رواية هوس الحب الفصل الثاني 2 بقلم شيماء ناصر

رواية هوس الحب الفصل الثاني 2 بقلم شيماء ناصر

رواية هوس الحب البارت الثاني

رواية هوس الحب الجزء الثاني

رواية هوس الحب الحلقة الثانية

حور بنبرة هاديه:أنا كلامي مش معاكي.
مهاب باستغراب:عادي يعني ياماما مش اول مره اوصلها
حور وهي بتعدل طرحتها هادية:تعال عشان عوزاك في موضوع ياعريس
أسما وهي بتبص لي مهاب:أحم… طب استأذن أنا.
ودخلت بسرعة بس حست انها محتاجه تعرف عمتها هتتكلم في اي….. سامحني يارب انا مش قصدي اتصنت علي حد انا بس عندي فضول سامحنييي
مهاب قعد قدام حور وهو بيعدل قميصه:قدام قولتي عريس يبق شوفتيلي عروسه
حور ابتسمت بخبث خفيف وقالت:طول عمرك بتفهمني…. جيبالك عروسه انما اي بت زي القمر
مهاب : أنتي عارفة ان كل تفكيري في الشغل اجلي موضوع الجواز ده فتره كده
حور بحدة:لا ابني الوحيد وعاوزه افرح بيه …. إحنا هنروح نشوف أهل البنت بكرة
مهاب قام بسرعة وقال ببرود مخلوط بالضيق: طيب… عن إذنك، عندي مشوار.
في المدخل✨🎆…
أسما كانت واقفة متصمرة مكانها، أيدها بتترعش وقلبها بيدق بسرعة تخوف.
عروسة؟! معقول اللي سمعته؟هو مش حاسس بيا خالص! ده من وأنا عندي 7 سنين وهو أول حد فهمني
جريت على أوضتها بسرعة، قفلت الباب، وفضلت تعيط.
بعد دقيقة، خبطت مريم علي الباب بخوف:
مريم: أسما في إيه مالك حصل حاجة في الامتحان؟ حليتي كويس…ردي طب في حد زعلك؟
أسما وهي بتمسح دموعها وراحت فتحت الباب ووقعت في حضن مريم وقالت بشهقات:
عمتو… جابت عروسة لمهاب… وانتي عارفة أني بحبه
مريم خدت نفسها بصعوبة وغمضت عينيها وهي تحاول تهديها:
“اهدي يا حبيبتي وقعتي قلبي فكرت حد ضايقك وبعدين سيبي عمتك تعمل اللي هي عاوزاه ملناش دعوه
أسما بعصبية وجزع: إزاي أسيبه يضيع مني؟ ده مهاب يا ماما… اللي عشت حياتي كلها معاه إزاي اسيبه يبص لغيري؟
مريم وهي بتمسح دموعها بحنية:
بصي يا قلبي… لو افترضنا انه راح وشاف البنت ووافق، هيبقى في خطوبة… والخطوبة بتطوّل، وانتي عارفة مهاب مش أي واحدة تدخل دماغه. بالعكس، ممكن نلاقيها فرصة وبعدين انتي اكتر واحده عارفه مهاب…
أسما بدأت تقتنع بي كلام امها :
“يعني… ممكن نتصرف ونفركشها لو حصل حاجه؟
مريم بحسم:أيوه…. بس لازم تكوني هادية وذكية. مفيش غيرة باينة مفيش دموع. نلعبها صح فاهمة
أسما وهي بتتمالك نفسها: “فاهمة… ومش هسيبه بسهولة هفضل علي قلبه ومش هخليه يكون لحد تاني غيري
في نفس الوقت… تحت في الجنينة
محمد «جوز حور» دخل بانفعال واضح وصوته عالي:
إنتي يا زفتة!
حور التفتت له بحدة: إيه بتزعق لي كده؟ وبعدين إيه زفتة دي خلي كلامك محترم.
محمد بصوت كله غضب:انا اتكلم براحتي انتي فاهمه وقوليلي بقى… إيه الهبل اللي قولتيه لأخوكي ومراته ده!!! إنتي عاوزة تعملي مشاكل ما بينا وبينهم ولا إيه؟
حور وهي بتحاول تسيطر على الموقف: حبيبي وطي صوتك… لحد يسمعنا. أنا ما قصدتش حاجة بس ده اللي لازم يتقال..
محمد بعصبيه: واللي لازم يتقال إنك تتدخلي في جواز ابنك إنتي مالك ما تسبيه يختار براحته
حور وهي بتكتم غضبها: أنا أمّه يعني لو لقيتله عروسة مناسبة من عيلة محترمة يبقى ده غلط؟
محمد: محدش قال انه غلط بس كلنا عرفين ان اسما بتحبه
حور عدلت نفسها علي الكرسي واتكلمت بغضب:هو في اي مالكو كلكو كده هو كل شويه اسما اسما مفيش غيرها في الدنيا دي ولا اي
محمد: ومالها اسما مش احسن من بنات كتير البنت لبسها واخلاقها وادبها مفيش بعدهم وانا ياستي معنديش مشكله اجوزها لي ابني
حور بتريقه:لا بق مهو ميبقاش ابنك مهندس قد الدنيا وفي الاخر تجوزه لواحده متبنيه…… انا شوفتله عروسه تناسبه بنت الدكتور خالد صاحب العيله…. واهي البنت احلي واجمل وانجح وبنت عيله كبيره وتشرف من الي متتسما اسما الي كلكو فرحنين بيها
محمد: انتي طالعه بكام وش ما انتي كنتي كويسه مع البنت اي الي خلاكي تقلبي عليها
حور بتنهيده: انا كل مشكلتي معاها انها حاطه عنيها علي ابني
محمد: بطلي شغل الجنان ده انتي هتتحكمي لي بحياة ابنك…. ابني يعمل الي عايزه ولا تضغطي عليه ومش عايز مشاكل مع اخوكي ومراته
حور بسخريه: ويترا قالك كمان انو طردنا من البيت بسببها وانا الي كنت فكراك هتتخانق معاه
محمد: انتي عبيطه عيزاني اتخانق مع اخوكي الصراحه هو معاه حق مين يستحمل جنانك ده….. وسبها ومشي
حور بعصبيه: جنان! محمممد….. محمد
مريم:هي كلمه متبنيه بقت لبانه في بوقك ولا اي ولا عايزه البنت تسمع بالكلام ده مش خايفه حتي علي اخوكي من كلامك السم ده
حور حطت رجل علي رجل وبتنهيده: والله ياريت تسمع انا معنديش مشكله علي الاقل يكون عندها د/م وتمشي من البيت ده من نفسها
مريم:ياجبروتك ياشيخه…. حور انتي بجد مستفزه وكلامك سم مش دي البنت الي اول ما جت هنا خدتيها في حضنك ده انا كنت بغير انها بتلعب معاكي وتسمع كلامك اكتر مني دلوقتي بقيتي بتكرهيها
حور بصتلها بتحدي واستغلت نقطة ضعفها: عارفه مشكلتك اي انك مش حاسه بيا مهو لو كان عندك عيل من لحمك ودمك كنتي هتعرفي معني انك تجوزيه…. اوبس سوري نسيت معلش انك مش بتخلفي اصلا
حور وشها احمر من الزعل ودموعها نزلو غصب عنها…. خدت بعضها ومشيت
حور بضحكه خبث: مالها دي…..
شهد سمعت الي اتقال وفضلت دقايق تستوعب…

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية هوس الحب)