رواية طفلة في قبضة صعيدي الفصل الرابع عشر 14 بقلم نرمين حمدي

رواية طفلة في قبضة صعيدي الفصل الرابع عشر 14 بقلم نرمين حمدي

رواية طفلة في قبضة صعيدي البارت الرابع عشر

رواية طفلة في قبضة صعيدي الجزء الرابع عشر

رواية طفلة في قبضة صعيدي الحلقة الرابعة عشر

عز بغضب: بس ورحمه جدي لو طلعتي بتكدبي في حرف من الي قولتيه لاوريكي ايام عمرك مشوفتها وهتشوفي قلبه عز الجبالي وجحيمه
رضوي ابتلعت ريقها ببطئ: وانا هكدي عليك ليه…. بتحملني غلطك ليه ياعز
عز فجأه قلب الكمود ومسك الكرسي رماه علي مرايه التسريحه ورضوي صرخه
الكل اتجمعوت فجأه لما سمعوا صوت زعيق عز العالي، ملك طلعت من أوضتها وهي مرعوبه، وسعيده جريت من المطبخ، وماهر ورقيه قاموا مخضوضين، وجليله وفياض طلعوا علي الصوت
ملك بمجرد مدخلت وشافت رضوي وهي علي سرير عز اتجمدت مكانه لسانها معرفش ينطق حست ان الدنيا كلها وقفت ليقاطعها مجئ جليله وسعيده
جليله بصدمه: اية الي بيحصل هناااااا انتو في في اوضه وحده ازاي؟
عز بص لملك الي مصدومه وبعدين رجع بص لرضوي: صحيت من النوم لقيت الهانم جنبي بااااااعت نفسها الرخي*صه
ملك بدأت انفاسها تسرع وايديها تترعش وبصت لعز بصدمه وبدأت دموعها تنزل
جليله بصدمه: عز! انت بتقول ايه انت واعي لكلامك؟!
عز رفع صوته: انا مش فاكر حاجه مش عارف اذا كان حصل حاجه ولا لا
رضوي بدموع تمثيل: حصل حصل ياعز وانت السبب انت ضيعتني انا ضيعت ياعمتي ضيعت
عز قعد بتعب وحاطط ايده علي راسه
جليله بغضب شديد: ليه كديه ياعز، ليه بتعمللللللل كديه ليه ياكبير العيله
ماهر بغضب: لا اكيد في حاجه غلط عز ميعملش كديه
رضوي بدموع: يعني انا بكدب، انا هموت نفسي عشان ارتاح
ملك كانت باصه لعز بدموع عشان يتكلم او يقول حاجه بس هو مش متكلم
فياض: عزززز! متتكلم قول حاجه دا شرف
جليله: كفااااايه فضايح البيت فيه خدم وسمعتنا هتبقي في الطين
عز وهو لسه حاطط ايده علي راسه وبيوجهه كلامه لرضوي: انتي لسه بنت ولا؟
في اللحظه دي الكل اتجمد وكأنه خلاص اعترف انه عمل كدا ملك دموعها نزلت من غير صوت بس قلبها بيصرخ
السكوت عم المكان الكل باصص لرضوي وخايفين من اجابتها ورضوي باصه علي الارض ودموعها بتنزل… قلبها بيجري وبتفكر ترد بإيه..
عز قام بغضب: متقووووووولي لسه بنت ولا لا؟
رضوي اتخضت وجاوبت بسرعه: لا.. لا.. لا مش بنت
جليله: يامصيبتتتتتي
ملك مشت من المكان ببطء، بتنهار من جواها، بقت ماشيه وهي تايهه
ورقيه راحت وراها
فياض: عمك لو عرف بمصيبتك دي هيموتك
رضوي جريت علي جليله: والنبي ياعمتي متقولو لعمي حاجه انا مظلومه وابنك هو السبب بتعاقبوني انا ليه
جليله مسكتها من دراعها جامد: عشان رخصتي نفسك… حتي لو هو غلطان المجتمع عمره مهيبصله ذي مهيبصلك انتي…
عز بيبصلها ومتابع المسرحيه الي هي عملاها وساكت
عز بثبات: قومي غيري هدومك
الكل بقي مستغرب
رضوي باستغراب: ليه
عز: انتي مش بتقولي انك مش بنت.. انا عايز اتأكد وهنروح لدكتوره ولو طلعتي بتكدبي مش هستني عمك هو الي يعمل
رضوي اتوترت وخافت اكتر: دددكتوره.. دكتوره ليه.. انا كدا هتفضح وهتبقي سيرتي علي كل لسان… انا بنت ناس ياعز مش واحده جايه ترمي بلاها عليك
عز وهو باصصلها: كلم اهلها يافياض يجوا هنا… ولو طلعت فعلا مش بنت هكتب عليها اما بقي لو طلعت بنت وبتكدب مش هرحمك
رضوي: عمتي… فياض.. ماهر قولوله حاجه انتو كدا بتكسروني… وعيون الناس مبترحمش
فياض بحده: ماانتي لو تريحينا وتريحي نفسك وتقولي الحقيقه مش هيبقي فيها دكتوره
رضوي تبتلع ريقها ببطئ: هي دي الحقيقه وانا مش هروح لدكتوره… مهما حصل
ليقترب اليها عز وعيونه كلها شر وغضب وهي بترجع لورا: هتروحي وغصب عن الي خلفوكي…
ماهر بياخد عز: تعال تعال استني تحت وانتي يلا البسي
&&
اما في غرفه ملك
كلمته وهو بيسأل رضوي اذا كانت بنت ولا لا واجابتها مفارقتش عقلها مش قادره تستوعب معقول هو يعمل كدا وازاي مسكت الجاكيت بتاعه ولاول مره حست بالخوف: مش دايما المظاهر بتبقي حقيقيه هو ازاي خدعني بتصرفاته فضل يعامل رضوي وحش قدام الكل لكن من وراهم هو أخد حاجه مش حقه وراسم دور الضحيه الي مش فاكر حاجه
لتدخل عليها رقيه وملك تمسح دموعها: هزعل لو قولتيلي انك صدقتي رضوي
ملك بوجع: ومصدقهاش ليه
رقيه: ملك انتي بتقولي ايه.. انت من كل عقلك مصدقاها، انا اعرف رضوي اكتر منك
ملك بصتلها وبوجع: مهما كانت هي ايه… عمرها متوصل لمرحله انها تبيع نفسها كدا… مش دايما المظاهر حقيقيه يارقيه
رقيه: ياخساره بجد مكنتش متخيله اني انا هبقي مصدقه عز وانتي لا
ملك: انا زعلانه اني مصدقتش رضوي من الاول فضلت تقول متتعشميش محدش فهمها محدش حاول يفهمها حتي… وفجاه صوتها علي وهي بتعيط: تفتكري في وحده تفضل متعلقه بواحد وهو بيعاملها بالاسلوب الي كان يعاملها بيه قدامنا
اقولك انا ليه كانت متعلقه عشان هو الي علقها بيه من ورانا كان يعاملها حلو وقدامنا كأنه مش طايقها عشان لما يحصل موقف ذي الي حصل انهارده محدش يوقف جنبها ويصدقوه هو
ليقاطع حديثهم مجئ عز الي سمع كل كلمه ملك قالتها ورقيه بقت واقفه مش عارفه تعمل ايه وملك التفتت الناحيه التانيه
رقيه: طيب انا هسيبكم
ملك: كنت صح لما قولتلي انك تستاهلي حد يحبك ويقدرك
عز بحده وعينه كلها غضب من كلامها الي قالته لرقيه: انتي متستاهليش اي حاجه… وانا مش جاي ابرر بس كنت جاي اشوف عندك شك اني اعمل كدا ولا لا وطلعتي متأكده
ملك التفت له وعينها كلها دموع: اه متأكده…. متأكده ياعز
ثم هدأت نبره صوتها: لما قولتلك انا عايزاك رفضت وكأني عملت جريمه مع اني كنت عايزه حنيتك وحبك … وفي نفس اليوم انت الي تقول لرضوي عاايزك انت كسرتنيييي
عز كان من جواه تايهه مش عارف هو عمل كدا ولا لا.. بس كلامها الي سمعه منها كان كأنه سهم في قلبه :
انا مش جاي اتناقش في الي قولتيه…هبررلك ليه، ولمين اصلا لوحده شيفاني بخدع وحده عشان اوصل لحاجه مش حقي، بعاملها قدامكم وحش عشان اكسب ثقتكم، لو بعرف اخدع كنت وافقت علي كلامك امبارح وسيبتك تتوهمي وتتوجعي لكن انتي متستاهليش خوفي عليكي، مش عز الجبالي الي يعمل كدا، ولو انتي مش هتاخدي بالك من كلامك يبقي متتكلميش خالص
ملك تقترب منه وحست بندم : عايزني اقول ايه وانا شايفاك ساكت كدا… مش بتبرر ولا بتكدب رضوي
عز: مش فاكر… قولت مكنتش في وعي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفلة في قبضة صعيدي)