رواية همسه الفهد الفصل الحادي عشر 11 بقلم بسملة أحمد

رواية همسه الفهد الفصل الحادي عشر 11 بقلم بسملة أحمد

رواية همسه الفهد البارت الحادي عشر

رواية همسه الفهد الجزء الحادي عشر

رواية همسه الفهد الحلقة الحادية عشر

همس ردت و هي وشها في الأرض و خدودها حمرا من كتر الكسوف و قالت : موافقه
فهد مصدقتش نفسه و شالها و لف بيها و قال بصوت عالي : بحببببببببك يا همستي بحببببك اووووي
همس هتموت من الكسوف : نزلني يا فهد بلاش جنون الناس بتتفرج علينا و انا دخت نزلني
فهد نزلها و باسها من خدها اخدها في حضنه : ظز في الناس انتي اهم عندي من اي حد انا مش عراف يا همس انتي عملتي فيا اي بس كل الي اعرفه اني مكنتش عايش من غيرك حياتي من غيرك مكنتش حياه فهد الي مافيش بنت كانت تشغل باله جيتي انتي و شقلبتي كل كيانه و مش بقيت اقدر استغني عنك و عندي استعداد اخسر كل حاجه عشانك
همس : بجد يا فهد الكلام دا
فهد : بجد يا قلب فهد ممكن ايدك بقي البسك الختام
همس مدت أيدها ليه و فهد لبسها الخاتم و بأس أيدها و قال : مبروك عليا انتي يا همستي و بكره يتعمل ليكي فرح اسكندريه كلها تحكي عنه
همس : مش عاوزه حاجه يا فهد عاوزك جنبي و خلاص من ساعه ما دخلت حياتي و انا حاسه بامان مش طبيعي
فهد : لاء كده كتير عليا و لله يا بشر بقولك اي تعالي نروح المأذون دلوقتي
همس : اتلم يا فهد يلا بينا عشان نروح و سابته و مشيت و هو قال : اتقلي برحتك و لما تيجي تحت ايدي مش هرحمك يا همستي و اخد حاجته و مشي و طلع لقي همس واقفه علي العربيه مستنيه فتح العربيه و فتح ليها الباب و قال : اتفضلي يا اميرتي
همس اتبطست اوي من الاسم دا و ركبت و هو ركب و شغل أغاني رومانسيه و كل كلمه ف الاغنيه كان بيبص ليها و هي مبوسطه و حاسه اني الدنيا ضحكت ليها اخير لحد ما وصلو البيت و همس جات تنزل فهد قال : استني يا همس نازل معاكي
همس باستغراب : لي
فهد : نازل اسلم علي طنط انتي مالك اي البت دي و نزل و مسك أيدها و طلع و همس فتح الباب و لسه جاين يدخلو لاقو هارون الي قال : و الله عال يا بنت اخويا يا محترمه جايبه رجاله البيت
همس بصت ليه و لسه هترد فهد مسك أيدها و سكتها و بص لي هارون و قال : اتكلم معاها عدل و انت مين اصلا عشان تتكلم معها
هارون : انا عمها انت الي مين بقي
فهد بثقه و باص أيدها و قال : انا ابقي خطيبها و جوزها في المستقبل أن شاء الله يلا عاوز حاجه و سابه و شد ايد همس و دخل و قفل الباب في وشه
و قال : نهول اذيك عامله اي وحشاني و الله و راح حضنها
نهال بحب و فرحه من الي عمله و الي سمعته : الله يسلمك يا حبيبي انت عامل اي
فهد : كله تمام يا حبيبتي وحشاني
نهال : ديما يا قلبي و انت كمان ليك وحشه و لله
همس : لا و لله ما اجيب ليكو اتنين لمون بالمره اي وصله الحب دي
فهد : ايوه ياريتي يا هموستي اعملي اتنين لمون و يكون ساقع اصل الراجل البومه دا عكر دمي
همس : دا انت بارد يا جدع و ربنا
فهد بخبث : أتلمي يا هموس بدل ما اقوم اعقبك بطريقتي
همس في سرها قليل الادب و ربنا و يقوم يعملها بس قالت: ها لاء و علي اي هدخل اعمل العصير و جريت و فهد و نهال ضحكو عليها و فهد قال : و الله يا طنط بنت دي مجنونه و هتجنيني معها
نهال : حصل و لله يا بني بس بلاش طنط دي انا مش زي ماما و لا اي
فهد : لا طبعا يا ست الكل ماما و احلي ماما كمان
نهال بحب : تسلم يا قلب امك
فهد : عاوزك في موضوع مهم يا امي و اتمني توافقي علي الي هقوله
نهال : خير يا بني قول
لسه فهد هيتكلم لقي الباب بيخبط قام فتح لقا هارون و قال : خير عاوز اي
هارون زقه و دخل و قال : و لله عال بقي البيت بيت اخويا و الغريب يسالني انا الي مين
نهال قالت بعصبيه : دا غريب يا هارون و الي غريب هو انت مش هو
همس طلعت من المطبخ و قالت : اذن سمعت ماما قالت اي يلا بقي هش من هنا عشان بنام بدري
هارون قام ضربها بالقلم علي وشها فهد مسك أيده الي ضربها بيها و حطها ورا ضهره و قال بغضب و عصبيه : اقسم بالله لو اتكررت تاني الي حصل لهكون دفنك مكانك ايدك ممدمش عليها تاني و لا اصلا تتكلم معها و اعتبر انهم مش موجودين في البيت لحد ما تغور منه و البيت الي سرقته منهم يرجع ليهم تاني
هارون : بقي انت عاوز تطرني من بيتي
فهد : قصدك بيتهم و اها بطرك منه و لو تعرف تعمل حاجه اعملها اخرك فاضي انت اصلا مش راجل و ماشي ورا وحده ست و عامل نفسك راجل علي اتنين ستات امشي اطلع بره بدل ما ازعلك علي الباقي من عمرك امشي
هارون خاف و طلع يجري علي شقته و فهد راح لي همس الي كانت منهاره من العياط و أخدها في حضنه و قال : هششششش هشششش اهدي خلاص يا قلب فهد اهدي مافيش حاجه انا جنبك مش تخافي مافيش حد هيقرب منك طول منا عايش اهدي خلاص
همس بشهقات عاليه : انا خايفه يا فهد خايفه اوي مش عليا لاء خايفه عليك و علي ماما أمته ارتاح من الهم دا بقي يارب أمته انا تعبت و لله
فهد و هو بيملس علي رأسها : مش عاوز اسمع كلمه خايفه دي مفهوم طول منا عايش و فيا الروح مسمعش منك كلمه خايفه مفهوم
همس بصت لي بحب : ربنا يخليك ليا يا فهد
فهد باس عينها و قال : و يخليكي يا حياه فهد يلا ابت أجري هاتي اللمون خليني اقعد مع حماتي العزيزه شويه
همس ضحكت : حاضر و دخلت جات اللمون و فهد راح قعد جنب نهال الي قالت : انا كده اطمن علي بنتي معاك يا فهد و اموت و انا مطمنه اوعي تزعلها في يوم يا فهد حتي لو غلطت علمها غلطها بالراحه
فهد : بعد الشر عنك يا حبيبتي و همس بنتي و اختي و صحبتي قبل ما تكون مراتي مش محتاج توصيه عليها المهم بقولك انا عاوزه الخطوبه تبقي الخميس الجاي اي رايك
نهال : انا عن نفسي يابني موافقه و مش عندي مانع نشوف راي عروستنا
فهد : و عروستنا موافقه و هيبقي كتب كتاب و خطوبه مع بعض
همس في الوقت دا خرجت و قالت : هو اي انا ماليش راي في ام الليله دي و لا اي دا حتي بيقولو اني انا العروسه
فهد : لاء طبعا و دي تيجي قولي رايك يا عروسه
همس : مش موافقه
فهد : نعم يا روح امك مش اي دا انا و ربنا اقتلك فيها و بعدها اقتل نفسي قال مش موافقه قال انتي هبله ابت
همس خافت منه : اي يا ابو صلاح بنهرز معاك انت مبتهزرش طبعا موافقه هو في رأي بعد رايك بس اهدي كده و هدي اعصابك
فهد : ايوه كده ناس مش بتيجي الا بالعين الحمرا كده ي ماما مافيش حجه العروسه موافقه و كل حاجه جاهزه البيت جاهز بس همس طبعا هتيجي تشوفه عشان لو محتاجه تعدل فيه حاجه
نهال : ربنا يتتم ليكم علي خير يا حبيبي و مش يغير عليكو ابدا يارب علي البركه يلا بس جاهزها يا حبيبي لسه
فهد : جاهز اي بس يا ست الكل بقولك كل حاجه جاهزه يعني أنا هاخد همس بشنطه هدومها و مش هتحجتها كمان
نهال : ازي بس يا بني الحمد لله الفلوس موجوده باسم همس في البنك
فهد : خلاص يا نهول بقي خلي الفلوس في البنك زي ما هما من بكره بقي أن شاء الله هنزل انا و همس و اروي و لو لارين تيجي معنا عشان نجهز كل حاجه و احنا نازلين نشتري الدهب حضرتك و ماما هتبقبو معنا و الشبكه و كتب الكتاب زي ما قولنا الخميس اتفقنا
نهال : اتفقنا يا حبيبي ربنا يسعدكم ديما يارب
فهد بص بص و همس و قال : عاوزه تقولي حاجه يا همس أو تسالي علي حاجه
همس : ايوه الصراحه كنت عاوزه اقولك حاجه و أسألك علي حاجه بروضو
فهد : اتفضلي يا حبيبتي
همس بتوتر : هو احنا لما نتجوز هنقعد فين و انا مش هقدر اسيب ماما لوحدها و انت فاهم
فهد : هنعيش في فيلا لوحدنا يا حبيبتي و علي ماما نهال فا اكيد مش هسيبها لوحدها و هخدها تقعد مع ماما
همس : ازي يعني يا فهد هنقعد لوحدنا و نسيب ماما ايمان لوحدها لاء طبعا بص احنا هنقعد كلنا مع بعض انا و انت و اروي و ماما نهال و ماما ايمان
فهد فرح جدا انها بتحب مامته كده و بتفكر فيها بس قال : ازي يعني يا همس هتبقي مرتاحه و انتي كده
همس : ايوه هبقي مرتاحه و دا شرطي الوحيد عشان اتجوزك يا فهد
فهد : خلاص يا همس الي تشوفيه بس بشرط بقي كل فتره هنروح قعد في بيتنا لوحدنا و مممكن اخطفك و نسافر اشطا
همس : اشطاطات يا كبير موافقه
فهد ضحك عليها و قال : في واحده تقول لي خطيبها يا كبير صبرني ياربي عليا انا ماشي يا ماما بدل ما اتشل بسبك بنتك
نهال : لسه بدري يا حبيبي اقعد شويه
فهد : لاء أنا اتاخرت اوي مره تانيه بقي عشان لسه هروح اصالح مراتاتي التانيين علي التأخير دا
همس : لا و الله هما مين بقي أن شاء الله
فهد : الله دا احنا بنغير بقي
همس : اغير علي مين عليك انت هو حد.يبص ليك
فهد بثقه مصتنعه قدامها : يا بنتي بنات مصر كلها بتجري وريا و مستنين ميني كلمه واحده بس
همس : طب اعملها يا فهد و هتبقي اخر كلمه أن شاء الله
فهد : اموت انا في الشرس بتاعي يلا باي باي يا موزه هكلمك بليل
همس : ماشي باي و فهد مشي و همس جريت علي نهال و حضنتها و قالت : انا فرحانه اوي يا ماما فرحانه اوي بجد مش مصدقه يعني فهد كان هنا حالا و طلب ايدي منك و كتب كتابي عليه الخميس الجاي
نهال بفرحه لبنتها : ربنا يفرحك كمان و كمان يا قلب امك لاء يا حبيبتي صدقي
همس : ربنا يديمك ليا يا ست الكل اما اقوم احضر ليكي الاكل عشان تخدي العلاج
نهال : ماشي يا حبيبتي قومي يلا بس غيري هدومك الاول
همس : حاضر يا حبيبتي و دخلت غيرت هدومها ببجامه خفيفه و دخلت المطبخ عملت اكل لي مامتها و طلعت و قالت : اتفضلي يا حبيبتي الاكل اهو
نهال : تسلم ايدك يا هموسه مش هتاكلي
همس : لاء يا حبيبتي اكلت بره مع فهد هدخل اروق المطبخ علي ما تخلصي
نهال : ربنا يعينك يا حبيبتي و يسعدك معلش يا همس تعباكي معايا
همس : تعبك راحه يا ست الكل و سابتها و دخلت المطبخ و بدأت تروق فيه و هي مشغله اغاني و مندمجه معها عند فهد بقي وصل البيت و دخل لاقي ايمان و اروي قاعدين في الانتريه قدام الشاشه دخل و قال : السلام عليكم يا اهل البيت عاملين اي
اروي : لا و الله لسه فاكر يا استاذ اني ليك بيت و اخت و ام تسال عنهم كل دا صايع مع الست هانم
فهد ضحك عليها و قال : اي يا بت في اي احنا هنبدا شغل العمات من اولها و لا اي
اروي : اها يا خويا و ازي كان عجبك
فهد زقلها بالمخده و قال : اقعدي يا شبر و نص انتي و انتي كل الي فيكي لسان علي الفاضي
اروي: شوفي يا ماما ابنك بيقول اي
ايمان : اعقلو يا ولاد المجانين جنتوني معاكو قولي يا حبيبي عملت اي
فهد : بصي يا ست الكل انا قولت ليها اني بحبها و بعدها رحت لي مامتها و حددت معاد الشبكه و كتب الكتاب هيبقي الخميس الجاي
ايمان و اروي في نفس واحد: زغروطو و كانو طايرين من الفرحه
و ايمان قالت : مبروك بت يا حبيبي امك ربنا يتتم ليك علي خير
فهد : الله يبارك فيكي بت يا حبيبتي
اروي حضنته و قالت : مبروك يا فهودي
فهد : الله يبارك فيكي يا قلب فهودك بص لي ايمان و قال : تعرفي يا ماما أنها مش رضيت تتجوز في بيت لوحدها و قالت أنا مش هعيش غير مع ماما ايمان و اروي
ايمان فرحت و خصوصا انها بتحب همس جدا و قالت : بنت اصول و متربيه و نهال عرفت تربي لو زعلتها يا فهد في يوم من الايام اقسم بالله ما حد هيقف ليك غيري
فهد بمرح : هو في اي يا جدعان هو انا شرير للدرجتي كل شويه حد يوصني عليها دا اي
اروي : لاء يا قلب اختك مش تقول كده انت الرجل الاخضر بس
فهد ضربها بخفه علي رأسها و قال : بقي كده يا لمضه شوفي مين بقي الي هيجب ليكي الحاجه الحلوه
اروي : يا كبير انا بهزر معاك دا انت مافيش احن منك و لا اطيب منك
فهد : ثبتني يا بت ثبتني
اروي : هل انا وش ذالك
فهد : لاء يا بت يا سمح الله انا الي وش ذالك انا طالع بدل ما اتشل
اروي ببرود : بعد الشر عند يا فهود من الشلل
فهد : أبرد عيله شوفتها في حياتى و دخل اوضته و قلع هدومه و دخل اخد شاور و خرج نام علي السرير و ابتسم و قال خلاص يا همستي كلها ايام و تبقي مراتي اخير و طلع فونه و رن عليها عند همس كانت خلصت ترويق و ادت لي مامتها العلاج و دخلت اوضتها اخدت شاور و خرجت سرحت شعرها و بعدها رمت نفسها علي السرير مو كتر التعب و افتكرت الي حصل انهارده و سرحت في حياتها الجايه و فاقت من سرحنها علي رنت فونها و مسكته تشوف مين لقت فهد اتوترت و اخدت نفس عميق و فتحت و قالت : الو اذيك يا فهد
فهد : احلي الو و احلي فهد سمعتهم في حياتي
همس بكسوف : اتلم
فهد : انا علمت حاجه انا غلبان اهو عامله اي
همس : غلبان خالص مالث الحمد لله انت عامل اي
فهد : بقيت كويس لما سمعت صوتك وحشتني
همس : لحقت اوحشك دا انت لسه ماشي
فهد : انتي بتوحشني و انتي معيا يا همستي
همس اتكسفت و غيرت الموضوع و قالت : فهد هو انا ممكن اخاد اجازه من الكليه لحد ما نعمل كتب الكتاب لاني هيبقي ملبوخه اوي
فهد : بس كده عنيا ليكي اعتبري نفسك اجازه بس الشركه لاء أنا مقدرش مش اشوفك كل دا
همس : مش هتشوفني ازي بس و انا كل يوم هيبقي معاك عشان نشتري الحاجه
فهد: برضو ماليش فيه هو مافيش اجازه يعني مافيش اجازه
همس : يووووووه بقي يا فهد
فهد : مافيش فهد و لا نيله الي أقوله يتسمع و انا قولت ليكي قبل كده مبحش كلامي يتكرر مرتين صح و لا لا
همس : صح
فهد : يبقي كلامي يتسمع
همس : حاضر و فضلو يتكلمو و الوقت عاد بسرعه عليهم و الأتنين كانو في دنيا تانيه و مش حاسين بالوقت لحد ما سمعو صوت اذان الفجر همس قالت : نهار اسوس احنا بقينا الفجر يا فهد و مش حسينا بالوقت
فهد : الوقت الحلو ديما بيعدي بسرعه يا هموسه و انتي كل حاجه معاكي حلوه فا عشان كده مش حسينا بالوقت
همس : بطل كلام و اقوم صلي يلا و نام
فهد : حاضر هخلص و اكلمك اقولك تصبحي علي خير و ننام اشطا
همس : اشطا و الإثنين قامو اتوضو و صلو و بعد ما خلصو فهد رن علي همس و قال ليها : تقبل الله
همس : منا و منكم
فهد : يلا يا روحي تصبحي علي خير و علي كل حاجه حلوه نفسي اقعد معاكي اكتر من كده بس في شغل الصبح
همس : و انت من اهله بكره بقي نكمل كلام حالا نوم لاني فصلت
فهد : تمام بت يا حبيبي يلا باي
همس : باي و قفلو هما الاتنين و هما مبوسطين و كل واحد بيفكر في التاني لحد ما نامو و تاني يوم الصبح ……..

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية همسه الفهد)