رواية عودة الذئاب الفصل السادس عشر 16 بقلم ميفو السلطان

رواية عودة الذئاب الفصل السادس عشر 16 بقلم ميفو السلطان

رواية عودة الذئاب البارت السادس عشر

رواية عودة الذئاب الجزء السادس عشر

رواية عودة الذئاب الحلقة السادسة عشر

كانت مهره ساهمه عندما لمس اسمر شفتها ظلت برهه هائمه في دنياها .فتحت عيونها لتنتفض بقوه وتشعر برعب شديد هبت ودفعته بقوه …

انت اتجننت انت ازاي تعمل كده انت فاكرني ايه انت مجنون يا جدع انت انت ازاي تتطاول وتتجرا وتعمل كده انت انت ..صرخت ..انت مفكرني ايه .
نظر اليها برغبه شديده ..ست . ومش اي ست .اقترب وشدها .

لتدفعه وترتعب وتستدير مسرعه لا تعلم اين تذهب ..الا انه اندفع وراءها مسك يدها بقوه لتنفض يده وتدفعه بغضب عارم…

ايدك يا اسمر بيه مهره مش بيتلعبك بيها فاهم ومالهاش في السكك دي.انا مش مصدقه انك انك …بس عموما انت بعد كده لما تشفني في مكان تبعد عنه عشان انا مش هفوتهالك فاهم ..دانا مهره هاه ..لتستدير

فقال بصوت جهوري عالي.. مهره ست زي اي ست وعايزه راجل.ايه جولك .

استدارت غاضبه تستعد نفسها قالت بغل… مهره مش عايزه حد ولا عايزه رجاله.. مهره بنفسها ولنفسها والا يقرب منها تشيله من علي وش الارض. مهره ليها دنيه لوحدها ماحدش يخشها ولو جرب تندمه انه بس بس فكر يقرب. انا مش مصدقه ايه ده هو انت بتتحول مش ..ازاي نجروء وجاي تقول عايزه وزفت … مشي ايامك يا اسمر بيه هاه احنا بنشتغل مع بعض فاهم بنشتغل. وعيب قوي اللي عملته ده .
اقترب ومسكها من يدها بقوه… مش انت اللي تجولي اعمل ايه فاهمه واصحك تاني مره تعلي صوتك عليا انا عديتها جبل سابق بس بعد اكده ليا طرج تانيه.

شدت يدها وصرخت.. والله ولا يهمني فاهم وعندك الميه اشرب منها والا افلق دماغك في الصخور .مهره مابتخافش. لتستدير مسرعه وتتركه غاضبه تتجه الي العربه .

فتحت الباب لتجد الباب اترزع بقوه وهو يحاوطها بقوه لتحس بانفاثه و نبضاته صارخه وضع راسه في عنقها من الخلف ….. لا لازم تخافي وتخافي جوي عشان انا اخرتها ههبدك بحاجه تجيب أجلك هاه رمحتك دي مابتمشيش معايا اسمر غير.
تنفس شعرها وهمس بتترعشي ليه ياللي مش عايزه حد لتتململ برعب من مشاعرها وهو يكبلها .

قال بلين ….. عارفه لو دورتك دلوك هيحصل ايه لترتعب وتحاول ان تبتعد .
ادارها ورزعها في الحائط كان غاضبا من بعدها وتصديها له رفع يده يمسك وجهها كانت تحاول ان تبتعد ركن عليها يشل حركتها …

ظل يتاملها لفتره …. حاسس بصدرك هينفجر ايه اللي بتحرجيه جواكي وليه بصيلي …ضغط علي رقبتها نظرت الي عينيه …هتف…

شايفه ايه…

كانت تنظر في عيونه وقلبها سيخرج من مكانه اندفع يلمسها ويملس علي وجهها ونظراته تلتهم تفاصيلها .

لترتجف كتمت مشاعرها وحاولت ان تتجلد ان لا تنساب معه فعيونه تحرقها ..احست بنفسها ترتعش بشده بدات تنهج وتغرز يدها في ذراعيه ..

شعر انها ستدخل في هيستيريه من كتمتها راي حالتها شدها بقوه يحتضنها …..

بس بس فيكي ايه بس اهدي بتعملي ليه اكده بتحاربي ايه جواكي .ليه هتموتي روحك من كتمتك.

ظلت ترتجف وهو يمسد عليها لتهدا اخيرا لتدفعه وتبتعد مسرعا وتصرخ ..انت عايز ايه انت انت …..انت اتجننت انت كل واحده هتشوفها هتقرب منها .

ابتسم ورفع حاجبيه ..كل واحده ..مين جالك .

شعرت انها تهورت ….مش مش انت اللي قولت هتخطب يا بيه قريبتك والتانيه اللي بتتكلم عليها خلاص هوا .،صحيح واحد غدار كلكو كده .

اقترب منها مد يده لخدها فدفعته …طب وزعلانه ليه اني سيبت اللي بتكلم عنها .

صرخت ..مازعلاناشي انا هزعل ليه بس انت اللي بتقلب وايه اللي جد يا بيه دانت كت بتعض فيا .

ضحك واقترب منها ونزل بالقرب من وجهها …اللي جد اني حسيتك من جوا ..فرسه عايزه خيال يلجمها .

نظرت اليه مذهوله ..يلجمها ..نهارك اسود انت مريض عايز تفرض سيطرتك علي اي حد .

ضحك ..لا مش سيطره من اللي بالك فيها ..مد يدها شدها بعنف ..وضعت يدها علي صدره ..السيطره لما تخش للجلب الناشف تخليه يسيب حاله وينسي انه جامد وجاحد يرجعه لين هين يدوب في يد خياله تبقي سيطره ناعمه ..رغبه انك تبقي ست ورغبه الست ما بتندفنش مهما اظهرتي وبينتي …

تململت ..انت واحد مجنون روح يا بيه بلا سيطره بلا زفت انا مش سكتي ..واستدارت ولكنها شعرت بالقهر فرجعت اليه ..والهانم اللي هتخطبها عارفه هاه ..والحزينه اللي سيبتها وقعدت تشعر فيها لو رجعتلك هترمي مين والا مين انت ازاي كظه مش قولت دخلت قلبك يا جاحد .

نظر اليها مبتسما .،فصرخت ..انت بتبص علي ايه عموما انا مالي انا بشتغل وبس وانت انت روح لف علي ستات البلد شالله تموت وانت بتلف واستدارت غاضبه تشعر بنار داخلها تهرب منه ..

ركن وهو ينظر في اثرها سعيدا بغضبها ..الجميل والع دا هتبقي ايام لوووز … ماشي يا مهره هنشتغل بس قابلي الشغل ده.

*******
اتصل نديم بمهره يسالها عن امور خطتهم فاخبرته انها تسير ولكن هناك بعض العقوبات لم تكتمل ..غضب نديم وبدا ينهرها بشده انها لا تمتثل لاوامره وانه لابد ان ينتهو قريبا …

وقفت هيا بقهر ..يا نديم انا لوحدي براحه مش كلو عليا انا تعبانه قوي والله تعبانه . ارحمني انا عايشه عشانك وبس .
صرخ فيها ..تعبانه من ايه انا راسملك كل حاجه تتنفذ انت ايه هتهدي كل حاجه ايه مش قادره مالك فيكي ايه ناقصك ايه هاه حارمك من حاجه .
لم تحتمل …كفايه بقه كفايه انا تعبت والله تعبت ناقصني كل حاجه ناقصني انا ناقصني جوايا الميت اللي بيوجعني ناقصني مهره تحس انا ماعتش بحس بخاف احس عشان دي مش دنيتي .انتو بتعملو فيا كده ليه حرام والله قلبي بيوجعني بيوجعني وقفلت الخط وانهارت من البكاء في تلك اللحظه كان اسمر قد دخل وسمع الجزء الاخير رجف قلبه وشعر بالمها اندفع وشدها اليه وهيا منهاره حاولت ان تبعده فنهرها فانهارت اكثر حاوطها بشده وظلت تبكي بداخل صدره تنعي دنيتها القاحله التي اصبحت تخنقها ..

همس بالقرب من اذنها ..اهدي انا جارك مش هسيبك مين وجعك وانا احطه تحت جزمتي .تجمدت للحظه وانسلت من بين يديه ونظرت اليه بغضب ..تحط مين هو عيشتك كلها كده تحط الناس تحت جزمتك انت ايه يا اخي .انت عايز ايه ماتبعد عني ابعدو عني انا تعبت تعبت واندفعت وتركته يقف مبهوتا لا يعلم ما بها وما كم الوجع الذي تشعر به .

******
خرج نديم من المكتب فلم يجد أحدا قطب جبينه ليال استدعي الساعي يساله ليهتف.. راحو الحفله يا بيه الست وجد والأستاذ أمجد.

اشتعل عن اخره واستدار ورزع الباب من غضبه دخل المكتب ووقف داخله ياكله …. انا قولتلها ماتتنيلش تروح بس طبعا انا مشغل مسخوطه عندي ..مابتسمعش ومخصماني ومزفتاني …ظل ياكل روحه ليهتف ….لا انت هتفضل قاعد والبت هبله حد يضحك عليها دي امانتك. تنهد…. طب ايه هروح مانا قولت مش رايح ايه قله القيمه دي …هلبس زفت ايه دي تنكريه …تنهد وقام … غور مانت مهزأ ليستدير ويذهب اليها في الحفل.

****
اتصلت شجن ببراء …. براء البس بسرعه.

ضحك وقال … خير هنتجابل يا بركه دعاكي يامه.

لتبتسم… ايه عايز تقابلني يا بروئتي.

تنهد بهيام … عايز بس.. دانا عايز كل دجيجه..

قالت بسعاده …. طب هديك عنوان ماشي حفله تنكريه البس اي حاجه وانا هقابلك هناك. ولو عرفتني تبقي عسليه.

ضحك …والله انت مجنونه حاضر يا ستي..

لتقفل الخط وتنظر لنفسها… عايزه حاجه مطرقعه يا رب نديم مايجي انهارده ويبات بره …
ذهبت لدولابها لتلمع عينيها وتضحك … مجرمه انت يا شجن لتلبس مسرعه وتضع عليها عباءة تخفي ماتلبسه وتتجه الي الحفله وصلت شجن وخلعت العباءة وبدات تتجول تبحث عن براء .

تنهدت بلين …فين قمري يا ناس قلبي بيدق الواد عسليه ومز ويتاكل لتتنهد… قلبك بيدق يا زفته وقعتي والا ايه ماهو قمر ويوقع الحجر كفايه حنيته …كانت تدور وتدور …
شعرت بالحزن .. هو مش جاي والا ايه لتشهق عندما شدها أحدهم لتلتفت تنظر اليه.. براء انت بتشدني ليه كده.

كان غاضبا وعيونه تشع …فصرخ فيها … ايه الزفت اللي لابساه ده.

نظرت لنفسها كانت تلبس فستان ملتصق بجسدها وبه نقوش ومفتوح من الجانبين وبه دلايات علي الفتحه وتلبس خلخال وتلبس علي راسها منديل صغير يشبه راقصات الفنون الشعبيه لتنظر اليه بحزن … مالي يا براء.

صرخ بحرقه …زفت وطين علي ايامك. انت انهبلتي ماشيه اكده في الشارع حد يعمل اكده انت عايزه تحصريني..

غضبت من صوته العالي .. بطل بتزعق ليه مانا حلوه اهوه بتنكر.

صرخ… بتننكري في رجاصه هاه ..سياتك هتجلبي رجاصه وجايباني ايه اطبلك ايه المسخره دي ايه ماتربتيش ازاي تلبسي اكده.

نظر اليه بوجع ولمعت عيونها …. لا بقو لك ايه لحد هنا وتكلمني كويس انا متربيه احسن تربيه و ..و …لم تحتمل ارادت ان تنفجر بالبكاء …لتدفع يده وتستدير …اوعي مش عايزه اشوفك بقه يلا.

اندفع ومسكها يشدها وهيا تتعثر معه ذهب الي العربه ادخلها عنوه ورزع الباب دخل هو وخبط علي مقود السياره بغضب وصرخ صرخه عاليه ارعبتها كان يشعر بنار في جوفه ..

ارتعبت هيا وفتحت الباب وخرجت مسرعه من خوفها … تجري منه كانت خائفه ليلعن نفسه من تهوره نزل بسرعه خلفها ..

كانت تجري تحاول ان تختفي لترتعب عندنا وجدت أخيها يظهر امامها لتستدير برعب مسرعه وتجري في الاتجاه الاخر وجدت براء يجري عليها لتندفع وتدخل في احضانه منكمشه ترتعش منهاره تشهق وانفاسها تتقطع …

بهت وقال بلهفه … فيه ايه.. فيه ايه.

قالت برعب.. ففففففييي ففيي فيه ففف..

احتضنها واخذها بعيدا وهيا ترتعش كانت متصنمه تحس انها ستموت من رعبها نزل وحملها فورا يعدو بها الي العربه ادخلها لتنكمش وتنظر حولها برعب

دجل العربه لتهتف… مش مش مشينا مشينا من من من هنا بسبرعه.

شغل العربه وانطلق مبتعدا وقف مؤخرا لتنفجر في البكاء شدها اليه ….فيه ايه رعبتيني عليكي فيه ايه جولي طيب.

ظلت تنتفض وهو يمسد عليها لترفع عيونها…. انا خايفه قوي.

تنهد …من ايه اني جارك اهوه..

همست… اخويا كان في الحفله كان هيقتلني.

قطب جبينه .. يجتلك يجتلك ليه.

تنهد بغلب وركنت علي صدره ليحاوطها … اخويا ده لوحده معيشني جحيم رعب. ماتخرجيش ماتتكلميش ماتبصيش محرم عليا كل حاجه . انا لما ببقي قدامه مابعرفش اقول كلمتين.

قال بغرابه …. للدرجادي ليه طيب بيعمل اكده.

هزت راسه …. ماعرفش هو واختي بينهم حاجات انا معرفهاش ولا بفهمها ساعات كتير يقعدو ويقفلو علي روحهم ويخرجو شكلهم غريب مابنصاحبش حد مالناش دعوه بحد. مالناش اهل ولا نعرف قرايب . انا لا شفت امي ولا ابويا الوحيده اللي بتحن عليا اختي رغم أنها برضه شكل اخويا بس لو سابتني ليه ممكن اموت نفسي .قاسي قوي انا بخاف يا براء نفسي ابطل خوف نفسي احس ان ليا قيمه ان حد هيقرب مني عشاني ويرحمني من القسوه اللي عايشه فيها.

تنهد يمسد عليها…. طب اهدي كل حاجه هتبقي كويسه انا جنبك اهوه..

نظرت اليه بلين … بجد يا براء انت جنبي وهتفضل جنبي.

شدد عليها… اوعدك اني هفضل جنبك..

تنهدت ،.انت الوحيد اللي بتحن عليا اوعي يا براء يجي يوم وتوجعني انا ماليش حد . انت صاحبي الوحيد .
مسك يدها وقبلها ….صاحبك الوحيد …ضحك ماشي يا ستي ،،لا لو وجعتك ساعتها ابقي انتشي الجلب من علي صدري وارميه لاني ماستحجوش .

لتتنهد بلين …طب طب روحني بقه ليرجع يسود عيشتي…

ابتسم براء ماشي بس استني بقه عشان خدتيني في دوكه …. مايمنعش ان الهانم غلطت ولازم تتعلم تصون نفسها.

نظرت اليه قاطبه ..ليهتف… ينفع تلبسي كده.

تنهدت…. مالي يا براء حلو ه اهوه.
تنهد…… حلوه بس …حلوه وجمر وتاخدي العجل بس جتتك باينه الكل شايفها.

نظرت اليه بغضب … باينه ايه مش عريان.

تنهد.. دا لو عريان ارحم …اهو كلو علي عينك يا تاجر انما دا لازق ومفسر وظاهر كل حاجه بجد شكلك صعب.

همست… بطل انت معقد.

تنهد… لا مش متعجد اني والع البتاع وجتتك كل حاجه فيها باين واني حاسس اني عايز اطبج في زماره رجبتك.

لتتنهد …ليه طيب كتير بيلبسو كده.

هتف …مايخصنيش انت تخصيني..

همست بلين …. اخصك.

قال محذرا .. … اه تخصيني ولا يوم اسمح بكده فاهمه. لتهز راسها ليهتف مش هعديهالك بعد كده.

ابتسمت ببراءه … خلاص بقه هاخد بالي عادي يعني مانا جسمي عادي مايشدش زي البنات التخان.

تنهد بغلب ….مايشدش دايهبل.

خجلت منه … عيب بقه.

قرص خدها ….. ماهو اني مجهور حالي باين ومفسر.

ابتسمت … حالك..

شدها …ايوه انت حالي فاهمه يبقي تخلي بالك عشان لو جلبت ببقي وحش.
لتهمس…. بطل بخاف.

تنهد… يا رب ايه دي مابتخلنيش اغضب ساعتين علي بعض.

قالت بلين … وعايز تغضب عليا يا بروئتي.

ضحك … والله اني عايش مسخره براء علي سن ورمح بقي بروقتي.. بس احلي بروئتي دي والا ايه ليقبل يدها ويهتف.. اخر مره ماشي …هزت راسها ليقبل يدها وينصرف بها .

*******
كانت وجد تلبس لبس سنو وايت وتدور حزينه كانت تظن انه سيأتي الا ان الوقت تأخر لتتنهد وتجلس حزينه لياتي أمجد… ماتيجي يا وجد تقفي معانا نهيص.

همست حزينه ….لا معلش انا كده مبسوطه …ظلت واقفه لتحس بيد علي كتفها استدارت لتجد رجلا يخفي وجهه بقناع لتبتسم له.

همس بحشرجه…. ممكن انول شرف الرقصه..

تنهدت وهمست….معلش ماينفعش.

قال برقه ولين …. اصل حبيبتي سابتني ممكن اقعد جنبك .

احست بوجع في صوته لتتنهد …موجوع انت كمان .
هز راسه قالت باسي .. احنا عايشين في الدنيا دي نتوجع وبس.

قال بلين ..مين وجعك وانت قمر كده حد يقدر يوجعك . الدور والباقي علي اللي سابتني امل روحي .

سهمت قليلا
لتنطلق في الكلام.. حبيبتك لو بتحبك ماتسيبكش ماتزعلش عاللي مش عايز يكون ليك حبيبي. عارف مش عارفه هقولك ليه بس عارف انا مثلا بحب الحب للحب مش عشان حبيبي لاني ماعشتش لحظات حب.

تنهد…. يعني مايفرقش معاكي.

لتسهم وتنظر بعيدا وتتنهد…. لا يفرق.. عارف انا لابسه سنو وات ليه.. عشان مستنيه قبله الحب .الحب الحقيقي الحب اللي من غير دنيا تلوثه .الحب اللي الحبيب يعرف انه مالوش غيره عايزه. يرمي اي حاجه وراه يتغاضي عن أي حاجه توقف الحب ده.. بوسه الحب مش تقلي بحبك ونعيش وخلاص لا بوسه الحب من قلب صادق يحي قلب اللي قدامه .ممكن تقول عليا في دنيا تانيه بس انا حاسه ان هعيشه في يوم هعيش حب ماحدش عاشه لاني اتمنيته كتير وطلبته من ربنا. مستنيه حبيب يجي يلاقيني ميته يسيب دنيته عشاني يسيب كل اللي عاشه وخطط ليه عشاني ساعتها قلبي هينبض واعيش احلي حب. انا ميته ومسننياه يحيلي قلبي .

ليبتسم ويهتف…. انت اسمك ايه

قالت بسعاده … وجد انا وجد

تسال … وبتعملي ايه وبتشتغلي ايه.

لتضحك …بشتغل مع نديم الاسطوره عارفه المجنح ابو عضلات.. علي فكره شكلك خالص في جسمه. لتتنهد بحزن .

هتف… ليه مضايقك مزعلك مابتحبهوش.

لتهمس… نديم.. نديم حاله خاصه ساعات مابفهمش ساعات يبقي طيب وحنين عندو شخصيتين لما بيبقي طيب بحبه قوي مش بقدر ازعل منه.. بس لما بيقلب بيوجعني قوي. انا عايشه مع نسخه نديم ابويا وولاد عمي …. انت عارف اني صعيديه.

ضحك… بس مش باين في كلامك..

صمتت قليلا ثم قالت ….. عشان عشت عمري كله محبوسه مابكلمش حد .عشت عمري افكر ازاي هسيبهم فكرهت لغتهم عشت عمري كله بفكر اكون غير نفسي مابحبش شخصيتي الصعيديه. مطلوب مني حاجات مش انا.. مطلوب اكون قويه زي ابويا وانا مش عايزه. مطلوب اعمل عيله فيهم وابقي لولاد عمي وانا مش عايزه .مطلوب ابص للفلوس والسلطه وانا مش عايزه.. مطلوب عشان اعيش في وسطهم اني اموت. ويوم مايحصل كده هموت فعلا وتلاقيني منهم وبتكلم زيهم .

تنهد وهتف ….مش كل حاجه بنعوزها بنلاقيها.

هزت راسها ….. لا اللي بنعوزها بنسعي ليه ونعيشه ماتخليش حد يعيشنا عيشه مش علي توبنا.. لتتنهد وتهمس انا كلت ودانك صح انا همشي بقه.

قال مسرعا ..طب ماتخليكي شويه..

نظرت حولها بحزن …..لا مالوش لزوم.. ليسمعا صوت أمجد.. وجد تعالي اروحك.

لتبتسم له اقترب الشاب وجد نديم ليهتف.. عن اذنك ..مد يده يضع يده علي ظهر وجد .

احترق نديم واقترب نديم وشد يده .. ايدك.

قطب الشاب جبينه ليستدير ويهتف…. روحي يا وجد …نظر لنديم وانت مالك ايدي والا رجلي مالك بيا.

رفع نديم حاجبيه ليهتف.. اظن ماينفعش تحط ايدك عليها يعني.

هتف امجد .. خطيبتي يا عم انت مالك.

بهت نديم واحس بحرقه داخله …. نعم يا اخويا خطيبه مين انت انخبلت.

هتف الشاب.. اه مالك بينا خطبتها مالك انت خليك في حالك ليبتعد ويتركه ياكل بعضه … وقف نديم يشعر بغصه وجده ياخذها بعيدا ويقفا يضحكان شعر بكويه في قلبه..

….خطبها خطبها ازاي وامتي هو لحق نهارك طين يا أمجد لحقت خطفت البت ….كانو يضحكان ليشعر انه سيقتلهم معا…. طب انا واقف مقهور ليه مايخطبها والا يولع فيها دانا نديم ابو الدهب.. ظل واقفا ليستدير ويجبر نفسه ويرحل والغضب ينهش قلبه.

في الصباح دخل نديم غاضبا فقد قضي ليله مريعه . دخل ولا يكلم أحدا لتقف وجد غاضبه فهو لم يأتي الحفل..

… ايه ده هو داخل غضبان كمان ايه السداغه دي هو مش هيصالحني عبوشكله عيل شرير مجنح. ظلت تاكل روحها لتتنهد وحشتني يا جزمه من امبارح مخصماك وانا هموت واصالحك بس لا اجمدي يا بت اعمليلك كرامه عشان يصالحك.. هتحبني امتي يا واد دانا واقعه لشوشتي بحبه يا ناس لتتنهد… اه بحبه هخبي لحد امتي. كانت تمنع نفسها ليرن الجرس لتهتف.. أمجد قوم خشله.

قال امجد بخوف….. لا يا ستي هيعضني داخل شايط.

قالت بغضب …. ماتقوم انت الراجل الله.

ليتنهد أمجد ويدخل عليه نظر اليه نديم بغيظ فهيا لم تدخل ليهتف.. خلصت التصاميم.

هتف امجد… ايوه بس لسه فيه حاجات بسيطه.

هب نديم مشتعلا ينفث عن غضبه …طبعا مالبيه بيروح حفلات ويحب ويسبسب ماعتش فاضيلنا.

ليخاف الشاب … نديم بيه فيه ايه.

صرخ نديم…. بلا نديم بلا زفت هو فيه ايه بقالك فتره مش مضبوط ايه اللي جد انت بتحب ياض.

ارتبك الشاب.. هاه احب احب ايه بس انا مش بتاع الكلام ده.

تجمد نديم لبرهه واشتعل.. نهار ابوك اسود امال بتلعب بالبت اللي وافقت عليك.

هتف أمجد… بت مين انا مش فاهم حاجه .

دخلت وجد…. فيه ايه .

نظر اليها نديم بغضب ولم ينطق يشعر بقهر فامجد قد طلبها ووافقت وهو لا يحبها ماذا يفعل كان يشعر انه سيجن.

صرخ… مفيش بره مش عايز حد …
خرجو علي الفور ليقف هو ليزيح مكتبه….ظل يدور …. الواد بيلعب بالبت وهيا هبله طب ايه حبته هو حبته خلاص اه ماهي هبله وال ايه عايزه الحب للحب نهارك طين يا نديم البت هياخدها الحزين.. لا ومابيحبهاش اعمل ايه ابعده عنها ازاي ارفده.. لا ترفد ايه …ظل يفكر.. اه خلاص ليستدعيهم…. أمجد انت من بكره هتروح فرع الشركه في بيروت.
بهت أمجد.. ايه انا يا نديم بيه.. انسعد الشاب.

قال هو وهو يراقب وجد فلم تأت بفعل فاكمل… اه وهتشوف حياتك هناك.. انا انا من بكره تسيب هنا..

ابتسم الشاب.. انا متشكر لحسن ثقتك يا نديم بيه .

قال ببرود… روح جهز نفسك يلا ومن بكره ماتجيش ماشي وشوف حياتك لسه قدامك حياه تكون نفسك انسي اي خطط تانيه. ليبتسم الشاب ويخرج لتستدير هيا فصرخ … راحه وراه ليه هيسافر سيبيه يشوف حاله.

نظرت اليه باستغراب.. ايه راحه وراه دي.. انا راحه اقف جنبه.

صرخ نديم …مابيحبكيش انت ايه هبله تصدقي اي حاجه.

رفعت حاجبيها ….هو مين اللي مابيحبنيش.

صرخ بغضب … سي طين اللي بره قالي كده وسيبيه يسافر وانسيه خلاص.

رفعت حاجبيها بذهول…. انساه..

شعر بحرقه انها لا استطيع ان تنساه ..هجم عليها ومسكها من يدها وصرخ……..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عودة الذئاب)