رواية للحب راي آخر الفصل السابع عشر 17 بقلم عائشة الكيلاني

رواية للحب راي آخر الفصل السابع عشر 17 بقلم عائشة الكيلاني

رواية للحب راي آخر البارت السابع عشر

رواية للحب راي آخر الجزء السابع عشر

رواية للحب راي آخر الحلقة السابعة عشر

فتح ازازة الاسيد و اقترب منها و رفع ايديه علشان يدلقها على وشها لكن ايد سليم كانت اسرع صدها بايديه الى ادلق الاسيد عليها و بى الايد التانية حضن حياة الى كانت مصدومة و مش فاهمة حاجة مش فاهمه دا مين أو عمل كدا ليه أما سليم ف مكنش حاسس بألم ايديه اتسعت عينيها بصدمة و غضب و زقيته بعيد عنها:- اانت اتجننت ااتت ازاى تتجر تلمسني يا حيوان اانت و بعدين انت مالك …. اااااه قول بقا انها تمثلية و انت متفق معاها صح انسا انا مش شايفك اصلا ولا الهوي ما تخلي عندك دم ز ذوق و ابعد عني اانت مبتحسش
سليم اتنهد بهدوء عكس الغضب الى جواه :- المهم انكي تكوني بخير رؤوف روح هاتلي تلفوني الى نسيته عندك و انت هتشرف معايا على القسم
الشاب :- انا معملتش حاجة مكنش قصدى والله يا باشا ا كنت بهزر و
سليم بغضب:- اااخلص و انطق
الشاب:- انا كنت هتجوز كنت بحب خطيبتي جدا بس بعد ما الانسة ظهرت في حياتنا خطيبتي بوظت الجوازة قبل الفرح بيومين … ماشية على نصائحك يا آنسة يارب تكوني ارتاحتي
حياة بصتله بصدمة كانت لحظة صمت رهيب فريدة و رؤوف جوم فريدة بقلق:- انتي كويسة
حياة بهدوء :- كويسة يا فريدة كويسة
حياة اتجهت لعربيتها ركبت العربية اتنهدت بوجع و تانيب ضمير دموعها نزلت :- معقول يا حياة بقيتي خرابت بيوت معقول اكون السبب في تعست ناس .. انا ازاى بقيت كدا ازاى انا عمري ما اذيت حد في يوم و ليله اكون السبب في انفصال اتنين انا مش كدا و مش عايزة ابقا كدا
حياة مسحت دموعها و اتحركت بالعربية و سليم برضو راح لبيتو بعد ما واد الشاب على القسم
مامت سليم:- مالك يا سليم شكلك مش طبيعي
سليم بهدوء :- مفيش حاجة يا امي بس مضغوط في الشغل شوية اطمني انا كويس .. لارا جت ولا لسه
مامت سليم :- جت اتغدت و نامت شوية و هصحيها علشان تذاكر تعرف ربنا هيكرمك علشان مراضي كل الى حواليك
سليم بوجع و ابتسامة سخرية:- صح لدرجة انى دمرتها حياتها باظت بسببي ياريتني ما رجعت ولا شوفت ياريتني ما اتولدت اصلا
مامته بشفقة و حنان:- انت مكنش قصدك انا معرفش حصل اي قبل ما تعرف بمصيبة ابوك لكن انت كنت صغير اتسرعت كنت معمي انا نفسي مصدقتش نفسي لم الست دى جت و قعدت تهلل بصوتها
سليم بابتسامة وجع :- بعتت ليا عقد جوازهم الع.رفي و شهادة ميلاد بنتها كانت بتتكلم بقلب جامد و فعلا منكرش كله في مكالمة واحدة ة ياريته اتكسف انا مش قادر اصدق انه طول السنين دى بيضحك عليا و انا واخده قدوة .. يا تري يا امي انا لو اتجوزت هخون مراتي كام مرة هتجوز عليها في الضل ولا هشك فيها و اكسرها زى ما اتعمل فيكي .. ياريتها ما ظهرت في وشي ياريتها ما كانت سمعت كلامي .. ا انا كنت هسالها و افهم منها بس موضوع ابويا قض على اخر حته عقل فيا قض على نظري .. لارا صحيح مالهاش ذنب بس مش قادر اشوفها اختي دائما شايفها بنت الراجل الى دمر حياتي بنت الكداب ممم فوق كل دا مات و سبلي الشركة مديونة لطوب الارض و الهانم رمت بنتها ليا اربيها .. عارف من غيرك كان زماني بشحت أو سوابق انكسرت يا امي لم فوقت كنت حاسس انى مش انا اكني واحد تاني هو عمل فينا ليه كدا … لارا هتعيش احسن عيشة و تتعلم لحد ما تزهق هتتجوز لكن ابوس ايدك متطلبيش مني اكتر كدا لانى مش حاسسه اختي و مش طيق اشوفها عن اذنك هروح انام لاني تعبان و عايز انام
الام طبطت على ضهره:- ربنا يريح بالك يا حبيبي
سليم طالع على اوضته الام ضربت كف على كف و بتبكي على حال ابنها سليم طالع اوضته قفل الباب و بص على الشاش الى ملفوف على ايديه ابتسم بسخرية و حزن راح التواليت اتوض علشان يصلي سليم طبعا اتغير جدا بقا هادي نضج اكتر عاقل اكتر بيحاول يفهم قبل ما يهاجم أو يتعصب و الاهم انه بقا ملتزم و محترم جدا
فلاش
سليم ماشي جانب رؤوف بيتكلمو فجاة شاف شاب بيقرب من حياة و في ايديه الاسيد لكن ايد سليم كانت اسرع صدها بايديه الى انحرقت بسبب الاسيد طبعا طبعا محسش بوجع أو الحرق لان وجع وجع الحرق اهون من وجع قلبه
باك
عند حياة قعدة في اوضتها ضمة رجليها مش قادرة اتخيل انها كانت هتت.شوه أو انها سبب في دمار حد ( و اكيد حياة معملتش حاجة يعني مش سبب في تدمير حد هو الى شخص غلط) :- هوو اي الى دخلو على حياتي تاني رجع ليه
كملت بدموع :- يارب طالعو من قلبي ابعدو عني يارب انا مش قادرة استحمل اشوفو ولا ابص في وشو انا مش قادرة انسا الى عملوا فيا و مش عارفه انساها
في فيلا سليم
سليم :- الو مين بيتكلم
حمزة بصدمة:- انت نستني طول عمرك واطي
سليم اتعدل و قعد:- حمزة حمدالله على السلامة رجعت امتي
حمزة:- عايز اشوفك هتصل برؤوف و بقيت الشيلة
سليم :- نص ساعة و هكون في الكافي
سليم قام لبس و نزل علشان يقابل صحابو يااه اخيرا حمزة رجع أو هيشوفو صحيح راجع بقلو كتير لكن الحياة مشاغل و تلاهي بعد نص ساعة كلهم وصلوا المكان و اكنهم رجعوا لكام سنة وراء كانت القعدة هزار و ضحك
تاني يوم في القناة و الاستديو
حياة بعدم فهم:- انتوا مين
احنا احم احنا الحرس جايين نحرس و نامن المكان و حضرتك و مينفعش نرجع لان دا أمر من الحكومة روح يا حمادة شوف اوضة الهانم هاا
حياة بعصبية:- اااي ااي انت تشوف ولا تفتش اوضي ليه اصلا و حكومة مين اي الهبل دا
سليم بصلها و قال بحادة:- هو انا كلامي من امتي بتكسرو يلاا .. لم اقول كلمة تتنفس سامعين
امرك يا باشا
حياة لفت وشها بصت له من فوق لتحت و قالت ببرود:- هو فكرك انا لم اعوز امان هطلب منك يلاا يا باشا خد شوية الناس دى و وريني جمال خطوتكم لاني عندي شغل و مش فاضية لتفاهة دى
سليم بصلها بغضب و دخل اوضتها قعد يفتش فيها لان خايف يحصل زى ما حصل زمان بس بدل فبركة يبقا حقيقي خرج من الأوضة بعد ما اطمن أن مفيش حاجة أو كاميرات خرج و بص على الكاست كله ناس محترمين خرج بعد ما أمر رجالته انهم يحرسو حياة متغبش عن عينيهم ثانية و لو حاسو باى حاجة يكلمو فور
اتفضلي يا انسة حياة
حياة بصت على الورد ببرود خدت الكارت
اسف على الازعاج عارف انكي مش بتحبي الجو دا بس انتي من امبارح و انتي مسؤولة مني و تحت عيني مش شك لان عارفك و واثق فيكي لكن مش واثق في الى حواليك الى حصل امبارح قلقني عليكي ف لازم دا الى يحصل .. اتمني تسامحيني على الى حصل مني زمان عارف انها قات ادب بس انا والله العظيم ندمان حقك عليا بحبك يا اجمل مذيعة
حياة بصت حواليها بتوتر قطعت الكارت :- و مالوا يا حبيبي انت الى بدأت استحمل قولت لك ابعد عني انت الى مش عايز اشرب بقا استنا عليا علشان تضربني بالقلم كويس
حياة دخلت الاستديو و بدات الحلقة و هى حاسه بحاسس مختلف تمام عن زمان متوترة فرحانة خايفة متلخبطة بعد ساعة و نص خلصت الحلقة و خرجت من الاستديو و الحرس وراها واحد من الحرس فتح ليها باب العربية حياة ركبت من وراء و هى مستغربة :- دا انت معندكش دم بقا اانت مجنون يا ابني اي الارف دا
سليم اتحرك بالعربية:- مجنون بيكي هتروحي البيت مش كدا
حياة نفخت بضيقة و مردتش عليه حطت رجل على رجل و قالت بغرور و تكابر و ابتسامة مستفزة:- لاا رايحة النادي و بسرعة علشان مستعجلة
سليم بيحاول يهدي نفسه من طريقة حياة الى بتعصبيو حياة ابتسمت اكنها بنحب تشوفو متعصب بعد وقت وصلت النادى سلوى و فريدة بصلهم بصدمة و عدم فهم
سلوى بفرح:- نقول مبروك و نزغرط صح
فريدة:- يعني هتبقي العروسه المنتظرة صح الف مبروك يا حبيبتي الفرح امتي بقا يعني سلوى و اخوكي بعد اسبوعين اكيد انتي الاسبوع الى بعدو و
حياة بحازم ببرود:- طلب بوصلني قولت فرصة ايدي وجعتني من السواقة و بتضحكو على اي شايفني ارجوز قدامكم
سلوى بضحك:- لا شايفين سليم انه هيبقا جوز الست انتي عملتيه ممسحة
فريدة بضحك:- الرائد سليم بجلالة قادره بيوصلك بنفسو و يفتحلك باب العربية بنفسه دى انتي قادرة يخرب عقلك بس خليه يتربة مش قادرة هموت
فريدة و سلوى قعدو يتضحكو حياة بصت لهم بضيقة و اتجهوا لصالة التداريب بعد وقت طويل كل واحدة رجعت لبيتها
في القصر في الصالة
يزن:- حمدالله على السلامة اتاخرتي ليه
حياة بهدوء:- بعتذر جدا بس والله العظيم الدنيا كانت زحمة و بعدين الساعة لسه ٨ و نص
يزن بهدوء:- مم فعلا طب اقعدي علشان عايزك في موضوع
حياة بقلق:- موضوع اي حمزة طلاق سلوي
حمزة بغيظ:- مش لم اتجوزها الاول علشان طلاقها لا يختي جيلك عريس يا شبر و نص
مليكة:- و بعدين معاكم والله اسبلكم البيت و محدش يعرفلي طريق لمو نفسكم بقا و انت قولنا مين العريس
يزن اتنهد و بصلها بهدوء:- سليم الانصاري
حياة بصدمة قامت وقفت:- مين سليم مين معلش
حمزة بغيظ منها:- سليم صاحبي الى كان معانا في المدرسة هبسطها اكتر الى كان بيمثل معاكي في المسرح الواد الى سيدك كنتي بترخمي عليه و تخرجي عن شعورو
حياة قعدت و اكن حد قالها خبر وفاة مش عريس :- انا مش بفكر في الموضوع دا ارفضو… مممم ادوني شهر افكر
حمزة:- ها تستعبطي فيها شهر يعني اي هما اسبوعين
يزن بعصبية:- اخرس منك ليها فكري براحتك انا مش هجبرك على حاجة ولا امك ولا حتي حمزة
تاليا بمرح:- وافقي يا حياة علشان ابقا اخت العروسة و اخد اوضك عيني فيها و اهو نبقا نسبنا الحكومة لوووووي
حياة بسخرية:- اتجوزيه انتي يختي
تاليا:- كان نفسي بس صغيرة عادي نعمل فترة خطوبة عقبال ما اكبر
حياة قامت بهدوء وقفت جانبها و شدتها من شعرها:- لسانك دا هقصو هاا بطلي يا شعلة
حياة دخلت اوضتها واقفت قدام المرايا و بتلعب فى شعرها:- لا يا سليم مش بالساهل اسامحك اصبر عليا اما ما جننت اهلك مبقاش انا حياة
حياة دخلت التواليت اتوضت علشان تصلي صلاة الاستخارة اهو خير و كويس هتوافق مش مرتاحة هترفض خلصت صلاة و قعدت تدعي ربنا انه يديلها على الطريق الصحيح عدا تلات اسابيع حمزة و سلوى اتجوزو جاه سليم بعد ما حدد معاد مع يزن جاه هو و امو و اختو لارا
حياة خرجت بصينية القهوة كانت لبسة فستان اسود كانت ماشية بثقة و تحدي سيطرة و طبعا الجزمة بكعب عالي و صوتها بيعصب سليم اتجهت ليهم سلمت على الموجودين و قدمت القهوة
سلوى بصوت واطي لان واقفة وراها:- سر الابتسامة
حياة بصوت واطي و خبثة:- واحدة بتتخطب عايزني اعمل اي اصوت و لطم خلينا نفرح خليني افرح
قالتها و هى بتبصلها بشر مداري بابتسامة سليم شرب القهوة لكن لحظه ان طعمها غريب
حياة لنفسها:- هههه مش هيستحمل يكمل بعد ما حطيت زيت و شطة و فلفل اسود و ملح و قرفة و كمون و كزبرة خليني نستمتع
حياة كشرت لانه كمل القهوة
سليم بابتسامة:- تسلم ايدك القهوة طعمها يجنن
قالها بسخرية حياة بصتله بعصبية و غيظ لان فاهمة قصدو و تم الاتفاق على خير تاني يوم بالليل في عربيه سليم سليم فتح تبلوه العربية بص لكيس الهيرو..ين بصدمة و…..
بالشفاء يا سوسو
يا تري مين الى حط المخدرات في عربيته و هيعمل اي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية رواية للحب راي آخر )