رواية بطعم الفانيليا الفصل السادس 6 بقلم هند إيهاب

رواية بطعم الفانيليا الفصل السادس 6 بقلم هند إيهاب

رواية بطعم الفانيليا البارت السادس

رواية بطعم الفانيليا الجزء السادس

رواية بطعم الفانيليا الحلقة السادسة

حمدت ربنا أن الويتر جه وكسر الموقف اللي أتحطيت فيه، سندت ضهري براحه.
مشي الويتر وخد بُق من العصير وقال:
– تتجوزيني يا هند!!
دقات قلب سريعه، رعشة أيدي بدأت تظهر، اتكلمت بأبتسامه ظهرت علي شفايفي غصب عني وقُلت:
– أنا، أنا هقوم أروح التويليت
فضل متابعني بعيونه وأنا قايمه، دخلت الحمام وقربت من الحوض، فضلت أغسل وشي وأنا حاسه أني في حلم، بصيت لنفسي في المرايا.
حطيت أيدي علي قلبي اللي كُلها دقايق ويطلع من مكانه وقُلت:
– أهدي، محصلش حاجه لكُل الكسوف ده
الباب خبط وقال:
– هند، أنتِ كويسه!!
– آه، أنا طالعه حالاً
بصيت لنفسي في الموايا وقُلت:
– هتطلعي تقوليله، يكلم باباكي وخلص الموضوع، مش محتاجه توتُر
خدت منديل ومسحت وشي وخدت نفس عميق وطلعته بهدوء.
فتحت الباب وكان واقف ساند جسمه علي الحيطه، أول ما شافني عدل نفسه.
– أنتِ كويسه!!
هزيت راسي وقال:
– طب نرجع نقعُد!!
– آه، يلا
ابتسم ورجعنا نقعُد، شبك أيديه علي الترابيزه وهو مُتردد يتكلم.
– أنا حاسس أنك أتضايقتي، لو أتضايقتي أنا مُمكن
قاطعته وقُلت:
– تحب تاخُد رقم بابا!!
ابتسم وقال:
– أحب جداً
ابتسمت ومد لي أيديه بالتليفون، كتبت الرقم.
خلصنا قعدتنا وروحني، صحيت من النوم علي دخلة بابا الأوضه.
ابتسمت وقُلت:
– صاحب البيت بنفسه عندي في الأوضه
ضحك وقال:
– طب قومي يلا عشان نفطر وعشان عايزك في موضوع
– عيوني
طلع ومسكت التليفون، كان باعت لي مسدچ أنه كلم بابا.
حسيت بتوتُر بس حاولت أخُد الأمور ببساطه.
طلعت وفطرت معاهُم وبعدين عملت كوبايتين شاي وطلعت البلكونه.
– حبيبي عايزني في أيه!!
ابتسم وخد مني الكوبايه وقال:
– هو لو حد حب يتقدملك توافقي عليه!!
ضحكت وقُلت:
– والله لو شبهك معنديش مُشكله، بس ليه السؤال ده!!
خد بُق من الشاي وقال:
– الظاهر كده أن بنتي حبيبتي بقت عروسه وأنا مش واخد بالي
ضحكت وقُلت:
– هو في أيه!!
– في واحد كلمني من شويه وحابب ييجي يشرب معايّ القهوه النهارده

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بطعم الفانيليا)