رواية اللعب مع الشياطين الفصل الرابع عشر 14 بقلم منال عباس

رواية اللعب مع الشياطين الفصل الرابع عشر 14 بقلم منال عباس

رواية اللعب مع الشياطين البارت الرابع عشر

رواية اللعب مع الشياطين الجزء الرابع عشر

رواية اللعب مع الشياطين الحلقة الرابعة عشر

جلس الجميع فى جو أسرى جميل لتناول الغداء …كانت فريدة سعيدة وهى ترى السعادة فى عيون احمد …
وكذلك سارة شعرت بسعادة اختها
سارة : شكل اللى فى بالى حصل اوعدنا يارب
تقى : بس يا شقيه ويلا علشان مذاكرتك
ولكن جرس الفيلا المتواصل اسكتهم ليذهب احمد لفتح الباب ليجد الشرطه
احمد : خير يا حضرة الظابط
الظابط : انت احمد منصور
احمد : ايوا فى حاجه ؟!
الظابط : مطلوب القبض عليك
انتفضت تقى عند سماعها ذلك لتجرى عليه
تقى : فى ايه يا احمد …
احمد : أهدى يا تقى اكيد فى حاجه غلط .ونظر إلى الظابط
احمد : حضرتك ممكن اعرف ليه
الظابط : هتعرف كل حاجه فى القسم
فريدة : مستحيل ابنى عمره ما بيأذي حد عايزينه ليه …
الظابط معايا ظبط وإحضار فى قضية ق*تل ويلا وهناك هتعرف كل حاجه
نظر احمد الى تقى : تقى خلى بالك من ماما واتصلى على مصطفى يجيلى واطمنى انا ما عملتش حاجه وذهب مع الظابط …
تقى بانهيار : ايه اللى بيحصل معانا دا ..ليه ديما فرحتى مكسورة …لطفك يارب …
احتضنتها سارة وهى تطمئنها
سارة : ان شاء الله الأمور تعدى على خير
انا هكلم أبيه مصطفى علشان يكون معاه
عند علاء
علاء : اخيرا خلصت منك ..كنتى واقفه على قلبي بنت غبيه
هايدى ( سكرتيرة احمد ) بس انا خايفه نتكشف ..الموضوع مش سهل ..
علاء : لا مش عايز حد يحس بخوفك دا كدا انتى هتفضحينا …
هايدى : انا هاخد اجازة واسافر الفترة دى
علاء وهو يجز على أسنانه : بقولك ايه اعقلى كدا احسنلك ولا عايزة تحصليها
هايدى : لا خلاص …شوف عايزنى اعمل ايه وانا هعمله …بقلم روايات منال عباس
عند فريدة
فريدة : من ما اتجوزت منصور واهلى اتبروا منى بعدت عن الكل وسافرت انا ومنصور لحد ما وقف على رجليه وبنى نفسه بنفسه …
بس هو مات وسابنى ومفيش حد بعد ربنا يقف جنبي فى محنتى دى …انا مش هقدر استحمل اى حاجه تحصل لاحمد
لازم اروح لاختى جوزها ليه معارف كتير
وطلبت من تقى وسارة عدم المغادرة إلى حين عودتها …..
عند احمد
احمد : ممكن اعرف ايه هى تهمتى
الظابط : انت متهم فى قضية ق*ت*ل
احمد بذهول : ق*تل ازاى دا ومين اللى اتق*تل ..
الظابط : الانسه شهد حارس الشركة بتاعك لقاها مقتولة فى الشركة
احمد : ازاى وايه هيودى شهد الشركة …ثم إنى كنت فى المستشفى مع المدام واختها وبعدها كنت موجود فى الفيلا …
الظابط : عندك ما يثبت الكلام دا
احمد : الظابط محمود كان موجود معانا فى المستشفى واستجوب سارة اخت المدام …
وبعدها روحنا وكان معانا مصطفى صديقى
طرق العسكرى الباب ليخبرهم بوجود شخص يطلب الدخول
دعاه الظابط للدخول …وكان مصطفى
احمد : جيت فى وقتك احكى احنا كنا فين النهارده ..بقلم منال عباس
قص مصطفى ما حدث …
الظابط : كل دا جميل .. حوالى 4 ساعات من وقت خروجك من المستشفى ..
احمد : ما انا قولت لحضرتك أننا كنا فى الفيلا
الظابط : فى حد شافك غير اسرتك يشهد ب كدا ..خدم مثلا
احمد : للاسف اول ما وصلت صادق اخد اجازة ومشي علشان يشوف مشكلة مراته لأنها هى وشهد كانوا مدبرين لحالة التسمم …
الظابط : لا ..انت كدا تحكيلى كل حاجه بالتفصيل وايه علاقة شهد بيكم …
عند فريدة
وصلت فريدة الى إحدى الڤيلل
وطلبت من الحارس مقابلة السيدة فريال
الحارس اقولها مين حضرتك
فريدة بتنهيدة : قولها فريدة
دخل الحارس وأخبر فريال
هبت فريال واقفه معقول تكون فريدة …: قولها تدخل بسرعة
وما أن رأتها فريال حتى جرت عليها تحتضنها …
فريال بدموع : معقول كل السنين دى ما عرفش عنك حاجة يا فريدة ..انا دورت عليكى كتير …وما عرفتش الاقيكى
وكل اللى كان يعرفك منهم قال انك سافرتى برا مصر ومنهم أنكر أنه يعرف عنك حاجه ..
اهون عليك اعيش السنين دى كلها من غيرك
فريدة : ماكنتش عايزة اعملك مشاكل مع بابا بعد ما طردنى …
فريال : بابا تعب بعد ما غيبتى عننا وهو اللى أمر أن ندور عليكى وكل ما نفشل حالته كانت بتسوء لحد ما توفى
فريدة بحزن : ربنا يرحمه كان نفسي ما ابعدش عنه لحظه بس انتى عارفه رأيه فى منصور ورفضه بدون مبرر خلانى اتمسك ب منصور اكتر واكتر …
المهم يا فريال انا واقعة فى ضيقه ومحتاجه مساعدتك انتى وجوزك
فريال باهتمام : خير بعد الشر طبعا احنا تحت امرك …بقلم منال عباس
قصت فريدة باختصار كل ما حدث لها ولابنها
فريال : يا حبيبي يا ابنى …للاسف زوجى توفى من سنتين بس اطمنى ابنى هيكون مكانه
وهيقف جنبك …هو زمانه على وصول
فريدة : أنا مش عارفه اشكرك ازاى ..
فريال : عيب عليكى دا احنا اخوات ….
وبعد دقائق قليله رن جرس الفيلا وكان القادم ….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية اللعب مع الشياطين)