رواية طفلة في قبضة صعيدي الفصل الثامن والعشرون 28 بقلم نرمين حمدي

رواية طفلة في قبضة صعيدي الفصل الثامن والعشرون 28 بقلم نرمين حمدي

رواية طفلة في قبضة صعيدي البارت الثامن والعشرون

رواية طفلة في قبضة صعيدي الجزء الثامن والعشرون

رواية طفلة في قبضة صعيدي الحلقة الثامنة والعشرون

رضوي قعدت مكانها ومنهاره عياط مش عارفه تعمل ايه في المصيبه دي، سليم حتي مش عايز يسمعها
اما عن سليم فقعد علي السرير وهو بيقلب في الصوره، وجواه غليان، نار مبتطفيش، نفسه كل دا يطلع كابوس، كل مبيفكر يسامحها بتيجي حاجه تقوله لا متستاهلش
الوقت بيعدي، ورضوي لسه مجتش، وبعد ساعه تقريبا رضوي دخلت وهي شبه ثابته
رضوي: انا من حقي أعرف مين الي بعتلك الصوره دي
سليم: مش من حقك ولا هقولك مين الي بعتها… ضيعي في الوقت براحتك بس ورحمه أمي فيها موتك بجد
رضوي: انا معملتش كدا.. والشخص دا معرفهوش… الغلطه الوحيده الي عملتها كانت مع عز… لكن لو انت بتتلككلي وعايز تطلعني بصوره وحشه انا مش هسمحلك ياسليم
سليم: الكلام دا لا هيودي ولا هيجيب الي عملتها مره تعملها ألف مره عادي
رضوي دمعت: أنا مش عارفه اثبتلك ازاي.. بس وربنا وربنا وربنا معملت كدا
سليم بسخريه وهو يغلي بداخله: صدقتك… اقنعتيني يابت
ثم مد الصوره امامها: ركزي كدا هتفتكريه…. يمكن مش فكراه من كترهم
رضوي ركزت في الصوره كويس ووواتصدمت لما افتكرت
&&&&&&&&&&&&
في بيت الجبالي
باب غرفه ملك وعز بيخبط، وعز فتح
سعيده: يلا انزلو العشا جاهز
عز: ماشي نازلين
عز لملك: يلا ياملاكي
ملك: ملاكك؟
عز: لو مبطلتيش تعلقي علي كل كلمه بقولها، هعلقك في المروحه ورحمه امي مهنزلك إلا لما تقولي حقي برقبتي
ملك بضحك: لا خلاص خلاص أسفه
*في الاسفل*
جليله: سعيده اندهي رقيه وماهر
سعيده: ندهتهم
فياض: اهلا بالي جالها انهيار عصبي، لحقت تجبلها انهيار ياعز
عز: اسكت متفكرهاش
ملك: لا فاكره علي فكره، والجاي كله انتقام
جليله: مش كفايه الي عملتيه في المستشفي
عز بيهمس لنفسه: في المستشفي بس؟… اومال لو شافت الجلسه الي كانت فوق؟
ملك: طيب بزمتك حقي ولا مش حقي
جليله: حقك طبعا
ليقاطعهم مجئ رقيه وماهر، رقيه كان باين عليها الزعل مش ذي عادتها قعدت جنب ماهر وتقريبا مكانتش بتاكل
جليله: في ايه يارقيه، مش عوايدك تفضلي ساكته كدا
رقيه: هاا مفيش ياماما تعبانه بس شويه
جليله: طيب اكلم الدكتوره تيجي تشوفك؟
ماهر: لا لا هي هتبقي كويسه، هما شويه صداع بس
ملك: انا هعملك شاي يضيعلك الصداع دا
جليله: اترزعي انتي وكملي اكلك انا هعمله بنفسي
ملك قعدت مكانها تاني وعز بصلها وضحك بشماته
رقيه: لا لا خليكي انا هروح ارتاح شويه يمكن يروح ثم طلعت اوضتها
جليله بصتلها ومتأكده ان في حاجه حصلت: في اية ياماهر؟… انت الي مزعلها
ماهر: ياست الكل هي كويسه والله
جليله: لاه دي مش رقيه الي انا اعرفها… انا هطلعلها ولو طلعت مزعلها والله لاطردك برا البيت
ماهر: سبيها دلوقتي بس وكملي اكل
عز: شكلك هتبات برا انهارده
جليله: ومش هو بس… وانت كمان، انا محدش يزعل بناتي سامعين
عز بيهمس لنفسه: مش كفايه كنت هنام علي الكنبه!!
فياض: واحنا ايه لقتينا علي باب جامع ياول*يه؟
جليله: انتو جبروت واخدين طبع جدكم جاتكم القرف
الكل ضحك
ملك: استني ياماما هطلع معاكي
جليله: تعالي
عز لماهر: عملتلها ايه
ماهر: مضايقه عشان عندها مشكله في الخلفه
فياض: طيب خليها متقولش لجليله بقي… هي اه بتعترها بنتها بس في الموضوع دا معندهاش عزيز
ماهر: هي خايفه منها… حاسه اني ممكن اطلقها بسبب جليله
عز: وانت هتعمل ايه؟؟
ماهر: انا مستحيل اطلقها او اتجوز عليها دي حب عمري و مش هلاقي ذيها تاني
فياض: خلاص قول لجليله ان العيب منك وريح دماغك من الحوارات
عز: وليه يكدب؟… راجل مش عايز يطلق مراته او يتجوز عليها… وصيه ايه دي الي تخلي الواحد عايش علي مزاج غيره
&&&&&&&&&&&&&&&
في أوضه رقيه
جليله: مهو متحاوليش تفهميني انه مجرد شويه صداع
ملك: مالك يارقيه، فيكي اية، ماهر مزعلك؟
رقيه انهارت عياط ودموعها بقت تنزل كالمطر
جليله: يامرررري في ايه يابت قلقتيني
رقيه حكتلها علي كل حاجه، لتنقلب ملامح جليله: بصي يابتي انتي عارفه انا بحبك قد ايه صح؟
رقيه بدموع: عارفه
جليله: وانتي مرت واحد من عيله الجبالي.. يعني مش مرات اي راجل كديه وخلاص
رقيه: فاهمه
جليله: والي بيحب يارقيه يابتي بيضحي… انا مش بقسي في الموضوع ده بس دي وصيه جده الي متخلفش لازم تضحي عشان اسم العيله ده يفضل موجود
ملك سمعت الكلام دا وقلبها اتقبض… يعني لو هي كمان مخلفتش ممكن عز يطلقها؟
رقيه بدموع: بس دي مش وصيه دا عذاب ذنبي ايه انا اشوف جوزي مع وحده تانيه
جليله: ذنبك انك دخلتي بيت الجبالي… انا عارفه ان الموضوع كبير بس هو مش هيطلقك.. هو هيتجوز لفتره معينه ويخلف منها وانت تفضلي علي ذمته
رقيه: صعب عليا… صعب اوي
جليله: حاسه بيكي وعارفه ان صعب علي اي ست تشوف جوزها مع وحده تانيه بس هنعمل ايه يعني
ملك: طيب ليه يتجوز.. ممكن العلاج يجيب نتيجه
رقيه: انا سمعت الدكتوره قالتله العلاج نسبته ضعيفه وهو مقليش
جليله: خلاص… اغسلي وشك انتي ونشوف هنعمل ايه
&&&&&&&&&&&&&
في أوضه عز وملك
ملك كانت بتجهز الشنطه وكلام جليله لسه في أذنها، وعز في الحمام بياخد شاور
بعد دقايق عز طلع وهو بينشف شعره ليجدها سرحانه وبتطبق الهدوم ببطئ
عز: ملك
ملك:….
عز بصوت اعلي: ملللللك
ملك: هاااااا ايه ياعز
عز: في ايه مالك؟؟
ملك: مليش
مد ايده ليها واخدها وقعدها علي الكنبه وهو قعد علي الترابيزه: في اية؟… مش علي بعضك ليه؟
ملك بتوتر: انتو ليه بتعملوا كدا… حرام بجد.. رقيه صعبانه عليا جدا
عز تنهد: مش بإيدينا دي وصيه ميت
ملك: وانت شايف ان دا صح يعني؟
عز: صح ولا غلط… ميهمنيش
ملك دمعت: يعني لو انا مكانها… كنت هتتجوز؟!
عز سكت حس انه اتجمد فجأه ومش عارف يرد ثم قال حط ايده علي وجهها: إن شاء الله مش هتبقي مكانها
ملك بعدت عنه وبنبره مكسوره: انا عرفت اجابتك خلاص
عز سحبها من دراعها: ساعتها مستعد اكسر ألف وصيه… ومتخلاش عنك دقيقه، مش وصيه الي تمشيني
ملك بصتله والدموع في عنيها: أنا بحبك أوي والنبي متسيبني والنبي
عز شدها ليه وبص في عنيها وبغزل: احلي والنبي اتقالتلي في حياتي ياناس
ملك ضحكت ولسه الدموع في عنيها: وهي ماسكه هدومه: تعرف لو فكرت بس تعملها هقتلك وهقتلها وهقتل نفسي
عز بضحك ثم شدها اكتر برومانسيه وعينه علي وجهها الي باصص في الارض ومحمر: طيب مش نفسك تبقي أم ولا ايه؟؟
ملك رفعت نظرها ليه وبكسوف: عزز سيبني اجهز الشنطه ورانا سفر
عز: سيبك من الشنطه انا عيالي بينادوني
ملك: عيالك! خلتهم عيالك ياعز؟ هو واحد مفيش غيره
عز: واحد؟! معنديش انا الكلام دا… مش هخلف أقل من 10
ملك بصدمه: 10؟!!! ليييييييية هتعمل فريق كره قدم؟
عز: متحاوليش… 10ياملك
ملك: لا انت تتجوز احسن انا مش هقدر علي كل دا ياحبيبي
عز بضحك: لا انتي الي هتجبيهوملي
ملك: وانت هيضرك في ايه ماانت هيتقلك بابا علي الجاهز
عز بضحك: معلش
ملك: طيب متقوم تساعدني ياعز بيه بدل احلام اليقظه دي
عز: والله لولا خايف تموتي في ايدي لاقوملك واوريكي اذا كانت احلام يقظه ولا لا؟
ملك بضحك: خلاص ذي ماانت
عز كان قاعد علي السرير وقام واتجهه ناحيتها ببطئ
ملك بترجع لورا: ايه؟ أسفه والله
عز سحبها من ايديها وبخبث: ايه مالك؟! انا جاي اجيب تيشرت
ملك: لا والله
عز سحبها اكتر: قربي انتي خايفه ليه
ملك: أمان يعني؟
عز بضحك: تعالي تعالي
ملك قربت اكتر وهو لفها وحاوطها بين ذراعيه: بتبعدي ليه؟ علي اساس مش هعرف اجيبك يعني؟
ملك لفتله وبدلع بتحط ايدها علي كتفه: اية المزاج الرايق دا بس ياعمري
عز بعد عنها: لا انتي كدا تروحي تجهزي الشنطه أحسن… يلا ياقلب عمرك
ملك بضحك: يعني انت تدخلني في المود وبعدين تخرجني
عز: مش عارف اقاوم الدلع ده
ملك ضحكت ورجعت تكمل الي كانت بتعمله وعز قعد علي السرير مادد رجله وماسك اللابتوب
&&&&&&&&&&&&
عند شقه رضوي وسليم
رضوي بصت علي الصورة واتصدمت
رضوي وهي بتمسح دموعها: الصورة دي متفبركه… الراجل دا انا معرفهوش
سليم: هنقضي الليل كله نقول متفبركه ضيعي في وقتك… وربي مهديكي دقيقه تاني زياده
رضوي بدموع وهي بتهته: ممكن تسمعني للاخر طيب؟
سليم قعد علي الكنبه: سامع
رضوي: الصورة دي اتصورتها مع عز في اليوم المشؤم ده اقسم بالله متصورتها مع حد تاني
سليم ضحك بسخريه: كمان اتصورتي مع عز ثم قام ومسكها من شعرها: انتي يابت بتحبي توثقي وسا*ختك
رضوي بعياط: غلطططططه…. وندمانه عليها… وبتعاقب عليها لحد دلوقتي… حرام عليك بقي
سليم نبره هاديه ولكن ترعب: مش مصدقك… وبصراحه كفايه عليا لحد هنا، انا مش مضطر اتحملك، ولا اتحمل اخطاءك… انا هطلقك
رضوي بعياط: والله معملت كدا… والنبي ثق فيا، اوقف جنبي ياسليم… عشان خاطري اديني فرصه اثبتلك اني مش كدا… واني ندمانه علي الغلطه الوحيده الي عملتها، ليه مش عايز تديني فرصه
ثم مسكت ايده: انا تعبت ياسليم، والنبي متسيبني…
سليم بعد ايده عنها نفسه كلامها يطلع صح: انا هعرف اتأكد اذا كانت الصوره متفبركه ولا لا
وسابها وخرج&&&&&&&&&&&&&
عند ملك وعز
ملك اخدت شاور وبعد دقايق طلعت وهي لافه المنشفه علي جسد*ها وشعرها مفرود
عز وهو قاعد علي السرير بصلها من فوق لتحت وهو بيطفي السجاره: مش ناويه تعقلي وتفكري في ال10 شكلهم هيبقوا11
ملك تقدمت اليه بدلع وقعدت علي طرف السرير، مالت بنفسها ناحيته وبنبره دافئه: الي عايزه انت هيكون ياح ب ي ب ي
عزسحبها اكتر من خصرها: ميا*صتك دي هي الي جيبالك يابنت الجبالي
ثم اقترب من شفتيها لتقاطعه هي وتضع اصبعها علي شفتيه وبدلع: انا سمحتلك تنام علي السرير بس باحترامك، مش هتقربلي يامتهم
عز جن جنونه بتلك الصغيره: بلاش كدا يخرب بيتك جننتيني
ملك: اومال انت فاكر اية… ثم اقتربت هي من شفتيه ليزداد جنونه وتقول: دا انا هعذبك، وأجننك
عز ضحك ضحكه خفيفه وعينه مفارقتش شفايفها الورديه: بتلعبي بالنار ياملك؟
ملك: أه ياروح ملك بلعب بالنار
عز: ماشي.. براحتك، بس الي ميجيش في نص الليل الاقيها ناطه في حضني
ملك بثقه: براحتي، حضنك دا بتاعي اصلا وانهارده انا اعمل الي انا عايزه.. بس انت لا
عز باستفزاز عشان تحضنه: لو حضني ليكي…. تعالي وريني
ملك: لا مش هوريك…. حركاتك حفظتها خلاص
عز ضحك وفجأه قام من علي السرير وهي رجعت لورا: بقالي ساعتين بحايل، وبطلبه بالزوق، انتي مبتجيش بالزوق
ملك مش ناويه تجيبها لبر😂

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفلة في قبضة صعيدي)