رواية همسه الفهد الفصل الثامن عشر 18 بقلم بسملة أحمد
رواية همسه الفهد البارت الثامن عشر
رواية همسه الفهد الجزء الثامن عشر
رواية همسه الفهد الحلقة الثامنة عشر
تاني يوم الصبح صحي مراد و دخل الحمام و خرج دخل المطبخ عمل قهوه و اخدها و راح قعد في الصالون و فتح اللاب توب بتاعه شاف حاجه في الشغل و قفله تاني و فتح فونه علي صوره لارين و هو بيتاملها و قال : هتبقي ليا يا لارين في يوم من الايام حتي لو انتي مش حابه هتبقي ليا غصب عنك اهااا عملتي فيا يا لارين و بعدها رن علي فهد الي كان نايم و صحي علي صوت الفون و قال : خير يا زفت علي الصبح عاوز اي
مراد : يا اخي نفسي مره تحترمني مره
فهد : خف في يومك مش طالبه علي الصبح بلاش صداع
مراد : يا عم ماشي انت لسه نايم لي
فهد : هو اي ال لسه نايم لي مراد انا عاوز أنام اقفل
مراد: طب و الشغل و الجامعه
فهد : مش رايح الجامعه و الشغل البركه فيك
مراد: دا بجد و الله
فهد : اها و الله معلش يا مراد عراف اني متقل عليك بس بجد محتاج انام و كمان همس تعبانه فا هروح ليها و ممكن أخرجها
مراد : و لا يهمك يا صحبي الف سلامه علي همس
فهد : حبيبي يا مراد تسلم
مراد بمرح: بس في مقابل
فهد : مادي حقير و ربنا
مراد : حبيبي يا فهود انت تشوف موضيع لارين دا بسرعه بدل بص لهعمل حاجه نندم عليها احنا الاتنين
فهد ضحك و قال : خلاص خلاص يا عم يلا طير خليني انام
مراد : ماشي يلا غور و قفل الفون و فهد كمل نوم و مراد قام عمل فطار لي نفسه و فطر و لبس و نزل راح علي الشركه
علي الساعه 12 صحي فهد و رن علي همس يشوفها و كانت لسه نايمه و صحيت علي صوت الفون شافت مين لقت فهد ردت و قالت : صباح الخير يا حبيبي اي المصاحك بدري
فهد : صباح الحلويات يا عيون حبيبك بدري اي الساعه 12
همس: بجد انا نمت كل دا ازي
فهد : نوم الهنا يا حبيبتي عامله اي حالا
همس : الله يهنيك الحمد لله احسن
فهد : الحمد لله يا حبيبتي بقولك اي
همس: اي يا حبيبي
فهد : ما تيجي نتغدا بره و نقضي اليوم بره انهارده
همس : و شغلك و الجامعه يا فهد
فهد : و لا رحت دا و لا رحت دا انهارده بتاع هموس و بس
همس : بجد يا فهد يعني هتفسحني
فهد : بجد يا عيون فهد هفسحك و اعملك كل الي انتي عاوزه انهارده بتاعك و بس
همس : حبيبي يا فهودي ربنا يديمك ليا
فهد : و يديمك ليا يا احلي حاجه في حياه فهودك يالا انا ساعتين و اكون عندك
همس : اشطا يا حب يلا باي خليني اجهز
فهد : باي يا مجنونه
قفلو سويا و همس طلعت علي نهال و قالت : نهول يا نهول
نهال : اي يا بنت المجانين علي الصبح مالك
همس : الله يسامحك المهم الولا فهودي حبيبي هيجي يخدني يخرجني
نهال: الولا و فهودك صبرني يارب عارفه يختي رن عليا و قالي
همس : حلو اوي يلا اروح اجهز انا
نهال : ماشي يا حبيبتي ربنا يسعدك كمان و كمان يا همس يارب
همس دخلت رنت علي فهد و استنت لما رد و قالت : اي يا فهودي بقولك
فهد : اي يا قلب فهودك
همس : اي رايك بما اني دي اول خروجه لينا مع بعض تيجي نلبس زي بعض و نعمل ماتشي
فهد : بس كده تحت امر اميرتي طبعا الي اميرتي عاوزه
همس : بحبك يا قلب اميرتك انت
فهد : انا بعشقك يا همستي ها نلبس الوان اي
همس : انتي عندك الوان اي و عاوز تلبس لون اي
فهد : عندي كل الالوان بس معظم لبس اسمر
همس : مممم اسمر طب اي رايك تلبس قميص اسود علي بنطلون جملي و حزمه سوده
فهد : عيوني يا همستي و انتي هتلبسي لي
همس : هلبس بلوزه سمرا علي جيبه جملي
فهد : هتبقي قمرايه يا همستي بس لو اللبس طلع في حاجه كده و لا كده هنكد عليكي و مش هيبقي فيه خروج
همس : لاء يا عم لا تقلقل كل تمام
فهد : اما نشوف يلا روحي البسي و انا كمان هقوم البس
همس : ماشي يا حبيبي يلا
و قفلو مع بعض و كل واحد قام لبس فهد لبس قميص اسود و بنطلون جملي و حزام نفس لون البنطلون و ساعه سمرا و الجزمه سمرا و بدأ يلبس و همس طلعت لبسها المكون من بلوزه سمرا علي جيبه جملي و طرحه نفس لون البلوزه و كوتشي ابيض
( مش نركز في الاوان اوي اي حاجه ها ها 😂😂 اهم حاجه الروايه)
و همس بدأت تلبس هي كمان و لما خلصت رنت علي فهد الي كان خلص لبس و رد و قال : اي يا حبيبتي خلصتي
همس : اها يا حبيبي و انت
فهد : خلصت اجي يلا
همس : اه يا حبيبي يلا مستنيك اهو
فهد : ماشي يا قمر يلا باي
همس : باي
همس كملت لبس و فهد اخد حاجته و نزل لاقي مامته قاعده راح بأس أيدها و رأسها وقال : صباح الخير يا ايمو يا قمر
ايمان بحب : صباح الخير علي عيونك يا حبيبي ها رايح فين كده
فهد : اخدت اجازه من الشغل و رايح اخد همس أخرجها
ايمان: مم قولتي و انا اقول الشياكه و الابتسامه دي لي ربنا يبارك ليكي يا همس عشان قدرتي ترجعي الضحكه الحلوه دي تاني
فهد : يا سلام يا ست ايمو يعني طول عمري مش شياكه و لا اي
ايمان: لاء طول عمرك شياكه بس انهارده مختلف
فهد : بجد يا ايمو يعني شكل حلو و البنات هتعكسني
ايمان : شوف الواد جرب تبص لوحده أو واحده تبصلك و همس هتعمل منكو شاورما
فهد : عندك حق الصراحه المهم اي رايك في الاوتفيت
ايمان : قمر يا حبيبي مشاء الله ربنا يحميك و يحمي همس و يسعدك ديما يارب
فهد : امين يا حبيبتي يلا أنا همشي عشان متأخرش عليها صحيح البت اروي فين
ايمان : في الجامعه
فهد : ماشي يلا باي و سابها و خرج ركب عربيته و مشي الحرس وصل تحت بيت همس و طلع فوق خبط الباب و نهال فتحت و قالت : اذيك يا حبيبي عامل اي
فهد باس ايديها و راسها : الله يسلمك يا نهول انتي عامله اي
نهال : حلوه يا بني ادخل تعال
دخل فهد و قال : اومال فين همس
نهال : جوه في الاوضه هدخل انادي عليه اهو
فهد : لاء سيبها براحتها
قعدو يتكلمو مع بعض لحد ما همس خرجت و راحت ليهم و قالت بمرح : هاي يا جماعه
فهد أول ما شافها قام و راح أخدها في حضنه و قال بحب : اي الحلاوه يا همستي
همس : فهد ابعد ماما عيب
فهد : يا لهوي علي فهد و سنينه يا بت انتي مراتي
همس : مممم و اي يعني عيب برضو
فهد : مش تخليني اخدك جوه الأوضه و اوركي العيب الي بجد
همس و فهمت قصده و وشها احمر و بعدت عنه و قالت : انت قليل الادب علي فكره
فهد ببرود و غمزه : عراف علي فكره
نهال ضربت فهد في كتفه بهزار و قالت : اتلم يا واد دا انا حتي قاعده
فهد : و فيها اي يعني يا نهول مش مراتي و بنتك قمر الصراحه و مدوخني ما تحني عليا يا نونو و تقدمي الفرح
نهال : لاء يلا بقي خدها و انزل قبل ما ارجع في كلامي و اقول مافيش خروج
فهد سحب ايد همس وراه و قال : لاء و علي اي انا ماشي احسن و بعدها نزلو و فهد فتح ليها باب العربيه و راح يركب و قال : ها اميرتي تحب تروح فين
همس : انت قولت اني اليوم دا بتاعي و الي هقوله هتعمله صح
فهد باس ايديها وقال : صح
همس : طب أنا عاوزه اروح الملاهي
فهد : ملاهي يا طفله
همس مدت شايفها لقدام و قالت بصوت طفولي : ايوه مش انت قولت اي حاجه انا عاوزه هتعملها
فهد باس شايفها و قال : الحركه دي مش تتعمل تاني عشان انتي الي هتعزلي في الاخر و اها قولت اي حاجه انتي عاوزه هعملها
همس : فين دا بقي ما أنت مش راضي تودني الملاهي
فهد : انا اقدر انا تحت امر اميرتي
همس : قلب اميرتك شكل حلو اووي
فهد : بجد يعني البنات هتكسعني
همس : طب خلي واحده تبص ليكي كده يا فهد أو انت بس علي واحده لهيكون اخر يوم في عمرك
فهد : اموت انا في قطتي الشرسه مافيش حد مالي عينك غيرك يا همستي
همس : أيوا كده اتعدل
فهد : و بعدين ما انتي موزه اهو أما نشوف هنضرب كام واحده انهارده
همس: كتير مش تعد اصل يا ببني مافيش حد يشوف الجمال دا و يسكت
فهد ضربها علي رأسها بخفه و قال : لا و حيات امك اعدل بدل ما اقولك مافيش خروج خالص
همس : لاء و علي اي يلا أمشي بقي عشان انا جعان
فهد : ماشي يختي و بعدها اتحرك بالعربيه و قال : تحبي تأكلي اي
همس : ممممم عاوزه اكل بيتزا و شاورما
فهد : عنيا لعيوني
همس : تسلميلي ها العيون
فهد : بحبك يا احلي حاجه حصلتي في حياتي
همس : و انا بموت فيك هات فونك اما اشغل اغاني
فهد : اتفضلي يا حبيبتي
همس : الباسورد اي
فهد : اميرتي و عيد ميلادها
همس : ها انتي عامل الباسورد كلمه اميرتي و عيد ميلادي
فهد : اها
همس : انت احلي فهودي في الدنيا
فهد : قلب فهودك
همس شغلت اغاني و قعدت تغني معها و فهد كمان اندمج معها و فضلو كده لحد ما وصلو المطعم نزلو من العربيه و فهد مسك ايد همس و دخل و قعدو و فهد قال : ها يا حبيبتي هتطلبي اي
همس : مش عارفه انا اخترت الاكل اختار انت بقي
فهد : بتحبي فراخ و لا لحمه
همس : لاء فراخ و انت
فهد : فراخ
همس : طب يلا اطلب بقي عشان انا جعان
فهد : حاضر يختي اخلص من أروي تتطلع همس
همس : مالنا بقي يا اخويا أن شاء الله
فهد : زي العسل انا قولت حاجه
همس : اها بحسب
فهد: لاء يختي مش تحسبي
و بعدها طلب الاكل و فضلو يتكلمو لحد ما الاكل جه و قعدو ياكلو و فهد ياكل همس و همس تأكله و الاتنين في عالم تاني مش شاغلين بالهم بالي حواليهم
و بعد ما خلصو اكل فهد قام يغسل ايده كان في شاب في المطعم عينه علي همس اول ما فهد قام راح ليها و قال : الحلو قاعد لوحده لي
همس بصت لي بقرف و خافت من جوها من فهد و قالت : نعم هو حضرتك بتكلمني انا
الشاب : في غيرك يا قمر
همس : لو سمحت امشي جوز لو جه و شافك الي هيحصل مش هيعجبك
الشاب : خليه يجي و نشوف مين الي هيكسب و للي يكسب انتي حلال عليه يا جميل
همس قامت و ضربته بالقلم و قالت : انت اتجننت يا حيوان انت
الشاب مسك أيدها و لسه هيضربها لقي الي مسك أيده و نزل في ضرب و مكنش حد فهد الي نزل في ضرب بكل غيل و الغيره سيطره عليه و قال : بقي عاوز تمد ايدك علي حرم فهد السيوفي دا انت امك داعيه عليك انهارده و نزل في ضرب و الشاب مش عارف يدافع عن نفسه و الي في المطعم خايفين يجيو جنبه همس راحت له بخوف و عياط و قال : خلاص يا فهد عشان خاطري سيبه هيموت في ايدك
فهد اول ما سمع عيطها رامه علي الارض و قام ليها و اخدها في حضنه و قال و هو بينهج : انتي كويسه عمل ليكي حاجه
همس بعياط : لاء ممكن نمشي
فهد : يلا يا حبيبتي
راح علي التربيزه ساب الفلوس و لم حاجته و مشي ركبو العربيه و اتحرك من قدام المطعم و بعدها وقف في حته هاديه و لما لاقي همس لسه بتعيط قال : مالك يا همس بتعيطي لي انتي كويسه
همس بعياط : اها بس كنت خايفه عليك اوي و اول مره اتحط في موقف زي دا
فهد اخدها في حضنه و قال : خلاص يا حبيبتي اهدي أنا كويس مافيش حاجه
همس : انا عاوزه اروح
فهد : تروحي اي احنا لسه عملنا حاجه اهدي يا همس مافيش حاجه مش هنكد علي نفسنا عشان كلب زي دا يا حبيبتي
همس : ماشي
فهد : يعني هنكمل اليوم
همس : اها و بعدها بعدت عنه و قالت: يلا قبل ما ارجع في كلامي
فهد ضحك و اتحرك بالعربيه و قال : بس اي رايك و انا بضرب حلو
همس ضحكت و قالت : قمر يا اخواتي بس خوفت منك
فهد : لي يا حبيبي
همس : مش عارفه ازي فهد الحنين الي معيا دا يبقي كده
فهد : يا حبيبتي قلبي دا المفروض لاني راجل و بعدين انسي اني في يوم من الايام اتعصب عليكي و لا للي انتي شوفتيه جوه دا يطلع عليكي انتي
همس : بجد يا فهد
فهد : بجد يا قلب فهد بس لو عملتي حاجه تضايقني هتتعاقبي
همس: لما اعمل بقي
فهد : ماشي يا لمضه يلا انزلي
نزلو و همس انبهرت من المكان و قالت : دي حلوه اوي
فهد : مش احلي منك يا همستي
همس : حبيبى يلا ندخل انا متحمسه اوي
فهد : يلا يا حبيبتي
دخلو و قعدو يلعبو و يضحكو و يتصور مع بعض و ناسين العالم كله و فهد جاب ليها دبدوب و فضلو كده لحد ما تعبو من كتر اللعب و قرور يروحو و هما خارجين من الملاهي لقووووو……..
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية همسه الفهد)
