رواية العزف على نياط القلوب الفصل الرابع والعشرون 24 بقلم أماني سيد

رواية العزف على نياط القلوب الفصل الرابع والعشرون 24 بقلم أماني سيد

رواية العزف على نياط القلوب البارت الرابع والعشرون

رواية العزف على نياط القلوب الجزء الرابع والعشرون

رواية العزف على نياط القلوب الحلقة الرابعة والعشرون

فى اليوم التالى قررت ايناس الذهاب لغاليه حتى تتشاجر معها وتأخذ منها ثمن تنضيف الشقه
قامت ايناس وجدت حسين نائم بجانبها
ـ اصحى يا حسين الساعه ٣ العصر
ـ معقول نمنا كل ده
ـ اه قوم بقى انا هروح أجيب الولاد من عند ماما عشان سايباهم عندها من امبارح
ـ طيب كويس لحسن وحشونى أوى
ـ على ما اروح وأجى خلى الشملوله تعمل الأكل
ـ حاضر روحى انتى وتعالى بس متتأخريش
ارتدت ايناس ملابسها وتوجهت أولا لمنزل غاليه ولكن لم تجدها وجدت فقط مريم وليلى وبعض من العاملين
دخلت المنزل وجلست بجانبه
ـ هى غاليه فين
ـ لسه مجتش ، زمانها على وصول
ـ انتى بقى ليلى مرات عيسى
ـ اه أنا ، عندك اعتراض او حاجه
ـ وانا مالى هو انا اللى اتجوزتك ، بس صحيح بقالك شهرين متجوزه مش هبقى عمه قريب ولا إيه
ـ دى حاجة بتاعت ربنا .
ـ هى أه بتاعت ربنا بس انتى لازم تسعى وطالما مر شهر ومحصلش حمل لازم تكشفى عشان لو فى عيب عندك تلحقى نفسك بسرعه ماتسبيش نفسك سنه واتنين زى اللى بيعملوا وبعد كده تروحى تكشفى وتاخديلك سنه ولا اتنين تانيين فى العلاج
ـ بس باذن الله مش هيكون عندى مشاكل .
ـ وانتى عرفتى منين كنتى اتجوزتى قبل كده وحملتى ، عموماً أنا بنصحك وانتى حره تعملى بنصحتى أو لا
بس عايزه انبهك إن عيسى فلاح مش معنى اننا هنا فى القاهره من زمان ننسى اصلنا
ـ قصدك ايه
ـ قصدى إنه بيحن للعيال ولو محصلش خلفه دماغه هتاخده لبعيد عشان كده روحى اكشفى
صمتت ليلى فحديث إيناس رغم أن الغرض منه مضايقتها إلا إنها اقتنعت به وقررت أن تتحدث مع عيسى وتذهب للطبيبه
نظرت إيناس بعد ذلك لمريم
ـ وانتى بقى بتشتغلى عندهم ولا شريكه معاهم
تحدث مريم بتهكم فهى لا تحب ايناس لانها تذكرها بأخوات خالد
ـ ابقر اساليهم عن أذنك يا ليلى عندى شغل
تركتها مريم ورحلت تحت نظرات الاشمئزاز من ايناس
ـ ايه ده هى بتتكلم كده ليه دى ، هى صحيح شغاله هنا ولا شريكه ليكم
ـ هتفرق معاكى
ـ أه طبعاً هتفرق لو بتشتغل هنا فخليها تقوم تعملى حاجه اشربها على الاقل تعمل بلوقمتها
ـ استنى يا ايناس اكلم غاليه اشوفها فين لخسن اتاخرت اوى
تحججت ليلى لتترك ايناس وذهبت للاتصال بغاليه
ـ ايه يا ليلى عامله ايه
ـ انتى فين ايناس جت وقاعده وعمالة ترازى اللى رايح واللى جاى ومستنياكى
ـ معلش هتاخر عشان المربيه موجوده وبتكلم معاها فى شويه تفاصيل
ـ طيب ايه ده نعمل فيها ايه
ـ محدش يكلمها ولا يرد عليها خالص هتزهق وتمشى
ـ طيب تمام
اغلقت معها ثم اتصلت بعيسى
ـ السلام عليكم
ـ ليلى انتى كويسه ولا ايه مش عوايدك تتصلى دلوقتي
ـ انا كويسه بس كنت عايزه احجز مع دكتوره ونروحلها
ـ ليه حاسه بإيه
ـ صدقنى انا كويسه بس عايزه اروح لدكتوره نسا وتوليد
ـ انتى حاسه بحاجه
ـ انت علقت لا مش حاسة بحاجة عشان كده عايزه اروحلها
ـ طيب حصل ايه طمنينى
ـ لما اشوفك فى دكتوره هنا على اول الشارع هحجز معاها وبليل نروحلها سوا
ـ طيب وانا هعدى عليكى بدرى إن شاء الله
*****&*******&******&*****&***
فى منزل غاليه كانت تجلس برفقه رياض وتتحدث مع تلك المربيه التى جلبها رياض
ـ طيب ممكن اعرف مؤهلاتك ايه
ـ انا معايا لسانس اداب
ـ طيب ليه ماشتغلتيش مدرسه
ـ للأسف حاليا المرتبات تكاد تكون معدومة
ـ طيب عندك القدرة انك تتعاملى مع الاولاد انتى هتقعدى معاهم كل يوم من ٤ او ٥ ساعات
ـ ماتقلقيش ومش بس هقعد معاهم لا انا كمان هبدا معاهم المنهج واسسهم كويس
تحدث رياض مؤكداً على يوم اجازتها
ـ تمام وبالنسبة للاجازه بتاعتك هتكون جمعه وسبت
ولو فى يوم هنخرج او مش هنكون موجودين هنبلغك وأوقات انا بقعد مع الاولاد وقتها برضوا هبلغك تاخدى اجازه
ـ تمام مافيش مشكله
ـ هتبدأ. شغل من انهارده وانا بإذن الله الساعه ٨ هكون موجوده لو اتاخرت هبلغك
ـ وانا محتاج البطاقه بتاعتك هصورها واجبهالك تانى
ـ تمام مافيش مشكله اتفضل البطاقه و حضرتكوا تقدروا تتفضلوا وانا هقعد اتكلم مع الاولاد.وبالفعل خرجت غاليه لتذهب لعملها وخرج خلفها رياض
اراد رياض توصيلها لكن غاليه رفضت واوقفت تاكسى وذهبت لعملها
دخلت غاليه مصنعها الصغير وجدت ليلى تجلس صامته على غير العادة
جلست غاليه بجانبها
ـ مالك يا لوله
ـ مافيش
ـ امال ايناس فين
ـ قولتلها انك مش جايه ومشيت
ـ احسن طيب انتى بقى مالك متضايقه ليه ، ايناس حكتلك حاجه
حكت ليلى ما قالته لها ايناس
ـ وهو حد ياخد على كلام ايناس برده ، عموما انتى لو عايزه تطمني على نفسك عشان كلام ايناس قلقك تقدري تروحي للدكتوره وتطمنى ، لكن بلاش تزعلى نفسك وتقلقى بالشكل ده ،
معادك امته انهارده
ـ الساعه ١٠ هستنى عيسى يعدى عليه
ـ طيب حلو اوى لو عايزانى اجى معاكى ماعنديش مشكله
ـ لا يا روحى تسلميلى
بدأت غاليه تمر على الفتيات وتباشر عملهم وتتأكد من انتهاء ما طلبته منهم امس حتى لا يتعطل العمل وظلت تجرب المكن الجديد حتى تتأكد من عدم وجود مشاكل به
وبعدها بدأت فى عملها
واخذت تجهز كميات كبيرة من ملابس المدارس وبدأت مريم تساعدها فى القص وتحيك خلفها
فتعاقدت غاليه مع أكثر من مدرسة بالإضافة الى شغلها الحالى
****&******&*****&*****&*****
( بوسى تبق اخت خالد طليق مريم اللى بتشتغل مع غاليه وكانوا بيعاملوها وحش جدا ومريم حكت قصتها لغاليه ارجعوا للبارت ده لو نسيتوا لانه مهم جدا )
ذهبت بوسى للقاء ذلك الشاب فى منزله وقامت نجلاء بإرسال رساله لزوج بوسى من رقم غريب
” مراتك دلوقتي هتقابل واحد فى شقته فى العنوان *** وهى لابسه فستان اسود وطرحه حمرا وقايلالك انها رايحه للدكتور مع نجلاء ولو حابب تتأكد تقدر تسأل نجلاء )
استلم الرسالة زوج بوسى واتصل على نجلاء التى انكرت وجود بوسى معها ولكن اكدت عليه أن لا يبلغ أحد حتى لا يحدث لها مشاكل
وبالفعل توجه الى منزل ذلك الشاب
فى ذلك المنزل كانت تجلس بوسى مع احمد تتحدث معه
ـ طيب بص يا احمد انا هطلب من جوزى الطلاق ونتجوز انا لسه بحبك انت
ـ وليه تطلبى الطلاق انا ظروفى ماتسمحليش انى اتجوزك يا بوسى
ـ امال رجعت تكلمنى تانى ليه
ـ عشان تجيلى هنا ونقضى وقت حلو مع بعض وادلعك وتدلعينى
ـ انت قليل الادب ابعد عنى
ـ ايه يا بوس بوس بس محنا كويسين اهو ومحدش شايفنا تعالى بس هدلعك دلع عمر جوزك ما دلعهولك
ثم اقترب منها وبدأ يفك حجابها
سمع طرق على الباب فتح الباب فوجد زوجها يدخل بعنف ويبحث عنها
وجد بوسى جالسه وشعرها مفرود على ظهرها
اقترب منها وظل يض*ربها ويضرب ذلك الشاب خرج الشاب هارباً من المنزل تاركاً بوسى مع زوجها
يا خ*اينه يا زبا*له
من امته وانتى بتخون*ينى اللى فى بطنك ده اكيد مش ابنى
ـ لا والله ابنك انا اول مره اجى هنا وهتبقى اخر مره
اسمعنى بس حقك عليا اسمعنى
ـ انتى طالق طالق طالق يا بوسى غورى واللى فى بطنك ده لما تخلفيه انا هعمله تحليل DNA لو ابنى هاخده مش هخليكى تشوفيه انا مش ضامن إذا كان ابنى ولا لا
جلست بوسى تبكى وتسأل نفسها ، كيف عرف زوجها هل كان يراقبها هل شك بها
ظلت تبكى واخذت نفسها وذهبت لمنزل اخيها
وحدت نجلاء جالسه برفقه خالد ونظرت لبوسى بشماته
عندما رأها خالد بذلك الشكل ذهب اليها مسرعا يحاول أن يسالها ما بها
حاولت التهرب من الحديث لكنه اصر عليها إلى أن قصت له كل شئ
ـ وانتى مجنونه إزاى تعملى كده ليه حق طبعاً يطلقك ومش هنعرف ناخد منه حق ولا باطل
ـ طيب اعمل ايه انا خايفه اروح اخد حاجتى يمو*تنى
ـ خلاص اقعدى هنا لحد مانتصرف
تحدثت نجلاء برفض
ـ تقعد فين بعد الفضيحه دى ، ده زمان المنطقه كلها عرفت وانا دلوقتي حامل يا حبيبي ونش حمل خدمه حق
ـ انتى يا نجلاء اللى بتقولى كده مش انتى اللى شجعتينى
ـ انتى هتتبلى عليا ، اتفضل شوف اختك عايزه تلبسنى مصيبه ، وبعدين افرضى انا قولتلك كده تسمعى كلامى ؟؟
ليه عيله صغيره بشربك حاجه اصفره
ـ حسبي الله ونعم الوكيل فيكى يا شيخه منك لله مريم كانت برقابتك
ـ اتلمى يا بت انتى وانت يا خالد لو اختك هتعيش معانا انا مش هقعد هنا وابقى كلم اهلى بقى
ـ طيب اصبرى بس نتفاهم ،
ـ نتفاهم على ايه انت شايف بطنى عامله ازاي وعايزنى اخدم اختك كمان
ـ طيب خليها هنا وانا هخليها تساعدك فى شغل البيت وانتى اهتمى بنفسك وبالواد اللى جاى فى الطريق
ـ إذا كان كده ماشى لكن لو رفضت ولا افتكرت نفسها هانم وقتها ماتلومنيش على الاقل لما اخواتك يجوا يلاقى اللى يخدمهم
كانت تنظر لهم بوسى ببكاء لا تعلم كيف فعلت هذا بحالها
بعد ان كانت تأتى وتجلس براحتها ويقوم الجميع بخدمتهم هى الان من ستخدم الجميع
هل ستفعل ما كانت تفعله مريم
أم هذا حق مريم ؟؟!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية العزف على نياط القلوب)