رواية طفلة في قبضة صعيدي الفصل الثاني والثلاثون 32 بقلم نرمين حمدي

رواية طفلة في قبضة صعيدي الفصل الثاني والثلاثون 32 بقلم نرمين حمدي

رواية طفلة في قبضة صعيدي البارت الثاني والثلاثون

رواية طفلة في قبضة صعيدي الجزء الثاني والثلاثون

رواية طفلة في قبضة صعيدي الحلقة الثانية والثلاثون

عز: مبسوطه؟
ملك: جدا ياعز
ليقاطعهم اتصال من جليله عز شافه وحطه في جيبه تاني
ملك: مردتش ليه؟
عز: عشان مش عايز وجع دماغ
ملك: بقي أمك وجع دماغ؟
عز: اي حد يعكر الكام يوم الي هنقضيهم هنا يبقي بيوجع دماغي
ملك: طيب رد يمكن في حاجه مهمه
عز: تتأجل
ملك: طيب انا عايزه اكلمها
عز: قولي كدا…. طيب ياستي، طلع تليفونه من جيبه وقفله خالص
عز: تليفونك فين؟
ملك: انت مجنون وربنا اقولك يمين تقول شمال
عز: تليفونك
ملك ادتله التليفون وقفله برضو
ملك: طيب لية كدا يعني نفترض في حد جراله حاجه؟
عز: يعني هو انا الدكتور؟!
ملك ضحكت: هتخلي جليله تتبع معايا أسلوب الحموات كدا
عز: طول ماانتي باسطاني… يبقي مش هطلعك غلطانه أبدا
ملك ضحكت بكسوف
&&&&&&&&
عدا كام يوم وملك وعز كانوا مبسوطين جدا وسليم ورضوي اتعلقوا ببعض أكتر
في قصر الجبالي
جليله: أخبار العلاج ايه يارقيه
رقيه: أهو بتابع مع الدكتوره ياماما… ادعيلي
جليله: هو ربنا معاكي وكل حاجه… بس لحد متي يابتي
رقيه بزعل: يعني انا اي في ايدي ياماما
جليله: في يدك كتير، سبيه يتجوز بمزاجك بدل مبكره يزهق ويتجوز غصب عنك
رقيه بوجع: انا حاولت معاه كتير هو رافض اعمل ايه تاني
جليله: انتي عارفه ان الزوجه الاولي الي جوزي الله يرحمه.. واتأخرت في الخلفه ذيك كديه، ضحيت وزنيت عليه يتجوز وانا من جوايا بتحرق بس كان لازم اعمل كديه، اتجوز ام عز وبعدها بكام سنه ربنا كرمني وبقيت انا حامل في فياض، العبره يابتي ان الي بيحب حد بيتمناله السعاده… مفيش راجل بيبقي مبسوط وهو مش عارف يجيبله حتت عيل من صلبه
رقيه بوجع اكبر خاصه لما سمعت تضحيه جليله: عندك حق ياماما… بس والله انا غلبت معاه كل مفتح الموضوع يقفله
جليله: الست لما تكون عايزه حاجه بتعملها.. وانتي فهماني زين
&&&&&&&&&&&&
رضوي كانت في المطبخ بتجرب أكله جديده وسليم بياخد شاور
وبعد دقايق خرج وهو عاري الصدر والمايه بتنقط منه.. جذبته رائحه جميله من المطبخ ليتجه ناحيه المطبخ فورا ليجد رضوي كما لم يراها من قبل، قاعده مندمجه مع الست الي في اليوتيوب وبتعمل خطواتها
سليم سند بإيده علي الباب ووقف يتفرج عليها وهو يبتسم
رضوي بعد محست بيه وهي مدياله ضهرها: اكيد الريحه جابتك صح؟
سليم قرب منه لفها ليه وحاوطها بين درعاته: مش عارف الي جابني هنا هو الاكل ولا الي بتعمل الاكل؟!
رضوي بكسوف: سلييييم بلاش حركاتك دي
سليم: لية؟ انتي مراتي يعني اعمل الي انا عايزه
رضوي: الاكل هيحرق بقي
سليم: ركزي معايا انا سيبك من الاكل
رضوي بصت في عينه بس مقرتش تفضل باصه غيره اتجاهه نظرها فورا: عايز اية دلوقتي؟
سليم: مش عايزه تجيبي لعبه كدا تسليكي وانا مش موجود
رضوي بعدم فهم: اه عايزه لعبه… عايزه الدبدوب الي بيبقي كبير اوي دا
سليم بابتسامه خبثه: هو دبدوب بس صغير.. بيكبر مع الوقت
رضوي: دا الي هو ازاي دا انت عايز تقطعلي الخلف
سليم ضحك: سلامتك ياحبيبي…تعالي بس هشرحلك
رضوي: طيب والاكل
سليم: ياست تعالي دلوقتي… سيبك من دور ست البيت الشاطره ده
سليم أخد رضوي لاوضتهم: الي يهمني أكتر دورك هنا
رضوي: والله انت سا*فل
سليم: خدي راحتك اشتمي اشتمي
رضوي بخوف من نبرته الي فيها تهديد: هتعمل ايه دي طلعت غصب عني؟
سليم: ولا حاجه.. انا ساكت اهو
رضوي: مش مرتحالك ياسليم
سليم قرب منها وبهدوء: لا ارتاحيلي… ها هتختاري قمي*ص علي زوقك ولا اختار علي زوقي
رضوي بكسوف: وريني زوقك
سليم ابتسم: عنيا
ثم اتجه ناحيه الدولاب فضل يدور لحد ملقي واحد لونه موڤ
سليم: ده..اية رأيك
رضوي بصدمه لما شافته… كان تقريبا مش مستور خالص: ملقتشششش غير ده
سليم بخبث: مش فارقه مهو كدا كدا مش هتفضلي لبساه كتير
رضوي بتتصدم من جرأته بتسحبه منه وبتجري علي الحمام، وجهها شديد الاحمرار
&&&&&&&&&&&&&
ملك كانت واقفه في المطبخ بتعمل عصير ولابسه هدوم بيتي مغريه جدا
ليأتي عز من خلفها وينظر لها من أعلي لاسفل وهي بتغني وجسم*ها بيميل يمين ويسار بدلع: حد يقوله.. حد يقولو.. اني بحبه الحب دا كله… حد يحنن قلبه عليا… انا مكسوفه اروحله واقلو
عز بيقربلها بهدوء بيهمس جنب أذنها، ايده بتتحرك علي وسط*ها ببطئ شديد: ومكسوفه ليه؟
ملك بخضه بتلفله: يالهووووي خضتني ياعز… قلبي كان هيقف
عز شالها وقعدها علي الرخامه ثم وضع يده علي الرخامه: سلامة قلبك من الخضه
ملك: اية الي جايبك فهمني؟
عز: انا كانت نيتي سليمه وكنت رايح الحمام لقيتك بتغني وبترقصي صعبت عليا الموهبه المدفونه دي
ملك: لا والله؟!
عز: اه والله
ثم نزلها وقلها واخدها من ايديها علي الصاله جاب طرحه وربطها علي خصرها، شغل أغنيه حلوه وقعد هو علي الكنبه: عايز أشوف العود دا وهو بيرقص
ملك حطت ايديها علي وجهها بكسوف: ياعز انا بتكسفففف
عز: هغمض عيني حاضر
ملك: بتتريق؟!
عز: لا ابدا… ياحبيبي، اللهم طولك ياروح… ابدأي
الغنيه بدأت وملك كانت مكسوفه في الاول بس بعدين فكت كانت كل حركاتها ماشيه مع الاغنيه، عز فضل مركز مع كل حركه بتعملها وكان هيتجنن، عندها موهبه مش طبيعيه
عز بتوهان: أوووووف.. يخر*ب بيتك
ملك كانت لسه مستمره في الرقص، وعز وقف بيلف حواليها، سند برجله علي الترابيزه ورجلعه التانيه علي الارض، ملك قربت منه وهي بتميل علي رجله، بتحاوط رقبته بإيدها، وهي متعرفش انها بتزيد نار العشق جواه
عز سحبها من ايديها
ملك: إية
عز يبتلع ريقه ببطئ: انتي الي اية؟ كل دا يطلع منك
ملك بكسوف: عجبتك؟
عز: وهو دا سؤال بذمتك
ملك: اه عايزه اسمعها منك
عز ابتسم: عجبتيني اوي موووت
قال كلامه وهو بيقرب من شفايفها، ويضغط علي خصرها ليطبع ملكيته عليها ثم يحملها لاعلي….
&&&&&&&&&&&&&
سليم فضل رايح جاي في الاوضه مستني رضوي تطلع
سليم: ايه يارضوي انتي نمتي جوا؟
رضوي كانت ورا الباب مكسوفه تطلع: سليم انا مكسوفه اطلع
سليم بسخريه: طيب ادخل انا؟
رضوي: لا لا لا.. هخرج بس غمض عينك
سليم بصوت واطي: خلاص غمضت اهو
رضوي فتحت الباب وبصت، اتأكدت انه مغمض وطلعت بخطواتها الخفيفه، ووجهها شديدالاحمرار، ايديها ماسكه طرف القمي*ص كأنها بتحاول تداري نفسها
سليم وهو لسه مغمض بعد محس بخطواتها: هااا افتح؟
رضوي: ااا افتح
سليم فتح عينه وكان هيجنن من جمالها، بصلها من فوق لتحت وبنبره هادئه: يانهاااااار ابيض…
رضوي بكسوف: بطل تقول كدا..
سليم قرب منها وسحبها ليه من حصرها: عايزاني اقول اية.. وانا اقوله
رضوي: تسكت.. عايزاك تسكت
سليم رفع لها وجهها ناحيه وجهه اقترب من شفايفها وطبع قبله خفيفه…..
&&&&&&&&&&&&&&&&&&&
بعد مرور يوم في قصر الجبالي
الكل كانوا متجمعين علي الفطار ليدخل الغفير: فياض بيه الجواب ده جاي لعز بيه ومكتوب عليه مستعجل
فياض: أخده منه… ودا يطلع ايده دا كمان
جليله: افتحه يافياض يمكن حاجه تقدروا تعملوها انتو بدل مينزل هو مخصوص
فياض فتحه وقراه كان مضمونه
“عز بيه انا اسمي كريمه يعتبر مربيه ملك بإيدي… انا ست قعيده وكبيره في السن في ايامي الاخيره ونفسي اشوف ملك قبل مموت.. متحرمنيش من شوفتها يابني… خليها تيجي نفسي اشوفها… مستنيها بفارغ الصبر… وشكرا ليك ياعز بيه”
فياض: معتقدش اننا في ايدينا حاجه نعملها خليه لما يجي بقي
ماهر: لما يجي ازاي.. الست تعبانه وممكن تموت في اي لحظه كلمه وقوله يودي ملك ليها
جليله: عندك حق ياماهر.. انا هتصل علي عز
جليله مسكت تليفونها ورنت علي عز بس كان تليفونه مغلق، رجعت تتصل عل ملك.. تليفونها برضو مغلق
جليله: قافلين تليفوناتهم مش عايزين ازعاج حضراتهم
رقيه: طيب لو نزل في فندق ولا حاجه ممكن تقدروا توصلو ليهم
فياض: منزلش في فندق لا راح الڤيلا
جليله: طيب وبعدين دا ممكن يقعد اسبوع +حرام الست عايزه تشوفها قبل متموت
&&&&&&&&&&&&&&&&
كريمه: سلمي بصي من البلكونه ياحبيبتي شوفي رجاله الكل*ب دا برا ولا مشيوا
سلمي راحت وجت: اه ياتيتا في واحد برا
كريمه: وبعدين ياربي… اية الحل اوصلهم ازاي دلوقتي، سيف ناوي يمضيها علي املاكها ويقتل جوزها ويرميها في الشارع
ومفيش دقايق لقوا دوشه تحت البيت تقريبا كانت خناقه.. واحد من الي باعو بيتهم لسف كان بيتخانق عشان يرجع بيته
كريمه: دي فرصه بسرعه ياسلمي انزلي مش هيحسوا بيكي اوصليهم بسرعه وقوليلهم ميجوش بسرعه يابنتي
سلمي نزلت بشويش من غير محد يحس وقدرت تخرج من العماره وفضلت تجري لحد مبعدت، وقفت لثواني تاخد نفسها وبعدين كملت طريقها وهي بتجري ركبت عربيه واتجهت ناحيه الصعيد
&&&&&&&&&&&&&&
بعد مرور ساعات
ملك وهي نايمه في حضن عز: عز مش نفتح تليفوناتنا بقي بقالنا 5 ايام قفلينها اكيد هيقلقوا علينا
عز: ياااه انا نسيت اصلا
ملك: يعني افتحه؟
عز: افتحيه كدا كدا ماشين بكره
ملك اخدت تليفونه وفتحته وتليفونها برضو
ولقت كميات مكالمات كتير جدا
ملك: يانهار اسود كل دي مكالمات
ولسه عز هيكلم بسجليله بترن بيفتح عليها ويشغل الاسبيكر: ست الكل
جليله: انت بتستهبل ياعز من يوم مسافرت وانت قافل تليفونك؟
عز: مكنتش عايز ازعاج
جليله: لما ترجع نبقي نتحاسب علي موضوع الازعاج ده… المهم في وحده اسمها كريمه من طرف ملك
بعتالك جواب وبتقول انها فاضلها ايام معدوده وتموت وعايزه تشوف ملك قبل متموت
ملك اتصدمت وعنيها بقت كلها دموع عز شافها ضمها ليه وكمل مكالمته: طيب خلاص انا هودي ملك من هنا بدل منرجع
جليله: بس بالله عليك تستعجل الست باين عليها متعلقه بملك اوي
عز: ماشي
قفل مكالمته وملك انهارت: اااااااه ياعز انا مش عايزاها تمووووت انا بحبها اوي.. ليه كل الي بحبهم بيروحو مني ليههههه
عز مسح دموعها: اهدي.. اهدي ياحبيبتي الموت علينا حق… وانا هاخدك تشوفيها متقلقيش
ملك: دلوقتي حالا انا عايزه اروحلها دلوقتي
عز: حاضر بس الدنيا ليل دلوقتي خلينا للصبح
ملك: لا ياعز والنبي وديني دلوقتي عشان خاطري… انا هموت لو ملحقتهاش
عز: خلاص.. خلاص روحي اجهزي يلا
ملك قامت بسرعه وغيرت هدومها وعز كمان غير هدومه وركبوا العربيه وانطلقوا، ملك طول الطريق وهي بتعيط وعز بيواسيها
اما سلمي فكانت في طريقها للصعيد،
عدا ساعات كتير وسلمي اخيرا وصلت للصعيد قدام القصر مباشره، دخلت وهو متوتره، رجلها بتخلط في بعضها، خطواتها سريعه
الغفير: استني هنيه هو سوق ولا اية؟ مين انتي؟
سلمي بعياط: والنبي… والنبي عايزه اشوف عز بيه ضروري
الغفير: عز بيه مش هنيه، روحي ياشاطره
سلمي: ابوس ايدك… تيتا هتموت والنبي
الغفير: انتي يابت انتي مهتسمعيش الكلام ليه قولت عز بيه مش هنيه
ليخرج فياض علي صوت الزعيق: في اية هنيه
ليجد بنت صغيره تبكي وتتوسل والغفير بيزعقلها
الغفير: البت دي يافياض بيه عايزه عز بيه بالعافيه
لينظر فياض لتلك الصغيره: انتي مين؟ وعايزه عز بيه ليه؟
سلمي: انا… انا.. انا تيتا.. ملك… والنبي عايزه عز بيه
فياض فهم انها من طرف الست الي بعتت الجواب
فياض: اهدي.. اهدي… متخافيش تعالي
سلمي دخلت معاه وحكتلهم كل الي حصل
جليله بصريخ: يامرييييييي دول زمانهم وصلواااا
ماهر: اتصل بيه بسرعه يافياض
فياض اتصل: الشبكه مبتجمعش
جليله وقعت علي الارض: يامررري… يارب استرها معاااااهم.. عز رايح من غير سلاح حتي
ماهر: اهدي يامرت عمي انا هبلغ بوليس اسكندريه وان شاء الله يلحقهم
رقيه فضلت تبكي: ملك… يارب جيب العواقب سليمه يارب
&&&&&&&&&&&&&&&&&
ملك وعز تقريبا كانوا وصلوا قدامهم ربع ساعه بالظبط
عز: اهدي ياملك مش كدا انتي من ساعه مركبنا وانتي بتعيطي
ملك: مش قادره استوعب ياعز…. وربنا حاسه هيجرالي حاجه
وبعد مرور ربع ساعه عز وملك وصلوا للبيت كان واحد من رجاله سيف اول مشافهم اتصل بسيف علطول
ملك بمجرد مشافت البيت طلعت تجري علي فوق، وعز حس بحاجه مش مظبوطه رجاله مفرقين حوالين البيت بس مركزش طلع علطول
ملك خبطت علي الباب الي كان موارب وجريت وهي بتنادي بصوتها المبحوح: تيتاااااااا ياتيتاااااا
كريمه انهارت عياط لما سمعت صوتها: ليييييه ياملك ليه يابنتي جايه لييييييه
ملك جريت علي كريمه وفضلت تبوس فيها كتير وهي بتعيط: سلاااامتك ياتيتا سامحيني الظروف كانت اقوي مني
وعز كان واقف قدام الاوضه باصص عليهم كريمه بصتله وقالتله: خد مراتك يابني وامشوا… الله يخليك خدها وامشوا بسرعه
ملك رفعت راسها وهي بتمسح دموعها: امشي؟ انا جايه اشوفك ومش همشي من هنا
كريمه: اسمعي الكلام ياملك… يلا يابني ابوس ايدك.. سيف مش هيسيبها
عز: سيف؟!
كريمه حكتلهم علي كل حاجه
ملك وقفت بصدمه: يعني انتي مش…
كريمه: لا مش هموت لسه معادي يابنتي… يلا ياملك بسرعه يابنتي
دا غدار والطمع عامي قلبه
ملك لفت لعز ومسكت ايده: يلا ياعز
عز واقف ثابت: لا انا عايزه يجي.. عشان اصفي حسابي معاه
ملك بصريخ: والنبييييي ياعز يلا دا معاه سلاحه ورجالته احدنا هنا من غير اي حاجه عشان خاطري يلا نمشي لو بتحبني يلا
ليقاطعهم صوت سيف الساخر: لو بتحبني؟! دا الحب ولع في الدره بقي… اهلا اهلا اهلا عز بيه والله الاسكندريه نورت
سيف كان ماسك سلاحه ورجالته حواليه وعز واقف بطوله ايده في جيبه: طيب متسترجل كدا وتواجهني راجل لراجل
ملك بعياط: يالهوووووي انت عايز مني ايه ياسييف متسيبني في حالي بقي
سيف: طبعا طبعا ياعز بيه والسلاح اهو ومحدش من الرجاله هيدخل
عز قرب منه ضربه بونيه في وشه خلاه يجيب دم ثم وقفه وضربه برجله علي بطنه
ملك: كفايه ياعز والنبيييي كفايه خلينا نمشي من هنا
سيف ادي اشاره للرجاله يمسكو عز
مسكوه اتنين بس مقدروش ضربهم برجله، مسكوه اربعه وحاولو يسيطروا عليه، سيف قام قدامه وهو بيمسح الدم: هتندم ندم عمرك ياعز… طلقها
ملك بصدمه وهي بتبص لعز
عز وهوبيضحك بسخريه: بس ياحبيبي.. الكلام دا كبير عليك
سيف بغضب رمي الورق بتاع املاكها لملك: امضي
عز: اياكي تمضي علي حاجه
سيف مسك سلاحه ووجهه ناحيه عز: بقولك امضي
عز: ملك اوعي تعمليها… متخافيش من جبان ذي دا
سيف بسخريه: الجبان دا هيطلق مراتك منك وانت مش عارف تعمل حاجه
عز: طيب متواجهني وانا اوريك هعمل في الي خلفوك اية ياكل*بببب
ملك باصه لعز وللسلاح وهي بتعيط: لو مضيتلك هتسيبنا في حالنا؟
عز بصلها: بقولككككك متمضيش، اياكي تعمليها… اياكي ياملك، فكري في الناس الي حواليكي ياملك
سيف: يلا ياملوكه اوعدك لو مضيتي هسيبه عايش، يلا معاكي عشر ثواني
ملك مسكت القلم ومضت علي الورقه وهي بتعيط
سيف بضحكه انتصار: شطوره
ثم نظر لعز: طلقها
ملك بصتله بصدمه: يطلقني ليه انت مش خدت الي انت عايزه؟
عز بص لملك بغضب ثم نظر لسيف: طيب متقول للكلاب بتوعك يبعدوا وانا اطلقها ولا خايف؟!
سيف: سيبوه
عز فرك ايده في بعض وفجأه مسك الي كانو مسكينه وضربهم بس فجأه سيف بيضرب رصاصه في مكان قلبه، ملك صرخت، وعز كان لسه واقف وبيقاوم وجعه قرب ناحيه سيف بس اخد الرصاصه التانيه، وقع علي ركبته
وملك جريت عليه بس سيف مسكها، واطلق الرصاصه الثالثه
ملك بصريخ: عزززززززز لاااااااااا.. لااااااا والنبييييي متسبنيش ياعززززز…. والنبي… سيبني ياحيواااا*ن عز والنبي فوق فوق ياعز هموووووت من غيرك والله
مفيش دقايق والبوليس جيه وقبض علي سيف ورجاله وملك جريت علي عز وهي بتصرخ باعلي صوتها وهي بتترعش وصوتها بيرتجف: يالهوووووي ياعز زززز والنبيييي قووووم… والنبي ياعز… متعملش فيا كدا… يامامااااااا اههههه، ملك بقت تضرب نفسها اقلام وتصوخ: عزززززز رد عليااا اسعاااااااااف حد يلحقه والنبيييي
كريمه بقت بتعيط جامد علي عز وملك
ملك هديت شويه وبنبره هاديه ولكن تحمل كل الوجع وهي بتمسح بإيدها علي شعره: عز قوم ياعز… قوم والنبي… انت وعدتني انك هتفضل معايا وفجأه بقت بتشده من هدومه قووووووووم.. مش هتموووووت مش هتمووووت ياعز
احد الاشخاص: شيلوه بسرعه الاسعاف تحت
&&&&&&&&&&&&&&&&&&
بعد مرور بعض الوقت في المستشفي
الجهاز بيصدر صفير منتظم، نور الشمس داخل بهدوء من الشباك، والهواء ساكن كأن الزمن واقف يستنى اللحظة دي.
عينين عز بدأت تفتح ببطء. رمش، وبعدين رمش تاني. ضوء أبيض فوقه، سقف غريب، صوت أجهزة…
صوت مختنق بدموع بيقول:
عز؟!! عز فاق؟ يااااه… حمد الله على السلامة يا ابني!
كانت جليلة، واقفة على طرف السرير، وإيدها على وشها، والدموع مغرقة عينيها، ووراها فياض، ماهر، ورقيّة، كلهم بيبصوا له كأنهم شافوا المعجزة.
فياض بفرحه: حمدلله علي سلامتك ياجبالي… غيابك طااااال
ماهر: الحمدلله انك رجعتلنا من تاني
عز حرك عينيه ببطء… وشافهم. ملامحهم مألوفة، بس قلبه بيدور على وجه تاني.
بص لجليلة، صوته طالع بالعافيه
هي… راحت فين؟ فين ملك؟
الكل سكت.. بقوا بيبصوا لبعض باستغراب
عز بدأ ملامحه تتبدل: بتبصوا لبعض كدا ليه؟ ملك فين؟ هو السؤال غريب يعني
جليله: ملك مين يابني؟
عز باندهاش: ملك مين؟ وهو احنا عندنا كام ملك يعني
فياض: اهدي ياعز بس احنا فعلا مش عارفين انت بتتكلم عن مين؟
عز بغضب: انا مش ناقص للهزار ده يعني ايه مش عارفين بتكلم عن مين… ملك مراتي
الكل بصو لبعض بصدمه
جليله بصدمه: انت اتجوزت امتي ياعز؟!
عز سحب علي الحاجات الي متركبه علي ايده بغضب شديد: لا دا انتو بتستهبلوااااااا… دا فقدان ذاكره ولا دا هزار بايخ مش فاهممممم انا فيننن ملك؟
ماهر: متهدي ياعز… طيب انت اتجوزتها من امتي؟
عز : انتو في ايه؟ انتو بتتكلموا بجد؟ انتو عايزين تجننونييييي؟ مش فاكرين ملك؟ عموما اتجوزتها من 6 شهور بالظبط
الكل سكتوا وفي حاله صدمه
عز: مفيش فايده من الكلام معاكم.. مش عارف انا الي كنت تعبان ولا انتو حد يرد عليااااااا متجننونيش فين ملك؟ هي جرالها حاجه؟ سيف الكل*ب عمل فيها حاجه
جليله بعياط: عز انت في غيبوبه بقالك سنه ونص اتجوزتها من 6 شهور ازاي بس
عااااااا😭😭😭

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفلة في قبضة صعيدي)