رواية شمعة الحب لا تنطفئ الفصل السابع والعشرون 27 بقلم جنات

رواية شمعة الحب لا تنطفئ الفصل السابع والعشرون 27 بقلم جنات

رواية شمعة الحب لا تنطفئ البارت السابع والعشرون

رواية شمعة الحب لا تنطفئ الجزء السابع والعشرون

رواية شمعة الحب لا تنطفئ الحلقة السابعة والعشرون

صباح يوم جديد
البنات قاعدين فى اوضه ريم
كارما:بس ازاى ياريم مراد مختفى من وقت الحريق والكل قالو انه اكيد يعنى
ريم:مستحيل يموت انا متاكده انه عايش … انا مش مجنونه زى مانتو شايفنى
حياه:محدش شايفك مجنونه ياريم
ريم:لا عزام شايفنى انى اتجننت
كارما:متفكريش فى كلامه ولا فيه ياريم يكون احسن ياحبيبتى
عزام كان واقف برا الاوضه وسامع كلامهم وابتسم بخبث ومشي
===============
فى شركه الحديدى
فى مكتب زين ويحيي قاعد معاه
يحيي:سلاح يازين
زين:ابوك عايز يجيب فلوس باى طريقه
يحيي:بس مش لدرجه يتاجر فى السلاح
زين:انا اتكلمت مع مراد وقال اهو دليل كمان ضده
يحيي:وناوين على ايه كمان
زين:فى الوقت الحالى لسه هتستنى هو اخره ايه
يحيي بعصبيه:مصايبه كترت يازين ولازم يتحبس بقي هيعمل ايه اكتر من كدا
زين:اهدى يايحيي وكل حاجه هتتحل
(بقلم الكاتبه جنات)
=============
فى اوضه ريم الباب خبط وحياه قامت تفتح كانت دادا فاطمه
حياه:فى حاجه يادادا
فاطمه:فريده هانم عايزه كارما
كارما:ليه فى حاجه
فاطمه:معرفش يابنتى
كارما:طيب انا هروح اشوف عايزه ايه
كارما خرجت من الاوضه وراحت خبطت على باب اوضه فريده
فريده من جوا:ادخلى ياكارما
كارما فتحت الباب ودخلت:حضرتك عايزانى ياعمتو
فريده:اه ياحبيبتى النهارده معاد الدكتور بتاعى وصفاء مش فاضيه تيجى معايا وريم تعبانه زى مانتى عارفه وحياه معاها فقولت اشوفك لو فاضيه تيجى معايا
كارما:اه اكيد ياعمتو هكلم زين اعرفه واغير واجى معاكى … تحبي اساعدك تغيرى
فريده:لا ياحبيبتى روحى غيرى انتى
كارما:حاضر
كارما خرجت وراحت اوضتها وفضلت ترن على زين مش بيرد فقررت تلبس وبعد كدا تقوله
كارما لبست وخرجت من الاوضه وحاولت تكلم زين تانى بردو مش بيرد وفريده خرجت من اوضتها بالكرسي المتحرك وكارما ساعدتها تنزل وخرجو من القصر وركبو العربيه وكارما بعتت مسدج لزين تعرفه انها خرجت مع فريده
(بقلم الكاتبه جنات)
=============
فى شركه الحديدى
زين دخل مكتبه بعد ماخلص الاجتماع ومسك فونه اللى كان سايبه فى المكتب ولاقى مكالمات كتير من كارما وشاف مسدج منها فتحه وقام وقف مرة واحده لما عرف انها خرجت مع فريده
زين رن كتير على كارما مش بترد
زين سرح شويا وافتكر
••فلاش باااك••
زين دخل اوضه فريده لما كانو كلهم متجمعين على السفره عشان الفطار وحط جهاز صغير جدا فى مكان فى اوضتها عشان يقدر يسمعها ويعرف هى بتخطط لايه
وفى نفس اليوم بليل فتح المسجل عشان يعرف هى بتتعامل ازاى واتغيرت ولا لسه زى ماهيا وكان اليوم عادى جدا اكتر الاوقات سامع صوت تحركها بس ياما البنات يدخلو عندها ياما صفاء ومافيش اى جديد
تانى وتالت ورابع يوم كان عادى جداا وزين حس انه شك فيها على الفاضى وقرر انه هيشيل المايك
وفى يوم دخل يسمع يمكن يكون فى جديد قبل مايشيل المايك واتفاجا لما سمعها بتتكلم فى الفون
فريده:انا لازم اخلص منها لانها كانت سبب قهرة بنتى لما اخدت منها زين ….. وهخلص منها وهموتها زى مابنتى ماتت وهخلى زين يعيش مقهور عليها العمر كله زى مانا مقهورة على بنتى ……. اه هنفذ قريب اوى بس لازم اخرجها من القصر ….. لو مخرجتش هخلص عليها وهى هنا فى القصر معايا ومحدش هيشك فيها لانى فهمتهم انى اتغيرت خلصت …. فى اقرب وقت هكلمك سلام
••باااااااك••
زين بعصبيه:ورحمه امى لو مسيتى شعره منها هقتلك يافريده
زين كلم يحيي يجيله بسرعه
الباب اتفتح ودخل يحيي وشايف زين قلقان
يحيي:مالك يازين فى ايه
زين:هو الدكتور اللى بتروحله فريده مكانه فين
يحيي:ليه
زين:اخلص يايحيي
يحيي:عنوانه…..
زين اخد فونه ومفاتيحه وخرج بسرعه من الشركه كلها وراح على المكان اللى يحيي قاله عليه
=================
فى اوضه ريم اللى قاعده معاها حياه
حياه:هى كارما راحت لعمتو ومش جت تانى ليه
ريم:مش عارفه
الباب اتفتح ودخلت صفاء:هى فريده راحت فين يابنات محدش يعرف
حياه:معرفش هى طلبت كارما ومن وقت ماراحتلها مرجعتش
صفاء:فاطمه بتقولى انها شافتها خارجه هى وكارما من القصر
حياه:غريبه هيكونو راحو فين من غير مايقولو
صفاء:معرفش انا نزلت احضرلها قهوة زى ماطلبت طلعت مش لقيتها
حياه:طب هرن على كارما
حياه رنت على كارما بس مش بترد
ريم فونها اللى يحيي اشتراه ليها رن برقم غريب بس هى مرديتش وكانت مركزة مع حياه
صفاء:طب انا هرن على فريده
صفاء رنت وفريده بردو مش بترد
صفاء:غريبه دى محدش فيهم بيرد ليه
حياه:طب انا هكلم زين واساله اكيد كارما مش هتخرج من غير ماتقوله
حياه رنت على زين اللى رد عليها وفتحت الاسبيكر
حياه:زين انت تعرف كارما فين
زين:بعتتلى مسدج انها راحه مع فريده لدكتور بتاعها
صفاء:غريبه معاد دكتورها مش النهارده
زين:اومال امته
صفاء:كمان اسبوع يابنى … ولو هى تعبت كانت قالتلى اروح معاها
زين:طب اقفلو انا كدا كدا رايحلهم
حياه:حاضر يازين
حياه قفلت مع زين وبصت لريم اللى فونها بيرن:مين بيرن عليك ياريم
ريم:معرفش محدش يعرف الرقم ده غيركو اصلا
حياه:طب ماتردى
ريم:لا مش وقته لما نطمن على كارما وعمتو
(بقلم الكاتبه جنات)
===============
عند فريده وكارما اللى وصلو مكان الدكتور ودخلو والدكتور قالها انها كويسه جدا وكارما استغربت لما الدكتور قال انه معادها بعد اسبوع مش زى ماهى قالتلها معادها النهارده
فريده:انا كنت مفكرة انه النهارده
الدكتور:حصل خير
كارما ساعدت فريده وخرجو من عند الدكتور ونزلو
السواق قرب منهم:اتفضلو ياهانم
فريده:لا انا هستنى بس واحده صاحبتى هتيجى تجبلى حاجه
كارما:حاجه ايه ياعمتو
فريده:ده كريم طبيعى كنت محتاجاه ياكارما
كارما:كنتى عرفى زين او يحيي وهما اكيد هيجبوه لحضرتك
فريده:لا اصل صاحبتى دى لسه راجعه من امريكا وهو مش بيجى غير من هناك …. هى مش هتتاخر زمانها جايه
فريده بصت لسواق:عم محمود معلش انا عطشانه اوى ممكن تجبلى ميا
محمود:حاضر ياهانم
محمود مشي وكارما بصت لفريده:طب تعالى ياعمتو نقعد فى العربيه
فريده:لا يابنتى اصل لما تيجى لازم انزل ليها هفضل انزل واطلع خلينا هنا
كارما:حاضر
فريده مسكت فونها وبعتت مسدج لشخص:اخلص ياغبي
وجالها الرد:قربت منكو
فى الوقت ده وصل زين ونزل من عربيته وباين عليه العصبيه وقرب منهم:انتو واقفين فى الشارع كدا ليه
فريده لعنت نفسها والشخص اللى بتكلمه لانه اتاخر وخطتها باظت
كارما لاحظت عصبيه زين:عمتو بتستــ
فريده قاطعتها:محمود بيجيبلنا ميا يازين وكارما مش عارفه تطلعنى العربيه لوحدها
كارما بصتلها ومستغربه هى ليه مقالتكش موضوع صاحبتها
كارما:بس ياعمتو حضرتـ
فريده:بدام زين جه ياكارما هيساعدنى
محمود جه:اتفضلى الميا ياهانم
فريده اخدت الميا:شكرا
فريده:يلا نركب ياكارما
زين مسك ايد كارما:كارما هتيجى معايا
زين بص لكارما واتكلم بحده:روحى اركبي عربيتى
كارما خافت من نبرته وراحت ركبت
زين ساعد فريده تركب العربيه وراح ركب عربيته وساق وهو متعصب جدا
كارما:زين انت متعصب ليه كدا … انا والله رنيت عليه كتير
زين:مش عايزة اسمع ولا كلمه منك انتى فاهمه
كارما:بـ
زين بغضب:كااااارمااااا ولا كلمه
كارما خافت منه وسكتت وشافت انهم ماشين فى طريق غير طريق القصر بس خافت تساله لانه كان متعصب جداا
=============
فى القصر فريده رجعت وفاطمه ساعدتها تدخل القصر وكانت متعصبه جدا ان خطتها فشلت وصفاء وحياه نزلو
صفاء:انتى تعبتى يافريده ولا حاجه
فريده:اه شويا بس بتسالى ليه
صفاء:اصل معاد الدكتور بتاعك كمان اسبوع
فريده:اهاا انا هطلع اوضتى ارتاح شويا
حياه:هى كارما فين
فريده:زين جه واخدها معرفش راحو فين
حياه:تمام
صفاء وفاطمه ساعدو فريده تطلع اوضتها وحياه طلعت لريم تطمنها على كارما
(بقلم الكاتبه جنات)
===============
زين وقف بعربيته قدام الڤيلا الجديده بتاعتهم
كارما:احنا جاين هنا ليه يازين
زين نزل من غير مايرد عليها ولف فتح باب العربيه ومسك ايد كارما وشدها ودخل الڤيلا وهو جارر كارما وراه وفجاه زقها على الكنبه كارما بصتله وكانت خايفه اول مرة تشوف زين متعصب كدا
كارما:زين انـــ
زين بصوت عالى:انتى تخرسي خالص ….. ازاى تخرجى من القصر من غير ماتعرفينى
كارما عيطت:انا رنيت عليك كتير
زين قرب منها ومسكها من دراعها جامد:رنيتى ….انا رديت عليكى
كارما بتعيط وبس
زين:انطقى انا رديت عليكى
كارما هزت راسها بلا
زين زقها وبعد بعيد عنها واتكلم بصوت عالى:مرديتش … يبقي متخرجيش من القصر ولا رجلك تعتب عتبه باب القصر مش تخرجى ولا كأنك متجوزة كيس جوافه
كارما كانت عماله تعيط جامد وعياطها عصب زين اكتر:اخرسي بقي
كارما حطت ايدها على بوقها وبقت تكتم شهقاتها
زين:انتى عارفه بسبب غباءك ده كان ممكن يحصلك ايه النهارده …. طبعا حضرتك مش فارق معاكى حياتك ولا حتى حياه اللى فى بطنك
زين بصلها:من النهارده مش هتعبتى خطوة واحده برا الڤيلا دى
كارما اتصدمت:يعنى ايه
زين:يعنى هتفضلى هنا فى الڤيلا لحد مانا اقرر انك ترجعى القصر
كارما قامت وقفت:انت هتسبنى هنا لوحدى
زين:اه هتفضلى هنا لوحدك
كارما قربت من زين وعيطت اكتر:لا ونبي يازين متسبنيش لوحدى عشان خاطرى ….انا مش هخرج تانى من القصر والله مش هخرج بس متسبنيش لوحدى انت عارف انا بخاف افضل لوحدى ونبي عشان خاطرى
زين ماكنش قادر يشوف دموعها بس فى نفس الوقت مضايق منها لان لو ماكنش وصل فى الوقت المناسب الله اعلم كان هيحصلها ايه
زين:انتى مش لوحدك انا جبت حراسه حولين الڤيلا وكمان فى واحده هتفضل معاكى
كارما:طب وانت مش هتفضل معايا
زين:هابقي اجى اشوفك لكن مش هفضل هنا
كارما دموعها زادت:لا والله كتر خيرك
زين بصلها اوى وخرج من الڤيلا كلها وكارما قعدت على الكنبه وعيطت اكتر وكانت خايفه وهى لوحدها وفضلت تعيط لحد مانامت مكانها على الكنبه
(بقلم الكاتبه جنات)
=====================
زين رجع القصر بعد ماالكل نامو وطلع جناحه وطلع شنطه وبدا ياخد لبس وحاجات المهمه اللى كارما هتحتاجها وقفل الشنطه والباب خبط
زين فتح كانت حياه اللى دخلت الجناح:انتو فين طول اليوم يازين وفين كارما
زين قفل الباب وقعد عل السرير:كارما فى الڤيلا ياحياه
حياه:فى الڤيلا لوحدها ليه
زين:هى هتفضل هناك يومين وبعد كدا هرجعها القصر
حياه:فى ايه يازين مالك
زين:مافيش ياحياه
حياه شافت الشنطه:ولما هما يومين بس اللى هتفضلو في الڤيلا اخد كل الهدوم دى ليه
زين قام وقفل الشنطه:حياه بطلى اسئله وروحى لجوزك انا ماشي وبلاش حد يعرف ان كارما فى الڤيلا تمام
حياه استغربت زين اول مرة يكلمها كدا وزين خرج من الجناح وحياه راحت جناحها
كان يحيي قاعد على السرير:مالك ياحياه
حياه:زين من الصبح وهو برا مع كارما والوقت رجع من غيرها ولما سالته بيقولى كارما هتفضل فى الڤيلا واخد شنطه هدوم وبيقولى متقوليش لحد ان كارما هتفضل هناك
يحيي:يمكن عايزين يقضو يومين سوا ياحياه عادى يعنى
حياه:تفتكر
يحيي شدها لحضنه:افتكر ونص مش يمكن مراته وحشاه زى مانتى وحشانى كدا
حياه ضحكت:شوف انا بفكر فى ايه وانت بتفكر فى ايه
يحيي:بفكر فى كل خير ياقلبي
يحيي شدها لحضنه ودخلو لعالم خاص بيهم
=================
زين رجع الڤيلا وشاف كارما نايمه على الكنبه وباين على وشها انها عيطت كتير
زين اتنهد وحط الشنطه وشالها براحه وطلع اوضتهم وحطها على السرير ونزل جاب الشنطه وطلع حطها فى الاوضه وقعد جمب كارما على السرير وفكر كتير لو ماكنش وصل لها كان ممكن فريده تعمل فيها ايه وكان هيتجنن لانه مش عارف هى بتخطط لايه
================
ريم قاعده فى اوضتها وفونها رن تانى بنفس الرقم وكنسلت
وبعد شويا جالها مسدج من نفس الرقم وفتحتها واتصدمت لما شافت محتوى المسدج
“انتى متاكده ان جوزك مراد لسه عايش وصح هو عايش والعنوان اللى هبعته ليكى ده هو المكان اللى هو مختفى فيه عن الناس”
ريم استنت المسدج التانى اللى كان فيه العنوان وجالها مسدج تالت:”روحى بنفسك وانتى هتلاقيه هناك ”
ريم ماكنتش عارفه تعمل ايه وفكرت كتير تروح وبصت فى الساعه اللى بقت ١٢ والوقت اتاخر بس ده مراد ولازم تعمل اى حاجه عشانه
ريم قامت تلبس وخرجت من اوضتها ونزلت بالراحه وخرجت من القصر شافت الحرس واقفين دخلت القصر تانى ودخلت المطبخ اللى كان فاضي وخرجت من الباب اللى بيوصل على الملحق الخاص بالخدم وخرجت من الباب الخلفى الخاص بيهم وبالعاده مش بيكون واقف عليه حرس ومشت شويا وبعدها وقفت تاكسي وركبت وقالت لسواق على العنوان
بعد شويا وصلت وكان مكان فاضي ومافيش فيه غير مخزن قديم ريم نزلت من التاكسي ودفعت الفلوس لسواق ومشت ناحيه المخزن ودخلت من الباب اللى كان مفتوح اصلا واتصدمت من اللى شافته ……

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية شمعة الحب لا تنطفئ)