رواية حب مشوه الفصل الأول 1 بقلم عائشة الكيلاني

رواية حب مشوه الفصل الأول 1 بقلم عائشة الكيلاني

رواية حب مشوه البارت الأول

رواية حب مشوه الجزء الأول

رواية حب مشوه الحلقة الأولى

شجن انتي كويسة
شجن… يا بنتي
شجن بتنفض فجأة:— نعم يا ماما؟ بتقولي حاجة
الأم باستغراب:— بقولك مالك
شجن بابتسامة هادية:— معلش… سرحت شوية.
الأم بنغمة حنونة:— طب يلا يا حبيبتي، الكوافير مستنيين برا…
ولا إنتي ناسيه إنك عروسة، وفرحك النهاردة
شجن بابتسامة باهتة:— لأ إزاي… فاكرة طبعًا.
هو كارم وصل
الأم:— آه، في أوضته من بدري.
شجن:— طب أقوم أغير هدومي وألبس الفستان.
دخلت شجن التواليت…
غسلت وشها، وبصت في المراية،
لكن عينيها علقت على نقطة سودة في الحيطة…
سرحت فيها، كأنها فتحت بوابة لمكان تاني.
خمس دقايق مرّوا،رجعت تغسل وشها تاني كأنها بتحاول تفوق،وبعد شوية خرجت… المنشفة على شعرها.الكوافير بدأ يشتغل… الزغاريط ملت الأوضة…
شجن شالت المنشفة… والكل اتجمّع حواليها.موبايلها رن.
الأم:— كارم بيتصل… أرد أنا ولا هتردي عليه
شجن خدت الموبايل وردّت بابتسامة مصطنعة:— أنا قلت إنك متّ يا ابني… فينك
كارم بيضحك:— يا ساتر يا رب… الملافظ سعد!
بتعملي إيه يا بنتي
شجن بنبرة خفيفة:— بعمل شعري يعني… بعمل إيه يعني
وإنت
كارم:— بجهز… علشان نخلص
شجن فجأة نبرتها تبرد:— تمام يا كارم.
سكتت شوية— لازم أقفل دلوقتي… باي.
كارم:— بحبك.
شجن بابتسامة:— وإيه الجديد
وأنا كمان بحبك.
قفلت وفضلت تبص في المرايا.
المسجد – بعد شوية
نوح بيخرج من الجامع زي المجنون.
الموبايل بيرن.
نوح بيرد وهو سايق— أيوه يا ماما
الأم:— إنت فين يا نوح مش بترد ليه
نسي إن فرحك النهاردة ولا إيه
نوح بصوت مكتوم:— تمام يا ماما… لازم أقفل. هكلمك تاني.
قفل الموبايل من غير ما يستناها ترد،وصل بيته، دخل أوضته، فتح الدولاب، قلّب كل حاجة،
وهو بيهمهم لنفسه:— لازم ألاقيها… لازم.
فتح الدرج و قعد يدور
الفندق – بعد شوية
شجن خلصت التجهيز، كانت زي القمر.الزغاريط شغالة، الناس بتضحك، والدنيا فرح.
شجن مسكت فستانها، قامت،
بصّت لأمها بابتسامة:— ها، إيه رأيك بقى يا ماما
الأم بدموع:— بسم الله ما شاء الله…
قمر يا حبيبتي، قمر من يومك.ربنا يسعدك ويتمملك بخير.
شجن بمزاح:— إيه الدموع دي يا ست الكل
أنا كدا هسيب كارم وأقعد جنبك أونسِك!
الأم بعدتها وهي تضحك وسط دموعها:— هديكي على وشك…اتجوزي يا حبيبتي، وأنا بخير.
حضنتها… لحظة ما تتوصفش.
الباب اتفتح.كان كارم واقف، مدّي ضهره.
شجن لفّت…كارم لف وراها.
كارم: بضحك و غيظ— اثبتي بقى يا شيخة، روّشْتيني
شجن:— أول ما تشوفني تنبهر، وشك يتغير، ويغمى عليك…
ياما مش متجوزاك.
كارم:— حد يقولها حاجة…حاضر يا جاكي، هنبهر! بس علشان أنبهر لازم أشوفك الأول.
شجن بفرح :— واحد… اتنين… تلاتة!
لفّت وقالت بابتسامة:— إيه رأيك في هيما
كارم ضحك وهو ماسك إيديها:— أنا كدا هغمى عليا بجد…
فين هيما دي؟اي القمر دا كله!
خرجوا يتصوّروا… خلصوا السيشن.كارم نزل القاعة، وبعده نزلت شجن مع باباها.
الأب وهو بيحضن كارم:— أنا بديك بنتي، وعمري، وثروتي… حافظ عليها.
كارم:— في عيني يا عمي.
مسك إيد شجن، راحوا يرقصوا.كان باصص لها بحب، وهي… بتبص لنقطة معينة.
خلصوا الرقص.المأذون وصل، قعدوا.
كارم:— يلا يا مولانا، ابدأ.
المأذون:— بسم الله الرحمن الرحيم…
صوت جه من ورا القاعة، هزّ كل واللي فيها:
استنوا الجوازة دي باطلة مينفعش تتجوز… لأنها متجوزة.
الكل اتجمّد.العيون اتلفت ناحية الصوت.نوح كانواقف،ماسك ورقة فـ إيده.
كارم بص له:— إيه اللي بيحصل دا
ومين حضرتك
نوح:— نوح الجبالي…جوز شجن.قولي يا حبيبتي… ولا خايفة
المأذون وقف مذهول:— يا ابني حرا*م الافتراء… دا كلام في الأعراض
نوح اتقدّم بهدوء مخيف:— أنا لا بفتري، ولا بتكلم في اعرا*ض حد.أنا جيت أحميها من الحر*ام.قبل ما تبقى على ذمة اتنين… ودا ماينفعش.
مدّ الورقة:— العقد معايا، بإمضتها…
تاريخ… واسم… وشهود.
الأب خطف الورقة منه و ،بص فيها…عينه اتسعت،وشه تصفر،إيده ترجف…
شجن واقفة في عالم تاني ساكت مش بتقول ولا كلمة.
نوح :- بنتك مراتي متجوزين عر*في و

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب مشوه)