رواية عودة الذئاب الفصل الثالث عشر 13 بقلم ميفو السلطان

رواية عودة الذئاب الفصل الثالث عشر 13 بقلم ميفو السلطان

رواية عودة الذئاب البارت الثالث عشر

رواية عودة الذئاب الجزء الثالث عشر

رواية عودة الذئاب الحلقة الثالثة عشر

كان اسمر مهتاجا يقف بين الجمع يصرخ ويمسك في الرجل ..هنا لم يعد الرجل يحتمل ظنا ان به مس من الجنون ..
صرخ الرجل في الناس …الرجل دا واحد مجنون له يومين بيلف ورايا وماسك فيا يطلقني ويجوزني. ازاى انتو فندق محترم سايبين المهابيل تلف فيه.
صرخ اسمر …احترم نفسك يا حيوان انت مش عارف انا مين.
قال الرجل بغضب … واحد لسه خارج من الخانكه. مرات مين يا معتوه اللى هطلقها كل شويه .
صرخ اسمر … اللي كانت قاعده اهنه من شويه .
هتف الرجل …اسمها ايه بقه وقاعده فين انت بتشرب ايه انا واحد مش متجوز اصلا.
بهت اسمر وقطب جبينه ليعود ويصرخ … انت كمان هتتنصل من جوازتك انت فاجر ليه اكده.
صرخ الرجل …يمين بالله مامتجوز انا عازب اعمل ايه تعالي نروح السجل يا عم دا حاجه بقت تشيب.
اندفع اسمر يمسكه… انت بتكدب ليه.
هتف الرجل…. طب اعمل ايه عشان تحشوه عني حد يجبلي مصحف يا عالم والله مامتجوز روح شوف مين اللي ضحكت عليك يا عم انت.. والا انت تعبان والا ايه. اخرجلك ام البطاقه مش متهبب والا اجيبلك مين ..انا عاااازب سنجل متهبب لحالي .
وقف اسمر مصعوقا ..تنهد الرجل واقترب … انت بيك حاجه طيب عايز تتعالج واحنا نقف جنبك..
نظر اسمر اليه بغضب حارق ولكن ليس من الرجل من داخله ليدرك ان تلك الفتاه خدعته بابشع طريقه وجعلته يعيش جحيم العذاب عن حق انها تنتمي لاخر ..رجف قلبه وابتلع ريقه .. يعني مش متجوزه يعني هيا مش متجوزاك بجد.
تنهد الرجل…. والله ما متجوز يا عم..
تراجع اسمر وجلس يلتقط انفاثه الهائجه ظل جالسا يمر شريط علاقتهم ببعض ليدرك ما فعلته تلك الشقيه لينطلق ضاحكا مره واحده ..
نظر اليه الجميع ظنو انه مجنون فكانت عيونه دامعه من كثره الضحك ..مر وقتا ليعود لنفسه ويبتسم ابتسامه خبيثه ليقوم ….. حلوه انا بحب اللعبه الحلوه بس اللي يلعب علي اسمر رقبته تنجاب.
نظر اليهم وتركهم ولم يبالي بنظرات الاستنكار التي اصابته منهم.
اتجه الي الفندق دخل علي صاحب الفندق يعرفه بنفسه فهو نار علي علم بدا يتحدث عنها ويذكر له مواصفات مهره .
هتف الرجل.. اسمر باشا احنا خلال يومين هندور مش هنسكت احنا مانرضاش حد نصاب يقعد مابينا.
ابتسم اسمر……طب يا ريت اول ما تجيبوها تعرفوني. اصلها خدت مني ساعه بميت الف جنيه واظن الفندق ماهيستحملش فضايح واكيد الكاميرات هتجيبها وهيا بتركب معايا المرسي مش بكدب انا.
قال الرجل..العفو يا اسمر بيه.. يومين يا باشا بالضبط واجبلك خبرها احنا مش هنسكت وهندخلها السجن .
ابتسم له وقال..لا سجن ايه انا مش هبلغ ..يا ريت ماحدش ياذيها ماشي انا هتصرف وارجع حقي ..ويا ريت لما تشوفوها ماحدش يمسكها ولا يجبلها سيره انا بس اللي همسكها ..
وعده الرجل ان يجدها في اسرع وقت لينصرف اسمر وهو يتوعد لها أن يأخذ حقه منها ويعرف من تلك التي تجرات و خدعته .
*****
كان براء يجلس بالشركه …دخل عليه اسمر وجلس معه دون ان ينطق بكلمه ….
نظر اليه براء مستعجبا … مالك اكده داخل قامط صامت..
جلس اسمر وتنهد ولم ينطق فهتف براء ….مالك ياض قاطم ليه.
قال اسمر … اششش دماغي مش متحمله.
قطب براء جبينه.. هو ايه اللي هششش هو اني فرخه شالله ماجولت عيل ثجيل.
نظر اليه اسمر بغضب..فهتف براء مسرعا …خلاص يا عم ايه هتقتلني خلصنا …
ليتفاجا بدخول الجد عليهم بهت اسمر …جدي انت جيت اهنه.فالجد لا ياتي الشركه .
دخل الجد ومعه مأمون جلس وقال بسخريه ….. ايه يا اسمر اكونش اعتبرتوني مت خلاص وطيحتو في الدار.
هتف اسمر.. العفو يا جدي دانت الخير والبركه.
هتف الجد.. خير …لاه يا ولدي مافيهاش خير اني سبب الخراب اني استاهل اللي هيحرالي وعشان اكده قررت اعدل المايل.
قال براء …. خير يا جدي مايل ايه حد جه جارك وزعلك.
نظر اليهم باسي…. اني اللي جيت جار نفسي اني اللي وحلت نفسي بنفسي حاسس ان المصايب هتخش بسببي.
اردف اسمر باستغراب .. مصايب ايه يا جدي.
قال الجد ….. مصايب عمك لعمك …عمك يا ولدي ذنبه هينهش الكل.
هتف براء…. عمي جبران هيعمل ايه.
صرخ الجد… العمليه طالته الجاحد منه لله سبب الخراب.
هتف اسمر…. امال تجصد مين عمي عامر جصدك.
قال الجد.. عامر راجع يا ولاد سلطان.
بهت اسمر… عمي عامر راجع عرفت ازاي يا جدي دانت دورت لما غلبت عشان ترجعه.
قال بوجع ….. اه دورت بس عمك راجع عشان ينتقم يا ولدي.
بهت اسمر وصمت قليلا ….ينتقم …نظر الي جده … يكونش هو اللي بيبعت لعمي جابر الرسايل.
نظر الجد مبهوتا وقال بلهفه…. رسايل ايه دي.
هتف اسمر …عمي جابر كل يوم تجيله رساله. مكتوبه مرميه في كل حته العربيه والمكتب حتي الدار عندنا ليه شهر هيتجنن .
قال الجد مسرعا ..ايه هيا فيها ايه ….
اقترب اسمر واخرج من جيبه ورقه …اهيه يا جدي بتترش علينا كل يوم .
وقف الجد ومسك الورقه ..كانت مخطوطه بكتابه حمراء عريضه ..نظر واحس ان قلبهةسيتوقغ ليعود به الزمن للخلف ..تذكر ذلك الطفل يؤم ان مال عليه وهمس في اذنه ….
. دم الغالي هيجي من دم الرخيص.
عاد لزمن تذكر وعد الطفل وعودته …لم يتحمل ترنح مره واحده اندفع اسمر يمسكه فوقع الجد مره واحده ونظر لاسمر ونزلت دموعه…..
يا مصيبتك يا عمران .. الموت حل يا ولدي والخراب عشش.. النسل نسل وجع وجاي بالوجع يا ولدي. النسل من النسل عار وفيه نسل من النسل شايل جهر نسل الخراب.
هتف اسمر… فيه ايه مالك يا جدي. مافاهمش حاجه .
هتف الجد وهو يشهق.. فيه جباض أرواح بس ماعرفش هيجبضها بأنهي طريجه.. خايف عليكو يا ولدي وانتو مالكوش ذنب .يا خراب نسلك يا عمران انت اللي سمعت للشيطان .جاي نسل الغالي ياخد حجه من نسل الخراب .يا خراب بيتك يابن ابو الدهب …
صرخ الجد ووقع أرضا .اندفع اسمر وحمله وذهب به الي المشفي ليخبروه الأطباء انها ازمه قلبيه ويحتاج الي المكوث بالعنايه لفتره .
جلس اسمر وبراء ليهتف براء.. جصده ايه جدك بنسل الغالي ونسل الخراب اني مافاهمش حاجه.
هتف اسمر.. ماعرفش بس حاسس بحاجه واعرة هتاجي فيه حاجه هتحل علينا بس ايه هيا ماخابرش جدك مابيجولش حاجه من غير ما يكون فيه وراها حاجه. ربنا يستر ….جلس الاثنين يفكرا ماذا يكون يقصد الجد وبداخلهم الاف الاسئله .
*****
ذهب نديم ليأخذ وجد يذهب بها الي احد اماكن الاجتماعات كانت وجد حزينه انها ستتركه بعد فتره وهذا ما عزمت عليه تصون بذلك قلبها الذي دق له . كانت لا تتكلم ولا تنطق ونظره الحزن لا تفارقها ولا تنظر اليه من اساسه .
اما هو لم يعد يحتمل ذلك التحول يريد ان تعود اليه تلك المشاكسه الحنونه التي دخلت حياته فجاه تمنحه مايفتقده من سنين .
انتهي الاجتماع انصرف المجتمعين مبكرا ظل حالسا ينظر لليها ويتاملها مبتسما .رفعت عيونها واخفضتها بسرعه وهمست … مش هنقوم بقه.
هز راسه بياس تنهد وقال …للدرجادي مش عايزه تقعدي معايا.
ابتلعت ريقها بصعوبه وارتبكت….. هاه اقعد.. لا ليه ايدا ..انا بس بس ..اه خلصنا شغل هنقعد ليه .
اقترب منها …. وانا مش قاعد عشان الشغل ولا عايز اقعد عشانه.
همست بخجل … امال قاعد ليه فيه حاجه تانيه.
قام واقترب منها مد يده ومسك يدها….. اه فيه..
ارتبكت وشدت يدها فقال …. سبيهم عشان انا مش هسيبهم..
ارتبكت هيا واحمر وجهها …. من فضلك مستر نديم .
خفض وجهه في مستوي وجهها وقال بابتسام.. نديم يا وجد بقالك فتره ماقولتي نديم.
لتهمس بوجع …ماينفعش انا.. انا بشتغل مساعدة حضرتك.
تنهد … وقبل كده كنتي بتشتغلي ايه كنتي بتشتغلي مساعدتي برضه.
شدت يدها وهمست … ارجوك كفايه كده.
زفر بضيق …طب اعمل ايه عارف غلطت …. انا لو قعدت اعتذر الف مره ماهيكفيش ندمي علي كلامي اللي قولته.. وجد انا مش شايفك الا حاجه غاليه.
قالت محاوله ان تنهي الموضوع …. مفيش حاجه انا عادي اهوه.
اندفع ومسك يدها ….. لا مش عادي ..مش عادي ..فين وجد وعفويتها. فين همسك ليا اللي كان بيشع راحه وكلامك اللي يخرج من القلب.وجد انت كنتي بالنسبالي النسمه اللي بتخلي قلبي يلين من جحوده . من ساعه اليوم الزفت انت بقيتي حاجه تانيه موجوعه ومنزويه وفي دنيا تانيه انا ماعتش قادر اشوفك كده.
دمعت عينها وهمست….. ما دي حياتي ايه الجديد.
تنهد ومسد علي يدها … ممكن تكون حياتك بس انا عرفتك بطريقه تانيه .عرفتك فرحانه بتشعي طاقه .عيونك لما كانت بتبصلي بحس انك فرحانه انا حاسس اني قتلت الفرحه دي بطريقه غصب عني واعتذرت كتير بس مش عارف ارجع نظره عيونك للاول .وجد انا عشت ايام وجع فوق الاحتمال ماحبيتش حياتي الا الفترة اللي دخلتي فيها.
نظرت اليه بخوف.. مستر نديم من فضلك بطل كلامك ده انا مش ناقصه .
اردف بلين …ابطل ازاي من بعد ماسمعتك وانت بتكلمي بباكي انا حاسس ان انا وانت نسخه واحده مافيش الا الوجع في قلوبنا مافيش حد في حياتنا الا اما دخلنا حياه بعض. بس الفرق انت لما دخلتي حياتي حسيت بحاجه جوايا عايزك زي مانتي جميله وحنينه وبتشعي فرحه . انا دخلت حياتك بقيت سبب وجع زياده انا مش مستحمل اشوفك كده وجد انا اسف اني وجعتك من فضلك ارجعي زي ماكنتي وانا اوعدك اني مش هوجعك تاني.
لتتنهد و تهمس بحزن.. ارجع.. ارجع ليه يا مستر نديم ولما ارجع هقعد اد ايه عشان انوجع تاني.. عارف انا عشت عمري احلم اني اقابل حد اتكلم معاه بعفويه وماخافش ومش هنكر اني اول ما شفتك حسيت انك انت الشخص ده. وفرحت واتصرفت بطبيعتي اللي مابتطلعش مع ناسي . بس اكتشفت ان انت زيك زي ابويا وولاد عمي.
اندفع قائلا … لا والله ابدا..
لتتنهد.. ابدا…. عايزه اقولك ان انا ماعتش عايزه حلمي ده لان حلمي وجعني وانا بستناه.
مسك يدها .. اوعدك والله اني ما هضايقك تاني وجد انا محتاج عفويتك وبساطتك انا بجد تعبت من دنيتي الناشفه وجد انا عايش من غير مشاعر ولا قلب حجر صوان ارجوكي سامحيني انا بطلب منك بجد تنسي اللي حصل.
قالت بوجع …. يا نديم صعب انا خايفه ومرعوبه.
ابتسم لذكرها اسمه تلمس يدها.. خايفه من ايه طيب.
تنهدت… مش عايزه نسخه ابويا في حياتي مش عايزه نسخه ولاد عمي في حياتي.
ابتسم.. طب ماتجربي جايز اطلع مش زيهم.نبقي اصحاب وهبقي زي مانتي عايزه .
لتتنهد …نديم بالله بلاش انا خايفه.
ضحك مشاكسا .. شوفي نديم طالعه منك قمر ازاي طالعه تاخد العقل والله.. خجلت من نظراته ليبتسم.. خايفه اوجعك صح.
نظرت اليه بلين .. ليقول.. انا محتاجك جنبي بجد احنا شكل بعض الوجع طالنا من الأهل ..نبقي جنب بعض نداوي بعض .
لتهمس …انت كمان اهلك وجعوك..
تنهد وظل ينظر اليها ليقوم .. قومي..
نظرت اليه بخوف ..ابتسم ..قومي يا وجد مش هعضك …قام واخذها وذهب بها للمكتب..
استغربت … انت جايبني هنا ليه..
جلس علي الكنبه محني الراس يستغيد ما فات ظل جالسا لتخاف منه ومن صمته وتعابير وجهه ..اقتربت وهمست ..نديم ..
رفع وجهه واشار الي الندبه بجوار عينيه …. شايفه دي.
قطبت جبينها اقترب ومسك يدها يجعلها تتلنس ندبته ليهتف.. دي يوم ما مات نديم الانسان .مات وماعتش جواه الا الخراب .نديم العلامه دي نتشت قلبه من دمه.. اهلي وعزوتي وناسي دعسو روح نديم ماعتش اصلا موجود.بتقولي ابوكي قاسي وجاحد انا بقي اهلي كلهم جاحدين واتسببو في موت امي وابويا.. عايش عمري بفكر واحد ماببصش لنديم او اشوف ممكن يحس بايه .لا نديم اتحط علي طريق واحد . ماقدرش يكون الا نديم القاسي الموجع .ولازم يكمل طريقة للآخر وهو بيكمل كل شويه جواه حاجات بتموت. اشار لقلبه ..هنا مابيحسش هنا اله بتوجع ..الكل فاكر ان القسوه عادي طبع ..بس قسوتي بسبب قسوتي ماينفعش الا تبقي قسوه عشان مااقعش واضعف .نديم ليه سنين ميت .
نظر اليها بلين .لحد ماجيتي انت بعفويتك وبساطتك.. ليندفع ويمسكها.والله يا وجد دخولك حياتي بيديني روح … جربي يا وجد مش هأذيكي ..نبقي حتي اصحاب بطلب طلب بتمني توافقي عليه .
لتتنهد وتصمت ليهتف.. يعني نديم الاسطوره اللي مافيش حد يعرف عنه حاجه بيتراجكي تحني عليه وتخشي حياته برضه تقعدي ساكته كده..
لتتنهد وتهمس بتزمر ..ايه نديم الاسطوره يعني مانا وجد برضه.
ضحك …ماشي يا ستي احلي وجد ايه خلاص صاف يا لبن.
لتتنهد وتنظر اليه وترفع اصبعها محذره ..يعني مش هتزعقلي تاني..
ضحك وقال .. عمري..
نديييم …هز راسه مبتسما ..فاكملت …. ومش هتقول حاجات وحشه تزعلني خلاص وتبقي وحش.
ضحك مره اخري …. عيوني انت بس تامري.
قامت ووضعت يدها في خصرها …ولما اتكلم مع أمجد ماتقولش مش محترمه …فاهم اموتك.
ضحك. عن اخره …. مش هقول بس برضه أمجد ماتتكلميش معاه وتهزري.
قطبت جبينها … ليه بقه دا حزين هو كمان لازم احن عليه ثواب .
.. ليهتف بضايق…. يا ستي ماتهزريش مع حد غيري تمام.
لتنظر اليه وتتنهد فاسرع .. ايه خلاص كده..
وقفت وقالت بتعالي …خلاص عفوت عنك .
ضحك ومسك يدها يقبلها …. ياااه قلبك اسود دانا اخاف ازعلك.
رفعت اصبعها …عارف يا نديم لو زعلتني هعمل فيك ايه.
ليضحك ويهتف.. يا ساتر انا خوفت هتعملي ايه.
تنهدت بغلب ونظرت اليه بطيبه.. مش هعمل حاجه مابعرفش اعمل كل اللي هعمله هسكت وانقهر وبس انا لما بزعل بحس اني ميته يا نديم. بسكت وبس لحد مابحس بروحي هتطلع .
اندفع… بعد الشر ولا عمري اقدر.
خبطته وهتفت…طب خلاص خلاص .. اما نشوف ويلا بقه مش هتاكلني والا هتقعد تلك كده كتير.
ضحك… اهو انا جبته لنفسي ألك حد يقول لريسه بتلك.
قالت بتزمر ….. لاااا بقلك ايه هتقلب بومه هخاصمك.
ضحك … لا يا ستي ماهقلبش ويلا عايزه تاكلي ايه.
قالت بسعاده …… عايزه اركب مركب عالنيل ايه رايك .
ابتسم …انت بس تامري لياخذها يتجه بها الي المكان الذي ارادته ليبدا رحله التنازل عن قسوه النديم .يقترب من قلب الوجد الذي يشع حالميه وطيبه لا يستحقها الا من يدرك جمالها.
******
كانت شجن تجلس تحتضن القلب الذي احضره لها براء لتظل تداعبه وتبتسم وتتذكر مرحه معها لتتنهد.. بتفكري في ايه ماخلاص كل حاجه راحت..
قامت تفتح الشباك تقف فيه لتتنهد كانت تفتقد اختها اما أخيها فلا تقربه فهيا تخاف منه بشده .ظلت واقفه ساهمه..لتستدير وتشغل الموسيقي وتظل تدور وتدور لعلها تنسي مابها . توقفت عندما رن تليفونها .فتح التليفون لتسمع صوتا.. وحشتيني..
شهقت مره واحده فهيا عرفت صوته لترتعب وتغلق الخط… نظرت برعب الي الفون.. عرف تليفوني ازاي نهار اسود ايه ايه عايز ايه طيب .
رن تليفونها مره اخري لترتعب وتظل تنظر اليه ولم تعلم ماذا تفعل كانت ترتجف وصلها رساله منه.. افتحي التليفون بدل ما تلاقيني عندك.
رن التليفون ففتحه مسرعه …. عايز ايه انت …فيه ايه.. انت جبت نمرتي منين ..وتكلمني ليه انا ماينفعش اكلمك خلاص.
قال بسرعه …. حيلك حيلك ايه راديو.
لتتنهد بخوف….براء..
همس…. عيون براء .
قالت بخوف … بتكلمني ليه عايز ايه .
همس …وحشني صوتك.
قالت بلين .. عيب كده مش قولنا خلاص.
تنهد …طب بزمتك خلاص مش ماسكه القلب بتاعي دلوقتي في حضنك … لتشهق برعب وتنظر حولها .
ضحك.. قلبي حاسس بيكي..
تنهدت وهمست….. بطل والنبي انا ممكن اتاذي ماتتصلش تاني.
قال بنعومه دخلت قلبها ….. ماقدرش من ساعه مامشيتي وانا مابنامش والله مابنامش .
همست…. وانا مالي بيك.
هتف بحنان.. مالك بيا مالك ازاي ..انك طيرتي النوم من عيني.. شجن عايز اشوفك.
ارتبكت…..لا .. لا تشوف ايه.
هتف باصرار ….. لا هشوفك انت عارفه انا لما بقرر حاجه انسي انها ماتتنفذش.
قالت بتزمر ….. انت مغرور علي فكره .
ضحك ….لا مش مغرور بس حاسس بالقمر موجوع.. مش قمر برضه موجوع وقاعد لوحده .. لتخجل وتتنهد …
انفتح الباب لترتعب فكان أخيها لترمي الفون برعب ..دخل نديم واندفع يمسكها بعنف.. انت ايه مش قولت ميت مره الزفت ده مايشتغلش انت ايه عايزاني افلقك نصين.
همست بخوف ….. ماعملتش حاجه يا نديم والله دا صوت واطي اهوه..
اقترب يمسكها بعنف صرخ… لا واطي ولا عالي انت عارفه ان الموضوع ده بيهيجني انت تلمي نفسك فاهمه مش هتفلتي بعمايلك دي والله لو ماتعدلتي لاسود عيشتك . انا اختي تمشي زي القلم فاهمه ..
كانت تبكي فصرخ فاهمه.. لتهز راسها بعنف دفعها ورحل لتنتحب بقهر فهيا تخاف منه بشده وجدت تليفونها مازال مفتوحا لتتجه وترفع الفون وتشهق بالبكاء سمعته يهتف بحنان… عمل فيكي ايه ده اخوكي.
لتتنهد تحاول ان تهدأ .. اهدي عشان خاطري.
همست بوجع …. براء.
تنهد بضيق … اعمل ايه بس في نبره الحزن بتاعتك دي مش قادر وانت بعيده كده..
قالت باكيه … خلاص روح بقه عشان نديم مايجيش تاني ويأذيني.
همس محاولا ان يلين قلبها … طب ينفع تسمحيلي نتكلم انا عايز أفضل اكلمك علي طول.
لتتنهد …مالوش لزوم بلاش يا براء .
هتف براء …. انا ماعرفش اسيبك لوحدك ولا اقدر.. لتتنهدفارظف مندفعا …. خلاص صح هكلمك. كل يوم ماشي.
قالت بلين … عايزنا نبقي أصحاب..
ابتسم وقال …اتمني نبقي أصحاب .
همست بقهر … انا ماليش أصحاب.
قال ببهجه ،… وخلاص جه براء بقي احلي صاحب دانا صاحب علي كيفك والله …. لتتنهد .. انا هكلمك كل يوم قبل ماتنامي عشان ابقي اخر حد كلمك .
لتتنهد وتهمس… انا ماحدش بيكلمني خالص والله .
همس بنبره حنونه ….. طب يا ستي هنتكلم جايز يجي وقت ونتكلم ونتقابل.
ضحكت… نتقابل ازاي انت في اخر البلد وانا اولها .
هتف بسعاده ….. انا متأكد اني هقابلك تاني وساعتها فيه حجات هتظهر وترجع كل واحد وياخد اللي ليه .
لتهمس …مش فاهمه..
ضحك … بكره يجي اليوم وتفهمي.. ليظلا يثرثران معا لوقت متأخر يتكلم معها عنه وعن حياته وهيا تتكلم معه عن دنياها واحتياجها لمشاعر لا تستطيع ان تنالها من اخوتها ..ظلا هكذا الي وقت متاخر واغلقا الخط وهيا حالمه وقلبها يدق بمشاعر حصلت عليها اخير في تلك الحياه التي تشع قسوه بلا روح .
*****
كانت مهره قد مر عليها اسبوع قد هربت من الفندق منه تاركه كل شيء حتي لم تذهب للعمل خوفا ولكن احست انها لابد ان تكمل او ترحل وتلملم اشياؤها . مكثت اليوم كله ولم تنزل من الفندق تخاف بشده .كانت لا تعلم رد فعله . لتختنق من نفسها لتقوم وتلبس وشاحا علي شعرها تخفي نفسها حتي لا يعرفها احد …نزلت بهدوء وظلت تتلفت يمينا ويسارا.ذهبت الي الخارج بهدوء ولم يلحظها احد ظلت تتجول طوال الليل بالخارج في الشوارع بلا هدف حتي اتي الفجر واصبحت الشوارع فارغه عادت الي الفندق حلول الصباح فوجدته شبه فارغ .. لتحس بحنين لمنزل النيل .
نظرت في ساعتها لفت وشاحها حيدا عليها اتجهت الي المنزل تجلس بجواره لتتنهد وتظل جالسه تفكر به… ابتسمت وهزت راسها ..انت بتفكري في ايه ماينفعش تفكري فيه انت بعيده وهو بعيد وماينفعش اصلا تتلاقو .ماينفعش يا مهره مش سكتك ولا مكانك ولا ينفع لتحس بوجع .. ذنبي ايه يتعمل فيا كده ذنبي ايه اعيش وقلبي مابيحسش نفسي احس نفسي ابقي طبيعيه.
نهرت نفسها…. انت مش طبيعيه يا مهره انت ميته موتي في اليوم ده بقيتي مسخ مالكيش تحسي مالكيش تبقي ست وليكي مشاعر مش ده اللي قال عليكي جربوعه وحراميه وهما أسياد مش دول اللي هانوكو وقالو عليكو ولاد الغزيه مش دول اللي خلوكي مسخ .انت مسخ يا مهره انت مش ست وماينفعش تبقي ست وتحسي .
شعرت بوجع ينهش صدرها ….امال بتوجع ليه بتوجع ليه لتخبط علي صدرها ….ده بيوجعني ليه انا دلوقتي لتشهق بالبكاء كانت تنتحب بشده لتحس بيد علي وجهها لترتعب مره واحده تحاول ان تفلت نفسها بلا جدوي كانت تتملص بعنف واليد تكبلها بقوه لتتراخي رويدا رويدا لتتوه ويغشي عليها و…..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عودة الذئاب)