رواية طفلة في قبضة صعيدي الفصل العاشر 10 بقلم نرمين حمدي

رواية طفلة في قبضة صعيدي الفصل العاشر 10 بقلم نرمين حمدي

رواية طفلة في قبضة صعيدي البارت العاشر

رواية طفلة في قبضة صعيدي الجزء العاشر

رواية طفلة في قبضة صعيدي الحلقة العاشرة

ملك ابتسمتله : هوريك
عز: وريني… ولو الاكل عجبني ليكي عندي مكافئه
ملك بعفويه: اتفقنا، يلا سلام سلام لحسن ماما جليله لو جات هتفخني
عز ضحك وهي بتجري علي تحت بس بترجع تاني بسرعه: في حاجه معينه عايزها؟
عز ابتسم: محشي
ملك: بس دا مكافئته هدفعك كتييييير
عز ضحك: وأنا سداد
ملك ضحكت هي كمان ثم
نزلت المطبخ المريله علي كتفها وعنيها فيها بريق مش معتاد
كانت بتتحرك في المطبخ بكل ثقه مش تحركات وحده خايفه او متوتره
سعيده كانت بتقشر بطاطس ولما رفعت عنيها شافتها… وسكتت بس حست بتغيير
ملك بثقه بتبص علي المكونات: سعيده احنا هنبدء بالمحشي دا الاساس طبعا
سعيده بصتلها باستغراب: مالك يابنتي انتي من نص ساعه رجلك مكانتش شيلاكي من الخوف والتوتر ايه الي حصل
ملك ابتسمت: عز قلي وريني شطارتك وانا هثبتله اني شاطره
سعيده بفهم ابتسمت: اااااه هي الحكايه فيها عز
ملك ابتسمت باحراج وشغلت اليوتيوب علي قنوات الطبخ وبقت ماشيه علي الخطوات بالظبط
بقت بتحط التوابل بحذر شديد ثم تدوق خوفا منها انها تزيد
عدا ساعات كتير وملك وسعيده وشويه من الخدم قربوا يخلصوا الاكل، بقت الريحه ماليه القصر، كل الي يشم الريحه يقع من الجوع لتدخل اليهم جليله
جليله: بسم الله ما شاء الله… انا جوعت من الريحه
سعيده: البركه في ملك وشطارتها
ملك ابتسمت: أنا مش مصدقه نفسي والله
جليله: هههه…المهم الطعم
سعيده: علي ضمانتي الاكل طعمه يجنن
جليله خرجت ورضوي كانت برا المطبخ سامعه مدحهم ليها وجواها نار مشتعله: أنا بقي هكسرك قدامهم كلهم وكل تعبك دا هيروح علي الفاضي
بعدها بدقائق قليله يدخل عز بخطواته الثقيله وقف علي الباب شويه من غير ماتنتبهله،كان بيتفرج عليها وهي مندمجه، ومش مديه لنفسها فرصه تتنفس حتى…
حتي شعرت به ملك ثم قالت لسعيده: بقولك ايه ياسعيده هو لو وحده ليها مكافئه عند جوزها ومتاح ليها تطلب الي هي عايزاه تطلب ايه من رأيك
سعيده بتبتسم بفهم: ثروته كلها دي فرصه متتعوضش
ملك بعفويه: بس انا طلبي أكبر من ثروته
ليعقد عز حاجبيه: واي هي الحاجه الي اكبر من ثروتي
ملك سكتت للحظات وتسرح فيه: حاجه مبتشراش
عز بعدم فهم: دماغي مش رايقه للالغاز دي
ملك: يبقي تسيبنا نخلص وتطلع برا المطبخ
عز: طيب عايز قهوه الاول
سعيده: حاضر ياعز هعملهالك واجبهالك
عز وهو بيبص لملك: لا ملك هتعملها… هي مش ست بيت شاطره ولا ايه
ملك بتبتسم: شاطره جدا جهز انت مكافئتك بس
عز بضحك: جاهزه ياباشا
سعيده بتبصلهم وبتبتسم عمرها مشافت عز بياخد ويدي في الكلام مع حد ذي ملك
&&&&&&&&
بعد قليل ماهر وصل وشم ريحه الاكل
ماهر: ايه الجمال ده انا جعان
جليله: مفيش حد هيمد ايده علي الاكل إلا لما الضيوف يوصلوا
فياض: انا مش هستني حد مالي انا ومال الضيوف
رضوي بحقد: المهم الطعم مش الريحه ياجماعه
ملك بتيجي علي كلامها: تحبي ادوقك يارضوي، بس أخاف عليكي من جمال الاكل
عز بيبصلها وبيبتسم وبيقول لنفسه: صغيره بس نينجا
جليله: الي عندي قولته هي كلها ساعه والضيوف يوصلواصبروا شويه
ملك دخلت جوا وجابت القهوه لعز: اتفضل
عز اخدها منها ولاول مره لمس ايدها من غير ميبعد بسرعه…. بس هي الي سحبت ايدها بخجل :مبسوط منك اوي بجد براڤو
ملك بصتله وعينها لمعت حست ان قلبها بقي بيدق جامد وكأنه عايز يخرج يقوله بحبك ويخلص: يعني وريتك شطارتي؟
عز نبرته كان فيها دفئ نادر كأن الي بيكلمها مش عز الحبالي الي الكل بيخافه: وبجداره
ملك: بس انت لسه مدوقتش يمكن ميعجبكش
عز: كفايه انك تعبتي ودا كفايه
ملك بصتله وابتكسفت: طيب انا هروح اخد شاور بقي عن اذنك
عز هز راسه من غير ميتكلم
ملك طول مهي طالعه كلماته بترن في أذنها “مبسوط منك اوي” “براڤو” “كفايه انك تعبتي”
&&&&&&&&
في غرفه ماهر
ماهر بيدخل وبيرمي نفسه علي السرير وبيسرح في السقف بس فجأه بيسمع صوت جاي من الحمام وبعدين باب الحمام بيتفتح ببطئ ليجد رقيه طالعه وهي لافه المنشفه علي جسم*ها ولامه شعرها لفوق واول مشافته صرخه
ليجري هو اليها ويضع يده علي فمها: انتيييي اتجننتي بتصوتي ليه، وبعدين ايه الي جابك
رقيه: اممممم
ماهر بيبعد ايده عشان تعرف تتكلم
رقيه بدلع: هي دي مقابله تقابل بيها حبيبتك ياماهر
ماهر بضيق: ومفيش غيرها ان كان عاجبك
رقيه بتمسكه من هدومه: اي حاجه منك بتعجبني
ماهر بيبصلها بطرف عينه: بلاش طريقتك المستفزه دي، مش اي غلطه تعمليها تيجي تقولي الكلمتين دول وانا هنسي
رقيه: خلاص بقي ياماهر انا اسفه مش كفايه انك ضربتني
ماهر: مش كفايه كان لازم اكسر دماغك
رقيه بغزل: انت بقيت غريب اوي ياماهر…. حتي وانت بتبعد بتوجع
ماهر ابتعد عنها: مش فاضيلك دلوقتي ولا فاضي لكلامك
رقيه بتتجمد مكانها معقول يقدر يستغني عنها بالسهوله دي ثم ابتسمت بوجع وأخدت هدومها وذهبت للحمام تاني
ماهر قاعد مكانه حس بزعلها بس سابها ومرديش يكلمها
&&&&&&&&&&
في المطبخ الاكل كله خلص وملك طلعت اوضتها وسعيده راحت اوضتها هي كمان مبقاش حد موجود في المطبخ بس رضوي استغلت الفرصه ودخلت: واثقه من نفسك اوي ياملك، انا بقي هخليكي تندمي انك اتحدتيني، هخلي شكلك قدام الضيوف ذي الزفت، اليوم دا مش هتقدري تنسيه طول عمرك
رضوي جابت ملح وحطت في الاكل ملح زياده محدش يقدر يستحمله
ثم ابتسمت بخبث: تعبتي طول اليوم واديكي نولتي الي تستحقيه
&&&&&&&&&
الوقت عد والضيوف 10 دقايق ويوصلو الخدم بيجهزو العصاير وملك اخدت شاور ونزلت تطمن علي أخر التجهيزات، شدت نفس عميق وهي بتراجع كل صنف كأنها بقت خبيره ثم بدأت تجهز الاطباق بس قبل متكمل قررت تدوق منها للتأكد
وفجأه ملك بتتجمد مكانها وبدأ جسمها كله يتلج ايدها بترتجف: ملح كتير…. كتير اوي
ملك بتوتر: يادي المصيبه الضيوف علي وصول
بصت حوالين المطبخ قلبها بيخبط في صدرها، مش مصدقه
داقت من أكله تانيه وكانت نفس المصيبه
ملك بصوت مهزوز: دا مش طبيعي…. انا محطتش كل ده… الاكل باظ
وفي هذه اللحظه بتدخل سعيده وشافت ملك واقفه مش طبيعيه: مالك ياملك في ايه؟
ملك بتنهار: مصيبه ياسعيده… الاكل كله باظ

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفلة في قبضة صعيدي)