رواية دكتورتي الجميلة الفصل العاشر 10 بقلم رنا تامر
رواية دكتورتي الجميلة البارت العاشر
رواية دكتورتي الجميلة الجزء العاشر
رواية دكتورتي الجميلة الحلقة العاشرة
حازم بصدمه/ انت قولت كانت بتتكلم مع مروة.
رامي بهدوء/ ايوه يابني شُوفتهم بيتكلموا مع بعض.
حازم بيأس/ انا كده انتهيت خلاص.. ثم اكمل بحسره.. ده انا ما صدقت انها تثق فيا وتُعجب بيا.. كده كل اللي عملته هيدمر.
رامي بعدم فهم/ حازم انا مش فاهم حاجه.. ممكن تفهمني.
حازم بضيق/ مروة دي تبقى البنت المهوسه بيا اللي كنت بحكيلك عنها ولما كانت بتلاقي اي بنت بتتكلم معايا.. كانت بتروح تهددها وتخليها تبعد عني.. و يا عالم لما راحت ل ساره قالتلها ايه بالضبط.. ثم اكمل بقلق.. انا كل اللي خايف منه انها تعمل حاجه لي ساره.. انا عارفها دي مجنونه.
رامي كان يسمع حديث حازم وهو مصدوم وقال بتساؤل/ طب هنعمل ايه؟؟.. انت لازم تلاقي ساره بسرعه وتطمن عليها لحسن تكون فعلا المجنونه دي عملت فيها حاجه.
حازم اخذ نفس عميق وقال بجديه/ انت عندك حق انا لازم الاقيها في اسرع وقت.
ــــــــــــــــــــــــــــــــــــــــــــ✦
عند لينا وهشام..
لينا بصدمه/ هو اللي سمعته ده صح؟؟
هشام هز رأسه بحب ولينا صرخت بسعاده و ظلت تقفز بطريقه طفوليه.
هشام بضحك/ بس يا مجنونه ايه اللي بتعمليه ده.
لينا هدأت ونظرت له وعيونها مليئه بالحب والسعاده وقالت/ بجد انت مش عارف انا فرحانه قد ايه بعد ما اتأكدت انك بتحبني.
هشام امسك يديها وتحدث بحُب/ ربنا يقدرني واقدر افرحك دايما يا لوليتا.
لينا نظرت له بإبتسامة تعجب لسماعها هذا الاسم الذي اول مره احد يدعوها بيه ولكنها أعجبت بالاسم لان حبيبها اطلقوا عليها.
لينا بإبتسامة/ عجبني الاسم رغم انه اول مرة حد يدلعني بالدلع ده.
هشام بغرور/ عشان تعرفي اني مش اي حد.. واني مميز واحب كل حاجه تبقى مميزة زايي.
لينا هزت رأسها وقالت/ دي حقيقه انت فعلاً مميز وعشان كده انا حبيتك.
هشام بتساؤل/ ايه انتِ قولتي ايه.
لينا وجهها احمر وقالت بخجل/ مقولتش حاجه انا هدخل المدرسه عشان متأخرش اكتر من كده.
تركته دون ان تنتظر منه رد وركضت نحو مدرستها مُسرعه للدخول اليها.
هشام نظر اليها وضحك على حبيبته الذي تتصرف بطريقه طفوليه.
على الجانب الاخر كان يوجد من يقف ويستمع لحديثهم وابتسامة الشر امتلئت وجههُ وقال بخبث/ كده اقدر اقول انه الخطه اللي في بالي بالتأكيد هتنجح.
ــــــــــــــــــــــــــــــــــــــــــــ✦
في الجامعه..
ظل يبحث عنها مرة اخري هو وصديقه حتى وجدها تقف مع مروة وتضحك معها بشدة.
نظر الي صديقه ومن ثم نظر اليها مرة اخري قبل ان يذهب اليها وبلع ريقه بصعوبه من الخوف وقاام باخذ نفس عميق وذهب اليها و ورأهُ رامي.
حازم بقلق/ ساره اخيراً لقيتك قلبت عليكي الجامعه كلها.. انتِ كنتي فين.
ساره توقفت عن الضحك وقالت بإبتسامة/ ما انا قدامك اهو يا حازم هروح فين يعني.
حازم ارتاح عندما اطمئن انها بخير وهي قالت بضحك وهي تشير الي مروة.
/ اما البنت دي دمها خفيف بشكل.. عملت فيا مقلب انها خطيبتك وانا صدقتها وفي الاخر قعدت تضحك وفهمتني انها كانت بتعمل فيا مقلب عشان تشوف ردة فعلي.. ههههههه.
حازم ورامي تبادلوا النظرات التى كانت مليئه بالتوتر ولكن هدأوا عندما ادركوا انه مروة لم تفعل شيئا خطيراً ل ساره.
حازم نظر الى ساره وضحك بتوتر وقال/ ههههه.. فعلا حاجه تضحك اوي.. ثم اكمل وهو ينظر الي رامي.. ولا انت ايه رأيك يا رامي.
رامي انتبه على صديقه وضحك مثله بتوتر وقال/ عندك حق فعلا.. مقلب يضحك بجد.. ثم اكمل وهو يريد ان ينتهي هذا الحديث بأسرع وقت.. احم طب مش يلا نمشي ولا ايه.
حازم بإبتسامة/ ااه انا برضو بقول كده.. يلا يا سارسور.
ساره ودعت مروة ونظرت الي حازم بإبتسامة وذهبت معهُ.. وتركوا مروة التى كانت تنظر لهم بِغل وحقد.
ــــــــــــــــــــــــــــــــــــــــــــ✦
في المشفي..
قد انتهت من عملها وكانت في طريقها للخروج من المشفي ولكن توقفت عندما رأته.
نظر لها بإبتسامة وتقدم نحوها وقال/ ازايك يا نور.
نور بإبتسامة مزيفه/ انا بخير وانت عامل ايه يا مراد.
مراد بإبتسامة/ انا بخير الحمدلله.. ثم اكمل بإستغراب.. غريبه مبقتش اشوفك في النادي يعني.
نور ببرود/ ااه فعلا انا بطلت اروح النادي.. قررت اني اركز في الشغل اكتر عشان كنت مهملاه وقت المسابقه.
كان سيتحدث ولكنها سبقته وقالت وهي تنظر في ساعتها وتمثل انها مستعجلة/ معلش يا مراد انا مضطرة امشي عشان مستعجلة.. هبقى اشوفك تاني.. باااي.
مراد تغير تعبير وجههُ وشعر بالضيق وذهبت نور وتركته وهو منزعج بما فعلته به.
ــــــــــــــــــــــــــــــــــــــــــــ✦
عند نور..
كانت تسير سيارتها بأقصى سرعه وفي تفكير في مراد.
وهي تتحدث الي نفسها بغيظ/ هو مراد ده طالعلي في البخت.. مش كنت خلصت منه راجع يوريني وشه تاااني ليه.
ثم اكملت بحزم قائله/ انا لازم امنعه خالص من انه يفكر يشوفني تاني او يكلمني.
امسكت ب هاتفها وطلبت رقم طارق.
طارق اجاب وتحدث بهدوء/ دكتورة نور.. عامله ايه.
نور بجديه/ الحمدلله يا طارق بيه.. كنت عايزه حضرتك في موضوع مهم.
طارق بتساؤل/ قولي يا بنتي.. موضوع ايه.
نور بغضب/ شوف يا طارق بيه انا اخر مره شوفتك فيها.. قولتلك انه الاتفاق اللي بينا خلص وكان طلبي اننا منعرفش بعض تاني وتخلي مراد ينسى انه شافني او اتعرف عليا.. حاليا مراد جالي المستشفى.. ممكن بقى تفسير للي حصل ده.
طارق بهدوء/ انتِ معاكي حق يا دكتورة في كل كلمه قولتيها بس حقيقي انا اول مره اعرف انه مراد جالك المستشفى.. وعموما اوعدك انه مش هيتكرر تاني.. انا هتصرف متقلقيش.
نور بتنهيدة عاليه/ اتمنى تعرف تتصرف فعلا يا طارق بيه وتقول لي مراد انه اللي بيفكر فيه ده مستحيل يحصل.
اغلقت نور الهاتف وتركته جانبها واكملت طريقها للمنزل.
ــــــــــــــــــــــــــــــــــــــــــــ✦
في فيلا الانصاري..
اغلق طارق الهاتف و وضعه جانباً وتحدث بإبتسامة خبيثه/ انا استحالة اخلي مراد ينسى نور بالعكس ده لازم يتمسك بيها اكتر.. دي كفايه انه هي اللي غيرته.. ازاي يعني اخليه ينساها.. انا لازم اتصرف.
جاءت سوزان وجلست بجانب طارق وتحدثت بتساؤل.
/ يا تري ايه سر الابتسامة الجميله دي.
طارق بحب/ مفيش يا حبيبتي بفكر في ذكريتنا زمان.
سوزان بإبتسامة/ فعلاً كانت احلى ذكريات.
طارق هز راسه وقال بتساؤل/ قوليلي يا سوزان.. ايه رأيك في الدكتورة نور اللي وريتهالك قبل كده.
سوزان تذكرتها وقالت بإبتسامة/ بسم الله ماشاء جميله اوي.. اول ما شُوفتها اتمنيتها تكون من نصيب مراد أو حازم.
طارق بسخريه/ لأ حازم ايه.. بقولك دكتورة يعني اكبر من حازم بكام سنه.. ثم اكمل بجديه.. هي ممكن تكون من دور مراد كده.
سوزان لم تفهم شئ ولكن كانت تتحدث وكأنها تعلم كل شئ.
/ ايوه عندك حق هي ومراد لايقين على بعض أوي.
طارق بإبتسامة خبيثه/ انا بردوا بقول كده.
ــــــــــــــــــــــــــــــــــــــــــــ✦
في الكافيه..
هشام بتساؤل/ ايه يابني مختفي فين الفتره دي كلها.
انور بملل/ مفيش يا سيدي.. كنت مشغول ب شريف.
هشام بإستغراب/ شريف!! ماله شريف.
انور بضحك/ ساعت لما خسر في المسابقه جاله نوبة غضب وكان عايز يعمل اي حاجه ينتقم بيها من اللاعب اللي كان بيلعب ضده وفقد الوعي بعدها.. وانا كلمت الاسعاف وجُم خدوا.. ثم اكمل بحزن.. ولما روحت اطمن عليه.. عرفت انه جاله شلل نصفي والدكتور قالي انه ممكن يرجع يقف تاني بالعلاج الطبيعي.. صعب عليا الصراحه وبالأخص انه ملوش حد.. ف اضطريت اساعده في الفتره دي انه يرجع يقف على رجليه تاني.
هشام تغير تعبير وجهه للحزن والشفقه وقال/ لاحول ولاقوة الابالله.. زعلت عليه والله.. ربنا يتم شفائه على خير.
انور بتنهيدة/ اللهم آمين.
ــــــــــــــــــــــــــــــــــــــــــــ✦
مساااءاااا..
في غرفه مراد..
سمع احد يطرق الباب وقال/ إدخُل.
دخل طارق وقال/ مشغول ولا فاضي.
مراد بإبتسامة/ تعالي يا بابا.
تقدم طارق نحو مراد وجلس بجانبه على الاريكه وقال بجديه/ مراد فيه مستشفى في لندن بتتبني.. وطالبينك انت بالاسم عشان تشرف على بنائها بنفسك.
مراد بضيق/ لأ يا بابا شوفوا حد غيري.
طارق بحزم/ مراد انت هتسافر يعني هتسافر.
مراد بحده/ وانا قولت مش هسافر.
ــــــــــــــــــــــــــــــــــــــــــــ✦
صباااااحااااا..
في المشفى..
في مكتب رئيس الاطباء..
دخلت نور بهدوء بعد ان طرقت الباب.
دكتور صبري نظر الي نور وتحدث بإبتسامة / تعالي يا نور اقعدي.
تقدمت نور بخطوات هادئه وجلست ومن ثم قال/ بصي يا دكتورة نور انتِ عارفه انه انتِ اكتر واحدة هنا في المستشفى بثق فيها وعشان كده انا محتاج منك تسافري لندن عشان المستشفى الجديدة بتاعتنا بتتبني هناك ف محتاجك تروحي تشرفي عليها بنفسك.
نور نظرت له بصدمه ف هي لم تسافر من قبل ولا تحب السفر لأي مكان وتعجبت اكثر لماذا هي.. لماذا لم يختار شخص اخر مكانها.
دكتور صبري بتساؤل/ ها يا نور ايه رأيك؟؟.
نور بإبتسامة هادئه/ طبعا ده شرف ليا انه حضرتك تكون واثق فيا اكتر من اي حد في المستشفى بس انا عمري ما سافرت قبل كده.. وغير كده انا دكتوره نفسيه هروح اشرف على بناء مستشفى بحالها ازاي.
دكتور صبري وهو يحاول يقنعها/ انا مُتفهم كلامك جدا.. بس انا زي ما قولتلك مقدرش اثق في حد تاني غيرك.. انتِ من اكفاء الدكاتره اللي عندي ومُلتزمه دايما في عملك ف انتِ الوحيده اللي تقدري تنفذي المُهمه دي.
نور ظلت تفكر لبعض من الوقت وبالاخير قالت بإستسلام/ تمام يا دكتور انا موافقه.
دكتور صبري بسعادة/ اتفقنا.. جهزي نفسك انا حجزتلك التذكرة المفروض تكوني في المطار على الساعه 3 عصرًا.
نور بتساؤل وصدمه/ قصد حضرتك على انهارده يا دكتور؟
دكتور صبري بهدوء/ ايوه يا نور وبالنسبه لاهلك ف انا عرفتهم وهما وافقوا واللي عليكي تروحي دلوقتي تجهزي حاجتك عشان تلحقي تخلصي.. عندك اي اسئله تانيه.
نور بسخريه ممزوجه ببعض التوتر/ لأ اسئله ايه تاني.. ما حضرتك جاوبتلي على اسئلتي كلها.. ثم اكملت بتنهيدة.. تمام يا دكتور انا همشي بقى عشان الحق اجهز شنطتي.
دكتور صبري بإبتسامة/ تمام يا نور و جزاكي الله كل خير وهنفضل على تواصل طول الوقت عشان تعرفيني اخبار المستشفى.
نور إستأذنت وخرجت من المكتب وذهبت الي مكتبها و وقفت وراء باب مكتبها بعدما اغلقته واخدت نفس عميق وهي غير مستوعبه الذي حدث معاها قبل قليل.
ــــــــــــــــــــــــــــــــــــــــــــ✦
في الجامعه..
كانت تجلس مروة وتفكر ماذا تفعل حتى تدمر علاقة حازم وساره.
بعد دقائق.. جاء حازم وجلس امامها و قال بضيق.
/ شوفي يا بنت الناس الجنان اللي انتِ فيه ده لو مبتطلتهوش انا هزعلك مني جامد.
مروة بإبتسامة خبيثه/ حبيتها بجد.. وعشان كده بتحميها مني بس متخفش انا مش هعملها حاجه.. انا هعمل حاجه صغيره قد كده.. هخليها تكرهك بس.
حازم بتحذير وتهديد/ طب فكري كده تقربيلها او فكري تعملي اللي انتِ بتقولي عليه ده وساعتها بجد مش هرحمك هخليكي تتمني الموت من اللي هعمله فيكي واذا كنتي انتِ مجنونه ف انا اجن منك.. واللي انا بقوله ده مش مجرد تهديد لأ انا بقولك هعمل ايه بالضبط لو شيطانك فكر يوزك ويخليكي تعملي حاجه ل ساره.. انتِ فاااهمه.
ذهب حازم من امامها وهي نظرت له بغيظ وتوعد.
ــــــــــــــــــــــــــــــــــــــــــــ✦
في مكان اخر في الجامعه..
كانت جالسه مع هشام ويتحدثون.
ساره بحزن/ انا زعلانه اوي انه نور هتسافر.
هشام بقله حيله/ وانا والله زعلان اكتر منك.. بس هنقول ايه هي في الاول وفي الاخر رايحه تشتغل وان شاءلله كام يوم وترجع ومتطولش.
ساره بتنهيدة/ اتمني فعلا انها متطولش وترجع بسرعه.. ثم اكملت بإستغراب.. احنا مش المفروض نكون معاها دلوقتي.
هشام بتذكر/ ايوه صح لازم نكون معها.. زمانها دلوقتي روحت عشان تجهز حاجتها.
ساره نهضت وقالت في سرعه/ طب يلا بسرعه نروح احنا كمان ونفضل معاها.
هشام نهض وذهب ورأ ساره التي كانت تسير بخطوات سريعه.
ــــــــــــــــــــــــــــــــــــــــــــ✦
في فيلا الانصاري..
مراد بتساؤل/ انتِ مروحتيش المدرسه انهارده ليه؟
لينا بحزن/ عايزني اروح المدرسه وانت هتسافر انهارده.
مراد اخذها في حضنه وقال بحب/ والله انتِ احلي اخت في الدنيا.
لينا عانقته وقالت/ وانت افضل اخ في حياتي.
دخل حازم وقال بغيره/ ايه الخيانه دي.
مراد بإبتسامة/ تعالي يا عم ولا تزعل نفسك.
جلس بجانب شقيقته وعانقهم وثلاثتهم عانقوا بعض بحب.
حازم نظر الي مراد وتحدث بجديه/ انت هتقعد كتير في السفر ده.
مراد بهدوء/ مش عارف بس اللي اعرفه اني مش هطول متقلقش.
حازم بسخريه/ لا انا مش هقلق خالص انت اللي هتقلق بسبب اختك اللي ممكن تخليك متسافرش أصلاً.
لينا بإبتسامة حزينه/ انت بتقول فيها.. والله ممكن اعملها.
مراد ضحك على شقيقته وهي نظرت له بغيظ.
ــــــــــــــــــــــــــــــــــــــــــــ✦
في بيت عبدالله..
انتهت من لم اغراضها ونظرت الي ساره وهشام و والدتها وكان وجه كلا من ساره وهشام حزين اما والدتها ف كانت تبكي.
الدموع امتلئت عيون نور وقالت/ بالله عليكم انا على تكه والله.. انا عندي استعداد مسافرش أصلاً.
حنان مسحت دموعها وذهبت اليها وامسكت وجهها بين يديها وتحدثت بإبتسامة حزينه/ بصي يا نور انتِ لاول مره هتكوني لوحدك.. انا واثقه فيكي واثقه انك هتحمي نفسك وتخلي بالك من نفسك كويس.. وعايزاكي متهمليش نفسك كلي كويس ونامي كويس ولو حصلت حاجه معاكي اتصلي بينا فوراً.
نور بضحكه ساخرة وسط حُزنها/ حاضر يا ماما وهشرب اللبن واغسل سناني قبل النوم.
ضحكوا جميعهم رغم الحزن الذي بداخلهم.
هشام تقدم نحو شقيقته وقال/ انا مش عارف اقولك ايه غير انك هتوحشيني اوي وبجد مش متخيل البيت ده من غير وجودك فيه هيبقى عامل ازاي.. انا مش عايز اضايقك بس حقيقي انا مخنوق اوي انك هتسافري وتسيبينا.
نور بتأثر/ بجد انا مخنوقه اكتر منك يا هشام.. على الاقل انت معاك ساره وماما انما انا رايحه مكان غريب اول مره اروحه ولوحدي وهبقى وسط ناس انا معرفهاش.. انتم بجد هتوحشوني أوي.
ساره تقدمت نحوها وعانقتها وقالت والدموع تملئ عيونها/ انتِ اللي هتوحشينا اوي يا احلي اخت في حياتي.
نور عانقتها بشده والدموع تجمعت في عيونها وقالت بحب/ والله انتِ اللي احلي اخت بجد.
نور خرجت من حضن ساره ونظرت لها وتحدثت بجديه/ انتِ مكاني لحد ما ارجع يا ساره عايزاكي تخلي بالك من ماما وهشام.. ثم نظرت الي هشام واكملت.. وانت يا هشام مش محتاجه اوصيك خُد بالك من ساره وماما كويس.
حنان بإبتسامة عكس ما بداخلها من حزن/ متقلقيش علينا يا بنتي احنا هنبقى كويسين.. المهم انتِ خدي بالك من نفسك كويس اوي.
نور بإبتسامة/ حاضر يا ماما.. يلا يا هشام عشان توصلني المطار.
ساره بإصرار/ انا هاجي معاكم.
نور ودعت والدتها وذهبوا الاخوة وحنان اغلقت الباب وظلت تبكي على رحيل ابنتها.
ــــــــــــــــــــــــــــــــــــــــــــ✦
في المطار..
وصل مراد ومعه عائلته.
سوزان ببكاء/ خلي بالك على نفسك يا حبيبي وكل كويس.. والبس تقيل الجو في لندن بيبقى تلج.. ونام كويس..هتوحشني اوي يا مراد.
مراد بإبتسامة/ حاضر يا ماما هعمل كل اللي بتقولي عليه.. وانتِ كمان هتوحشيني اكتر.
لينا عانقته وظلت تبكي وقالت وسط بكائها/ ارجوك متسافرش يا مراد.
مراد بسخريه/ في ايه يجماعه هو انا ههاجر ولا ايه.. دول هما كام يوم وارجع.
طارق بجديه/ خلاص يا لينا سيبي اخوكي وتعالي هنا.
لينا تركت مراد و وقفت جانبا وظلت تبكي.
مراد نظر لها بشفقه وقال لها بحزن/ بطلي عياط يا لي لي ارجوكي.. اوعدك كلها كام يوم وارجع.. اتفقنا.
لينا هدات وقالت/ متتاخرش ارجوك.. كام يوم بس وترجع.
مراد بإبتسامة/ حاضر يا لي لي.
حازم نظر الي مراد وقال/ هتوحشني اوي على فكره.
مراد بإبتسامة/ وانت اكتر والله.. هنبقى على تواصل طول الوقت.
حازم هز رأسه بإبتسامة.. ومراد ودعهم ودخل المطار.
طارق بجديه/ يلا نمشي وقفتنا هنا ملهاش لازمه.
صعدوا السياره وطارق شغل السياره وذهبوا.
بعد مرور عدة دقائق وصلت نور.
نزلت نور من السياره وهشام نزل وراح يخرج شُنط نور.
هشام بمرح/ اده انتِ هتعيشي هناك ولا ايه.. ايه كل ده.
ساره نظرت الي الشنط وقالت/ دول يدوبك فيهم لبسها والميكب بتاعها بس.
نور ببراءه/ دي حقيقه.. زي ما ساره قالت كده.
هشام بصدمه/ بقى التهمتين دول فيهم لبس وميكب بس.. اومال لو هتعيشي هناك بجد هتعملي ايه.
ساره ونور ضحكوا بشده وهشام حمل الشنط واعطاها ل نور بغيظ.
نور تحدثت بعد ان استعادت ثباتها وقالت بجديه/ خدوا بالكم من نفسكم وادعولي ارجع بسرعه.
هشام بجديه/ خدي بالك انتِ على نفسك ومتهمليش نفسك.
ساره بحب/ تروحي وترجعي بالف سلامه يا حبيبتي وكل ما تبقى فاضيه اتصلي علينا.
نور هزت رأسها ونظرت لهم بإبتسامة و ودعتهم ودخلت المطار.
ساره عانقت اخيها وتحدثت بحزن/ هتوحشني اوي بجد.
هشام بحزن/ وانا كمان هتوحشني اوي.
ــــــــــــــــــــــــــــــــــــــــــــ✦
في الطائره..
كانت نور تبحث عن المقعد تباعها حتى وجدته ولكن انصدمت عندما رأت من سوف يجلس بجانبها.
نظر اليها وقال بإبتسامة استفزاز/ مفاجأة مش كده!!.
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية دكتورتي الجميلة)
