رواية والعلة هي العشق الفصل الخامس 5 بقلم سولييه نصار

رواية والعلة هي العشق الفصل الخامس 5 بقلم سولييه نصار

رواية والعلة هي العشق البارت الخامس

رواية والعلة هي العشق الجزء الخامس

رواية والعلة هي العشق الحلقة الخامسة

(هي له )
خرجت من محاضرتها وهي ضامة كتبها حاطة راسها في الأرض وهي بتمشي …..خرجت من البوابة وهي بتدور على تاكسي عشان تروح بسرعة ….صممت انها تروح الكلية وترمي كل حاجة ورا ضهرها بس للأسف الذكريات كانت اسو.أ حاجة في حياتها….ذكرياتها مع قاسم حب عمرها اللي اتخلى عنها بكل سهولة ….غمضت عينيها وهي بتفتكر انه دايما كان بيقف برا كليتها يستناها بعربيته ….كان بيفتحلها عربيته بنفسه ويوصلها لحد باب بيتها….كان بيعاملها كأنها بنته اللي بيخاف عليها….نزلت دمعتها من عينيها وهي بتفتكر اللحظة اللي اتخلى عنها فيها….هي مستحيل تسامحه…مستحيل ….
مسحت دموعها بعنـ ف ورفعت راسها بس بهتت وهي بتشوفه قدامها …عيونها دمعت كان واقف نفس الوقفه بتاعته …مكتف ايديه وبيبصلي ….اتنفست بسرعة وهي حاسة أنها هتنها.ر في اي لحظة ….جسمها سخـ ن …كان نفسها تروح وتفضل تضر ب فيه…كانت مقهو رة اووي …بس سيطرت على نفسها ومدتش ليه أي أهمية نزلت راسها ومشيت عشان تركب تاكسي …بسرعة جري ناحيتها ومسك ايديها جامد وقال :
-ممكن بس تسمعيني…ممكن تفهميني !!!
-ابعد ايديك اياك تلمسني …
صرخت فيه وعينيها باينة فيها الشر اسة …رجع لورا بتوتر …عينيها كانت بتلمع بغضب شديد …حس بنا ر بتطلع منها ….طحـ نت أسنانها وقالت :
– اقسم بالله لو فكرت تلمسني تاني هقـ تلك فاهم …ابعد عني وروح لمراتك …
-انا مبعتبرهاش مراتي أنا مش بحبها….أنا بحبك انتِ !!
قالها بحر قة …بصتله لثواني وبعدين ضحكت بألم:
-اومال اتجوزتها ليه؟!سيبت ايدي وروحت لغيري ليه مادام بتحبني ….
-لينا افهميني ابوس ايديكي والله أنا ما بحبها أنتِ عارفة اللي حصل …البنت كانت هتتفـ.ضح …وكل ده بسبب اخويا ازاي اتخلى عنها …
ضحكت بسخرية وقالت :
-بجد فاكر الكلام ده هيدخل دماغي…هو انا عيلة يا قاسم …انت عملت كده عشان خايف تخـ سر فلوس جدك …سيبت ايدي عشان الفلوس وروحت اتجوزت …انت اخدت قرارك وانت حر …وانا كمان حرة اني مرجعلكش واشوف غيرك …
وشه احمر من الغضب ….كان غيران …الغيرة عمـ.ت عينيه…محسش بنفسه غير وهو بيشدها ناحيته وبيصر خ فيها وبيقول :
-انسي يا حبيبتي …انسي أنك تكوني لحد غيري…انتِ بتاعتي واللي يفكر يحط عينيه عليكي هقـ تله ….
زقته هي وقالت بشجاعة:
-أنت اجبن من أنك تعمل أي حاجة …انت مبتعرفش تحافظ على الناس اللي معاك …فوق يا قاسم انت ضيـ عتني من ايديك ومستحيل ارجعلك تاني ….مش أنا اللي ارجع لواحد راح لغيري ….
-انا مروحتش لغيرك ….أنا لسه ليكي زي ما انتِ ليا ….
هزت راسها وقالت:
-لا أنا مش ليك …خلاص اللي بيننا انت اللي نهيته…دلوقتي هتشوفني بعينك وانا بروح لغيرك …
وبعدين سابته ومشيت ….ضر.ب ايده في العربية بغضب …فضل مكانه وهو حاسس بنا.ر في قلبه …كان حاسس انه مش قادر يتنفس …طريقتها في الكلام بتقول انها فعلا هتعمل كده…معقول تسيبه …معقول تبقى لغيره …لا لا…مستحيل ..هي ليه…ليه وبس ….وهو مش هيسيبها
….
وقفت بعد فترة وهي بتمسح دموعها بقوة …مش قادرة تصدق وقا.حته…للدرجة دي شايف انها هبلة وهترجعله بعد اللي عمله بس لا هي مستحيل ترجعله ابدا …هو كـ سر قلبها وهي مش هتسامحه ابدا وزي ما شاف حياته هي كمان هتشوف حياتها !!!
….
-خير يا قاسم…جاي ليه …انت لسه متجوز مفروض تبقى مع مراتك مش تيجي هنا …
قالها جده وهو بيقعد على كرسيه براحة …بصله قاسم بضيق وقال:
-متقولش أنها مراتي انت عارفة أنا اتجوزتها ليه…أنا مش بحبها …أنا بحب لينا…
-قاسم شيل لينا من دماغك …مراتك هي دلال…دلال وبس….دي اللي هتكمل معاها وهتجيب منها عيال…
بصله قاسم بنفو.ر وقال:
-انا مباخدش فضلا.ت حد يا حاج….أنا اتجوزتها عشان استرها وبعدين أطلقها …أنا سمعت كلامك …ودلوقتي اسمع كلمتي وقراري …أنا هتجوز لينا في أقرب وقت وأطلق دلال!!!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية والعلة هي العشق)