رواية والعلة هي العشق الفصل السادس 6 بقلم سولييه نصار

رواية والعلة هي العشق الفصل السادس 6 بقلم سولييه نصار

رواية والعلة هي العشق البارت السادس

رواية والعلة هي العشق الجزء السادس

رواية والعلة هي العشق الحلقة السادسة

(الماضي )
اترعش جابر من الغضـ ب وهو بيسمع كلام حفيده …حاسس ان كل حاجة هتبو ظ تاني …هو مستحيل يسمح لقاسم يبو ظ اللي مرتبه ….دلال هتفضل مراته …هو لازم يحافظ على حفيدة صاحبه الوحيد …عشان كده لازم يجوز لينا بأقرب وقت ….
-أنت بتقول ايه يا ولد؟!طلاق ايه وجواز ايه ؟!انت مش هتتجوز على دلال!!
-مين جاب سيرة اني هتجوز عليها أنا مقولتش كده ابدا يا جدي …أنا بوضحلك اني هطلقها واتجوز لينا …مستحيل اجيب لينا على ضرة أنا مرضاش ليها كده ابدا ….
-اسكت…اسكت ..
صر.خ جده فيه وقال؛
-ايه الخرافات اللي بتقولها دي ؟!!!قولتلك مش هتطلق دلال …ولا هتتجوز لينا….طلع لينا من دماغك خلاص…أنا شوفتلها المناسب ليها…
ميل قاسم رأسه بخطو رة وعينيه السودا لمعت وقال:
-معلش يعني ايه المناسب ليها
بصله جده بصرامة وقال:
-يعني لقيت عريس للينا خلاص …..
سيطر قاسم على نفسه بصعوبة عشان ميهد مش البيت على اللي فيه وقال:
-لينا….لينا بتاعتي عايز تجوزها لحد تاني !!!
-بس يا ولد …لينا مش ليك …ولا انت ليها …قصتكم انتهت من زمان ….
هز هو رأسه وقال:
-لا مستحيل …قصتي مع لينا منتهتش …أنا هتحوزها يا جدي …لينا ليا ومش هتكون لحد تاني أنا سمعت كلامك وسترت دلال …لكن ابوس ايديك متحرمنيش من الحاجة الوحيدة اللي أنا بحبها …لينا لو راحت لحد غيري انا ممكن امو ت فيها …
بصله جده بغضب وقال:
-وهتكمل وعدك وتفضل مع دلال …تكـ فر عن اللي عمله اخوك فيها …
-وأنا مالي …أنا مالي …دي غلطتها هي واخويا …هي اللي فر طت في نفسها أنا ليه أشيل الهم ده…لا لا….أنا ميهمنيش حاجة ….أنا هطلق دلال واتجوز لينا …لينا هي حب حياتي …مش هسيبك تبو ظ حياتي يا جدي مستحيل ….
ابتسم جابر وقال ببرود:
-تمام بس ملكش عندي ورث …واي حاجة اخدتها مني هرجعها بمعرفتي …ايه رايك ؟!وابقى روح اشتغل يا دكر وعيش مراتك !!!
اتوتر قاسم وهو بيبص على جده بس مردش عليه ومشي ….
قعد جابر على الكرسي بتاعه وهو بيتنهد بتعب ….لازم يجوز لينا …لازم يتحرك بسرعة
………
كانت واقفة في المطبخ قدام الحوض بتغسل المواعين وعيونها بتنزل دموع لوحدها بتفتكر حب حياتها اللي خد عها…واللي كـ سر قلبها …كانت فاكرة ازاي بيستـ غل حبها ليه….غمضت عينيها وهي بتشـ هق وبتفتكر اللي حصل ….
فلاش باك …
-مش راضية تقابلي خطيبك ليه يا دلال بيشتكي منك …
قالتها امها وهي بتدخل عليها الاوضة …كانت دلال نايمة على السرير وعيونها مدمعة…مكانتش عارفة تقول لوالدتها ايه ….مفروض تقولها على اللي بيعمله زين ولا تسكت خالص ….كانت خايفة من رد فعلها تفتكر أنها غلـ طت ولا حاجة …ربنا يعلم أن دلال قاومت زين كتير ….بطلت تخرج معاه بسبب اللي بيعمله …
اتعدلت دلال وبصت لوالدتها ودموعها بتنزل وقالت:
-أمي أنا مش عايزة أخرج مع زين لحد ما نكتب الكتاب …
شهقت امها وقالت:
-نعم يا اختي …أنتِ مجنو نة يا بت…مش عايزة تخرجي مع مين…أنتِ يا بت ناوية تمو تيني ناقصة عمر ….مش عايزة تخرجي معاه ليه يا سنيورة …هو عمل ايه …
غمضت هي عينيها بخو ف وقالت:
-يا ماما زين تصرفاته بقت مخيـ فة معايا ….بيتعمد يلمسني ….أنا بقيت اخاف منه …غير أنه …أنه …
سكتت شوية وهي محر جة وبعدين قالت:
-بيطلب مني حاجات مش تمام وانا بخاف ….
-طيب وفيها ايه ؟!
قالتها امها فجأة …اتصد مت وهي بتبص لوالدتها فقالت :
-يا بنتي طاوعيه عشان ميسبكيش ….هو كده كده هيبقى جوزك …معلش تنازلي شوية ….مفيهاش حاجة لما تطاوعيه شوية …
عينيها اتوسعت وهي بتبص لمامتها …دموعها كانت بتنزل لوحدها….اتنهدت هي وقالت:
-زين رجل وسيم وغني واي واحدة تتمنى تقرب منه …لكن هو بقا خطيبك وبعد فترة هيكون جوزك مفيهاش حاجة يعني ….يا بنتي الحمدلله أنه بصلك …وعلى فكرة لولا جده مكانش فكر فيكي …
-أنتِ عايزاني أفرط في نفسي يا أمي؟!!
قالتها دلال بصدمة فهزت والدتها رأسها وقالت:
-لا يا حبيبتي ابدا …أنا بس بقولك اتنازلي شوية عشان ميطفشش …يالا قومي البسي الفستان الازرق اللي اشتراه…يالا قومي يا بت …قومي …
…
خرجت دلال من شرودها وهي بتبكي جامد …..كانت حاسة أن قلبها بينزف …مش قادرة تتنفس كويس …فضلت تعيط كتير وهي بتفتكر حظها اللي وقعها مع واحد زيه …فجأة اترعشت وهي سامعة باب البيت بيترزع وصوت قاسم العالي وهو بيقول :
-انتِ يا زفتة ياللي اسمك دلال …
اترعشت اكتر وسابت الطبق وجريت على الصالة ..وقفت قدامه وهي حاطة رأسها في الأرض …قرب منها بغيظ ومسك ايديها وصرخ فيها وقال:
-جهزتي الغدا ؟!
شفايفها اترعشت وقالت:
-أنت…انت قولت مش هتاكل هنا عشان كده…….آه…
صرخت فجأة لما حست بكفه على وشها….الضربة كانت جامدة لدرجة أن جانب بوقها فضل ينزف ….بصتله والدموع بتنزل من عينيها فصرخ هو ؛
-هو أنتِ نفسك عروسة يا عينيا ….فوقي لنفسك يا بت …أنا اتجوزتك عشان استر عليكي بعد عملتك المنيلة مع اخويا …أنتِ لازم تعرفي انك مجرد خدامة هنا …متحلميش ترتاحي ….لازم تدوقي المر …تتعاقبي عشان فرطتي في نفسك …
فضلت تبكي قدامة …كانت حاطة ايديها على ودنها مش عايزة تسمع ..بس هو مسك ايديها وقالت:
-جرا يا حلوة مش عايزة تسمعي الحقيقة …دي الحقيقة انك فرطتي في شرفك وشرف ابوكي ..الحقيقة انك رخيصة محدش يشتريك حتى ولا بتلات قروش ….
وقعت على الأرض وهي بتصرخ وحاطة ايديها على ودنها وبتقول :
؛بس اسكت …ابوس ايديك اسكت !!!
بصلها ببرود وقال :
-دي اقل حاجة اعملها مع واحدة ***** زيك ….
شهقت بفز ع وهي بتسمع اللفظ اللي قاله عليها بعدين بصت على الأرض وفضلت تعـ يط جامد …
……
تاني يوم ….
كانت قاعدة بتفطر مع عيلتها…كانت لابسة شميز ازرق عليه بنطلون اسود واسع وشعرها الطويل جايباه على جنب …حاطة ايلاينر عشان يبين جمال عينيها وروج خفيف …كانت اختها شغالة تشاكس فيها وتقولها أنها جميلة جدا النهاردة وهي شغالة تضحك من كل قلبها وبس …
فجأة الباب خبط فقام بسرعة والدها يفتح الباب وبهت فجأة وهو بيشوف جابر ابوه واقف قدامه …
-مش هتقولي اتفضل يا ولد …
قالها جابر وهو بيرفع حاجبه اليمين ….
-اتفضل يا بابا …
قالها وهو بيتنهد …دخل جابر عليهم وهو بيقول :
-السلام عليكم ورحمة الله وبركاته …
قامت ام لينا وقالت :
-اهلا وسهلا وعليكم السلام يا حاج…اتفضل نورتنا والله …اتفضل افطر….
بص جابر على لينا اللي بتبصله ببرود وقال:
-تسلمي يا مرات ولدي …انا مش جاي افطر…أنا جاي اقولكم كلمتين ….
-بخصوص ايه يا حاج ؟!
قالها ابنه بحيرة فرد وهو بيبص على لينا وقال؛
-بخصوص جواز لينا …أنا لقيتلها العريس المناسب !!!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية والعلة هي العشق)