رواية مرارة العشق الفصل السادس 6 بقلم سولييه نصار

رواية مرارة العشق الفصل السادس 6 بقلم سولييه نصار

رواية مرارة العشق البارت السادس

رواية مرارة العشق الجزء السادس

رواية مرارة العشق الحلقة السادسة

-أفندم …
قولتها بصوت بارد …دموعها نزلت وقالت :
-انت بجد هتتجوز مريم !!!
ابتسمت بتريقة وقولت:
-صباح الخير …النهاردة كتب كتابي عليها …وانتي معطلاني عن اذنك …
وبعدين كنت هطلع بس هي بسرعة دخلت وقفلت الباب بسرعة …بصتلها بصدمة وقولت :
-أنتي بتعملي ايه ؟!
-انا مش قادرة انساك …مش قادرة يا خالد …
-هتنسيني متقلقيش …يعني بكام هدية كمان من شهاب انا متأكد انك هتنسيني …..يالا روحي لو سمحتي معطلاني عن كتب كتابي …لو حد شافك هنا خطوبتك هتبوظ وانتي اكيد مش عايزة شهاب بيه يزعل منك …
وبعدين كنت هفتح الباب عشان تطلع حضنتني جامد وهي بتعيط وبتقول :
-متتجوزهاش يا خالد …صدقني أنا اتجبرت على شهاب …أنا مش بحبه ..أنا بكرهه….
بعدتها وانا ببصلها فقالت وهي حاضنة وشي:
-انا اتضربت كتير عشان اوافق عليه …لكن الحقيقة أنا محبتش غيرك يا خالد ….
بعدين حطت جبينها على جبيني وقالت:
-أنا بحبك يا خالد …زي ما انت بتحبني بالضبط …أنا عارف انك مبتحبش مريم…دي واحدة مطلقة …مبتخلفش …وكمان اكبر منك …انت بتحبني انا مش هي ….
-لو كان شهاب اشتراكي بشوية هدايا ودهب فأنا مش هشتريكي بإتنين جنيه يا شوق ….
وبعدين زقتها وانا ببصلها …هي كانت مصدومة مني وقولت :
-انتي فاكراني هصدق الكلام الاهبل ده ..اصل بابا أجبرني اصل بابا ضربني ….شوق أنا عارفك اكتر من نفسك …حافظ نظراتك …بعرف من نظراتك أن كنتي عايزة الشخص ده ولا بتنفري منه …ومريم اللي بتتكلمي عليها دي انضف منك بكتير …أنا مستعد اشتريها بفلوس العالم كله …ودلوقتي اطلعي برا انتي معطلاني عن جوازي …بعدين مسكت دراعها جامد وزقتها برا البيت وبعدين خرجت وبصتلها بقرف وروحت على كتب كتابي …
………
في بيت عمي ….
كنت قاعد على الكرسي وجمبي المأذون وبعدين عمي رفعت عيني وشوفت مريم بتخرج من الاوضة بتاعتها …عينيا فجأة ثبتت عليها كانت لابسة فستان اوف وايت وخمار من نفس اللون ..كانت ملامحها هادية وجميلة …ابتسمت ليها لما رفعت عينيها وبصتلي …بعدين حطت عينيها في الأرض وهي مكسوفة …ابتسمت اكتر وانا بفكر أن كسوفها حاجة مميزة فعلا. …..لأول مرة مكونش حاسس بمرارة خيانة شوق …
…..
بعد شوية ….
-بارك الله لكما وبارك عليكما وجمع بينكم في خير …
قالها المأذون وهو بيعلن جوازنا …زغرطت احلام ونورا اولاد خالها وكمان ميادة مرات خالها …قومت وقربت منها وبعدين بوست راسها …حسيتها بتترعش وهي حاطة عينيها في الأرض ..فبوست رأسها تاني وانا مبتسم …يمكن فكرة عمي مكانتش وحشة …
…..
-انا مش عايزة اتجوز شهاب …مش عايزة !!
قالتها شوق وهي بتبكي لأبوها اللي كان قاعد على الانتريه ماسك تليفونه …ساب تليفونه وقام وبعد كده لطشها بالقلم !!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مرارة العشق)