رواية دكتورتي الجميلة الفصل السادس 6 بقلم رنا تامر

رواية دكتورتي الجميلة الفصل السادس 6 بقلم رنا تامر

رواية دكتورتي الجميلة البارت السادس

رواية دكتورتي الجميلة الجزء السادس

رواية دكتورتي الجميلة الحلقة السادسة

مراد بإبتسامة خبيثه/ لو انا كسبت.. هنتجوز.
نور بصدمه/ نعععععم.
مراد بسخريه/ ايه ناويه ترجعي في كلامك ولا ايه .
نور بثقه مصتنعه عكس ما بداخلها من توتر وصدمه/ احم احم لأ طبعا مش هرجع في كلامي.
مراد بسخريه/ ما هو واضح فعلا.
نور اخذت نفس عميق وتحدثت بقوة/ عموما بالنسبة للحكم ف انا موافقه.
مراد بإبتسامة وهو يمد يده/ يبقى اتفقنا يا دكتور.
نور نظرت الي يده ومن ثم نظرت اليه وتحدثت بثقه وهي تمد يديها ايضاً/ اتفقنا يا بطل.
ــــــــــــــــــــــــــــــــــــــــــــ✦
في الجامعه..
رامي رفع ابهامه ونظر الي حازم وتحدث بتحذير/ بقولك ايه انت لازم تسمع كلامي بالحرف انت فاااهم.
حازم بضيق/ اولا نزل ايديك واياك ترفع صباعك تاني في وشي.. ثانيا هسمع كلامك واشوف اخرتها.
رامي بإبتسامة انتصار/ براڤو .. ثم اكمل بهدوء.. بص انت خليك هنا واول ما اديك الاشاره تيجي.
حازم بملل/ تمام.. مستنيك.
ذهب رامي الي ساره وهشام.. ومن ثم تحدث بإبتسامة/ ازايكم يا شباب.
هشام وساره بإبتسامة/ الحمدلله.
هشام دقق فيه لبعض من الثواني.. ومن ثم تحدث بإستغراب/ مش انت ال….
رامي بمقاطعه وتوتر/ ايوه انا.. ممكن بس اخد من وقتك خمس دقائق على انفراض.
هشام نظر الي ساره وهي نظرت له بمعني انه يذهب معه.
رامي نظر الي حازم واعطاه الاشاره بانه يتحرك واخذ هشام وذهبوا بعيد عن ساره.
حازم اخذ نفس عميق ومن ثم ذهب الي ساره.
ساره عندما رأته كانت في طريقها للذهاب ولكن امسك بيديها وتحدث بهدوء/ لوسمحتي انا محتاج اتكلم معاكي.
ساره نظرت الي يد حازم الذي تمسك بيديها بنظره حاده وحازم نظر اليها ونظر الي يديه و زال يديه في سرعه وتحدث بندم/ بصي يا ساره انا بعترف اني غلطت وندمان والله وانا بعتذر على كل اللي عملتوا معاكي.. بس انتي كمان طريقتك كانت مستفزه معايا طول الوقت.
ساره بضيق/ والله ده طبيعي.. انت واحد كل اللي اعرفه عنه انه بتاع بنات عايزني اتعامل معاك ازاي انا مش فاهمه.
حازم بهدوء/ انتِ عندك حق بس انا والله اتغيرت من ساعه ما عرفتك.
ساره بهدوء/ اتغيرت لنفسك مش ليا يا حازم.
حازم بحده/ لا يا ساره اتغيرت عشانك.. ثم امسك يديها واخذ نفس عميق وتحدث بحب.. ساره انا بحبك.
ــــــــــــــــــــــــــــــــــــــــــــ✦
في مكان اخر في الجامعه..
رامي بهدوء/ بص يا هشام.. انا رامي صاحب حازم.. اكيد الانسه ساره حكتلك كل حاجه عن حازم وهي مغلطتش في ولا كلمه وهو فعلا بتاع بنات ومغرور ومتكبر.. بس حقيقي هو من ساعه ما اتعرف على الانسه ساره وهو اتغير خالص والله.
هشام ببرود/ وانا ايه المطلوب مني.
رامي بهدوء/ انك تقنع الانسه ساره انه حازم اتغير بجد وانها تديله فرصه يثبتلها ده.
هشام بحده/ انت بتقول ايه اما اذا كان انا اللي معرفوش مش مقتنع انه واحد زي ده ممكن يتغير للاحسن.
رامي وهو يحاول تهدئته/ انت معاك حق والله.. بس احنا بشر يا هشام و طبيعي نغلط بس اهم من ده كله اننا لما نغلط.. نحاول نصلح الغلط ده ونتغير للاحسن.. وده اللي حازم بيحاول يعمله.
هشام بسخريه/ ااه يتغير للاحسن بأمارة الخناقه اللي عملها معايا لما شافني اول مره مع ساره.
رامي بتلقائيه/ ده رد فعل طبيعي من واحد شايف البنت اللي بيحبها بتحضن شخص غريب قدامه.
هشام رفع حاجبيه وتحدث بإستغراب/ نعععم.. ايه بيحبها دي.
رامي بإرتباك/ احم احم.. قصدي معجب بيها يعني.
هشام بسخريه/ لا تصدق فرقت.. ثم اكمل بضيق.. بقولك ايه انا اتخنقت وهمشي.
رامي وهو يحاول ايقافه في سرعه/ لا لا استني.. اسمعني بس.
هشام وقف امامه وتحدث بنفاذ صبر/ ياريت تقول اللي عندك بسرعه عشان انا مستعجل.
رامي وهو يحاول اقناعه/ تمام.. بص انت باين عليك شخص مثقف وبتوزن الامور بحكمه.. عايزك تفكر في كلامي وهتقتنع والله.. ومش لازم تتكلم مع الانسه ساره دلوقتي.. حاول انت تتعرف على حازم وهتشوف فعلا انه شخص كويس وانه بيتغير للاحسن.
هشام فكر في حديث رامي ومن ثم تحدث بهدوء/ تمام انا موافق اني اديله فرصه ومستعد اتكلم مع ساره واخليها تديله فرصه بس هو هيفضل تحت عينيا لحد ما اشوف بعيني فعلا انه اتغير وبقى شخص كويس.. ولو عمل اي حاجه احس منها انه ساره هتضايق من الحاجه دي.. اقسم بالله لهمسح بكرامته الارض ومش هيهمني هو مين ولا ابن مين.. اميييين.
رامي بلع ريقه بصعوبه ونظر له بنظره خوف وتحدث بإبتسامة ارتباك/ اميين يا باشا.
ــــــــــــــــــــــــــــــــــــــــــــ✦
عند حازم وساره..
ساره سحبت يديها بشده وربعت يديها ومن ثم تحدثت بتعجب/ بتحبني!!.. ثم اكملت بسخريه.. هو انت مصدق اللي انت بتقوله.. ثم اكملت بنفي.. انت مبتحبينيش يا حازم.. انت شوفتني مش زي البنات اللي بتلزق فيك طول الوقت فقولت تعمل تمثيليه عليا وتقنعني انك بتحبني وتخليني أحبك عشان تاخد اللي انت عاوزه مني وتكسرني وترضي غرورك.. ثم اكملت بحده ورفض تام.. بس لأ يا حازم انا مش هصدقك ولا هسيبك تلعب بيا.. عشان انا مش هبله اول ما تقولي انا بحبك هقولك وانا كمان.. اياك تحلم اني افكر فيك او ابصلك اصلا..انت فاااهم.
ذهبت ساره وتركته في حزن وشعور بأنه يفقد الامل في انها يمكن ان تعطيه فرصه وتحبه.
ــــــــــــــــــــــــــــــــــــــــــــ✦
مسااااااءاااااا..
في منزل عبدالله..
في غرفه نور..
كانت تقف في شرفه غرفتها وتستنشق الهواء.. وتفكر في الحكم تبع مراد وانها لو خسرت هذه المسابقه سوف يتزوجها.
بدأت تحدث نفسها بإستغراب و رفض تام/ ازاي يعني.. مراد ده مريض بالنسبالي وانا بعالجه ازاي لو خسرت المسابقه اتجوزه.. ده اتجنن ده ولا ايه.. لا طبعا انا استحاله اخسر المسابقه دي.
ــــــــــــــــــــــــــــــــــــــــــــ✦
في غرفه ساره..
كانت تستمع الي حديث اخيها ولا تستوعب ان تسمع هذا الكلام من اخيها.
ساره بعدم تصديق/ انت يا هشام… انت اللي بتقولي الكلام ده.
هشام وهو يحاول ايقناعها/ انا عارف انك مستغربه اني بتكلم معاكي في حاجه زي دي.. بس ايه المشكله لما تديله فرصه.
ساره بحده/ يا هشام ده واحد كل يوم مع واحده شكل وشايف نفسه على ايه انا مش عارفه.. انت ازاي بتحاول تقنعني اني اديله فرصه.
هشام وهو يحاول تهدئتها/ بصي انتي عندك حق.. بس بالعقل كده لو هو فعلا مش معجب بيكي وبيحاول يتغير عشانك هيخلي صاحبه يتكلم معايا ويقولي الكلام ده ليه وبعدين انتي بنفسك حكتيلي انه اتكلم معاكي بعد ما انا مشيت وكمان اعتذرلك و اعترفلك بحبه.. عايزه ايه تاني.
ساره بضيق/ مش عايزه حاجه.. انا عايزاه يسيبني في حالي عشان حقيقي زهقت منه.. ثم اكملت بحماس.. المهم خلينا في القمر اللي انت تعرفها.
هشام بإستغراب/ قمر مين؟؟.
ساره بمكر/ مش عليا الكلام ده يا ايتش.
هشام بعدم ادراك/ والله ما عارف انتي بتتكلمي على مين.
ساره بملل/ بتكلم على لينا يا هشام.
هشام بضحك/ ده انتي مشكله يا ساره والله.
ساره بسخريه/ طلعالك يا حبيبي.. ثم اكملت بحماس.. هااا بقى بتتكلموا فون.. وبتتكلموا في ايه.. وانت معجب بيها ولا لأ.. احكيلي يلا انت ساكت ليه.
هشام بملل/ مستني سيادتك تقفلي الراديو ده.
ساره بحماس/ طيب يلا احكي بقى.
هشام بهدوء/ بصي يا ساره.. دي مجرد بنت كان حد بيزعجها وانا دافعت عنها بس واطمنت عليها وعرفنا اسامي بعض وبعديها مشيت.
ساره رفعت حاجبيها وتحدثت بصدمه/ نععععم.. ازاي يعني ده البنت لما شافتك معايا كانت ناقص تقتلني.. دي واقعه خالص.. ازاي انت ملاحظتش انها معجبه بيك..و ازاي انت مأعجبتش بيها.
هشام بصدمه/ اعجب بمين يا ساره انتي بتهزري.. دي في تالته ثانوي يعني لسه صغيره وانا اخر سنه ليا في الكليه.
ساره بإصرار/ بقولك ايه كل اللي انت بتقوله ده ملوش لازمه بالنسبالي.. انت هتمسك تلفونك وتدور على الاكونت بتاعها وتكلمها واكيد هترد عليك على طول.
هشام برفض تام/ لأ طبعا مستحيييل اعمل كده.
ــــــــــــــــــــــــــــــــــــــــــــ✦
في فيلا الانصاري..
في غرفه لينا..
كانت تفكر في حديث مراد وكانت تفكر ماذا تفعل حتي تعرف اذا هو معجب بيها ام لا.. ظلت شارده لبعض الدقائق وبعد ذلك جاءت رساله على هاتفها وفتحتها ونظرت الي صاحب الرساله وجدته هشام.. ابتسمت وتحمست للغايه انه واخيرا تحدث معها.
كان يكتب في الرساله« ازايك يا انسه لينا عامله ايه انا هشام».
لينا اجابت عليه وهي السعاده تملأ وجهها وكتبت« انا بخير الحمدلله يا هشام.. انت عامل ايه»
لينا تركت الهاتف والقت نفسها على فراشها بسعاده لا توصف.
ــــــــــــــــــــــــــــــــــــــــــــ✦
في غرفه نور..
قررت ان تحكي لي شقيقها كل ما حدث.. حتى يجلسوا سوايا ويخططوا ماذا يفعلوا.
بعتت رساله الي هشام تقول فيها« هشام هات ساره واستنوني في الحديقه»
ــــــــــــــــــــــــــــــــــــــــــــ✦
في فيلا الانصاري..
في غرفه حازم..
حازم بحده وهو يحدث رامي/ بقولك ايه يا رامي انا سمعت كلامك مره والبت مسحت بكرامتي الارض.. مش هسمع كلامك تاني.
رامي وهو يحاول تهدئته/ اهدي كده يا حازم.. وبعدين انا شايف انها معاها حق.. شايفه واحد كان بتاع بنات واول ما تعرف عليها رايح يقولها بحبك.. ده كويس انه ملمتش عليك الجامعه.
حازم بسخريه/ يعني دلوقتي انا اللي بقيت غلطانه وهي اللي معاها الحق.
رامي بهدوء/ بص يا صاحبي.. انا اتكلمت مع اخوها وفهمته كل حاجه وهو اقتنع بعد عذاب وقالي انه هيفضل حاطك تحت عينيه عشان يشوف انت فعلا اتغيرت ولا لأ ولو لقي انك اتغيرت فعلا هيتكلم مع ساره ويقنعها تديك فرصه.
حازم بشك/ انت بتتكلم جد يا رامي ولا بتلعب بيا.
رامي بسخريه/ هو انت حد يعرف يلعب عليك.. ده انت تلعب علي بلد.
حازم ابتسم بسعاده وتحدث بحماس/ طيب واحنا هنعمل ايه عشان نقنع ساره واخوها اني اتغيرت.
رامي بتعجب/ احنا!!.. ايه احنا دي.. ثم اكمل بجديه.. اسمها انت هتعمل ايه.. انا مهمتي انتهت معاك لحد كده.
حازم بصدمه/ رامي متهزرش.. انا مش هعرف اعمل حاجه لوحدي.
رامي بإبتسامة سخريه/ بقى انت حازم الانصاري متعرفش تعمل ايه عشان تخلي بنت تحبك.
حازم بغيظ/ تصدق انا غلطان اني بتكلم مع واحد زايك.. اقفل ياض.
اغلق حازم الهاتف وظل يفكر في ساره ويفكر ماذا يفعل حتى يجعلها تعطيه فرصه.
ــــــــــــــــــــــــــــــــــــــــــــ✦
في منزل عبدالله..
في غرفه ساره..
هشام بضيق/ متزهنيش بقى يا ساره.
ساره بغيظ/ يا هشام انت بتعمل ليه كده.. ما البنت ردت عليك اول ما بعتلها.. انت ليه مش عايز ترد عليها.
هشام برفض/ لا خلاص انا بعتلها مش هبعت تاني.. مش حكايه هي.
ساره امسكت بالوساده والقتها في وجههُ وتحدثت بغيظ/ اطلع برا يا هشام.
هشام بصدمه/ بتضربي اخوكي الكبير بالمخده.
ساره بإستفزاز/ هما تلات شهور بس.. متصدقش نفسك اوي كده.
هشام بغرور/ مش فارقه.. المهم اني اكبر منك.. ثم اكمل بجديه.. يلا قومي عشان نور عايزانا.
خرج هشام وساره ذهبت ورأهُ.
ــــــــــــــــــــــــــــــــــــــــــــ✦
في الحديقه..
هشام بحده/ يعني ايه الكلام ده.. انتي عايزه تفهميني انك لو خسرتي.. هتتجوزي البنأدم ده ازاي يعني.
ساره وهو تحاول تهدئته/ اهدي يا هشام.. دي بتقولك لو خسرت.. يعني في امل انها متخسرش.
نور بجديه/ بصو بقى انا جيباكو هنا عشان نعرف احنا هنعمل ايه.. ونعمل خطه اعرف اكسب بيها المسابقه دي.
هشام هدأ بعض الشئ ونظر الي شقيقاته وتحدث بهدوء/ طيب خمس دقايق.. هعمل مكالمه واجي.
ذهب هشام وترك الاختين سويا.
ساره بإبتسامة/ بجد انا سعيده اوي انك واخيرا بقيتي تحبيني وتشوفني اختك فعلا.
نور نظرت اليها والدموع بدأت تتجمع في عيونها عندما تذكرت الماضي ومن ثم امحت دموعها وتحدثت بندم قائله.
/ انا بجد اسفه على طريقتي معاكي زمان مش عايزاكي تزعلي مني.. ثم اكملت بحب.. واكيد طبعا هحبك عشان انتي اختي بجد.. ويعلم ربنا بعد ما سافرتي انا زعلت عليكي قد ايه.
ساره همت من مكانها وقامت بالجلوس بجانب نور وامسكت يديها وتحدثت بحب/ متتأسفيش يا حبيبتي.. وبجد انا محظوظه اوي اني عندي اخوات زايكم.
نور احضنتها بحب وقالت/ انا اللي محظوظه اني بقى عندي اخت قمر كده.
جاء هشام وابتسم.. ثم تحدث بغيره مصتنعه/ شكلي انا اللي هتركن علي الرف في الاخر والله.
نور خرجت من حضن ساره ونظرت له وتحدثت بإبتسامة/ متقولش كده يا ايتش.. هو احنا نقدر نستغني عنك.
ساره بحب/ ايوه طبعا ده انت سندنا وراجلنا في الدنيا دي بعد بابا الله يرحمه.
نور وهشام في صوت واحد ونبرة حزن/ الله يرحمه.
هشام نظر الي اخواته وتحدث بحب/ بجد ربنا يخليكوا ليا يا احلي اخوات.
نور بحب/ ويخليك لينا يا عسل انت.. ثم اكملت بجديه.. يلا بقى نشوف هنعمل ايه في الخطه.
هشام في سرعه/ تمام بس استني ربع ساعه بس.
ساره بتساؤل/ ليه يا هشام؟.
هشام وهو ينظر الي البوابه/ هتعرفوا دلوقتي.
بعد مرور 20 دقيقه.. دخل شخص من بوابه الحديقه وهشام ذهب لأستقباله.
نور تعجبت عندما رأته ومن ثم تحدثت بتساؤل/ انت ايه اللي جابك هنا.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية دكتورتي الجميلة)