رواية شمعة الحب لا تنطفئ الفصل السادس 6 بقلم جنات

رواية شمعة الحب لا تنطفئ الفصل السادس 6 بقلم جنات

رواية شمعة الحب لا تنطفئ البارت السادس

رواية شمعة الحب لا تنطفئ الجزء السادس

رواية شمعة الحب لا تنطفئ الحلقة السادسة

صباح يوم جديد فى شقه مراد
زين صحى على صوت كركبه فى المطبخ كان مراد
زين:ايه الدوشه دى ياعم
مراد:الحق عليا بحضرلك فطار
زين:متشكرين
مراد جاب صنيه عليه اكل وحطها على التربيزة:يلا قوم ادخل الحمام وفوق كدا على مااعمل القهوة
زين دخل الحمام اخد شاور ولبس من هدوم مراد وخرج
مراد جاب القهوة وقعد:اختك امبارح رنت عليك كتير ولما انت مرديتش يحيي رن عليا وكلمتنى
زين:انا المفروض كنت طمنتها امبارح
زين رن على حياه اللى ردت عليها:زين انت كويس
زين:انا كويس ياحبيبتى انتى عامله ايه
حياه عيطت:كنت خايفه عليك اوى يازين
زين:انا بخير ياقلب زين
حياه:مش ناوى تيجى
زين:ليه فى حاجه حصلت عندك
حياه:لا ياحبيبي خد بالك على نفسك
زين:ماشي ياحياه سلام
حياه:سلام
زين قفل وبص لمراد اللى بيبصله اوى
زين:مالك
مراد:ناوى على ايه فى موضوع بنت عمك
زين:مش عارف …. الناس كلها عرفت ان كتب كتابنا كمان اسبوعين
مراد:يعنى هتوافق
زين:انا كنت ههد كل حاجه فى الحفله بس كلام حياه اللى وقفنى قالتلى بلاش تكسف كارما قدام الناس وهى بصراحه ملهاش ذنب
مراد:خلاص اتكلم مع جدك انك مش موافق او خليها هى تتكلم معاهم
زين:للاسف مش هينفع
مراد:ليه
زين:لانها خــــ
زين قطع كلامه وسكت
مراد:مالها
زين:مافيش يامراد انا همشي
مراد:طب كل حاجه ياعم واشرب القهوة
زين:ماليش نفس سلام
زين مشي ومراد قعد يفطر
=================
فى اوضه كارما اللى صحت وضحكت لما افتكرت ان صوتها رجعلها وحولت تتكلم:ز…زين
كارما ضحكت بفرحه وبعد كدا ضحكتها اختفت:لا محـ…ـدش هيعرف انى اتكـ…ـلمت …. كدا كدا مش هيسـ…ـمعونى …. محدش فيهم يستاهل … لا البنات ويحيي وطنط صفاء هيفرحو ….. وزين ….. زين اكيد مش طايــ…ـقنى بسبب اللى حصل
كارما بصت على الخاتم اللى فى ايدها وقلعته وحطيته فى درج الكمدينو
كارما قررت انها مش هتقول لحد ابدااا وقامت دخلت الحمام اتوضت وصلت وفضلت فى اوضتها
الباب خبط ودخلو ريم وحياه
ريم:عامله ايه ياكوكى احسن
كارما هزت راسها باه
حياه:يلا عشان ننزل نفطر
كارما هزت راسها بلا
ريم:خلاص هنجيب الفطار وهنفطر سوا هنا
البنات طلبو من دادة فاطمه تجبلهم الفطار فى اوضه كارما
(بقلم الكاتبة جنات)
=================
على السفرة قاعدين توفيق وعزام وفريده وتارا ويحيي وصفاء
توفيق:فين البنات
فريده:داده فاطمه قالت انهم طلبو الاكل فوق
توفيق:والله عال معتش فى احترام للى اكبر منهم
يحيي:كارما تعبانه ياجدو لو حضرتك فاكر اصلا وهما فضلو معاها
عزام:هو انت بقيت المحامى بتاعهم
يحيي بضيق:عن اذنكو انا ماشي
يحيي مشي وراح الشركه
توفيق:طبعا البيه التانى نام برا
فريده:متحولش يابابا مش هيتصلح حاله ابداا
زين دخل وسمع كلامهم:اكيد بتتكلمو عن نفسكو مش كدا … اصل عمركو ماهتتغيرو ابداا
زين قال كلامه وطلع جناحه
================
فى اوضه كارما حياه واقفه فى البلكونه وشافت عربيه زين
حياه:ده زين جه هروح اشوفه
ريم:تمام
حياه خرجت وراحت خبطت على باب جناح زين اللى فتحلها واول ماشافته اترمت فى حضنه وعيطت
زين:انا كويس ياحياه خلاص بقي
حياه بعدت عنه ومسحت دموعها ومسكت ايده:ايدك عامله ايه
زين:مراد خيطلى الجرح وتمام
حياه:غيرت عليها النهارده
زين:لا
حياه:طب اقعد هروح اجيب علبه الاسعافات واجى
حياه راحت جابتها من المطبخ وجت غيرت لزين على ايده
حياه بصتله اوى
زين:عايزة ايه ياحياه
حياه:عايزة اعرف ناوى على ايه
زين:فى ايه
حياه:فى موضوعك انت وكارما
زين:ليه هو انا وكارما بقينا موضوع
حياه:زين …. كارما طيبه وكويسه جدا … فيها ايه لما تتجوزها
زين:انتى بتتكلمى بجد ياحياه
حياه:اه بتكلم بجد …. انت مابقيتش صغير يازين وجه الوقت انك تتجوز وتكون اسرة …. والا بقي لو كلام عمك وعمتك عنك صح
زين:كلام ايه
حياه:انك تعرف بنات يازين وبتسهر معاهم والله اعلم بيحصل ايه تانى
زين:انتى هبله ياحياه….انا اه بسهر وبشرب لكن عمرى ما لمست بنت عايزة تصدقى صدقى مش عايزة اخبطى راسك فى الحيط زيهم
حياه:مانا عارفه ان اخويا مايعملش كدا …. يبقي وافق على كارما يازين …. والله طيبه جداا وحلوة وقمرايه واى واحد يتمناها …. ولا انت مضايق عشان موضوع صوتها
زين:صوت ايه ياحياه انتى التانيه
حياه:زين …. مش ماما بس اللى عانت بسبب جدو وعمتو وعمو …. كارما كمان كل يوم بتسمع كلام منهم صعب اوى …. تعرف امبارح قالو ايه …. قالو ان انت بتسهر وبتشرب وبتنام مع بنات وحالك مش هيتظبط غير لما يجوزكو …. واختارو كارما عشان مامتها كانت فقيرة زى ماما يازين …. قالو انك حتى لو خنتها بعد الجواز مش هتفرق كتير لانها مش فارقه معاهم اصلا …. غلطو فى ماما وفى مامتها يازين …. انا رديت ودافعت عن ماما بس هى مقدرتش تستحمل واغمى عليها ووقعت من على السلم وفضلنا نفوق فيها ماكنتش بتفوق وطلبنا الدكتورة وقالت انها اتعرضت لضغط …. من وقتها وهى بتعيط
حياه عيطت جامد:جرحوها وكسروها يازين قالو عليها خرسه
زين حضن حياه:اهدى ياحبيبتى اهدى
حياه:اتجوزها يازين … ابقي ليها سند وضهر ودافع عنها … ماتخليش حد فيهم يغلط فيها تانى ونبي يازين
زين:اهدى ياحياه وبطلى عياط …. واكيد بعد كلام جدك فى الحفله قدام الصحافه … لازم هنكتب الكتاب
حياه بعدت عنه:يعنى هتوافق
زين:مجبور ياحياه
حياه:والله مش هتندم صدقنى انت بس عشان مش بتتكلم معاها ومتعرفهاش
زين:ماشي ياحبيبتى …. انتى ماروحتيش الكليه ليه
حياه:عشان كارما تعبانه فضلنا معاها
زين:تمام
حياه:هروح اشوفهاا
حياه خرجت وزين غير وراح الشركه
===================
فى اوضه فريده وتارا قاعده معاها
تارا:يعنى كدا خلاص زين راح منى يامامى
فريده:هو من امته كان ليكى ياتارا
تارا:انا كنت بحاول معاه يامامى
فريده:ولو فضلتى تحاولى العمر كله مش هيبقي ليكى ابدااا انسيه احسن
تارا:وانا مش هتنازل عن حقى فيه يامامى انا اللى بحبه مش الخرسه دى
تارا خرجت من الاوضه بعصبيه وفريده رنت على عزام اللى رد عليها:ايه يافريده
فريده:انت كنت عارف بموضوع كتب الكتاب ده
عزام:اكيد
فريده:وازاى انا معرفش حاجه زى دى ياعزام
عزام:بابا عرفنى قبل مانروح الحفله وقالى معرفش حد وبعدين حتى لو كنتى عرفتى كنتى هتعملى ايه
فريده:كنت هحاول اقنعه يغير رايه
عزام:ابوكى كان اخد قراره ولو فضلنا نقنع فيه ماكنش هيغير رايه هو انا هعرفك عليه مثلا
فريده:وليه كارما ليه مش تارا
عزام ضحك اوى:زين وافق علشان مايحرجش كارما قدام الكل …. عارفه لو كانت بنتك كان هزقنا كلنا وسابنا ومشي ومستحيل كان يوافق اصلا وانتى عارفه كدا كويس
فريده بغل:يعنى كدا املاك كارما بقت فى ايد زين واملاك زين هتبقي لولاده اللى هما ولاد كارما … ده ماكنش اتفاقنا ياعزام
عزام:عارف …. بس مش بايدى حاجه ابوكى اخد قراره وخلاص اقفلى بقي الوقت
فريده:باى
فريده قفلت:يعنى الخرسه بنت سمر هى اللى تبقي صاحبه الاملاك دى كلها فى الاخر
================
الكل اتغدو سواا وكل واحد راح على اوضته
فى اوضه عزام وصفاء الباب خبط وصفاء فتحت كانت كارما
صفاء:تعالى ياكارما عامله ايه الوقت ياحبيبتى احسن
كارما هزت راسها باه
صفاء:تعالى ادخلى
كارما دخلت وكانت ماسكه دفتر وقلم فى ايدها ووقفت قدام عزام
عزام:عايزة ايه
كارما فتحت الدفتر وكانت كاتبه بخط كبير انا مش موافقه على جوازى من زين
عزام قرأ الكلام:نعم ياروح امك هو حد قالك اننا بناخد رايك
كارما كتبت ده حقى على فكرة ومحدش هيقدر يجبرنى ياما هروح اعيش فى بيت بابا الله يرحمه
عزام اتصدم لما قرأ الكلام وضربها بالقلم
صفاء اخدتها فى حضنها:اهدى ياعزام مش كدا حرام عليك البت تعبانه
عزام:خليها تمشي من وشي بدل مااقتلها الوقت
صفاء:حبيبتى روحى اوضتك ياقلبي الوقت روحى
كارما خرجت وهى بتعيط وبوقها مناخيرها جابو دم وراحت على اوضتها
=================
بليل زين رجع على القصر كان الكل متجمعين فى الريسبشن ماعدا كارما اتجاهل الكل وطلع اخد شاور ونام على السرير
فضل يفكر فى كلام حياه ومش قادر ينام قام وخرج من الجناح ونزل وراح الجنينه الخلفيه وشايف رعد نايم قدام المكان المخصص ليه
زين كلم نفسه:مش فايق خالص الوقت ورعد هيكون عايز يلعب
فى شجره كبيرة فى الجنينه الخلفيه زين بيحب دايما يطلع على فروعها ويقعد فوق لما يبقي عايز يكون لوحده
زين اتسلق الشجرة بمهارة عاليه وبراحه عشان رعد وقعد على فرع متين يستحمله وكان مدارى وسط الاوراق عشان رعد مايشوفوش وعلى الرغم من ده رعد حس بوجود حد وقام وقف وفضل يشم ويهوهو جامد
زين ضحك واتكلم بهمس:انا اللى جبته لنفسي لما عرفتك البرفان بتاعى
رعد قعد مكانه تانى وزين فضل قاعد كتير فى مكانه وشاف رعد قام وقف وبيتنطط من الفرحه هو بالعاده بيعمل كدا لما بيشوف زين
زين استغرب وبص مكان مارعد بيبص وشاف كارما جايه
زين خاف رعد يهجم عليها لانه مش بيحب حد يقرب منه غير زين واحيانا يحيي بس
زين لاحظ انها بتقرب منه ومش خايفه ابداا وفجاه رعد نط عليها وكارما وقعت على الارض
زين اتخض ولسه هيتحرك عشان ينزل سمع صوت ضحك عالى اتصدم معقول ده صوت كارما
زين فضل مكانه يتابعهم ولاحظ حب رعد ليها ده معناه انها مش اول مرة تجيله
كارما قعدت قدام رعد اللى بيبصلها اوى وبيهوهو جامد
كارما:هششش … بلاش تفضحنا ونبي
رعد قعد قدامها وسكت
كارما:مستغرب عشان انا بتكلم مش كدا …. حتى انا كمان مستغربه صوتى بقالى اكتر من سنتين ساكته …. بس حتى بعد ماصوتى رجعلى مش عايزة حد يعرف
كارما بتلعب فى شعره:بس حبيت اخلى صديقى الصدوق اللى بحبه جداا اول حد يعرف …. ده سر بينا اوعى تقول لحد …. انا جبتلك معايا حاجه انت بتحبها اوى
كارما طلعت من جيبها قالب شكولاته وفتحته وقعدت تاكل منه وتاكل رعد
زين بهمس:يابن الايه وانا اقول عرفت الشكولاته منين
كارما ورعد خلصو الشكولاته ورعد جاب كورة بتاعته ببوقه لكارما
كارما:نلعب … يلا
كارما فكت السلسله لرعد وبدات تلعب معاه كتير ويجرو ورا بعض وترميله الكورة وهو يجيبها تانى
كارما قعدت على الارض بتعب:كفايه بقي تعبت
رعد قعد قدامها
كارما:كل مرة كنت باجى اقعد معاك كنت بفضل اعيط وبس اول مرة هتكلم معاك ….. انا صوتى راح من سنتين او اكتر بسبب صدمتى بوفاه بابا ….. وامبارح صوتى رجعلى بسبب الكلام اللى قالوه عنى وعن ماما …. قالو كلام صعب اوى يارعد … كنت موجوعه عايزة اعيط واصرخ وادافع عنها زى ما حياه دافعت عن مامتها بس مقدرتش وماحسيتش بنفسي غير لما فوقت والدكتورة معايا ووقتها طلع منى صرخه مكتومه وهى عرفت ان صوتى رجعلى …
كارما بتتكلم بصوت موجوع ورعد حط راسه على رجلها وبيبصلها كانه حاسس بيها:ماما الله يرحمها كانت دايما تقولى الحب ده شئ جميل اوى ….بقت تقولى حبي ياكارما واتجوزى اللى بتحبيه ولما تتجوزو وتجيبو اولاد هيبقو دول ثمرة الحب اللى بينكو …. كانت دايما تقولى انتى ثمرة حبي ….بس نفسي اقولهم ان ثمرة الحب دى حزينه وموجوعه ومحدش حاسس بيها ابدااا …. ياريتنى ماسمعت كلام بابا ولا جيت هنا …. كان بيقولى عايزك تعيشي وسط عيلتك دول هيحبوكى اوى ياكارما … بس عايزة اقوله عيلتك مش بتحبنى يابابا وكل حاجه بيقرروها عنى ده حتى ابسط حقوقى انى اختار الكليه اللى عايزاها اخدوه منى …. قال ايه انتى تدخلى زى باقى بنات العيله هندسه ده سلو عيلتنا …
كارما عيطت جامد:عارف يارعد عملو ايه امبارح قررو عنى وعايزنى اتجوز زين
رعد قام وبصلها وهوهو
كارما:ايوا صاحبك …. قالو ده بيسهر وبيشرب فاحنا نجوزه عشان نصلح حاله … نقوم نجوزه مين كارما الخرسه اللى مش هتتكلم ولا هتدافع عن نفسها
كارما كانت بتتكلم وهى منهاره ومسحت دموعها وبصت لرعد:انت هتقول انى مجنونه مش كدا … المفروض اكون مبسوطه لا مبسوطه دى قليله المفروض اكون اسعد واحده فى الدنيا كلها لانهم مش هيجوزونى اى حد ده زين اللى مليون بنت بتتمناه … وانا اولهم
زين كان مركز مع كل كلمه بتقولها واتصدم لما قالت كدا
كارما:انا حبيته من اول مرة دخلت القصر … بس هو مش شايفنى اصلا … انا حتى مش بتكلم معاه لانه ماكنش بيفهمنى وكنت بتحرج جدااا منه …. امبارح خلوه يلبسنى خاتم خطوبتى بس انا قلعته مش حباه ولا قادرة افرح بيه … ببساطه لانه هو مش مبسوط هو مجبور يارعد …. وزين لما بيتجبر على حاجه بيكرهها … وانا اكيد بقيت ضمن قايمه الحاجات اللى هو بيكرهها
كارما:النهارده روحت لعمو عزام وكتبتله انى مش موافقه وانى هروح اعيش فى بيت بابا …. كان رده عليا انه ضربنى … ضربنى بالقلم وقالى لو مامشتيش من قدامى هقتلك
كارما بتمسح فى دموعها
كارما:اكيد هتقول عنى رغايه مش كدا … مانا بقالى سنتين ساكته ومحدش هيسمعنى غيرك
هسيبك بقي واروح انام وانت كمان نام وخلى كلامنا سر بينا اوكى
رعد رد عليها بانه هوهو
كارما:شاطر يارعد
كارما ربطت السلسله لرعد ومشت ورعد فضل يبص عليها لحد مامشت
زين كان قاعد مكانه مصدوم من كل كلمه سمعها منها وكرهه اتجاه عيلته بيزيد وبعدها استنى لما رعد نام ونزل براحه عشان مايحسش بيه وراح على اوضته ونام بعد تفكير كبير ……

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية شمعة الحب لا تنطفئ)