رواية فاتورة قلب الفصل الثالث 3 بقلم جنى أحمد
رواية فاتورة قلب البارت الثالث
رواية فاتورة قلب الجزء الثالث
رواية فاتورة قلب الحلقة الثالثة
يونس بصدمة : انتي!!
نهاد وهي بتبص لسلسبيل بإستفهام : هو انتي تعرفيه يا سلسبيل؟
سلسبيل فاقت من اللي حصل : اه يما اعرفه الجدع دة قبل كدة كان هيخبطني بالعربية وكنت هروح فيها
يونس بعصبية : على فكرة انتي اللي غلطانة مش انا انا كنت ماشي بالسرعة القانونية ومركز في طريقي لاقيتك مرة واحدة في وشي وماشية مش مركزة وبتعدي الطريق وخلاص يعني انتي اللي غلطانة
سلسبيل بعناد : لا مش غلطانة انت اللي غلطان
يونس بعصبية : انا اتنازلت عن اهانتك ليه عشان انتي بنت بس مش هتنازل تاني على فكرة
ايمن وهو بيحاول يلطف الجو : خلاص ياجماعة حصل خير انتوا هتتخانقوا ولا ايه تعالوا اتفضلوا
عاملين ايه يا بنات بسم الله ما شاء الله كبروا يا نهاد دة انا اخر مرة شوفتهم كانوا حتة لحمة صغيرة
ابتسمت ليه نهاد ومشيت هي وضحى وايمن كان بيرحب بيهم
وسلسبيل ويونس كانوا بيبصوا لبعض ومحدش طايق التاني
عائشة برقة : تعالي معايا ندخل جوا انتي واختك ونقعد مع بعض شوية عقبال ما الاكل يتحط
سلسبيل وهي ماشية معاه بإبتسامة : طيب تعالي بدل ما انا واقفة مع لوح تلج
يونس بصلها بصدمة وتمالك اعصابه ومشى وسابها
يونس في سره : استغفر الله العظيم ياربي صبرني على الاسبوع دة
لا حول ولا قوة الا بالله العلي العظيم🦋
♕♕♕♕♕♕♕♕♕♕♕♕
بقلمي جنى احمد🤍
عند عائشة وسلسبيل وضحى
عائشة برقة : نورتونا وشرفتونا والله قوليلي بقى اسمك ايه؟
سلسبيل بإبتسامة : معاكي العبد لله سلسبيل
نظرت لها ضحى بتبريقة وعائشة كملت كلامها
عائشة استغربت طريقتها بس كملت كلامها عادي : الله اسمك حلو اوي تعرفي ان اسم سلسبيل دة يونس اخويا بيحبه اوي وانا عائشة
سلسبيل وهي ضامة حاجبيها : هو لوح التلج اللي برا دة يبقى اخوكي
عائشة بضحك مفرط : شكلك لذيذة اوي اه ياستي اخويا
سلسبيل بعفوية : ايش جاب لـجاب يا اختي دة انتي نسمة وهو شبه عمود النور
عائشة بضحك: طب اسكتي بقى عشان لو سمعك هيعلقك على عمود النور اللي برا دة وهيوريكي شغل الظباط بجد
سلسبيل بفضول وتساؤل : ايه دة هو يبقى ظابط؟.
ضحى بتنهيدة : ما خلاص بقى يا سلسبيل كفاية اسئلة عايزين نقعد مع بعض شوية
سلسبيل بفضول: اقعدي على جنبك يابت كملي يا عائشة
عائشة بإبتسامة : بصي انتي شكلك فضولية زيي عشان كدة هجاوبك اخويا يونس اللي انتي شوفتيه دة ظابط وهو اصلا من وهو صغير كانت كل ألعابه عربيات شرطة وظباط وكان حلمه يبقى ظابط والحمدلله بقى ظابط شاطر كمان وبفضل الله اي قضية بيمسكها واي مهمة بينجح فيها
سلسبيل : اه ما شاء الله عليه ما هي الجتة دي جتة ظباط شكله وطريقته.
ضحى بملل : خلاص بقى يا سلسبيل سيبي الراجل في حاله انتي ماسكاه غسيل ومكواه من ساعة ما جينا
سلسبيل بإبتسامة : لا بس انا حبيتك كدة من الله فيكي قبول كدة
عائشة بخجل : ربنا يحفظك يارب دة من ذوقك
الخادمة دخلت عليهم وقالت بإحترام: الاكل جهز يا عائشة ويونس واستاذ ايمن مستنيكوا برا
عائشة اومأت لها وقامت وقالت : يلا يا بنات نطلع ناكل برا
سلسبيل بفضول : هي بتناديكي عائشة كدة اصل في المسلسلات بيقولوا هانم
عائشة بإبتسامة: اه عادي اصل ماما حسناء هي اللي مربيانا انا ويونس من واحنا صغيرين عشان كدة احنا متعلقين بيها وبنعتبرها زي مامتنا،
يلا نطلع ناكل.
وبالفعل طلعت سلسبيل وضحى وعائشة وقعدوا على سفرة الطعام ما عدا سلسبيل والخادمة كانت بتحط الاكل وسلسبيل حبت تساعدها
سلسبيل وهي بتاخد منها الطبق : هاتي عنك انا هحطه
الخادمة بنفي : ابداً والله انا هحطه اقعدي انتي
سلسبيل بعند : والله ما يحصل انا اللي هحطه
وسحبت منها الطبق جامد وفي شوربة وقعت على ايد سلسبيل وسلسبيل من سخونية الشوربة وقعت الطبق على يونس
يونس قام من على الكرسي وهو مغمض عينه من الآلم واكتفى بنظرة ليها
سلسبيل بألم مكان الشوربة : اسفة والله كنت عايزة اساعدها مش اكتر
يونس وهو بيغمض عينه عشان يهدي عصبيته وعشان عارف ان كان قصدها خير : حصل خير مافيش حاجة
نهاد بتحذير : سلسبيل اقعدي مكانك حالاً وكفاية لحد هنا
يونس بصلها لما عرف ان اسمها سلسبيل وابتسم لانه بيحب الاسم دة جداً وبعدين ادرك هو عمل ايه ورجع لطبيعة وشه تاني
يونس بإحترام : هستأذنكوا هطلع اغير هدومي وانزل
نهاد بإبتسامة : اتفضل يابني اذنك معاك
عائشة وهي بتحاول ترجع سلسبيل لطبيعتها : عادي يا سلسبيل انتي معملتيش حاجة انتي كان قصدك خير وكمان يونس اتفهم الوضع ومزعلش خلاص فكي كدة
ايمن بهدوء : خلاص يابنتي حصل خير مافيش حاجة يلا بسم الله نبدأ في الاكل
سلسبيل كانت بتاكل وهي متدايقة حسيت انها غلطت في حق يونس لما كان هيخبطها وهي اللي غلطانة زعقتله وهو مكلمهاش وهي لما وقعت عليه الشوربة مزعقلهاش وبهدلها زي ما عملت معاه
استغفر الله العلي العظيم واتوب اليه🦋
♕♕♕♕♕♕♕♕♕♕
يونس كان واقف تحت الدش وهو بيتألم من الوجع
طلع من الشاور حط مرهم حر،،وق على بطنه ولبس هدوم خفيفة وسرح شعره
يونس بتنهيدة : الحمدلله انها جت على قد كدة ويارب الهانم تتعلم بقى يارب عدي الاسبوع ده على خير
وبعدين ابتسم على عفويتها وطيبتها وهي بتساعد الخادمة : هي برضو يا يونس كان قصدها خير يعني
ونزل ابتسم للجميع وقعد معاهم عشان ياكل
عائشة وهي بتبص ليونس : انت كويس يا يونس
ابتسم لها يونس بحب على خوفها : اه يا حبيبتي كويس خدت شاور وحطيت مرهم والحمدلله
سلسبيل بحزن باين في عينها : انا اسفة مرة تانية على اللي عملته
يونس بجدية : ولا يهمك انتي كان قصدك خير
عائشة بإبتسامة : شوفتي يونس اخويا طيب والله ومزعلش
ضحى بتنهيدة : يلا ياجماعة بالله عليكوا ناكل الاكل برد
ابتسموا جميعاً وبدأوا ياكلوا واللي كانت نهاد قاعدة بتبص على سلسبيل كل شوية وضحى مندمجة مع عائشة لكن قطع حديثهم مكالمة فون يونس
رد يونس بهدوء : الو ازيك يا ادهم عامل ايه
ادهم بفرحة : سيبك من الترحيب لاقينا دليل يثبت براءة المتهم لازم تيجي دلوقتي حالاً القسم
يونس وهو بيقوم: طيب كويس اوي فرحتني مسافة الطريق واكون عندك …
وقفل يونس وبصلهم بإبتسامة
يونس بإبتسامة : بعتذر جامد يا جماعة بس لازم امشي دلوقتي في شغل مهم كنت اتمنى نقضي وقت بس للاسف
اومأ له الجميع وهو غسل ايده وركب عربيته واتجه الى القسم
لا إله إلا الله وحده لا شريك له🦋
♕♕♕♕♕♕♕♕♕♕
بقلمي جنى احمد🤍
وصل يونس القسم بسرعة قياسية ودخل مكتبه ودخل وراه ادهم
ادهم بحماس وهو ماسك فلاشة : دي كاميرات فيلا من احدى الفلل المحاوطة واللي بينت ان المجـ،،ـرم هرب من الباب الخلفي للفيلا ودة اللي بيطلع منه الخدم والحراس وكدة وركب عربية بس للأسف زاوية الكاميرا من الجنب ورقم العربية مش ظاهر
ولما راجعنا الكاميرات القديمة لاقينا ان هو هو نفس الشخص اللي هرب من الباب الخلفي كان جاي قبل وقوع الحدث بساعة الا ربع بس وكان لابس قناع وكسر الكاميرا ظنناً منه ان كدة امن نفسه
يونس بعملية وتركيز: يبقى كدة الموضوع باين اوي ان المجـ،،ـرم هو دة اللي قتـ،،ـلها وكسر الكاميرا زي ما قولت عشان يأمن نفسه
وهرب من الباب الخلفي والمتهم بيقول ان صديقه اتصل بيه ولما دخل لقى المجني عليها مقتـ،،ـولة الموضوع اتلبسله
ادهم بغموض : ولو خلينا المتهم يرن على صديقه اللي هو اكيد المجـ،،ـرم مش هيرد اكيد كسر الخط
يونس وهو بيفكر : بس هو المجـ،،ـرم كان بيعمل ايه عندها الفجر وحتى ميقربلهاش حاجة ولو يقربلها اكيد مش جاي يزورها
ادهم بهدوء : معروف عن البنت دي انها سمعتها وحشة ولما حققنا مع معظم الناس اللي عارفينها قالوا انها مرتبطة ودة حبيبها والباقي مش هقوله انت عارفه وكمان الطب الشرعي اثبت حاجة
يونس وهو حاطط ايده على خده بسخرية : ايه لتكون حامل
ادهم بتنهيدة: للاسف اه ومش بعيد يكون دة سبب قتـ،،ـلها كدة انها طالبت انه يتجوزها او هددته بحاجة عشان متعرفش الناس
يونس بتنهيدة : استغفر الله العلي العظيم مخافتش من ربنا طيب حتى مسألتش نفسها هقول ايه لربنا لما تتحاسب ومعرفتش انها بتعمل ذنب من اكبر الكبائر واهي نهايتها
اتقـ،،ـلت برصا،،صتين في دماغها
ادهم وهو بياخد اللاب توب: دلوقتي هنعمل كل تحرياتنا وهندور لو في كاميرات تانية نقدر نشوف منها رقم العربية بس احنا برضو وصلنا لنقطة مهمة
يونس وهو بيقوم: انا همشي دلوقتي انا جيت بس عشان اشوف الموضوع دة وهاجي بكرة بدري عشان نكمل القضية
ويونس سلم على ادهم وركب عربيته واتجه للفيلا وهو بيفكر في القضية
استغفر الله العظيم واتوب اليه🦋
♕♕♕♕♕♕♕♕♕
بقلمي جنى احمد🤍
وصل يونس الفيلا وركن عربيته ودخل الفيلا لقى سلسبيل وضحى وعائشة قاعدين بيضحكوا ويهزروا بس بعدين قفل عيونه بغضب وغيرة
يونس بغيرة : تقدري تقوليلي يا ست هانم ايه اللي مطلعك الجنينة بشعرك كدة افردي حد شافك
سلسبيل ببرطمة : يييه يارتنا كنا جبنا سيرة مليون جنيه
عائشة وهي بتقوم: يا يونس احنا بليل ومحدش شايفني والفيلا متحاوطة اهي انا ليه ألبس طرحة وسط بنات
يونس بنفس الغيرة : بردوا تقعدي بطرحة انشالة تلفيها اي حاجة وتداري شعرك
عائشة بتفهم غيرته : حاضر يا يونس حاضر
ودخلت عائشة وسلسبيل وضحى وقعدوا مع ايمن ونهاد
وكان هيطلع يونس يقعد في غرفته فوق لكن ايمن نادى عليه
ايمن وهو بيبص ليونس على السلم : تعالى اقعد مع الضيوف شوية دة انت حتى سبتنا على الغدا ومشيت
يونس بص لجده بمعنى في بنات وكدة
ايمن بإبتسامة : طب حتى تعالى سلم على نهاد بنت عمة ابوك واقعد شوية واطلع
يونس نزل احتراماً لجده وسلم على نهاد بإحترام وترحيب وقعد جمب عائشة
كان في الوجهة كرسين كرسي لنهاد وكرسي لأيمن
والجانب التاني كنبة عليها سلسبيل وضحى
وكنت مقابلة ليها عليها يونس وعائشة
ايمن بإبتسامة لضحى : عرفت من نهاد انك في تانية ثانوي ادبي وعايزة تدخلي كلية ألسن قسم انجليزي
عائشة بتعجب وابتسامة : ايه دة زيي انا بدرس في كلية ألسن بس قسم تركي
ضحى بإبتسامة : لا دة احنا شكلنا هنبقى صحاب اوي بقى
وكمل ايمن كلامه : و كمان سلسبيل بتدرس اخر سنة حقوق ما شاء الله
يونس في سره : يعني عندها 22 سنة
وبعدين اكمل وهو بيوبخ نفسه : ايه الهبل دة وانت مالك
الخادمة دخلت عليهم وايمن طلب منها واجب الضيافة واكمل يونس
يونس بإحترام : ماما حسناء ياريت من فضلك تعمليلي فنجان قهوة مظبوط
عائشة بتنهيدة لسلسبيل : تيجوا نطلع نتمشى شوية في الهوا كدة
ايمن وهو بيحط كوباية القهوة على الصنية : فكرة حلوة واهوا بالمرة تتعودوا على بعض
يونس وهو ضامم حاجبيه : هتطلعوا تتمشوا لوحدكوا كدة؟!
عائشة وهي مشبكة ايدها في بعض : يعني لو مفيهاش رخامة ياريت تيجي معانا انت يعني
سلسبيل غمضت عينها وقالت في سرها : يارب ما يوافق مش عايزاه ييجي معانا مبطيقوووش
يونس بعناد : ماشي هاجي معاكوا
عائشة سقفت بحماس وفرحة وطلعت جري تغير هدومها وطلع يونس غرفته يجيب حاجة محتاجها ونزل تاني في انتظار عائشة
وبعد ان انتهت عائشة ونزلت ، مشيت هي وسلسبيل وضحى قدام ووراهم يونس بعيد شوية بحيث انه يبعد عن سلسبيل واختها
عائشة كانت بتتكلم مع ضحى وتهزر معاها وسلسبيل كذلك ومكانوش بيضحكوا لانهم ماشيين في شارع كانوا بيكتفوا بإبتسامة بسيطة او ضحكة بصوت منخفض
وكان متابعهم يونس وحاطط راسه في الارض واعجب بأخلاق سلسبيل ولبسها المحتشم والواسع
وجتله مكالمة تليفون من ادهم وفضلوا يتكلموا على مواضيع بخصوص الشغل وكدة وكان مندمج اوي بس مركز معاهم
كان بيكلم ادهم وباصص في الأرض لكن قطع مكالمته صوت شاب وهو بيعاكس اخته
الد،،م غلي في عروق يونس وعينيه اتقفلت بضيق من غضبه وغيرته وعروق ايده ورقبته برزت
يونس بعصبية وغيرة : دة انت ليلة امك سودة انهاردة
وراح عليه يونس وضرب جامد بالبوكس في وشه والشاب رفع ايده عشان يضرب يونس بس يونس كان اسرع منه ومسك ايده لواها ورا ضهره بغل وضربه براسه في وشه وقع على الارض
وبعدين يونس شاله من على الارض تاني : دة انا مش هسيبك بتتجرأ وتعاكس اختي دة انا هدشملك
وكمل فيه ضرب بعصبية وكل ما يتعب يفتكره لما يعاكس اخته يكمل ضرب تاني
كانت عائشة بتعيط وتحاول توقفه ،
لكن لا حياة لمن تنادي؟!
لقد غضب الوحش الذي بداخله
وسلسبيل كانت قاعدة في ركن وبتعيط ،
لكنه مش عياط خوف! ، يبدو انها تذكرت امر ما
بعد ما يونس تعب من الضرب قام وهو بياخد نفسه وايده مليانة د،،م وطلع الكارنيه بتاع هوية الشرطة بتاعه
يونس بفحيح اعمى : دي حاجة بسيطة عشان لما تفكر تدايق بنت العلقة دي تفكرك
الولد كان مرمي على الارض ووشه كله بيـ،،ـنزف د،،م وبياخد نفسه بالعافية ومش قادر يقوم
يونس اخد عائشة في حضنه وطمنها
وكل دة ضحى واقفة من غير ردة فعل واقفة مصدومة بس
وكانت سلسبيل لسة بتعيط بشحتفة
يونس بخوف على عياطها الشديد : في ايه مالك؟
عائشة حضنتها ولسة هتتكلم صرخت فيها سلسبيل
سلسبيل بعياط هستيري : ابعدييي عنيي سيبيني لوحدي
ضحى طبطبت عليها وهي بتهديها : خلاص يا سلسبيل الموضوع خلص والولد اخد جزاءه
سلسبيل بعياط : شيلي ايدك من عليااا
ضحى بزعيق عشان تفوقها : سلسبيل متخليش الماضي يتغلب عليكي
كانت سلسبيل لسة قاعدة بتعيط وكل ما تفتكر الموقف تعيط اكتر
يونس بهدوء : لوسمحتي يا آنسة سلسبيل يلا نروح وهدي نفسك ولازم تروحي هادية عشان جدي ووالدتك
انا معرفش ايه اللي اتعرضيتله في الماضي بس دة ماضي وخلص مش هنفضل واقفين عند نفس النقطة متأثرين لازم نتخطى ونعدي
سلسبيل رفعت راسها ليه بعيون مليئة بالدموع ووشها احمر وحسيت ان كلامه هداها شوية وقامت ومشيت مع ضحى وعائشة ويونس مشي وراهم وهو بيفكر في سلسبيل وايه سبب عياطها الهستيري دة وكمان ايه ممكن تكون اتعرضتله في الماضي
فضلوا ماشيين لحد ما وصلوا الفيلا ودخلوا بهدوء وكانت سلسبيل هديت ويونس استأذن من الجميع وطلع وعائشة وضحى اصروا على سلسبيل انها تقعد في الجنينة معاهم وتطلع من المود بس هي مردتش وحبت تطلع
عائشة دلتها على غرفتها هي وضحى ، وسلسبيل طلعت فوق
عائشة بتساؤل: يعني لو مافيهاش احراج ايه سبب ان سلسبيل تعيط العياط دة كله انهاردة مستحيل يكون عياط خوف هي كانت بتعيط من حاجة تانية كمان انتي قلتلها متخليش الماضي يتغلب عليكي
ضحى بتنهيدة : سلسبيل مبتحبش تتكلم في الموضوع دة بس انا هقولك بس الكلام دة ميطلعش برا
اومأت لها عائشة وكملت ضحى : سلسبيل من سنتين اتعرضت لموقف وحش اوي للاسف ولما صوتت وقالت للناس اللي معاها محدش صدقها وكله قالها يمكن فهمتي غلط
حرام متظلميش الراجل
يمكن مش قصده وكلام من دة
عائشة بفضول : ايوة ايه هو الموقف بقى؟
ضحى وهي بتغمض عينها بحزن : للاسف تحـ،،ـرش
برقت عائشة بصدمة وكملت ضحى كلامها
ضحى وهي بتبص للسما : ودة اللي مخلي سلسبيل بالطريقة دي يبان ان سلسبيل سرسجية ومسترجلة بس هي والله ارق من الرقة ومن بعد الموقف دة وهي بقت كدة
عائشة : يا حرام المفروض الراجل دة يتعاقب لانه في نظر القانون جر،،يمة ونظر الدين حرام
قاطعتهم نهاد اللي دخلت عليهم بإبتسامة
نهاد بإبتسامة: ايه هنفضل قاعدين للصبح ولا ايه نسيب الناس تريح بقى ونطلع احنا كمان
قامت ضحى وحضنت عائشة وكلهم طلعوا والفيلا انوارها اطفت
اللهم صلِّ وسلم وبارك على سيدنا محمد🦋
♕♕♕♕♕♕♕♕♕♕
بقلمي جنى احمد🤍
كانت سلسبيل غيرت هدومها واخدت شاور وسرحت شعرها وهديت وخدت نفس عميق
سلسبيل : الماضي انتهى واحنا صحاب الحاضر ركزي في مذاكرتك ومستقبلك
وطلعت كتبها وقعدت تذاكر ودخلت عليها ضحى لاقيتها هديت وبتذاكر ابتسمت ودخلت تاخد شاور هي كمان
طلعت ضحى مقدرتش تذاكر نامت وسلسبيل فضلت سهرانة لحد الفجر
(طبعاً نهاد في اوضة لوحدها)
الفجر اذن وقفلت سلسبيل الكتب وقامت تتوضأ ولبست الاسدال وحطيت المصلية وفضلت تستغفر ربها لحد ما جه وقت الصلاة
صليت سلسبيل الفجر والسّنة كمان وخلصت حسيت بعطش
سلسبيل بزهق وهي بتتفحص اركان الاوضة : مافيش حتى ازازة مية ابل بيها ريقي ،
ياربي هنزل الفيلا دي كلها وانا معرفش اصلا المطبخ فين .
نزلت سلسبيل الفيلا تدور على المطبخ والدنيا ضلمة وهي ماشية وقعت فازة فيها ورد واتكسرت وعملت صوت
سلسبيل بفزع : يا نهار اببض اعمل ايه دلوقتي انا مش شايفة حاجة ، خلاص بقى هسيبها وانا بكرة اقولهم انا كسرتها
ومشيت سلسبيل لقيت بصيص نور بسيط في المطبخ وبصيت في المكان لاقيت بوتجاز ودواليب مطبخ عرفت ان دة المطبخ
فتحت الفلتر وشربت مية بس فجأة عينها اتسعت من الصدمة لما سمعت خطوات شخص ماشي ومسـ،،ـدس متصوب على راسها و….
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية فاتورة قلب)
