك بايه
همس بتوتر
اني لو مرجعتلوش وقتها مش هيسبني في حالي و هيذيني وهيذي هو واهله حضرتك في شغلك
راجح بهدوء
لازم تعرفي ان محدش في الدينا يقدر علي ابوكي وابوه يخاف اصلا هو وعيلته كلها يجي جنبي ولا يهوب نحيتي اصلا يا همس ودي حاجة لازم تتاكدي منها تاني حاجه بقي ده واحد محدش يأمنله و انا بقي هعرفه الادب من اول وجديد وهخليه يندم اصلا انه فكر يكلمك اعمليله بلوك و متشغليش دماغك بيه
همس بتوتر
حاضر يا بابا بعد اذنك
راجح بهدوء
اتفضلي
همس خرجت بره المكتب اما راجح اخد تليفونه ومفتاح عربيته وطلع علي سرايا اهل عثمان
الغفير
اهلا يا راجح بيه نورت السرايا
عثمان بجدية
سعيد جوه ولا لاء
الغفير
موجود يا بيه اتفضل
عثمان دخل وخبط علي الباب و االخادمة فتحتله
وخرج سعيد من مكتبه و استقبله
سعيد
اهلا يا راجح بيه نورت السرايا
راجح بجدية
اقعد يا سعيد رايد اتكلم معاك في موضوع مهم
سعيد بهدوء
طب تشرب ايه الاول
راجح
مرايدش حاجه خليني اقول الكلمتين اللي عندي
سعيد باستغراب
مالك يا راجح في ايه
راجح بحده
بعد ولدك عن بتي
سعيد باستغراب
انا زعلت جداً علي الخطوبة اللي اتفشكلت و سألت سلطان ميت مرة عن السبب وهو يقولي محصلش نصيب انا عايز اعرف ايه اللي حصل خلاهم يفسخوا الخطوبه
راجح بحده
ابنك اللي فسخها و هو اللي كلمني و قالي كل شئ قسمة و نصيب علشان بنتي اكتشفت حقيقته حب ان هو ينهي الخطوبة علشان متتكلمش و لا تفضحه
سعيد باستغراب
ايه الل بتقوله ده حقيقة ايه انا مش فاهم حاجه
راجح بحده
ابنك كان متجوز رقاصة من سنة اتجوز و هو خاطب بنتي و سوها بالرقاصة بقي بنت راجح الدهشوري ضرتها تبقي رقاصة
سعيد بصدمة
ايه الكلام ده يا راجح
راجح بغضب
دي الحقيقة و دلوقتي بيهدد بتي علشان ترجعله حتي لو هي وافقت انا مش هوافق و من النهارده اعتبر كل الشغل اللي بنا منهي يا سعيد و ابنك لو مبعدش عن بنتي هخلص عليه انا مبهزرش في الحاحات دي يبعد عنها احسنله
سعيد بتوتر
اهدي بس يا راجح الحاجات دي مش بتتحل كدة و بعدين انا هخليه يطلق البت دي و هعلمه الادب و بعدين ده طيش شباب يا راجح خلينا نرجعهم لبعض وبلاش تفرقهم هما بيحبوا بعض
راجح بغضب
بتي مبتحبش حد و انا قولتلهالك كل حاجه انتهت وولدك يبعد عن بتي بدل ما احسرك عليه
وخرج راجح
سعيد بغضب
ماشي يا عثمان ان ما وريتك
في بيت اريام في اوضتها كانت قاعدة بتعيط تليفونها رن برقم غريب كنسلت ولكن الرقم رن تاني ردت بضيق
الو
رماح بهدوء
انا رماح انا اسف علي اللي حصلك بسبيي
اريام بدموع
انت مش غلطان انا اللي غلطت لاني معملتش حساب ان ممكن ده يحصل انا اللي اسفة يا رماح علي الكلام اللي سمعته بسببي
رماح بهدوء
متشغليش دماغك لو مش عايزه نقعد ما بعض في الجامعة ممكن نتقابل بره الجامعة
اريام بدموع
شكرا يا رماح بس مش هينفع خلاص انا هتصرف متشكره علي اللي عملته معايا
رماح بضيق
انا عارف ان انتي محتاجة البرامج دي قد ايه يا اريام انا خابر زين ان اللي حصل صعب بس انا رايد اساعدك لان انتي مش هتتقبلي في الوظيفة غير لما تتعلمي و انتي لو كنتي لقيتي حد يعلمك متاكد انك مكنتيش قبلتي اني انا اللي اعلمك يا اريام
اريام بدموع
انا هتصرف وهشوف حد بس مش هسمح لحد انه يتكلم عني كفاية اللي اتقال لغاية كدة شكرا علي اللي عملته مع السلامه
وقفلت من غير ما تسمع رده
في كافتريا الجامعة رجع حسام لرماح
حسام بتوتر
اهدي بقي انا اتكلمت معاه و متاكد انه اما يهدي هيجي و هيتعذر كمان
رماح بغضب
انا مرايدش ابص في خلقته اصلا يا حسام
حسام بتوتر
انا معرفش ايه اللي جابه النهارده اصلا
رماح بغضب
اكيد علشان محاضراته
حسام بتوتر
لا لان هو متفق معايا من. امبارح انه مش جاي الاسبوع ده خالص علشان عنده. ظروف في البيت و دلوقتي اتفجت بيه جاي ومتعصب كأن حد وصله المعلومة ان انت قاعد مع اريام
رماح بغضب
ومين بقي اللي هيعمل كدة و حتي لو كلامك صح ده ميدلوش الحق انه يقول الحديت الماسخ اللي قاله و لا الاسلوب الزفت اللي اتكلم. بيه هي لا مراته ولا خطيبته و لا تعرفه اصلا علشان يتعامل كانهم مرتبطين
حسام بتوتر
طب بس اهدي شوية و كل حاجه هتتحل يا رماح تلاقي حد حاول يوقع ما بينكم
رماح بضيق وقام
انا غلطان اني صاحبت واحد بالعقلية دي انا ماشي و قوله اني قطعت الصحوبيه اللي بينا دي و مرايدهاش واصل بعد اللي عمله.
حسام بتوتر
طب استني بس يا رماح
رماح مردش عليه وراح ركب عربيته ولسه هيطلع بيها فجاة موتوسيكل ضرب طلقة ناحية عربية رماح
ياتري اتصاب ولا لاء

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشقت مطلقة وأولادها 2)