رواية مرارة العشق الفصل السابع 7 بقلم سولييه نصار

رواية مرارة العشق الفصل السابع 7 بقلم سولييه نصار

رواية مرارة العشق البارت السابع

رواية مرارة العشق الجزء السابع

رواية مرارة العشق الحلقة السابعة

-انتي اتجننتي يا بت !!!
قالها ابوها وهو ماسك شعرها ….كانت هي بتبكي وبتقول :
-مش قادرة …مش قادرة انسى خالد يا بابا …افتكرت أن شهاب هيقدر بس مقدرش يخليني أنساه …انا بموت من جوا يا بابا …بموت والله !!!
زقها لحد ما وقعت على الأرض وقال:
-هو انتي فاكراها لعبة يا روح امك ؟!!انتي عبيطة يا بت !!!خالد مين ده اللي عايزاه وخطوبة ايه دي اللي عايزة تفسخيها…انتي عبيطة يا بت ولا غبية ولا ايه بالضبط ….
-بابا …
-اخرسي ولا كلمة …هو انتي فاكرة انك حتى لو سيبتي شهاب خالد هيبصلك تاني …خلاص يا حلوة الواد اتجوز بنت عمه ومفكرش فيكي ….شوفي حياتك وبطلي عته….
الدموع نزلت من عينيها فقال وهو بيقرب منها:
-هتحبي شهاب …ده واحد هيعيشك ملكة …صدقيني هتنسي خالد ..متقلقيش …
….
بعد شوية …
دخلت اوضتها وقعدت على سريرها وهي بتعيط …كانت فاكرة أن شهاب هينسيها خالد بس مش قادرة قلبها معاه …وهي شايفاه عريس النهاردة ببدلته حسيت قلبها بيوجعها …هو كان مفروض يكون ليها هي وبس …عيطت جامد وهي حاسة كان جبل على قلبها ….
…….
تاني يوم
-عملية …
قالتها مريم بتوتر وهي بتبصلي …بعدين كملت :
-هو بابا هيتحمل عملية زي دي في السن ده يا دكتور….
بعدين دموعها بدأت تنزل …مسكت ايديها وشديت عليها وانا بهمس :
-اهدي يا مريم …
بصيت للدكتور وقولت :
-منقدرش نكمل العلاج الكيماوي …
بصلي الدكتور وقال:
-للاسف جسمه مش بيستجيب ليه بنسبة كبيرة …الافضل العملية ….واحنا مش هتعملها دلوقتي …بعد شهر أن شاء الله متقلقوش يا جماعة نسبة نجاحها كبيرة وربنا كبير ….
……
وصلنا عمي للبيت ودخل اوضته نام فضلت مريم تبكي بحرقة قربت منها وحضنتها ….اتخلت عن كسوفها وحضنتني وهي بتعيط جامد وبتقول :
-أنا هموت لو حصله حاجة …هموت …
طبطبت عليها وقولت:
-متخافيش مش هيحصل حاجة أن شاء الله. .
بعدت عنها وانا بمسح دموعها بلطف …وشها احمر فابتسمت وانا بقول :
-بعد يومين فرحنا عايزين نفرحه يا مريم وقتها نفسيته هتبقى احسن وان شاء الله تنجح العملية …أنا هنزل اجهز الغدا لينا ونطلع ناكل هنا ماشي …
هزت راسها بتعب ووشها لسه احمر ….
…
خرجت من بيتهم وانا حاسس بمشاعر جديدة جوا قلبها …وشها وهو احمر وقريب مني مش قادر أطلعه من عقلي ….حاسس انها بتحتلني بسرعة….
فتحت باب بيتي ولسه هدخل لقيت صوت شوق وقفني…بصيت لقيتها واقفة قدام باب بيتي ..
-اللهم طولك يا روح …خير ..
عيطت وهي بتقول :
-انا هسيب شهاب ويالا نتجوز …
بصيتلها وكأنها مجنونة وقولت:
-انا متجوز !!
-خلاص تتجوز تاني. .أنا موافقة ابقى مراتك التانية !!
قالتها بهوس وهي بتبتسم بأمل

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مرارة العشق)